Го фаќаме петокот пред завршување на работното време 😉
Facebook ги отстранува ограничувањата за текст во слики за реклами
Facebook ги отстранува своите ограничувања за реклами кои вклучуваат повеќе од 20% текст на главната слика. Сите огласувачи беа контактирани директно со известување за ажурирањето, објаснувајќи дека повеќе нема да ги “казнуваат” рекламите со повеќе текст на сликите.
ТikTok и WeChat успеаа да го избегнат банот во САД
Се надевам дека ова ќе заврши за брзо, затоа што секој преглед зборуваме за ова… ќе станеме досадни сами на себе, а не па вам. 😀
Нејсе… TikTok требаше да биде веќе баниран во САД, но Трамп вели дека им дал благослов и уште една недела одложување, со оглед на тоа дека од TikTok имаат пратено молба за одложување на банот, барем привремено. Трамп го прифатил ова бидејќи TikTok склучил договор со Oracle и Walmart кои ќе поседуваат 20% од глобалната компанија на TikTok.
Но, желбата на Трамп е целосно поседување на TikTok од страна на САД… Дали ќе се случи и тоа чудо?
Facebook и Coursera ќе станат партнери за програма за дигитален маркетинг
Facebook ќе соработува со платформата за онлајн часови, Coursera, за лансирање на нов, сертифициран курс по дигитален маркетинг, што ќе им помогне на големиот број луѓе кои бараат дигитални вештини и сакаат да го подобрат сопственото знаење a воедно да добијат и образование кое е признаено во оваа област.
Учесниците ќе учат преку градење кампањи и ќе се стекнат со дигитални вештини под менторство на Facebook и Coursera. Сите оние што ќе го завршат овој курс ќе добијат сертифициран беџ кој ќе може да си го споделат на нивните профили:

#CelebrateLifePodcast
После кратка пауза, Горан Костовски Indog се враќа со нова епизода од подкастот #CelebrateLifePodcast во која зборува со Ана Бакалинова.
Ана живее и работи во Лондон и има започнато многу работи во Скопје пред интернетот да стане нашето секојдневие. Заедно со Indog зборуваат за нејзината работа, за fake news ерата, подобар свет и освестување во оваа Ковид пандемија.
Бонус линкови
- How TikTok’s uncertain future and COVID-19 are transforming influencer marketing
- Who Are the President of Guinea’s Facebook Trolls? The Blurry Line Between Modern Campaigning and Coordinated Inauthentic Behavior
- 81-Year-Old Woman Learns Programming From Scratch And Creates An iPhone Game
- Free VPNs are bad for your privacy
И да ве потсетам, петок е, полека можете да преминете во пре-викенд mode 🙂