Веќе извесно време во академските, а богами и комерцијалните, кругови се зборува за спојката помеѓу мобилната телефонија и интерентот.Воопшто не е новост да се пристапи на интерент преку мобилниот телефон за да се провери е-пошта или да се симне одредена содржина за прегледување.

Она што е ново и интересно доаѓа од под пазувите на фирмата која го работи еден од најупотребуваните социјални софтвери во светот (покрај Facebook) – станува збор за MySpace

Имено, MySpace ланисира верзија на својот софтвер која е наменета за пристап преку мобилните телефони.

Како што известуваат, новата верзија ќе биде лансирана во понеделник (претпоставувам тоа е денес :-)) и сега за сега ќе функционира на сите мобилни оператори во САД.

Со ваквиот чекор MySpace им овозможува на своите корисници да примаат и испраќаат пораки и покани за пријателства, да пишуваат коментири на фотографиите, да постираат билтени, да си ги ажурираат своите блогови и да пребаруваат и наоѓаат нови пријателчиња.

И сега замислете си го искуството на младите со мобилната телефонија.

Покрај ‘зависноста’ од испраќање и примање на смс пораки, играње на се игрици, мобилните телефони во рацете на сите млади сега добиваат уште едно ново значење.

Сите оние орни и желни за дружење повеќе не мора да “спијат” пред своите компјутери поминувајќи часови и часови дружејќи се – сега тоа можат да го сторат каде и да се со помошта на своите мобилни.

Сето тоа, само по себе, можеби и не е страшно.

Елем, сите сакаме да поминуваме часови и часови во дружба. Доколку си ги извршуваме своите обвски (школо, дома, и т.н.) и секако доколку не забораваме дека постојат и други видови на “задоволства” – ваквиот чекор на MySpace не мора да значи и дополнително отуѓување

Она што е вознемирувачко во веста е што MySpace оваа своја нова, за мобилната телефонија наменета верзија ја прави “as part of a wider bid by parent News Corp. to attract advertising for mobile Web sites” –

или по нашки тоа би било нешто како: го прави тоа како дел од пообемната програма на компанијата која стои за Myspace , елем, News Corp., во правец на привлекување на адвертајзиногот кон мобилните веб страници.

Самата компанија за да го појасни ваквиот свој чекор вели дека адвертајзерите стануваат се повеќе и повеќе заинтересирани за ваков чекор токму заради се поголемото унапредување на веб искуството.

Она што мене ми ги подотвара очите се огледа во следниот дел од веста:

“…Eventually, Fox Interactive will seek to sell more targeted advertising, using registration data from cell phone carriers. The company also hopes to send local ads based on a user’s location using GPS data sent by the phones…”

и понатаму

“…MySpace recently announced plans to sell targeted ads using personal information culled from each user’s profile and blogs…”

замислете си: таргетирани реклами преку употреба на информацијата извлечена од профилот и блоговите на секој корисник!

Со тоа, ми се чини, имаме се помалку и помалку шанси да си ја заштитиме свеста од бомбардирањето со реклами. А богами и слободната волја да избираме кога и каде и какви реклами ќе гледаме/слушаме некако како да станува се помалку слободна волја а се повеќе раководена волја.

Сето она што ние за нас го обелоденуваме во нашите профили за цел дружба, поврзување, споделување, зближување со млади налик на нас – MySpace отворено планира да го (зло)употреби за да и овозможи на рекламната индустрија да може да ги пласира рекламите за своите производи до потаргетирана публика.

Си пишал дека сакаш да пиеш Швепс – твојот мобилен телефон ќе те потсети на тоа секогаш кога ќе посакаш да се подружиш со своите пријателчиња.

е сега, замисли да си тинејџер кој сеуште се нема дефинирано себеси.
Е па, рекламната индустрија ‘несебично’ ќе ти помогне во тоа, сакал ти или не!

Аdio на уште едно ниво од приватноста и интимата и позитивната контрола врз сопствениот живот !

Или?

целата вест можете да ја прочитате тука

секако без мојот коментар 🙂

Please leave this field empty

Секој петок во твоето сандаче: преглед на најактуелните маркетинг, SEO, SEM, UX, дизајн теми и линкови од претходниот недела.

Емаил *

Проверете го вашиот инбокс или спам за да ја потврдете претплатата.

You May Also Like

Нашите (дигитал) маркетинг желби за 2020 година #комкаст 73 – Dark Social [видео] 5 Маркетинг настани од регионов кои не смеете да ги пропуштите оваа пролет