Не знам дали заради тоа што е прв пат навечер да организиараме #SMDayMK или дека има базен, ама едвај чекам да дојде петок. Нам ни изгледа дека сме и скоро спремни. Џабест веќе се подготвуваат за нивниот дел со #ФотоНаНеделата а Фрагмент Комуникации и DJ Shurbe ги договоривме за 2 минути.
Програмата и официјално е затворена. Ќе изгледа вака некако:
20.00 – Почеток, доаѓање, собирање, запознавање… се во едно.
20.30 – Формален (официјален) дел со презентации
- #ФотоНаНеделата – Душан Марковиќ (@elektropionir76)
- #ЛетовоСакам на Social Media Day – Александра Коложег (@Kolozheg) и Бојана Трајковска
- Никој нема да ти каже фала, направи го тоа за себе! – Јована Тозија (@jovanatozija)
- Reddit – Првата страна на Интернетот – два пениса мислат повеќе од еден – Виктор Арсовски (@ViksaaSkool) и Ѕвонко Плавевски (@Giotto_mkd)
21.45 – Неформален дел со DJ Shurbe
За сите кои прашуваа или кои не се сигурни да појасниме: за овој настан не е потребна претходна регистрација нити плаќање. Настанот е отворен за сите Social Media ентузијасти, професионалци, аматери и зависници.
Комплексот базен Ирина се наоѓа во населбата Припор, помалку од 1 км од последна 24ка во Кисела Вода. Влезот е веднаш спроти хотел Најс кој доаѓа од десна страна. Значи нашата локација е лево, веројатно ќе имаме и ознака :). Паркинг има под самиот комплекс, но ако е тој полн (мал е) може да се користи и паркингот на хотелот Најс. Има мапи подолу.
Просторот за потребите на Social Media Day го имаме до 01:00 часот. Со тоа што после 12:00 ќе мора да ја стишиме музиката (населено место е). Пијачки си плаќа секој сам. Базенот ќе мора може да се користи!
Доколку имате прашања или сугестии, слободно пишете тука, или пингајте не на Твитер: @NewMediaMK или @darko156 или @natalija. Се гледаме во петок.
