Го испраќаме месец мај со нов преглед во петок. Скролај и читај за најновите вести од дигиталниот свет.
Проблеми со Facebook Ads Manager кои ги чинат малите огласувачи илјадници долари
Во последно време Facebook Ads Manager има доста проблеми кои имаат негативно влијание врз работата на маркетерите и огласувачите на платформата. Според изјавите на Gracie и Andrew Foxwell (Foxwell Digital), резултатите од рекламите се недоследни, со многу промени кај помалите огласувачи. John Bolling (head of U.S. operations for ROAS Media) го вели истото, значително различни ден-за-ден резултати кај кампањите. Како резултат на тоа, Bolling изјави дека проблемите со Facebook Ads Manager ги чинат неговите клиенти десетици илјадници долари.
Многу луѓе се жалат дека нема никаква комуникација помеѓу Facebook и партнерите за огласување, и тоа не само во однос на проблеми со платформата. Ако Facebook сака да ги задржи бизнисите на својата платформа, ќе мора да направи промени. Огласувачите сакаат да видат проактивна комуникација во однос на проблемите и промените кои треба да ги направат.
YouTube го менува начинот на кој прикажува претплатници
YouTube најави големи промени во начинот на прикажување на бројот на real-time претплатници. Бројот на претплатници ќе се заокружи и наместо 10,500,000 ќе гледаме 10 милиони. Оваа промена ќе биде од големи значење за сајтови како Social Blade кој прави профит од прикажување кој губи/добива претплатници секогаш кога има некаква драма.
Одлуката да промени начинот на прикажување претплатници дојде во време кога целиот свет ја следеше драмата помеѓу James Charles и Tati Westbrook. Интензивниот фокус на real-time претплатници доведе до cyber bullying од двете страни. Новиот дисплеј на претплатници на YouTube ќе го видиме во август.
IKEA ги рекреираше дневните соби на “Stranger Things”, “Friends” & “The Simpsons”
Има нешто повеќе од еден месец до сезона 3 од Stranger Things, а ако сакаш да се вратиш во добро познатата дневна соба на семејството Byers, IKEA нуди одличен концепт на мебел кој можеш да го искористиш за твојот дом. IKEA ги рекраираше дневните соби на Stranger Things, Friends и The Simpsons, три од најпопуларните серии.
Room for Families на IKEA е препознатливата дневна соба на The Simpsons. Сите работи, освен добро познатата искривена слика од едрелица, се во продажба. Рамката, тепихот, наткасната, се сите достапни.
И последно, Room for mates од сетот на Friends е одлична слика на дневната соба на Rachel и Monica. Сè што е на сликата е веќе пуштено во продажба, вклучувајќи ги сите перничиња.
The North Face се извини откако неетички се промовираше на Wikipedia
Во маркетинг кампања, што дури и некој неук за маркетинг знае дека е МНОГУ ЛОША идеја, The North Face ЈАВНО објави изминатава недела како ги “изиграл” резултатите од Google Search за да ги промовира своите производи преку прикачување слики во high-traffic Wikipedia страници. Дечките дури имаа објавено и кратко видео во кое е снимено како ја прават оваа превара. Видеото почнуваше со слика од Google Search bar на кој се испишува “How can a brand be the first on google without paying anything for it?”
The North Face јавно се извини за потегот и во интервју со The New York Times изјави дека ова се случило како резултат на недостиг на комуникација помеѓу компанија и самостоен дистрибутер надвор од САД. Конкретно во случајот, дистрибутер во Бразил склучил договор со фирмата за огласување Leo Burnnett и всушност, оние биле тие што ја донеле одлуката за целава кампања, и дистрибутерот од Бразил бил тој што ја одобрил. The North Face Brazil CEO Fabricio Luzzi ја бранеше тактиката, велејќи дека “секој ПР е добар ПР”. Менаџментот на The North Face не се сложи со таа филозофија.
Google ги оживеа резултатите од пребарувањата со 3D/AR
Како што беше најавено на Google I/O 2019 конференцијата, Google сeга додава нови 3D слики и AR опција на селектирани резултати од пребарувањето, овозможувајќи им на своите корисници ново гледиште кога станува збор за животни, предмети и многу повеќе.
Ако пребараш “Panda” на Google апликацијата, сега ќе видиш и опција за “View in 3D”, што претставува движечка 3D слика од животното на твојот екран. Можеш да ја “додадеш” пандата во вистинскиот свет, со помош на AR. Истото можеш да го видиш кога ќе пребараш и ајкула, лав или алигатор. Со тек на време, Google планира да им овозможи на бизнисите да ја имаат истата опција за своите производи, со цел да им овозможи на корисниците да видат како одреден производ (парче мебел, на пример) би изгледал во нивниот дом.
Опцијата не е достапна за сите корисници бидедјќи се уште е во фаза на тестирање. Останува да видиме и самите ние како ова изгледа, како ќе се одвива примената на 3D/AR во иднина и што тоа ќе значи за SEO.
Бонус линкови
- Instagram Creator Accounts: What Marketers Need to Know
- The 7 Best Free Email Accounts and Service Providers for 2019
- 8 Ways to Optimize a Website for Voice Search
Толку од денешниот преглед во петок, последен за месецов. Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.
Се читаме во првиот јунски преглед во петок. 😉
