Со мало закаснување ама еве ја пренесувам и оваа информација:
Во организација на Институтот за социолошки и политичко-правни истражувања и невладината организација СУНА, вчера во Скопје се одржа трибината на тема “НВО и медиуми – коалиција за демократски промени”.
На трибината, на која учествуваа по двесестина претставници од граѓанскиот сектор и медиумите, за жал не се разви конструктивна дискусија за искуствата од досегашната соработка и преминувањето на евентуалните пречки за соработка. Средбата го потврди евидентниот недостиг од квалитетна и постојана соработка на граѓанскиот сектор со медиумите како и фактот дека моменталниот повремен, несоодветен и неефективен пристап на медиумите кон невладините организации и обратно, резултира со непрепознавање на улогата и значењето на граѓанскиот сектор.
На прес-конференцијата што и претходеше на трибината беше најавено дека оваа средба е само дел од проектот “Регионален развој на капацитетите на граѓанското општество во Србија, Косово и Македонија”,во рамките на програмата КАРДС, што во соработка на ИСППИ и невладината организација СУНА ќе опфати уште четири вакви средби за различни аспекти од вклученоста на НВО во општествените случувања. …повеќе
Извор: НВО Инфоцентар
Од Jovan 22 November, 2005 - 8:20 pm
Еве едно НВО искуство од пред 3-4 години: имам поминато повеќе обуки во МК и во странство за ПР и можам да кажам – многу правила што важат на запад не важат тука. На пр. еден од основните начини на комуницирање со јавноста на запад е преку прес рилисови, а во МКД или не ми ги објавуваат или ги ставаат во писма од читатели :(
Не е работа на здруженијата на граѓани да бидат професионални во ПР иако е пожелно. Неопходно е новинарите да бидат професионални со ПР активностите на другите елементи од општеството, а за жал не секогаш е така.
Од Komunikacii » Избор на медиум со најголем придонес 14 September, 2006 - 11:17 am
[...] Се надевам дека оваа иницијатива ќе донесе позитивни резултати во процесот на зближување на паралелните светови. Technorati Tags: медиум, медиуми, МИМ, македонија, ИТЗ, НВО, избор, граѓанско општество, развој, . [...]