Date Archives 2018

Етиката и онлајн новинарството

Comments Off on Етиката и онлајн новинарството Academic, Citizen Journalism, Citizen Media, Information Society, Journalism

Негде кон почетокот на годинава во соработка со „Институтот за комуникациски студии“,  и подржано од Британската амбасада, работев на истражувачка анализа за етиката во онлајн новинарството. Continue reading →

Пренесување на содржини од социјалните мрежи во медиумите

Comments Off on Пренесување на содржини од социјалните мрежи во медиумите Citizen Journalism, Citizen Media, Information Society, Journalism

Порано корисниците на социјалните мрежи пренесуваа информации од главните медиуми и  дискутираа за нив. Сега главните медиуми пренесуваат содржини од социјалните мрежи и дискутираат за нив. Continue reading →

Политички онлајн војни

Comments Off on Политички онлајн војни Citizen Journalism, Citizen Media, Information Society, Social Media, Society

Во најновото истражување на Оксфордскиот универзитет се наведува дека „манипулирањето на јавното мислење преку социјалните мрежи станува сè поголема закана за јавниот живот“. Главни на удар се довербата во информациите и нивната вистинитост, што го поткопува демократскиот процес и одлучувањето на граѓаните во своите општества.

Редица владини агенции и политички партии ширум светот ги користат социјалните медиуми како платформи за ширење на штетни вести (junk news) и дезинформации, спроведување на цензура и контрола, како и за плански активности за поткопување на довербата во медиумите, јавните институции и науката.

Во листата на земји каде се потврдени вакви активности предничат САД, Русија, Кина, а потоа следат Бразил, Австрија, Германија, Мексико, Малезија, Венецуела, Филипини и други. Докажано е присуство на вакви манипулации во 48 земји (Македонија не е вклучена во истражувањето). Во секоја од овие (48) земји потврдена е барем една политичка партија или владина агенција која ги користи социјалните мрежи за манипулирање на домашното јавно мислење. Најчесто се работи за организирано ширење дезинформации во тек на избори и случаи каде земји кои се чувствуваат загрозени од штетни вести и странско политичко мешање презеле контра-активности и организирана онлајн пропаганда како одговор на овие, за нив, закани.

Мапа 1: Присуство и степен на организирани манипулациски активности на СМ (што потемно, толку повеќе)

Авторите потврдуваат дека т.н. „Computational Propaganda“, односно пропаганда која користи автоматска обработка на огромен број податоци, е во значителен пораст. Таа се надоолнува со платено рекламирање и таргетирање на корисници на СМ, како и со манипулирање на „SEO“ („search engine optimization“, т.е. оптимизирање на резултатите на големите онлајн пребарувачи). Покрај најпопуларните социјални мрежи, Фејзбук и Твитер, во автоматизираните манипулациски активности вклучени се и „чет-апликациите“ за муабетење, како на пример WhatsApp, Telegram и WeChat.

Кои се клучните техники во манипулирањето на СМ?

-Организирање на „cyber-troops“ (онлајн/кибер трупи, владини или партиски онлајн „војници“) и нивни координирани активности на популарни платформи. Нивна цел е засилување на одредена пропаганда и преземање контрола на дискусиите на СМ.

-Активностите на онлајн трупите можат да бидат ширење на подготвена пропаганда преку масовно објавување, споделување, лајкање, коментирање, линкување и сл. Тие можат да креираат лажна популарност, виралност, хистерија или морална паника. Често се користат и сервисите за рекламирање за засилување на ширењето на овие пораки.

-Координирани напади врз поединци и групи, како и креирање содржини за дефокусирање од други теми или проблеми. Планските и систематските напади врз поединци или помали групи се вршат преку т.н. тролање (исмевање, зезање) и директни напади преку говор на омраза или други видови на вербални напади и притисоци. Нивната цел е елиминирање на малцински, алтернативни или граѓански наративи и ставови спротивни на партиските или владините политики. Вакви активности се пронајдени во 27 од 48 држави наведени во извештајот.

-Креирање ботови, т.е. лажни профили, налози и сметки за ширење и дисеминација на онлајн пропаганда. Лажните профили можат да бидат контролирани од човечки фактор или целосно автоматизирани. Вакви случаи се потврдени во 47 од 48 земји од извештајот.

-Техники на „лажни вести“: Креирање на целосно лажни содржини (текст, фотографии, видеа) и нивно онлајн дистрибуирање, или пак манипулации со постоечки настани надополнети со дезинформации.

-Таргетирана пропаганда, односно користење на податоци од СМ кои овозможуваат испраќање на различни форми на пропаганда на различни корисници, со цел поефикасно влијание врз нив, особено во изборниот процес (види случај, Кембриџ аналитика).

На крај, може да видиме дека манипулирањето на социјалните медиуми прераснува во голем бизнис, а од 2010 година наваму потрошени се повеќе од пола милијарда долари на истражувања, развој и имплементација на операции за манипулирање на јавното мнение преку социјалните медиуми. Во дел од земјите како против-мерки оформени се сервиси и апликации за идентификување и пријавување на дезинформации, лажни вести, како и сервиси за проверка на факти. Сепак, вистинските предизвици допрва доаѓаат, а со нив и потребата од наоѓање и нови решенија.

За јазикот на омразата

Comments Off on За јазикот на омразата Local, Society

Многу се зборува за говорот на омраза. Се зборува во дебати, на разни предавања и конференции, во кампањи. Се зборува во бројни проекти, невладини, владини, регионални, интернационални, сите нè уверуваат колку е штетен говорот на омраза и колку се сериозни неговите последици. Во реалноста проблемот опстојува, со недоволни или незначителни промени. Каде е проблемот?

Говорот на омраза е само врвот на сантата мраз на Омразата. Се работи за многу сложен проблем кој мора да се третира долгорочно и сеопфатно.

Ако ви се случило да ви тече вода во купатило и повикате мајстор, мајсторот не ја зачепува дупката од кај тече, туку бара од кај тече водата. Бара, чука, копа, буши, растура плочки, раскопува сè што треба дур не го најде местото од каде тече. Ние говорот на омраза се обидуваме да го решиме со зачепување на дупките од каде што тој истекува. Не така.

Од каде тече говорот на омраза?

Говорот на омраза во нашата средина има две главни изворишта: „политиките на омраза“ и „културата (т.е. идентитетите засновани) на омраза“.

Политичките партии и нивните подизведувачи во медиумите и цивилниот сектор се главните креатори и пропагатори на политиките на омраза. Омразата се (зло)употребува како средство за мобилизација на членството и граѓаните, во услови на креирана опасност од некој друг. Тие ја создаваат и одржуваат атмосферата на постојана закана од друга партија, заедница, народ, држава, религија или култура. Некој ќе дојде и ќе ни земе сè што имаме, ќе нè уништи и разнебити и затоа мора да се мобилизираме и да возвратиме на таа закана на секаков можен начин. Ако треба и со сила. Омразата е само погонско гориво во таа, оправдана, борба. Проширеното злоупотребување на омразата во политички цели може да има кобни и фатални последици. Омразата е како ѕвер кој го храните и со кого ги плашите другите, сè додека не избега од ваша контрола. Кога тоа ќе се случи, тој ѕвер ги уништува другите, но многу често ги проголтува оние кои го чувале и хранеле.

Културата и идентитетите на омраза се најсложениот и најдлабокиот слој од кој извира говорот на омраза. Се работи за наталожени претстави (images) и наративи за нашите идентитети наспроти кои мора (?) да има некој друг идентитет кој е непријател. И тоа не обичен непријател, туку архи-непријател, вековен, исконски, вечен! Нашиот идентитет не е можен ако не постои тој Другиот, во однос на кој се дефинираме со тоа што го мразиме. Јас сум ЈАС затоа што го мразам тој (злиот) Другиот.

Без разлика на кое ниво да е оформен идентитетот, спортски, политички, верски, културен, сексуален, национален, расен, идеолошки, идентитетот заснован на омраза фукционира на ист начин: постојана борба и конфликт со Другиот. Говорот на омраза во исто време комуникациски ве идентификува како дел од својата група, се поврзувате со оние со кои користите исти зборови и изрази и ве групира наспроти Другиот. Условите за конфликт се оформени и тој потоа се манифестира зависно од надворешните услови. Додека постои надворешен систем на безбедносна и правна контрола (полиција, судство) конфликтот главно се реализира комуникациски и инцидентно, но во случај тие системи да крахираат, конфликтот лесно може да се трансформира во уништување без контрола.

Што да се чини (попрво) во вакви услови?

Мора да се спомене една важна одлика на времето во кое живееме: една од клучните особености на новите комуникациски технологии е засилувањето на ефектите од нашето комуницирање. Се засилуваат позитивните страни на ново-медиумското комуницирање, на пример, се поврзувате со пријатели и роднини на другиот крај од планетата. Но, во исто време се засилуваат и негативните страни на комуницирањето: луѓето со зли намери и вешти во ширењето на омразата исто така лесно се поврзуваат и го засилуваат ефектот на омразата. Социјалните мрежи стануваат расадник во сеењето и одгледувањето на говорот на омраза. Созреан тој потем може молскавично како вирус да ги уништи сите одбранбени механизми кои му стојат на патот.

Заклучно:

  • Да се сопре говорот на омраза, ако веќе не може да се искорени, мора истовремено да се дејствува на сите рамништа каде омразата и говорот во негова служба се оформуваат.
  • На ниво на комуникација тој треба безусловно и континуирано да се обележува, осудува и санкционира. Треба да му се откаже секаква поддршка, дури и кога се согласувате со некого за одреден став, користење говор на омраза е недозволиво. Реагирајте, посочете, осудете.
  • На рамниште на политики на омраза, дејствувајте свесно и совесно и не давајте поддршка на вакви „политики“: поединец обземен со омраза може да биде прилично штетен за својата средина, а замислете колкава може да биде штетата кога таква поединечна или групна омраза под своја контрола ќе добие ресурси на власта и можност својата омраза да ја легализира во процедури и закони.
  • И конечно, на рамниште на културата и идентитетите, образованието е сферата каде мора да се направат храбри чекори. Не само да се отстрануваат идеи и содржини кои можат да креираат или потхрануваат омраза, туку и да се промовираат идеи и содржини кои ќе имаат спротивен ефект, пред сè полезна и позитивна комуникација, како и промовирање на хуманоста и толеранцијата во денешниот вмрежен и поврзан свет.

Како да препознаеш лажни вести и онлајн дезинформации

Comments Off on Како да препознаеш лажни вести и онлајн дезинформации Citizen Media, Information Society, Journalism, News, Online

Зголемениот број извори на информации и честите општествени превирања сѐ почесто ни ја наметнуваат потребата внимателно да бираме како и каде се информираме. Ви пренесуваме неколку корисни совети за тоа како да избегнете манипулативни и лажирани информации.

1. Провери го објавувачот

  • види го внимателно домејнот, провери да нема чудна веб адреса како com.co, go.com, или се работи за сајт/блог на WordPress платформа (лажните вести често се објавуваат на сајтови кои сакаат да ве залажат дека се работи за друг медиум кој ви е веќе познат).
  • провери дали сајтот на објавувачот има импресум (за нас, редакција, контакт), и провери дали медиумот има претходни случаи на лажни вести и пропаганда.
  • провери дали текстот е потпишан (ако е, дали авторот е познат, дали има онлајн референци за него, или други податоци кои го потврдуваат неговиот идентитет, лажните вести често немаат наведени автори).

2. Провери ја содржината

  • провери дали содржината на написот се согласува со насловот (лажните вести често имаат манипулативен наслов, т.н. кликомамец/clickbait).
  • провери дали текстот користи валидни извори на информации (други медиуми, институции, линкови и останати проверливи извори).
  • провери го датумот на објавување на веста (лажните вести често немаат датуми на објава).
  • провери ги фотографиите на https://images.google.com
  • дали текстот користи новинарски стил (лажните вести користат поедноставен јазик без новинарски жаргон).
  • дали текстот има многу печатни грешки (лажните вести се нелекторирани).
  • провери дали текстот пренесува информации само од една страна и еден извор на информации (учесник, очевидец, аналитичар, јавна личност и сл.).

Златно правило: Што поскандалозно звучи веста, толку повеќе треба да внимаваш и да ја провериш веста.

3. Како да провериш твитови и ФБ статуси

  • провери ги информациите преку пребарување на клучни зборови, имиња и локации на пребарувачи и агрегатори на вести, внимавај дали информациите се потврдени во најмалку 2-3 кредибилни медиуми од општа доверба
  • провери ги фотографиите на https://images.google.com/
  • провери дали се работи за т.н. „бот“, види ги деталите од профилот, другите содржини, био(графијата), профилната слика, време и фреквенција на објавување, и други детали кои ќе ти потврдат за каков корисник се работи (ѕирни го сервисот https://botcheck.me/).
  • ако медиумите и онлајн порталите цитираат само извори од социјалните мрежи, информациите земи ги со резерва и почекај/побарај потврда од други извори.
  • разгледај ги внимателно фотографиите и видеата, тие често можат да те излажат со селективно прикажување на само дел од целиот настан, или со манипулативно фокусирање и вадење од контекст, провери ги деталите од нив, како на пример локација, позадина, временски услови, годишно време, облека на прикажаните лица, и сл.
  • прашај пријател, локален жител, новинар или друго поискусно лице или познавач.

Дополнителни информации и совети можете да најдете и тука: 7 видови на лажни вести

Дебати, клишеа и труизми

Comments Off on Дебати, клишеа и труизми Education, Information Society, Journalism, Media

По неколку дискусии на социјалните мрежи за квалитетот на јавните дебати и за јазикот во медиумите, се обидов од поблиску да ги прибележам причините зошто овие програми често се критикувани дека се досадни.

Една од најчестите критики е дека медиумите се презаситени со дебати, а темите и гостите се повторуваат. Најголем дел од нив имаат слаба или воопшто немаат дополнителна продукција како поддршка на дебатите, и најчесто се сведува на седнување на маса на гостите и водителите. Продукциски, дебатите се веројатно најефтиниот тип на медиумски производ, што е важен фактор за нивната експанзија кај нас (заедно со контактните емисии).

Повторливоста и речиси непостоечката продукција зад нив, ги прави овие програми досадни, особено за помладите, на кои им е поинтересно следењето и водењето дискусии на Фејзбук или Твитер. Квалитетните телевизиски дебати и програми сè уште имаат клучна улога, особено во оддржувањето на дебатната и медиумската култура, преку еден вид лидерство во јавното дебатирање и водењето дијалог. И додека на Фејзбук или Твитер едноставно не оди на некого да му попувате како да пишува статуси или твитови, на професионалните медиуми колку-толку може да им се укажува како да се подобрува јазикот и медиумско-дебатната култура. 

Еден од клучните проблеми во јавното дискутирање,  е бришење на разликата помеѓу ФАКТ и МИСЛЕЊЕ. На социјалните мрежи, како подемократски форум каде секој може да се вклучи, тоа е масовна појава, фактите се користат минимално или само како поткрепа на личното, најчесто субјективно, мислење. Кај телевизиските дебати, како платформа каде доминантно учествува новинарската, политичката и експертската елита, иако во помала мера, правење разлика помеѓу факти и мислења, исто така е проблем. Често, во вести, дебати и други програми, на пример, човек претставен како стручно лице, експерт, кажува некој свој личен став и тоа се прикажува како „анализа“ или фактичка информација, а новинарите не водат доволно сметка правилно да ги контекстуализираат овие информации. 

Понатаму, комуниколошки гледано, честа појава во медиумско-дебатниот социолект или жаргон, се долгите сложени реченици. Што подолга е реченицата, тоа подобро. Ова е еден остаток од т.н. „Кардељов синдром“ (сите сакале да пишуваат како другарот Кардељ, долги реченици, длабоки мисли, сложени конструкции, тешки думи да развијат). Денес за настапи во медиумите, особено на оние кои стигаат до нас преку онлајн палтформите, златни правила се „краткост и едноставност“. Едноставноста и директноста се доминантен комуникациски принцип, кој не трпи многу компромиси.

Исто така, честа е претераната употреба на англицизми и интернационализми. Не е проблем да се употреби интернационализам каде е тоа прикладно (интернет и демократија, наместо меѓумрежа и народовладение, на пример), но проблем е кога странскиот збор се употребува како дел од некаков „повисок стил и стручност во изразувањето“. Ова му доаѓа нешто како употребата на францускиот јазик во романите на Достоевски и Толстој кај ликовите аристократи. Не гледам зошто е толку подобро да се каже дискурс наместо говор, или наратив наместо јазик? Замислете некој наместо „реформски приоритет“ да каже „преобликувачко првенство“, колку ли тоа звучи смешно? Колку е посмешно, толку е потажно колку е преценет англискиот јазик, а потценет домашниот јазик.

И конечно, многу важна јазично-комуникациска одлика: употреба на многу клишеа и труизми.

КЛИШЕ е претерано користен, банален начин на изразување или употреба на стереотипен израз (фраза). Наместо да ја отслика повторливоста или општоста на некоја појава или однесување (како на пример при добра употреба на ПОГОВОРКА), клишето го користи јазикот да создаде привид дека е кажано нешто издржано или на место.

ТРУИЗАМ е изјава која е точна, но толку очигледна што не кажува ништо ново, ниту интересно.

Ова се јазични изрази кои наместо да сумираат некој сложен проблем или да го поедностават за полесно разбирање, всушност имаат неколку функции:

1) КОМУНИКАЦИСКА – (а) Се користат како „заклучно поентирање“ и за затворање на разговорот или дискусијата (крај на муабетот), (б) Наместо „не знам“, се користи клише или труизам за прикривање на незнаење или за недоволно знаење.

Примери има многу, но нивниот ефект е различен: Едно е да слушнеш „Сите мажи се исти!, да се согласиш со тоа или не, наспроти тоа да чуеш од доктор: „На нервна база ти е“, и потоа со месеци да голташ погрешни лекови.

2) СИМБОЛИЧКА – Ако го користам изразот, поседувам некое повисоко знаење (ЗНАЛЕЦ!) или стручност (ЕКСПЕРТ!). Пример, „Фали стратегија!“.

3) ИДЕОЛОШКО-КУЛТУРОЛОШКА – Се користат како средство за „мисло-блокирање“ (Thought Stoppers). Тоа се зборови или фрази кои обесхрабруваат критичко мислење и разумна дискусија на некоја тема. Обично тоа се труизми или клишеа кои навидум нудат едноставни одговори на комплексни проблеми, но всушност го блокираат понатамошното (критичко) размислување и дејствување (акција). Има еден куп вакви изрази:

  • Кај нас нема истражувања
  • Потребна е подетална анализа
  • Неопходна е стратегија
  • Неопходно е да се подигне свеста за ова прашање
  • Легислативата е добра, но недостасува нејзина примена во пракса
  • Треба да се работи на капацитетот на институциите
  • Институциите треба длабоко да се реформират

Наместо да се продолжи со подетално анализирање, во смисла „што понатаму“, овие изрази ја затвораат дискусијата и ја вртат во круг. Овие „мисло-блокатори“ се чести во политичкиот и новинарскиот јазик, како на пример: „Потребно е целосно да се имплементираат препораките на Прибе“ или „Владата треба целосно да се посвети на реформските приоритети“. Овде клучните поими „препораките на Прибе“ и „реформските приоритети“, се толку истрошени и апстрахирани што веќе малку кој од нас разбира што всушност тие значат.

Употребата под број 3 е многу честа појава во јавни дискусии, дебати и полемики. Таа е наследена од претходниот систем на едноумие и многу неодговорно им се пренесува на помладите како нешто „нормално“. Некогаш се користат со намера да се прекине непријатна дебата, некогаш да наведат кон одредено мислење, но најчесто по навика (сите така прават!). Но, во суштина не се работи за навика, туку за „комуникациско условување“ (conditioning) по пат на повторување.

Што е суштината на овие комуникациски пракси?

Јазикот и културата се тесно и нераскинливо поврзани. Јазичната пракса ја отсликува, но и ги оддржува културата и менталитетот. Претерано користење на клишеа, труизми и стереотипи, особено во медиумите и во јазикот на „експертите“, има клучна улога во оддржување на статус кво. Зборовите не водат кон дејствување, туку ја прекинуваат врската во тријадата „идеја-збор-дело“. Никако да се прескокне јазот збор-кон-дело. Можеби затоа транзицијата никако да заврши, а реформите доживуваат десети изданија и промени на хартија.

Исто така, овие појави помагаат во оддржување на поданичкиот менталитет. За ваквата употреба на јазикот, пасивизација и контрола, пишувал Роберт Лифтон во „Thought Reform and the Psychology of Totalism, 1961”: „Јазикот кој користи клишеа за блокирање на мислењето (thought-terminating cliché) сложените проблеми ги сведува на редуктивни фрази, кои лесно се помнат и лесно се изразуваат, а со нив почнува и завршува секаква идеолошка анализа“. Со други зборови, јазикот ја контролира мислата, а не ѝ служи на мислата. Оддржување на статус квото, според него, поттикнува пасивност и апатија, а тие ги потхрануваат поданичкиот менталитет („Наведната глава сабја не ја сече“, народна поговорка) и колективизмот („Во стадото смрди, но затоа е топло“, Мирослав Крлежа).

18 #ПрегледВоПеток

Comments Off on 18 #ПрегледВоПеток #ПрегледВоПеток

Петочки спремивме, после подолга пауза, нов преглед во петок, ама додека да го објавиме фати сабота. Но тоа и онака до сега не не спречувало да објавуваме кога не е петок, па нема ни сега, ајде на читање.

  1. New Gmail design. Да почнеме од најтазе новостите, вчерашни. Уште во месец април Google најави дека планира да воведе нов дизајн на Gmail. Епа новиот дизајн е тука и изобилува со голем број на опции за полесно менаџирање со твоето електронско сандаче. Истиот дизајн беше адаптиран и на Google Drive и ќе може да го видиме во текот на наредните денови. Ако претходно користевте Inbox ќе ги препознаете дел од решенијата. Нас ни се виде многу бел, ама ќе му се навикнеме. Што мислите вие?
  2. Subscribe with Google. Големите, но и помалите, информативни сајтови изминативе година-две комплетно се насочија кон градење на свој незавизен екосистем. Развиваат стратегии да ги примамат своите читатели да се претплатат и да доаѓаат директно кај нив на сајт, а не преку социјални медиуми или google. Секако ова ги става еден по еден нив во поволна позиција, но Google не сака да остане на страна и се вклучи со својот сервис Subscribe with Google. Линкот кој следи е еден од оние за читање преку викенд, подолг, потпрете се, кликнете и читајте, важно е.  – Google’s news chief Richard Gingras: “We need to rethink journalism at every dimension”
  3. The attribution problem. Како маркетери треба да знаеме кои маркетиншки залагања ни успеале, а кои не. Процесот на идентификување кои реклами и канали за комуникација носат ROI (процес наречен “attribution”) е од голема важност. Digiday направија извештај на оваа тематика со учество на 197 брендови и агенции, и 44 издавачки куќи за да можат да ни доловат како варираат очекувањата кога станува збор за attribution кај различни компании.
  4. GDPR vs marketing. Зборевме за регулативата во некој од претходните прегледи и знаеме дека овој месец, поточно на 25ти мај, стапува во сила. Иако ја разбираме, истата ќе биде тешка за имплементирање во работата. GDPR ќе ги смени маркетинг процесите и квалитетот на податоци, со што маркетинг агенциите ќе бидат ограничени во однос на податоците кои ќе можат да се користат. Добро за поединците, не толку добро за маркетинг компаниите.
  5. Influencer marketing in sports. Се повеќе брендови ангажираат инфлуенсери за промовирање на нивниот контент. Но, исто така, се повеќе инфлуенсери работат како двојни агенти, а тоа придонесува за содржина која нема автентичност. Gareth Leeding (creative director at We Are Social Sport) го даде своето мислење на тема инфлуенсери. Во кратки зборови, секој спортски бренд кој сака да воведе инфлуенсери во својот маркетинг, не треба да се води според традиционалните “ѕвезди на социјалните мрежи”. Спортските брендовите треба да размислуваат како да градат влијание (influence), а не да го купат. А за тоа има најразлични начини.
  6. Conversion Rate Optimization for WooCommerce. WordPress заедно со WooCommerce плагинот, се често решение за поголем дел од компаниите. Креаотрите на плагинот решија да состават една листа на рабои што треба да ги знаете за поодбра конверзија на вашиот сајт, односно – Conversion Rate Optimization (CRO). Како изгледа CRO на WooCommerce; колку чини; дали ќе ми даде позитивни промени во работењето? Сите одговори на овие прашања можете да ги најдете во прирачникот кој го направија WooCommerce. Pretty handy.

Се надеваме дека ве погодивме со четивата за денес. Ако имате предлог тема (или теми) за дискусија, пишете ни порака на фб.

Убав викенд 😊

#комкаст 77 – AdWords муабет со Мирослав Варга

Comments Off on #комкаст 77 – AdWords муабет со Мирослав Варга Комкаст

Мирослав Варга одговараше на неколку прашања поставени од посетителите на обуката. Сподели неколку совети за оптимизација и дневни рутини корисни за сите AdWords прфесионалци.

Continue reading →

5 AdWords финти што ги научивме од Варга

Comments Off on 5 AdWords финти што ги научивме од Варга Uncategorized
Miroslav Varga - AdWords

Главниот настан оваа недела за сите што се бават со AdWords беше доаѓањето на легендарниот Мирослав Варга, најискусниот и најзабавниот Google сертифициран тренер за AdWords во Скопје.

Околу 20 луѓе од различни бранши – маркетинг агенции, банки, компании, портали, фриленсери, стартапи, имаа уникатна можност да поминат 2 цели дена учејки ги напредните тактитки за рекламирање на Google од човекот кој, како што можевме да видиме со свои очи, има неколку милијарди импресии и неколку милиони кликови во својот AdWords акаунт.

Miroslav Varga - AdWords

За сите што го пропуштија ова прекрасно дружење, издвојуваме дел од најинтересните работи што можевме да ги научиме од Варга на напредниот тренинг.

  1. Како да се заштите од лажните кликови во дисплеј кампањите

Ако не контролирате од каде доаѓаат кликовите, и ако не ги ограничите вашите дисплеј кампањи според местото на кое се прикажуваат, добар дел од буџетот ќе биде залудно потрошен, бидејќи постојат многу луѓе кои заработуваат кликајќи на вашата реклама на нивниот сајт. Со анализа на CTR, и бројот на кликови на секое место на кое се појавила вашата реклама, лесно може да видите кои пласмани се сомнителни и да ги исклучите. Ако кај одредени пласмани забележите CTR кој е два, три или повеќе пати повисок од просечниот, а при тоа има јасна дисперзија на кликовите во временски интервали тогаш добри се шансите дека станува забор за сомнителен пласман и треба да го исклучите.

2. Како да се одлучите за CPM или CPC стратегија за вашата дисплеј кампања

При стандарден CTR од 0,1% кај дисплеј кампањите, вие имате 1 клик на 1000 прегледи, што значи дека CPC е еднаков на CPM и нема разлика со која од двете стратегии ќе одите. Но, ако вашата кампања достигне CTR од 0,3% тогаш веќе станува поисплатливо да одите со CPM бидејќи добивате 3 клика на 1000 прегледи, а плаќате за 1.

3. Modified Phrase Match

Во AdWords од неодамна има нов начин за одредување на опсегот на клучните зборови. Modified Phrase Match е комбинација од Broad Match и Phrase Match – ја задржува слободата од првиот, давајќи јасни насоки за редоследот на зборовите како вториот. MPM е мошне корисен за погаѓање на long tail search фразите, но и за избегнување на инверзии кои даваат различен контекст без да се користат повеќе различни Exact Match комбинации. Се користи кога сте сигурни дека при одредено long tale пребарување постојат зборови кои сигурно стојат еден до друг без разлика на комбинацијата на останатите зборови.

4. Ad Customizers

Мошне корисна функционалност кога креирате search реклами за голем број продукти. Помага на два начина – дозволува генеричко креирање на рекламата според пребарувачкиот збор и овозможува полесно да направите промена кај сите реклами одеднаш. Наместо промените или рекламите да ги правите рачно и една по една, имате можност да ги поставите во spreadsheet табела па при креирањето на рекламата да зададете команда рекламата да ги влече податоците од табелата. На тој начин кога ќе имате потреба да имплементирате одредена промена кај голем број реклами, истата можете да ја правите директно во ексел табелата.

5. ALFA/BETA кампањи и SKAG – single keyword ad groups

За да ги изберете најдобрите кучни зборови за вашата кампања, дел од буџетот наменувате за ад група во која најголемиот дел од клучните зборови се broad match (BETA кампања). Според перформансот на овие клучни зборови, ги селектирате најдобрите и од нив креирате ад групи за секој од клучните зборови (ALFA кампања).

Се надеваме дека овие неколку совети ќе ве инспирираат да прочепкате малку повеќе на тема AdWords. Во меѓувреме креиравме и facebook група за сите професионалци и ентузијасти кои работат со AdWords, па бидете слободни да ни се приклучите и таму.

#комкаст 76 – На гости со роботот Pepper

Comments Off on #комкаст 76 – На гости со роботот Pepper Комкаст

Оваа епизода имавме уникатна можност во #комкаст да ни гостува ни помалку ни повеќе туку хуманоидниот робот Pepper. Тој беше на еден ден во Македонија благодарение на Стопанска Банка и Mastercard.

Continue reading →

Марк, сенаторите и приватност 2.0

Comments Off on Марк, сенаторите и приватност 2.0 Information Society, Media, Society, Technology

Текст е оригинално објавен на 11 април на adtodate.mk кои дозволија да го реобјавиме и тука. 

Вчера, би рекол сосема очекувано, бевме сведоци на веројатно најдолгата епизода на теленовела за модерната генерација интернет гледачи. Повеќе од четири часа основачот на Facebook, Марк Закерберг (Цукерберг), одговараше на прашања поставени од сенаторите на САД пред очите на јавноста. Ведаш да си кажам, не ги гледав сите четири часа, едноставно не чувствував потреба.

Издржав да гледам грубо земено дел меѓу две паузи за реклами. Не знам дали ми беше тоа доволно или не, но убеден бев дека денес секако медиумите ќе бидат преплавени со најинтерсните (читај најважните) моменти и ќе може да се прегледа (или прочита) тоа повторно и повторно.

Мојата точка на гледање е поразлична од онаа на сенторите и поразлична од онаа која сенаторите на моменти се обидуваа да ја изглумат, а тоа е точката на гледање на обичниот корисник на овој сервис. Веројатно токму затоа и не бев воодушевен од добар дел од прашањата.

Едноставно дел од нив беа неподготвени, користеа терминологија која не соодветствува, бараа дефиниции и одговори на прашања за кои не може ни да се помисли да се даде одговор во три минути притоа да не се ризикува премногу да се биде сфатен несоодветно и она што е можеби најважно, преголем дел од прашањата делуваа и беа поставени како да доаѓаат од личното искуство на сенаторите, а дел и верјатно и беа такви, што во една ваква јавна претстава мислам дека не треба да биде случај.

Не објаснувам зошто и како Марк се најде на ова столче зашто претпоставувам дека штом си стигнал со читање до тука веќе одамна знаеш за скандалот со нарушувањето на довербата и неправилното употребување на податоците за корисниците кои биле собрани за нив од Facebook преку надворешна апликација и подоцна продадени на Кембриџ Аналитика. Ако случајно сакаш да дознаеш повеќе, еве овде зборуваме во нашиот #комкаст од пред две недели.

Ако може некако да го сумирам она што се случи вчера тоа би изгледало вака: регулација, регулација, регулација. Сè останато беше: ќе ви одговориме јас и мојот тим подоцна, ќе работиме или веќе работиме со тимот на ова и мене навистина ми е жал.

Марк и Facebook уште во првото свое обраќање по избивањето на скандалот јасно кажаа дека се подготвени за регулација на овој домен и целиот овој театар всушност изгледа како сценарио да се стигне до таму. Во основа не гледам на ова како нешто лошо, се менуваат работите, сменети се веќе прилично и потребно е да се регулираат во одредена мера. Марк само сака тие да бидат дел од дефинирањето на правилата и сакаат да фатат добро столче. Она што не ми се допаѓа е мотивот на политичарите, како и обично, нели.

Ако ме прашуваш мене јас очекував и/или посакував дискусијата вчера да оди во насока на разбирање на приватност 2.0 нешто што повеќе од 10 години на широко се дискутира во светот. И ако веќе се разговара за развивање на рамка за регулација тоа да биде во рамки на тие услови, во услови кога дигиталните генерации (digital natives) и дигиталните доселеници (digital imigrants) гледаат сосем различно на приватноста од генерацијата која вчера ги поставуваше прашањата во сенатот. И не е точно дека овие теми не биле до сега во јавност дискутирани. Веројатно не дошло до ова ниво, но затоа може да се постави прашањето, дали можеби некој бил зафатен со „лажни вести“ сево ова време да ги види дебатите изминативе 10-тина години за промените на однесувањето кои ги носат новите сервиси како Facebook и Google?

Токму затоа сметам дека главната причина која ги тера политичарите да се приклонуваат кон регулација е всушност примарно политичка, односно одбраната на „Американска демократија“ која, ете затоа што Facebook дозволил, некој од надвор им ја нарушил, без притоа да го видат слонот во собата. Целиот процес на „реформи“ на Фејсбук се ограничи на политички, додека поширокиот аспект на проблемите, кои се навистина комплексни, беше запоставен.

Занемарувајќи го уште еднаш фактот дека ако се случи крупна регулација, а ова Марк им го кажа, ќе се отежни патот за растење на нови такви големи компании како Facebook, зошто за да ги исполниш сите тие нови услови на регулација ќе треба да имаш доволно средства, а малите стартапи секако нема да може тоа да си го дозволат со што позицијата на големите дополнително ќе се втемели во општеството. Или можеби на политичарите им е важен само наративот и контролата, не и развојот на пазарот? Треба да размислиме.

Јасно ми стана дека или не сакаат да гледаат политичарите надвор од својот интерес или не можат, но едно е јасно, дефинитивно нема да можат да бидат на чело на рапидниот развој кој го диктираат компаниите како Facebook, Amazon, Google

Во прилог на сето ова, вчера, еден од сенаторите дури се охрабри да го праша Марк дали Facebook како идеален пример на остварување на американскиот сон од студентски дом до глобален милтимилионски бизнис е возможен само во Америка, а не, да речеме во Кина. Марк се поднасмевна и му рече дека и во Кина има слични големи интернет компании кои се еднакво успешни како Facebook. Сенаторот незадоволен од одговорот, го коригираше Марк и му рече дека само едноставно требало да каже: ДА.

Во тој момент ми текна на легендарната почетна сцена од серијата Newsroom со Џеф Даниелс. Тогашјасно ми стана дека или не сакаат да гледаат политичарите надвор од својот интерес или не можат, но едно е јасно, дефинитивно нема да можат да бидат на чело на рапидниот развој кој го диктираат компаниите како Facebook, Amazon, Google и сл.

Disclaimer – Никогаш не сум го сакал Facebook, само сум му се восхитувал и сум го почитувал, иако на моменти во моите искази во овој текст или претходни објави делува дека сум нивен funboy 😉

7 Најголеми предизвици за вашата AdWords кампања

Comments Off on 7 Најголеми предизвици за вашата AdWords кампања Uncategorized

Во секојдневното управување со кампањите на платформата за рекламирање на Google, се соочуваме со голем број на предизвици кои ја прават клучната разликата помеѓу тоа дали нашата кампања ќе биде само добра или добра и профитабилна.

Предизвик 1: Дали твојата кампања има публика

Еден од основните предизвици е првичното таргетирање на соодветна публика. Многу често ги стартуваме кампањите без добро да ја истражиме целната публика, со надеж дека ќе ги погодиме клучните зборови на интуиција или дека Google сам ќе поведе сметка за соодветно да ги пласира банерите.

Во двата случаи ќе се соочиме или со мал број на посети или со недоволно квалитетни посети. Затоа темелното истражување на клучните зборови, потенцијалните пласмани или интересите на целната група е задолжително.

Предизвик 2: Дали твојата понуда по клик е оптимална или превисока

Повисока понуда може да значи поквалитетна позиција, повеќе кликови и подобар Quality score со текот на времето, што понатаму ќе ја намали цената на кликот. Но може и брзо да ви го потроши буџетот.

Балансирањето на цената која ви е соодветна по клик бара малку повеќе труд од поставување „од тепка“. Една од равенките која може да ви помогне е следнава:

Max CPC = (просечен профит по клиент) x (conversion rate) x (1 – маргината на профитот).

Предизвик 3: Да се оддржи чекорот со конкуренцијата

Во Македонија ова сега за сега и не е некој предизвик, но прашање на време е кога ќе бидете изненадени од позициите на конкурентскиот бизнис и ќе сакате да дознаете многу повеќе за клучните зборови кои ги користат, креативите, буџетите и слично. Во ова можат да ви помогнат алатките за истражување на конкуренцијата како SpyFu или KeywordSpy.

Предизвик 4: Да се каже сѐ во ограничен број карактери

Ограничени карактери во насловот, исто и во телото на рекламата – ограничена можност да го претставите вашиот продукт и сите негови предности. Затоа AdWords нуди сѐ повеќе и повеќе варијанти како да пренесете што повеќе информација – callout екстензии, sitelinks, број за повикување и слично. Познавањето на сите овие опции ќе ви помогне да пренесете повеќе информација до крајните корисници.

Предивик 5: Да се мерат конверзиите

Без мерењето на конверзии немате можност за реален увид во квалитетот на сообраќајот кој го носат вашите реклами кон вашиот сајт. Дополнително, без следење на конверзии ограничени ви се можностите во однос на видот на кампањите што ќе ги креирате (CPA, Enhanced CPC), во однос на креирањето lookalike и remarketing публика, како и во пресметувањето на реалниот ROI на вашите кампањи.

Затоа уште пред поставувањето на кампањата, размислувајте кои се активностите од корист за вашиот бизнис и во однос на тоа дефинирајте ги и мерете ги микро и макро конверзиите.

Предизвик 6: Намалување на лажните кликови

Google ги сака парите најмалку колку и вие. Затоа и покрај неговата определба да ва штити од нерелавантни и лажни кликови, не му е непознато да ја пушти вашата кампања и на места на кои тешко дека некој ги клика вашите реклами од интерес, иако кликови се појавуваат во вашиот dashboard. Затоа е мошне битно, посебно во Display кампањите, редовно да ги следите местата на кои се појавува вашата реклама и да ги отстранувате нерелевантните и сомнителните.

Предизивик 7: Оптимизирање на вашите кампањи

Оптимизирањето не е еднократна активност, тоа е постојан процес. Но најголемиот дел од нас или нередовно или недоволно темелно ги анализираат резултатие од кампањите. Тоа го ограничува нашиот увид во сите можности за оптимизација и подобрување на резултатите. Затоа, од првиот ден треба да следите, да теститрате, да мерите и да прилагодувате.

 

Сите овие работи ги имаме на ум и искуството ни покажало дека се важни. Но, некогаш немаме доволно време или доволно знаење да им се посветиме и да ги направиме нашите кампањи во AdWords успешни и профитабилни. Затоа, колку што ви дозволува времето, посветете им повеќе внимание. А за оние поамбициозните кои би сакале да го совладаат сето ова во два дена, тука е напредната дводневна обука за Google AdWords со најискусниот лиценциран тренер на Google, Мирослав Варга. Обуката се оддржува на 23 и 24 во Парк хотел во Скопје. Имате уште малку време да се регистрирате за едно од 4-те останати места на обуката.

#комкаст 75 – Facebook + – Cambridge Analytica

1 Comment Комкаст

Не смеевме да ја прескокнеме темава, особено затоа што е сеприсутна и многу актуелна, плус од неа се развија многу различни приказни, читај дебати. Пред се на глобално ниво се отворија голем број на прашања поврзани со етичката страна на обработката на податоците, прибирање на податоци, Tramp, Brexit… но и локално заради SCL Balkans и активностите во регионот. Со Дарјан дискутираме за потребата од отварање на овие теми, за (до некоја мера) нереалните очекувања на крајните корисници и секако малку за маркетинг практиките.

За нас, најквалитетниот текст на темава: https://goo.gl/djFyPr
Еве уште неколку линкови за некои од работите кои ги спомнуваме во видеото: https://goo.gl/ZWmN8d, https://goo.gl/H3vM5H,  https://goo.gl/WRbTBL и секако интервјуто на CNN – https://youtu.be/G6DOhioBfyY

#комкаст 74 – Цензура во време на интернет

Comments Off on #комкаст 74 – Цензура во време на интернет Комкаст

Гостин или подобро речено повторно дел од #комкаст во оваа епизода е Никола Спасов, експерт за комуникации и сл. Инспирирани од неодамнешното цензурирање на еден од прилозите во ТВ емисијата Код на Снежана Лупевска Созен (https://goo.gl/15L4Wt) разговаравме за можноста воопшто денес да се цензурира некоја содржина и секако за можната употреба на „цензурирана” содржина во маркетинг цели. Никола појасни на кратко на кои постулати е заснован т.н. златен ѕид односно системот за цензура во Кина.

Еве го видеото од целата епизода а веднаш под него и аудио верзија од истата.

17 #ПрегледВоПеток

Comments Off on 17 #ПрегледВоПеток #ПрегледВоПеток

Ексклузивно! Оваа недела преглед во сабота, веднаш по петок 🙂 Денес читаме што има ново кај некои од социјалните мрежи и апликации. Нема да пуштаме линкови за најжешката тема – Facebook – Cambridge Analytica затоа што спремаме #комкаст на таа тема.  Заинтересирани? Да почнеме.

  1. Instagram шопинг лудило. Во не толку далечната 2016-та Инстаграм воведе ‘shopping’ опција што им овозможи на брендовите и бизнисите во САД да тагираат до максимум 5 производи во органски објави на кои фановите можат да кликнат за да дознаат повеќе и да си купат она што ги бендисува. Гледајќи го потенцијалот во оваа опција, Инстаграм реши да ја направи достапна на бизниси во уште 8 други земји во светот (меѓу кои не и нашата). Наше предвидување е дека и ние ќе имаме можност да ја користиме, а кога точно не би знаеле да ви кажеме. 🙂
  2. Snap the Explorer. Вчера Снепчет најави воведување на нова опција наречена ‘Map Explore’ што ќе испраќа нотификации и апдејти на своите корисници за тоа што се случува на нивната Снеп мапа. Опцијата ќе прикажува и апдејти во однос на актуелни новости и евенти од целиот свет. Уште еден плус за маркетерите и полесно таргетирање преку Снепчет. Map Explore ќе биде достапна за сите корисници во текот на следните неколку недели.
  3. YouTube и огнено оружје. Јутуб прави промени во политиката на содржина што вклучува оружје. Веќе од наредниот месец ќе биде забрането било какво појавување на оружје во содржината што се прикачува на оваа платформа. Ова вклучува и видеа што линкаат до сајтови што рекламираат и продаваат оружје. Јутуб има строги политика кон ваквата содржина веќе некое време, а оваа промена е поттикната од масовната престрелка во Флорида во февруари годинава.
  4. A virtual bank teller by Google. Гугл вчера најави нова опција на Google Assistant. Отсега корисниците ќе имаат можност да си играат со своите пари користејќи ги гласните жици и апликацијата Google Pay. Опцијата ќе биде достапна и за андроид и за ајфон, се додека Google Assistant е инсталиран на вашиот уред. Во иднина Гугл изјави дека опцијата ќе биде достапна и за смарт звучниците.
  5. Work hard, pay hard – Medium style. Пред една година Медиум воведе нов бизнис модел во кој читателите ќе платат месечен надомест, а за возврат ќе добијат пристап до ексклузивен контент. На парнерите кои пишуваат статии Медиум им понуди дел од профитот чија висина се пресметува врз база на метрики како време поминато во читање на статијата и “claps” – верзија на лајк. Сега избраните партнери ќе добиваат директни кеш бонуси кои почнуваат од $100, а ќе растат во иднина. Кои ќе бидат среќните добитници на бонус? Медиум ќе ги чита сите објавени статии и ќе ги селектира тие што смета дека се со висок квалитет во соодветната тема од значење.
  6. SXSW®. Помина уште еден South by Southwest Conference & Festivals во Америка, некако неприметно, барем за нас. Не дека не се случувале таму важни работи, ама ете изгледа имаше други побитни.. Како и да е, овде може да ги видите најважните работи кои посетителите од (нам омилената) WeAreSocial агенција ги регистрираат како трендови кои треба да се следат – What stood out at SXSW

Убав викенд 🙂

16 #ПрегледВоПеток

Comments Off on 16 #ПрегледВоПеток #ПрегледВоПеток

Имаме нова дефиниција за “парадокс”. А тоа е дека ја почнуваме неделата понеделнички расположени за преглед во петок. Ако претходната реченица ве стави малку во мисла, ајде да се вратиме во колосек со збирката четива кои ги издвоивме за вас. Се потрудивме да опфатиме од сè по нешто, секој да може да си најде интересно четиво.

  1. Заштитинички настроен куче-чувар. Транспарентноста е темел на довербата, а токму тоа и го бара Агенцијата за заштита на податоци во Обединетото Кралство. Сигурно сте добро запознаени со сите политички скандали поврзани со лажните вести и злоупотреба на податоците на интернет. Агенцијата во Британија се стреми кон зголемување на транспарентноста во тоа како личните податоци се движат помеѓу дигиталните платформи за да им укаже на луѓето кои се во таргет групата за политички реклами зошто токму тие се таргетот и на кој начин.
  2. Кај и да си, со Гугл да си. Локација он ор оф, сеедно е. Таа пак си работи, пак си собира податоци кои ги испраќа назад до чичко Гугл. Од почетокот на 2017. андроид телефоните прибираат податоци од адреси од базни станици во негова близина. Истражувањето на Quartz открива дека причината поради која Гугл го прави ова без наша согласност е за подобрување на пристигнувањето и испраќањето на пораки. А како адресите од базни станици имаат улога во сето тоа е малку нејасно. Иако Гугл вели дека овие информации не ги користи, сепак има простор за маркетерите да ги таргетираат потрошувачите според локација обезбедена на овој начин.
  3. На младите им е преку глава од социјалните мрежи. Повеќето од нас си мислат “Леле децава се опседнати со нивните телефони и социјалните мрежи.”, а уствари тоа и да не ти било така. Спомнавме нешто и во претходниот преглед, па ова ќе му дојде како надополнување. eMarketer повторно со истражување во кое укажуваат дека младите се оттргнуваат од социјалните мрежи.
  4. Контент маркетинг не е само маркетинг! Ако сè уште мислите дека контент маркетинг е само уште еден начин да си ги продадете производите/услугите на потрошувачите, тогаш грешите. Сосема спротивно од продажба, тоа е едукација на вашите фанови. Градење на доверба, нудење дополнителна вредност и издвојување од конкуренцијата. Да не заборавиме дека на долг рок е и поевтина алатка од традиционалниот маркетинг. Користете ја!
  5. Со 360°ка до зголемена продажба. Новите истражувања спроведени од Magna и IPG Media Lab во соработка со YuMe откриваат интересни бројки за видео форматот 360°. Видео рекламите што ја користат 360° степени технологијата уживаат 7% зголемување на намерата за купување преку смартфон и 12% раст во верувањето дека брендот има “уникатна приказна да раскаже” во споредба со традиционалните видео реклами. Процентите и не се многу големи, но сепак од нив можеме да видиме како публиката ги перцепира видео рекламите.
  6. Од грешките учиме. А ние ќе ти помогнеме да ги елиминираш. Секој што се занимава со онлајн реклами и Аналитикс знае дека менаџирањето на реклами не е лесна работа. Големи се шансите дека не секогаш ги добивате посакуваните резултати, па затоа погледнете ги овие 5 грешки кои ја саботираат вашата рекламна кампања.

Кратко и слатко, толку беше од овој преглед во петок во понеделник. Ако имате некоја интересна тема што би сакале да ја споделиме пишете ни во порака на ФБ.

Се читаме 🙂

Што е тоа преинформираност?

Comments Off on Што е тоа преинформираност? Education, Information Society, New Media

Марк Твен еднаш има кажано: „Ако не читаш весници, тогаш си неинформиран. Ако пак читаш весници, тогаш си дезинформиран“.

Арно ама, веројатно најпознатиот цитат за дезинформациите е дезинформација. Continue reading →

#комкаст 73 – Dark Social

Comments Off on #комкаст 73 – Dark Social Marketing, Комкаст

Во оваа епизода се обидуваме малку да го осветлиме патот кон невидливата страна на комуникацијата на социјалните медиуми, онаа која е тешко достапна преку алатките за аналитика.

Dark Social за прв пат се појавува како термин во текстот на еден од уредниците на The Atlantic и во основа има малку податоци за овој сегмент од комуникацијата. Најчесто податоците кои се цитираат доаѓаат од едно исти истражување, малку постаро, иако има и некои понови извори но по се изгледа не им се придава преголемо внимание во маркетинг светот.

Како и да е, постојат неколку основни работи кои може да ги преземете за да го намалите бројот на непознати посетители на вашиот вебсајт, но темата е доста поголема од тоа.

Не заборавајте да се претплатите на нашиот #комкаст – media& marketing vlog, YouTube канал, и секако да ни пишете како ви се допадна оваа тема иликоја друга би сакале да ја муабетиме.

15 #ПрегледВоПеток

Comments Off on 15 #ПрегледВоПеток #ПрегледВоПеток

Месецот на пролетта пристигна, a ние доцниме со 2 прегледи. Но, нов месец, нов мајндсет. Малку клише муабет. Сепак, во новиот месец ветуваме дека ќе бидеме редовни и дека секоја недела ќе читате актуелни, и воедно интересни, четива. Да започнеме. 🙂

  1. Вашиот бренд во дигиталниот свет. Дали некогаш сте се запрашале дали некој пишува за вас по социјалните мрежи и медиумите? Дали некој ве тагира во коментар или споменува во видео на YouTube? И многу други начини на кои некој можеби пишувал/зборувал за вас без притоа вие да сте свесни за тоа. Новата стандардизирана алатка на Nielsen Branded Integration Intel ќе ја следи, мери и процени интеграцијата на брендовите, а ќе вклучува и податоци за било какво појавување или споменување на вашите производите.
  2. Rand Fishkin-less Moz. Минатата недела ко-основачот на Moz, Rand Fishkin, изјави дека официјално ја напушта компанијата. Fishkin го најави неговото заминување уште минатото лето, поттикнат од одлуката да се откаже од позицијата на CEO што ја донесе во 2014-та. Fishkin веќе почна да развива нова компанија, SparkToro, која има за цела да ги поврзе брендовите со својата таргет публика, што значи дека со сигурност ќе го гледаме и читаме во сферата на маркетингот.
  3. Тетки, чичковци, баби и дедовци. Повеќе од евидентно е дека сè помал и помал број од младата популација е активна на Facebook. Постарата популација преовладува, а тоа не е на арно за Facebook. eMarketer направи студија во која го прикажува падот на активност кај помладите и предвидува дека Facebook ќе изгуби 2 милиони корисници оваа година.
  4. Chrome со вграден AdBlocker. Google станува судија, порота и егзекуционер на рекламите на интернет. Најголеми се, го држат најпопуларниот веб браузер, Chrome, си направија здружение за подобар интернет и започнаа да го чистат од конкуренција, читај од несоодветните и нападни формати на банери и др. огласи. Дали е тоа коректно? Проценете самите.
  5. Usabillity + GA. Кратко и јасно бројките од аналитикс може да ги користите како извор за анализа на однесувањето на вашиот сајт. Ова кратко видео од Nielsen Norman Group може да ви помогне следниот пат кога ќе се обидете да направите промена која ќе треба да ги спои податоците од аналитикс и истражување за употребливоста на вашата веб страница. 
  6. Giphy Studios. Гифчињата се несомнено мојата омилена тема на разговор, покрај Инстаграм. Нема зборови, само гифови. Да прикажеш нешто во само 6 секунди… Па тоа е предизвик и бара талент. Студиите покажаа дека луѓето, во просек, имаат спан на фокус помал од 10 секунди, па затоа ве охрабруваме да пробате и вие да креирате 6 секунди на контент. Лидерите на оваа тема, Giphy, покрај тоа што крeираат огромен број на гифови од познати серии, филмови и сл., веќе некое време сериозно работат на производство на гифови. Забавна работа, нема дискусија.  
  7. Почнуваш слушајќи песна, завршуваш гледајќи видео од овца што вика. Firefly Learning направи студија во која преку 2,000 тинејџери на возраст од 11 до 15 години беа испитани за нивните навики на пишување домашна. Поставувајќи го прашањето што најмногу им го одвлекува вниманието од завршување на домашната работа, 24% од одговорите биле YouTube. Не можеме да кажеме дека сме изненадени…
  8. Ех, да бевме членка на ЕУ. После четири години подготовки и дебатирања, регулацијата за заштита на генералните податоци (GDPR) беше изгласана од Парламентот на ЕУ во април 2016-та година. Две години подоцна, во мај годинава, GDPR стапува во сила. Прочитајте за трите најголеми импликации на Analytics во однос на GDPR.

И овој преглед, бидејќи се натрупаа четива, повелете бонус линкиња на тема Facebook:


Минатата недела излезе и втората епизода од #комкаст во која колегите Дарко и Дарјан разработуваат една многу интересна тема, *ууууу* Dark Social *ууу*. Неделава спремаме и трета, со тоа сме барем редовни. Сега за сега.

До следно читање. 🙂

[видео] 5 Маркетинг настани од регионов кои не смеете да ги пропуштите оваа пролет

Comments Off on [видео] 5 Маркетинг настани од регионов кои не смеете да ги пропуштите оваа пролет Events, Marketing, Media, New Media, Online, Social Media

Старата добра интернетска вели: за интернет најмногу можеш да научиш, на интернет. Но, постои уште една, исклучително важна форма на учење, старите добри офлајн конференции.

Си има додадена вредност кога си таму, кога имаш шанса директно да слушнеш, прашаш и поразговараш на темите од интерес. Затоа во продолжение еве неколку препораки за настани на кои или сум бил или имам „сигурна дојава” дека вреди да се посетат оваа пролет.

Еве ја листата со линкови:

  1. Spark.ME – Будва, 25-26 мај, http://spark.me/2018/
  2. Digital Day – Белград, 8-9 мај, https://digitalday.rs/
  3. Konverzija – Бања Лука, 14 април, http://konverzija.org/
  4. Izazov – Белград, 12 март, http://www.izazovforum.rs/izazov-2018/
  5. inOrbit – 15-16 март, Порторож, https://www.inorbit.si/