ПРВ ДЕН
Првиот ден откако претходниот не си гледал вести започнува со следната промена: забележуваш дека покрај раката за држење далечинско и задник, имаш и други органи, како на пример нозе. Почнуваш внимателно да се движиш по дома, се чувствуваш како бебе кое проодило. Почнуваш сам да си земаш работи од кујна, спална, плакар, без да ги мољакаш другите по дома.

ВТОР ДЕН
Добиваш нагон да излезеш надвор и да се прошеташ. Првин се двоумиш, се нечкаш, трепериш да не те ограби некој, да не те начека некој партиски портпарол по скали, но на крај сфаќаш дека мора да излезеш и да се соочиш со стравот. И кога ќе излезеш надвор се чувствуваш како твојот праисконски предок кога ја напуштал пештерата. Чувствуваш дека се што ти треба е да дишеш, ништо повеќе, дишењето те исполнува и полни со енергија. Неверојатно!

ТРЕТ ДЕН
Полека започнуваш да забележуваш насмевки кај другите луѓе. Чувството е блажено и се прашуваш како досега не си ги забележувал насмевките кај другите. Со малку трпеливост и фокусирање успеваш да се разведриш гледајќи ги насмевките на другите.

ЧЕТВРТ ДЕН
Покрај гунгулата од распукани тротоари, раздупчени улици, лошо паркирани коли, фрлено ѓубре и слично, почнуваш да забележуваш елементи од природата како на пример дрвја, трева, птички… Уште ако ти се погоди сончев ден, доживуваш вистинско воскреснение на сетилата! Животот повторно полека-полека почнува да добива смисла!

ШЕСТИ ДЕН
Забележуваш дека имаш интересни книги дома, кои си ги купил со голем ентузијазам, но за некое големо чудо никогаш не си почнал да ги читаш. Ги забележуваш и справите за вежбање кое си ги купил пред години и години, врз кои се напластиле неколку седиментни слоеви прашина. Се чувствуваш доволно храбар да се фатиш во костец со нив.

СЕДМИ ДЕН
Стануваш целосно толерантен кон грешките на другите и се здобиваш со способност да им простуваш. Кога некој по дома ќе ти згреши нешто, не пукаш секундарно во афект и не се раздеруваш како хормонално раздразнет адолесцент. Некој ќе ти ја изеде половинката чоколадо што си си ја оставил за по ручек, не се ни обѕрнуваш, ќе ти ја потрошат топлата вода од болјерот, викаш нека простено ти е чедо…Ти се враќа самодовербата, се чувствуваш дека твојот живот вреди нешто, дека животот е полн со можности кои не си можел ни да ги видиш, а камоли реализираш. Едноставно, добиваш способност животот да го гледаш во боја!

Што е Chatroulettе?

Едноставно кажано се работи за „видео-чат сервис“ на кој по пат на случаен (автоматизиран)  избор имате можност да муабетите онлајн со другите корисници на овој сервис, или игра, како што велат неговите сопственици. Лично ми се допадна описот на новинарката на „ABC“ која вели „Наместо да сурфате интернет страници, овде луѓето сурфаат низ животите на други луѓе“.

За да интернетот остане доследен на својата комплексност и контроверзност, веднаш се погрижија и корисниците на „Chatroulettе“. За сериозните теми, на хумористичен и саркастичен начин, преку видеото на Џон Стјуарт (Jon Stewart):

Конечно, благодарение на Јован, го најдов и следното прилично упатно и полезно видео:

chat roulette from Casey Neistat on Vimeo.

Што да се каже на крај за оваа нова интернет-фама? Се добива впечаток дека виралноста, која му е инхерентна на интернетот како (мета)медиум, овој пат целосно се пресликува и на самата лице-в-лице комуникација. Како да се работи за заразно вирално бош муабетење со целосно непознати лица, кои, исто како и вие, се љубопитни да комуницираат со непознати или пак се желни за егзибиционизам.

Во посериозна смисла овде може да се начне темата дека интернет комуникацијата, не само што го отсликува реалниот живот, и она што сме, туку наведува да експериментираме со себе си и поттикнува да истакнеме некои свои поттиснати потреби, мотиви, желби или намери. Со други зборови да го инструментализираме интернетот, преку овој сервис, како издувен вентил и дис-инхибитор.

Како материјал по кој ќе се сеќаваме на овој мал јубилеј ни остануваат еден видео клип со пораки од неколку наши пријатели, една галерија на фотографии и секако видео од гостинскта презентација на Небојша. Уште еднаш голема благодарност до сите, особено до Небојша.

Фотографии сликани од @kuzevski

Видео честитка

Презентацијата на Небојша (Eniac)

Уште еден пост во роденденската серија. Сеад во претходниот направи пресек низ содржината која ја објавивме на блогов иминативе 5 години, а јас сега ќе се обидам да објавам што е можно повеќе статистички детали. Нема некој посебен редослед и единствената цел со која ги објавуваме е обид да ја докомплетираме сликата за блогот во овие 5 години. Не мислам дека статистиката ќе може да ја долови улогата, постигнувањата и значењето на блогов но и тоа е нешто :).

• Со овој пост има вкупно 1,295 блог постови
• вкупно има објавено 2,488 коментари
• сето ова е објавено во 35 категории и 1296 тагови
  
• просечно објавуваме 21.6 пост секој месец (во минатото многу повеќе од денес :)
• во просек еден пост има 160 зборови
• во просек еден коментар има 25 зборови
• блогот има 4 автори (Дарко 935 постови, Сеад 344, Мите 8  и Јана 7)
• најкоментиран пост е Без пардон, a и без усул со 43 коментари и цела дебата во живо после него :)
• втор најкоментиран пост е Весела интернет маркетинг математика со вкупно 28 коментари
• најсподелуван пост на Facebook е постот Хипократ или Хипокрит? со регистрирани 212 споделувања
• Најпосетуван пост е 5 причини зошто 1001 ноќ е хит со повеќе од 2,000 посети
• Блогот смени 5 дизјани, 2 додека беше на  .blogspot и ова е третиот тука откако блогот е на сопствен WordPress

ADLog
Со цел да се промовира локална (и регионална) адвертајзинг креатива со еден пријател во јануари 2008 го направивме првиот огранок на овој блог: ADLog. Малку подоцна кон него се придружи и Маријан ама како што се гледа не ни одеше баш добро. Не успеавме да воспоставиме квалитетни контакти со локалните и регионалните креативци, па така овој блог по 42 објавени поста остана да собира прашина. Не се знае, може сега ќе имаме повеќе сили и ќе успееме да собираме повеќе локални креативи. Секој доброволец кој сака и може да помогне е добредојден.

eMarketing
Вториот огранок на комуникации.нет е блогот за Интернет Маркетинг кој го пишуваме јас и Нате. На него од август 2009 година до сега имаме објавено 42 поста и има собрано околу 120 коментари. Оваа тема беше составен дел од овој блог, но после некое време осетивме потреба да ја одвоиме и да и посветиме поголемо внимание, а и мораше да и обезбедиме на Нате доволно простор :)

НЕ ЗАБОРАВАЈ!
Роденденов ќе го одбележиме во вторник на 30. март. За маркетинг на социјални медиуми гостински настап ќе има Небојша – @eniac. Повеќе детали на: Комуникации.нет – 5 години

Една од првите теми кои ја чепнавме секако беа односите со јавност, кои и тогаш, а и сега, остануваат актуелна и интересна тема (PR – луѓе за однос). За разлика од една од посочените веб-страници од блокот постови на оваа тема, блогот Комуникации продолжи да се развива, и да ја проширува листата на теми (информатичко општество, иднината на новинарстовото, и.т.н.) кон кои се осврнуваше на секојдневен, но сепак научно сензибилен јазик.

Првиот пост на мојата минорност беше, замислете, на тема реални-шоуа (Реално шоу, реални последици), кои во тоа време и не беа толку актуелни на наш домашен терен. Беше тоа допрва терен на кој требаше да настапат и да заиграат првите ѕвезди од @Tоа сум јас“ реалното шоу и следствената канонада од вакви програми. Набргу по тоа Дарко го детектираше, за тоа време футуристичкиот, процес на постапниот пад на печатените весници.

Од оваа перспектива, да не испадне дека сме биле многу авангардни, може да се каже дека многу од оние, т.н. денешни топ-теми, се гледа дека не се појавуваат случајно, и имаат навистина своја богата пред-историја која не учи дека тие не се ниту малку едноставни во својата суштина.

Коментиравме актуелни медиумски настани, ги следевме состојбите на планот на комуникациите и медиумите, и се обидувавме да им понудиме на оние кои некако ќе достасаат на нашиот блог, посебно читателско искуство, кое ќе ги мотивира да дебатираат, постават мислење, споделат искуство.

Уште таа 2005 постоеше одреден синхроницитет (на тема, „одредени теми“) помеѓу нас помладите комуниколози и искусните новинари (Чуму повторно со „наша тема“) која 5 години подоцна не доведе на гостински терен кај тв-новинарите (видео Facebook, Facebook 2). Останува да наканиме некој од почитуваните новнари да напишат пост за Комуникации, тоа ни останува како цел за наредниов период :)

Некаде во тој период за прв пат бевме спомнати во еден од нашите дневни весници (Време), а набргу се обидовме да ги збогатиме содржините со неколку аналитички трудови на наши колеги, со цел да ја збогатиме и поразноличиме дебатата на комуниколошките теми.

И повторно, во таа 2005 се концентриравме на теми кои сеприлично актуелни денес, а тогаш некако беа на маргините на јавната комуникација (Анкети) и допрваа добиваа на значење, барем во оаа денешна смисла.

За темите на родовите односи и медиумите, секогаш се наоѓало место на овој блог (Машки интернет – женски интернет), така секако и ќе остане.

Така некако се зародија и разработија работите околу овој блог, понатаму следуваа следните помаркантни теми, дискусии, дебати и „расправии“:

-Google Vs Microsoft
-Blogging-револуцијата во медиумите
-CitJ, Онлајн новинарство…
-Македонски RSS
-SMS измама (и тоа 2005, ехееј! :)
-Студена кибер-војна
-Реклами
-Мултимедија во медиумите

Педантно ја из-регистриравме Обама револуцијата во поитичката комуникација (Кампањата за 2008 започна на „You Tube“), ја истакнувавме довербата во медиумите како клучна категорија (Што е тоа доверба во медиум?), како и присуството на медиумите на интернет (Присуство на магазините на интернет ).

Не ги заборававме мејн-стрим темите (Македонците на телевизија најмногу гледаат вести), иако политика имаше доволно на другите медиуми и интернет, сепак и на политичките комуникации им одделувавме значајно место, иако со многу попребирлив приод кон самите теми и начин на нивно обработување.

Бевме активни и гласни сведоци на некои прилично важни процеси (Окрупнување на медиумите). Колку што се можеше се обидувавме да ги популаризираме (8 причини да блогираш ) и анализираме новите медиуми (What is ‘New Media’?) и блоговите.

Го „чепкавме“ Фејсбук уште кога „пиштол“ беше (Политизација на „My Space“ и „Facebook“?), а не ги запоставувавме ни другите форми на новите медиуми како што е мобилната телефонија (Змија, цивка, бипка, или ви llamadas pérdidas… ).

Загатнувавме и други важни теми кои чувствувавме дека традиционалните медиуми не ги покриваат доволно и достатно (Плагијаризам 2.0).

Се осврнувавме и на „фаци“, по нас важни за овие дискусии, и секогаш со задоволство ги пренесувавме и приопштувавме во нашава средина (Andrew Keen: lets discuss about
the impact of Web 2.0).

Не ни промакна ни Твитер, таман работа (Twitter breaking news: Паднал авион во Денвер).

Прилично често се осврнувавме на теми кои ги сметавме за критични, а една од нив секако е „љубоморното“ оцрнување на интернетот од страна на традиционалните медиуми (Киберфобија), како и ред културолошки теми блиски до медиумите (Глобални сељаци, Тинтернет).

Се обидувавме да бидеме критичари (Топ 5 причини како медиумите ја влошуваат општата живеачка, Од Билјанини извори), но не и мрчаторски критизери, колку успеавме останува сами да процените. Спорадично се навраќавме на политичката комуникација (Локалните кандидатите за градоначалници и употребата на Интернет комуникацијата, За слободата на медимите и новинарството во Македонија), но далеку од импресионирани од неа повеќе гледавме кон иднината на медиумите и комуникацијата (Twitter на едноставен македонски) и се обидувавме да внесеме фер-баланс во третирањето на интернетот, и промоција на „добриот интернет“ (Позитивен пристап кон Интернет. Свежи локални примери, Facebook бонтон).

И така сумарно земено, долг пат изодевме, но се уште чувстуваме дека имаме толку многу да кажеме. Се додека чувстуваме дека некој не слуша (читај, чита), ќе продолжиме со ентузијазам да твориме и споделуваме на овој блог.

Големо благодариме до сите оние кои барем еднаш не посетиле, оставиле коментар, линкувале, критикувале и потрошиле дел од своето време со нас и нашите писанија.

Срдечно,
Комуникации.

Верувале или не, блогов овој месец полни 5 години. Токму поради тоа во следниве две недели ќе имаме краток серијал постови кои ќе се однесуваат на самиот блог. Ќе се обидеме да направиме некаков пресек и да задржиме некоја самокритичност. Забелешки примаме, а пофалби уште повеќе :)

Значи, ќе има неколку постови, едно видео и една прослава.

Постовите и видеото ќе ги читате, гледате тука, но на прославата ќе мора да учествувате. Оправдувања нема :).

Првиот пост на блогов според архивата е објавен на 20 март 2005. па затоа решивме да го поставиме месец март како месец кога ќе славиме 5 години. И токму на крајот на месецот ќе ги повикаме сите редовни и нередовни читатели, пријатели и непријатели на овој блог да дојдат на нашата скромна прослава.

Вторник. 30 март. Клуб на новинари. 19 часот.

Блогов од пред некој ден почна да заработува, но тоа е далеку од сериозна заработка, затоа ќе мора пијачките сами да си ги платите. Ние ќе частиме торта и ќе се погрижиме да не ви биде досадно. А за да не биде досадно ќе направиме промоција на еден нов сајт/сервис на кој работиме заедно со уште неколку дечки од мк твитер заедницата веќе неколку месеци. Исто така ќе донесеме и еден млад дечко кој секогаш кога  зборува јавно го бранува регионов, а кога е зад тастатура руши некакви рекорди – Небојша Радовиќ – @Eniac.

Значи да резимирам.

• за маркетинг на социјалните медиуми ќе зборува Eniac
• ќе претставиме нов мк интернет сервис
• ќе добиете торта
• а најверојатно ќе поделиме и неколку маички (уште не сме ги направиле, не можам да ветам 100% :)

Затоа отворете календарите и запишете дека сте зафатени на 30 март, вторник. Се гледаме/читаме.

значи, да немав интернет:

1. Немаше да можам да ви пишам на мојов блог во кој имам вложено многу а тој ми има вратено со иста мера назад :)
2. Немаше да можам да знам дека BBC пишува на оваа тема, зошто вести на радио скоро и да не слушам, се читам на интернет
3. Немаше да запознаам еден куп одлични луѓе со кои денес редовно комуницирам на различни теми
4. Немаше да можам да му нарачувам на брат ми да му купува разни глупости на интеренет за да ги донесе кога иде за Америка (таму нели поефтино е)
5. Немаше да го работам она што го работам сега, затоа што работам БАШ ИНТЕРНЕТ.

За да го направиме ова баш како што тоа се прави на интернет (вирално), ги повикувам сега да кажат што би правеле Виктор, Марјан, Сеад, Ribaro и Владо без интернет.

*ако не ти е јасно зошто овој рутер е тука, гледај ја оваа епизода на South Park

Ми требаше една недела за да соберам сили да напишам што имав шанса да видам таму. Ако не пишам сега ќе ми помине најверојатно уште една цела недела заради Glocal: Inside Social Media и на крај нема ни да напишам пост. Затоа еве го сега. Секако мора да се има на ум дека ова е мојата листа на работи кои мислам дека се интересни за споделување, секој од останатите членови на екипажот има свои :).

Импресиите ќе одат повеќе преку слики и кратки можеби и на моменти неврзани коментари. Без редослед се.

1. Waag Society

Waag се случија при крај на посетава, ама ме воодушевија. Влетаа во програмата во последен миг и ме направија пресреќен. Ова горе на сликата е местото каде оригинално е сместена оваа организација. Спонзорирани се од државата, а работат во една друга нова зграда малку десно од железничката :). Еве слики за да не мора да раскажувам многу што тоа прават.

Со еден збор оваа организација: истражува. И толку. Со повеќе зборви нивниот слоган вели: Creative Technology for Innovation. Ова на сликате е мал детал од просторот каде тие имаат формирано еден мал инкубатор за web 2.0 стартап компании. Програмата се вика Mediaguild. Столчево на сликава му припаѓа на еден од членовите на тимот кој ја прaви оваа едукативна игра за деца: Mijn Naam is Haas. Видовме и една апикација за визуелизација на податоци, ама немам фотка од неа, а и заборавив како се викаше :). Убава беше, искрено.

Еден спрат подолу. Оп, тап Fablab

Ние бевме во Петок, домаќинот континуирано повторуваше дека е празно заради тоа што е петок, и кога разгледав малку на нивниот сајт сфатив како изгледа кога не е петок. Ова нам ни изгледаше како игротека за возрасни, ама всушност беше ептен сериозно. Разгледај ги детално проектите на кои работат или работеле, за некоја година може ќе ги купуваме во дуќан :) – http://amsterdam.fablab.nl/

2. Hogeschool van Amsterdam

Само една фотка од влезот на оваа образовна установа. Бевме во посета на студиите по комуникаци и медуми. Навистина добро опремено школо и пред се многу отворени и топли луѓе. Се запознав со некои многу интересни ликови и си добив две книги на поклон. Последното издание од конференцијата Video Vortex: Responses to Youtube и The Internet of Things – A critique of ambient technology and the all-seeing network of RFID.

3. Kennisnet

Ова е  организацијата која е задолжена за имплементирање на компјутери и Интернет во образовниот систем. Навистина голема организација одговорна за голем број проекти, но и со голем број успеси. Имавме 3 кратки презентации, која од која подобра. Но сепак чичкото со најкратко звање CTO беше најдобар. Сепак, 17 години работи на темава, не е тоа шала. Зборуваше за Social Media во школо и се повикуваше на истражување чии прелиминарни резултати скоро ги добиле. Од тоа пилот истражување сподели некои заклучоци кои беа навистина корисни. Фатив само еден инфографик, а ни ветија дека ќе ни ги пратат презентациите. Не се сомневам во тоа.

Не се гледа могу добро на сликава, ама вака изгледа светот на едно дете и неговата интереакција со медиуми. Има некои интересни заклучоци тука, како на пример дека образовниот систем (професори и сл.) ги нема во доменот на социјалните медиуми. Истражувањево е правено во две училишта за да можат после врз основа на првичните заклучоци да направат едно поголемо. Ех, еден ден и кај нас ќе се прават вакви работи, ах…

И доста е. Морам да одам да си ги земам новите визит картички (0:53 е часот, патем) и да спијам зошто утре имаме бриф за новинари по повод Glocal: Inside Social Media.

Ако не ви здосади да повторувам за оваа конференцја, тогаш нема да ви биде проблем да ви повторам дека изминатиов период сум преокупиран со неа и многу ќе ми значи ако дојдеш во четврток, петок и сабота (15-17) во Сарај на Њујорк Универзитет.  А за другите детали од Амстердам и Холандија, на друго место :) Овде толку.

Наоружајте се со упорност, трпеливост и време и бидете спремни со напорна работа да ја зголемите видливоста на својот бизнис. И секако навраќајте почесто на овој блог :) или најдобро претплатете се на нашиот RSS фид или внесете го вашиот меил во оваа форма и добивајте го секој нов пост во вашето сандаче. Така може ќе ве дадеме некоја добра идеа, ќе ви скратиме во време или ќе ви помогнеме да бидете поуспешни на Интернет.

Малку сум зафатен деновиве околу организацијата на Glocal: Inside Social Media (утре ќе ја има програмата на нет), па затоа не успеав на време да спроведам уште еден план зацртан за почеток на септември. План на кој, може и без да е многу свесна, ме измотивира Нате. И што да прави таа… ни крива ни должна… и нафрлив неколку идеи и толку и требаше. Се договоривме. Правиме блог!

И направивме Интернет Маркетинг Блог. Стварно, не лажам. Го крчкаме веќе два-три месеци, и конечно (за малку ќе беше роденденски подарок) ете го јавен: http://eMarketing.komunikacii.net

Ќе пишува Наталија и ќе пишувам и јас. Ќе бидеме редовни и ќе се обидеме да отвориме теми кои локално се докажале како атрактивни. Доста е муабет, Нате беше вредна па стави неколку постови за да не зјае на почеток празен блогот. Трк таму и не заборавајте да се претплатите RSS фид-от или внесете го вашиот меил во оваа форма и добивајте го секој нов пост во вашето сандаче. Сакале или не, ние ќе труеме наоколу со линкови :P

p.s. и да не остане неодбележано. го сменивме дизајнот на овој блог. не сум сигурен дали е легнат како што треба, ако забележиш нешто што не штима, слободно посочи. фала.