Date Archives 2022

Крај на една ера! Дали социјалните медиуми умираат?

Последните неколку месеци од 2022 година беа полни со лоши вести за социјалните мрежи. Преземањето на Твитер од страна на Илон Маск стана сапуница од посебен вид во која тешко е да се предвиди во која насока ќе се движат работите, впрочем како и во сите сапуници, со таа разлика што овде не е извесно дали сѐ ќе заврши со хепиенд

Набргу по формалното преземање на Твитер, Маск спроведе низа мерки за „кратење на трошоците“, коишто од многумина беа дочекани на нож и ги поларизираа не само вработените, туку и корисниците и јавноста. Отпуштања на вработени, наплата на услуги кои беа бесплатни, ценкање за цената на овие услуги, сѐ до препукувања со партиските кандидати на американските избори за Сенат и Конгрес во ноември 2022. Маск како резултат на овие караници ги повика своите подржувачи да гласаат за републиканците. Сето ова го правеше во свој стил, бескомпромисен и дрзок, што ескалираше дури до тоа неговата мајка јавно да побара „да не бидеме токлу злобни кон нејзиниот син“. На ова се надоврзаа и лошите вести за отпуштања на илјадници вработени од компанијата Мета и Амазон, како и драстичниот пад на нивната вредност на берзите. 

Берзанските игри им се удрија од глава на овие компании. По рекордниот пандемиски период, предвидувањата беа дека растот, или барем нивото на користење на истите, ќе продолжи. Тоа не се случи и сето тоа резултираше со половично остварување на очекуваните (нереални) резултати, и автоматски пад на „надуваната” вредност на компаниите на берзите.

Кога нештата ќе се погледнат од малку поширока перспектива сѐ наликува дека го следиме крајот на една, условно, златна ера за социјалните мрежи, која траеше некаде од 2006/07 до 2021/22 година, додека големиот подем и експанзија на овие компании полека замира. 

Онлајн индустријата имаше тешка година, а компаниите за социјални медиуми беа особено погодени. Акциите на Мета (претходно Фејсбук) опаднaа за повеќе од 60%. Вредноста на Снеп, сопственикот на Snapchat, падна за повеќе од 80%. Отпуштањата на вработените станаа секојдневие, а некои компании започнаа значително да ги намалуваат трошоците за вработените (New York Times, A social media status update).

Сега е речиси извесно дека социјалните медиуми запловија во далеку побурни води од она на што беа навикнати досега. 

Кој високо лета

Социјалните мрежи навистина направија револуција во тоа како комуницираме, како оформуваме врски со другите, како ги бараме и ги следиме информациите кои нѐ интересираат. Тие длабински ги изменија и економијата, редица индустрии, влијаат суштински на тоа што гледаме, што купуваме, како дознаваме за производите и за услугите, а длабински ја изменија и културата генерално. Проблеми во функционирањето на социјалните мрежи се јавуваа континуирано, но експанзијата на социјалните мрежи долго време не попушташе. Посериозните удари за нив започнаа некаде по 2016 година и скандалите околу Кембриџ аналитика и злоупотребата со податоците на корисниците. Социјалните мрежи станаа важни играчи во борбата не само за купувачи, туку и за гласачи, па така набргу се најдоа на удар и на различни политички поединци и групи. Загриженоста за приватноста на корисниците, напливот на дезинформации на социјалните мрежи, казните од Европската комисија и неколку други држави за повреди на различни права на корисниците, дополнително влијаеше за влошување на состојбите. 

За причините

Ако сумарно се гледаат причините кои доведоа до овие превирања, може да се наведе долга листа на поголеми и помали фактори, но работите можат да се сведат на неколку клучни причини кои сериозно го сменија текот на настаните:

1) Поткопување на бизнис моделот

Моделот на собирање на податоци за корисниците и нивно користење за персонализирано рекламирање беше загрозен по 2016 г. и претседателските избори во САД, до тој степен што значително зачестија барањата за регулација на социјалните мрежи и одредени сфери на интернетот. Дополнително, промените на Епл во оперативниот систем, iOS14, од 2022 година значително им го отежнаа собирањето на податоци на онлајн компаниите за навиките на нивните корисници, што резултираше во пад на приходите од рекламирање. Првите потези на Маск за финансиско спасување на Твитер индицираат дека онлајн индустријата се придвижува кон модели на претплата, засега фокусирани на одредени премиум услуги, за одредени категории корисници, и така натаму.

2) Демографски промени

Речиси две децении во дигиталната сфера се долг период. Смената на генерации имаше изразено влијание преку потребата на помладите корисници да се издвојат од другите (постари) кориснички групи. Со сериозните глобални поместувања на центрите на моќ, доаѓаат и промени и во овој сектор. Дојде моментот кога американските компании нема да го имаат главниот збор, нема да можат толку мирно да спијат на својата големина и слава, а ТикТок го потврдува ова. Колку и да се обидуваат да го ископираат, секогаш се чекор назад. Помладите корисници на социјалните мрежи сѐ повеќе се делат на два табора, или си конзумент или правиш многу квалитетна содржина. Партиципативноста не е толку важна, дружењето е, ама и не е толку важно. Фокусот е на забава и на задоволување на некои други потреби, не (само) социјализација. Младите, веројатно спротивно од нашите очекувања, повторно се придвижени од реален општествен агажман, претпочитаат вистински активизам, вистински промени, компании кои се општествено одговорни и имаат некоја општествена цел. По сѐ изгледа за нив не е важна лажната општествена активност на социјалните медиуми со кликање лајкови и потпишување петиции, кои патем нѐ доведоа во позициите кои сме сега.  

3) Варијации во концептот

Првите социјални мрежи во својот фокус го имаа поврзувањето на корисниците, од што секако најголема полза имаше Фејзбук кој успеа да изгради корисничка база од над 2 милијарди. Впрочем мотото на Фејзбук за „поврзан и отворен нов свет“ доволно ја отсликуваше оваа развојна филозофија. По 2010 година фокусот полека се префрлаше на креирање содржини, што доживеа кулминација со подемот на Тикток каде веќе поврзувањето стана секундарно, или терцијарно дури, а најважна беше содржината, т.е. како брзо и лесно да дојдеме до неа. Нивниот фамозен алгоритам успеа да нѐ наведе да мислиме дека собира толку многу анонимни сигнали од нашето користење на мобилните уреди што е доволно да ни сервира содржина која ќе нѐ врзе со саати за екраните. Мета со своите обиди да ги преземе или ископира останатите популарни стартапи не успеа да изгради супер-апликација која би доминирала со сите аспекти на онлајн услугите, како што тоа го прави WeChat во Кина, на пример. 

Можеби тој модел не е модел за другиот дел од дветот, можеби ни треба време за да стигнеме до тој стадиум, како и да е, Мета и Твитер јасно ја губат битката и веројатно нема ни да имаат можност да бидат компетитивни во таа борба.

Она на што Мета ги вложи сите свои облози е виртуелната реалност (VR), т.е. метаверзумот. Но, се чини дека токму тој облог и придонесе дополнително да им падне вредноста. Како никој повеќе да не верува дека Мета е способна за развој на тој кибер-свет, повеќе се гледа надеж во виртуелните светови на игрите, па дури и во новиот, сè уште невиден уред на Епл за AR (Augmented Reality).

Заклучоци

Дали за некоја година ќе зборуваме носталгично и како стари маалски мудреци за нашето време кога сме биле сведоци на подемот и падот на социјалните мрежи, допрва ќе видиме! Како и да е, медиумите не изумираат, тоа барем до сега јасно го знаеме, тие само ја менуваат формата. Може да станат нерелевантни дел од брендовите и сервисите, но тоа ни од далеку не значи дека тоа е умирање за една цела ера. Навиките и потребите на корисниците остануваат и постапно еволуираат (затоа и малку драма во насловот на овој текст, сепак тоа е дел од работите кои ги научивме во оваа ера). Развојот продолжува, искуството го акумулираме, се трудиме да разбереме како и зошто сега функционираат младите и нивните „социјални медиуми”, тоа ни е пасија, тоа ни е работа, тоа ни е љубов. Добро може нема да бидеме до толку активни на BeReal, ама будно го следиме развојот!

Шок и фасцинација – новинарските стандарди се спуштија прениско, читателите за влакно извлекоа жива глава

На интернет се појави вирално видео за ниско слетување на авион на аеродромот во Скијатос, Грција. Се работи за настан во кој беше следено ниско слетување на авион на компанијата Визер од страна на група т.н. „planespotters“, лица љубители на вакви и слични возбудливи слетувања коишто вообичаено објавуваат атрактивни фотографии и видеа од вакви настани, а воедно се водат и рекорди за ниски слетувања. 

Приказната до тука има нормален тек, сѐ до моментот кога таа им паѓа во скут на домашните медиуми. Наместо вистинито да известат за овој настан тие, очекувано, во него препознаваат извонредна шанса за инстантна жетва на кликови. Настанот се претставува како „инцидент во кој авион прелетал над главите на туристите кои одвај извлекле жива глава“ (ВООДУШЕВУВАЧКО ИЛИ ВОЗНЕМИРУВАЧКО: Малку фалеше авионот на „Виз ер“ да ги покоси туристите на Скијатос, Застрашувачки слетувања на аеродромот на Скијатос, она на Визер ќе ве замрзне, Авион слета на грчки остров, туристите шокирани се фрлаат на земја (ВИДЕО), и др.).

На помал дел од медиумите малку им паднало незгодно да се поигруваат толку грубо со своите читатели, па срамежливо во насловите навестиле дека не се работи за инцидент, или пак во текстот на написот појасниле за што навистина станува збор. 

Како и да е, со чести вакви и слични објави јасно е дека се работи не само за неетичко или непрофесионално известување, во кое се вклучени веб-страници на електронски медиуми и членки на регистри на професионални медиуми, туку станува збор за разработен модел за манипулирање заради зголемување на посети на сајтовите. 

Оваа манипулација се заснова на експлоатирање на слабата медиумска писменост на публиката и когнитивно програмирање на автоматизирани реакции на посетителите. Вакви примери нѐ соочуват со реалноста дека огромен дел од медиумите информациите не ги користат за информирање, туку за програмирање на однесувањето на публиката. Идеалниот читател кои тие на овој начин се обидуваат да го креираат е психотичен и медиумски полуписмен граѓанин кој нагонски реагира на медиумски дразби без контрола или свест како сето ова влијае врз него. 

За крај, мало потсетување на предупредувањата и советите за вакви манипулации кои датираат уште од антиката: „Биди слободен мислител и не прифаќај сѐ што ќе чуеш како вистина. Биди критичен и проценувај во што веруваш“, Аристотел (384-332 п.н.е.).

186 #ПрегледВоПеток – ЕУ крипто, Reels API, Period Data, BallClubNFT

#ПрегледВоПеток се крчка на најјако на 37 степени во сенка.

Европска регулатива за крипто валутите

ЕУ за прв пат ги става крипто валутите во регулаторна рамка. Оваа регулаторна рамка ќе ги заштити инвеститорите и ќе ја зачува финансиската стабилност, А истовремено ќе дозволи иновации кои ќе ја зголемат атрактивноста на крипто валутите. Некои земји членки на ЕУ веќе имаат национално законодавство за крипто валутите, но досега немаше специфична регулаторна рамка на ниво на ЕУ.

Неодамнешните случувања во овој сектор што брзо се развива ја потврдија итната потреба од регулатива ширум ЕУ. Оваа законодавна рамка подобро ќе ги заштити Европејците кои инвестирале во овие средства и ќе ја спречи злоупотребата на крипто валутите, а истовремено ќе биде пријателски настроена кон иновациите за да ја одржи атрактивноста на ЕУ. Оваа значајна регулатива ќе стави крај на крипто сивата зона и ќе ја потврди улогата на ЕУ како креатор на стандардите за крипто светот.

Bruno Le Maire – француски министер за економија, финансии и индустриски и дигитален суверенитет

Мета го отвори API-то на Instagram Reels за програмерите

Од 28 јуни околу 25% од корисниците на Инстаграм имаат пристап до API-то на Reels. API-то постепено ќе се отвара и за 100% од корисниците до 6 јули.

Програмерите ќе можат да го користат API-то за да закажуваат Reels и да добиваат статистики за интеракциите на истите, исто така можат да ги објавуваат на бизнис профилите на Инстаграм користејќи го новото API. API-то исто така ќе им овозможи да одговараат на коментари, да ги бришат коментарите, да ги кријат/откријат коментарите и да ги оневозможат/овозможат коментарите на Reels. Дополнително, програмерите ќе можат да најдат јавни Reels кои се означени со хаштагови или тагирани со одреден кориснички профил.

Уште еднаш се потврдуваат сите предвидувања дека Reels стануваат топ приоритет за Инстаграм и дека сѐ повеќе ќе бидат формирани водеа з сметка на фотографиите на кои сме навикнати на Инстаграм.

Може ли апликациите за следење на месечниот циклус навистина да се користат против жените

Сите знаеме каква трагедија се случува во САД со забрана на абортусот. Набргу по ваквата одлука, по Twitter, TikTok, Instagram брзо се прошири повик за акција да се избришат сите апликации за следење на циклусот.

Активистите и експертите за приватност на податоците се загрижени за тоа како овие податоци би можеле да се искористат за да се докаже дека некој можеби имал абортус или размислувал да абортира при криминален случај. Апликациите генерално соработувале со криминални истраги во минатото и клучно е луѓето во тие држави да разберат дека мобилниот уред во суштина е уред за следење. Луѓето кои живеат во држава каде што овие податоци се изложени на ризик, но сакаат да продолжат да ги користат овие апликации, треба да бараат апликации со локално складирање податоци и одбивање да се дозволи следење од трета страна. Сепак, очигледно не можеме да предвидиме како идното законодавство ќе влијае на ваквите случаи, така што експертите за безбедност ги советуваат жените дека најбезбедно е да се запре користењето на било каква апликација и дигиталното следење.

Јас имам да додадам само следново (да се прочита цела нишка:

Dreadpen со NFT колекција за фановите на баскет

За крај да си го пофалам и нашиот. Сите NFT фрикови и баскет фанови наскоро ќе имаат нова омилена локација за нова колекција. Зачувајте си го линков подолу и за брзо ќе може да си изберете ново NFT милениче, да ја споделите својата љубов за баскет или да си нарачате си нова маичка

ballclubnft.com

Бонус линкови

Се читаме во следен преглед августовски ко ќе се вратам од одмор.

185 #ПрегледВоПеток – SomoBorac, Feedlink, Apple

Уште еден #ПрегледВоПеток за скроз петочко расположение.

SomoBorac додава 3 нови категории

Јубилејното 10-то издание на регионалната награда за дигитални дела SoMo Borac, ги “отвори вратите“ за пријавување. За прв пат кандидатите ќе можат да ги достават своите пријави во три нови категории – SoMo Growth, Somo Global и DA – Digital Activation. Годинава настанот за прв пат ќе се одржи во Загреб, каде ќе се соберат најголемите регионални експерти од областа на дигиталниот маркетинг.

Osluškujući kretanja tržišta i nove tržišne trendove, svake se godine prilagođavamo i donosimo novitete. Sretna sam što ćemo s tri nove kategorije dati dodatni prostor za prepoznavanje vrhunskih radova kojih u digitalu nikad ne manjka. Pozivam ovim putem sve da prijave svoje radove u jednoj od deset kategorija, prepuste se u ruke stručnjacima te pokažu klijentima zašto su upravo oni bili najbolji izbor.

Ružica Vrdoljak Ličina

Feedlink – нова алатка за креатори

Дечките од EmbedSocial решиле да работат оваа година 🙂

Ни помалку ни повеќе лансира нова алатка наменета за мали бизниси и креатори, која ќе помогне полесно да креираат уникатно веб присуство со свој .link домен.

Feedlink е овде како решение на потребата од брзо и лесно креирање на личен веб сајт, и “вршење работа“ за помали и поголеми неизбежни и досадни процеси, како што се трошоци за хостинг, SSL сертификат и регистрација на домеин.

Алатката целосно го решава креирањето на веб страна со .link домен.

Истовремено, нуди едноставен едитор за креирање на уникатна веб страна во само неколку чекори без потреба од поседување на технички вештини.

Браво луѓе!

Новите AR/VR слушалки на Apple доаѓаат во Јануари

Долгоочекуваните слушалки на Apple што ќе понудат ново виртуелно искуство доаѓаат во Јануари.

Аналитичарот на Apple – Ming-Chi Kuo, веќе изјави дека ова е

“најкомплицираниот“ производ што Apple некогаш го произведел и дека неговото лансирање ќе допринесе до брз развој во оваа насока од индустријата.

Бројни предвидувања во текот на годините се обидоа да појаснат како всушност слушалките на Apple ќе функционираат. Наводно, ќе работат како самостоен уред и нема да има потреба да се поврзани со компјутер, а можно е да има дури 14 камери за да го следи движењето. Се претпоставува дека ќе има процесор со слична моќност како M1 чиповите користени во Mac производите, иако кога станува збор за напојување, не е јасно дали батеријата ќе биде вградена во самите слушалки или ќе биде екстерна.

Бонус линкови

Бај.

184 #ПрегледВоПеток – AllWeb, IT истражување, аватари, Yep, IE

Иако за некој веќе летото почна со користење на старите одмори, за останатите тоа доправ треба да почне. По се изгледа пред официјалниот почеток, сите се засилија да соопштат и сработат непшто за да бидат порастеретени во топлите летни денови.

Веста за ова недела, за нас, е дека конечно AllWeb се враќа на програмата. По неуспешниот обид минататa година (короната пуста да остане) оваа година во нов формат (не е оналајн и не е хибриден) се враќа на програмата и ветуваме ќе донесе комплетно ново искуство.

Нема да откривам повеќе, сега за сега, само ќе кажам резервирај си ги 29 и 30 септември. Ќе ти биде криво ако не го сториш тоа, ние ќе се погрижиме добро тоа да биде така 😀

Е сега, може да почнеме со прегледот.

Работиш во ИТ секторот?

По првото успешно спореведено истражување во 2019 година, IT.mk решиja да го повторaт истражувањето и да направат еден нов пресек на движењата и интересите во ИТ индустријата во Македонија.

За да го направат тоа, им треба твојата помош преку пополнување на анонимна анкета која ќе ти одземе 5-10 минути! Она што е многу важно е дека истражувањето е АНОНИМНО бидејќи треба да споделите и бројка за нето примања.

Анкетата ќе им помогне да ги дефинират трендовите, технологиите, алатките, навиките, работните позиции, квалификациите, желбите, проблемите и соодветно на тоа примањата според сите тие класификации на пазарот.

TikTok пушти во употреба дигитални аватари

Забрзаното селење во виртуелните светови повлекува и креирање на наши дигитални претставници таму. Голем број компании се обидуваат да влезат во трката на време да се подгототват себе и своите сервиси да земат активно учество таму. Во таа насока TikTok пушти во употреба алатка за креирање на 3Д аватари.

Забавно, ќе видиме дали и ќе биде употребливо.

@effectmasterwannabe Tiktok avatar is now available. Publish your video with your new TikTok avatar! 🤩 #TikTokAvatars ♬ 原声 – Effect Master

Ahrefrs инвестираат во сопствен пребарувач Yep

Компанијата Ahrefs, позната на сите оние кои барем малку се заинтересирале за SEO, инвестира 60 милиони долари свои средства во развој на сопствен интернет пребарувач. Битката да му се земе барем некој процент на Google Search е веројатно една од најтешките на интернет, но пристапот и ветувањата на Ahrefs заслужуваат внимание, а богами и заслужуваат човек да има има надеж дека ќе имаат успех.

Имено концептот на самиот пребараувач во фокус ги става креаторите на содржина и вели дека дури 90% од заработката ќе оди кај сопствениците на содржината која се појавува во самите резултати. Тие велат дека во такво сценарио Wikipedia нема да има потреба да бара донации и ќе може реално да си ги плати сите свои вредни волонтери. Дополнително, велат нема да има лично следење на корисниците и нема да има детално таргетирање.

Делува премногу добро за да биде реално, но ако не се надеваме и поддржуваме вакви иницијативи никогаш нема да ја поместиме доминацијата на Google.

Microsoft Internet Explorer конечно умре!

Ноќна мора за многумина, проблем за поголем дел од веб дивелоперите и дизјанерите… IE беше долго време прелистувач кој не смееше да се спомне затоа што можни беа фатални послдици.

Пред 7 години MS се соочи со фактот дека мора да стави крај на оваа сага и го креираше Edge, но ете ми требаа 7 години за да конечно го повлечат комплетно Internet Explorer. Ајде за многу години нека е, па да не се повтори :D.

Што се случува кога песна ќе стане популарна на TikTоk?

Бонус линкови

Убав викенд, уживајте!

183 #ПрегледВоПеток – YouTube ads, TikTok #ForYourPride, Instagram Sans, TikTok songs

Во ек на скопски горештини уште во јуни, стига и новиот #ПрегледВоПеток под клима уште во 10 саат сабајле.

YouTubeShorts со Google реклами

Google почна да прикажува реклами во Shorts, очекувано по целогодишното тестирање. Огласувачите ќе можат да ги поврзат производите со нивните кампањи и да ги направат своите видео реклами на YouTube Shorts попогодни за купување. Сепак од компанијата велат дека во моментов рекламите нема да имаат директен удел на приходите, напротив.

„Наместо тоа, ќе продолжиме да наградуваме илјадници креатори месечно преку YouTube Shorts Fund додека развиваме долгорочен модел за монетизација од Shorts“, рекоа од Google. „Ние активно работиме на решение за монетизација за креаторите на Shorts и ќе ги користиме информациите од оваа акција за да го имплементација на монетизацијата.“

TikTok го слави месецот на гордоста

TikTok најави низа нови активности за да го прослави Месецот на гордоста, вклучувајќи настани кои се пренесуваат во живо, ексклузивна содржина од Парадата и фестивалот на гордоста во ЛА, како и изложба на бизниси во сопственост на LGBTQIA+.

Овој јуни, ја оживуваме нашата прослава на гордоста заедно со возбудлива постава на #ForYourPride содржини во апликација, TikTok LIVE и објавување на нашите LGBTQIA+ Trailblazers за 2022 година. И за прв пат досега, го преземаме TikTok каналот на LA Pride како официјален спонзор на Парадата и фестивалот на гордоста во ЛА.

TikTok во неколку наврати покажа дека е посветен да обезбеди безбеден и инклузивен простор за LGBTQIA+ заедницата да ги споделува своите приказни, да се поврзува, да слуша и да учи еден од друг. Во чест на месецот на гордоста со активностте кои ги презема покажува дека ја препознава колективната видливост и моќ на LGBTQIA+ заедница.

Што е Instagram Sans

Instagram создаде свој фонт, наречен Instagram Sans, кој планира да го користи активно и за маркетинг и во самата апликација.

Instagram Sans е инспириран од логото на Instagram, и го отсликуваат обликот на глифот и нашата посветеност на едноставноста и умешноста“. Во голем дел е инспириран од комбинацијата на квадрати и кругови, и е мешавина од совршени пиксели со неколку рачно изработени детали.

Instagram соопшти дека соработувал со лингвисти за да се погрижи фонтот да биде употреблив на што е можно повеќе јазици. Фонтот дава многу поизразен идентитет и компанијата се надева дека корисниците масовно ќе го употребуваат на најкреатовните содржини како Stories и Reels.

Светските креативци сметаат дека фонтов е стварно откачен. Што мислите вие? Малку премногу откачен?

Што се случува откако песните на TikTok ќе станат вирални

По седум месеци прибирање и анализа на табели со еден куп бројки, податоци и интервјуа, Vox Media ги структуираше бројките за да следи што се случува со уметниците откако ќе станат вирални – и како музичката индустрија се смени со TikTok. Заклучокот е дека апликацијата целосно го револуционизира начинот на работа на издавачките куќи и им дава на уметниците поголема моќ од кога било.

Бонус линкови

Викендов се случува мојата омилена конференција во регионов Spark.me. Дарко во следниот преглед ќе ви каже колку било јако.

Поштедете ме од слики од плажа викендов, плис!

182 #ПрегледВоПеток – Twitter, Pepsi, TikTok

Иако со времево надвор имаш чувство дека секој ден ти е петок, денес стварно е, затоа што денес имаме #ПрегледВоПеток

Елон Маск во проблем со новите другари од Twitter

Веста дека Елон Маск го убеди Twitter да се продаде, беше несомнено една од поважните случки во годината. Драмата околу целиот процес не изоставуваше и од самиот старт приказната доби уште поголемо внимание баш поради однесувањето на Маск. Откако во јавност излезе идејата дека тој пуштил понуда за купување на компанијата, се раширија разни (не)проверени факти околу тоа колку навистина вреди Twitter. Во еден момент од компанијата имаа реакција дека понудените $54,20 по акција се далеку под пазарната вредност на платформата, а веќе во друг $44 билиони беа и повеќе од добредојдени за Twitter да се смести во империјата на Маск.

Кога настана вистинската драма? За време на целиот процес, преговори и комуникација со јавноста, Маск постојано твиташе за тоа дали оваа опција за купување на Twitter е дефинитивна и конечна. Натегањата од двете страни беа ставени на послужавник за јавноста затоа што Маск не ја пропушташе можноста да ја пренесе секоја негова недоумица за купувањето на компанијата јавно.

Она што следуваше како резултат беше – паѓање на акциите на Twitter на берзата. Сега акциите на платформата се намалени дури на $40. И нормално, ова ги прави дечките од Twitter мнооогу бесни.

Група стејкхолдери му подготвија тужба на технолошкиот гуру затоа што тие сметаат дека тој со неговото однесување намерно ја спуштил вредноста на акциите на Twitter со цел да добие подобра понуда од веќе договорената во Април или да има оправдана причина за повлекување.

Со моменталната вредност на акциите на Twitter, Маск и ќе ги претплати со своите $44 билиони. Развивањето на драмата сигурно ќе го прочитате во следниот преглед.

Pepsi се повлекува од Super Bowl

Паузата во финалето на Super Bowl со години е најгледаниот TV музички спектакл во САД. Како генерални спонзори на овој настан, Pepsi поддржа 26 музички настапи на музичари добитници на повеќе од 160 греми награди и потпишуваат илјадници хитови.

Но, од компанијата изјавија дека повеќе не веруваат во тоа дека музички настап помеѓу спортски натпревар пренесен преку телевизија има смисла ниту иднина. Токму затоа, Pepsi се повлекува од главното место на шоуто на Super Bowl и наместо тоа ќе го промени правецот на својата стратегија. Наместо да троши вртоглави суми на пари на неколку минутно шоу, компанијата се одлучи дека ќе биде онаму каде што се нејзините купувачи – на интернет а не пред телевизор.

NFL изјавија дека нивното шоу сѐ уште е едно од најголемите телевизиски спектакли што привлекува милиони гледачи пред малите екрани и дека значителен број на компании веќе се борат да го заменат местото на Pepsi.

TikTok со нов производ наречен Branded Mission

ТикТок минатата недела објави дека лансира нов производ наречен „Branded Mission“ кој ќе им овозможи на креаторите на содржина да се поврзат со брендовите и евентуално да добиваат награди за видеата. Целта на овој производ е да се искористи максимално потенцијалот на платформата со заедничка корист како за креаторите, така и за брендовите.

Од прилика вака некако би функционирало: Огласувачите/брендовите можат да лансираат брендирани кампањи и да ги охрабруваат креаторите да учествуваат во нив. Брендовите можат да развијат краток бриф и да го испорачаат до заедницата на креатори, охрабрувајќи ги да учествуваат во таканаречените branded missions.

Креаторите потоа можат да одлучат во кои брендирани мисии сакаат да учествуваат. Право на учество би имале креаторите кои имаат најмалку 18 години и бројат најмалку 1.000 следбеници. TikTok вели дека избраните креатори чии видеа се избрани од брендовите „ќе имаат финансиска корист но и зголемен сообраќај на нивните акаунти“. На секоја страница за брендирана мисија, креаторите ќе можат да видат колку пари имаат потенцијал да заработат доколку се избере нивното видео.

За сега овој производ е сѐ уште во бета верзија и е најавен дека ќе биде достапен за широкиот пазар подоцна годинава.

This new form of two-way engagement between brands and creators allows the TikTok community to have a creative hand in the ads that are part of a brand campaign.

TikTok

Бонус линкови

Brace yourself for Season 4 of Stranger Things! Денес е денот! 🙂

Бај.

181 #ПрегледВоПеток – Самоглас подкасти, YouTube, TikTok

Неделава нешто слабо со новини и интересни линкови… Slack каналот каде собираме линкови во текот на неделaта имаше само 3 работи… еве сега прегледувам да не сум пропуштил нешто интересно, важно, ама не ми фати око ништо посебно…

Се размазивме изгледа изминатите недели исполнети со настани, Елон Маск и сл. Како и да е, повторно во некојa скратена верзија, еве ги линковите за денес.

Снимете подкаст и објавете го на Самоглас

Самоглас е првата платформа за аудио книги на македонски јазик. Тимот за овој сервис дошол до идеја да овозможи логистичка и техничка поддршка во креирање на нов подкаст.

Ова стои во повикот: Подкастот треба да биде нов, оригинален и да промовира млади културни дејци. Подкастот треба да претставува серијал од минимум шест епизоди во времетрање од минимум триесет минути по епизода. Приоритет ќе им биде даден на автори/авторки кои работат на локалната независна културна сцена и кои се невработени т.е. не се во постојан работен однос со јавна институција од областа на културата.

Сите детали и можноста за апликација се достапни тука: Подкасти на Самоглас! Ќе видите таму се спомнува и жири. Кхм кхм, епа јас сум еден од членовите… (не го кажувам ова за фаќање врски)

YouTube повторно го копира Twitch

Одамна се навикнавме да гледаме функционалности кои ги има еден сервис како се клонираат на друг сервис. Во последната епизода YouTube тестира можност со која по урек на можностите кои ги нуди Twitch може некому да подарите претплата. На овој начин може да искажете уште поголема поддршка на вашиот омилен YouTube канал, но и да израдувате некој близок со претплата. Секако претплатата ќе му овозможи на користникот екстра содржина и функционалности.

Оваа функционалност е во бета верзија и не е достапна преку мобилната апликација. YouTube си зима скромни 30% од трансакцијата… чиста работа.

Наскоро ќе може да играте игри и на TikTok

Не е баш неочекувано или нелогично, TikTok тестира можност да играте игри внатре во апликацијата. Игрa налик на FarmVille веќе е достапна за некои корисници. Тајната, односно причината за ваквата можност е секако заработка. Овие игрни кои се во план да бидат достапни имаат за цел да ги зголемат можностите за прикажување реклами во рамките на самата аппликација.

Кинеската верзија на TikTok, Douyin одамна има игри, а слични екскурзии прават и Facebook и Netflix. Зошто да не проба и TikTok.

Бонус линкови

Убав викенд, уживајте на сонце!

180 #ПрегледВоПеток – MK NFT, GOOGLE I/O, ADOBE, Snapchat Crying

Овој ќе биде најбрзинскиот #ПрегледВоПеток, зошто мора да искористиме денов за повторување ора, спремање и тресење свадбарки за на Џаџе свадбата. Ич не ни мислев да ви пишувам, ама па како ќе се пофалам дека вечер имаме свадба голема, а? Во очекување на зете мили зете, черешна се од корен корнеше и слично да шкртнам за настаните изминатава недела.

Прва македонска NFT изложба

Измнатиов период и нашите македонски уметници беа вредни на тема NFT и креираа свои дела. Нешто од нив ѕрнавме на социјалните медиуми, а комплетните колекции беа претставени на изложба во организација на Филип Морис ТКП како дел од промоцијата на нивниот нов електронски уред, IQOS 3 Duo. Македонската публика имаше можност да се запознае со новата дигитална уметност на македонските NFT уметници Darko R, Ива Станковска, Female Punx, Сара Станоеска, и да ја обележи и Македонија на мапата на NFT трендот кој со забрзано темпо го освојува светот.

Последната Google I/O презентација is all about hardware

Во поголемиот дел од своето постоење, Google се препознава како софтвер компанија. Но, во последната Google I/O може да се препознае дека Google навистина сака да да биде позната и како хардверска компанија. За волја на вистината, Google со години го гради своето хардверско портфолио, но уредите кои до сега се претставени се производи на кои се сеќаваме (или не) оставени во минатото.

Потоа, го објави Pixel 6 и го откри својот внатрешен процесор, Google Tensor, од тука можеше да се сфати посерозно. На последната Google I/O објави дури шест нови уреди. Прочитајте си за сите посебно на Pixel Watch, Pixel Buds Pro, and more: All the hardware announced at Google I/O

Нов Creative Cloud Express на Adobe

Adobe воведува нови функции во Creative Cloud Express за планирање и објавување постови на социјалните мрежи, за да се олесни планирањето, закажувањето, прегледувањето и објавувањето на содржината на социјалните медиуми низ платформите. Компанијата го лансира и „Content Scheduler“ во Adobe Express premium, сo кој корисниците можат да објавуваат неограничен број објави преку еден календар.

Скоро сите функции кои ви паднале на ум и ви затребале Adobe велат дека ги имплементрале во новиот Creatve Cloud Express, па треба да се проба и да се искуси колку им врши работа на маркетерите.

Најновиот вирален AR ефект на Snapchat

Ќе ви го оставам само ова тука

Ужасно многу се смеам, ама Snapchat може да ми се врати у дневна рутина само заради ваквите ефекти. Овој ефект, наречен едноставно „Плачење“, ве прави плачковци, без разлика како се обидувате да го искривите лицето за да го избегнете.

Веројатно веќе сте виделе видеа објавени со ефектот насекаде од Snap на TikTok, Instagram, Twitter… Всушност, од лансирањето минатата недела, ефектот е искористен од повеќе од 180 милиони Snapchat корусници вкупно, неверојатни 1,3 милијарди пати.

Искрено, кога последен пат која било апликација освен Snapchat направи AR ефект кој стана вирален?

Јок, не збориме денес за Евровизија, на свадбарско сум пуштена на најјако.

Бонус линкови

179 #ПрегледВоПеток – Krash, Facebook, Amazon

Петок било денес а? Бурнава недела ја завршуваме како што е ред со #ПрегледВоПеток.

Сите зборуваат за Домачица

Несомнено дека тема на неделата е новиот подвиг на Краш со новата кампања за својот производ Домачица, што повлече и нова амбалжа. На големо се зборува и кај нас моментот што производот што со децении го носи зборот што асоцира на класична жена од 50-тите, го поврзаа со она што за нив претставува модерна жена. Жена професионалец која има своја кариера како правник, менаџер, програмер итн.

Како што официјално објаснија од компанијата, позадината на кампањата и пораката што сакаат да ја искомуницираат е кревање на свеста дека во (балканските) семејства постои оној дисбаланс на поделба на домашните обврски. И сѐ е ова океј ако наместо Домачица и Програмерица стоеше на пример Домачица и Домачин (саааамо како пример).

Интернетот не би бил тоа што е ако луѓето не си го кажат мислењето моментално, па очекувани беа и реакциите од типот дека се откажуваат од брендот, дека сето ова звучи премногу сексистички и дека како општество не сме мрднале од нула.

Кое е вашето мислење?

Facebook во нова мешаница

Пред повеќе од една година, Facebook и Google одбија да им даваат дел од приходот на контент креаторите во Австралија како што се информативните портали. Поради ова, тие на територијата на Австралија ја забранија сета дистрибуција од информативните портали на својата платформа.

Аааааамаааа, изгледа малку претерале со алгоритмот и не само што ги банирале сите вести и информативни содржини, туку ја прекинале дистрибуцијата и на сета содржина од непрофитни организации, здравствени и противпожарни институции како и центри за помош на жртви од семејно насилство. WSJ откриваат дека Facebook има блокирано повеќе од 17 000 страници што немаат никаква врска со забраната.

The documents in question clearly show that we intended to exempt Australian government Pages from restrictions in an effort to minimize the impact of this misguided and harmful legislation. When we were unable to do so as intended due to a technical error, we apologized and worked to correct it. Any suggestion to the contrary is categorically and obviously false.

Facebook spokesperson Gina Murphy

Amazon и IMDB со решение за нерешетилните филмомани

Колку пати ви се има случено да заспиете додека скролате на Netflix? Или да пуштите серија што ви е веќе изгледана 375969 пати наместо да побарате некоја нова содржина за гледање?

Amazon се охрабрија да го гејмифицираат овој процес и тоа во соработка со IMDB. За подобрување на корисничкото искуство на корисниците на Fire TV, Amazon смислија игри што одлучуваат “наместо тебе“ што е она што ќе го гледаш.

Моментално се лансирани само 3 игри во кои едната ти се делат “карти“ и добиваш избор од 3 предлог содржини за гледање од кои треба да избереш. Во друга собираш печати со тоа што ќе оценуваш филмови на IMDB а во третата пак станува збор за класичен Buzzfeed квиз. Платформата ти поставува прашања поврзани со тоа какви преференци имаш за жанр, дејствие, актерска екипа и слично и врз основа на одговорите ги дава своите резултати.

Не дека не можеш и на ова да заглавиш и да ги повторуваш игрите одново и одново, но барем ќе се случува нешто 🙂

Бонус линкови

Без препорака неделава за филм, убаво е времето надвор. Уживајте!

Бај.

178 #ПрегледВоПеток – Елон Макс го купи Твитер и сега што?

Трет преглед по ред во фокус ни е Твитер, добро и Елон Маск. Не дека искрено толку многу ни е важен за работа, или лично посветуваме толку време, ама се што се случува околу него е интересно и важно за развојот на индустријата и за улогата на овој сервис… па „каде сите турци…”

Но, следи твист…. затоа што како и минатиот пат и овој повторно заборавив на време да го спремам прегледов, иако уште вчера се договоривме дека може да си го „хакнам” редот и да се извлечам со малку труд… пак го заборавив сабајле. NBA плејов е и крадам често часови од ноќта за да гледам по некоја четвртина па сабајле не сум со сите… Имам оправдание? Не? 🙁 Во ред, ама неделава бев на телевизија, на Телма телевизија. Сега имам оправдание? Пак, не? Ама со Сеад Џигал бев… и зборувавме за што друго ако не за Твитер и Елон Маск. Е сега мора да добијам оправдание… зошто ако не добивам тогаш ни хаков нема да е доволен…

Денешниов преглед е видеото од нашиот настап таму… толку. Гледајте и уживајте во уште еден продолжен викенд!

177 #ПрегледВоПеток – Netflix, Twitter Edit, Instagram Hashtags

Ајде и еден празничен #ПрегледВоПеток, одамна сме немале. Може не ви се чита баш денес нешто посебно ама интересно е, ветувам….

Дали му паѓа круната на Netflix?

Во првиот квартал од годинава Netflix пријави загуба од 200.000 претплатници, а очекува дека уште 2 милиони корисници ќе го напуштат стриминг сервисот. Неколку фактор се одговорни за оваа загуба. Повеќе конкуренти, помалку содржина и делење на лозинки помеѓу корисниците.

Бројот на конкурентите и не претставуваат толку голем проблем, бидејќи сè уште го има најголемот удел на пазарот барем во САД. Поголем проблем е што конкурентите кои во минатото немаа проблем со Netflix да ги емитува нивните стари продукциски шоуа и филмови, сега си ги повлекоа да се емитуваат само на нивните стриминг сервиси, што ја осиромашува понудата на Netflix. Исто така корснците дебатираат дека една од причините за загубата на корисници е што Nteflix ја зголеми цената во два наврати за помалку од една година.

Дополнителен проблем со загуба на корсници од корисничка гледна точка е што планира да воведе планови кои вклучуваат реклами, иако до сега од фирмата строго се противеа на оваа можност и велеа дека немаат потреба од ваков потег. Според најавата овие планови ќе чнат помалку од сегашните без реклами и од таму веруваат дека ќе им донесат нови корисници кои не се толку сензитивни на реклами и сакаат да платат помалку. Уште ако планира и да го ограничи споделувањето на лозинки помеѓу кориснците, може да речеме дека ќе гледаме уште многу загуби на корисници во блиска иднина.

Дали Edit на Twitter конечно ќе пристигне?

Ви текнува на ова?

Изгледа дека не му било само една од неговите игри на Twitter и многу веројатно дека ќе види бел ден наскоро. Twitter потврди дека навистина работи на edit копче за твитови.

Ќе биде интересно да се гледа што ќе се случи на Twitter кога ќе започне тестот. Има доста спротистваени мислења помеѓу корисниците. Некои од повлијателните корисници на Твитер со години бараат вакво копче, додека кај други постојат сериозни сомневања дека на овој начин ќе бидат уште потешко да се справуваме со дезинформациите и вознемирувањето.

Јас мислам дека edit копче не е за нашава Twitter заедница. Кај нас едиснтвено треба да се воведе правото на корстење на Twitter да им се одземе на некои (или повеќето) корисници доживотно, а не да им се даде оружје во рака со кое ќе може да манипулираат за некои ставови кои без размислување ги пласирале на мрежава :).

Дали хаштаг на Instagram навистина го зголемува досегот на постот?

Во едно од неговите неодамнешни сториња на Instagram, Adam Mosseri, Instagram CEO одговори на прашање од корисник за тоа дали хаштаговите помагаат за прегледи.

Неговиот одговор беше „Не баш“.

Аргументот зад неговиот одговор беше дека хаштаговите на Инстаграм им помагаат на корисниците да разберат за што е објавата, но тоа не е нужно стратегија за поголем досег. Вистинскиот фокус е на категоризација на содржината за подобро поврзување на корисниците со она што го бараат.

Оваа нова информација, особено кога доаѓа од шефот на Instagram, ја менува целата сцена на социјалните мрежи, бидејќи експертите за социјалните медиуми сакаат да знаат како функционира платформата и како можат да допрат до повеќе луѓе.

Тимот на Socialinsider неодамна анализираше над 75 милиони објави на Instagram објавени помеѓу март 2021 и март 2022 година, за да види што велат податоците за врската помеѓу хаштаговите на Инстаграм и прегледите на постовите. Главните заклучоци од анализата се следниве:

  • Хаштаговите на Инстаграм не помагаат при досегот на постови.
  • Големите профили треба да користат три до четири хаштагови за да добијат повеќе импресии на постот.
  • Профилите со средна големина добиваат повеќе импресии ако користат повеќе од пет хаштагови.

Целосната анализа покажува дека бројот на хаштагови што ги користите на Instagram не влијае на досегот на постовите, но сепак користењето хаштагови како дел од вашата стратегија на Instagram е сè уште важно, бидејќи тие помагаат за полесно пронаоѓање на вашите постови од корисници кои не ве следат.

Бонус линкови

Јас отидов да купам бои за јајца затоа што немам ниедна слика со јајца ко права домаќинка. А вие уживајте во празниците.

176 #ПрегледВоПеток – Elon Musk и Twitter, Pinterest и WOO, Ogilvy и Инфлуенсерите

Денов вришти ПЕТОК! Сонце, пролет и #ПрегледВоПеток, ајде да видиме….

Дали Елон Маск ќе биде новиот сопственик на Twitter?

Ова е најглавната вест неделава во нашиов свет и мислам дека е соодветно овој преглед да го започнеме со прашањето дали Елон Маск ќе биде новиот сопственик на Twitter?

Од Јануари, Бетменот од наше време, полека акумулираше акции и месецов ја заврши неговата како што тој сака да ја нарече прва фаза од процесот со 9.2% удел, што го направи најголемиот инвеститор индивидуалец во компланијата.

Но, Елон излезе со финална понуда до Twitter и се понуди да го купи за 43 билиони долари и се “закани“ дека ако бордот не ја прифати неговата понуда, целосно ќе се повлече од компанијата.

Аналитичарите на пазарот велат дека понудата на Маск е мала, со оглед на тоа што акциите на Twitter неодамна достигнаа 70 долари, а тој сака да ги купи по цена од 54,2 долари. Но, сепак сето ова изгледа примамливо и во најмала рака треба да се сфати сериозно како легитимна понуда .

Ако понудата се прифати, Твитер најверојатно ќе претрпи значителни промени. Маск е голем говорник за слободата на говор и на големо гo хејташе Twitter кога го банираа Трамп од својата мрежа. Но, освен ова, тој најавил дека доколку ја преземе компанијата, сака да почне од нула, односно секој што моментално работи таму ќе биде заменет со некој друг.

Интернетот збесна за оваа информација и по многуте мемиња и замисли за тоа дали Twitter ќе се прекрсти во “Tesla Social”, направи и анализа за тоа што друго може Маск да купи за 43 билиони долари и одговорот е: БУКВАЛНО БИЛО ШТО ДРУГО!

Еве некои од најкреативните:

  • Да се врати на месечината со својата вселенска програма
  • Да помогне во решавање на гладта во светот
  • Да изгради буквални мостови и инфраструктура
  • Да плати за PR тим на Tesla Company (ова ми е омилено)

Pinterest во соработка со WooCommerce

Pinterest ја најави својата соработка со WooCommerce за да го подобри шопинг искуството на своите корисници.

Соработката ќе го означи лансирањето на новата Pinterest апликација во рамки на WooCommerce. Преку неа ќе бидат овозможени различни нови опции за Pinterest шопинг можноста како што се организирањето на тагови и поврзувањето на каталогот со производи. Главната цел на колаборацијата е можноста производите од онлајн продавницата автоматизирано да се прикажуваат како производи достапни за купување на Pinterest.

At Pinterest, we’re building a home for taste-driven shopping, and investing in new ways for shoppers to browse, discover and engage with brands. 

Pinterest

Ogilvy UK со силна акција во инфлуенсер маркетингот

Особено задоволство ми причинува оваа вест и оние што работат/работеле со мене го знаат мојот став за инфлуенсерите (особено домашните). Британија со последните одлуки и предлог закони за овој дел од интернет светот, некако стана кул детето што ич не му е гајле што другите мислат за него, или мене така ми се чини?

По иницијативата за закон, што моментално е во второстепена постапка (или како и да се вика ова) дека секој инфлуенсер што ќе користи апликации, филтри или било какви корекции на своите фотографии треба, јавно да го објави тоа, акција презема една од најголемите маркетинг агенции.

Ogilvy јавно застана на својот став дека повеќе нема да соработува со инфлуенсери што ги едитираат своите фотографии.

We have a duty of care as marketers, as agencies and brands to the next generation of people so they don’t grow up with the same stuff we are seeing now,

Rahul Titus, Head of influence

Од агенцијата велат дека направиле доста истражувања. работеле со експерти но и со инфлуенсери и оваа одлука за нив е гласноговорник на нивните ставови за тоа каква треба да биде иднината во онлајн комуникацијата на брендовите.

Од агенцијата се свесни дека тие се само медијатор во индустријата и дека промената на барањата и ставот првично треба да дојде од страна на клиентите. Задолжителна е едукација на клиентите за тоа какво ниво на слобода треба да им се даде на инфлуенсерите во соработката и какви очекувања за резултатот треба да имаат. Затоа што ако оваа иницијатива е еднострана и агенциите бараат реален изглед додека клиентите бараат совршеност, за жал нема да има никаков ефект.

За среќа, еден од клиентите на Ogilvy е брендот за козметика Dove кој со години работи на подобрување на сликата на жената каква што е, без ретуширања, корекции и филтри. Тие јавно ја подржаа нивната матична агенција и остануваат како поддршка за нив и нивната кауза.

Бонус линкови

Сезоната на добро време ја почнав и ја терам со Seinfield.

Old but gold 🙂

Бај.

175 #ПрегледВоПеток – впечатоци од konverzija.org

Пукна сонце и фокусот не е во редовните обврски кои во петок изутрина треба да се завршат, особено кога има човек и многу други обврски кои баш во петок треба да ги заврши. Го утнав малку тајмингот на прегледов, ама затоа ќе биде воглавно посветен на одличната конференција која минатиов викенд се случуваше во Бања Лука.

Konverzija.org – впечатоци на претходен говорник

Со нетрпение го дочекав настанот затоа што означуваше почеток на сезона на конференции, во живо!. И особено со нетрпение го дочекав за уште една, сега заедно си другите професионалци да се соочиме со новите услови на работа. Условите кои под влијание на законите за заштита на лични податоци во дигиталниот свет, не приморуваат да ги промениме начините на размислување и планирање.

Метрики кои живот значат

Иако го отвори вториот ден, сепак за мене предавањето на Зорин од Ескејп беше еден од најважните моменти на целиот настан. Бројките на кои секогаш и требаше да се фокусираме сега не само што остануваат најрелевантните туку и единствените кои се реални и комплетни. Да, мисалм за бизнис метриките, продажба, вкупен трошок, раст итн. Овие бројки не се во Google Analytics, овие бројки не се ни на Facebook или Instagram Insights, овие бројки се во софтверот за бизнис аналитика, во вашите SAP-ови, ERP-a и сл.

Сега, Google Analytics, Google Ads и другите CRM алатки ќе ни даваат само дел од сликата, дел кој ќе треба да се научиме да го гледаме само како насока за да одгатнеме што точно се случува на нашиот сајт или апликација. Дел од податоци на основа на кои алатките ќе треба да направат статистички модел кој ќе ни каже која наша активност вродува со плод, која не, и никако нема да може со сигурност да потврди историски што конкретно било добро што помалку добро сработено.

Не е толку лоша оваа промена, ама за малите пазари со мал број податоци и скромни ресурси за вложување во друг тип алатки за обработка на податоци ова значи и сериозно поголем предизвик за работа.

Facebook таргетирањето е мртво

Уште едно погребување, овој пат од страна на Иван Билди кој ја затвори конференцијата со збогување на напредното таргетирање во Facebook светот. Фокусот, како и до сега, треба да е на креативите кои не треба да бидат идеално испеглани, туку попридорни за да може да бидат полесно прифатени од самата публика. Фокусот мора да биде подалеку од напорите да ја пронајдете вашата совршена публика. Тоа ќе треба да му го оставите на Facebook, вие е доволно само да му кажете во кои рамки да се движи и што сакате да постигнете. Да, знам не е ново ова, ама некако повеќе боли кога групно во преполна сала сите заедно (не не бевме гушнати) ги прифаќте новините кои се веќе секојдневие.

Никогаш не лажи

И покрај тоа што имаше повеќе одлични предавања кои се фокусираа на YouTube, SEO, вебинари, B2B и малку дропшипинг наградата за најдоборо предавање ја понесе нашиот драг пријател и говоринк од AllWeb – Иван Миниќ.

Неговата приказна навистина беше уникатна а зборуваше баш за приказните кои треба да ги раскажуваат брендовите. Човекот само ја потврди презентацијата на Недим пд претходниот ден кој зборуваше за важноста на емоциите во маркетинг комуникацијата. И навистина е така, за да импресионирате, мора да бидете автентични, да не лажете и да го раскажете она што најдобро го знаете.

За крај…

Konverzija.org беше одлична, можеби за нијанса повеќе фокусирана на стратегија отколку на длабоко навлегување во темите, а можеби и мене така ми се причини затоа што дел од темите веќе и не можам да ги следам детално, како на пример Google Ads. Како и да е, и понатаму останува една од омилените конференции на мојата листа.

Има бонус линкови… не ги заборавивме нив…

Бонус линкови

Убав викенд!

174 #ПрегледВоПеток –Wendyverse, The Slap, Twitter, Instagram

Ова е нашиот последен #ПрегледВоПеток! Одлучивме дека предолго се дружиме и треба да се посветиме на некои поважни работи! Па како за последен пат уживајте во неделните новости!

Wendy’s во метаверзумот

Колку повеќе се развива толку полудо станува (под лудо мислам на генијално налудничаво). Дочекавме ресторани во метаверзумот. Таканаречениот „Wendyverse“ ќе биде достапен за Американците и Канаѓаните кои поседуваат Meta’s Oculus Quest 2, почнувајќи од 2 април. Покрај репликата на ресторанот, метаверс локацијата ќе има и парк со фанта фонтана, џиновска статуа на маскотата на компанијата и кошаркарско игралиште во чест на „March Madness“. Светското кошаркарско игралиште, наречено Buck BiscuitDome, ќе биде поврзано со реална промоција која на сите клиенти во продавниците на Wendy ќе им понуди крекери со колбаси, јајца и сирење по цена од еден долар во текот на месец април.

Целта на кампањата е да се воспостави нова форма на онлајн заедница меѓу клиентите на синџирот. Ова е промовирано како „прва фаза“, што сугерира дека можеби е дел од поголем проект за брендот во метаверзумот.

Шамарот на Will Smith си „рока“ по бренд стратегиите

Ако не ви беше доста 24/7 4 дена по ред да бидете бомбардирани од оваа вест, еве уште малку.

Иако Will Smith отспа и сфати дека треба да се извини за својата постапка, „Шамарот“ си стапи на сцена и стана сензација на социјалните мрежи придружена со стрипови, мемиња, реакции на познатите личности, осуди, како и маркетинг кампањи. Ок, сме виделе многу моментални трендови искористени од страна на брендовите да ги истуркаат своите пораки. АМА, дали баш шамар е соодветен тренд на кој треба да се закачат брендовите? Видовме мемња кои беа хумористични (иако и тоа е дискутабилно колку е соодветно), но видовме. Брендови со цели маркетинг кампањи околу шамарот. За мене, тотално несоодветно и неморално. Да искористиш шамар во функција на промовирање попуст, производ сл. е тотално промашена проценка од страна на брендовите.

Сепак помеѓу сите овие несоодветни брендовски кампањи и мемиња, имаше и такви кои го искористија моментот за да кренат свест кон кауза. Многу невладини организации го искористија моментот за да создадат свест околу алопеција, додека други за долгогодишната борба за заштита на правата на Афроамериканките. Има и такви кои гласно говореа за нападите и насилството.

Twitter со нови интерактивни реклами

Три нови формати на реклами стигаат на Twitter. За огласувачите, изгледаат многу импресивно, но за корисниците фидот станува покомерцијален, што може да наиде на одбивност. Твитер вели дека новите формати ќе донесат повеже придобивки за брендовите и за потрошувачите, но за твтерџиите е дискутабилно.

Ако зборуваме за нашиве твитерџии, тие нема да бидат воодушевени од потегов, во најмала рака ќе ги игнорираат рекламите. Но, како и со сите други платформи така и со оваа ќе си легнеме на брашното и ќе се навикнеме, па може да биде мотив за македонските брендови да се вратат на Twitter на голема врата.

Инстаграм со нов фид на цел екран

Истражувачот на апликации, Алесандо Палуци, ликна дека експерименталниот фид на Инстаграм би вклучувал постови, сториња и рилс на цел екран во едно привју.

Сторињата ќе бидат претставени со рамки на дното на екранот, што покажува дека можете да свајпнете налево за да ги видите другите рамки, додека видеата ќе имаат прогрес бар.

Тоа е поинтуитивен и пологичен начин да се претстави содржината на Инстаграм, што исто така ќе се усогласи со трендовите на користење предводени од TikTok. Новиот фид исто така ќе овозможи алгоритамски подобрувања врз основа на вашата реакција на секоја објава, за разлика од тековниот формат кој ги прикажува работите на различни начини и често прикажува повеќе од една објава на екранот истовремено.

Бонус линкови

И како за крај да ве потестам дека е 1 Април и дека нема шанси да завршиме наскоро со преглед во петок. Така што ова е првиот преглед од следните минимум 200 + 🙂

173 #ПрегледВоПеток – Netflix, Instagram, TikTok, YouTube

Првиот пролетен #ПрегледВоПеток е овде, па од сега натаму го читаме со кафе во рака стандард ама на тераса или во двор.

Netflix во обид да го прекине делењето на пасворди

OK, first things first… Netflix се обидува да најде решение со кое ќе се прекине процесот на делење пасворди на еден акаунт во повеќе локации. Знам дека ова нѐ засега скоро сите, но без грижи секако дека нема да започнат од Балканот 🙂

Како решение за овој “проблем“ тие воведуваат доплата за член плус во планот. Ова започнува во јужноамериканските земји и не е ништо ново, затоа што веќе неколку години Netflix има желба да ги прекрати ваквите “позајмици“.

Така што, користете ги акаунтите на бившите додека можете, затоа што промената доаѓа. 🙂

Instagram го врати стариот feed

Го баравте – го добивте!

Instagram го трга feed алгоритамот и го враќа хронолошкиот редослед на прикажување на содржините. По многуте обвинувања дека платформата е штетна за тинејџерите, новото раководство ја најави оваа промена уште во Декември.

Од сега feed-от ќе има 2 опции: favorites и following. Во favorits ќе биде излистана сета содржина од оние акаунти што корисникот ги обележал како омилени. Во favorites корисникот има опција да вклучи до 50 акаунта. Во following ќе биде излистана содржината од сите акаунти што се следат. Она што е најважно е дека содржината и во двата дела ќе биде прикажувана како што се објавува без вмешување на алгоритам.

И покрај одлуката за враќање на Instagram feed-от во стариот сјај, тимот на апликацијата сепак си стои на ставот дека имањето и имплементирањето на алгоритам го подобрува корисничкото искуство. Луѓето поминуваат време на платформата изразувајќи го својот став секојдневно, давајќи позитивен или негативен фидбек на содржината што им е пласирана, зошто тогаш не би сакале да го гледаат токму она што им се допаѓа и за што покажале интерес?

When we first launched in 2010, Instagram was a single stream of photos in chronological order. But as more people joined and more was shared, it became impossible for most people to see everything, let alone all the posts they cared about. By 2016, people were missing 70% of all their posts in Feed, including almost half of posts from their close connections. So we developed and introduced a Feed that ranked posts based on what you care about most.

Instagram

Тоа е што е, ќе видиме како ова ќе се одрази и на бизнисите присутни на Instagram.

Дали TikTok и Oracle ќе стават крај на драмата во САД?

Пред неколку години пишувавме на големо за чекорот на Доналд Трамп и банирањето на Тик Ток во САД. Делот со складирањето на податоци од американски државјани на кинески сервис е голем deal breaker за САД па решението доаѓа во форма на договор со Oracle.

Според договорот, Oracle ќе ги складира податоците на TikTok за американските корисници, ќе се погрижи податоците да не се пренесуваат на ByteDance и ќе биде одговорен за заштита на податоците на корисниците од закани. Бидејќи оваа чувствителна задача ќе ја извршува американска компанија со блиски врски со владата, TikTok конечно треба да биде мирен дека неговите операции во САД претставуваат сериозна закана за американската безбедност.

YouTube нуди бесплатно гледање на повеќе од 4000 епизоди од ТВ серии

YouTube на своите корисници им нуди бесплатен стрим на речиси 4.000 епизоди, доколку се спремни да гледаат и реклами за време на сериите. За сега се достапни Hell’s Kitchen, Andromeda и Heartland, а опцијата е достапна во САД на веб, мобилни уреди и YouTube TV.

Со овој чекор видео гигантот влегува опасно пред својата конкурнција затоа што како сервис тој сѐ уште е бр.1 дестинација каде луѓето минуваат најмногу време гледајќи содржина.

Бонус линкови

Ништо ново немам гледано периодов, така што овој петок вие давајте предлози за серија/фил/документарец.

Бај.

172 #ПрегледВоПеток – GA4, SXSW, #комкаст

Досега веројатно знаете дека возбудата ми е вратена на предпандемиско ниво, конференциите се враќаат во календарите, луѓето почнаа да се движат повеќе… новото нормално може да продолжи, секако сега новото нормално е војна 🙁 и тоа не е убаво… така да ќе се надеваме за ново нормално, ПОВТОРНО!

Но тоа не е главна тема на овој #ПрегледВоПеток па да го оставиме на страна… одиме по стандарден ред.

#комкаст нова епизода со Петар и Душан

А редот вели дека кога има нова епизода од нашиот #комкаст таа оди прва во преглед. Нема причини зошто и сега да не е така, особено кога во епизодата разговарам со двајца драги пријатели со кои долго време и соработуваме. На моменти ни изгледаше дека се вртиме во круг со муабетот затоа што толку многу пати сме ги зборувале овие теми… ама успеавме за вас, нашата верна публика, да спакуваме два муабети со Петар од Бреинстер и Дуле од Малиќи Груп (Гемак и Парк Хотел) во една епизода. Видеото е подолу, а целиот пост и линкови до останатите платформи каде може да слушате #комкаст на: Бизнис транформација е дигитална трансформација

Подгответе се за Google Analytics 4

Повеќе од две години во различни сценарија Google работи и дозволува и ние да работиме на новата негова верзија на неодминливиот Google Analytics. Google Analytics 4 ќе може да биде втора опција најдоцна до 1 јули 2023 година, кога ќе стане единствена, односно на тој датум досегашниот Universal Analytics проперти ќе престане да собира податоци од веб. Ако слулчајно си еден од малкуте корисници на 360 тогаш имаш уште некој месец бонус.

GA4 е подобар (и покрај бројните багови кои се пријавуваат секој ден) затоа што одговара на новите начини и навики на користење на веб сервисите, сајтовите, е-продавниците и апликациите. Дополнително Google вели дека е во согласност со GDPR и сличните закони кои сеат страв низ цел свет. Ние веќе собираме податоци преку GA4 пропертија за нашите и клиентските проекти, но сега е враме и да седнеме да згрееме столче и да му се посветиме посериозно.

Да е жив и здрав Зорин и ga:croatianTalk Facebook групата, па некои работи ни доаѓаат преџвакани, како на пример оваа листа на курсеви за GA4.

Инфлуенсерки во криза…

Знам знам рековме нека да дискутираме за војната, ама ништо не рековме за руските инфлуенсерки кои останаа и без Instagram. По блокадата на Twitter и Facebook на ред дојде и Instagram кој е дел од Meta а токму оваа корпорација минатата недела дозволи на своите сервиси пред се Facebook слободно да се објавуваат повици за насилство кон руските власти. Во ниту едно сценарио не може да се одобри цензура.. ама… нема АМА… комплесни се ситуациите, војна е… секој можен обид за појаснување на ситуацијата може да се толкува низ призмата на едната или другата пропаганда, затоа ете, само ќе известам и ќе сочуствувам со 80 милиони корисници од Русија.

SXSW е знак дека нормалното се враќа

Да си се вратиме ние на настаните, изминатиов период се одржа најголемиот настан за технологија и забавна индустрија во Америка – SXSW, или на долго и широко South by Southwest. Ова беше првиот голем настан кој се одржа без поголеми пандемски рестрикции но и покрај тоа, би рекол очекувано, бројот на посетители бил намален.

Очекувано топ теми беа: Metaverse, NFTs и блокчеин технологијата а секако настанот не помина и без докажување и борба во т.н. streaming wars кој се поважни за Американскиот пазар ама сите ние подоцна ги чувствуваме последитците од битките.

Кликни на најмалку еден од бонус линковите и добиј награда..

Бонус линкови

Убав викенд!

#комкаст 114 – Бизнис транформација е дигитална трансформација – Петар Ниновски и Душан Марковиќ

Во оваа епизода зборуваме со Петар Ниновски од Brainster и Душан Марковиќ од Maliqi Group.

Секој со искуство во својата индустрија, Петар во неформално образовани, Душан со угостителство и дистрибуција зборуваа со кои предизвици тие се соочувале во процесот на трансфорамција во компаниите во кои делуваат.

Слушајте #комкаст на:
Spotify: https://spoti.fi/3oHztZ4
iTunes: https://apple.co/31TUeXw
Google Podcasts: https://bit.ly/3kEqkxK
Deezer: http://bit.ly/3qZZX87
Anchor.fm: https://anchor.fm/komkast

Слушнете го аудиото од оваа епизода тука:

Или погледнете го видео записот:

Се разбира може да се „сабскрајбнете” на YouTube каналот: https://bit.ly/3oGjbQ7

171 #ПрегледВоПеток – Spark.me, Apple, NFT, TikTok

Малку се шокирав утрово кога ја видов бројкава напред, ама да, еве стигнавме до 171 #ПрегледВоПеток. Во овој преглед можев субјективно да ставам само еден линк и тоа да е доста, ама објективно многу интересни работи се случија изминатава недела. Па да почнеме со ред.

#SparkMe се враќа на сцена

Искрено ова е најубавата вест што ја слушнав во изминатиов подолг период. #SparkMe е нашата втора омилена конференција (после AllWeb нормално) и ептен многу се израдував кога после 2 години ми стигна омилената нотификација неделава.

Ако не сте биле свесни до сега колку многу ја сакаме #SparkMe, имаме куп емоции исфрлено по постови низ годините па можете да си прочитате какво искуство да очекувате од овој настан.

Новиот iPhone SE, iPad Air 5 і Mac Studio во новиот Apple евент

Apple, која целосно го напушти рускиот пазар, одржа нов евент, каде презентираше голем број свежи производи и решенија, а предводник на шоуто беше презентацијата на новиот iPhone SE. Смартфонот ќе биде вклучен во линијата на буџетски модели, а претпродажбата започнува на 18 март. Втората важна новина на презентацијата беше iPad Air 5 со сопствен M1 процесор. Според Apple, таблетот е двојно побрз од кој било Windows лаптоп во истиот опсег на цени. Пред-нарачките за iPad Air 5 ќе се отворат исто на 18 март, со почеток од 599 долари.

Што друго беше прикажано на презентацијата на Apple:
– iPadOS 15 – нова верзија на оперативниот систем со неколку интересни карактеристики.
– Чипот M1 Ultra – заснован на архитектурата Ultra Fusion со пропусен опсег од 2,5 TB / s. Позициониран е како најмоќен на пазарот и е со висока енергетска ефикасност.
– Десктоп компјутер Mac Studio со чипови M1 Max и M1 Ultra. Моделите ќе добијат 64 и 128 GB внатрешна меморија, соодветно. Apple гарантира повисоки перформанси во споредба со Mac Pro. Чипот M1 Ultra го прави Mac Studio 80% побрз од најмоќниот Mac Pro.

Ако сакате повеќе нформации тогаш топло ви го препорачувам 11 минутниот Apple „Peek Performace“.

Колку се безбедни вашите деца на TikTok

ВидиВака со уште една истражувачка приказна што вреди. Овој пат многу популарна тема кај родителите и нивните тинејџери. Колку ТикТок е опасен за вашите деца? Примарната функција на социјалната мрежа ТикТок е забавна, но младите честопати се изложени на опасни содржини. Ниту родителите, ниту пак образовниот кадар се чини дека имаат контрола врз тоа како ТикТок влијае врз психичкиот и физичкиот развој на тинејџерите.

Сè уште се кршат копја колку се безбедни или опасни социјалните мрежи за развојот на децата. Сепак балансот, внимателна и дозирана контрола како и внимание посветено на воспитувањето, културата и психо-физичката состојба на вашите деца се клучни во поставување здрав темели на размислување и проценка од нивна страна на кој начин безбедно да ги користат социјалните мрежи.

NFT е дефинитивно ѕвездата на неделата

Ако во листата на читање не ти е секој втор линк со NFT, негде нешто ја имаш згрешено работата (или можеби јас имам згрешено). Секој преглед имаме барем по една новост поврзана со метаверзумот, NFT, крипто светот, а за овој петок издвоивме три.

  1. Запознајте ги Argetties! Првата НФТ колекција на Аргета, составена од 21 уникатни гифови. Аргета ги дели на своите фанови како гивавеј на Инстаграм. Сега за сега тие претставуваат само престиж да ги добиеш, но компанијата не ја склучува можноста дека во днна ќе носат посебни врендости за нивните добитници.
  2. Battle for Giostone е првата македонска видеоигра која ќе користи NFT. Ако NFT токените Најчесто се користат како доказ за поседување на некое онлајн средство/посед, или некој дел од опрема како оружје или оклоп во видеоигрите, тимот кој работи на видеоиграта Battle For Giostone има малку поинаква идеја. Во нивниот случај и хероите со кои ќе играме се NFT токени. Прочитајте ги сите детали во интервјуто на IT.mk со Миле Граматиков, основач и директор на M-Tech Entertainment. (P.S. Поздрав Љуш)
  3. Ако не знае што е LimeWire, мал/а е за тебе :). Ве фати носталгија кога го прочитавте нели? LimeWire повторно се враќа…како NFT пазар! LimeWire нема да биде алтернатива за стриминг платформите, туку дополнителен канал за уметниците да продаваат ексклузивна музика и уметност директно на колекционери.Сајтот ќе стартува во мај, а моментално има листа на чекање која ќе биде известена за стартот. Продажбата ќе се одвива во САД, без предуслов за криптопаричник – така што во суштина, колекционерските предмети може да се купат директно со кредитна картичка, банкарски трансфер и сл.

Бонус линкови

170 #ПрегледВоПеток – The Internet VS Russia, Meta,TikTok…

Добредојде на новиот #ПрегледВоПеток, започнуваме…

Како интернетот ја хендла кризата со Украина?

Преплавени сме со (дез)информации со сѐ што се случува во Украина, па не е ни чудо зошто овој преглед го започнувам токму со моментот како целиот интернет ја хендла оваа ситуација.

Facebook, Twitter и Google ги блокираа рекламите во Русија и Украина

Како што се зголемува тензијата и притисокот врз ситуацијата што ја погоди Украина, Facebook и Google ги блокираа сите платени реклами што доаѓаат од руските медиуми, додека пак Twitter го суспендираше целосното рекламирање и во двете земји.

Одговорното лице за безбедност при комуникација во Facebook изјави дека не дозволуваат руските медиумски куќи да монетизираат акции на нивната платформа.

YouTube исто така суспендира неколку руски државни медиумски канали, како што е RT, да заработуваат пари од реклами. Покрај тоа, онлајн видео платформата ги ограничува и препораките на тие канали и целосно ги блокира во Украина на барање на украинската влада.

Meta создаде специјален центар за следење на конфликтот во Украина што е надлежен за отстранување на содржината што ги крши нејзините правила. Twitter вели дека „проактивно ги прегледува“ твитовите за да открие манипулација, да идентификува лажни вести и информации и да ги заштити профилите на новинарите, активистите и владините претставници и агенции. Двете компании исто така објавија совети како корисниците да ги заштитат своите акаунти од хакирање и да ја обезбедат нивната приватност.

YouTube соопшти дека во последните денови отстранил стотици канали и илјадници видеа поради кршење на неговите политики.

Силиконската долина под огромен притисок

Компаниите од Силиконската долина, исто така се соочуваат со притисокот да го ограничат ширењето на лажни информации и пропаганда за конфликтот.

Писма од државните органи беа испратени до Meta, Twitter, TikTok, Alphabet, Reddit и Telegram со насоки да ги заштитат своите платформи од ширење на руско влијание.

TikTok во “војна“ со креаторите на содржина

Ситуацијата со Украина покрена лавина од лажна содржина на TikTok. На платформата се појавуваат видеа што прикажуваат стари конфликти, сцени од филмови, дури и битки со видео игри со комуникација дека токму тие случки се она што во моментот се случува во Украина.

За само неколку дена видеата со хаштаг #RussianInvasion генерираа повеќе од 32 милиони прегледи а #RussiaUkraine повеќе од 132 милиони.

„And the volume of misleading videos does seem new to me. Some people are doing it because they want attention, some people want to monetize it, others are doing it potentially as misinformation and disinformation.„

Sam Gregory, Program director of Witness

Airbnb понуди бесплатно сместување за 100,000 Украинци

Airbnb понуди бесплатно привремено сместување за околу 100,000 Украинци што поради кризата беа приморани да ги напуштат своите домови и да го бараат мирот надвор од границите на својата држава.

Престојот ќе биде финансиран од Airbnb.org фондот за бегалци, а од компанијата изјавија дека веќе се испратени понуди за соработка со владите на соседните земји на Украина со цел навремено да одговорат на ситуацијата обезбедувајќи сместување за бегалците.

Некои Украинци на кои им треба сместување можеби во моментов немаат пристап до мобилни телефони или интернет што им се потребни за резервација, па Airbnb изјави дека ќе работи со непрофитни организации на терен, кои ќе бидат одговорни за резервирање и координирање на престојот за гостите бегалци, без оглед на националноста, расата, етничката припадност или како тие се идентификуваат.

Meta ги патентираше 3D разговорите

Дали тоа Meta ја најавува иднината на холограмите? И тоа со ни повеќе ни помалку, патент на 3D разговорите. И иако многу патенти никогаш не дочекуваат да станат вистински производ, патентот навестува како Мета ја замислува иднината на комуникацијата.

Поточно, апликацијата прикажува канал за снимање и пренос на 3D приказ на учесниците во комуникацијата со реалистичен лице в лице ефект.

Патентот е поднесен уште во 2020 и она што е важно е моментот дека ја опфаќа било која 3D трансмисија на телото без разлика дали се гледа преку AR очила, телефон или некоја нова идна технологија.

TikTok воведува10 минутни видеа

Растот на корисници на TikTok само ни покажа дека кратките видеа се овде и ќе ги има уште догледно време. Но, навиките и очекувањата на публиката се менуваат, а со тоа и нивните барања за содржина.

Компанијата е свесна и за монетазицијата од видеата па како одговор на конкурентските видео платформи, најави дека на сцена настапуваат 10 минутните видеа.

We’re always thinking about new ways to bring value to our community and enrich the TikTok experience. Last year, we introduced longer videos, giving our community more time to create and be entertained on TikTok. Today, we’re excited to start rolling out the ability to upload videos that are up to 10 minutes, which we hope would unleash even more creative possibilities for our creators around the world.

TikTok

Првично, временското ограничување на TikTok по видео беше 15 секунди, пред да се продолжи на 60 секунди, а потоа на 3 минути. Сега, корисниците ќе можат да поставуваат многу подолги видеа, што всушност би можело да има големо влијание врз тоа како луѓето ја консумираат содржината.

Бонус линкови

Ја ѕирнавте “Inventing Anna“? Ако сѐ уште не, еве предлог маратон за викендов.

Бај.

169 #ПрегледВоПеток – Reels на Facebook, Stories likes, DigiTalk конференција

Во денешниов #ПрегледВоПеток покрај #комкаст има неколку ситници кои за некои од нас можеби живот ќе значат…

#комкаст со Ивана Дојчиновска Стојановиќ

По уште една мала пауза #комкаст е назад на патеките… А во него јас и Ивана разговараме за една од најважните теми кога зборуваме за дигитална трансформација, односно за каква и да е трансформација. Да, зборуваме за луѓето, вработените, за организациската култура и кариерниот пат. Сите линкови до аудио платформите за слушање на #комкат се во оригиналниот пост, а видеото еве го и тука.

Instagram Stories може да се срцнат

Веројатно до сега видовте затоа што се пофали Instagram и во самата апликација, ама сега не мора да праќате порака за да изразите задоволство на некое стори. На овој начин Инста ќе го расчисти значително делот со пораки и можеби конечно инфлуенсерите ќе може да комуницираат пефективно тaму 😀

Среќна околност е што нема да се бројат јавно срцињата (лајковите) па нема да има уште една дополнителна работа околу која ќе треба да се опседуваат активните корисници.

Reels на Facebook

Meta го презема следниот чекор во битката со TikTok. Reels, кои досега гледаме дека ни носат одличен досег и вклученост на Instagram, сега ќе може да ги користиме и на Facebook.

Ќе си добијат тие свое место на врвот на апликацијата и исто така добиваат сет алатки кои нудат опции за миксање и споделување на различни видео содржини. Налик на YouTube и Meta има во план да им овозможи на креаторите на содржина да заработуваат преку оваа, сега актуелна, форма на видео содржина. Ова може и да значи посериозна закана за TikTok, ама ќе видиме, јас не сум премногу оптимист.

Како и да е, Reels на Facebook се тука, и подобро брзо да испланирате што ќе правите со нив затоа што сигурно ќе бидат исфорсирани и ќе дадат поглем досег. Целата сторија: Meta Launches Facebook Reels to All Users, Expanding its Short-Form Video Push

Discord тестира нови функционалности

Проверував сега, и досега само еднаш во бонус линк сме го спомнале Discord, редно е да му посветиме малку внимание. Сепак, има цела генерација корисници кои со часови секој ден го користат овој сервис. Сервисот кој започна како аудио и чет платформа за гејмери сега веќе сериозно прераснува во место каде се градат најактивните заедници на интернет.

Сервисот најави повеќе нови функционалности кои во одредени заедници ќе бидат како тест пуштени во периодот кој следува. Новите можности ќе имаат за задача да го олеснат користењето на сервисот особено во поголемите групи каде комуникацијата станува малку по хаотична. Не е лошо да се запознаеш со Discord и неговите планови за иднината, овој сервис има потенцијал да стане навистина голем. TESTING 1-2-3: A NOTE ON UPCOMING COMMUNITY EXPERIMENTS

DigiTalk конференција

Се враќам во живот. ќе има конференции! По најавата на Konverzija, минатава недела добро позната екипа пријатели најави уште еден настан кој сите знаеа дека ќе се случува, и со нетрпение чекаа најава. DigiTalk во Зрењанин ќе ја продолжи традицијата на настани зад кои стои Влада Ковач но и Иван Минич (бурек) и Витомир Огњановиќ.

Датумите се 7-10 април, програмата е поделена во два дела: e-commerce денови и самата конференција. Повеќе детали наскоро. Планирајте си!

Бонус линкови

Толку за денес, уживајте во викендот!