Иако за некој веќе летото почна со користење на старите одмори, за останатите тоа доправ треба да почне. По се изгледа пред официјалниот почеток, сите се засилија да соопштат и сработат непшто за да бидат порастеретени во топлите летни денови.

Веста за ова недела, за нас, е дека конечно AllWeb се враќа на програмата. По неуспешниот обид минататa година (короната пуста да остане) оваа година во нов формат (не е оналајн и не е хибриден) се враќа на програмата и ветуваме ќе донесе комплетно ново искуство.

Нема да откривам повеќе, сега за сега, само ќе кажам резервирај си ги 29 и 30 септември. Ќе ти биде криво ако не го сториш тоа, ние ќе се погрижиме добро тоа да биде така 😀

Е сега, може да почнеме со прегледот.

Работиш во ИТ секторот?

По првото успешно спореведено истражување во 2019 година, IT.mk решиja да го повторaт истражувањето и да направат еден нов пресек на движењата и интересите во ИТ индустријата во Македонија.

За да го направат тоа, им треба твојата помош преку пополнување на анонимна анкета која ќе ти одземе 5-10 минути! Она што е многу важно е дека истражувањето е АНОНИМНО бидејќи треба да споделите и бројка за нето примања.

Анкетата ќе им помогне да ги дефинират трендовите, технологиите, алатките, навиките, работните позиции, квалификациите, желбите, проблемите и соодветно на тоа примањата според сите тие класификации на пазарот.

TikTok пушти во употреба дигитални аватари

Забрзаното селење во виртуелните светови повлекува и креирање на наши дигитални претставници таму. Голем број компании се обидуваат да влезат во трката на време да се подгототват себе и своите сервиси да земат активно учество таму. Во таа насока TikTok пушти во употреба алатка за креирање на 3Д аватари.

Забавно, ќе видиме дали и ќе биде употребливо.

@effectmasterwannabe Tiktok avatar is now available. Publish your video with your new TikTok avatar! 🤩 #TikTokAvatars ♬ 原声 – Effect Master

Ahrefrs инвестираат во сопствен пребарувач Yep

Компанијата Ahrefs, позната на сите оние кои барем малку се заинтересирале за SEO, инвестира 60 милиони долари свои средства во развој на сопствен интернет пребарувач. Битката да му се земе барем некој процент на Google Search е веројатно една од најтешките на интернет, но пристапот и ветувањата на Ahrefs заслужуваат внимание, а богами и заслужуваат човек да има има надеж дека ќе имаат успех.

Имено концептот на самиот пребараувач во фокус ги става креаторите на содржина и вели дека дури 90% од заработката ќе оди кај сопствениците на содржината која се појавува во самите резултати. Тие велат дека во такво сценарио Wikipedia нема да има потреба да бара донации и ќе може реално да си ги плати сите свои вредни волонтери. Дополнително, велат нема да има лично следење на корисниците и нема да има детално таргетирање.

Делува премногу добро за да биде реално, но ако не се надеваме и поддржуваме вакви иницијативи никогаш нема да ја поместиме доминацијата на Google.

Microsoft Internet Explorer конечно умре!

Ноќна мора за многумина, проблем за поголем дел од веб дивелоперите и дизјанерите… IE беше долго време прелистувач кој не смееше да се спомне затоа што можни беа фатални послдици.

Пред 7 години MS се соочи со фактот дека мора да стави крај на оваа сага и го креираше Edge, но ете ми требаа 7 години за да конечно го повлечат комплетно Internet Explorer. Ајде за многу години нека е, па да не се повтори :D.

Што се случува кога песна ќе стане популарна на TikTоk?

Бонус линкови

• Apple WWDC 2022 keynote in 24 minutes
• Кога AI ќе згреши: Алгоритам наштети на стотици семејства во Холандија
• Instagram created custom fonts called ‘Instagram Sans,’ and some of them are truly wild
• Добредојде Disney+ во Македонија
• How Gen Z Relates to Brands [Infographic]

Убав викенд, уживајте!

Неделава нешто слабо со новини и интересни линкови… Slack каналот каде собираме линкови во текот на неделaта имаше само 3 работи… еве сега прегледувам да не сум пропуштил нешто интересно, важно, ама не ми фати око ништо посебно…

Се размазивме изгледа изминатите недели исполнети со настани, Елон Маск и сл. Како и да е, повторно во некојa скратена верзија, еве ги линковите за денес.

Снимете подкаст и објавете го на Самоглас

Самоглас е првата платформа за аудио книги на македонски јазик. Тимот за овој сервис дошол до идеја да овозможи логистичка и техничка поддршка во креирање на нов подкаст.

Ова стои во повикот: Подкастот треба да биде нов, оригинален и да промовира млади културни дејци. Подкастот треба да претставува серијал од минимум шест епизоди во времетрање од минимум триесет минути по епизода. Приоритет ќе им биде даден на автори/авторки кои работат на локалната независна културна сцена и кои се невработени т.е. не се во постојан работен однос со јавна институција од областа на културата.

Сите детали и можноста за апликација се достапни тука: Подкасти на Самоглас! Ќе видите таму се спомнува и жири. Кхм кхм, епа јас сум еден од членовите… (не го кажувам ова за фаќање врски)

YouTube повторно го копира Twitch

Одамна се навикнавме да гледаме функционалности кои ги има еден сервис како се клонираат на друг сервис. Во последната епизода YouTube тестира можност со која по урек на можностите кои ги нуди Twitch може некому да подарите претплата. На овој начин може да искажете уште поголема поддршка на вашиот омилен YouTube канал, но и да израдувате некој близок со претплата. Секако претплатата ќе му овозможи на користникот екстра содржина и функционалности.

Оваа функционалност е во бета верзија и не е достапна преку мобилната апликација. YouTube си зима скромни 30% од трансакцијата… чиста работа.

Наскоро ќе може да играте игри и на TikTok

Не е баш неочекувано или нелогично, TikTok тестира можност да играте игри внатре во апликацијата. Игрa налик на FarmVille веќе е достапна за некои корисници. Тајната, односно причината за ваквата можност е секако заработка. Овие игрни кои се во план да бидат достапни имаат за цел да ги зголемат можностите за прикажување реклами во рамките на самата аппликација.

Кинеската верзија на TikTok, Douyin одамна има игри, а слични екскурзии прават и Facebook и Netflix. Зошто да не проба и TikTok.

Бонус линкови

• Meta tells employees to stop discussing abortion at work
• Elon Musk Praises Netflix For Suggesting Employees Quit If They Couldn’t Work On Content They Disagree With
• DeviantArt is expanding its system for flagging stolen NFT art

Убав викенд, уживајте на сонце!

Трет преглед по ред во фокус ни е Твитер, добро и Елон Маск. Не дека искрено толку многу ни е важен за работа, или лично посветуваме толку време, ама се што се случува околу него е интересно и важно за развојот на индустријата и за улогата на овој сервис… па „каде сите турци…”

Но, следи твист…. затоа што како и минатиот пат и овој повторно заборавив на време да го спремам прегледов, иако уште вчера се договоривме дека може да си го „хакнам” редот и да се извлечам со малку труд… пак го заборавив сабајле. NBA плејов е и крадам често часови од ноќта за да гледам по некоја четвртина па сабајле не сум со сите… Имам оправдание? Не? 🙁 Во ред, ама неделава бев на телевизија, на Телма телевизија. Сега имам оправдание? Пак, не? Ама со Сеад Џигал бев… и зборувавме за што друго ако не за Твитер и Елон Маск. Е сега мора да добијам оправдание… зошто ако не добивам тогаш ни хаков нема да е доволен…

Денешниов преглед е видеото од нашиот настап таму… толку. Гледајте и уживајте во уште еден продолжен викенд!

Пукна сонце и фокусот не е во редовните обврски кои во петок изутрина треба да се завршат, особено кога има човек и многу други обврски кои баш во петок треба да ги заврши. Го утнав малку тајмингот на прегледов, ама затоа ќе биде воглавно посветен на одличната конференција која минатиов викенд се случуваше во Бања Лука.

Konverzija.org – впечатоци на претходен говорник

Со нетрпение го дочекав настанот затоа што означуваше почеток на сезона на конференции, во живо!. И особено со нетрпение го дочекав за уште една, сега заедно си другите професионалци да се соочиме со новите услови на работа. Условите кои под влијание на законите за заштита на лични податоци во дигиталниот свет, не приморуваат да ги промениме начините на размислување и планирање.

Метрики кои живот значат

Иако го отвори вториот ден, сепак за мене предавањето на Зорин од Ескејп беше еден од најважните моменти на целиот настан. Бројките на кои секогаш и требаше да се фокусираме сега не само што остануваат најрелевантните туку и единствените кои се реални и комплетни. Да, мисалм за бизнис метриките, продажба, вкупен трошок, раст итн. Овие бројки не се во Google Analytics, овие бројки не се ни на Facebook или Instagram Insights, овие бројки се во софтверот за бизнис аналитика, во вашите SAP-ови, ERP-a и сл.

Сега, Google Analytics, Google Ads и другите CRM алатки ќе ни даваат само дел од сликата, дел кој ќе треба да се научиме да го гледаме само како насока за да одгатнеме што точно се случува на нашиот сајт или апликација. Дел од податоци на основа на кои алатките ќе треба да направат статистички модел кој ќе ни каже која наша активност вродува со плод, која не, и никако нема да може со сигурност да потврди историски што конкретно било добро што помалку добро сработено.

Не е толку лоша оваа промена, ама за малите пазари со мал број податоци и скромни ресурси за вложување во друг тип алатки за обработка на податоци ова значи и сериозно поголем предизвик за работа.

Facebook таргетирањето е мртво

Уште едно погребување, овој пат од страна на Иван Билди кој ја затвори конференцијата со збогување на напредното таргетирање во Facebook светот. Фокусот, како и до сега, треба да е на креативите кои не треба да бидат идеално испеглани, туку попридорни за да може да бидат полесно прифатени од самата публика. Фокусот мора да биде подалеку од напорите да ја пронајдете вашата совршена публика. Тоа ќе треба да му го оставите на Facebook, вие е доволно само да му кажете во кои рамки да се движи и што сакате да постигнете. Да, знам не е ново ова, ама некако повеќе боли кога групно во преполна сала сите заедно (не не бевме гушнати) ги прифаќте новините кои се веќе секојдневие.

Никогаш не лажи

И покрај тоа што имаше повеќе одлични предавања кои се фокусираа на YouTube, SEO, вебинари, B2B и малку дропшипинг наградата за најдоборо предавање ја понесе нашиот драг пријател и говоринк од AllWeb – Иван Миниќ.

Неговата приказна навистина беше уникатна а зборуваше баш за приказните кои треба да ги раскажуваат брендовите. Човекот само ја потврди презентацијата на Недим пд претходниот ден кој зборуваше за важноста на емоциите во маркетинг комуникацијата. И навистина е така, за да импресионирате, мора да бидете автентични, да не лажете и да го раскажете она што најдобро го знаете.

За крај…

Konverzija.org беше одлична, можеби за нијанса повеќе фокусирана на стратегија отколку на длабоко навлегување во темите, а можеби и мене така ми се причини затоа што дел од темите веќе и не можам да ги следам детално, како на пример Google Ads. Како и да е, и понатаму останува една од омилените конференции на мојата листа.

Има бонус линкови… не ги заборавивме нив…

Бонус линкови

• Ukraine uses facial recognition software to identify Russian soldiers killed in combat
• NE BAŠ JEDNOSTAVAN, ALI VEOMA DOBAR ČOVEK – Иван Миниќ
• LinkedIn – Creator update: New and improved tools now available
• Stripe, poznati alat za procesiranje online plaćanja, konačno dostupan u Hrvatskoj!

Убав викенд!

Досега веројатно знаете дека возбудата ми е вратена на предпандемиско ниво, конференциите се враќаат во календарите, луѓето почнаа да се движат повеќе… новото нормално може да продолжи, секако сега новото нормално е војна 🙁 и тоа не е убаво… така да ќе се надеваме за ново нормално, ПОВТОРНО!

Но тоа не е главна тема на овој #ПрегледВоПеток па да го оставиме на страна… одиме по стандарден ред.

#комкаст нова епизода со Петар и Душан

А редот вели дека кога има нова епизода од нашиот #комкаст таа оди прва во преглед. Нема причини зошто и сега да не е така, особено кога во епизодата разговарам со двајца драги пријатели со кои долго време и соработуваме. На моменти ни изгледаше дека се вртиме во круг со муабетот затоа што толку многу пати сме ги зборувале овие теми… ама успеавме за вас, нашата верна публика, да спакуваме два муабети со Петар од Бреинстер и Дуле од Малиќи Груп (Гемак и Парк Хотел) во една епизода. Видеото е подолу, а целиот пост и линкови до останатите платформи каде може да слушате #комкаст на: Бизнис транформација е дигитална трансформација

Подгответе се за Google Analytics 4

Повеќе од две години во различни сценарија Google работи и дозволува и ние да работиме на новата негова верзија на неодминливиот Google Analytics. Google Analytics 4 ќе може да биде втора опција најдоцна до 1 јули 2023 година, кога ќе стане единствена, односно на тој датум досегашниот Universal Analytics проперти ќе престане да собира податоци од веб. Ако слулчајно си еден од малкуте корисници на 360 тогаш имаш уште некој месец бонус.

GA4 е подобар (и покрај бројните багови кои се пријавуваат секој ден) затоа што одговара на новите начини и навики на користење на веб сервисите, сајтовите, е-продавниците и апликациите. Дополнително Google вели дека е во согласност со GDPR и сличните закони кои сеат страв низ цел свет. Ние веќе собираме податоци преку GA4 пропертија за нашите и клиентските проекти, но сега е враме и да седнеме да згрееме столче и да му се посветиме посериозно.

Да е жив и здрав Зорин и ga:croatianTalk Facebook групата, па некои работи ни доаѓаат преџвакани, како на пример оваа листа на курсеви за GA4.

• https://cxl.com/institute/online-course/google-analytics-4/
• https://www.analyticsmania.com/…/google-analytics-4…/
• https://academy.ksdigital.co/…/mastering-google…
• https://skillshop.exceedlms.com/…/66729-discover-the…
• https://www.lovesdata.com/…/google-analytics-4-mini-course
• https://www.jellyfish.com/…/google-analytics-4-reporting
• https://www.pluralsight.com/…/google-analytics-four…
• https://www.teamsimmer.com/…/ga4-google…/bq-course-page/

Инфлуенсерки во криза…

Знам знам рековме нека да дискутираме за војната, ама ништо не рековме за руските инфлуенсерки кои останаа и без Instagram. По блокадата на Twitter и Facebook на ред дојде и Instagram кој е дел од Meta а токму оваа корпорација минатата недела дозволи на своите сервиси пред се Facebook слободно да се објавуваат повици за насилство кон руските власти. Во ниту едно сценарио не може да се одобри цензура.. ама… нема АМА… комплесни се ситуациите, војна е… секој можен обид за појаснување на ситуацијата може да се толкува низ призмата на едната или другата пропаганда, затоа ете, само ќе известам и ќе сочуствувам со 80 милиони корисници од Русија.

SXSW е знак дека нормалното се враќа

Да си се вратиме ние на настаните, изминатиов период се одржа најголемиот настан за технологија и забавна индустрија во Америка – SXSW, или на долго и широко South by Southwest. Ова беше првиот голем настан кој се одржа без поголеми пандемски рестрикции но и покрај тоа, би рекол очекувано, бројот на посетители бил намален.

Очекувано топ теми беа: Metaverse, NFTs и блокчеин технологијата а секако настанот не помина и без докажување и борба во т.н. streaming wars кој се поважни за Американскиот пазар ама сите ние подоцна ги чувствуваме последитците од битките.

Кликни на најмалку еден од бонус линковите и добиј награда..

Бонус линкови

• The Latest on Russia’s Social Media Bans
• Google Launches New ‘Related Search for Content’ Ads to Help Improve On-Site Engagement
• Paramount+ Deploys 400 Drones At SXSW To Promote “Halo” Series

Убав викенд!

Во денешниов #ПрегледВоПеток покрај #комкаст има неколку ситници кои за некои од нас можеби живот ќе значат…

#комкаст со Ивана Дојчиновска Стојановиќ

По уште една мала пауза #комкаст е назад на патеките… А во него јас и Ивана разговараме за една од најважните теми кога зборуваме за дигитална трансформација, односно за каква и да е трансформација. Да, зборуваме за луѓето, вработените, за организациската култура и кариерниот пат. Сите линкови до аудио платформите за слушање на #комкат се во оригиналниот пост, а видеото еве го и тука.

Instagram Stories може да се срцнат

Веројатно до сега видовте затоа што се пофали Instagram и во самата апликација, ама сега не мора да праќате порака за да изразите задоволство на некое стори. На овој начин Инста ќе го расчисти значително делот со пораки и можеби конечно инфлуенсерите ќе може да комуницираат пефективно тaму 😀

Среќна околност е што нема да се бројат јавно срцињата (лајковите) па нема да има уште една дополнителна работа околу која ќе треба да се опседуваат активните корисници.

Reels на Facebook

Meta го презема следниот чекор во битката со TikTok. Reels, кои досега гледаме дека ни носат одличен досег и вклученост на Instagram, сега ќе може да ги користиме и на Facebook.

Ќе си добијат тие свое место на врвот на апликацијата и исто така добиваат сет алатки кои нудат опции за миксање и споделување на различни видео содржини. Налик на YouTube и Meta има во план да им овозможи на креаторите на содржина да заработуваат преку оваа, сега актуелна, форма на видео содржина. Ова може и да значи посериозна закана за TikTok, ама ќе видиме, јас не сум премногу оптимист.

Како и да е, Reels на Facebook се тука, и подобро брзо да испланирате што ќе правите со нив затоа што сигурно ќе бидат исфорсирани и ќе дадат поглем досег. Целата сторија: Meta Launches Facebook Reels to All Users, Expanding its Short-Form Video Push

Discord тестира нови функционалности

Проверував сега, и досега само еднаш во бонус линк сме го спомнале Discord, редно е да му посветиме малку внимание. Сепак, има цела генерација корисници кои со часови секој ден го користат овој сервис. Сервисот кој започна како аудио и чет платформа за гејмери сега веќе сериозно прераснува во место каде се градат најактивните заедници на интернет.

Сервисот најави повеќе нови функционалности кои во одредени заедници ќе бидат како тест пуштени во периодот кој следува. Новите можности ќе имаат за задача да го олеснат користењето на сервисот особено во поголемите групи каде комуникацијата станува малку по хаотична. Не е лошо да се запознаеш со Discord и неговите планови за иднината, овој сервис има потенцијал да стане навистина голем. TESTING 1-2-3: A NOTE ON UPCOMING COMMUNITY EXPERIMENTS

DigiTalk конференција

Се враќам во живот. ќе има конференции! По најавата на Konverzija, минатава недела добро позната екипа пријатели најави уште еден настан кој сите знаеа дека ќе се случува, и со нетрпение чекаа најава. DigiTalk во Зрењанин ќе ја продолжи традицијата на настани зад кои стои Влада Ковач но и Иван Минич (бурек) и Витомир Огњановиќ.

Датумите се 7-10 април, програмата е поделена во два дела: e-commerce денови и самата конференција. Повеќе детали наскоро. Планирајте си!

Бонус линкови

• How the tech industry is responding to Russia’s invasion of Ukraine
• Etsy hits sellers with 30 percent transaction fee increase
• Twitter suspends accounts sharing video from Ukraine
• Gley.mk веќе има над 25.000 регистрирани корисници [интервју]

Толку за денес, уживајте во викендот!

Помина месецот наречен година, помина јануари, денес имаме и сонце, може да почнеме да се одмрзнуваме, доаѓа пролет. А доаѓа и уште еден #ПрегледВоПеток, подготвени?

#комкаст на тема 5G, со Маја од А1 Македонија

Токму периодот кога наоколу често гледаме промотивни комуникации за 5G, кога државата се подготвува да даде дозволи за старт на користење на оваа технологија, токму тогаш во #комкаст и неговата седма епизода посветена на дигиталната трансформација зборуваме за 5G. Зборуваме со лице кое поминало имплментација и развој и на 3G и на 4G и еве сега и 5G. Да не раскажувам многу, еве го видеото долу, а ако не ти се гледа видео, ако претпочиташ аудио клик на оригиналниот пост каде ги има сите линкови.

LinkedIn воведува аудио

И покрај тоа што има безброј мемиња за тоа каков е денес LinkedIn и како и за што се користи, сепак и понатаму тој останува број еден сервис за бизнис комуникација и фалење на професионално ниво. Не е ништо ново ако кажеме дека традиционално овој сервис меѓу последните имплементира новини и се закачува на трендовите. Затоа ни новината која ја најавија минатиот месец нема да биде толку воодушевувачка.

Без некои преконкретни детали во нивниот двонеделен њузлетер покрај неколку други работи самите најавија дека работат на дел кој го нарекуваат LinkedIn Audio Events. Ако се обидеме да го опишеме според она што го споделија, овие аудио настани ќе му дојдат нешто како Twitter Spaces. Велат дека дизјанираат интерактивно искуство, што и да значи тоа во ова сценарио, а најавуваат дека наскоро планираат да закачат и видео на овој сервис. LinkedIn со овие нови можности се надева дека ќе придобие дел од виртуелните бизнис настани кои сега веќе ни се чини дека се организираат со години, и покрај тоа што не се повеќе од две…

Јас искрено се надевам дека годинава ќе почнат редовно да се организираат „нормални” настани, доста е од виртуелниве.

The New York Times Company стигна до 10 милиони претплатници

Со неодамнешното купување на спортскиот магазин The Atlantic и по одличните последни неколку години The New York Times Company две годни пред планот стигна до својата зацртана цел, 10 милиони претплатници.

Кој вели дека медиумите умираат и дека не може да се трансформираат, само треба да биде решен човек и да знае како да работи. На крајот на минатата година The Times имале скоро 8.8 милиони претплати. Од нив скоро 5.9 милиони биле за дигиталните верзии на вестите, повеќе од 2 милиони на останатите нивни дигитални производи а скромни 800.000 претплати биле на печатеното издание.

Сега имаат нова цел. 15 милиони до 2027.

Spotify ќе предупредува за несоодветна содржина

Рецептот е познат, прво ги собираш кај тебе тие кои ќе донесат со себе голема публика и внимание од широката јавност, ќе дозволиш да си тера бизнисот со максимален профит и после кога ќе се претера ќе почнеш да си средуваш низ дома.

По новиот бран реакции за дел од епизодите на Joe Rogan, ексклузивецот на Spotify ,и заканите за повлекување на своите аудио изданија од платформата на ред е соодветна реакција. Rogan се извини во десет минутно видео а сега и самите Spotify најавуваат имплментација на процедури и алатки за предупредување од осетлива содржина, за почеток се разбира на тема Covid 19.

View this post on Instagram

A post shared by Tom Fishburne (@marketoonist)

Бонус линкови

• German Court Rules Websites Embedding Google Fonts Violates GDPR
• Google’s making a free Workspace tier for businesses that don’t need its email
• The countries where ecommerce is most popular
• Facebook Loses a Million Daily Active Users, Posts Big Revenue Result for Full Year 2021
• TikTok Launches ‘TikTok Tactics’ Online Course to Help Marketers Level-Up their Platform Approach

Убав викенд!

Текстот е оригинално објавен во декемвриското
печатено издание на магазинот Економија и Бизнис

Крај на година, период кога нели пишуваме предвидувања за иднината или правиме пресек на оваа која поминува. Јас, ако не се лажам, мислам дека досега секогаш сум бил насочен кон иднината и сум пишувал и споделувал предвидувања, трендови и сл. Овој пат ќе направам спротивно. Дали затоа што годинава некако е повторно под сенката на пандемијата или поради нешто друго, не знам, ама дефинитивно знам дека не ми се прогнозира, туку ми се навраќа наназад и ми се резимира. Добро, на крај ќе имам една реченица и со трендови за 2022 година. 

На komunikacii.net изминатава година објавивме 46 прегледи во петок и јас за овој текст одлучив да ги прегледам уште еднаш сите, да видам кои теми најмногу сме ги повторувале, за кои најмногу сме пишувале и да се обидам да сумирам што важно се случуваше оваа година. 

Секако, на страна ќе ги оставам сите оние ситни и не толку ситни апдејти на апликациите и сервисите кои понекогаш знаат живот да значат и ќе се фокусирам на поголеми работи, настани и промени.

Ако ми успее да не се предомислам додека го пишувам текстов, мислам дека ќе успеам да ги сумирам работиве во 5 главни теми. 

1. Подемот и падот на Клаубхаус (Clubhouse)

Колку само далечно ни се чини денес кога го спомнуваме Клаубхаус (Cloubhouse), апликацијата која јавна на подемот на аудиосодржината и понуди нешто различно. Се појави во март минатата година, а веќе како да ја нема. Успеа да ги раздрма сите, да почне со затворена листа на корисници, па да се прошири од iOS и на Андроид, да ги измотивира големите играчи да ја копираат и на крај успеа и да падне. Сето тоа за помалку од две години. Суров е дигиталниов свет и бизнисот во него. И покрај тоа што конкурентни опции понудија Твитер, Фејсбук и Спотифај, а на тоа работеше и Амазон, сепак по сè изгледа трендот за аудиочет апликација не отвори толку голем простор и некако како да остана во фокус само Твитер спејсис (Twitter Spaces). Во секој случај Клаубхаус (Clubhouse) може да ни служи за пример колку е тешко денес да се бориш против џиновите на дигиталната економија. 

2. Приватност на интернет

Ова е преширока тема, тема која веќе неколку години наназад е една од најглавните. Сепак, оваа година имаше бројни потези кои го сменија начинот на кој станаа позаштитени нашите лични податоци на интернет, но и кои предизвикуваат големи промени во работата на маркетерите. 

Ако некако се обидеме да ја отсликаме оваа година низ призмата на борба за приватноста, тогаш дефинитивно ќе биме меч меѓу Фејсбук и Епл. По заштитата во iOS оперативниот ситем со која Епл не им дозволи на Фејсбук да ги следат корисниците, тие се решија на сличен потег и во нивната апликација за e-пошта со што се заканија на повторниот подем на е-њуслетерите (e-newsletter). Со овие потези, но и поконкретните примени на новите закони за заштита на лични податоци онлајн, оваа година најголемите платформи за огласување (Гугл едс и Фејсбук [Google Ads и Facebook]) мораа значително да ги кратат можностите по кои може, а се врши таргетирање на корисниците. Оваа година фокусот беше на едукација како да се надминат некои од овие препреки, како да се затворите во системите кои не зависат од т.н. колачиња од трета страна (third party cookies [читај комплетно да му се доверите на Гугл]) и како да се подготвите за интернет без колачиња. Оваа тема е далеку од завршена, ама оваа година навистина беше клучна за позиционирање на играчите. 

3. Економија на креаторите

Не знам како најдобро да го преведам creators economy, ама годинава сервисите кои им овозможуваат на креаторите да ја дистрибуираат својата содржина до нивната публика сфатија дека добар дел од трансакциите кои доаѓаат како награда за трудот не поминуваат низ нивните раце. Па така, покрај растот на индивидуалните креатори на содржина кои, секако, веќе некое време се сериoзен фактор на интернет, фокусот беше да се ископираaт уште некои помали сервиси како пејтрион, бајмиакофи (patreon, buymeacoffee) и сл. и да се пренасочат тие пари да поминуваат низ рацете на сервисите каде што се наоѓа самата содржина. Ова значеше тестирање со различни опции, пред сè на Јутјуб и на Твитер кои додаваа и трагаа по опции за бакшиш, награди, претплати и сл. Нема друга опција за овие сервиси. Ако сакаат дополнително да профитираат мора да се вклучат и во овој сегмент, да им олеснат на корисниците да не мора да ги следат своите јунаци на повеќе сервиси, а во исто време и да им обезбедат повеќе заработка на креаторите. Некако не ми изгледа дека ова им оди многу од рака, ќе видиме. 

4. NFTs − дигитализирана уметност

Годинава дефинитивно е и година на NFTs. Базирани на криптовалутите и блокчејн технологијата, NFT се токени кои даваат вредност на различни дигитални парчиња уметност. Добро, за очекување беше вредност да добијат и милион глупости кои понекогаш комплетно неразбирливо луѓето ги купуваат, ама тоа денес е сосема нормално, нели? Како револуција за уметниците овие токени беа навистина решение за голем број артисти, но брзо почна да се забегува и сега за неполни неколку месеци од нивниот подем имаме толкав хаос што е тешко да сфатиш каде е почетокот, каде е крајот и на каде се движи работава. Во секој случај, NFTs се во секое предвидување како тренд за 2022 година, а некои експерти предвидуваат огромен бум на NFTs во музичката индустрија. 

5. Метаверс (Metaverse)

Иако терминот беше познат од порано, се чини дека со гласините и подоцна со самото преименување на Фејсбук инк. (Facebook Inc.) во Мета (Meta) со што компанијата ја презентираше и својата нова развојна визија, Метаверс (Metaverse) доби многу поголем фокус. 

Виртуелниот мета универзум како преку ноќ да стана арена во која сите сакаат да бидат главни. Одеднаш по години постоење на повеќе вакви дигитални универзуми како да стана битката официјална. Се чини како да влеговме во ново продолжение на „Хајлендер“ и секоја вест како да ни доаѓа со пораката: Ќе има само еден (Тhere shall be only one). Може да има само еден мета универзум и сега е време да се бориме кој ќе биде тој. Фејсбук, секако, сака тој да биде креатор, но игрите како Роблокс (Roblox) и Фортнајт (Fortnite) се чини дека се далеку пред него во ова. Соработките со големи брендови, музичари и уметници кои сè почесто премиерно се појавуваат во овие виртуелни светови нè водат чекор поблиску до новата реалност која може за некоја година нема ни да ја викаме мета, туку ќе си се слее во другава реалност. Во 2021 година беше означен стартот на битката, не верувам дека крајот ќе го видиме во 2022 година, но секако останува со фокус да следиме затоа што навистина станува интересно. 

—

И за крај, иако сè што наведов претходно како пресек за 2021 година може да се припише како предвидување и тренд за 2022 година, сепак ќе додадам уште една работа која мислам дека ќе биде важна, иако не во толку широки кругови. Станува збор за програмирањето без код (No-Code) кое зема замав сè повеќе. Овој тренд следната година ќе добие уште поразвиена инфраструктура и ќе се обиде да им овозможи на сите кои немаат програмерски вештини сами да креираат свои апликации и сервиси. Ако ова се случи, тогаш можеби ќе може да се надеваме на идина во која нема толку многу да чекаме на техничките лица да ги предводат општествените иновации. Не звучи лошо тоа, а?

🎶 Дедо Мраз , Дедо Мраз дојди и кај нас… 🎶 Со најновите 5 за 12 барања, желби и потреби почнуваме да се спремаме за новата година, се надевам оваа година ќе успееме да бидеме спремни на 30 и на 31 нема да има потреба да работиме… во меѓувреме време е за уште еден преглед кој го започнуваме со две објави на самиов блог.

Нова #Комкаст епизода со Гораст Цветковски

Вчера на блогов имаше две објави, ретко се случува тоа, ама кога се случува секогаш ни претставува задоволство. Изутрината по иницијатива на Сеад, Дарјан од твитер ја помести својата нишка на блогов. Пишува за исчезнувањето на етосот и логосот од јавната дискусија, реален муабет, и пост кој вреди да си го прочитате и зачувате за некоја следна дискусија на интернет.

Подоцна во текот на денот, во стандардниот термин за #комкаст ја објавивме и новата епизода во која јас и Гораст дискутираме за гејминг културата, индустријата, локалната сцена итн. Гораст пасиониран, јас резервиран, малку се обидував да ги скријам емоциите кои ги имам или немам за игрите, ама 50-тина минути вреден муабет во кој се спомнаа многу наслови на игри кои не ги знам, ама секако можев да му ја разберам поентата на Гораст. Сепак затоа јас прашував а тој одоговараше. И тоа со страст.

Еве го видеото подолу а аудио може да слушате на: Spotify: https://spoti.fi/3oHztZ4; iTunes: https://apple.co/31TUeXw; Google Podcasts: https://bit.ly/3kEqkxK; Deezer: http://bit.ly/3qZZX87

Да одиме сега со прегледот за кој, патем, колегите пак ме саботираат, знаат дека е мој ред за пишување и не пуштаат линкови на каналот во Slack 🙁

Mozilla очекува заработка од $500M оваа година

Да да, непрофитната Mozilla која има и своја подружница која всушност го генерира профитот очекува толкава заработка оваа година. И покрај тоа што одамна ја изгубија битката со Chrome, сепак таа работи на други сервиси кои треба комерцијално да придонесат, сервиси како: Mozilla VPN service, Firefox Relay Premium, Pocket.

Но, не е се така позитивно, бројката од 500М нема да ја направат од горенаведените сервиси, туку најголемиот дел од овие средства ќе дојдат од нивното партнерство со Google. Да, истиот тој Google кој им го потепа Firefox, ама еј, кога треба да се заработува од партнерско прикажување реклами, нема љутиш!

Ralph Lauren во Roblox

Во битката кој прв ќе стане Metaverse, играта Roblox во соработка со Ralph Lauren креира зимско искуство во кое познатото модно име ќе ги презентира своите полово неутрални дигитални дизајни на облека. Интересно е како модните брендови, минатата недела пишувавме за Adidas, многу похрабро почнаа да влегуваат во дигиталниов свет. Во тој свет позициниорањето е важно, следењето на трендовите е задолжително, па и покрај тоа што се чини дека сите по малку доцнат, добро е што гледаме вакви примери.

It’s all part of Roblox’s quest to become the metaverse, the universe of virtual worlds that are all interconnected, like in novels such as Snow Crash and Ready Player One. With 47 million daily active users, Roblox has a pretty good head start on its metaverse mission.

Google Qaya – алатка за монетизација на креаторите

Не знам точно како се изговара зборов, малку чудно ми звучи на глас кога ќе го кажам, ама тоа воопшто и не е важно. Google во обид да не ја испушти од раце т.н. Creator economy лансира нова апликација која се вика Qaya која има за цел да им ја олесни монетизацијата на се што прават луѓето кои креираат содржина на интернет, да ги наречеме креаторите.

Creators on Qaya sell everything from trapeze workout guides to wellness training videos, photo filters, beat packs, ASMR read-alouds, productivity templates, knitting patterns and much more. We support pay-gated and free products, with tipping, subscription and other monetization types coming soon

И пред самиот крај на овој преглед, и екстра линковите подолу, ако не сте го гледале трејлерот за видео играта базирана на новиот Матрикс, напревете го тоа сега. Првите 3-4 минути пред да започне самата игра се предобри!

Бонус линкови

• TikTok Adds New Creative Tools for the Holidays, including GIFs in Green Screen Mode
• Facebook Announces New Comment Moderation and Support Features, Including Live Chat for Some Account Issues
• The 2022 Instagram Trend Report

Толку за овој #ПрегледВоПеток, мој последен за оваа година. Ако не ме прочиташ на некое друго место или друга објава, да речеме следниот #комкаст, Среќна Нова Година!

Покрај новата епизода на #комкаст скоро сите четива за читање оваа недела гледаат малку подалеку од сегашноста, далеку од нас, односно во работите што за некоја недела ќе ги наполнат листите со трендови за 2022 година. Ама ајде по ред, прво од она што ни е познато..

#комкаст на тема дигитална трансформација

По којзнае кој пат оваа недела куцам дигитална трансформација, ама таков си е редот, за убаво е. По најавата на почетокот на неделата и првата епизода објавена вчера еве ветувам дека неколку дена нема да куцам на оваа тема… Ама само да ви кажам дека #комкаст продолжува овој пат во партнерство со А1 Македонија и тоа со 10-тина нови епизоди посветени на теми поврзани со дигитална трансфорамција. ОК доста е… кликај!

It.mk со претплата

Не знам дали е многу ново или јас сега забележав, ама честитки од мене до тимот кој стои за ит.мк, супер потег, конечно некој да се охрабри да испроба претплата нешто што е веќе нормално во светот на дигиталните медиуми низ светот последните 3-4-5 години. Немам многу детали освен она што јавно може да се види, ама ветувам дека наскоро, кога ќе потсоберат малку повеќе податоци и искуство, ќе има или епизода на #комкаст со Дамјан или некој друг од таму, или барем некое подолго интервју тука на блогов. Сега за сега, само пофалби, честитки и желба за успех.

Web 3.0 и The Metaverse

Сите ние кои се сеќаваме дека пред social media имаше нешто што го викавме web 2.0 нема толку многу да се радуваме на web 3.0 затоа што знаеме дека тоа му е само преодно име, а преодот може да биде токму во метаверс, или како и да се преведува тој збор на наш јазик. Како и да е, нашиот драг пријател David Armano има добар текст кој може да не воведе во темите и да ни помогне да сфатиме зошто ова се buzz термини што ќе се повторуваат каде треба и каде не треба во 2022.

Society is already grappling with a pace of change that technology advances upon our human brains which struggle to process. Sure, there will be people who make the case that the metaverse is safer in many ways than the real world. For example, there were no fatalities when Travis Scott hosted a metaverse event in the virtual world of Fortnite. But as we’ve seen in places like Myanmar, Ethiopia, and in the hearts and minds of both adolescents and adults—what happens in the metaverse, doesn’t always stay in the metaverse.

No-code алатките се иднината на визулената уметност

Иднината на т.н. creator economy ќе биде под големо влијание на алатките со чија помош значително се оелснува креирањето на визуелна содржина. Овие алатки ги елиминираат потребите од познавање на сложени програмски јазици и стануваат достапни за уметниците. Abigail Hunter-Syed, Partner од LDV Capital во својот текст објавен на Venture Beat разгледува некои нивни последни истражувања кои навлегуваат подлабоко токму во овој тренд.

Не би рекол храбро, само можеби малку пооптимистички, но според него во иднина ќе има многу повеќе лајв стримови, уште повеќе фотошоп, cgi и сл. специјални ефекти, анимирани видеа со помош на вештачка интелигенција, гејмифицирана содржина, и секако нови дигитални „суштества” да не речам битија. Не така далечно, а фино да се прочита: Deep tech, no-code tools will help future artists make better visual content

Играј Pokemon Go и заработувај биткоини

Добро не е баш Pokemon Gо туку се вика Fold AR ама е направена од истата компанија која ја прави и Pokemon Go, Niantic. За оваа игра компнијата соработува со финансикста компанија Fold се со цел да ја направи поактуелна ама и попривлечна. А како да не е привлечна кога сега во играта може да заработувате биткоини.

Разликата е што тука наместо да собирате монстерчиња, механиката на играта вклучува наоѓање на коцки со бинарни кодови кои ги редите нешто налик на Minecraft се додека не ја откријат наградата што ја кријат во себе. Слична но и по многу други детали доста различна. Ако биде популарна барем дел од она што беше Pokemon Go, вреди да се следи уште сега.

TikTok ги ангажира BuzzFeed

За прв пат од своето постоење TikTok соработува со медиум со цел креирање оригинлна содржина за неговата плаформа. И тој прв пат ни по малку ни повеќе е со buzzFeed. Договорт ќе трае една година, и ќе се однесува на креирање на оригинална видео содржина која стартува со серија видеа “I Made This”.

Spotify го замени shuffle копчето на албумите

И за крај, веста на неделата! Благодарение на Adele, ние старошколските слушачи на мзика кој сепак не користиме вокмен туку Spotify ќе го имаме на едек клик задоволството да слушаме албум како што и се слуша албум, по ред! Од сам старт кога почнав да користам Spotify ужасно ме нервираше што дури и на албум најголемото зелено копче беше shuffle а не play. Ми има логика на плејлисти особено оние кои автоматски ги генерира сервисот, ама на албум никако. Благодариме Adele, продолжи така и брани ја честа на историјата кога не се вадеа само синглови туку се снимаа албуми со концепт.

Што зарем не го изгледа/преслуша послендиот #комкат? Еве ти и тука видео…

Бонус линкови

• The all-new marketer’s playbook for delivering performance and privacy
• Мода за слободни умови: Непристрасните информации никогаш не изгледале толку добро
• Are AirPods Out? Why Cool Kids Are Wearing Wired Headphones
• TIME’s Top 100 Photos of 2021

До следното читање…

Еве веќе цела недела живееме со Мета, и освен стандардните багови кои ги имаше и претходно и различните реклами за бизис понудите на компанијата нема баш некои значителни промени… може да се посветиме на други теми, така? Ајде, време е за утрински #ПрегледВоПеток ….

10 милијарди загуба по рестрикциите на Apple во политиките за следење

Snapchat, Facebook, Twitter, и YouTube, сите претрпуваат загуби поради новите политики со кои Apple врши рестрикции во поглед на споделување и достапност на личните податоци и навики за користење на апликациите во рамки на iOS оперативниот систем.

Анализата и проценката ја направиле Financial Times и според неа, некако очекувано, најголем удар односно загуба има претрпено Facebook.

Coca-Cola го намалува бројот на агенции ширум светот

Одамна не сме ги спомнале во прегледов, а во минатото тоа беше неофицијално задача на Наташа, ама еве сега мене ми се падна.

Се очекува наскоро Cocа-Cola да го смени својот стратешки пристап и да го скрати бројот на агенции со кои соработува низ целиот свет. Во моментов тие имаат договори со 4 големи холдинг компании од оваа индустрија и стотици помали креативни и друг тип агенции.

На сите ни е јасно дека овој потег може да предизвика тренд, но и сам по себе ќе донесе тектонски промени во целокупната индустрија. Веќе некое време се дискутира во нивните редови дека големиот број на соработници станува тежок модел за управување а од друга страна компанијата бележи надолен тренд во поглед на својот профит.

Дали ова значи дека долгорочно Coca-Cola ќе го изгуби приматот да биде репер во маркетинг индустријата?

Pinterest TV – шопинг видеа

Кога некој ќе спомне шопинг видео на што прво ти текнува? Признај? Топшоп нели? Не следиме редовно што прави Pinterest во овој преглед, ама овој потег може да не е толку важен сам по себе за Pinterest колку што е одраз на јасното трасирање на трнедовите во насока на развој на social commerce.

Откако јасно и гласно и TikTok и Instagram се обидуваат да влезат повеќе во овој сегмент, Pinterest кој во некои сегменти веќе е пред нив во овој поглед, реши да тестира нов тип содржина.

Имено, тие започнаа соработка со некои од своите топ креатори на содржина и им помагаат да снимат 30 минутни видеа на повеќе различни теми, кои ќе се емитуваат од 8 овој мсец. Покрај различниот пристап во креирањето соржина, вменатите реклами се спомнува и видео со опции за чет – Pinterest TV

According to Pinterest’s call to action, these shows will be 30 minutes in length and will include a 10-30 minute pre-production call with Pinterest’s team and AV tech check.

The idea, Pinterest explains, is to create a new way for its users to become inspired — instead of just browsing images for products and ideas, as before, Pinterest TV allows the company to move further into video and the creator economy.

Instagram додаде нова интеракција во „сторис”

Ха, по којзнае кој пат сервисите си се копираат меѓу себе. Сега на ред е повтoрно Instagram да земе нешто од TikTok. „Add Yours” се вика новиот стикер кој може да го закачиш на своето стори и со тоа да и овозможиш на твојата публика да закачи своја содржина на твоето стори.

Јас одма гледам употребна функција на овој нов стикер кај брендовите кои долго време зависат од интеракција во директни пораки на Instagram. Ова делува потранспарентно, повеќе ќе инспирира други да се вклучат, и во крајна линија публиката повеќе време ќе се задржи во твоето стори… што има тука да не се сака…

Бонус линкови

• The Golden Ratio and User-Interface Design
• Facebook Adds New Certificate Courses in Marketing Analytics and AR Creation
• EmbedSocial Forms Builder

Толку за овој преглед, ако го скокна видеото на Јакоб, немој! Кликни го и нека те чека викендов во некој друг таб за гледање. Убав викенд!