На прашањето дали човек треба да плати за работи кои ги добива „бесплатно“ – одговорот е, зависи од контекстот.
Ако некаде чиста вода за пиење е тешко да најдеш, човек ќе плати за пакувана („флаширана“) вода. Но ова треба да важи и за оние случаи кога она што „обично е бесплатно“ доаѓа со додадена вредност.
На пример Apple има бесплатен календар но Fantastical, е многу подобра верзија на календарот на Apple. Исто е и со Cardhop – Именик како оној на Apple ама подобар.
Секако дека овој бизнис модел е помалку ризичен, зошто секогаш постои можност големата компанија да ги примени иновациите од малите компании во новата верзија на софтверот.
Но ако апликацијата е секогаш чекор понапред, тогаш таа може да се претвори во катализатор на позитивни промени кај „матичната компанија“.
Ако „подобрената“ верзија ви носи вредност, посебно ако тоа може да се претвори во заштедено време или пари, тогаш за истото вреди да се плати.
Секако ова зависи од тоа: – Дали имате слобдоно време, – Дали имате вишок „слободни“ пари, – Колку си го вреднувате вашето слободно време.
Fantastical и CardHop исто така се пример за тоа колку е важно постојано да ги преиспитуваме „стандардните“ нешта и постојано да ги подобруваме.
Колку повеќе импресивна е револуциската промена кај концептите и производите, толку поважна е еволуциската промена кај истите на долг рок. Еволутивниот пристап оди до некаде, но на крајот удира во ѕид. Тука доаѓа револуцискиот напредок кој овозможува скок до следното скалило. Но за да се стигне потоа до следното скалило, потребна е нова еволуција на концетот. И така до следниот револуциски скок. Тука исто вреди да се напомене дека револуционерните идеи, се градат на напредни концепти кои неможат да се остварат поради погрешното време во кои се створени. На пример: Денес немаше да има iPhone без: General Magic или VisiorPhone.
Comments Off on 162 #ПрегледВоПеток – #комкаст, TikTok, OneID, предвидувања за 2022#ПрегледВоПеток
Уште еден #ПрегледВоПеток и мојот последен за 2021, па ќе се читаме нови и освежени во 2022, се надевам corona free и со нормален тек на бизнис и живот. Да видиме што ја одбележа изминатава недела.
Нова #Комкаст епизода со Иван Скендер
Уште една епизода од новата сезона на #комкаст посветена на дигитална трансформација, а овој пат на гости го имаме човекот директно одговорен за спроведување на дигиталната трансформација во А1 Македонија и А1 Хрватска, Иван Скендер. Слушнете од прва рака за искуствата, препреките со кои се соочуваат но и за методите и пристапот во трансфорамцијата, епизодава вреди злато.
Не е дека не очекував ама некако бев убедена дека не може така лесно да се сруши гигант како Google, прва рака на посетители од сите возрасти. Ама можело, и тоа лесно ако се работи за пасиите на деца и тинејџери. Тоа значи дека TikTok e и најпосетувана социјална мрежа во светот, што го прави фактот уште поневеројатен. Facebook, чао! И третиот неверојатен факт е дека Американците немаат ништо со тоа (TikTok е на 33то место во САД), а ни Индија нема вмешано прсти тука (платформата е целосно забранета).
Ова значи само едно нешто: сериозна прераспределба на маркетинг буџетите за рекламирање во 2022, на пазарите надвор од САД. Иако цената по клик е далеку поголема, сепак ова е шанса која мора да се истражи и да не се пропушта. Доколку TikTok направи сериозни напори во контрола на токсичната и опасна содржина која не е прилагодена за најголемиот дел од нивната публика, може да очекуваме сериозни поместувања во таканаречениот Meta монопол. Па за помалку од два месеци да се искачиш цели 7 места нагоре (во 2020 TikTok е на 7мо место, а во февруари 2021 веќе на 1во) е подвиг вреден да се екпериментира со маркетинг стратегиите на брендовите.
OneID – прва македонска дигитална идентификација
Оваа недела имаме уште една многу значајна услуга креирана и промовирана на македонски пазара. КИБС во партнерство со Некстсенс, ја лансираше првата македонска услуга за електронска идентификација – OneID, со која граѓаните ќе можат да се идентификуваат преку својот мобилен насекаде, во банки, осигурителни компании, телеком оператори и државни институции, и е изработена согласно одредбите од Законот за електронски документи, електронска идентификација и доверливи услуги.
OneID идентификацијата може да ја користите секаде каде од вас се бара да го докажете вашиот идентитет. Со неа добивате пристап до најразлични услуги кои се строго регулирани и сите услуги и трансaкции ќе ви бидат достапни преку вашиот мобилен уред 24/7, а вашите податоци со OneID се сосема безбедни.
Одиме чекор напред во дигиталното услужување на граѓаните и да се надеваме дека голем број од давателите на електронски услуги, институциите и организациите коишто ќе ја имплементираат оваа нова македонска услуга па за нас граѓањите чекањето по шалтери да си остане закопано во минатото.
Предвидувања за 2022
Почнавте да гледате “предвидувања” за било што во секој втор наслов? Мислам дека бар месец дена само тоа ќе читаме. Како за последен преглед годинава некако задолжително е да ставиме и тука некои предвидувања, иако мислам дека во 2022 ќе има многу неочекувани изненадувања.
Јас решив да споделам некои од предвидувањата на Guardian, па да почнам од првото: Twitter може пак да стане важна мрежа за брендовите. Ова го прочитав и во неколку други предвидувања, па може да видиме пресврт после години политика, булинг и жестоки пресметки меѓу кориснициве на мрежава. Кога јас почнував да се бавам со маркетинг, Twitter беше hot af, и непроценливо богатство за брендови. Дали ќе се врати тоа време останува да видиме, секако малку подоцна кај нас (имаме многу ѓубре да расчистиме пред да ги вратиме брендовите на Twitter).
Следни предвидувања кои ги наведува Guardian се дека NFT ќе остане возбудливо за следење додека не пропадне. Кај нас толку малку луѓе знаат за NFT (секоја чест за македонските NFT орки), а светот веќе се подотвува за нивен заборав. Секако мислам дека има уште некоја година каде бидно ќе ги следиме промените и ќе бидеме возбудени за новостите што ќе ги донесат.
Во меѓувреме развојот на метаверзумот некако крчка дека VR ќе се врати на голема врата. Корисниците генерално ја избегнуваа виртуелната реалност заради тешките уреди, вртоглавиците, лошата содржина на VR. Но, со метаверзумот, извонредниот интернет за кој нè уверуваат дека овојпат ќе работи како што е очекувано, како нова технолошка фиксација, очекувајте многу наскоро да видите нов наплив на VR возбуда.
Следново е многу важно за нас, посебно за Дарко и ќе му биде омилено. Хајпот за подкаст нема изгори. Ако сте си планирале подкаст или си го имате веќе таман сте и да си продолжите така. Поткастите ќе си продолжат да си го обезбедуваат заслуженото место и да си останат популарни и релевантни. Поткастите се успешна приказна и ќе останат така.
На крајот јас би додала и некои мои субјективни предвидувања за нашиов пазар. Прво предвидувам (се надевам) дека ќе има некоја голема драма и промени во инфлуенсерскиот свет, посебно Инстаграм, затоа што мислам дека сме доведени до работ и тој меур мора да пукне и да се преструктуира. Има инфлуенсери за почит, ама и тие ќе прегорат ако не се случат некои значајни промени, (пак се надевам) поттикнати и иницирани од страна на брендовите кои ги ангажираат. За сметка на овие промени искрено посакувам да се врати на цена (и тоа висока) вредна содржина и квалитетни приказни раскажани од страна на брендовите (видео, блог, поткасти па и инфлуенсери). TikTok ќе си гази (со желба за помалку идиотски и опасни по живот предизвици), а Reels ќе станат норматив на Инстаграм содржината. Facebook ќе остане на бумерите ама ќе остане и најголем дел од маркетинг буџетите за реклами на брендовите, бар уште следнава година. И за крајот ставам еден голем извичник да се следи крипто пазарот, ама нема да си дозволам на широко да се праам паметна кога сум прилично неписмена на темава.
На крајот на овој преглед ви споделувам неколку екстра линковите подолу и еден фин инфографик. А честитките за Нова година ќе ги оставам за некој ден подоцна во еден друг планиран формат 🙂
Comments Off on #комкаст 110 – Дигитално лидерство со Иван СкендерКомкаст
Иван Скендер е човекот одговорен за спроведување на дигиталната трансформација во А1 Македонија и А1 Хрватска. Разговаравме за предизвиците, искуствата, препреките со кои се соочуваат но и за методите и пристапот во трансфорамцијата.
Допревме теми поврзани со технологија, малку HR или човечки односи/ресусрси, малку agile менаџмент… и ред други теми.
Comments Off on 161 #ПрегледВоПеток – Ralph Lauren, Mozilla, Roblox, Google Qaya…#ПрегледВоПеток
🎶 Дедо Мраз , Дедо Мраз дојди и кај нас… 🎶 Со најновите 5 за 12 барања, желби и потреби почнуваме да се спремаме за новата година, се надевам оваа година ќе успееме да бидеме спремни на 30 и на 31 нема да има потреба да работиме… во меѓувреме време е за уште еден преглед кој го започнуваме со две објави на самиов блог.
Нова #Комкаст епизода со Гораст Цветковски
Вчера на блогов имаше две објави, ретко се случува тоа, ама кога се случува секогаш ни претставува задоволство. Изутрината по иницијатива на Сеад, Дарјан од твитер ја помести својата нишка на блогов. Пишува за исчезнувањето на етосот и логосот од јавната дискусија, реален муабет, и пост кој вреди да си го прочитате и зачувате за некоја следна дискусија на интернет.
Подоцна во текот на денот, во стандардниот термин за #комкаст ја објавивме и новата епизода во која јас и Гораст дискутираме за гејминг културата, индустријата, локалната сцена итн. Гораст пасиониран, јас резервиран, малку се обидував да ги скријам емоциите кои ги имам или немам за игрите, ама 50-тина минути вреден муабет во кој се спомнаа многу наслови на игри кои не ги знам, ама секако можев да му ја разберам поентата на Гораст. Сепак затоа јас прашував а тој одоговараше. И тоа со страст.
Да одиме сега со прегледот за кој, патем, колегите пак ме саботираат, знаат дека е мој ред за пишување и не пуштаат линкови на каналот во Slack 🙁
Mozilla очекува заработка од $500M оваа година
Да да, непрофитната Mozilla која има и своја подружница која всушност го генерира профитот очекува толкава заработка оваа година. И покрај тоа што одамна ја изгубија битката со Chrome, сепак таа работи на други сервиси кои треба комерцијално да придонесат, сервиси како: Mozilla VPN service, Firefox Relay Premium, Pocket.
Но, не е се така позитивно, бројката од 500М нема да ја направат од горенаведените сервиси, туку најголемиот дел од овие средства ќе дојдат од нивното партнерство со Google. Да, истиот тој Google кој им го потепа Firefox, ама еј, кога треба да се заработува од партнерско прикажување реклами, нема љутиш!
Ralph Lauren во Roblox
Во битката кој прв ќе стане Metaverse, играта Roblox во соработка со Ralph Lauren креира зимско искуство во кое познатото модно име ќе ги презентира своите полово неутрални дигитални дизајни на облека. Интересно е како модните брендови, минатата недела пишувавме за Adidas, многу похрабро почнаа да влегуваат во дигиталниов свет. Во тој свет позициниорањето е важно, следењето на трендовите е задолжително, па и покрај тоа што се чини дека сите по малку доцнат, добро е што гледаме вакви примери.
It’s all part of Roblox’s quest to become the metaverse, the universe of virtual worlds that are all interconnected, like in novels such as Snow Crash and Ready Player One. With 47 million daily active users, Roblox has a pretty good head start on its metaverse mission.
Google Qaya – алатка за монетизација на креаторите
Не знам точно како се изговара зборов, малку чудно ми звучи на глас кога ќе го кажам, ама тоа воопшто и не е важно. Google во обид да не ја испушти од раце т.н. Creator economy лансира нова апликација која се вика Qaya која има за цел да им ја олесни монетизацијата на се што прават луѓето кои креираат содржина на интернет, да ги наречеме креаторите.
Creators on Qaya sell everything from trapeze workout guides to wellness training videos, photo filters, beat packs, ASMR read-alouds, productivity templates, knitting patterns and much more. We support pay-gated and free products, with tipping, subscription and other monetization types coming soon
Visualizing Mobile Traffic Worldwide
И пред самиот крај на овој преглед, и екстра линковите подолу, ако не сте го гледале трејлерот за видео играта базирана на новиот Матрикс, напревете го тоа сега. Првите 3-4 минути пред да започне самата игра се предобри!
Толку за овој #ПрегледВоПеток, мој последен за оваа година. Ако не ме прочиташ на некое друго место или друга објава, да речеме следниот #комкаст, Среќна Нова Година!
Comments Off on #комкаст 109 – За гејминг со Гораст ЦветковскиКомкаст
А за што друго би зборувал со Гораст ако не за гејминг и Game Fest и целата култура и трансформација која низ годините наназад се случува. Зборувавме за лични перцепции и искуства, за влијанието на оваа култура на остатаниот дел од опкружување и на крај секако малку и за децата и играњето, неизбежно беше.
До многу скоро верував дека социјалните мрежи, сами по себе, не се ни добри ни лоши, и дека сè зависи од начинот на кој ги користиш. Сега веќе не верувам во тоа, а еве и зошто.
Уште од времето на Аристотел, за успешно учество во јавната дебата, во тоа време агората, а подоцна и низ различни други форми, неопходно било учесникот во дискусијата да поседува 3 главни карактеристики: етос, патос и логос.
Под етос се подразбира личната етика на учесникот/говорникот, односно неговата искреност, чесност и добри намери. Под патос – неговата способност да влијае на емоциите на слушателите или другите учесници во јавната дебата. Под логос – умешноста на логичка аргументација.
Сега, десетина години по воспоставувањето на социјалните мрежи, како главен јавен простор на денешницата, полека, но сигурно, исчезнува потребата на два од споменатите три аспекти. И тоа за жал, на поважните два, кога станува збор за јавниот интерес: етосот и логосот.
Показател за ова е аргументот што голем број учесници во јавната дебата, иако се затекнати во лага, плагијат, нечесни намери, тие на никаков начин не се санкционирани од учество во јавната дебата од страна на останатите учесници, ниту досегот на содржината која ја создават опаѓа. Ова е за етосот.
Што се однесува до логосот, исто така, без разлика на отсуството на логичка аргументација и непознавање на темата на која се зборува, еден куп луѓе на социјалните мрежи продолжуваат да шират неаргументирани информации кои добиваат голем досег.
Ова покажува дека патосот, односно играњето на картата на емоции остана единствениот предуслов за успешно креирање содржина на социјалните мрежи. Само поради присуството на патос, го занемаруваме отсуството на етос и логос во јавната дискусија.
За жал, најдоминантната форма на емоција во креираните содржини е и онаа која предизвикува најголема ангажираност на публиката, а тоа е гневот.
Не сум сигурен дали социјалните мрежи се генератор или само катализатор на оваа состојба, но денес е јасно дека нивните алгоритми:
Наградуваат содржини кои предизвикуваат поголема ангажираност (engagement);
Предлагаат содржини слични на оние со кои сме влегле во интеракција.
На овој начин остануваме заглавени во еден маѓепсан круг на постојан гнев и константна таборизација и радикализација. Дополнително, ангажираноста на публиката, покрај со содржината, се стимулира и физиолошки, хормонално, со еден куп бихејвиорални трикови.
Од таа причина, дури и медиумски писмените корисници имаат сериозен проблем со филтрирање на информациите и креирање на прочистен личен избор на извори на информација кои се базираат и на етос и логос, а не само на патос.
На некој начин, како да сме осудени на постојано циркулирање низ содржина базирана исклучиво на патос.
Иако ова звучи дефетистички, сакам да верувам во цикличност на културата и општествените поместувања и дека ќе следи некаков „digital detox“ период, ама не го гледам скоро.
Comments Off on 160 #ПрегледВоПеток – Комкаст, WARC наградени, Instagram, TikTok…#ПрегледВоПеток
Утро, полека ги читкаме и последните Прегледи во петок за 2021 па here we go…
Нова #Комкаст епизода со Мартина Наумовска
А како инаку да ти започне петокот ако не со добра содржина што ќе ти го расони мозокот за работа. Новата епизода на Комкаст е овде и овој пат како гостинка ја има Мартина Наумовска – првата жена Data Scientist која влегла во претприемачките води во Македонија, еден од основачите на Data Masters и Data Masters академијата.
Дарко и Мартина зборуваат за улогата на податоците во рамки на самата трансформација на работењето на една организација и сигурна сум дека ќе ви биде таман видео за гледање додека го пиете кафето во канцеларија.
Објавени најдобрите и најнаградуваните кампањи и брендови за 2020
World Advertising Research Center (WARC) традиционално ја објави листата на најдобри и најнаградувани маркетинг кампањи и брендови за 2020. Листата секогаш се објавува во првиот квартал од актуелната година, но поради пандемијата оваа година задоцни.
WARC ги собира сите значајни и релевантни награди што се доделуваат во текот на целата година во индустријата и аплицира специјална методологија за да ги добие финалните резултати. Можете да претпоставите кои се брендовите што се најдоа на оваа листа а тоа се: Ikea, Coca-Cola, Volvo и Nike.
Doja Cat со првиот музички спот со кодирање
Doja Cat е првиот музички артист што пласираше интерактивен музички спот. Во соработка со Girls Who Code, спотот крие опции, ефекти и детали што може да се “отклучат“ со помош на код. Спотот е презентиран преку микросајт што ги запознава сите оние што немаат слушнато за CSS, Javascript и Python и им дава увид во тоа што може да биде нивна кариера. Со оглед на тоа што нејзината публика се млади фанови, тимот од од Girls Who Code се задоволни со досегашниот интерес.
We know first-hand that girls and young women are some of today’s most powerful creators and change-makers. However, too few know that they can have a career in computer science, and that it can open up an entire future of possibility to nurturing their passions. Learning to code enables you to change the world around you.
Tarika Barret, chief executive officer of Girls Who Code
Што има ново на Instagram?
Знаеме каква револуција донесе линк стикерот во стори на Instagram. Од компанијата најавуваат новина во овој дел со персонализиран текст на самиот стикер што ќе води до саканата дестинација. Од сега ќе можеме да пишуваме наши CTA пораки како и да избираме боја на самото копче.
На малку посериозната страна пак, Instagram се реши да го промени својот лошо критикуван feed алгоритам. Откако го лансираа во 2016 како алгортитам што ќе го персонализира фидот на секој корисник според неговите преференции и однесување на апликацијата, Intagram добија страшно негативни коментари што сѐ уште траат. Многу од корисниците го сакаат времето кога објавената содржина од своите пријатели беше видлива пред објави од профили за готвење само затоа што еднаш си побарал рецепти овде.
Но, по сите обвинувања, истражувања и дискусии поврзани со безбедноста на апликацијата за тинејџерите, компанијата се одлучи да го врати хронолошкиот алгоритам назад.
Колку оваа промена ќе влијае врз ефектот што апликацијата го има врз своите најбројни корисници останува да видиме.
TikTok ги објави најпопуларните креатори, песни, трендови и ефекти за 2021
На прво место како креатор се издвојува типот со смешното играње и снимање со дрон што кружи околу него – @totouchanemu. Не само што клипот собра 313,9 милиони прегледи и 43,9 милиони лајкови, туку стана вирален хит што не ги заобиколи и славните што правеа своја верзија на истиот.
Во извештајот се најдоа и топ продуктите што добиле најмногу внимание од TikTok корисниците: GAP дуксер, чанта во форма на срце од Kate Spade, Clinique кармин, Ikea платнена торба и уште неколку други што преку вирални видеа станале топ селери. Овие податоци одат во прилог на шопинг опциите што платформата ги најавува.
Овој #ПрегледВоПеток го препорачувам “14 Peaks: Nothing Is Impossible” на Netflix. Мотивирачки документарец што сум сигурна дека ви е потребен за кревање на моралот и енергијата периодов.
Comments Off on #комкаст 108 – Data science со Мартина НаумовскаКомкаст
Уште во воведната епизода на серијалов посветен на дигитална транфорамција зборував колку е важен стратешкиот пристап кон собирање и управување со податоците. Во денешната епизода со Мартина Наумовска зборуваме токму за улогата на податоците во рамки на самата трансформација на работењето на една организација. Мартина е првата жена Data Scientist која влегла во претприемачките води во Македонија, еден од основачите на Data Masters и Data Masters академијата.
Comments Off on 159 #ПрегледВоПеток – #комкаст, Adidas metaverse, Spotify Wrapped, Meta crypto ads#ПрегледВоПеток
Уште една нова епизода на #комкаст и тука може слободно да го завршиме прегледот, ама не, ќе споделам уште неколку интересни работи…
#комкаст со Борче Ѓорѓиевски – раководител на контакт центарот на А1 Македонија
Излезе и втората епизода од новата сезона на #комкаст, во партнерство со А1 Македонија и прв гостин како што е редот ни е Борче, инаку наш долгогодишен соработник и пријател! Борче е еден од ликовите кои ги имаат искусено сите фази и промени на комуникацијата со корисници, преку телефон, мејл, социјални мдиуми, па во последно време и вештачка интелигенција преку роботи, и има неверојатно искуство во овој сектор. Долго ќе го паметам како одличен професионалец и човек со кого ти е мерак да работиш. Во новата епизода на #комкаст на долго и широко со Дарко зборуваат за искуствата со новите начини и технологии за грижа на корисници. Уживајте!
Првиот влез на Adidas во метаверзумот најверојатно ќе вклучува NFT
Зошто да следиш еден тренд, кога ти се може да следиш и два? Adidas во соработка со Bored Ape Yacht Club, збирка на Bored Ape NFT на блокчејнот Ethereum, влегува во метаверзумот со „бунтовниот оптимист“ мајмун Индиго Херц (прикажан на насловната форографија).
Adidas не ни открива многу за претстојните активности, но велат дека ова е „хинт за она што следува“, истакнувајќи дека NFT ќе им даде шанса на корисниците на метаверс да поседуваат дел од она што го направиле. Компанијата ги охрабрува корисниците да ја користат нејзината апликација за да откријат повеќе за она што следува. Во апликацијата исто така доделуваат токени на долгогодишните и лојални корисници кои ги охрабруваат да ги чуваат, повторно за она што следува.
Многу мистерија на едно место, но ваквиот потег на Adidas секако не е изненадувачки. Ќе си искористат два технолошки трендови одеднаш и, се разбира, ќе си уживаат во сиот публицитетот што следи. Сепак, значајно за брендот е што ќе ги прошири своите модни и уметнички амбиции и во дигиталната област. Ако метаверзумот на Adidas и Nike се покаже успешен, сигурна сум дека сите светски брендови нема да изостанат да го следат примерот, a веќе почна Balenciaga.
Spotify Wrapped 2021 доминира на социјалните медиуми
Ако не сте забележале ниедна споделена плејлиста, тогаш живеете во пештера. Сите, буквално сите корисници ги споделија своите најслушани песни и албуми насекаде. За Spotify, Warpped секоја година им е еден вид прослава цел месец затоа што буквално доминираат на социјалните медиуми.
Оваа година, Spotify посвети малку повеќе внимание на дизајнот на Wrapped и корисниците може да си изберат однапред како ќе ги споделат своите листи, и плус, за прв пат, овозможи директно сподлеување на TikTok. Се чини дека годинава конкурентите Apple и YouTube ја губат битката со year in review, па дури и самите корисници на Apple Music овој период од годината посакуваат да бидат Spotify корисници.
Ah yes, Spotify Wrapped day, or as I like to think of it “punishment for being an Apple Music user while everyone else gets to have fun with their music recaps” day.
SEDC стипендии за девојки и жени од ранливи категории за подобрување на дигиталните вештини
Доколку имате до 29 години и не сте вработени, Сеавус Едукативниот и развоен центар Ви нуди можност да ги унапредите своите дигитални вештини и да ги подобрите вашите квалификации за вработување преку субвенционирана академија за дигитален маркетинг.
Сите девојки и жени кои спаѓаат во оваа категорија, а предност ќе имаат тие што живеат надвор од Скопје, ќе можат да аплицираат за четиримесечната онлајн академија. Сеавус Едукативен и Развоен Центар заедно со RECONOМY покриваат 80% од вкупната школарина. Остатокот од школарината во износ од 270 евра (во денарска противредност) учесничките ќе имаат можност да го исплатат на рати најдоцна до 1 декември 2022 година. Апликацијата за академијата е на следниот линк.
Meta со нова политика за реклами со криптовалути
На 1 декември, Meta (уште ми е чудно да не го викам Facebook) објави нова политика за рекламите со криптовалути, што на големо ја отвора вратата за повеќе крипто огласувачи на нејзините платформи.
We’re updating our eligibility criteria for running ads about cryptocurrency on our platform by expanding the number of regulatory licenses we accept from three to 27. We are also making the list of eligible licenses publicly available on our policy page.”
Meta
Со овој потег сега повеќе крипто компании можат да објавуваат реклами на нејзината платформа, што ќе обезбеди проширена можност за признати крипто провајдери да ги промовираат своите производи, а истовремено ќе ѝ овозможи на Мета да заработи повеќе пари од крипто рекламите. Дали е ова добар потег, останува да видиме. Крипто-пазарот созрева и сега има многу пошироко признавање на криптовалутите како легитимен начин на плаќање. Но, тие исто така не се поддржани од повеќето финансиски регулатори, што исто така носи ниво на ризик во таквиот процес.
Comments Off on #комкаст 107 – Грижа за корисници со Борче ЃорѓескиКомкаст
Како е да се биде од другата страна, кога корисникот бара да му се посвети внимание или реши проблем? Како се менуваа каналите за комуникација со корисниците, колку време е дозволено за решавање на проблем, како е да те замени вештачка интелигенција, што не може да работи робот? На овие и многу други прашања одговара Борче Ѓорѓески од А1 Македонија, човекот кој, најверојатно, има подебела кожа од сите нас заедно…
Comments Off on 158 #ПрегледВоПеток – web 3.0, NoCode, Fold AR, Spotify…#ПрегледВоПеток
Покрај новата епизода на #комкаст скоро сите четива за читање оваа недела гледаат малку подалеку од сегашноста, далеку од нас, односно во работите што за некоја недела ќе ги наполнат листите со трендови за 2022 година. Ама ајде по ред, прво од она што ни е познато..
#комкаст на тема дигитална трансформација
По којзнае кој пат оваа недела куцам дигитална трансформација, ама таков си е редот, за убаво е. По најавата на почетокот на неделата и првата епизода објавена вчера еве ветувам дека неколку дена нема да куцам на оваа тема… Ама само да ви кажам дека #комкаст продолжува овој пат во партнерство со А1 Македонија и тоа со 10-тина нови епизоди посветени на теми поврзани со дигитална трансфорамција. ОК доста е… кликај!
It.mk со претплата
Не знам дали е многу ново или јас сега забележав, ама честитки од мене до тимот кој стои за ит.мк, супер потег, конечно некој да се охрабри да испроба претплата нешто што е веќе нормално во светот на дигиталните медиуми низ светот последните 3-4-5 години. Немам многу детали освен она што јавно може да се види, ама ветувам дека наскоро, кога ќе потсоберат малку повеќе податоци и искуство, ќе има или епизода на #комкаст со Дамјан или некој друг од таму, или барем некое подолго интервју тука на блогов. Сега за сега, само пофалби, честитки и желба за успех.
Web 3.0 и The Metaverse
Сите ние кои се сеќаваме дека пред social media имаше нешто што го викавме web 2.0 нема толку многу да се радуваме на web 3.0 затоа што знаеме дека тоа му е само преодно име, а преодот може да биде токму во метаверс, или како и да се преведува тој збор на наш јазик. Како и да е, нашиот драг пријател David Armano има добар текст кој може да не воведе во темите и да ни помогне да сфатиме зошто ова се buzz термини што ќе се повторуваат каде треба и каде не треба во 2022.
Society is already grappling with a pace of change that technology advances upon our human brains which struggle to process. Sure, there will be people who make the case that the metaverse is safer in many ways than the real world. For example, there were no fatalities when Travis Scott hosted a metaverse event in the virtual world of Fortnite. But as we’ve seen in places like Myanmar, Ethiopia, and in the hearts and minds of both adolescents and adults—what happens in the metaverse, doesn’t always stay in the metaverse.
No-code алатките се иднината на визулената уметност
Иднината на т.н. creator economy ќе биде под големо влијание на алатките со чија помош значително се оелснува креирањето на визуелна содржина. Овие алатки ги елиминираат потребите од познавање на сложени програмски јазици и стануваат достапни за уметниците. Abigail Hunter-Syed, Partner од LDV Capital во својот текст објавен на Venture Beat разгледува некои нивни последни истражувања кои навлегуваат подлабоко токму во овој тренд.
Не би рекол храбро, само можеби малку пооптимистички, но според него во иднина ќе има многу повеќе лајв стримови, уште повеќе фотошоп, cgi и сл. специјални ефекти, анимирани видеа со помош на вештачка интелигенција, гејмифицирана содржина, и секако нови дигитални „суштества” да не речам битија. Не така далечно, а фино да се прочита: Deep tech, no-code tools will help future artists make better visual content
Играј Pokemon Go и заработувај биткоини
Добро не е баш Pokemon Gо туку се вика Fold AR ама е направена од истата компанија која ја прави и Pokemon Go, Niantic. За оваа игра компнијата соработува со финансикста компанија Fold се со цел да ја направи поактуелна ама и попривлечна. А како да не е привлечна кога сега во играта може да заработувате биткоини.
Разликата е што тука наместо да собирате монстерчиња, механиката на играта вклучува наоѓање на коцки со бинарни кодови кои ги редите нешто налик на Minecraft се додека не ја откријат наградата што ја кријат во себе. Слична но и по многу други детали доста различна. Ако биде популарна барем дел од она што беше Pokemon Go, вреди да се следи уште сега.
TikTok ги ангажира BuzzFeed
За прв пат од своето постоење TikTok соработува со медиум со цел креирање оригинлна содржина за неговата плаформа. И тој прв пат ни по малку ни повеќе е со buzzFeed. Договорт ќе трае една година, и ќе се однесува на креирање на оригинална видео содржина која стартува со серија видеа “I Made This”.
Spotify го замени shuffle копчето на албумите
И за крај, веста на неделата! Благодарение на Adele, ние старошколските слушачи на мзика кој сепак не користиме вокмен туку Spotify ќе го имаме на едек клик задоволството да слушаме албум како што и се слуша албум, по ред! Од сам старт кога почнав да користам Spotify ужасно ме нервираше што дури и на албум најголемото зелено копче беше shuffle а не play. Ми има логика на плејлисти особено оние кои автоматски ги генерира сервисот, ама на албум никако. Благодариме Adele, продолжи така и брани ја честа на историјата кога не се вадеа само синглови туку се снимаа албуми со концепт.
Што зарем не го изгледа/преслуша послендиот #комкат? Еве ти и тука видео…
Comments Off on #комкаст 106 – Што е дигитална трансформација?Комкаст
Најавивме серија на епизоди кои ќе бидат посветени на дигиталната трансформација, ама ред е за почеток да се обидеме да дадеме вовед, дефиниции, рамки за да знаеме за што зборуваме. Во првата епизода од овој серијал се обидувам да ги врзам кафанските муабети со серзиони теми кои секако не се неспоиви, ама си носат свој предизвик.
Во воведната епизода ќе слушнете:
дефиниции за дигитална трансформaција,
основни елементи на дигитална трансформација
фази на трансформација
фокус на коринсикот и корисничкото искуство
зошто дигиталните маркетери се мешаат во дигитална трансформација
Comments Off on #комкаст најава: Дигитална трансформацијаКомкаст
Си постави ти цели за оваа година? Да за оваа која изминува зборувам… Не те прашувам онака, дека се ближи декември или сл. туку само сакам сам себе да си се пофалам, затоа што некаде кон крајот на 2020 јас си пишав во една од целите #комкаст да има партнер. И многу е добро кога без никој да знае за тоа, коцките сами си се редат како што треба да се наредат и се раѓаат соработки кои фино се вклопуваат.
Пред неколку месеци со А1 Македонија започнавме убав муабет околу подкасти, локална понуда и сл. и после неколку (онлајн) состаноци и меилови… работите станаа поконкнретни. Се интензивираа работите и конечно денес ја имам честа да ја најавам новата сезона (иако напуштивме броење на сезони пред две години па затоа некаде може и ќе ја викам серија) на #комкаст.
Одлуката околу содржината беше прилично лесна. Дигитална трансформација. Долги години сме активен дел од неа, од повеќе страни а тоа е и тема со која А1 Македонија можеше многу лесно да се поврзе, ќе слушнете во некои од епизодите и зошто.
Тоа е, #комкаст, партнерски со А1 Македонија, 10 нови епизоди, скеој четврток. Од сега па до февруари 2022. Повеќе детали во најавата и прва епизода во четврток на твојата омилена аудио платформа, YouTube или тука на блог.
Comments Off on 157 #ПрегледВоПеток – TikTok, Instagram, Snapchat, Spotify…#ПрегледВоПеток
Океј, пак редот за куцкање е мој, па знаете што се прави додека се чита #ПрегледВоПеток со Наташа….СЕ ПИЕ КАФЕЕЕЕ! Да започнеме…
TikTok – Безбеден или не?
Се чини дека лошиот глас што започна да го бие TikTok поради сѐ побројните опасни предизвици што нагло стануваат популарни, стигна и до важните уши во компанијата. Тие направија истражување со цел да го подобрат нивото на безбедност на своите корисници што секојдневно се изложени на секаков вид на содржина. По многу случаи низ целиот свет каде практикувањето на предизвици од оваа социјална мрежа довеле до смртни последици, резултатот беа рестрикции за користење на TikTok од страна на малолетници во многу земји.
Затоа, компанијата најми независна агенција да го спроведе истражувањето. Побарано е мислење и направени се интервјуа со повеќе од 10 000 учесници, меѓу кои тинејџери, родители и учители од различни националности.
Истражувањето покажало дека поголемиот број од тинејџерите испитаници, не биле ни свесни дека некоја содржина е опасна. Она што е загрижувачки е дека TikTok не секогаш може да препознае одреден предизвик како штетен, особено ако истиот е во почетна фаза. Хаштазите што што ги носат познатите предизвици не носат секогаш заканувачки збор во себе, па ова е една од работите на кои треба многу да се работи. Овде се вклучува и содржината што може да претставува закана и опасност по самоповредување па дури и самоубиство.
TikTok работи на што поголемо и порелевантно алармирање на корисниците за секаква опасна содржина. Тие соработуваат со експерти за ментално здравје кај адолесцентите и го подобруваат корисничкото искуство за сите оние што им е потребна помош околу справување со вакви проблеми.
Snapchat е за частење
Snapchat одсекогаш ми бил најкул од цело друштво. Можеби затоа што сѐ секогаш започнува од него, и со што и да се занимава, очите се свртени таму. Затоа и не ме зачуди што направија договор со Sony Music Entertainment. Музиката игра голема улога во новото користење на технологијата и социјалните мрежи па Snapchat и овој пат се во тек. Она што е супер интересно е нивниот договор со NBCUniversal. Ова значи гоооооолем избор на користење на реплики и фрази од еден тон серии и филмови во продукција на NBCUniversal.
И додека Facebook измислува 101 начин како да продаде AR иднина, дечкиве отидоа до таму што секој може да биде ѕвезда на својот музички спот со новите Sound Lences.
“The Lens transforms pictures of anyone to appear as if they are singing a song, while Cameo Sound Lenses will apply visual effects to put you and a friend as the stars of your own animated music video.”
Snapchat
А за оние како мене, што секогаш сакаат нешто екстра специфично јадење направено дома а сѐ што имаат во фрижидер се јајца и кромид, Snapchat влегуваат со своjот Food Scan. Едноставно, ги скенираш достапните намирници со новата опција за скенирање и тадааам добиваш предлози од Allrecipes за што сѐ можеш да зготвиш со твојата (не)скромна кошничка. Секако дека не можеш да зготвиш ексклузивно јадење само со јајца и кромид, но ќе добиеш инспирација за супер рецепти, факти за храната и намирниците од Weekipedia и свашта.
Огладнев…
Кои FMCG производи се најпопуларни кај македонците?
Генерално, нема значајни промени на позициите кај најпознатите брендови во соодветните категории. Битолско млеко и Битолски јогурт учествуваат со 51% односно 41% во категоријата Млеко и Јогурт. Најпознато турско кафе е Grand кафе кое ја унапредува својата позиција од 22% на 32% за разлика од 2020 година.
Во категоријата Природни Сокови, Вива ја држи лидерската позиција како најпопуларен бренд кај секој трет потрошувач.
Како шампиони се издвојуваат и Витаминка, Виталија, Тиквеш, Здравје Радово и Скопска Пивара.
Работиме на две од овие компании што покажуваат дека се лидери во својата индустрија па….good for us! 🙂
Марк влегува во малопродажба?
По сите скандали и целата галама што се креваше околу Facebook (никогаш Мета), Марк решава да излезе од виртуелниот свет и да стапне во оној реалниот носејќи нешто од виртуелниот! Се разбравме? Ајде од почеток.
Се слушаат гласини дека Facebook ќе ги отвора своите први физички малопродажни локации каде секој ќе може да купи производ излезен од Reality Labs секторот на компанијата. Тој има идеја да им го овозможи на луѓето она чувство и возбуда на влегување во еден поинаков футуристички свет каде виртуелната и аугментираната реалност се спојуваат. Но, колку е публиката спремна за вакво нешто?
Ова е дел во кој уживаат само броен дел на луѓе, кои можат да си дозволат да бидат љубопитни за сите опции достапни. Компанијата минатата година ги лансираше своите нискобуџетни очила кои добија и не толку сјајни критики.
Сепак, директорот е мотивиран за промена и ја најавува новата голема технолошка ера по смартфоните.
Не сакам да звучам лошо но идејата за физичка продавница доаѓа во период кога се отвори Skopje East Gate….Хммм….
Spotify со опција за текст за сите претплатници
Во соработка со Musixmatch, Spotify ја лансираше својата опција за прикажување на текст на песните за сите претплатници на сите платформи. Од Musixmatch велат дека обезбедуваат текстови на повеќе од 8 милиони песни, така што не би требало да имате проблем во наоѓање на онаа што ја слушнавте во кафана минатиот викенд (аха да).
Instagram со нови опции
Најмногу ги сакам овие мали опции што реално не дека многу им значат на регуларните корисници, но на маркетерите – И ТЕ КАКО!
Другата новина е уште покул и баш заради тоа сакам да завршам со неа а тоа е дека одсега ако апликацијата поради било која причина закочи или престане да работи, само потреси го телефонот (nudge опција за постарата генерација) и ќе добиеш прозорче со прашање Што не е во ред и простор за текст каде можеш да го впишеш проблемот.
Comments Off on 156 #ПрегледВоПеток – македонските NFT Орки и друго…#ПрегледВоПеток
Уште еден петок и додека чекате да заврши работниот ден и да почне викендот може да си читнете што имаше ново минатата недела. А #ПрегледВоПеток не може да помине без Instagram, Facebook, па YouTube па и нешто многу позначајно за нашево државиче, како македонските Орки. Ајде да почнам…
На кој му треба пауза од Инстаграм?
Скролаш, свајпаш и оп за 5 минути поминале 3 саати некако магично. Ти се случува ова? Инстаграм најде решение.
Testing “Take a Break” 🧑🔬
We started testing a new feature called “Take a Break” this week. This opt-in control enables you to receive break reminders in-app after a duration of your choosing.
I’m excited to dig into the results & hopefully launch this sometime in December. ✌🏼 pic.twitter.com/WdSTjL6ZdH
Ајде да мислиме дека намерите им се искрени и навистина се грижат за менталното здравје на луѓето, пред сè тинејџерите, или се најдоа во небрано по интензивната контрола на Мета (поранешен Фејсбук) која покажа дека Инстаграм може да има негативен ефект врз менталното здравје на младите луѓе, па сега глумат загрижени. Како и да е, пак останува на самосвеста бидејќи опцијата е активна само ако сами ја активирате.
Facebook ќе отстрани илјадници категории за таргетирање
„Почнувајќи од 19 јануари 2022 година, ќе ги отстраниме опциите за детално таргетирање што се однесуваат на теми што луѓето може да ги сметаат за чувствителни, како што се опции кои упатуваат на каузи, организации или јавни личности кои се однесуваат на здравје, раса или етничка припадност, политичка припадност, религија или сексуална ориентација. .“
Facebook
Со други зборови, нема да можете да ги таргетите вашите реклами на теми како „Светски ден на дијабетес“ или други здравствени причини, ниту пак да ги поврзете со сексуалната ориентација, политичките убедувања итн.
Отстранувањето на овие елементи за таргетирање може да ги промени работите. Може да има големо влијание врз маркетерите на каузи, политичките партии, брендовите за здравствена заштита, како и да ги натера бизнисите да го променат својот наратив кој до сега им носеше успех.
Останува да видиме како ќе се снајдеме во иднина кога ќе нема многу од овие опции за таргетирање. Дали ќе успееме да поставиме доволно успешни Engagement Custom Audiences и дали ќе ни бидат доволни да си ги постигнеме целите?
Македонските Орки го освојуваат NFT светот
Сте слушнале за The Orc Horde NFT? ако доцните со запознавањето на овој ремек-дело проект, време е да си ги обновие информациите за новости. Имено, македонските уметници тргнаа во поход на крипто светот со 10000 орки (10000 уникатни NFT портрети на орки, како оние од “Господарот на прстените”). Ако само успеете да ја увидите уникатноста на проектот, тогаш можеме лесно да проектираме дека нашите уметници можат да заработат милионски суми од своите NFT уметнички дела.
Она шот е уште поневеројатно е дека овој тим на брилијантни таленти е отворен за нови амбициозни уметници кои сакаат да зграбат од NFT колачот во крипто светот. Само треба да им пишете на следниот мејл theorchordenft@gmail.com или контактирајте ги преку официјалниот Твитер https://twitter.com/OrcHorde.
Всушност нема вистински да ги отстрани, туку нема да бидат јавни. Промената доаѓа како резултат на организирани напади врз корисниците на платформата, каде што опцијата „не ми се допаѓа“ се користи за да наштети на популарноста и перформансите на видеото, најчесто само затоа што не им се допаѓа креаторот.
Истражувањето на SocialInsider на 137 илјади спонзорирани постови на Facebook и Instagram ни носи инстересни заклучоци какви реклами на социјалните медиуми генерираат најдобри резултати. Не дека и сами не сме ги увиделе овие очигледни факти ама фино е вака црно на бело истражувачки потковано да си постојат:
Instagram е навидум попопуларен, но Facebook има повеќе корисници
Facebook рекламите во њузфид носат најмногу трафик
Рекламите на Instagram Stories имаат највисок CTR
Брендовите инвестирале 8,69% повеќе во реклами на Instagram во 2021 година во споредба со 2020 година
Comments Off on 155 #ПрегледВоПеток – Instagram AddYours, PinterestTV, Coca-Cola#ПрегледВоПеток
Еве веќе цела недела живееме со Мета, и освен стандардните багови кои ги имаше и претходно и различните реклами за бизис понудите на компанијата нема баш некои значителни промени… може да се посветиме на други теми, така? Ајде, време е за утрински #ПрегледВоПеток ….
10 милијарди загуба по рестрикциите на Apple во политиките за следење
Snapchat, Facebook, Twitter, и YouTube, сите претрпуваат загуби поради новите политики со кои Apple врши рестрикции во поглед на споделување и достапност на личните податоци и навики за користење на апликациите во рамки на iOS оперативниот систем.
Анализата и проценката ја направиле Financial Times и според неа, некако очекувано, најголем удар односно загуба има претрпено Facebook.
Coca-Cola го намалува бројот на агенции ширум светот
Одамна не сме ги спомнале во прегледов, а во минатото тоа беше неофицијално задача на Наташа, ама еве сега мене ми се падна.
Се очекува наскоро Cocа-Cola да го смени својот стратешки пристап и да го скрати бројот на агенции со кои соработува низ целиот свет. Во моментов тие имаат договори со 4 големи холдинг компании од оваа индустрија и стотици помали креативни и друг тип агенции.
На сите ни е јасно дека овој потег може да предизвика тренд, но и сам по себе ќе донесе тектонски промени во целокупната индустрија. Веќе некое време се дискутира во нивните редови дека големиот број на соработници станува тежок модел за управување а од друга страна компанијата бележи надолен тренд во поглед на својот профит.
Дали ова значи дека долгорочно Coca-Cola ќе го изгуби приматот да биде репер во маркетинг индустријата?
Pinterest TV – шопинг видеа
Кога некој ќе спомне шопинг видео на што прво ти текнува? Признај? Топшоп нели? Не следиме редовно што прави Pinterest во овој преглед, ама овој потег може да не е толку важен сам по себе за Pinterest колку што е одраз на јасното трасирање на трнедовите во насока на развој на social commerce.
Откако јасно и гласно и TikTok и Instagram се обидуваат да влезат повеќе во овој сегмент, Pinterest кој во некои сегменти веќе е пред нив во овој поглед, реши да тестира нов тип содржина.
Имено, тие започнаа соработка со некои од своите топ креатори на содржина и им помагаат да снимат 30 минутни видеа на повеќе различни теми, кои ќе се емитуваат од 8 овој мсец. Покрај различниот пристап во креирањето соржина, вменатите реклами се спомнува и видео со опции за чет – Pinterest TV
According to Pinterest’s call to action, these shows will be 30 minutes in length and will include a 10-30 minute pre-production call with Pinterest’s team and AV tech check.
The idea, Pinterest explains, is to create a new way for its users to become inspired — instead of just browsing images for products and ideas, as before, Pinterest TV allows the company to move further into video and the creator economy.
Instagram додаде нова интеракција во „сторис”
Ха, по којзнае кој пат сервисите си се копираат меѓу себе. Сега на ред е повтoрно Instagram да земе нешто од TikTok. „Add Yours” се вика новиот стикер кој може да го закачиш на своето стори и со тоа да и овозможиш на твојата публика да закачи своја содржина на твоето стори.
Јас одма гледам употребна функција на овој нов стикер кај брендовите кои долго време зависат од интеракција во директни пораки на Instagram. Ова делува потранспарентно, повеќе ќе инспирира други да се вклучат, и во крајна линија публиката повеќе време ќе се задржи во твоето стори… што има тука да не се сака…
10 најчести веб дизајн грешки во 2021, според Јакоб Нилсен
Comments Off on 154 #ПрегледВоПеток – Meta, Instagram со линкови, Squid Game…#ПрегледВоПеток
Искористи линк во стори на Instagram? 🙂 Хајлајт на неделата е ова а сѐ останато во продолжение на овој последен октомвриски #ПрегледВоПеток ….
Достапни линкови во story за сите Instagram бизнис акаунти
Опцијата на ставање линкови како стикер наместо со swipe up на story, беше промовирана од Instagram во Август и конечно стана достапна за сите од 27.10.2021. За брендовите, ова со сигурност значи дека фокусот за комуникација со корисниците и фановите ќе биде дефинитивно на содржината креирана за story.
Па ако сѐ уште не си ја искористил оваа опција за твојот бизнис акаунт или за акаунтот на некој клиент – 3, 2, 1 GO!
Facebook Inc. станува Meta
Веќе беше најавено и се очекуваше, ама во јавноста беше пуштена шпекулација дека Facebook ќе го менува своето име во Metaverse, сепак тука некаде е. Холдинг компaнијата која стои зад Facebook, Instagram, Oculus VR и серија други сервиси и уреди отсега ќе се вика Meta. Не, како што пишавме и претходниот преглед, апликацијата/сервисот Facebook нема да го смени своето име… а за да не разберете погрешно изутринава веројатно ве пречека и такво известување во самата апликација, така?
Она што е далеку поважно, од самата манифестација за промена на фокусот кој Марк сака да ја направиме се сите други новитетите кои вчера беа претставени на Facebook Connect виртуелниот настан.
Марк најави нова социјална виртуелна реалност со Horizon Home, која ќе го користи Oculus Quest 2 VR сетот а целта е да ги поврзе и забавува корисниците во виртуелниот свет. Згора на ова ќе може да правите и VR повици преку месинџер а на настанот беше пуштен и мал тизер за нови AR наочари (Azeray) како и нов high-end VR сет (Project Cambria).
Facebook ќе се фокусира на помладата публика
Не знам за вас, но во последните неколку години Facebook мене лично ми служи само како информативна платформа и ништо повеќе. Чат-пат ќе прсне смеење од некоj заборавен memory пост или коментар на тетка што сама си прави муабет во коментари под рандом објава од некој портал.
Иако ова за Facebook значи дека бројката на корисници ќе расте сѐ побавно, Марк смета дека ова е правилниот чекор.
Кога станува збор за Instagram, тој е свесен дека TikTok е најсериозниот конкурент што досега влегол во игра, па токму поради тоа Reels и видео содржината ќе биде примарна цел за придобивање и задржување на младите тинејџери и адолесценти.
Ваквите промени ќе траат со години, но сепак целта е таа.
Каде влегуваме ние 30 и кусур годишните во овој свет уште не ми е јасно, но ОК и така имаме криза на идентитет од 2020 па наваму (шмрк).
Squid Game го присвојува Halloween 2021
Очекувано…годинешните костими за Halloween ќе бидат во зелено-бела боја со реден број од лева страна.
Најгледаната серија на Netflix ќе прогласи победа и врз овогодинешниот празник. Тренерките што ги носат играчите во популарната серија ќе ги преплават баровите и улиците насекаде каде Halloween е настан број 1 оваа есен. Амазон веќе со полна пареа ги продава овие костими и тоа најмногу со бројот на главниот карактер 067. Освен тренерките, голем хит се и црвено-црните костими на чуварите како и целосниот аутфит на куклата од првата игра (онаа со крипи песничката).
Што ново има на Twitter, Linkedin, Clubhouse и Pinterest
Twitter ги објави своите Q3 перформанс резултати и се чини дека бројките растат како во корисници така и во профит. Дали ова е доволно за да ги оправда посакуваните проекции и поставените цели за инвестиции, сѐ уште не е јасно. Но, бројот на корисници е поголем за 13% од претходната година, од кои повеќето се надвор од САД, што и не е толку лошо. Но, кога се зборува за пари, тие се главно од САД и тоа нови 94 милиони долари за ова Q3.
Linkedin го олеснува конектирањето на фриленсерите со брендовите преку својот Service Marketplace. Бета тестот беше лансиран уште во Февруари и од тогаш па наваму генерираше повеќе од 2 милиони корисници. Новите филтри за пребарување и напредни опции ќе ги приближат квалификуваните работници со вистинските работодавачи многу полесно и поедноставно. Има мноогу кул и практични опции, па доколку си во потрага на работа, ѕирни, можеби ќе начекаш нешто што ќе ти се допадне.
We suspect that people will use Pinned Links in all sorts of fun ways — like playing games, running polls, and sharing links to YouTube videos. Just as importantly, we’re excited to see Pinned Links help room creators drive people to subscribe to their Substack, download their podcast, read their book, go see them at The Laugh Factory, discover their new single, buy their product, and support their Patreon or GoFundMe page..
Clubhouse
Pinterest оди чекор напред во служба на маркетерите со својата MRC акредитација. Ова значи дека метриката на Pinterest ги исполнува стандардите на MRC за обезбедување квалитет и точност. Со други зборови, маркетерите сега можат да се чувствуваат посигурни дека податоците што ги добиваат од Pinterest ги одразуваат вистинските луѓе кои влегуваат во интеракција со нивните реклами за „Pins“ и „Pin“, што може да помогне во поттикнување за повеќе трошење.
Од овој преглед па во секој нареден што ќе го пишувам, ќе споделувам предлог серија/филм/документарец. За крајот на овој #ПрегледВоПеток ја издвојувам “The Bilion Dolar Code” на Netflix! Ѕирни ја за викенд па пиши ни мислење. 🙂
Comments Off on 153 #ПрегледВоПеток – Facebook менува име, Google endless scroll, MacBook Pro, Pixel 6#ПрегледВоПеток
Името не го даваме! Добро… може да го смениме… а? Секако дека нема политика во нашиов преглед иако сме сред локални избори. Оваа недела започнуваме со хардвер и немаме толку многу линкови и вести… ама тие што ги имаме се „големи”…
Apple си ја призна грешката
Добро, не дека сега излегоа на сцена и рекоа, промашивме пред неколку години кога пуштивме лаптопи со тач бар или кога ги тргнавме буквално сите портови од лаптопите, ама со новата серија на MacBook Pro лаптопи не ни мораше да го кажат тоа, го покажаа. Со уште понови, засилени чипови кои требаше да ја земат славата Apple најави дека во новите модели го враѓа легендарниот MagSafe приклучок за полнење, враќа добар дел од портовите и го трга фамозниот тач бар.
Се останато е фалење колку се најдобри, најбри, најштетливи итн итн…
Ама да не раскажувам еве кондензирана верзија од последниот нивни настан ако досега не успеа да се изначиташ и изнагледаш на темава.
Google Pixel 6 и Pixel 6 Pro
Уште малку хардвер и готово… Google ги претстави новите Pixel телефони кои имаат малку различен дизјан кај камерите… мене вака на прва не ми се допаѓа… ама се е навика. Немав трпение да го гледам целиот настан само разбрав дека камерата им е со нов софтвер кој е даелку подобар кога треба да детектира лица со темна боја на кожа. Многу лесто во презентацијта се спомнува AI и сл. Еве скратено видео и од овој настан. Да не се мачите да читате 😀
Скролање без крај на Google search на мобилен
Важна вест за сите SEO експерти, SEO сервиси но и за сите кои се во допир со UX и UI. Google го смени начинот на кој се излистуваат резултатите при пребарување на својата верзија за мобилни уреди. Сега наместо пагинација има бескрајно вчитување кое веруваме дека ќе влијае на бројот на вкупните резултати низ кои ќе поминуваат корисниците.
Дали сега ќе може уште да велиме, на шега, ако сакаш нешто да скриеп стави го на втората страна на Google. Нема да има втора страна. Како ќе влијае ова на корисничките навики и на важноста на позиционирањето во резултатите од пребарувањата останува да видиме. Секако сега доминантен број од пребарувањата се случуваат на мобилни уреди.
Facebook го менува името?
Полека, без паника, нема да се смени името на самиот сервис/апликација… туку името на компанијата која стои зад него и зад уште многу други сервиси и производи. Знам, знам веќе почна да размислуваш како ќе ти се промени живтот од корен, како можеби сега е вистинското време да пробаш да се одвикнеш од него… ама за жал не е баш така.
По стапките на Google кои пред неколку години ја направија Alphabet Inc. така сега Facebook размислува да се преименува во Metavrse. Идејата на Марк е да се менува перцепцијата дека компанијата работи само социјални медиуми и да се стави фокус на поголемата слика и активности.
Facebook already has more than 10,000 employees building consumer hardware like AR glasses that Zuckerberg believes will eventually be as ubiquitous as smartphones. In July, he told The Verge that, over the next several years, “we will effectively transition from people seeing us as primarily being a social media company to being a metaverse company.”
Ројтерс има супер тескт во кој се обидува малку да ја расветли приказната околу тоа што точно означува терминот Metaverse и зошто сега станува актуелен.
Comments Off on 152 #ПрегледВоПеток – Squid Game, SoMo Borac, НЛБ е-идентитет, Twitter Spark#ПрегледВоПеток
Минатава недела си рокаше со супер новости. И ич не ѝ беше гајле што врне истура и сите паднавме у депресија. И ич нема врска што утрово 3 пати го згрешив пасвордот да се логирам.
Squid Game држи добри лекции за маркетинг
Нема шанси да сте ја избегнале еуфоријата наречена Squid Game. За некои продуцентско чудо, за други преценета. Како и да е, цел свет зборува за неа и не можеме никако да и ја потцениме популарноста и влијанието што го создаде. Има куп озборувања како ја постигнале популарноста, но кој колку сака нека кова теории на заговор, серијата си стана топ вирален наслов за 2021 година.
Enterpreneur ја анализирале детално и извлекле 3 лекции кои бизнисите можат да ги искористат за да си ја подобрат продажбата и органската популарност.
WOM секогаш ќе биде поуспешна маркетинг алатка од било која платена кампања
Кога на TikTok ќе има вирален тренд поврзан со твојот бренд, тогаш успехот ти е загарантиран
Никогаш не знаеш со сигурност што сакаат твоите клиенти додека тие не ти го покажат тоа.
Ако нѐ следите редовно знаете дека ова е еден од нашите омилени настани, а воедно можеби и најважен настан за маркетинг агенциите, и знаете дека наш Дарко е веќе домаќин во жирито за прогласување на надобрите кампањи од регионот за секоја година.
Иако и годинава се одржа само онлајн (јер корона), SoMo Borac имаше рекорден број на пријавени кампањи. Како и секогаш добрите кампањи не изостанаа и може да се добие куп инспирација за некоја следна кампања. Нашата драга Ружица Врдољак Личина од организацијата за награда „СоМо Борац вели:
Ова беше одлична година во однос на бројот на апликации и нивниот квалитет. Според резултатите, видовме дека многумина беа навистина блиску до финалето, така што беше навистина неизвесно до самиот крај на судењето. Она што секогаш нè радува е што и помалите и поголемите агенции се речиси подеднакво застапени.
НЛБ Банка прва на пазарот со користење на електронски идентитет
Велам драгичка и редно беше. НЛБ Банка, во соработка со Mastercard, е првата институција воопшто на македонскиот пазар која им овозможува на своите клиенти да вршат банкарски услуги на далечина со електронски идентитет. Ова во пракса значи дека НЛБ може да идентификува лице без физичко присуство во Банката, како и да проследи електронска документација на корисник идентификуван на ваков начин, и повратно да добие електронски потпишан документ. Ова е едно целосно ново, дигитално искуство при вршење на банкарски услуги за клиентите што ќе им овозможи целосна флексибилност во обавување на банкарските услуги.
Еве уште една лекција што треба да ја научат и применат другите македонски банки, како и сите институции на пазаров.
Бараме нови креатори на содржина кои се страсни за форматот на аудио поткасти во живо и се заинтересирани редовно да снимаат поткасти преку Twitter Spaces.
Twitter
Twitter Spark програмата ќе им обезбеди на избраните поединци по 2500 долари месечно, заедно со кредити за реклами и посебно прилагоден Space за нив. Тие, исто така, ќе можат да се поврзат со тимот на Spaces dev и да добијат ран пристап до нови функции, додека Twitter исто така ќе ги промовира нивните поткасти преку своите брендови.
На нашиов Twitter забележувам некои пасионирани спејсџии, па може и ќе видиме некој од нив влезен во Spark програмата. :).
Comments Off on 151 #ПрегледВоПеток – Facebook, Facebook, Facebook…#ПрегледВоПеток
Во недела каде 3 од најголемите социјални платформи направија пауза од работа, и те како има за што да зборуваме….
Што се случи со Facebook, Instagram и WhatsApp?
Неделата ни започна ептен драматично со прекинот на Facebook, Instagram и WhatsApp во период од 6 часа. 6 часа ниту еден уред во светот не можеше да се поврзе со било која од овие 3 апликации. Facebook, Instagram и WhatsApp беа отсечени од интернетот и не можеа да се поврзат со другата страна. Ова можеби претставуваше мал проблем и непријатност за дел од корисниците, но за големите и мали бизниси што секојдневно функционираат на овие две социјални мрежи и те како не им беше сеедно. Во текот на овие 6 часа биле пријавени 10.6 милиони проблеми – најголема бројка забележана.
Аналитичарите забележуваат дека овој проблем се должи на начинот на кој Facebook како компанија функционира. Можеби се поефикасни во работата, но ако едно нешто отиде во погрешен правец, предизвикува каскаден ефект што лесно може да излезе од контрола.
Како Facebook реагираше?
Малку и непријатен беше моментот кога Facebook се обрати на јавноста преку Twitter. Ова покрена лавина реакции кај јавноста што го искористија моментот да ја покажат својата креативност во мемиња и смешни твитови – но за ова друг пат.
Колку ова го чинеше Facebook?
Можеби најголемиот удар што компанијата мораше да го издржи е финансискиот. Некои штетата од 6 часовниот прекин ја заокружуваат на дури 6 билиони долари, додека пак акциите паднаа за речиси 5%.
И ова дојде во многу тежок момент за Facebook.
Facebook мета на хајка и обвинувања
Поранешна вработена во Facebook сподели документи од внатрешното работење на компанијата со The Wall Street Journal и беше дел од 60 minutes. Францис Хауген јавно зборуваше за тоа колку компанијата е ориентирана кон продажба по цена да создаде алгоритми што го поддржуваат говорот на омраза. Таа го напуштила Facebook во 2021 со образложение дека повеќе не верувала во целата приказна.
There was conflict… between what was good for the public and what was good for Facebook, and Facebook chose over and over again to optimize for its own interests — like making more money.
Frances Haugen
Таа приложила документи што јасно укажуваат на фактот дека Facebook знае колку говорот на омраза, политичките пораки и лажните информации штетат на општеството. Во друго истражување пак потенцира дека целиот проблем доаѓа од алгоритмот на Facebook што е моделиран на тој начин да форсира соодржина што предизвикува гнев и лутина кај корисниците, со цел да се добијат поголеми бројки на интеракција.
Марк Цукерберг во одбрана
По сите обвинувања од страна на Францис, Цукерберг излезе во одбрана на компанијата и вработените. Неговиот став за тоа дека Facebook форсира негативна содржина со цел да добие поголема интеракција е бесмислено. Тие продаваат простор за рекламирање и ниту една компанија и бренд што плаќа за тие реклами не сака да биде излистана помеѓу негативна содржина. Цукерберг во своето писмено обраќање не ја спомнува Францис директно. Тој и понатаму се труди да не остави слика во јавноста дека ова толку многу го засега, но освен Facebook на мета е и Instagram со последните истражувања дека е штетен за тинејџерите.
Колку секојдневната оператива нѐ прави непродуктивни
Свесни сме дека последните две години, оперативните задачи во секојдневната работа се натрупуваат се повеќе и повеќе. Повеќе мејлови затоа што нема состаноци во живо, повеќе виртуелни состаноци поради тоа што не можеш да разговараш лице во лице, повеќе телефонски повици, затоа што не можеш да се свртиш и да го повикаш колегата од соседното биро. Сѐ ова нѐ прави да удриме во ѕид, да се блокираме ментално и креативно и на крај целиот процес да биде неефикасен и непродуктивен.
Harvard Business Review со одлично одлично четиво за тоа колку и дали секојдневните мали операции можат да ја доведат здравата работна средина во пропаст.
Instagram се ослободува од Igtv?
По лансирањето во 2018, Igtv и не ги исполни очекувањата како што сите се надевавме. Беше осмислено како дел од апликацијата наменета за споделување на фотографии, каде можеше да се погледнат подолги видеа. Но, 3 години подоцна, Instagram признава дека овој “проект“ баш и не им тргна од рака. Затоа ќе го ребрендираат во Instagram TV и видеата ќе можат да траат и до 60 минути. Со Reels во подем и форсирањето на кратка видео содржина, баш би сакала да знам колку ова всушност и вреди да сотане како опција.
Алгоритмите имаат сè поголемо влијание врз нашите кориснички искуства на интернет и на социјалните мрежи. Иако со нив најмногу се занимаваат програмерите и маркетинг професионалците, сепак се чини крајно време е оваа тема нешто повеќе да се вклучи и во интересот на поширокиот круг на корисници. Пред извесно време разговарав на оваа тема со новинарката на Радио МОФ, Ивана Смилевска. Зборувавме за тоа какво влијание имаат алгоритмите врз нашата секојдневна комуникација, а овој напис е достапен на Радио МОФ под наслов „Корисниците заедно со алгоритмите го создаваат информацискиот меур“ – како функционираат алгоритмите“. Подолу следуваат извадоци од оваа објава, односно моите ставови за темата.
Во времето поминато онлајн, доаѓаме до секакви информации. Но, дали ние ги контролираме информациите или тие нас? Колку пати ви се случило да побарате одредени информации за некој производ, а потоа да бидете бомбардирани со реклами за него?
Алгоритмите се софтверски алатки или посебен вид програми за автоматско сортирање, организирање и управување на информациите. Поради големиот наплив на информации, создавањето и употребата на алгоритмите се смета дека е сосема оправдана, бидејќи тие ги олеснуваат и оптимизираат организирањето и користењето на информациите.
Новите медиуми и интернетот оформија нова индустрија на рекламирање заснована на т.н. персонализиран маркетинг или огласување. Па така, наместо реклама за новиот парфем кој го застапува Кристијан Роналдо, и која сите ќе ја видат во ударниот термин на телевизија или во некое модно списание, овде тоа се заменува така што секој корисник добива различни рекламни пораки зависно од својата претходна активност на интернет.
Интернет сервисите задржуваат некои информации од корисниците и креираат наши „профили“ според кои потоа, со автоматска обработка, се канализираат различни рекламни пораки кон нас. Ако на пример сме пребарувале некој поим поврзан со спорт, или следиме некоја спортска ѕвезда, кон нас ќе бидат насочени повеќе реклами за спортски производи и услуги.
Корисниците заедно со алгоритмите заедно ги креираат сопствените меури, и денес тие се проблем и предизвик за кој сè уште нема универзално или стандардно решение. Компаниите кои ги користат алгоритмите досега немаа интерес да ги решаваат овие проблеми, бидејќи нивната цел е да поминуваме што повеќе време на нивните платформи.
По т.н. инфодемија, проблемите со дезинформациите, онлајн екстремизмот и слично, сè повеќе се работи на решавање на овие проблеми во соработка на државите, меѓународните организации и на компаниите, со цел да се најдат решенија. На пример, по терористичкиот напад во Крајстчрч во Нов Зеланд во 2019 година, Мајкрософт, Фејсбук, Гугл и Твитер го основаа „Глобалниот интернет форум за борба против тероризмот“ заради подобрување на усогласеноста на овие компании со Кодексот на ЕУ за борба против говорот на омраза на интернет. Во рамките на ова партнерство, компаниите ги разменуваат искуствата за нивните алгоритамски алатки. Ова е секако само еден тип на решение. Главен чинител, исто така, е соодветната едукација и лично оспособување да се увидат ограничувањата на алгоритмите и овие платформи, како и нивните негативни ефекти.
Интернетот денес станува клучна јавна сфера, со амбиции во догледно време да биде и доминантна. Во теоријата се наведува дека медиумите поминуваат низ три фази – популаризација, комерцијализација и политизација, што и де факто и се случува со интернетот и новите платформи за комуницирање, а денес веќе доминираат комерцијализацијата и политизацијата на интернетот. Основните и помалку квалитетните содржини остануваат бесплатни, а сè што е поквалитетно мора да го платите.
Дури и она што е бесплатно, како социјалните мрежи и бесплатната електронска пошта, го плаќате со споделување на дел од своите приватни податоци. Потребно е да сфатиме дека присуството на интернет и креирањето содржини е сè посложено и посакапо, така што трендот на комерцијализирање само ќе се засилува. Токму затоа потребно е јакнење на една нова култура на користење на интернет заснована на споделување и креирање онлајн заедници кои работат за јавен интерес, креираат и споделуваат бесплатни содржини и информации. Такви платформи и иницијативи има многу, на пример иницијативите за бесплатни и отворени образовни ресурси (OER, open education resources“).
Правилото дека секогаш е важна едукацијата останува клучно.
Образувајте се и унапредувајте ги своите способности да го користите интернетот и новите медиуми ефикасно и безбедно. За тоа е потребно да развиете свест колку е тоа важно за вас, особено за помладите кои се родени во дигиталното доба и не знаат како е да се живее без интернет. Исто така, за сето ова потребно е да инвестирате во себе си со време, личен ангажман и труд за да се здобиете со овие вештини и способности, што секако вреди и долгорочно се исплати.
