Media & Marketing Blog

Новите медиуми во политичката комуникација, епизода Избори

Ризикувајќи да станеме дел од т.н. предизборна еуфорија (иако во текстов нема да има баш ништо еуфорично :), сепак решивме да направиме кус осврт на тоа како политичките партии ги импрегнираат новите медиуми во политичката кампања, и како самиот медиум се користи и како еволуира за овој специфичен тип на комуницирање. Како никогаш порано во историјата (цитат од еден портпарол 🙂 интернетот и новите медиуми најдоа место (конечно 🙂 во политичките кампањи, како еден од подобрите инструменти да се пренесат политичките пораки. Во оваа новонастаната ситуација кибер-просторот е најползуван од двете водечки партии, ВМРО-ДПМНЕ и СДСМ, т.е. нивните коалиции:

untitled2.JPG

koalicija sonce blog

Резимирано за двете коалиции одеднаш:

Добро: Блогови, YouТube канали, MySpace, Facebook, Hi5 итн.

Навистина добро се потрудиле да ги персонализираат, т.е. обојат (ајде еве и нека биде, да ги брендираат) своите различни домови низ интернетот. Некои од нив нови, направени, веројатно, за кампањава, некои од нив веројатно постари. Тука се вбројуваат личните акаунти на Рада и некој од личните блогови, за кои знаеме/претпоставуваме дека се од поодамна.

Добро: Видео, аудио, документи, коментари итн.

Многу, ако не и цел материјал кој го создаваат за кампањава може да се најде и онлајн. Редовно надополнувани (претпоставуваме, така ни изгледа, не дека ги проверуваме секој ден 🙂 и евидентно, многу штедење на пари. Скоро сите материјали се поставени на некој бесплатен онлајн сервис, што секако до одредена мера е паметен потег.

Лошо: Ич, ама баш ич нема “social” во овие нивниве употреби на social media. Содржината на блоговите оригинално е наменета за на говорници, за документарци кои се пуштаат на ТВ со лого ППП, за традиционални медиуми, за аналитичари, новинари и за еден куп други места, само не се за на блог, per se. Долги постови, обраќање кон различна публика во секој пост, постови без ни малку лично искуство или личен коментар барем за тоа како си поминале на митинг, без она што блогот го пави блог: индвидуалното, личното. Видео клипови кои се направена за на ТВ а не за влогови, кампањи кои се оригинално за принт а не за вирално пренесување низ интернетот и фотографии како декор, а не како некоја транспарента/задкулисна информација која ќе фрли ново светло на своите кандидати.

Photobucket е добар сервис, кој нуди навистина многу опции, ама и тука важи истата забелешка како горе. Не е “social” воопшто. Можеле да потрошат 20 долари за FlickerPro на пример. Ова само за ВМРО, бидејќи СДСМ и нема акаунт на фото-сајт.

Веројатно, како последица на тоа блоговите не се многу посетувани, нема многу коментари, и едноставно (се уште) не се дел од дискусијата.

koalicija sonce blog

untitled2.JPG

Заклучок: (за да изглeда постов како тие на Трибун 🙂 Одлично е што брзо се прифатија голем број нови сервиси и канали преку коишто може да се искомуницира предизборната пропаганда, но сепак ефектот од нив веројaтно ќе биде премал, а како една од можните причини е нивната единствена употреба како веб скалдишта или магацини за купиштата материјали кои и онака (како и во сите други кампањи досега) неуморно ги правеа.

Сликичките со линкови ги има два пати за да нема коментари на тема пристрасност 😉

ps: Постов го пишувавме двајцата, колку да се знае 🙂

11 коментари на “Новите медиуми во политичката комуникација, епизода Избори”

  1. ribaro

    Кога се работи за блоговите на партиите кои испонарипаа предизборно, најинтересно ми е што кога ќе им ставите коментар, одговара некој сосема некомпетентен идиот кој стои како администратор. Баш заприметив еден таков коментар (кој патем беше сосема коректен и прашуваше нешто) а од другата страна „домаќинот“ му реплицира со коментар: А кој прашува? Дно!

    Сè додека се омаловажува моќта на блогот и блогосферата нивните блогови ќе останат минорно посетени и едино од нивните партиски војници за хвалоспевки. Истото беше и на минатите парламентарни избори истото е и сега.

    Освен со квантитет, квалитативно се немаат помрднато ама баш ни малку.

  2. Волан

    За мене добар блог е само ЛИЧЕН блог … за партиите доволно им беа сајтовите … затоа и блоговите на партиите немаат коментари … никој незнае на кого му се обраќа … башка се што има на блогот има и на сајтот … и затоа сметам дека таквите партиски блогови се прмашај и залудно трошење на време … на некои партијски војничиња кои сакајки да поработат нешто со своите партијски блогови дејствуваат само СПАМЕРСКИ …

  3. Волан

    Вашиов блог е работен од повеќе луѓе … но секојпат на почетокот или на крајот стои кој е авторот … значи одразува ЛИЧЕН став …

  4. Трибун

    🙂

    Изгледа, изгледа.

    Одлична анализа. Треба по весници да пишувате. Можеби веќе тоа го правите, но не сум препознал.

    Поздрав,

    а

  5. sead93

    Трибун фала срдечно, тук и там се појавуваме по „класични“ медиуми (главно неделни магазини), но онлајн е нашиот домашен терен 🙂 Ако Дарко не мисли така нека пише коментар, ама знам дека нема да пише 🙂

  6. Koalicija Sonce

    Ви се заблагодаруваме за поддршката во нашето настојување за промоција на политичката кампања преку новите медиуми, како и за редовната посета на нашите акаунти.

    Поздрав,

    Блог тимот на СОНЦЕ Коалицијата за Европа

  7. sead93

    Filip, fala sto si gi priopstil tekstot i na angliski, much appreciated 🙂

Коментарите се затворени.