Медиум – Средство за масовна комуникација кое служи за информирање на јавноста.

Ако ја земеме оваа дефиниција (една од многуте) како образец да видиме што тоа кај нас се нарекува медиум, испаѓа дека многу од нив и не се баш медиуми. На повеќето не им е гајле за јавноста и нејзините интереси, а уште помалку за тоа професионално да ги информираат, а овие да имаат некој аир од тоа. Некои се далеку од масовни, а некои наместо информации пласираат зафрканции или трошки од информации забиберени со еден тон бизарности или тривијалности.

Како-и-да-е, низ локални искуства може да предложиме една структурна класификација која е далеку поверодостојна во однос на она што овие јавни колективи прават кај нас, сега и овде. Кој каде спаѓа и припаѓа одредете сами (а некои и ќе се препознаат, безбели :)

Сето ова е интересно и возбудливо, но што се случува со оние меѓу нас кои и не се така ентузијастични да ги јаваат брановите на овие револуционерни процеси? Тој свет е многу интересен, на свој начин, откачен во поинаква смисла од интернет откаченоста, та да фрлиме малку поглед, белким може нешто и да научиме од него. Еве неколку импресии од секојдневието на оние кои не сурфаат:

Контактните емисии се нивен твитер

Дали е тоа Здраво Македонијо, Бумбар, Овде и(ли) сега, Јади бурек, за неинтернетџијата од Македонија овие емисии се неговиот комуникациски канал да му прати на светот куси пораки за кои ние обично го користиме Твитер. Не се ограничени на 140 знаци, но сепак се ограничени малку поинаку: некогаш од темата, некогаш од водителот, а некогаш и од погодноста на тоа што го зборуваат. Си имаат и reply (да му одговорам на претходниот гледач), old RT со коментар (како што кажа претходниот гледач), нов RT (наполно се согласувам со госпон Петко за ова со Грците), favorite опции (бело бумбарче) и така натаму. Со вакви програми овие уважени сограѓани чувствуваат дека не пропуштаат многу од светот качен на интернет.

Сапуниците се нивни социјални мрежи

Сапуниците се основно средство за вмрежување на овој дел од пучанството: без изгледана серија просто не можете да се „логирате” во овој свет: сериите се менуваат, но принципите остануваат: дали ќе ѝ прости, чиво е бебето, што ќе смисли мајка му да ја спречи венчавката, кој кому е татко, брат, мајка, сестра, каква тајна крие градинарот или слугинката, и така во бескрај. Муабетите разврзани од овие содржини се самата платформа за социјализацiја од кафе пиење до рандом муабети во автобус.

Вестите сé уште се врвот

Гледање вест сé уште е врвот на граѓанското учество во јавните работи. Кому му треба интернет со вести на секој саат? Поискусните ги знаат термините од 9 сабајле, па до полноќ. Со добро пилотирање на далечинскиот, ниту една вест не може да помине нерегистрирана! Сега, заради оваа нанаситност од гледање вести, овие корисници имаат тенденција да ги монополизираат домашните телевизори и со тоа да предизвикуваат конфликти со останатите домашни (обично се манифестира со држење на далечинско цело време). Свесни за овие практикалии, нашите телевизии успеваат да најдат начини како да зберат што поголем број гледачи.

Еве на пример МТВ покрај програмата што оди, паралелно пуштаат скролови со различни информации за тоа што прави Владата, министрите, и слично, што им овозможува на домашните да погледнат некој филм додека дедото на пример, ја добива својата редовна доза информации. Или пак последниот тренд, спојување вести и сапуници: дедото гледа вести и оп, свадба среде вести, па трчаат сите да видат кој кого ќе побара за жена, дали некој јавно ќе раскине некому, дали ќе пукне абер кој со кого се швалерисува, кој кого повеќе ќе исплука на прес и други си креативни форми на хибридизација на тв жанрови.

Риалити шоуа се нивниот Youtube

И конечно, шоќетие Youtube со толку реални шоуа на нашите медиуими (башка мачки и кучиња можеш да гледаш колку сакаш кај Мелита)? Зарем ти фали нешто по гледањето на Големиот брат, Фарма, Прељубници, Превари, Моменти на вистината? Секако не. Доживеалиците и скандалите од овие програми, провокациите и скокоткањето на сите сетила и играње со моралните вредности се повеќе од доволни за да никогаш не посакате нешто поразлично (а подобро секако нема).

Нема да правам избор од важните работи оваа година туку само, со помош на Google Analytics ќе ги претставам најпосетуваните 5 блог постови оваа година.

1. Интервју со Колектива и Групер
Објавено во февруари, интервјуто го погоди моментот кога овие сервиси за групно купување го преврте МК интернет пазарот. Очекувано, предизвикаа цела лавина реакции на и надовр од интернет, нови сервиси, агрегатори и слично.

2. Што ни порачува Coca-Cola во нејзината Avatar реклама?
Одлична анализа на една рекламна кампања прикажана во гостинскио пост напишан од Биљана (Биби) Угуровска. Особено ме радува што бил доста посетуван овој пост затоа што докажува дека анализа секогаш привлекува внимание.

3. Кајгана 3.0 – многу повеќе локално креирани содржини [интервју]
Повторно интервју, повторно локални херои. Обајавено на 1 септември кога Кајгана.ком ја објавија својата ова верзија на сајтот. Минатата недела зедоа 2 награди на изборт за сајт на годината.

4. Дневник на еден апстинент од вести
Сеад малку пишуваше вакви саркастични постови оваа година, но затоа тие кои ги пиша се читаа. Очигледно споделувањата на Facebook на овој пост му помогнаа многу околу популарноста.

5. Како телевизијата ви ги уништи животите
Едноставно… Чарли Брукер… уште еднаш краток пост со видео и доволно е. Еден од омилените ликови ние, човекот го бива, забавен и сериозно критички насторен. Ако не си гледал ништо од него… не чекај.

Сега NewMedia.mk (ние), RamstoreMall и повторно 365.cоm.mk одлучивме дека е време пак малку да се забавуваме, ама на малку посериозно ниво. По успехот со отворањето на Swarm беџот, сега целиме кон отворање на Super Swarm значката, за која се потребни 250 чекирања. Спремни?

На 04.12.2011 од 13:00 до 16:00 часот во ТЦ Рамстор се организира Foursquare Super Swarm Фестивал за отклучување на Super Swarm беџот. Она што е најбитно тука да се истакне е дека ова е првиот собир на Балканот за отклучување на оваа значка. Ќе ни требаат најмалку 250 корисници на социјалната мрежа Foursquare да се чекираат во ТЦ Рамстор за после да се фалиме дека овој фестивал (прв на Балканот) бил успешен нели.

Дел од “станарите” на Рамстор решија да ја поддржат идејата и да се вклучат во фестивалот. Со своите понуди и награди, тие сакаат дополнително да ги мотивираат корисниците да дојдат и да се чекираат за да можеме да ја отклучиме Super Swarm значката. Секој кој ќе се чекира ја отвора можноста за добивање бесплатна веб камера, маица со Super Swarm значката, бесплатен паркинг, вредносни ваучери, и многу други попусти во кафулињата и рестораните во ТЦ Рамстор.

Што е потребно за учество во настанот?

Сè што ви треба е Foursquare сметка и телефон кој може да се поврзе на интернет.  Препорачливо е да имате телефон со GPS локатор. Доколку немате телефон со Foursquare апликација и GPS локатор, тоа не е причина да не дојдете на собирот, затоа што може да се чекирате и преку http://m.foursquare.com.

Foursquare собирите за добивање на групни беџови не се ништо ново како во светот, така и кај нас.

Се гледаме во ТЦ Рамстор во недела помеѓу 13:00 и 16:00 часот. Дојдете, чекирајте се и забавувајте се! И не заборавајте да ги известите пријателите кои користат Foursquare!

Муабетевме скоро 1 час и се обидовме да не отвараме премногу теми за медиумите и новинарството во Македонија со цел повеќе да се фокусираме на она што е директно врано со активностите на ДМП. Зборувавме за нивната работа, за анализите (прилозите) кои тие ги прават, за обуките и можеби во дадениов момент најважно зборувавме за конкурсот за блогери.

ДМП има актуелен конкрс кој трае до 31 јануари 2012 во кој тие повикуваат блогери да пријават свои блог постови со новинарска (актуелна) тема за да се натпреваруваат за три парични награди. Деталите ги има кај нив на сајт а далеку подетално за ова тема зборувавме во вториот дел од овој подкаст. Слушајте, пријавете се и добијте една од наградите!

Конференцијата ќе се случува во среда и четврок (23-24 ноември), има интересна програма и работилници, а ако ја преслушате епизодата ќе го дознаете и изненадувањето кое го испланираа организаторите оваа година.

Веќе во понеделникот решив да пратам некои прашања до тимот кој стои зад локалната имплементација на ова истражување. На неколкуте прашања ми одговори Маја Стојановска од Универзал Медиа. Еве го муабетот:

1. Што точно претставува Wave? Колку време постои и кому му служи?
Wave e најголемото истражување посветено на социјалните медиуми во светот. Истражувањето е иницирано во 2006 година со цел мерење на големината и влијанието на социјалните медиуми ширум светот. Оваа година се спроведува 6-тото изданије на Wave . Wave нуди длабоко разбирање на желбите и мотивациите на потрошувачите и е клуч за вистинско разбирање на социјалните медиуми и нивните корисници. Разбирањето на природата на социјалната побарувачка на секој корисник, категорија и пазар, е клучот во креирање на успешно искуство во социјалните медиуми. Последниот бран, Wave 5 – Социјализација на брендовите, содржи 20 категории за повеќе од 54 земји, со 34.600 испитаници (интернет корисници). Само како илустрација, еве неколку статистики од последниот Wave : 1,5 милијарди посети на социјалните мрежи на ден во 2010г, 30% од сите корисници на социјалните медиуми се вклучуваат преку мобилен телефон, 66% се чувствуваат полојални кон брендот откако ќе се придружат на фан страната на брендот.

2. Кој стои зад ова истражувње на глобално и локално ниво?
Wave истражувањето е проект на Универзал Меккен, водечка интернационална мрежа на медиумски агенции која има свое претставништво и кај нас – Универзал Медиа Скопје. Проектот е дел од континуираната истражувачка програма на УМ која ги следи огромните промени во комуникациските технологии. Истражувањето го спроведува тим на Универзал Медиа задолжен за ЕМЕА регионот, во соработка со глобалната мрежа на УМ агенции низ целиот свет. Оваа година за прв пат е вклучена и Македонија. Истражувањето кај нас го спроведува УМ Скопје, медиумска агенција која е рангирана помеѓу првите 3 на нашиот пазар.

3. Кои се очекувањата за МК? Прво во поглед на реакција од интернет корисниците, колку одговори очекувате а потоа и во поглед на резултатите, дали тргнавте со некои груби претпоставки?
Како прво, многу сме горди што нашата агенција успеа да ја вклучи Македонија во ова истражување. Тоа значи дека е интересна земја за истражување на онлајн пазарот, навиките и трендовите на потрошувачите и воопшто, развивањето на социјалните медиуми. Таргет група на ова истражување се активните интернет корисници (тие што користат интернет секој ден или секој втор ден).
Преку Wave и вклучувањето на Македонија во него, ќе имаме алатка со која ќе го поткрепиме нашето сознание дека социјалните медиуми се одличен канал преку кој може да оствари интеракција со потрошувачите; алатка која ќе ја користиме во создавањето на медиумски стратегии за нашите клиенти.
Одговорите ќе ја рефлектираат моменталната состојба на користењето на социјалните медиуми кај нас, што ќе биде добар доказ дека компаниите треба повеќе да се ангажираат во оваа област. Македонија има одличен капацитет и е меѓу ретките земји во светот со околу 80% од населението 16-54 (таргет група на Wave) корисници на Facebook.

4. Кога ќе бидат објавени резултатите и дали ќе бидат достапни издовоени само за МК?
Мора да напомениме дека ова е обемно истражување за кое е потребен огромен труд и ангажман. Целта е секоја година да се зголеми бројот на земјите кои учестуваат во истражувањето и затоа треба време за изработка на сите добиени резултати. Се надеваме дека ќе биде готово некаде после Нова година. Во целосниот Wave извештај, ќе има и резултати и за МК. Во моментов е важно сите да се ангажираме и поттикнуваме на што поголемо учество во истражувањето кое е најголемото истражување од ваков вид спроведено во Македонија.

_____

Кој не знае за каков проект станува збор еве го извештајот од минатата година, Wave 5:

Full House – cena 5.900 dinara

Svaka kotizacija obuhvata:

• Prisustvo masterklas prezentacijama 8 keynote predavača
• Prisustvo finalu StartUpOpen konkursa
• Praćenje 16 predavanja u PechaKucha formatu
• Proglašenje najboljih blogova iz prethodne godine
• Dva svečana koktela  sa lunch-breakom i puno prilika za networking
• Kotizacioni paket

Како до влезница?

За да имаме некој (каков/таков) критериум по кој ќе ги доделиме овие влезници решивме да поставиме правила. Право на учество имаат блогери од Македонија кои имаат активни блогови на која било тема. Значи мора да имаат објавено најмалку два блог поста во  последниве 30 дена. Доделувањето ќе има два чекори:

Во првиот чекор ќе треба во коментар на овој пост да го пријавите својот блог доколку сте решени овој викенд да го поминете во Нови Сад на BlogOpen и да се дружите со блогери од целиот регион. Оваа фаза завршува денес во 21 часот.

Вториот чекор започнува кога во нов блог пост тука на овој блог ќе ја објавиме листата на сите заинтересирани блогери. Ќе биде листа за гласање што значи потоа ќе мора да се потрудите да ги натерате вашите читатели да гласаат за вашиот блог. Овој чекор ќе започне на полноќ денес а ќе трае до утре до 18 часот.

Значи на кратко да повторам:

ЧЕКОР 1 : пријави го својот блог во коментар

ЧЕКОР 2: докажи им на своите читатели дека заслужуваш да одиш на BlogOpen и повикај ги да ти обезбедат карта така што ќе гласаат за тебе на новиот блог пост кој ќе биде објавен вечер на полноќ.

Детали за настанот има на http://www.blogopen.rs/bo2011 за сите дополнителни прашања стојам на располагање. Ние (јас и Мите) ќе одиме со кола во петок навечер (ноќе) а ќе се враќаме во понеделник вечер (ноќе), ако ти одговара може и да делиме трошоци за пат. Престојот во Нови Сад не е обезбеден, ќе мора сами да си резервирате и платите легло.

Мало појаснување… не бираме најдобар блог или пак највлијателен блог…. или пак најдобар дизјан на блог. Овој мини натпревар нема таква цел.

Програмата на првиот ден ветуваше неколку интересни сесии. За почеток, очекувано, имаше досадно официјално отварање со локален политичар (министер) кое навистина беше досадно. Но затоа следните беа по мерка. Паметен чекор на организаторите беше одлуката да има помалку стандардни презентации а повеќе да биде во вид на интервју со водител/модератор на сесијата. И да бидеме искрени во текот на првиот ден одлично им одеше овој концепт.

Веднаш по отварањето зборуваше Бранко Милутиновиќ од Nordeus, креаторите на најпопуларната интернет спортска игра. Нивната Top Eleven е најиграната спортска игра на Facebook но и надовор од неа. Во интересен разговор Бранко зборуваше зошто го напуштил своето работно место во Microsoft и како започнале со играта. Бранко (кој личи на Марк Цукербегр :) е пример за храброст и визионерство затоа што не се мислеше многу да каже дека нивната цел е да бидат водечка компанија на пазарот за социјални игри. Далеку се од таа позиција но секако добро е да се има таква цел, ретко се слуша на балканов таква решителност и убеденст дека една интернет компанија може да биде на еднакво рамниште како американските или кои било други.

Следен на сцената беше словенецеот Андраж од Zemanta. Зборуваше со многу енергија и посветеност. Мене лично приказната не ме воодушеви толку, но сепак имаше некои интересни детали од нивното искуство од пред неколку години кога започнале да комуницираат со странски, потенцијални, инвеститори и за моментот кога се преселиле во Лондон. Zemanta е една од првите старт-ап компании кои ја наговестија серијата успешни старт-ап приказни од Словенија.

Следуваше хрватот Вибор од UXpassion кој зборуваше за Wall of Tweets сервис/апликација која мене ми се виде како вистински феномен. Едноставно не можев да поверувам колкав успех има една таква едноставна апликација. Но за деталите околу оваа приказна наскоро ќе објавиме видео интервју со Вибор.

По него следеше презентацијата од која очекував најмалку затоа што беше со наслов SEO Basics, но босанецот Недим воодушеви. Едноставно имаше лесна, конкретна, кратка презентација во која искрено сподели некои веќе познати практики. Она што навистина вредеше беше искуството со кое тој зборуваше на темата. Наведуваше кратки и многу конкретни и пред се корисни примери. И со Недим снимивме кратко видео интевју, ќе го објавиме во теков на следниве неколку дена, а дотогаш може да ја погледнете неговата презентација.

Следните две сесии не ми беа нешто многу интересни, особено онаа во која Јонг Ли од GoDaddy и Микеле Неилон од Blacknight.com зборуваа за бизнисот со домени. Ова за среќа беше единствената апла досадна сесија, но главни спонзори на настанот беа .me па затоа може да се каже дека овие муабети веројатно некому во публиката му беа интересни.

Следеше Веселин Јевросимовиќ, сопственик на ComTrade, во последно време активен по социјалните медиуми. Нависитна е за поздравување кога некој на тоа ниво зборува за неопходноста на социјаните медиуми и потребата од комуникација, но малку ми сметаше пристапот. Веселин зборуваше како се да започнало од него и нив. Не глобално, секако мислеше за локалните пазари, но сепак, некако очекував поприземен однос. Може и не сум успеал да ги фатам сите детали :).

За крај на денот зборуваше британецот Дејвид Емет за неговото позитивно искуство со MotoMatters.com. Тој често спомнуваше како со тек на време станал еден од позначајните фактори во MotoGP светот. Имаше интресни совети, но ништо претерано ново или поразлично. Сепак чичкото беше навистина пријатен за слушање.

Во offline програмата на овој ден уште вреди и да се истакне плажата и морето :). Но за овој дел нема да коментирам тука. Погледни ги сликите и очекувај нов пост за вториот ден во следниве неколку часа.

Дополнување: на оригиналниот пост подоцна му се додадени видеата. Преглед на сите видео има на live-e.tv

Твитови:
Вкупно: 3273
RT: 991
К0рисници: 532

По ден:
31.08.2011 – 309
01.09.2011 – 281
02.09.2011 – 75
03.09.2011 – 1015
04.09.2011 – 741
05.09.2011 – 735
06.09.2011 – 93
07.09.2011 – 24

Линкови приложени на Твитер под таг #makbasket:
(период 01 – 05 септември 2011)

- Линкови до домашни веб страници 39 (22 од корисници, 17 од твитер сметки на самите медиуми)
- Линкови до странски веб-страници: 32 (29 од твитер корисници, 3 од самите сервиси/медиуми)

Најлинкувана статија:

http://www.24sata.hr/kosarka/gecevski-ludilo-je-u-skopju-sad-ce-dici-spomenik-za-nas-233413

На крај на настапот на нашите репрезентативци ќе ја собереме вкупната статистика и објавиме дополнително. Ако се најде некој со желба и време да ја визуелизира статистиаката ќе биде совршено.

Дополнително, секако ако дојде некој до друга статистика поврзана со темава нека праќа детали, со задоволсвто ќе надополнуваме