Причини има повеќе, но ете,  ако ти се бендиса оваа наша идеја ти најди си ја своајта не мора да ги знаеш нашите. Прв пост за во оваа рубрика, по случаен избор е постот: Прилог кон актуелната тема обајвен на 6 декември 2005. година.

Постов и линковите во него (задолжително кликај) се однесуват на МБЗ (македонска блог заедница) термин кој во последно време за жал  не се користи премногу. Доста воведи ајде…

Најверојатно и блогерчињата на гранка знаат дека и Неделно Време ќе почне да објавува текстови од блогови. …Прилог кон актуелната тема обајвен на 6 декември 2005. година.

Во текстот, и покрај тоа што има доста ИТ-лаицизми (да не влегувам сега во „гиковска“ материјална расправа), сепак се поставуваат неколку важни прашања на кои вреди да се даде осврт, од причина што покажуваат некои специфики на интернет културите и прашањата на иденитетот во кибер просторот. Во текстот се вели:

Како да се напредува во информатичката технологија, а притоа да се зачува кириличното писмо. Најпрвин треба да се одговори на прашањето колкава е употребата на македонската кирилица на Интернет? Пребарувајќи по македонските веб-портали, може да се заклучи дека Македонија сѐ уште нема доволна Интернет-понуда, која би ги задржала корисниците на македонските домени…

Пред некој месец и на веб-сервисот за дружење „Facebook“ имаше иницијатива за поголема употреба на кирилицата и директна покана за тоа да се употребува само кирилицата и во имињата и во комуникацијата.

Значи „да ја зачуваме кирилицата“ е сосема утнат наслов за оваа иницијатива и ѝ дава некаков непотребен јуриш-кампањски набој што малку ја саботира самата идеја која во суштина секако е на место. Суштината е „зголемувањето на содржините на македонски јазик на интернет“, тоа е вистинското прашање, а не употребата на кириличното писмо. Ако имаш повеќе содржини на македонски јазик, кирилицата секако ќе следува природно. Во таа смисла кампањата и повикот за зголемување на свеста во оваа поширока смисла е в ред, но е некако бесполезна, затоа што во сосема мал број (негде по чатови, во микро-приватна комуникација?) луѓе пишуваат македонски на латиница. Повикај ги луѓето да оставаат повеќе содржини на интернет за Македонија, да партиципираат повеќе на Википедија и да приложуваат квалитетни содржини кои недостасуваат, видео содржините на Youtube да ги тагираат и насловуваат на македонски јазик и кирилица, дај им насоки кои сфери на интернет-содржини се важни, а кај нас отсуствуваат и слично. Наместо ваква содржајна и зрела лидерска ролја во некаква потенцијална и општокорисна акција, се нуди една ачик празна вербално-патриотска формула (да ја зачуваме кирилицата) која сума сумарум не помага нешто многу-многу. Типично за работите кај нас.

За жал се открива несвесноста и на оние кои повикуваат на зголемена свест, за тоа како врват работите на Интернет. Нема потреба да ги „убедуваш“ луѓето на своите приватни профили на сервисите за дружење, во „чат“ и слично да употребуваат кирилица. Со тоа не се поправа или менува суштинскиот дел: слаба продукција на содржини на службениот јазик, плус второто, исто така важно, ако не и поважно: веб-изолација и јазичната затвореност на Македонија.

Значи, она што е навистина проблем, а секако е дел од битката за очувување на идентитетот преку соодветна кибер-политика, е МИНОРНИОТ обем на информации за Македонија на светските јазици (пред сѐ на англиски јазик). Дилемата овде е дали подобро ја браниш својата национална култура со тоа што на морето наречено интернет ќе пумпаш само содржини на кирилица, или ќе продуцираш содржини на англиски кои му се достапни на целиот свет, на дланка? Впрочем, дилемата е како онаа на „Евровизија“, дали имаш повеќе шанси да победиш на еуросонгот со англиска песна, иако не ти е тоа службениот јазик?

Вистинската кибер-политика за ова прашање е: повеќе содржини на македонски јазик, но уште повеќе содржини на англиски за Македонија, не само за ресторани и кафулиња во Скопје и Охрид, туку онакви кои на глобална сцена постојано ќе оставаат траги и записи каков живот се води овде и сегде каде има од оние кои се горди што се од Македонија. Па ако некој за десеттина години изгула нешто за Македонија и кога нема да најде ништо за нас, ќе испадне дека ниту сме твореле, ниту живееле нешто вредно за интернетот.

И конечно прашањето, зошто „Мајкрософт“ не ја признава Македонија, иако компанијата е од САД (кои, нели, нѐ признаваат“) и плус Владата има официјална спогодба и договор со нив уште од 2003? Значи, во преговорите оваа гигантска компанија успеала да ги избутка своите бизнис интереси на штета на корисникот, Влада на РМ, и нејзините национални, не затоа што на нив им пречи нешто македонскиот, но затоа што со тоа ќе си спасат милиони евра и долари кои им стигаат од други (грчки?) корисници, и поштедување ид евентуални (правни?)спорови со нив. Сега треба некој правник да излезе и појасни, дали Мајкрософт како приватна компанија мора да ги почитува резулуциите на ООН за ова прашање?

Ова се по мене вистинските прашања, а повикување на ова или она е најлесна работа, треба да се засукаат ракавите, макар и оние виртуелните.

Спроведувам две анкети, едната за блог публика, односно читатели, а другата за блог мотивација. Оваа првава веќе неколку дена стои како банерче на неколку локални сајтови (балгодарност до нив), каде случајните посетители можат да кликнат и да ја пополнат. Не одев директно на блогови затоа што сакав да имам што е можно пореални резултати за тоа кој и колку од интернет корисниците во мк читаат блогови.

Втората, е наменета само за блогери. Има за цел да ја открие практиката на блогирање, мотивацијата и нивото на себеотркивање. Еве сега ја пуштам во оптек. Ќе се обидам да ги употребам сите канали за да ја испромовирам максимално, со цел да ја пополнат што е можно повеќе блогери.

Анкетата е на овој линк:

Зошто Македонците блогираат?

Помогнете ми во ширењето. Поставете го овој линк каде мислите дека е згодно за да има што е можно повеќе блогери кои ќе ја пополнат а со тоа и да се зголеми нејзината релевантност.

Благодарам.

Рекордид ат 19:19 04.04.2008 – Кајмак.от

Дали ова значи дека издавачите заработуваат од книги на блогери во Македонија? Дали некој наскоро можеби ќе понуди сервис за печатење на блогови нешто како Blog Book или Lulu.com?

И малку „бекграунд” за терминот блоок:

With the advent of the blog people started to publish books serialized on their blogs. Chapters are published one by one as blog posts, and readers can then subscribe to the blook via an RSS feed, tag it and comment on it.

The printed blook phenomenon is not limited to self-publishing. As reported in this article in The Book Standard and elsewhere, several popular bloggers have signed book deals with major publishers to write books based on their blogs. It must be noted, however, that this trend has recently started to wane. An amNY article points out that publishers are starting to realize that blog popularity does not translate to sales. Blog to book conversions via traditional publishing houses still happen, but the focus has shifted from blog popularity to content quality.

Зрееше, зрееше и демек стигна до фаза кога може да се покаже на сите. Не, не е сеуште созреано, ама на добар пат е. Заедно со еден пријател (Док) последниов месец малку по малку се обидовме да дотераме едено ново блогче на кое ќе се потрудиме да ставаме реклами.

Меѓународни, но и домашни. Фокусот секако ќе биде на домашни бидејќи, за жал, многу ретко на светските собиралишта на реклами можат да се најдат делата на локалните креативци.

ADLog

Засега, „крадевме” реклами на партизански начин а во иднина се надеваме дека агенциите ќе не удостојат со оригинални материјали, со цел да ги промовираме нив и нивните дела. Ако имаш можност пренеси ја пораката до некој од оваа фела, или едноставно доколку има некоја реклама која на било кој начин те воодушевува, слободно сподели adlog.mk(at)gmail.com. Ќе се потрудиме да ја збогатиме базата на ADLog.

Јас сум мрза за вакви работи, а и не верувам дека добро би ги направил, па затоа се решив да направам еден крајно субјективен список на настани кои сум ги одбележал на мојот del.icio.us акаунт или кој сум/сме ги постирале. Листава е локална. Не чувствувам потреба заинтернационална.

Јануари:

- Филип ја објави првичната верзија на Хронологија на македонската блогосфера.
- Новинарите патуваат на државна сметка
- Време и Шпиц останаа без печатница (излегуваа само на интернет)
- A1 доби награда за медиум со најголем придонес во зајакнувањето на граѓанското општество

Февруари:

- SETimes објави текст за блогови и ниту еднаш (ми се чини) не направи осврт на тема дискутирана на МБЗ, за разлика од Хрватите, Бугарите итн. (упс, тексов е од 2006та, а јас сум го запамтил во 2007, ам ај нека стои)
- МРТВ Онлајн меѓу првите почна да става линкови во вестите
- Макдонија ја зафати морална паника по објавата на експлицитни видео снимки

Март:

- Почина Jean Baudrillard (знам, не е локана, ама важна е)
- Започна првата сезона на Гроздановиот подкаст
- НВО Инфоцентар ја најави нивната ПР Школа
- Се одржа првата Glocal конференција организирана од NYUS
- Преку Центарот за Нови Медиуми одржав/ме кратка обука за идните новинари
- Форум Плус смени газда, се шушкаше за Глобус

Април:

- Се појави Кајмак.от
- Се појави eSport
- Вечер украде содржина од блог, и не призна, ниту се извини
- YouTube/MKRTV стана првиот официјален youtube канал на мк медиум

Мај:

- локалните радија се продаваат
- Излезе вториот број на Avangarde Magazine, не сум пишал кога излезе првиот, би требало да е месец дена порано :)
- Утрински по втор пат објави фотомонтажи од блогот photoshop.blog.com.mk
- Се случи првата МК Блог Конференција (го менуваме доменот, линковите до НМЦ не важат :()

Јуни:

- CC се официјализираше и во МК
- Јана беше дел од New Network Theory

Јули:

- 0800 54321 – пријави корупција меѓу новинарите
- Сеад откри зошто мажите не гледаат сапуници
- Време во сензационален наслов на насловна ги спомна блогерите

Август:

- Македонија е 181 на листа на е-влади, со огромен пад и грешна објва во Дневник
- MySpace доживува екстра популарност во МК

Септември:

- Една година откако ние граѓаните на мк знатно повеќе плаќаме за реклами во кои целна група сме самите ние
- Улогата на АПЕЕМ и понатаму е само да плачат
- Новинарите ја бојкотираа владата
- Владата не прати никога на World Blog Expo

Октомври:

- Сеад пишување линк поезија
- МК компании се повеќе се ориентираат на бизнис преку интернет
- ама некако не им се плаќа

Ноември:

- Почина Радица Величковиќ
- МВР имаше акција, а нашите онлајн медиуми не го положија испитот
- Бев на BlogOpen.eu во Нови Сад
- Излезе втората блог-книга
- Најавена беше Glocal 2.0 Blogging: Evolution Treated as Revolution, јас сум дел од организација :)
- Се одржа e-Society.mk

Декември:

- Јас го напишав својот најдолг пост, се уморив и ме мрзи да пополнувам за декември

Ако стигна со читање до тука, сакам уште еднаш да ти кажам дека ова ни од далеку не е некоја комплетна листа за оваа година. Доколку имаш желба, остави линк или некој податок во коментар, ќе се потрудам да ја дополнам листава, за да стане мааалку порелевантна.

Е, да. Да не заборавам.

ЗДРАВЈЕ, СРЕЌА, УСПЕХ, ЉУБОВ

и уште нешто по желба

ВО 2008 година ЗА СИТЕ

Бавно се уверував во целисходноста на мојата блог-авантура, сметајќи дека тоа е последица на возраста и скепсата што си оди рака под рака со неа. Настаните драматично ме демантираа: мојот блог ми стана најдобрата одбрана против заморот од обврските и против споулавеното секојдневие.Дури, напати, го почувствував и вкусот на предозираност, но и силата на самоконтролата: никогаш да не се претерува. Секогаш да остане нешто што ќе се посакува. Ете, тоа нешто беше МАШКОТО ПИСМО, книга-блог. Или, обратно. Кој како милува.

Значи, да не беше блогот не ќе имаше МАШКО ПИСМО!

Всушност, МАШКО ПИСМО е збирка од дваесетина текстови објавени на мојот блог ПРОДАВНИЦА НА ТАЈНИ, проследени со избор од коментарите што читателите, вообичаено, ги оставаат под текстот.

Драги блог-пријатели, љубезно ве молам да присуствувате на коктелот по повод промоцијата на мојата книга МАШКО ПИСМО од www.prodavnicanatajni.blog.com.mk/.

Претставувањето на МАШКО ПИСМО ќе се одржи на 22 ноември 2007 година во книжарницата ИЛИ-ИЛИ (Мала станица), во 19 часот.

Организатори на промоцијата се македонските издавачи ИЛИ-ИЛИ и ЃУРЃА.

P.S.

Поканата им ја упатувам на сите членови на македонската блог-заедница, без обѕир дали се мои истомисленици или не. Искрено сакам овој повод да биде искористен за зацврснување, популаризација и проширување на нашата заедница.

Срдечно,

Вашиот продавач на тајни

Никола Костески

Ова и не може да биде толку неочекувано, нели официјалниот гласноговорник е блогер во мирување, а и неколку пати ја эачна темата на релација влада – блогери.

Прашање: Дали може сериоэно да се очекува еден ваков потег и тука, и што мислиш кои блогери би биле поканети?

Баш пред некој ден праев муабет со еден блогер со кој констатиравме дека добар дел од активните блогери, некако спласнале, и оп еве демант.

Без разлика на причината, па макар и немало посебна причина, баш е супер кога ќе има што са се прочита. Се надевам дека блогерскава сезона, зборено низ призмата на традиционалниве медиуми, ќе биде плодна.