Сето ова е интересно и возбудливо, но што се случува со оние меѓу нас кои и не се така ентузијастични да ги јаваат брановите на овие револуционерни процеси? Тој свет е многу интересен, на свој начин, откачен во поинаква смисла од интернет откаченоста, та да фрлиме малку поглед, белким може нешто и да научиме од него. Еве неколку импресии од секојдневието на оние кои не сурфаат:

Контактните емисии се нивен твитер

Дали е тоа Здраво Македонијо, Бумбар, Овде и(ли) сега, Јади бурек, за неинтернетџијата од Македонија овие емисии се неговиот комуникациски канал да му прати на светот куси пораки за кои ние обично го користиме Твитер. Не се ограничени на 140 знаци, но сепак се ограничени малку поинаку: некогаш од темата, некогаш од водителот, а некогаш и од погодноста на тоа што го зборуваат. Си имаат и reply (да му одговорам на претходниот гледач), old RT со коментар (како што кажа претходниот гледач), нов RT (наполно се согласувам со госпон Петко за ова со Грците), favorite опции (бело бумбарче) и така натаму. Со вакви програми овие уважени сограѓани чувствуваат дека не пропуштаат многу од светот качен на интернет.

Сапуниците се нивни социјални мрежи

Сапуниците се основно средство за вмрежување на овој дел од пучанството: без изгледана серија просто не можете да се „логирате” во овој свет: сериите се менуваат, но принципите остануваат: дали ќе ѝ прости, чиво е бебето, што ќе смисли мајка му да ја спречи венчавката, кој кому е татко, брат, мајка, сестра, каква тајна крие градинарот или слугинката, и така во бескрај. Муабетите разврзани од овие содржини се самата платформа за социјализацiја од кафе пиење до рандом муабети во автобус.

Вестите сé уште се врвот

Гледање вест сé уште е врвот на граѓанското учество во јавните работи. Кому му треба интернет со вести на секој саат? Поискусните ги знаат термините од 9 сабајле, па до полноќ. Со добро пилотирање на далечинскиот, ниту една вест не може да помине нерегистрирана! Сега, заради оваа нанаситност од гледање вести, овие корисници имаат тенденција да ги монополизираат домашните телевизори и со тоа да предизвикуваат конфликти со останатите домашни (обично се манифестира со држење на далечинско цело време). Свесни за овие практикалии, нашите телевизии успеваат да најдат начини како да зберат што поголем број гледачи.

Еве на пример МТВ покрај програмата што оди, паралелно пуштаат скролови со различни информации за тоа што прави Владата, министрите, и слично, што им овозможува на домашните да погледнат некој филм додека дедото на пример, ја добива својата редовна доза информации. Или пак последниот тренд, спојување вести и сапуници: дедото гледа вести и оп, свадба среде вести, па трчаат сите да видат кој кого ќе побара за жена, дали некој јавно ќе раскине некому, дали ќе пукне абер кој со кого се швалерисува, кој кого повеќе ќе исплука на прес и други си креативни форми на хибридизација на тв жанрови.

Риалити шоуа се нивниот Youtube

И конечно, шоќетие Youtube со толку реални шоуа на нашите медиуими (башка мачки и кучиња можеш да гледаш колку сакаш кај Мелита)? Зарем ти фали нешто по гледањето на Големиот брат, Фарма, Прељубници, Превари, Моменти на вистината? Секако не. Доживеалиците и скандалите од овие програми, провокациите и скокоткањето на сите сетила и играње со моралните вредности се повеќе од доволни за да никогаш не посакате нешто поразлично (а подобро секако нема).

Adword in google.es FROM Google says: Forget about #SEO, to appear on Google try Adwords. What’s next @mattcutts? twitter.com/anilopez/statu…

— Ani Lopez (@anilopez) December 7, 2011

Инаку Ани по потекло е Шпанец, па затоа се сретнал со оваа реклама на Google. Имено, критиката доаѓа од таму што веројатно секој што се занимава со оптимизација за интернет пребарувачи би се нашол навреден од содржината на рекламата. Професионалците мака мачат да ги убедат своите клиенти во одржување и прифаќање на долгорочна стратегија за успешно присуство на Интернет, каде еден од главните судии за успехот е токму Google. По толку труд и работа се наоѓаат во ситуација каде самиот Google им ги саботира напорите со цел да заработи што повеќе пари од своите сервиси, во случајов AdWords.

Другата страна на толкување на критиката е погрешно наведување на публиката која пребарува. Ако одреден корисник пребарува по клучен збор “SEO”, тогаш реклама за “PPC” и Adwords не е вистинскиот резултат кој сака да го добие. Особено кога содржината на рекламата го едуцира дека “SEO” му е непотребно во работата за да биде успешен при рангирањето во резултатите на Google. Двете техники треба да работат заедно за да се оствари поуспешно присуство на Интернет, но не и по цена да се наведуваат корисниците кон страници што не им се од примарна важност во моментот на пребарувањето. За да биде трагедијата уште поголема во рекламата (која оригинално е на шпански јазик) има печатна грешка во еден од зборовите, што повторно го наведе Ани да критикува.

@adwords besides you dismissing #SEO it is not ‘Olvidate’ it is ‘Olvídate’ acute accent on í. Learn proper Spanish ow.ly/i/mXhm

— Ani Lopez (@anilopez) December 7, 2011

Понатаму, бидејќи Ани е влијателен твитераш во темата за оптимизација, неговиот твит скоро инстантно засегнал и други твитераши, па многу од нив почнаа директно да го пингаат Matt Cutts, изразувајќи незадоволство од овој потег на Google и од содржината на рекламата. Публиката отиде и до таму што компании почнале да му нудат пакети и услуги за оптимизација директно на Matt.

@anilopez @mattcuttsSEO Packages seokerala.co.cc/2011/11/seo-pa…

— SEO COCHIN (@SEOCOCHIN) December 7, 2011

Обично при вакви ситуации твитерашите се немилосрдни и многу критички настроени, па најчесто компаниите не знаат да се извлечат од ваква несакана ситуација. Но во случајов зборуваме за професионалци кои му дишат на бизнисот во врат и поминале многу понемилосрдни ситуации за да стигнат до местото каде што се сега. Очекувано Matt Cutts, на нивото на професионалност кое што се очекува од него, изреагирал на вистинскиот начин и го споделил својот личен став кон корисниците вклучени во оваа комуникација.

@bill_slawski someone mentioned this to me today at work. Not my favorite ad message. cc @optimizethis @gfiorelli1 @anilopez

— Matt Cutts (@mattcutts) December 8, 2011

Она што е уште поважно е што скоро инстантно реагирал внатрешно во својата компанија за поправање на ситуацијата.

Од една скоро ужасна ситуација Google нормално извлекува заслуги за себе, бидејќи неговите претставници добро знаат што значи да се комуницира со онлајн публиката на вистински начин. Иако се работи за Google, па каков и да беше исходот од ситуацијава немаше да влијае многу на нивната работа, сепак да се биде толку голем и успешен создава и одговорност да се постапи на вистинскиот начин и да се биде пример за другите компании кои допрва го одат тој пат.

Една недела подоцна рекламите со спорна содржина од Google се тргнати, иако Google останува на одлуката да го рекламира “Adwords” на клучен збор “SEO”. Сепак содржината за новите реклами е едукативна и прифатлива, па може да се каже дека корисниците кои пребаруваат нема да бидат наведени кон погрешни страници.

Поука од оваа ситуација е дека треба да се осмелиме да комуницираме со луѓето од големите брендови и да ги кажеме нашите интереси, мислења и критики. Оние кои навистина си ја знаат работата и кои навистина се грижат за своите корисници ќе знаат да ги ценат нашите поплаки и да ги искористат на прав начин. Она што е уште поважно е дека тие се достапни за непосредна комуникација со своите корисници и сакаат да комуницираат со истите на социјалните медиуми.

Social Data Hub на Google ќе им овозможи на маркетерите да ја видат големата слика за тоа како социјалните медиуми навистина влијаат врз брендовите, а најважно од се ќе им помогне да разберат како активностите на социјалните медиуми доведуваат до враќање на инвестициите (ROI) преку креирање квалитетна содржина.

Веќе 12 социјални медиуми, вклучувајќи страници за вмрежување и обележувачи, се вклучија во Social Data Hub на Google и ги споделуваат со него статистиките и метриките како на пример +1, гласања, коментари и сл.

Social Data Hub на Google очекуваме да биде достапен скоро. Она што е интересно е што за најголемите и највлијателни социјални мрежи, Facebook, Twitter, LinkedIn и Youtube сеуште нема најави дека ќе ги стават на располагање своите статистики на Google.

Google ќе мора да се потруди да ги убеди овие социјални мрежи да ги споделат своите статистики и да се вклучат во Social Data Hub доколку сака да понуди извештаи кои ќе бидат од корист на маркетерите. Метрики од социјалните медиуми во кои отсуствуваат бројки од Facebook и Твитер, би дошло исто како мерење на оптимизација на вашата страница без да го анализирате Google.

Дискутабилно е дали Facebook некогаш ќе се одлучат да се вклучат во Social Data Hub. Сепак за другите социјални платформи, вклучувањето има некои посебни предности. Тие имаат можност ја докажат својата вредност преку партнерството со едно од најквалитетните и најмасовните решенија на интернет способно за обезбедување на реално споредбени податоци за ефикасноста на социјалните канали. Маркетерите имаат можност на иста платформа да ги споредат резултатите и да следат кој канал им обезбедува најквалитено присуство.

Меѓутоа во отсуство на статистики за највлијателните социјални мрежи на нашиот пазар, прашање е колку Social Data Hub е корисен за вашите бизниси.

Што мислите, колку време ќе им треба на Google да ги придобијат најголемите социјални мрежи и да се вклучат во овој систем?

Нема да правам избор од важните работи оваа година туку само, со помош на Google Analytics ќе ги претставам најпосетуваните 5 блог постови оваа година.

1. Интервју со Колектива и Групер
Објавено во февруари, интервјуто го погоди моментот кога овие сервиси за групно купување го преврте МК интернет пазарот. Очекувано, предизвикаа цела лавина реакции на и надовр од интернет, нови сервиси, агрегатори и слично.

2. Што ни порачува Coca-Cola во нејзината Avatar реклама?
Одлична анализа на една рекламна кампања прикажана во гостинскио пост напишан од Биљана (Биби) Угуровска. Особено ме радува што бил доста посетуван овој пост затоа што докажува дека анализа секогаш привлекува внимание.

3. Кајгана 3.0 – многу повеќе локално креирани содржини [интервју]
Повторно интервју, повторно локални херои. Обајавено на 1 септември кога Кајгана.ком ја објавија својата ова верзија на сајтот. Минатата недела зедоа 2 награди на изборт за сајт на годината.

4. Дневник на еден апстинент од вести
Сеад малку пишуваше вакви саркастични постови оваа година, но затоа тие кои ги пиша се читаа. Очигледно споделувањата на Facebook на овој пост му помогнаа многу околу популарноста.

5. Како телевизијата ви ги уништи животите
Едноставно… Чарли Брукер… уште еднаш краток пост со видео и доволно е. Еден од омилените ликови ние, човекот го бива, забавен и сериозно критички насторен. Ако не си гледал ништо од него… не чекај.

Речиси не поминува ден, а да не се најдеме во ситуација во која треба одново да потсетуваме индивидуалци, компании или организации дека една од најважните работи, ако не и најважна, на Интернет е слушањето. Нам ни е како мантра, па на секое повторуваме слушај, слушај, слушај. На презентациите дури имаме и неколку различни фотографии кои имаат задача да ги поднасмеат слушателите за да бидеме сигурни дека ќе го запомнат овој важен совет.

Ставете ги ушите на улица

Но, колку и да зборува човек, колку и да се обиде да илустрира, воопшто не е едноставно да се направи тоа или барем такво чувство имаме ние. Едноставно овој совет подразбира активно следење на многу работи кои се случуваат на и надвор од Интернет. Ако сакате да оставите квалитетен впечаток, ако сакате соодветно и пред сè релевантно да се вклучите во одредена дискусија тогаш мора да знаете многу за неа. Мора да ги запознаете карактеристиките на каналот на кој ќе комуницирате, да ги дознаете локалните практики и важни/актуелни играчи на истиот и да се обидете да разберете со кого вие разговарате.

Ова не е еднократна работа, не се прави како дел од истражување кое го спроведувате пред да почнете да комуницирате на, да речеме, Twitter и толку. Секако дека тоа треба да го направите пред да почнете, но еднакво важно е да не престанете да слушате континуирано. Или како што вели Екин Мекензи од тимот за Twitter поддршка на Xbox: Можноста брзо да го најдеме и решиме проблемот е поголема кога нашите уши се на „улицата“.

Валкани алишта на површина

Е сега, зошто баш оваа тема за денешниов текст? Пред неколку дена се случи нешто што генерално многу често се повторува ширум светот, па и кај нас. Еден голем бренд не успеа на време да предвиди каква реакција ќе предизвикаат неговите одлуки. Еве за што станува збор.

Заедницата на популарната хумористична интернет-страница 9gag.com му објави spam војна на Nescafe, бидејќи унгарскиот Nescafe на својата страница на Facebook дисквалификува видео од својот натпревар од корисник кој побара „лајкови“ од 9gag.com заедницата за да победи и да го израдува својот хендикепиран брат. Корисникот Jani објави стрип на 9gag.com, во кој објасни дека сака да го израдува својот 11-годишен хендикепиран брат со 5.000 долари и побара од заедницата на 9gag.com да му кликнат Like на видеото. Наместо 3.000 „лајкови“, кои му беа потребни за влез во финалето, неговото видео собра повеќе од 40.000.

Nestle, најверојатно мислејќи дека 40.000 се некоја измама, го дисквалификува видеото и го тргна од натпреварот. Ова ја разгневи заедницата на 9gag.com, која почна да ја спамира и унгарската и официјалната страница на Facebook на Nescafe со навреди, погрдни зборови, критики и барања да се исплатат парите од наградата. [преземно од it.com.mk].

И каде е тука проблемот? Да следеле одговорните лица од Nescafe Унгарија што се случува надвор од нивната страница на Facebook и да разгледале детално кој и зошто го направил тоа, верувам дека немало така да реагираат. Вакви примери има многу. На Интернет постојат и други заедници, надвор од Facebook, кои обично се далеку покомпактни и посилни кога станува збор за практицирање активизам. Јас лично не ги знам деталите кои стојат зад одлуката на Nescafe од Унгарија, но факт е дека таа не беше доволно транспарентна и очекувана. Еден од најдобрите начини да се справите со вакви или слични предизвици е транспарентноста. Но, овој начин на комуникација не се практикува од ведро небо. И уште еднаш и последен пат во овој текст ќе ја цитирам Екин Мекензи, која вели: „Ние сакаме нашите валкани алишта да излезат на површина затоа што не сакаме да имаме валкани алишта“.

Има најмалку два клучни фактори за да може да се постапи правилно во вакви ситуации. Прво, мора да имате добро разработени политики за употреба на социјалните медиуми, да се знае кој каква улога има и како се реагира на инциденти како овој. Ова длабоко во себе подразбира дека компанијата и тимот кој раководи со нејзините сметки на социјалните медиуми имаат дозвола да носат брзи и храбри одлуки за да спречат евентуален инцидент како овој. И втората, еднакво важна и многу поврзана со првата работа, е дека мора оваа работа да им ја доверите на искусни луѓе. Не може некој студент или практикант да се носи со вакви, но и помалку ризични ситуации. Едноставно, се работи за вашиот бренд, за вашата иднина како компанија или организација. Дали сте подготвени да дозволите некој да учи како се комуницира на Интернет преку вашиот бренд?

Запомнете Facebook е измислен за „слушање“. Сите таму нешто кажуваат. Кој им е омилен фим, кој бенд го слушаат, на кој актер или серија се фанови, на кој настан ќе учествуваат, кој блог го читаат, каков карактер се и уште мал милион други работи. Fаcebook e одлична алатка за слушање, но таа е далеку од доволна. За вашиот бренд или компанија се зборува и на други места. Македонија не е исклучок. Има тематски форуми, Twitter, блогови и сл. каде што всушност, во најголема мера се раѓаат некои од подоцнежните „интернет-хитови“.

Ќе се обидам да резимирам две работи кои не значи дека се конкретно поврзани со дадениот пример.

1. Наградни игри, натпревари, избори и слични активности се по правило многу тешка работа за спроведување на Интернет. Мора добро да сте подготвени и нон-стоп будни. И имајте на ум, Интернет е далеку поголем од Facebook, иако голем број корисници не го имаат стекнато тоа чувство.

2. Добро размислете кому ќе му го доверите својот бренд, под кои услови и со кои правила на однесување тој ќе го раководи и кои канали на комуникација вие како компанија ќе му ги отворите кон вас. И секако, верувам и дека нема потреба да се спомене ова: имајте пристап до вашите сметки, континуирано.

Патем, видеото е објавено минатиот месец, малку прерано за да биде релевантно за 2011, ама очигледно на креаторите им се брзало да се испромовираат :)

Започнав да го снимам неговото излагање малку подоцна, не од самиот почеток но сепак мислам дека додека не се појави официјалното видео од LeWeb ова ќе заврши работа.

Во меѓувреме на Twitter начекав веден супер линк со фотографии од настапот на Рамон и го ретвитав. Не помина повеќе од 30 минути а добив одговор од Рамон. И за да ја испробам новата функција на Twitter еве го твитот подолу.

@darko156 Thank You those pics are Awesome #leweb

— Ramon De Leon (@Ramon_DeLeon) December9, 2011

Сега NewMedia.mk (ние), RamstoreMall и повторно 365.cоm.mk одлучивме дека е време пак малку да се забавуваме, ама на малку посериозно ниво. По успехот со отворањето на Swarm беџот, сега целиме кон отворање на Super Swarm значката, за која се потребни 250 чекирања. Спремни?

На 04.12.2011 од 13:00 до 16:00 часот во ТЦ Рамстор се организира Foursquare Super Swarm Фестивал за отклучување на Super Swarm беџот. Она што е најбитно тука да се истакне е дека ова е првиот собир на Балканот за отклучување на оваа значка. Ќе ни требаат најмалку 250 корисници на социјалната мрежа Foursquare да се чекираат во ТЦ Рамстор за после да се фалиме дека овој фестивал (прв на Балканот) бил успешен нели.

Дел од “станарите” на Рамстор решија да ја поддржат идејата и да се вклучат во фестивалот. Со своите понуди и награди, тие сакаат дополнително да ги мотивираат корисниците да дојдат и да се чекираат за да можеме да ја отклучиме Super Swarm значката. Секој кој ќе се чекира ја отвора можноста за добивање бесплатна веб камера, маица со Super Swarm значката, бесплатен паркинг, вредносни ваучери, и многу други попусти во кафулињата и рестораните во ТЦ Рамстор.

Што е потребно за учество во настанот?

Сè што ви треба е Foursquare сметка и телефон кој може да се поврзе на интернет.  Препорачливо е да имате телефон со GPS локатор. Доколку немате телефон со Foursquare апликација и GPS локатор, тоа не е причина да не дојдете на собирот, затоа што може да се чекирате и преку http://m.foursquare.com.

Foursquare собирите за добивање на групни беџови не се ништо ново како во светот, така и кај нас.

Се гледаме во ТЦ Рамстор во недела помеѓу 13:00 и 16:00 часот. Дојдете, чекирајте се и забавувајте се! И не заборавајте да ги известите пријателите кои користат Foursquare!

Двата најразработени и највлијателни водичи се на BBC и на АР.

Пренесуваме неколку хајлајти од истите, кои мислам дека се интересни и од особено значење:

• Редакциите ги охрабруваат своите вработени да ги користат социјалните мрежи (СМ) како неодминливо средство за комуникација во денешни услови.
• Покрај правилата за професионална употреба и споделување содржини, редакциите им даваат насоки и затоа како да ги користат и своите лични профили и сметки на социјалните медиуми (BBC: Don’t do anything stupid… Remember that even though you are acting in your own personal capacity, you are on show to your friends and anyone else who sees what you write, as a representative of the BBC. If you are editorial staff, it doesn’t make much difference whether or not you identify yourself as someone who works for the BBC).
• Не искажувајте политичка наколнетост во која било опција и ситуација. Нарушувањето на имиџот на компанијата како „непристрасен извор на информации“ е недозволиво.
• Не споделувај доверливи информации преку СМ.
• Ако имаш свој блог разговарај со својот претпоставен заради расчистување на одредени можни конфликти на интереси.
• Споделувањето содржини од вашата редакција и евентуално автоматизирање на нивно објавување координирај го со колегите и уредниците.
• Личните преференци (like, RT и сл.) треба да бидат внимателни кон претходно спомнатите интереси на компанијата (непристрасноста и етичноста) и треба да одбегнуваат изразување на одреден политички став, подршка или осуда (на пример не е дозволена содржина од типот: RT@jonescampaign smith’s policies would destroy our school ).

• Интеракцијата на СМ со изворите на информации (функционери, портпароли, и сл.) треба да е крајно внимателна и да не наведува на наклонетост или пристрасност.
• Новинарите треба да водат сметка дека границата помеѓу приватното и службеното е прилично кревка.

Ако ова доволно ве мотивираше, погледнете ги целосните водичи на овие две медиумски куќи:

BBC Social Media Guidlance      Social media guidelines for AP employees

Покрај тоа стана збор и за #ТвитерПиво кој се одржуваше додека оваа епизода одеше премиерно на Радио МОФ. Супер си поминавме на #ТвитерПиво и сега сме во исчекување на организација на #ТвитерАјвар.