AdAge и JWT минатата недела извадија одличен извештај од истражување кое ги открива практиките на жените кога станува збор за употреба на технологија. Во воведот Beth Snyder Bulik вели:

Female users are the unsung heroines behind the most engaging, fastest growing and most valuable consumer internet and e- commerce companies. Especially when it comes to social and shopping, women rule the internet,” wrote Aileen Lee, a partner at the storied venture-capital firm Kleiner Perkins Caufield & Byers.

И не е само интеренетот во прашање. Ако го земеме во предвид фактот дека жените трошат 5 трилиони долари годишно, што претставува половина од БДП на САД, тогаш оваа публика во ниту еден случај не треба да биде занемарена од страна на маркетерите. Тука Melissa Lavigne-Delville истакнува:

“Until now the story has been about women catching up with men, whether that’s in use of mobile or using the net or whatever. But the next wave of women and technology is not just about catching up, but setting and influencing trends from social gaming to group buying and more,” said Melissa Lavigne-Delville, VP-trends and insights, NBC Universal.

Така AdAge си направиле фин примерок од неколку репрезентативни претставнички на женската популација во различна доба од својот животен век, па почнале да ги истражуваат нивните навики по неколку параметри. Во прилог се два графички приказа на интересни податоци, од кои првиот укажува на тоа какви навики за гледање различни видеа имаат жените на 3те основни уреди, мобилен телефон, лаптоп и пресонален компјутер:

Следниот податок е можеби најинтересниот во истражувањето, а ги разгледува жените како родители, односно нивните ставови за користењето на мобилниот телефон при комуникација со нивните деца:

Како што истражувањето покажува, многу од мајките со мали деца се повикуваат на својот мобилен телефон во надеж дека ќе си ги забавуваат децата или пак ќе ги смират бар за кратко. Нема причина да се посомневаме дека и кај нас постои истата ситуација, па оттаму и првичната позитивна реакција за (веројатно првата) македонската апликации за мали деца Умко.

За да ги прегледате останатите статистики за навиките и употребите на технологија од страна на америанските жени , погледнете го целосното истражување (PDF).

Препораките всушност се преземени (адаптирани и скратени) од деталниот извештај кој можете да го добиете ако ја тестирате мобилната верзија на вашиот сајт на: http://www.howtogomo.com/en/#test-your-site.

1. Внимавајте на брзината на вчитување

Корисниците на мобилни телефони најчето се во движење кога го користат телефонот, и секогаш се во брзање. Ним им треба брза информација до која можат многу лесно да дојдат. Затоа внимавајте вашиот сајт да се вчитува брзо и да може лесно да се скенира неговата содржина.

- ставете приоритет на содржините кои би ги интересирале корисниците на мобилни телефони;
- искористете ги алатките за статистика и аналитика за да видите кои содржини најнмонгу ги користат посетителите од мобилни телефони;
- намалете ги долгитепараграфи со текст и употребувајте повеќе набројувања;
- компресирајте ги фотографиите за да заштедите на времето за вчитување.

2. Поедноставете ја навигацијата

Никој не сака да биде збунет, особено кога нема време за тоа. Чиста навигација, а кај големите сајтови и видливо поле за пребарување им овозможува на посетителите брзо илесно да го најдат она што го бараат

- исфрлете ја потребата од скролање и прикажете ја содржината на првиот екран што е можно почесто;
- избегнувајте rollover-и
- овозможете им на корисниците лесно да се движат низ сајтот со копче за назад (back) и почетна (home)
- вниавајте на секоја страна да неамте повеќе од 7 линкови, по можност да се помалку
- на посложени сајтови осигурајте се дека има полеза пребарување на секоја страница

3. Направете го лесен за кликање со прсти

На мобилни уреди корисниците кликаат со прсти, особено со палците. Дизјанирајте ја страницата на начин на кој дури и оние со најголеми палци ќе им овозможите лесна интеракција.

- употребувајте големи, централно поставени копчиња со доволно празем просто од страните;
- на полињата за одбирање (check box) направете го целиот текст кликлив за полесна употреба

4. Дизајнирајте во сајтот за да биде лесно видлив и лесен за помнење

Направете го вашиот сајт да биде видлив и при слаба светлина, и избегнувајте да предизвикувате болка во очите на корисникот

- креирајте контрасна позадина и текст;
- осигурајте се дека содржината може да се чита без дополнително зумирање;
- употребувајте разлина гоелмина и боја на текст/линк за да ја истакнете важноста на истите;
- употребувајте 3D ефекти и сенки на копчињата.

5. Направете го достапен

Во идеален случај вашиот мобилен сајт би требало да работи еднакво на сите мобилни уреди и таблети, без ралика дале се свртени хоризонталн или вертикално. Најдете алтернативи за flash, nекои уреди не го користат

- употребувајте Html5 за интерактивност и анимации;
- прилагодете го вашиот сајт за хоризнтален и вертикален приказ;
- погрижете се корисниците да останат на истата локација по вртењето на уредот.

6. Локализирајте колку можете повеќе

Корисниците секогаш бараа локално информации на својот телефон, од локација на банкомат до понуда на ресотрани. Употребете функции кои ќе им овозможат на корисниците да ве најдат и да стигнат до вас.

- објавете ја вашата адреса или листа на локации на целната страница (landing page)
- користеет мапи и GPS за да персонализирате содржина кога можете;
- дозволете им на корисниците да ја проверат достапноста на производите во најблиската продавница

7. Употребувајте редиректирања за мобилната верзија на сајтот

Станува збор за код кој детектира од каков уред доаѓа посетителот и му ја прикажува онаа верзија на сајтот која нему најмногу му одговара.

- дајте им можност на корисниците да се врата на десктоп верзијата, но бидете сигурни дека враќањето на мобилната верзија ќе биде еднакво лесно;
- дајте им можност на корисниците да одберат која верзија на вашиот сајт ќе ја користат во иднина;

Повеќе информации и детали секако може да надјете на http://howtogomo.com а дополнително би сакал да споделам уште еден линк од гурут за употребливост Jakob Nielsen: Mobile Usability Update

Еве ги главните работи кои ги утврдиле со ова истражување:

• 83% возрасните американци поседуваат мобилен телефон
• 40% од сопствениците на мобилен телефон изјавиле дека мобилниот телефон им помогнал кога се нашле во опасност
• 42% од сопствениците на мобилен телефонго користат телефонот за забава кога име досадно
• 42% од младите на возраст од 18 до 29 се нашле во невоља заради употреба на мобилен телефон

Истражувањето открива уште многу детали како на пример посебната статистика за корисниците на паметни телефони. Детали има на PEW и на RWW.

За жал кај нас нема вакви истражувања за да може да споредиме, иако не би ме изненадило и бројките да се слични. Факт е дека целокупниот живот е под влијание на технологијата, достапноста на инфромациите и сл. Прашање е дали ние како индивидуи, организации, компании се менуваме соодветно? Дали ги општеството во погенерална смисла се прилагодува во чекор со индивидуалните трансформации?

Ми се чини дека нашево, МК општество не се менува баш доволно, но немам цврсти докази за да го поткрепам тоа во моментов. Или пак немам доволно време за да ги сиберам :).

Туку, назад на муабетот. Сведоци сме дека голем број од нашите дневни навики се под големо влијание на мобилните (пред се паметни) телефони и таблетите. За преносните комpјутери веќе и да не зборуваме, тие се стара приказна :). Благодарение на овие уреди има луѓе кои „живеат” во меил, кои не памтат ниту еден податок затоа што сите им се лесно достапи и секако луѓе кои не чувствуваат потреба да одат во канцеларија за да работат. Односно луѓе кои работат нон-стоп. Ме погоди темава затоа што се препознавам (делумно) во овие последниве. Често на пријателите и роднините кога ќе ме прашаат за работно време им велам дека штом сум на интернет јас работам, а токму благодарение на мобилниот, нон-стоп сум на интернет. Барем додека сум во МК :).

Gist, сервис за управување со вашите контакти, неодамна купен од RIM (BlackBerry) собрале статистика која ги посочува трендовите за денешниот мобилен работник. Кликни на фотографијата за деталите:

Јас си кажав дека сум скоро нон-стоп на работа, а ти? Како изгледа твојот работен ден? Колку работиш на мобилен? Дали имаш измени во договорот за работа под влијание на подвижнава технологија во последниве година-две?

По 7 месеци од официјалната промоција и над 8 милиони продадени примероци iPad стигна до сите делови од светот.

Колку и како iPad го смени начинот на кои се консумираат вестите (дневни весници и магазини пред се) во светот, е прашање што е ongoing процес, но и прашање на кое полека му се наѕираат контурите кога станува збор за одговорот.

Нормално никој не рече дека ќе ги снема дневните весници печатени на хартија преку ноќ и дека тие ќе умрат, но полека се менува фокусот на тоа како ќе изгледа иднината на медиумите.

Иако имаше некакви обиди од Popular Sience, The New Yorker, Life, да покажат како треба да изгледаат новите интерактивни ipad изданија, во деновите кои доаѓаат очекуваме да ја видиме вистинската работа. Последните гласини велат дека Стив Џобс и Роберт Мурдок крчкаат ексклузивен весник само за ipad наречен “The Daily” и дека Ричард Брансон исто инвестира во неговата верзија наречена „Project“, проекти кои треба набрзо да и бидат достапни на јавноста.

Извор: digitaltrends.com

Што ги мачи магнатите и развиените земји?

Како да се направи нешто ново во новинарската индустрија ама да не се плука во стариот бунар е прашањето. На запад овој проблем е доволно искомплициран со системот на огромни попусти на годишните претплати на дневните и периодичните изданија, како и мрсните милионски рекламни договори на годишни нивоа. Затоа издавачите имаат проблем како да се пренесат истите функционалности на новиот „медиум“, каде за разлика од хартијата, многу точно знаете кој го има „отворено“ својот весник, што чита најмногу од него и дали ги гледа рекламите и колку му се релевантни.

Имено во „iPad светот“ кој е се повеќе реалност, печатниците и дистрибуцијата полека го надминаа својот зенит и почнуваат да опаѓаат во значење бројки и влијание, а тоа повлекува дека на цена почнуваат да добиваат дизајнерите, инфографичарите, аниматорите. Фокусот се движи полека од профит од реклами назад кон основите т.е профит од содржина или од продадени копии ако сакате.

А тоа значи за оние кои сакаат да останат во своите моќни уреднички и сопственички фотелји дека мораат да се менуваат и да одат напред, инаку црни денови им доаѓаат.

Многумина посебно помали издавачи разбираат дека е потребна промена. Но проблем е како да го префрлат својот магазин на iPad и да бидат конкурентни. Дали треба да прават сопствена платформа, a нема утврдени навигациски правила, нема доволно обучен кадар на пазарот на труд со доволен број релевантни референци. Вистинска дилема нели?

Целата оваа приказна личи многу на приказните со првите статични и динамични веб сајтови. Но поучени од искуството, веќе на пазарот се појавија CMS платформи т.е уште поточно InDesign интеграциони алатки наменети баш за „класичните весникари“. Значи со клик на копче 80% од магазинот „преломен“ во InDesign како за печатење е префрлен во соодветен формат (XML, HTML5), а оние 20% се најчесто мултимедијалниот или аниматорски дел кои треба малку да се доработат. Многу просто за малку пари  и со веќе обезбедена наплата и контрола на профитот и дистрибуцијата. Нормално ова е далеку од искористување на можностите на iPad како платформа, но барем ќе ве има таму.

Веќе има места каде ќе ги најдете листа на поголемиот дел од магазини кои имаат свои апликации за ipad, но она што е најинтересно е дека во борбата се вклучуваат магнатите како Washinton post, Atlantic, NewYorker па дури и владини американски магазини од типот на State mag. Последниве со свои варијанти на навигација и функционалност кои навистина внесуваат свежина и покажуваат дека има и други дечки кои размислуваат концептуално како BERG и работат по насоките (Apple’s HI Guidelines) на Apple, секако тука издвојувајќи ги како најинспиративни Information Architects.

Она што во САД посебно издавачите мора да го решат е секако е моделот на претплата. Имено поради сложените рекламно- печатарско-издавачки врски претплатите на годишно ниво на некои магазини или весници се во некои случаи дури и 80% поевтини од купување на истиот број магазини по редовна цена.

Воедно што да прават со оние кои се имаат претплатено на хартиеното издание, ќе го добијат ли електронското за џабе или со попуст? Тоа се дел од дилемите на американските експерти за кои можете да прочитате овде, овде и овде.

Извор: osxdaily.com

А што не мачи нас?

Сакале ние или не iPad допре и до нашите простори и нашето катче од светот. За некого елитистички гаџет, за некого прозорец кон иднината тој исто како и iPhone полека станува дел од нашето секојдневие. Луѓето кои ги знам што имаат iPad се пред се од ПР, ИТ и со некои исклучоци од новинарската фела (секако не сметајќи ги оние кои своите уреди ги кријат дома). Овие последните се растргнати помеѓу желбата да видат за што станува збор, но да не ги видат колегите како извршуваат предавство на печатарските преси и хартијата кои живот и бизнис значат.

Ај да почнеме од убавата работа. Во новата верзија на оперативниот систем iOS 4.2 конечно има македонска тастатура, значи македоснки девелопери џабе ве викавме на работа ништо од бизнисот.

Ај тастатурата ами нема ни македонска апликација во продавницата на Apple (едвај чекам да ме демантира некој).

Донекаде разбирам дека има и тука малку потешкотии (согласно платежната картичката кога се регистрирате Apple продавницата дава за секоја земја различен избор на апликации и сите не гледаат се) ама од некаде мора да се почне. Поентата е, има во овој бизнис пари само треба да се најде начинот. Но ова не е ништо потешко од било каков друг бизнис. За кого ја правите апликацијата, колку ја наплатувате, што продавате и кому, одржливост и апдејтирање на податоците, надградби на апликациите… Сигурно можете да ја продадете апликацијата некому, цел нов свет ве чека таму. Само ќе ве потсетам на човекот кој направи апликација дијамант позадина за iphone и ја продаде на неколкумина за цена од 1000$ пред да ја тргнат од продавницата. Нека биде и таква ама да биде македонска.

Извор: thedailybeast.com

Македонските (печатени, радио, телевизија) медиуми за жал не ги гледам на ipad во блиска иднина, посебно не додека тоа не го направат хрватите и србите оти нели така оди напредокот кај нас. Она што е претпоставувам некаква кочница е прво mindset-от на менаџерите на медиумите, второ екипата на млади и стручни луѓе кои ќе го направат тоа и на крај газдите кои тоа треба да го инкорпорираат со постојниот бизнис. Дотогаш џабе ќе сонуваме за newsroom concept во Македонија.

Често со Дарко се шегуваме на темата велејќи дека за Македонија важат и се релевантни извештаите на Innovation ама да не го купуваме последниот, за нас важат оние од 2003та.

Шегата настрана, реална и мала надеж лично имам во портал медиумите и интернет новинарството иако и таму со чесни исклучоци важат истите проблеми и предизвици како и кај „традиционалните медиуми“ што и не зачудува кога голем дел од сопствениците таму се поранешни новинари од печат, радио, ТВ и само „смениле формат“ заради Х причини. Да не се разбереме погрешно има и дечки кои сакаат и знаат да одат напред ама или имаат проблем со финансии, со кадар, со издржлива долгорочна идеја.

За на крај

Новата верзија на ipad се крчка, се зборува за 2 камери, блиц, ретина екран, можност за видео разговори, USB приклучок… Не случајно најбараниот подарок оваа година за Божик е ipad.

Штом го купив мојот iPad сакав веднаш да ја споделам мојата еуфорија со светот, но тогаш ништо немаше да биде објективно и се ќе беше испомешано со емоции и не сосема логично. Денес по скоро месец дена дружење со мојот iPad и откако на свет дојде новиот iPhone верувам дека можам сериозно и од реална дистанца да ги сумирам моите импресии за малото уредче кое дигна толку врева пред и позади себе.

Немам намера да ве заморувам со техничките детали (батерија, екран, копчиња) кој ги имате насекаде околу вас, она што сакам да го споделам е личниот впечаток и промената која овој уред ја создаде кај мене и моите секојдневни навики.

Нова класа, нови предизвици

Таблетот (iPad) е класа за себе. Есенцијално откако го користам ја сменив мојата рутина на користење на компјутер (лаптоп, десктоп). Сега поврзувањето на интернет е многу лесно преку мојата „електронска тетратка“ која ја фрлив на каучот покрај мене (нормално заштитена во гумена футрола и проѕирна фолија). Така не морам да одам да седнам пред компјутер или да го тргнам на маса лаптопот или нетбукот кои грејат и бучат. Од овој аспект може да се каже дека iPad-от го третирате како мобилен или како некаков весник кој секогаш е тука покрај вас.

Го користам за она за што го користам 90% лаптопот (десктопот): меил, RSS Feeds, сурфање. Кога ми треба да го користам како лаптоп, сакам да пишувам или да бидам поефикасен во чат сесијата со моите пријатели ја користам дополнителната тастатура. Практичен со батерија од 12 часа го оптимизира моето време на интернет и се чувствувам многу комфорно но и природно додека го користам.

Овој уред е дизајниран како да е наменет за некој кој што прв пат гледа, да не речам прв пат допира компјутер и од тој аспект е зачудувачки како луѓето од Apple успеале да го исфрлат технолошкиот товар кој го носиме со себе и да го редизајнираат компјутерот одново.

Магијата на допирот и презентацијата

Можноста да го допрете она што го гледате е исконска и со неа сте се сретнале кога прв пат сте виделе компјутер, но сте морале да ја потиснете таа фрустрација со глувчето, кое сте морале да го користите ако сакавте да дадете команди преку GUI (графичкиот кориснички интерфејс). Сега тоа можете да го направите онака како што ви налага инстинктот – со допир.

Нема потреба да кажам дека она што го има направено тимот на Џобс е добро пакување, едноставен и природен flow на апликациите и феноменален кориснички интерфејс.

Можеби има мали ограничувања (без флеш и без мултитаскинг) но купив Apple производ што значеше бев информирам што купувам и што да очекувам, така да не се жалам.

Дали iPad ќе ги спаси печатените медиуми?

Освен ако печатарите не се свестат, не престанат да бидат алчни и не почнат да инвестираат во својата иднина. Како што е тргната работата, не верувам.

Како за илустрација Pulse Reader е во суштина она што им фали на весникарите. Оваа апликација беше хит број еден по продавање и симнување од Apple продавницата, чини 4$ а ја направија двајца дечки од Станфорд „за своја душа“ како алтернатива на досадното прелистување весници (тргнувајќи од аспект на корисник). За 20 дена имаа повеќе од 15 000 симнувања, или во пари заработија 40.000$ (откако Apple си зема 30%). А како на ова одговорија весниците прочитајте: Pulse News Reader for iPad praised by Jobs then yanked from App Store

Имено тие наместо да научат лекција си продолжија по старо со нивните досадни view-ери (NYT Editors’ Choice, USA Today , Newsweek и слични да не ги набројувам).

Нешто се обидоа да направат Popular Science со помош на проектите на Bonnier ама беа премногу алчни и бараа иста цена на е- верзијата на магазинот како оној во трафика 5$ од број (лудо!!!).

Да го цитиран Хуан Сењор од Innovation за да преживеат весникарите мораат “Innovate, reinvent yourself or die”.

Во МК

Стандард како и за се, од сите аспекти ќе си почекаме да дојдат работите кај нас. И од хардверски и од софтверски а за весниците кај нас, далеку сме ние од светот. Дај боже да грешам и некој да не изненади со македонска iPad апликација.

За крај

Ја уживам да сурфам со мојот iPad и топло препорачувам да си купите ваш.

За тоа како дошле до идејата и зошто почнале да го користат 4sq како и другите социјални медиуми за комуникација со своите муштерии направиме интервју со Коки од колектив кој стои зад акцијата со 4sq.

Снема батерии тука…. продолжете на второто видео…

Секако, далеку сме од суштински пробив и исчекор на овој план, но гледано низ некакви реалистични очила, мора да се каже дека развивањето на дебатата охрабрува, особено кога ќе се земе предвид честата појава на негативно покривање на темите околу интернетот, пред сѐ преку различни стории за девијантни однесувања и ексцесни случаи.

По постот на Мите за „Политичкиот дијалог и Твитер“, за тоа како политичките субјекти се прилагодуваат кон новите услови на децентрализирано комуницирање, сведочиме неколку интересни написи во медиумите кои се надеваме дека и понатаму ќе ја развиваат и шират оваа општополезна дебата:

Во сторијата на Утрински весник, и авторката Миркица Поповиќ „На сцена стапуваат нови медиуми“ се посочуваат некои од најрелевантните аспекти со кои новите медиуми можат афримативно да влијаат во  општеството:

„Класичните медиуми не можат секогаш да одговорат на барањата на публиката. Во ова време и јавноста бара поинакви информации…Во ситуации, кога онемуваат традиционалните медиуми или, пак, во секојдневните цензури на кои се подложени поради уредувачката политика водена од онаа на сопственикот, на сила стапуваат социјалните медиуми…Кога традиционалните медиуми манипулираат со информациите или и сами се манипулирани, тука се новите медиуми да се посомневаат во тие информации и да отворат дебата“, вели Силвија Присли од „Глобал војсис онлајн“.

Од друга страна, интересот на политичките субјекти кон новите медиуми, се зголемува. Се надеваме дека тоа примарно е во правец кој ќе го надмине формално-трендовското,  и сѐ повеќе ќе се доближи до вистинска употреба на интернетот за понатамошна демократизација и полесна комуникација на граѓаните со институциите, носителите на јавни фукнции и други политички субјекти, а не во правец на некакво ново поле за пропаганда или празна политичка реторика:

„Очигледно е дека и во Македонија почнува конкурентска трка на сите нивоа и во сите сегменти за тоа кој и колку ќе има поголемо влијание во Интернет- пространството, колку подобра Интернет-страница ќе има, колку таа ќе биде полезна и лесна за граѓаните, колку ќе биде брза со достава на информациите, итн. Она што дава јасна слика дека доаѓа време кога ќе се намалува влијанието на класичното информирање и на класичните медиуми е фактот дека токму тие, класичните медиуми, меѓу себе се во најголема трка кој и како ќе има свое присуство во Интернет-пространството.“ (Илија Димовски, пратеник).

„Денес главната игра сé повеќе се води на Интернет. Модерната држава треба да го поддржи овој процес и да се приспособи, а не да се обидува да го контролира. Традиционалните медиуми се во процес на приспособување кон новата реалност во која информацијата е демонополизирана, децентрализирана и бесплатна“. (Александар Спасеновски, пратеник).

Како и да е, од нас зависи како и со која динамика овие можности ќе ги искористиме, особено кога се знае дека повеќе не постои таква ригидна дистинкција и одделеност помеѓу јавноста и општествените субјекти. Сега сите сме субјекти кои можат да придонесат во јавната комуникација, но и живеачка.

Анкетата доби 41 одговор. Подолу еве ги комплетно резултатите од сите прашања. Како и да е, мора да напоменам дека анкетава не е резултат на некоја посериозна подготвка и сл. Има методолошки недостатоци, не баш репрезентативен примерок и сл.

Прво погледнете кој ја пополнил анкетата па потоа и како одговарале на прашањата. Заклучоци може да си изведува секој сам. Јас мислам дека некои за одредени прашања ја криеле вистината :), ама тоа е моја лична перцепција, нормално не мора да биде точна :)

* кликни ја сликата ќе биде малку поголема

Податоците од оваа анкета ќе бидат употребени како надополнување на истражување на тема перцепција на мобилните телефони и нивната употреба. За пополнувањето на анкетата се потребни не повеќе од 5 минути. Анкетата не бара ваши лични податоци и вашите приложени податоци не можат да бидат злоупотребени на каков било начин.

Методолошки земено, соодветните броеви од скалата за оценување се однесуваат на: 1 – воопшто не се согласувам; 2 – не се согласувам; 3 – немам одреден став ( неутрален); 4 – се согласувам; 5 – потполно се согласувам.
Ви благодариме.