Здраво, Алекс овде! За сите што ви фалеше да го чуете ова. Ете!
Обично сакам да започнам со позитивни вести, па ајде…
Spotify конечно достапен во Македонија
Лично, мене ова не ме погоди многу, затоа што имам Spotify premium account веќе 2-3 години, но верувам дека радоста е голема бидејќи благодетите од Spotify ги имам почувствувано, и се што ќе кажам – НАЈДОБАР стрим сервис за музика!
Официјално, oд пред 2 дена сме дел од семејствто на Spotify! Не само ние, туку и цел Балкан. Ова беше долго најавувано и очекувано. И исто така, многу ме радува што конечно ќе може да почнеме да ја прикачуваме и македонската музика на оваа платформа. Браво за сите артисти кои досега го практикуваа тоа.
Spotify, освен за музика, во последно време и има агресивен пристап и кон подкасти, и мислам дека и покрај тоа што е број 1 платформа за музика, сака истото да го направи и за подкасти.
Дали тоа значи дека Dezer ќе згасне? Не знам, но среќна сум дека нема повеќе да ми се чудат и прашуваат како имам Spotify, а сум од Мк.
Google најави 100.000 стипендии
Google најави три нови онлајн програми за сертифицирање во полето на анализа на податоци, управување со проекти и дизајн на подобрување на корисничко искуство – UX. Целата ситуација со пандемијата ги инспирираше Google да го направат ова со цел заинтересирани да научат нешто ново додека седат дома.
Сертификатите се креирани од страна на вработени во Google, за нив не треба да имате претходно образнование и може да се завршат за 3 до 6 месеци. Онлајн часовите ќе се одвиваат преки Qoursera и ќе важат исто како 4 годишно образнование.
Хакерски напади на Twitter
Ајде сега малце на темната страна…
Профилите на познатите брендови и ликови на Твитер се компромитирани во еден од најраспространетите и збунувачки хакерски напад што досега и се случил на платформата, со цел промовирање на измама со биткоини.
Не се знае како се случил хакерскиот напад, но многу чудно до кој степен системите на Твитер може да бидат компромитирани. После невидените хакови на профилите, меѓу кои се и претседателот Барак Обама, Елон Мaск, Бил Гејтс, Кање Вест, Мајкл Блумберг и Apple, Твитер потврди дека ќе го превземе драстичниот чекор за блокирање на нови твитови од секој проверен корисник, компромитиран или не, како и заклучување на сите компромитирани профили, се додека не се разјасни целата ситуација.
Хммм… Најверојатно оваа недела е недела на хакерски напади.
Бонус линкови
- The Comeback of Fun in Visual Design
- Australia unveils new nation brand — but where is the kangaroo?
- Amstel launches new global brand identity in bid for “coherence”
- Apple Warns Not To Close MacBooks With A Camera Cover Installed
Се читаме следен петок. 🙂
