Идејата почнува од ова прашање: Што ако Axe лансира кампања како за авио компанија? И што ако луѓето всушност поверуваат, наседнат? Тоа на Axe фино ќе му се исплати. Тонот на комуникација на овој бренд од секогаш бил секси, и по тоа брендот е препознатлив.

Кампањата е во неколку фази, во првата целта е да се пуштат гласини за нова авио-компанија (viral, digital, ПР и промоции на самите аеродроми), во втората да се поткрепат гласините (ТВ, радио, принт, ББ, промоции, медиски партнерства, членство во Mile High Club) и третата разоткривање на “мистеријата” преку добра забава и многу смеа (нови ТВ, радио, дигитал, промоции, ивенти… и плус уште малку ПР).

Се’ во “фазонот” на Axe.

Во сите фази, алатки и комуникациски канали (и кај нив, и кај нас) го има истакнато web сајтот на крајот (дури и ако прво се јави на некој од телефоните, ќе го упатат до web-от), за всушност гледачот/читателот да се обрати токму таму за повеќе информации, откако ќе биде доволно (пријатно) “испровоциран” од сите други алатки: ТВ реклама, радио реклама, принт, промоција, секси стјуардеси што се шетаат на околу и делат флаери и членски картички за Акс клубот на “летачите”….

Значи, сајтот треба да е клучната алатка во целата комуникација, каде всушност може да се види дека се работи за Axe Jet дезодоранс, и каде се пренесуваат сите информации за брендот.

И во Австралија првите објави во медиумите и по блогови се на тема “нова авио компанија” (тоа е нели планиран и очекуван ефект во првата фаза), ама видете од case study-то колку клика имале на сајтот на AxeJet, и за колку кратко време! Значи, таму кампањата имала успех – некој ја забележал, па влегол на сајтот да се информира за што се работи, па напишал текст…

…за разлика од Танјуг и српските медиуми, кои сеуште не ми е јасно како тоа они сфатиле дека се работи баш за МАКЕДОНСКА авио компанија?!?! :)

http://www.youtube.com/watch?v=8PvIdnaJ_C0#
(датумот на постирање на видеото на јутјуб е од 2006, ама има и постари датуми, така што….)

Башка тоа требало барем да проверат што е Акс Џет.