Постарите професори (со кои сум комуницирал на тема медиуми) често знат да пласираат скептичност кон новите медиуми постојано ставајќи ја под знак прашање веродостојноста на податоците кои се објавени и гаранцијата дека зад нив стои легитимна организација/издавач или поединец/блогер (можеби).
Понекогаш со право се скептични, но тоа во никој случај нема да ги доведе во ситуација да посакаат да се едуцираат како да умеат да ја проценат веродостојноста и кредибилитетот на информациите на интернет. Ова важи за сите, не само за постарите, и не само за професорите. Интернетот и неговата содржина си имаат свои обележја преку кои често може да се дознаат многу повеќе работи. Се разбира за тоа е потребно едукација и време, т.е. искуство.
Наидов на некои интересни совети кои се базираат на техниката на поставување на брзи прашања со кои може квалитативно да се филтрира она што секој од нас го чита секој ден на интернет. Постов има бројка во насловот, што значи ќе ги покријам техникиве во серијал. Епа (конечно) еве го првиот дел:
Што може да ни каже една URL ардеса?
Многу често патешествијата започнуваат на некој од пребарувачите, да не речам Google, и веќе на сам старт треба да се анализира на кој лин да се кликне. Затоа адресата понекогаш знае да открива некои релевантни иформации кои заштедуваат време и секако водат до поквалитетни информации.
Прашаање 1: Дали станува збор за нечија лична страница?
Прочитајте ја адресата внимателно. Барајте лично име проследена со ( ~ ) или ( % ) или има зборови како “users,” “members,” или “people.” Исто така индикатор може да биде и име на некој Интернет сервис провајдер (geocities.com).
Што значи тоа?
Личните страници не се лоши, особено денес, кога блоговите се толку многу секојдневна појава, но тие бараат дополнително истражување/утврдување на кредибилетот на авторот. За нивната содржина не стои некоја поголема издавачка куќа или сопственика на некој домејн.
Прашање 2: За каков тип на домен станува збор? (gov; edu, org; com; mk; de;)
Дали содржината која ја барате е соодветна со доменот?
Што значи тоа?
Треба да се бара содветност. Каков домен би бил најверодостоен за содржината која се бара? Иако денес разделувањето на доемните не е следено со толку строги правила, сепак постои некоја ред, или етика која често знае да биде дополнителен извор на кредибилитет и веродостојност.
Прашање 3: Дали обајвената содржина е објавена од ентитет кој има смисла?
Погледни дали адресата содржи ентитет/фирма/организација која е позната. Вообичаено тоа е првиот дел од адресата (помеѓу http:// и првото /) Дали ова име кореспондра со името на сајтот?
Што значи тоа?
Секогаш може да се има поголема доверба во содржина која е објавена од самиот издавач. Па така доколку барате информации за некое министерство поверодостојни би биле информациите на нивниот матичен сајт.
Во вториот дел: Брзо разгледување на основните информации за авторот/издавачот
Еве во овој пост, главната презентација од вториот ден. Драган Варагиќ од Нови Сад, Србија на тема мерење на влијанието на блоговите (груб превод). Аудио презентацијата е долга 47 минути и тежи околу 32 MB.
Во текот на овогодинешната конференција Glocal 2.0 мојата мањкавост имаше презентација на тема „Blogging Between Verbal Democracy and Media Revolution“(Блогирањето помеѓу вербална демократија и револуција во медиумите). Презентацијата следи подолу, но за жал прилично е неупотреблива за прелистување на Slideshare заради многу хиперлинкови и слики без текст кои беа толкувани во текот на самата презентација.
Главната тема на излагањето беше колку е блогот погоден за активизам и како влијае на социјалните процеси надвор од самата блогосфера. Магазинот „Форум“ и Катерина Нешкова се осврна(а) на самата конференција и на темата на мојата презентација (стр 19-21).
Идеите на презентацијата најдобро беа илустрирани со прикажување на неколку клипчиња, меѓу кои и овој од „Животот на Брајан“ на Пајтоновци, кој ја загатнува темата каде е границата на вербалното и активистичкото:
Идејата која провејува низ текстот не е дека блогерите само јадат буреци и переци, туку дека блогот е прилично мамлив кон пасивност и оној т.н. „активизам од фотелја“ (Armchair Activism). За да се поткрепат блогерските идеи и постови, потребен е навистина посебен тип напор и оттргнување од топлинките на блогот и внурнување во физичката реалност со (најмалку) подеднаков ентузијазам со кој тоа го правиме при пишување.
„Facebook“ иако не е тотално нов вид на социјално вмрежување (постои од 2004 г.), во неколкуте месеци наназад доживува голем подем во својата популарност, се разбира отсликана преку бројот на корисници и нивната интензивна активност на платформата (повеќе од половина корисници ја посетуваат платформата на дневна основа). Друго мерило за растечката популарност на „Facebook“ е огромниот број на апликации (кои од 24 мај 2007 може да ги креира секој корисник) кои корисниците можат да ги користат преку Facebook. Нивниот број исто така рапидно расте.
Бројот на корисници на Facebook грубо е одреден на цирка 50 милиони (второ место кај платформите за социјално вмрежување, зад MySpace).
Што се можеш да правиш на Facebook? Слајд 6 од оваа презентација, во која се наоѓаат и други корисни информации за овој веб-феномен:
ПС-лични импресии: сложено мени за навигирање низ содржините. Дури пред некој ден го сменија интерфејсот, се уште го проучувам, па за попоткрепен став нешто подоцна. Сега гиковската нација ќе извика дека нема врска, но за еден просечен корисник, менито е троа компликувано. Убаво е што можат многу работи да се споделуваат (слики, видеа, песни, коментари, акции, петиции и сл.), ама има една фина реска граница на приватност која се губи неповратно (преку можноста твоите пријателчиња да ти ја следат активноста на профилот). Вистина, има можности да контролирате кој што гледа, но ако имате 200 контакти, тогаш сето ова малку оди потешко во пракса. Како и да е на Facebook се изнагледав работи што не ми се нешто важни за луѓето што ги знам, но тоа е :)
Една пријателка на зезање ставила верена (engaged) и си го загорчила животот: едно 115 пријатели и се налутиле што дознале дека е верена преку Facebook, па дур се објаснила, што е вистина, што не е, уф-уф. Друга работа апликации кои просто ви го преплиснуваат профилот: на пр. „Gorgeous Lovers“ :) како и 99% од апликациите те тера да ја форвардираш, па кога на некој пријател или пријателка ќе им стигне порака од типот „X revealed that you are on of his/hers Gorgeous Lovers“ паѓа или тешка смеа или караница :)
Од презентацијата може да се види дека Facebook е финансиски испреплетен со Microsoft, што е еден фин минус. Но сето останато, им е оставено на уживање, и на прилагодување, како и останатите Веб 2 феномени, на самите корисници.
Уште ена по мене важна работа, иако Google предничи според нови модели на рекламно работење, Facebook исто така дава иновативни начини на рекламирање и маркетинг можности…доста е, за сега.
Еве во овој пост, главната презентација од вториот ден. Драган Варагиќ од Нови Сад, Србија на тема мерење на влијанието на блоговите (груб превод). Аудио презентацијата е долга 47 минути и тежи околу 32 MB.
