Во хипотетична ситуација врз Македонија да падне метеор/метеорит, астероид или нешто слично, кој би бил пристапот и на македонските медиуми во известувањето за овој настан?
Сосема фиктивни „наслови на денот“ низ призма на уредувачките профили на локалните медиуми:
МРТВ: Владини претставници го посетија кратерот и му ветија помош на локалното население.
А1ТВ: Голем број повредени и огромна материјална штета во удар на метеор.
Канал 5: Канал 5 дознава, метеорот летал со брзина од 500км на час!
Сител: Претходната влада на СДСМ не обезбедила средства и не направила ништо за планирање на спасувачки акции при удар на метеор.
МТВ2: Тачи: Ахмети и Црвенковски знаеле за метеорот и не ја информирале јавноста!
Вечер: Рејтингот на Груевски зголемен по ударот на метеорот!
Време: Скандал! Владата знаела за метеорот, одвоила средства за помош и ги потрошила за подароци за свадбата на премиерот!
Вест: Ексклузивни фотографии на Натали покрај кратерот: „Сакам жешки работи!“
Дневник: Метеорот ја зовре атмосферата помеѓу партиите во парламентот.
Утрински весник: Полицијата направи спектакл од ударот на метеорот.
Капитал: ММФ и Светска банка нудат грантови за помош.
Форум: Ударот на метеорот ќе ги влоши позициите на Европската унија во Македонија за разлика на оние на САД.
Фокус: Црвенковски и неговата сопруга стојат зад ударот на метеорот!
:))))))))))))))))))))
Падот на метеорот предизвика кратер и во Блогосферата. Помеѓу блогерите се шири штафета за тоа кој како го доживеал паѓањето на метеорот и зошто медиумите не линкаат метеорски информации, а некои прашуваат и кој го организира падот и со каква намера – дали тоа е природна појава или индивидуален избор. Пуст останал и метеор, што му требаше да паѓа тука баш :)
Комплетна анализа за сувопарноста на мак-бљак медиумите… Но затоа тука е блогосферата да разбие :)
Светла точка: Помалку симптоматично, но нели сметате дека во овој реформиран контекст, Премиерот не е во фокусот на вниманието, но во ист момент, кратерот, чинам ги систематизира состојбите во теренот, но и покрај настраданото население, можеме да кажеме дека денес, тоа повеќе не е така.
А одлична е парафразата за светла точка :), баш така некако, како гатанка…
ауу. одлично…
пошто веќе се зафркававме со вечер и неговите „рејтинзи“, тоа ми е хајлајц :)
добра е и светла точка…
а еднооки, како би биле они: абе баче, зимај тоа лопатите да ојме, каде бе да ојме баче, абе да ја закопуваме дупката бе баче од метеорот…
супер…
Вуна:
[слика од кратерот]
Да се закопа!
:)
btw метеорит е метеор кој влегол во земјината атмосфера (и не согорел туку паднал на земјата и направил кратер или слична беља).
Генијално, и текстот и коментарите!