Сега во стилот на некои наши доајени на шега да кажам (подвлекувам, не е сериозно ова во наводнициве 🙂 „кога ние тука зборувавме за штетните ефекти на изнасилените комуникациски ангажмани во форма на кампањи со сомнителен ефект и остварливост многумина не обрнуваа внимание“. И јас и Дарко напишавме неколку комуникациско-ориентирани постови на тема кампањи Made-in-MK, и искрено кажано, не чувствувавме дека има нешто ново или повеќе од тоа да се додаде. Матрицата остана иста, и хитчињата исто така. Еве ги овие неколку наши „осврти“:
И повторно за Владата и нејзините кампањи.
Толку имавме да кажеме од некоја конструктивно-критичка позиција. „Фала на пажњи, пријатно“.
Она што пак моментно се случува во македонските медиуми е една спротивна крајност, со исто така лоши последици, т.е. тотален наплив и ентропија на критички текстови за владиниот ПР, до тој степен што новинарите станаа опседнати со тоа да ја ничкосаат оваа политички изгенерираана медиумска реалност, водени од максимата „клин се клином“ и подржани од некои европски институции (на пример Европскиот парламент). Еве само дел од поскорешните:
–Молитвата на античките копачи
–Што сѐ не знаеме за Македонија?
–Владини кампањи, агресивен или позитивен напад на сите сетила
и.т.н……..
Ако се гледа некоја генеологија на оваа префорсирана анти-пропаганда, може да се каже дека социјалните медиуми одиграа голема улога во раните фази на јавната дебата и отпорот на оваа тема. Бидејќи инерцијата на самото новинарство е од тој тип што кога ќе тргне нешто, тешко се сопира, па сега ние критичарите и јавноста сме затрупани со контра-текстови и материјали кои исто така се изнасилени и во претерана форма. Се разбира реакциите се потребни, но толкавата фиксираност само дополнително ја влошува стабилноста и функционалноста на комуникацискиот систем.
Негативните ефекти се очигледни, виртуелизација на јавната комуникациска сфера од типот на дебатите за НЛО, додека самата реалност продолжува да си тече, а ние остануваме во расчекор со неа, се разбира на своја сметка.
Лекциите од оваа пропагандна епизода се секако крајно едноставни и дидактички на ниво на „општествена градинка“, па сума сумарум повеќе од јасни се последиците од ваквите пропаганди војни: поделба во јавноста во период кога на општеството му треба сосема спротивното, системски легално корумпирање на медиуми, како и застој во развојот на медиумите и нивно приближување до европските.
Никој не обрна внимание дека во духот на времето во кое живееме, никој, ама никој (генерациски под 50г) не трпи медиумско подучување и некаква добронамерна дидактика,. Денес гледачот и читателот е од сосема поинаков сој, тој ги бара содржините и рефлексно ги одбива оние кои го бркаат како спрејот бубачките, тој сака да има контрола над медиумските содржини, да бира што и колку, кога, да ги разложува, коментира, проследува до своите пријатели, и да си го менаџира сам своето медиумско искуство.
Тоа е реалноста во своја едноставна и непосредна форма, сето друго е некаков пасатизам со какви и да е мотивации.
Сеад ти паднал во рака некој дневен вeсник во последно време? Или случајно ТВ да не си гледал?
нема реклами – нема пари – ИМА реакции – едноставно е.
Убаво констатира Марина Костова во Вест
Од сега натаму секоја влада ќе го прави тоа, можеби само темите ќе бидат различни.
тоа е уште еден поразителен факт
За жал тоа е, во наши услови проблемот е двостран, медиумските газди ги играат игрите „притисни со критики за да пуштат реклами“, и тоа е. Затоа во псотов као мрчев дека новинарите како егзекутори на ваквите игри никако не се добродушници на кои сега треба да им се препуштиме во свртената плоча на општа критика и морализација, како и грижа за јавните пари. Тие се дел од проблемот, и тоа активен. Текстот на Марина е прилично упатен за пошириокиот контекст на работиве.
Упс, забрајф 🙂 Медиумите ќе се однесуваат како бебиња навикнати на цицање па кога ќе им го тргнеш „млекото“ се разбира дека ќе плачат и ќе бараат уште.
naslovot ti e direkt za pečatenje na maica
mi se svigja ostroumnosta na zaklucokot deka mediumite se bunat za da dobijat povekje reklami… od prva, čitajkji go napisot mislev deka e do novinarskata inercija i opšta nesposobnost. ne deka ne e taka, ama i takva kakva e — nesposobnosta može da se instrumentalizira i lugjeto da se iskoristat
Jas sega otkrivam topla voda. Možebi toplata voda e vo šablonot koj može da se prepoznae: tamu kaj što polusposobni lugje neodgovorno se odnesuvaat nekoj pozadi niv ima materijalni interesi. Glavaya treba da se krene, da se namirisaat parite i da se sledi nivniot smrdliv trag
@Boris: Sakav da pisam @…ke znee revolucija" ama ke zvucese malku marksisticki :))) Mislam deka e vaka ok, i moze da prenese nekakvo univerzalisticko pravilo 🙂