Како тргна приказнва. Го читав посот на Paul Bradshaw – 1000 things I’ve learned about blogging и меѓу многуте корисни работи (некои веќе познати, некои нови) наидов на еден линк кон BoingBoing каде Cory Doctroy преку еден фин пример вели: Content isn’t king.
Content isn’t king. If I sent you to a desert island and gave you the choice of taking your friends or your movies, you’d choose your friends — if you chose the movies, we’d call you a sociopath. Conversation is king. Content is just something to talk about.
Не е ново ова, постот таму е од октомври 2006 ама баш ми се допаѓа. И ме потера да размислам за локалнава ситуација.
Кој владее кај нас? Содржината или конверзацијата?
Ако судиме според популарноста на сајтовите со веси од типот на Нетпрес, Кирилица и останати од редот на тв куќи и весници тогаш дефинитивно кај нас содржината е уште таа која владее. Кај нив се знае повеќе содржина во текот на денот повеќе посети и поголема популарност.
Но ако само малку се фрли поглед на нечиј екран додека е на работа без проблем ќе се забележат два препознатливи прозора. Skype и треската Facebook. И на двата длабоко во основата им лежи конверзацијата, поврзувањето, комуницирањето, интеракција едни со други, човек со човек. дури и вести се конзумираат преку нив, некои корисни некој и не баш корисни.
Ај сега уште еднаш. Кој владее кај нас? Содржината или конверзацијата? А?
Може ќе те интересира:
Внимавајте кому му ги доверувате сметките на социјалните медиуми …
Впечатоци од World Blogging Forum 2010
Интервју со Колектива и Групер
[подкаст с2-е9] #ТвитерАјвар #ТвитерФудбал #mktweetup
Од Стеван Трајкоски 26 November, 2008 - 1:50 pm
Мислам дека постов повеќе е напишан како провокација за дискусија, ама еве јас се најдов испровоциран :)
Содржината и конверзацијата се недливи и најчесто немаат смисла една без друга. Конверзација без некоја содржина како подлога е само празно зборување. Меѓутоа и содржината ако остане сама за себе и не предизвика некоја конверзација, ја промашува поентата.
Значи вистинскиот одговор е и содржина и конверзација :)
Од Darko Buldioski 26 November, 2008 - 4:43 pm
Е да, провокација е :)
Се сложувам, двете се важни, но и по твоиве аргументи испаѓа дека конверзацијата е по-главна :)
Конверзација без содржина скоро и да нема, освен на Facebook :)))), а содржина без конверзација има, ама па тоа значи дека не ја бива. шо значи ако не ја бива не може да биде king :)
Од ribaro 26 November, 2008 - 4:46 pm
Кај нас дефинитивно е конверзацијата. па дури и на facebook. 90 % се окупирани со некои безвеза зачленувања во групи и сл. а ептен малку се споделуваат корисни работи. Погледни ги профилите од мк на facebook.
Само мислам дека не е тоа поентата на постот :-)