43 #ПрегледВоПеток

Еве сме со првиот преглед во петок во сончевиот и топол јули. Што се случуваше изминатава недела? Скролај и дознај!

Снема Facebook

Сигурно примети дека во средата некаде од пладне па до доцна вечерта Facebook, Instagram и WhatsApp се мачеа со вчитување на содржина. Благодарение на овој прекин во функционирањето на апликациите, добивме увид во тоа како алгоритмот за читање на слики ги тагира истите.

Сликите беа означени со текст, како на пример “image may contain: people smiling, people dancing, wedding and indoor” или само “image may contain: cat.” Е вака компјутерот го гледа твојот живот. На овој начин те перцепира AI системот на Facebook. Се чувствуваш засрамено?

Facebook користи AI за читање на слики на овој начин уште од април 2016. Она што не е јасно е дали Facebook ја користи оваа информација за таргетирање реклами. Во 2017 еден програмер беше толку мотивиран од овој концепт што направи екстензија за Chrome која ги открива таговите на сликите.

Нов стикер за четување на Instagram Story

Пред 3 дена Instagram пушти нов стикер за стори кој им дозволува на твоите пријатели и следбеници да започнат разговор со тебе со само еден клик. Новата опција, наречена “Chat”, ќе им даде до знаење на сите што го гледаат сторито дека има групна приватна порака поврзана со самата објава. Тој што го постирал сторито има опција дали да им дозволи на заинтересираните да се приклучат во разговорот, или не.

“Ние сме анти-инфлуенсери”

CVT Soft Serve е популарно место за сладолед во Лос Анџелес, а тоа го искористија самопрогласените Instagram “инфлуенсери” кои му ветуваа на Joe Nicchi дека ќе стават слика од неговиот сладолед, под услов да не платат за сладолед. Тој секогаш им велел не, но оваа недела јавно им кажа да не доаѓаат барајќи бесплатен сладолед.

Nicchi стана вирален лик откако на Instagram објави натпис на кој пишува “influencers pay double”. Тој пиша дека “никогаш не би дал бесплатен сладолед во замена за објава”. Неговата објава со тагот #InfluencersAreGross се прошири на далеку и сега бизнисот на Nicchi цвета. CVT Soft Serve стана збирно место за сите анти-инфлуенсери.

Некои брендови и бизниси имаат многу голема доверба во Instagram “ѕвездите” за промовирање на нивните производи и услуги што им плаќаат оброци и хотели. Овој феномен е толку познат што некои Инстаграмџии мислат дека многу лесно можат да ги измамат компаниите. Луѓе лажат дека нивната содржина е спонзорирана, кога всушност не е.

Нова ера на Google Search: Што тоа значи за SEO

Пребарувањето секогаш ќе биде значаен дел од начинот на кој наоѓаме информации онлајн. Но сега влегуваме во нова ера на пребарување, ера во која следат промени кои ќе влијаат врз SEO. Тоа значи дека ќе мора да го смениме начинот на кој размислуваме за SEO. Како што технологијата напредува, така ние ќе мора да направиме измени во нашите стратегии. Ќе треба да бидеме покреативни во размислувањето.

SEO ќе мора да влезе во свет каде алгоритмите и маркетингот се вкрстуваат. Ќе треба да почнеме да размислуваме како можеме да ги искористиме вештините и искуството во однос на алгоритмите на социјалните мрежи, алгоритмите за пребарување на Amazon, алгоритмите кои предложуваат содржина, итн.

Бонус линкови

Се надевам добро ти дојде овој преглед во петок. Ако имаш линк што сакаш да го споделиме во следниот преглед слободно пиши ни порака на Фејсбук. Наместо marketoonist, денес решивме да одиме со #bottlecapchallenge кој сигурно си го видел последниве неколку дена.

Еј! Се читаме во следниот преглед во петок, така? 🙂