Тазе тура одлични четива за убав почеток на денот. Ова е можеби првиот утрински преглед во петок. Барем за мене.
Колку е безбеден Facebook Kids Messenger?
Апликацијата за четување на Facebook, Kids Messenger, се соочи со безбедносен проблем. Од The Verge дознаваме дека биле испратени пораки на родителите на корисниците во кои Facebook ги информира за “техничка грешка”. Оваа грешка им дозволувала на пријателите на корисниците (децата) да креираат групни четови со други пријатели кои наводно биле одобрени од родителите, а всушност не биле.
Овој проблем се јави како резултат на тоа како всушност функционираат “дозволите” во групни четови, односно дека групните четови ја занемаруваат потребната дозвола од родителите за нивните деца да можат да четуваат со контактите во групата. Со оглед на тоа дека групните четови се дел од Facebook веќе подолго време, тешко е за верување дека инженерите ја приметиле оваа грешка.
Почнаа измамите со Libra
The Washington Post откри десетици акаунти, пејџови и групи на Facebook и Instagram кои ги мамеле корисниците дека се официјални застапници на Libra. Со оглед на колку измами имаше со cryptocurrency во последниве години, не е ни чудно што ова се случува. Но изненадувачки е фактот што се чини дека Facebook не бил подготвен за ова сценарио.
Голем дел од лажните пејџови го користеле логото на Facebook, рекламни материјали превземени од Libra и слики од Марки. Ова не е прв пат Facebook да се соочи со ваков проблем, но сега има многу повеќе да изгуби.
Како максимално да ги искористиш Google Analytics и Facebook Attribution
Пред една недела Econsultancy објави препорака за како максимално да ги искористиш Google Analytics и Facebook Attribution. На кратко, препораката е следна. Почни со GA и собери ги сите податоци со помош на Data Driven Attribution (DDA) за да знаеш како и каде да ги оптимизираш рекламите. Ако го мериш влијанието на кампањата на повеќе уреди (декстоп, мобилен, таблет), користи ги и двете, но дај му приоритет на Facebook бидејќи корисниците се логирани на платформата на сите нивни уреди.
Ако правиш анализа на повеќе платформи, GA и FA нудат различни решенија. GA не може да мери импресии од Facebook. Од друга страна Facebook има многу повеќе партнери кои му дозволуваат да ги вклучи во анализата. Ако сакаш да тестираш реклама, тоа го можеш и кај едните и кај другите со помош на “Lift test”. Какво е твоето искуство на темава?
Користење на AI за поврзување со други луѓе во вистинскиот живот
Покрај тоа што ги користиме социјалните мрежи за да се поврземе со луѓе од целиот свет, неколку истражувања велат дека тоа понекогаш не прави да се чувствуваме осамено. Alistair Campbell, Executive Creative Director во We Are Social, го сподели најновиот иновативен проект на компанијата кој има за цел да ги поврзе врските кои ги имаме во вистинскиот живот со светот на гласовно пребарување.
Дечките изградиле вештина за Alexa што препознава најчесто поставувани прашања, како препораки за ресторани и филмови во кино, активности во кои уживаме со други луѓе. Потоа и дале пристап на Alexa до контактите на корисникот со цел да прави резервации во кои ќе вклучи и пријател или член од семејството. Ако дадеш позитивен одговор, Alexa ќе ви ѕвони на тебе и на пријателот/роднината за да разговарате на темата и нели, да се видите во живо.
Како бојата влијае врз корисничкото искуство
Бојата има голема влијание врз корисникот и како тој се чувствува кога ќе го види дизајнот, како го користи, и дали може да го разбере. Корисничкото искуство почнува со типот на корисникот за кој твојот сајт е направен. Полот или областа во која корисникот живее може да влијае врз нивната перцепција на боите во твојот дизајн.
Истражувата покажуваат дека жените сакаат сајтови со посветол дизајн и бледи палети на бои. Додека пак мажите сакаат сајтови со потемен дизајн и позаситени бои. Исто важно е да се спомне и дека боите ги асоцираме со емоции. Кога корисникот ќе виде одреден боја или комбинација од бои, тоа веднаш предизвикува некаква реакција во мозокот.
Coca-Cola е препознатлива по црвената боја. Ако ја смениш, пример во зелена, многу е конфузно. Не го препознаваш производот веднаш и можеби не знаеш како да реагираш. Дури може и да ти има различен вкус, и покрај тоа што променета е само во бојата на сликата. Интересна работа, нели? 🙂
Топ пребарувања во Македонија – IT.mk
Според анализата на DataReportal, кај нас на YouTube најчесто се пребарува реалното шоу “Задруга”, а на второ место е најпопуларниот наш јутубер, GP. Според рангирањето на Alexa, најпосетувани македонски сајтови се Time.mk, Reklama5, Daily.mk, Femina.mk и Crnobelo.mk. Што се однесува до пребарувањата на Google, македонците најмногу внесуваат Facebook, Translate, Youtube, Google, Резултати. Во истражувањето е опфатена и присутноста на социјалните мрежи, како и детали за бројот на интернет корисници во Македонија.
Српски инфлуенсер изјави дека ќе си најде работа ако Instagram ги укине лајковите
Бројот на лајкови е многу важна работа за инфлуенсерите, а ако Instagram ги “укине” тоа ќе им нанесе голема штета. Jovan Čavić, „познат инфлуенсер од Белград” вели за NJuz.net ;), дека бројот на лајкови привлекува нови следбеници. Ако нема повеќе лајкови, тоа ќе стави крај на целиот вложен труд во неговите објави и самиот негов профил. “Ако Instagram навистина ги тргне лајковите, подготвен сум да превземам екстремни мерки, па ако треба и да си најдам работа“, вели младиот инфлуенсер.
Бонус линкови
- Is earned media on the way out?
- 29 Years of Adobe Photoshop Design History
- 100+ Google Sheets Templates & Automation Tools for Marketers
- PAL – transport system that embraces AI and machine learning
Толку за денес, нова тура следниот во следниот преглед во петок. Ако имаш линк што сакаш да го споделиме слободно пиши ни порака на Фејсбук.
Се читаме и следниот петок. 😉
