Date Archives 2010

LeWeb10 низ фотографии

1 Comment Society

Во претходниот псот спомнав за фотографијата со Marissa Mayer, ева ја приказната. Првиот ден од официјалната програма на LeWeb @kuzevski ме испровоцира (на чет) да сликам повеќе. И токму тоа и го направив. Сликав по малку од сесиите и личностите кои ми се допаѓаа и гледав веднаш да ги објавам фотографиите на официјалната Flickr сметка на NewMediaMK.

Во текот на денот, додека се шетав низ различните сцени, добив sms од @kuzevski дека сме добиле маил во кој некој пријаувава интерес да купи некоја фотографија од нашите. Нормално побрзав да се вратам назад на масата на која ми стоење (закачен на жица) компјутерот, за да видам за што станува збор.

FTD20101209S8

И кога таму, еден крајно културен меил во кој уредник на фотографија на германското издание на Financial Times сака да објави во утрешното (9.12) издание на својот весник фотографија од нашата Flickr сметка, фотографија со Marissa Mayer. Човекот и си беше однапред отворен и си кажа дека е спремен да си ја плати фотографијата. По неколку пораки во кои се договоривме околу детали, постигнавме договор и следниот ден добивме PDF со објанвена фотографија до која стои моето име :).

Освен што сега можам да се фалам наоколу, можам и да потврдам дека многу е важно да се внесуваат метаподатоци за содржината која ја објавувате на интернет. Да не беше брзо и јавно објавена оваа фотографија, да не беше обележана со соодветните тагови, немаше да може да се појави прд очите на овој уредник. Затоа прифати совет и во иднина, не ги исклучувај опциите за кои не си ни свесен дека може да се појават.

Е сега галеријата која е најавена во насловот. 🙂 Морав да се пофалм прво де тееее

LeWeb10 – за содржината

2 Comments Marketing, New Media, Social Media, Technology

Само нешто повеќе од два дена траеше овој настан а навистина ми претставувуа предизвик да пишам сумарен пост со моите лични впечатоци. Предизвикот е голем заради опасноста да не се испушти нешто важно или да не се нападане нешто што не сум ни дораснат да го коментирам. Па некаде помеѓу овие два краја еве обид да си ги средам во еден (а може и повеќе) блог постови моите впечатоци.

Во првиов фокусот ќе биде на содржината на конференцијата.

Вториот ден на хартија изгледаше послабо од првиот. Барем според звучноста на поголем дел од имињата односно компаниите кои доаѓаат, но како што и секогаш бива, вториот ден имаше подобра содржина. Мала напомена, настанов имаше во секој момент најмалку 3 различни паралелни сцени на кои се одвиваа различни презентации и работилници. Во таква ситуација мојот поглед секако е ограничен од она што јас успеав и одлучив да го видам.

Првиот ден на главната сцена имаше позвучни имиња и компании, што пак значеше дека ќе има помалку новитети и возбудливи презентации. Всушност презентации имаше многу малку. Паметни и искусни се организаторите па поголем дел од програмата беа интервјуа односно прашања и одговори на сцена. Дефинитиовно формат кој ќе се обидам да го имплементиран на некој следен настан кој ќе го организираме. Ова секако, не значеше дека содржината на истите беше поинтересна, затоа што освен пропустот на претставникот на PayPal (му се испушти дека владата им наложила да ја затворат сметката на Wikileaks) други значајно нови инормации немаше. Овде не ги бројам бројот на симнувања на Angry Birds, бројот на корисници на FourSquere и сл.

Од првиот ден со задволство ќе го издвојам интервјуто на Michael Arrington (TechCrunch) со Marissa Mayer (Google). Michael се обидуваше да ја испровоцира, да нападне, да биде арогантен и зајадлив, но секако сето тоа не е доволно за професионалец од рангот на Marissa да падне. Па така и покрај интересните прашања се се` заврши со прилично стандардни ПР одговори па дури и промоција на новиот Nexux S и мапите на Google. За тоа како моја фотографија од Marissa Mayer се најде во германското издание на Financial Times ќе напишам посебен пост :). Е да, не смее да се изостави и одличната дебата на тема медиуми, која не можеше да ја заобиколи најжешката тема деновиве: WikiLeaks

Детален извештај случувањта на главната сцена во текот на првиот конференциски ден има во постот на Небојша. Тој даде жртва и во име на балканската дружина единствен блогираше двата дена во живо.

Вториот ден отоври дискусија од различен тип. Парите беа во фокус сега. Имаше инвеститори, ангели, претприемачи и слично. Денот го отвори Yossi Vardi со оваа извонредно интересна (забавна) презентација на тема Wisdom of Crowd. Понатаму имаше интересни дискусии на тема како да те купи Google или Microsoft, како да се спреми стартап за продажба, како се носи таква одлука и сл. За некаде после ручекот овие дискусии кои во фокус ги имаа стартап комапниите да заврши со доделување на награди на најдобрите стартап компании кои оваа година улествуаа во предизвикот. За оваа тема и за форматот на овој предизвик планирам да напипам посебен пост.

Ќе ја прескокнам работилницата на Facebook, затоа што дел од неа ја снимив и објавив како видео, а и башка предавањата таму беа доста базични и дечките не беа баш многу расположени да ги одговорат прашањата на мојот цимер.

Пред самиот крај на овој дводневен настан следуваше јаготката. Како и на добар концерт, секогаш хитовите се оставаат за крај за да си оди дома публика со позитивни импресии. Така беше и на овој LeWeb. Некаде пред самиот крај настапи Jeremiah Owyang. Крајно професионално, одмерено, тој претстави предвидувања за развојот на компаниите кога станува збор за употреба на социјалните медиуми. Се разбира ова предвидување се темелеше на добро истражување и негова анализа. Целата презентација еве ја подолу.

Keynote: Social Business Forecast: 2011 The Year of Integration

View more presentations from Jeremiah Owyang.

И за крај, ама скроз на крај, Gary Vaynerchuk. Имам гледано на нет настапи од човеков, и му го знам стилот. Ми се допаѓа, не дека не, ама се некако ми се чинеше дека има дел од настапот кој е глума, кој е само за на сцена, дека човекот кажува работи кои ги кажуваат и другите ама само изгледа малку поинаку. Сум се излажал. GaryVee ме воодушеви комплетно. Тој го правеше токму она што другите најчесто само го зборуваат. Отврено, транспарентно, искрено. Полно со емоции и импровизација ама од блиску се гледа дека не е глума и дека има многу енергија :).

Без сценарио, без подготвен текст. Човекот минатта година на истиот настап му се скрал на сцена на организаторот (Angy Loic 😉 затоа што немало прашања од публика предвидено во форматот. Па затоа оваа година тој немаше говор. Целата сесија беше комплетно само прашања и одговори. Нема да прераскажувам. Еве го видеото. Само кога ќе го гледате обидете се да не го помислите она што го помислував јас пред да го гледам во живо.

И што може да се сумира на тема содржина на LeWeb? За мене ова беше прв настан од овој размер. Не знаев баш точно што да очекувам. Се на се, немаше промашени теми, немаше повеќе од 2 промашени говорници. Имаше мнооогу различни луѓе кои се прошетаа на сцената. Имаше доста нови информации, некои помаку некои повеќе вредни, и на крај го имаше Gary. Настан од овој размер има далеку повеќе од самата содржина на сцените. Во следните пост или два ќе се обидат да споделам по некој збор и за тие работи, како јас ги видов. Сега за сега толку. Јас, дефинитивно би одел пак на LeWeb :).

Facebook Workshop – LeWeb

4 Comments Media, Social Media

Еден од настаните кои предизвикаа голем интерес беа работилниците на Facebook, би рекол очекувано. Само не знам зошто Facebook не се решиле да дадат повеќе пари за поголем простор за своите работилници на LeWeb, но не е тоа и толку важно. Бев таму на првиот од три дела. Немаше официјална камера, па решив да направам снимка од рака.

  • Understanding the People Powered Web with Facebook
  • Building your Brand on Facebook
  • Building your Social Presence Across the Web: Social Plugins and APIs

Еве го првиот, воведен дел поделен во две видеа од по 20 мин.

Би рекол, професионална презентација, која не носи многу новини но сепак е вредна за гледање. Небојша остана и на следните две и успеал малку да ги налути предавачите кога инсистирал да добие одговор на прашањето зошто нема никаква поддршка за корисниците, дури ни за оние кои трошат пристојна сума на пари на самиот сервис за бизнис потреби. Повеќе за втората и третата сесија може да прочитате во белешките на @Eniac

Le Web 10 – Backstage session

2 Comments Marketing, New Media, Technology

Според најавата вчера имав можност да ѕирнам зад сцента и организацијат ана овој голем настан. Низ турата не водеа главните „виновници” за овој настан Loic Le Meur и неговара сопруга Geraldine. Еве неколку видо клипови баш од тој дел каде беа најавени доста работи за овие два дена но и ни беа откриени некои полутајни, како на пример единственото место каде овие два дена блогерите немаат пристап – делот каде ќе се одмараат големите фаци 🙂

Одлични се видета, задолжително е да ги погледнеш пред самиот настан кој започнува денес (08.12) во 9.00

Започна #LeWeb10

2 Comments Marketing, Media, Social Media, Technology

Нема да можам да пишам се што се случува затоа што голем број различни групи заинтерсирани луѓе се подготвуваат за различни делови од настанот. Но еве некои информаци и најави кои беа актуелни помеѓу официјални блогери

Continue reading →

[Webit] Ако се рекламирате офлајн, повеќе од потребно е да бидете присутни онлајн

7 Comments Marketing, Media, Online, Social Media

Вториот ден од конференцијата искрено не ги оправда очекувањата кои ги создадов по добро поминатиот прв ден и по насловите на презентациите кои требаше да ги посетам. Сите, освен една презентација, беа класично продацање на сопствените производи и здодевни. Може да се каже дека денот го спаси Chris Copeland со презентација со наслов „The Future of Engagement: Search, Social or Portal“. Chris не кажа нешто премногу ново или екслузивно, но барем не беше комерцијално ориентиран и имаше одличен настап за разлика од другите кои очигледно им треба консултант за јавни настапи. Тој во својата презентација се задржа на пребарувањето на интернет и неговата иднина.

Дали вашата компанија огласува онлајн?

Тоа што за пазар како Македонија е важно, иако овој податок е стар една година, е тоа што офлајн огласувањата (огласувања на радио, телевизија, весници, билборди итн.) имаат голема улога во пребарувањето на одреден бренд од страна на корисниците. Дури 67% од луѓето го пребаруваат брендот или производот на интернет откако биле изложени на него со некоја од формите на офлајн огласување и врз основа на тоа пребарување донесуваат одлуки за брендот или производот. Начинот на кој денешните потрошувачи доаѓаат до информациите е фундаментално сменет и затоа бара целосен ангажман и во олајн огласувањето и оптимизација на веб страниците за интернет пребарувачите. Патувањето на потрошувачот во пребарувањето на интернет откако бил изложен на одредена форма на офлајн огласување е следно:

  • Ја пребарува вашата компнија на интернет
  • Го посетува вашиот сајт. Ова посочува дека вашата компнија мора да има вебсајт, доколку не сакате да загубите 67% од потенцијалните купувачи кои го виделе вашиот оглас во некоја офлајн кампања. Но, не треба да имате веб страница само за да ја имате, туку тоа значи ефектина веб страница кој има оптимизација за интернет пребарувачите
  • Се информира за вашата компанија од блогови и од социјалните медиуми. Ова подразбира активна улога и присуство на компанијата на интернет страниците за социјално вмрежување. Она што Chris го посочи е дека не е вистина дека во новиот свет на комуникација немате контрола врз вашиот бренд туку дека ја имате повторно целосна контрола само доколку имате добра стратегија за настап на социјалните медиуми
  • Се враќа на вебсајтот на компанијата и има одредена активност на (претплата на RSS, претплата на електронска пошта, претплата на билтен итн.)
  • Го купува вашиот производ во некој од продажните салони или онлајн доколку тоа го озвоможува вашата веб страница
  • Доколку е задоволен клиентот гради поврзување со производот или брендот и го препорачува на своите пријатели и во онлајн и во офлајн светот.

Не може да се извлече подобар заклучок од ова освен дека: „Ако се рекламирате офлајн, повеќе од потребно е да бидете присутни онлајн“

Доколку мислите дека ова функционира во развиените пазари, но не и кај нас, преземето го истражувањето за Навики и употреба на интернет пребарувачи во Македонија. Дури 78,3% од испитаниците најмалку 4 пати во денот пребаруваат на интернет и бараат информации. Дали овие потенцијални купувачи ќе ве најдат на интернет?

Еве еден многу едноставен и хипотетички пример. Продавате плочки за во бања и имате фина и интересна реклама на телевизија. Доколку некој сака да дознае повеќе за вашиот бренд ќе ве побара на интернет. Зборот кој најверојатно ќе го употреби за пребарување е „плочки“. Доколку тоа го стори некој на Google ќе му се прикажат резултати од бугарски компании. Ниту една македонска компанија ја нема на првата страница. Не верувам дека во Македонија никој не продава плочки за во бања.

Иднината на пребарувањето на интернет

Уште една голема промена која се има случено во навиките на корисниците е тоа што повеќе не пребаруваат само на интернет пребарувачите како Google, Yahoo, Bing итн. туку пребаруваат и на веб страници чија основна функција не е тоа. На пример YouTube e една од веб страниците каде корисниците пребаруваат многу. Потоа, социлајните мрежи како Facebook или сервисите за микроблогирање како Twitter. Она што Chris го посочи е дека иднината на пребарувањето не e во пренесувањето или присуството на социјалните медиму во интернет пребарувачите туку токму спротивното, пренесување на интернет пребарувањето во социјаните медиуми.

Ова за компаниите значи дека:

  • повеќе не треба да ги пренасочуваат кликовите од пребарувањето на корисниците само кон својата веб страница туку и кон надворешни извори како Facebook, YouTube, Flickr или Twitter.
  • Креирање на стратегија за ефетивно присуство на социјалните медиуми и активно учество на истите.

Дефинитивно иднината на пребарувањето е во мобилните телефони. Ова беше нагласено скоро на сите презентации. Пребарувањето на интернет преку мобилни телефони од 2008 до 2010 пораснало за 500%. 25% од луѓето во Америка кои пребаруваат на интернет преку својот мобилен купиле производ токму користејќи го својот мобилен телефон. Ако го погледнете истражувањето за навиките на Македонците во пребарувањето ќе забележите дека и кај нас значителна бројка на корисници пребаруваат преку својот мобилен телефон.

Останува на нас дали ќе ја прифатиме оваа голема можност или ќе оставиме потенцијалните купувачи да ги преземе некој кој порано ја сфатил играта.

[Webit] Иднината на огласувањето е онлајн видеото?

4 Comments Marketing, Media

После вториот панел на Webit 2010 каде што беа претставени потенцијалите на маркетингот преку мобилни телефони следуваа две чисто комерцијално презентации, за кои презентерите не се потрудиле ниту да бидат забавни. Меѓутоа наредните две презентации „The new video eco-system “ на Andy Chen од MTV Networks International и „The evolution of web TV – trends, challenges and possibilities“ на Marcus Harwall, директор на Nova TV беа доста интересни и корисни.

Тоа што може да се извлече како заклучок од двете презентации е согласувањето на двајцата презентери дека поради сложениот еко-систем на видеото се уште никој не знае како да прави пари иако сите вложуваат и се натпреверуваат во тоа поле. Andy беше премногу директен и рече дека ако некој ви каже како знае да заработува со видео ве лаже. На Marcus предвидувањето е дека никој нема ни да знае во наредниве две години. Меѓутоа и двајцата ги детектираа предизвиците и можностите на олајн видео огласувањето.

Што се случува?

Луѓето сакаат содржина, особено видео содржина која за нив е поинтересна отколку читање на текст. Развојот на дигиталната технологија го направи видеото се популарно и достапно. Скоро секој произведува некоја форма на видео, а поради онлајн видеото интернет сообраќајот ќе се зголеми за 4 пати до 2014. Сето ова придонесе до појава на нов модел на пренесување и конзумирање на видео содржината. Тоа е „microcast“ моделот кој е спротивен на „broadcast“ моделот и кој фундаментално го менува начинот и дополнително го усложнува еко-системот на видеото.

Уште неколку брзи факти за онлајн видеото:

  • 1/3 од севкупниот интернет сообраќај отпаѓа на онлајн видео
  • Наспроти верувањето дека луѓето на интернет не гледаат долги видеа податоците покажуваат дека од просечни 4.8 миниту во 2008, луѓето сега во просек гледаат по 9.5 минути видео на веб платформите и се предвидува дека до 2013 ќе се дуплира и ќе изнедува 18.5 миниту во просек. Ова значи дека полека може да почнеме да зборуваме за веб ТВ, а не за онлјан видео.
  • Моменталниот голем сообраќај на веб платформите за онлајн видео не значи дека се конвертира во заработка

Експлозија на онлајн видеото

Огласувачите потрошиле повеќе од 12.1 милјарди долари на интернет во првата половина на 2010 и тоа претставува 11.3% повеќе од ланската година. Видео огласувањето пораснало за 48% оваа година и се очекува да достигне 16.1 милјарди долари до 2012.

Предности на онлајн видео огласувањето

Според Marcus Harwall од сите форми на онлајн огласување најефективен медиум е онлајн видеото затоа што е за разлика од банер кампањите има:

  • 10-50 пати поголем CTR.
  • 19 пати поголема стапка на конверзии

Исто како и во другите онлајн кампањи за ефективноста пресудни се следниве фактори:

  • Позиционирањето на огласот
  • Оптимизација на целната страница (landing page). Најдобро е да се има повеќе верзии за да се измери која од нив ќе даде најголем резултат односно најголема стапка на конверзии
  • Храброст да се биде креативен

Погледнета ја целата презентација на Marcus Harwall. Иако дел од податоците ви ги пренесов, внатре има уште доста интересни факти за моќта на огласувањето преку онлајн видео.

Webit 2010 – Marcus Hartwall

Авторите на комуникации.нет на Webit

3 Comments Citizen Media, Marketing

Дополнето: на дното на овој пост може да ги најдете досега објавените блог постови

Дел од тимот на комуникации.нет, Наталија Трајчевска и Мите Кузевски, ќе присуствува на Webit Expo&Conference 2010 во Софија. Webit најголемиот маркетинг настан за Централна и Источна Европа, кој оваа година се одржува по втор пат. Краток осврт на минатогодишните случувања можете да прочитате во постот на Наталија, “Впечатоци од Webit 2009- eMarketing & eBusiness“, на emarketing.komunikacii.net.

По ланскиот огромен успех од повеќе аспекти, оваа година се надеваме на уште позрел пристап и поинтересни гледишта на трендовите и новостите во полето на маркетингот, комуникации и индустријата на мобилна телефонија. Во зависност од темата која ќе ја покриваме ќе блогираме на сите три блога во мрежата на комуникации.нет: komunikacii.net, emarketing.komunikacii.net и mobile.komunikacii.net.

Тимот на komunikacii.net кој ќе присуствува, ќе се потруди да ви ги пренесе сите впечатоци и оваа година. Ќе блогираме во живо и ќе пренесеме делови од панелите на повеќе еминентни експерти и компании во областа, како: Blake Chandlee од Facebook, Russell Buckley од AdMob, Alex Marks од eBay, и уште многудруги. комплетната програма може да ја видите на официјалната страница на Webit.

Освен блогирањето во живо, може на следите и на Twitter, каде ќе ги пренесуваме впечатоците во реално време под тагот #webit.

А сега посакајте ни среќен пат :).

Дополнување (27.10.2010): Македонската делагација веќе е на пат. Удобно и сигурно сместена во седиштата на автобусот. 🙂

Дополнување: Досега објавени блог постови:
– Маркетинг преку мобилни телефони
– Платформи за сервирање на реклами
– Како Ericsson им приоѓа на огласувачите
– Иднината на Интернет маркетингот
– Иднината на огласувањето е онлајн видеото?
– Социјалните медиуми и репутацијата на брендот
– Ако се рекламирате офлајн, повеќе од потребно е да бидете присутни онлајн

За јавниот сервис

11 Comments Media

Во рамки на серијата постови од мојот магистерски труд, за второто продолжение се обидов да издвојам неколку сегменти кои се осврнуваат на работата на јавниот телевизиски сервис, МТВ.

По еднонеделен мониторинг Советот за радиодифузија (СРД) на програмата на МТВ, денес, 14.10.2010, во македонското собрание, претседателот на СРД оцени дека јавниот сервис „Ниту забавува, ниту образува, а уште помалку информира“. Наспроти него, Аљоша Симјановски, главен и одговорен уредник на првиот програмски сервис на МТВ тврди дека: „(МТВ) има најобјективен дневник“.

Каде е вистината помеѓу овие две спротивни оценки?

Јас ја имав погодноста да поседувам одреден истражувачки материјал на оваа тема, па да видиме што ми вели тој:

  • МТВ ја има најкусата најава за вести, 12.83 сек., во однос на другите дневници,  и просечно времетраење на прилозите, 01 м. 37 сек. што  е добар индикатор (остава помал простор за инпут на коментари наместо вистински информации, и се доближува до некои вообичаени и препорачани ала-BBC бројки), но може да биде индикатор за стеснет обем на покривање. За споредба, најдолги најави во вестите емитувани во септември 2009 имала ТВ Сител (28.5 сек), а најдолги прилози ТВ Алфа, 01:57  а потоа А1 и Телма со 01:54.
  • Од друга страна дури 76.3% од прилозите на вестите на МТВ отпаѓаат на (1) политика и (2) црна хроника, што е над националниот просек (62.05%), што е далеку од добро и индицира слаба опфатност на теми за различни општествени групи и јавни потреби, голем минус за јавен сервис (да не навлегувам во 0.00% за образование и култура, односно 0 прилози во истражуваниот период).

  • За следниот индикатор графиконите кажуваат се: МТВ е „лидер“ во пренесување на сервираните информации (а) исценирани настани, ала седници, конференции, соопштенија, свечености и сл. и (б) псевдо настани ала пресови, сечење ленти и сл. Фрапантна е бројката од 7.7% од прилозите во кои МТВ информирала за нешто што, условно, не и било сервирано. Оваа бројка индицира ограничена слобода за барање на важни настани и истражувања. Од јавен сервис се очекува покривање на активностите на јавните функции, но не и да ги сведе на смешен минимум останатите свои функции и теми.

Од другите индикатори би издвоил: немање наслови на прилози и слаба техничко-дизајнерска покриеност на прилозите, што укажува на технолошка заостанатост зад приватните ТВ сервиси, често изоставање на навод на изворите на информации и други аномалии. Позитивна страна е што во содржините отсуствува сензационализмот специфичен за комерцијалните ТВ сервиси.

И на крај можеби се кажува фројдовската „омашка“ на Аљоша Симјановски, главен и одговорен уредник на првиот програмски сервис на МТВ, на денешниот собир во Собранието на Р.М.: „Ние се обидуваме да одржиме некаква илузија на објективност за јавниот сервис“.

Туше.

Најзастапени области во ТВ вестите

9 Comments Media, Technology

Според најавеното, во неколку „продолженија“ ќе се обидам да пренесам некои од поинтересните резултати добиени од моето истражување како дел од магистерскиот труд на тема „Разлики во телевизиските дневници на програмските сервиси во Македонија“.

Истражувањето беше изврешено во текот на септември 2009 и се однесува на оние домашни телевизиски сервиси кои емитуваат програма на национално ниво по терестријален пат, односно во неа не се вклучени ТВ-сервисите кои емитуваат програма преку сателит.

Во овој прв пост го издвоив „ѓевречето“ кое се однесува на застапеноста на различните теми во телевизиските дневници, зададени и групирани во соодветни области:

Од горе прикажаното се гледа дека најзастапени содржини во домашните вести беа (се) прилозите од областите политика (37.06%) и хрониката (црната хроника или крими-хрониката) со 24.99%.

За многумина ова секако не е изненадување, но она што се покажа како дополнителен наод од истражувањето беше тоа што темите во телевизиските вести во голем степен можат да бидат наметнати од т.н. „моќни извори“ на информации (политички субјекти, институции и сл.). Како резултат на заинтересираноста на политичките субјекти да доминираат со информативните програми тие успеваат да им наметнат на домашните медиуми речиси секојдневно серија на т.н. „политички псевдо настани“ и со тоа да им ја диктираат и агендата за која се заинтересирани. Како резултат на тоа кај домашните медиуми се уште преовладува т.н. „регистрирачко новинарство“ при кое медиумите де факто трчаат по политичарите и темите кои тие им ги сервираат.

Втор индикатор кој се покажа како важен од овој дел од истражувањето е т.н. „провинцијализација“ на вестите кај нас, односно минимална застапеност на вестите од светот, што во услови на интензивна поврзаност на земјтие во овој глобализиран свет, е навистина назадна и неразбирлива логика на нашите телевизии.