Posts by Дарко Булдиоски

113 #ПрегледВоПеток

Гужва, завршува и оваа каква-таква година, традиционално празнично секој брза, гледа да заврши повеќе и да дотроши тоа што било планирано или останало за трошење. Што е тука е, се надеваме дека 2021 ќе донесе некоја промена на подобро.. во меѓувреме…

Oxford – зборови на годината

И покрај тоа што Oxford периодов нè асоцира на нешто друго, сепак овој преглед го отвораме со јазичарите од Oxford, тоа се оние кои го креираат познатиот речник. Секоја година тие бираат по еден збор кој го прогласуваат како збор на годината. Оваа не можеле да се одлучат за еден па прогласија неколку:

The pandemic, racial unrest and natural disasters shaped the English language in countless ways in 2020. So Oxford opted to highlight dozens of terms, including “Black Lives Matter,” “Blursday,” “coronavirus,” “lockdown,” “social distancing” and “systemic racism.”

Мене омилен ми е Blursday, другите ми се, онака, лесен избор. Наша среќа е што имаме преглед во петок па некако може да ги пофатиме деновите 🙂

Pantone боја на годината

Кога сме веќе кај изборите на годината, Pantone исто така не можеле да се одлучат за една боја која ќе биде боја за 2021, па избрале две. Изгледа оваа 2020 само ја разбуди нодлучноста кај сите нас. PANTONE 17-5104 Ultimate Gray + PANTONE 13-0647 Illuminating. Или со наши зборови жолта и сива. Убаво изгледаат во комбинација нема тука двојба. Pantone велат дека комбинацијата претставува порака за сила и надеж која воедно влијае на истрајноста и расположението. Секако подтекст и тука е Ковид-19.

ЕУ најави нов закон за регулација на големите tеch гиганти

Европа секогаш е чекор пред Америка кога станува збор за регулирање на пазарот, особено во делот кога станува збор за употребата на лични податоци и монополизација. Иако и американците се пред сè поизвесен чин дека регулација ќе има и кај нив, ЕУ веќе јасно покажува дека нема да потпадне под влијане на лобирањето и дека ќе се погржи големите технолошки гиганти да не можат така лесно да ја злоупотребуваат и доградуваат својата доминантна позиција.

The Digital Services Act, due to be presented in early December, is expected to overhaul the management of content on platforms like Google and Facebook and is the first of its kind since 2000. Broadly, the EU wants to make tech giants more responsible for the content on their platforms, and to ensure that competitors have a fair chance to succeed against the big firms.

Револуционерноста во новите правила е всушност пренесувањето на одговорноста кај сервисите за сета содржина која таму може да се најде.

Airbnb.ORG

Како следен чекор во развојот на програмите и активностите кои Airbnb ги презема од почетокот на кризата оваа година, изминатава недела објави посебен дел од својот сервис наменет токму да помогне на оние кои се најважни. На овој дел од сервисот ќе може да се понуди бесплатно сместување или помош. Од компанијата соопштуваат дека Airbnb.org е спој на нивната долгогодишна платформа OpenHomes и последните активности поврзани со Ковид-19.

Ова се случува непосредно пред официјалното излегување на Airbnb на берзата.

Apple AirPods Max

Големи се, убави се. Apple викаат дека се мноооогу добри… иновативни и сл. Во боја се. Се врзуват во вашиот Apple систем ептен лесно… и… и чинат $549. Толку.

Збогум Adobe Flash

Ееее и ти не беше свесен дека уште постои? И јас :). Ама ете 2021 конечно нема да го има… Adobe го објави последниот апдејт и конечно рече: Adobe will stop supporting Flash on December 31st, 2020, and it will block Flash content from running on January 12th, 2021.

Не верувам, ама ете, проверете да не случајно некаде имате Flash па со време да го тргнете. Никогаш не сум бил фан на Flash, и немам некои посебни емоции врзани за него, ама ете… си оди во историјата, ред е да му оддадеме малку почит.

Marketoonist on Instagram

Бонус линкови

Убав викенд друштво, се читаме во следниот преглед во петок.

#комкаст 89 – За chat commerce, black friday и многу повеќе со Ана Георгиеска

Во новата, 89-та епизода по ред на #комкаст разговарам со Ана Г. од Студио модерна, компанијата која стои за брендовите како што се Топ Шоп, Дормео, Делимано, Homeology и други.

Со Ана разговараме за почетоците на нивната компанија во полето на дигитален маркетинг, за фокусот на содржина и секако за мерење на продажбата. Зборувавме за улогата и ефективноста на различните дигитални канали, за продажбата во директна комуникација, преку пораки во чет, за стримањето во живо но, на кратко продискутиравме и за сличностите и разликите на нашиот пазар со останатите во регионот.

Слушајте ја новата епизода претплатете се или заследете не на некој од следниве аудио стриминг сервиси:

iTunes: https://apple.co/31TUeXw
Spotify: https://spoti.fi/3oHztZ4
Google Podcasts: https://bit.ly/3kEqkxK
Anchor.fm: https://anchor.fm/komkast

Слушнете го аудиото тука:

Или погледнете го видео записот:

Се разбира може да се „сабскрајбнете” на YouTube каналот: https://bit.ly/3oGjbQ7

Содржина:
00:00 – За почетоците
04:10 – Улогата на содржината во маркетингот
10:20 – Канали за комуникација
14:35 – Chat Commerce
22:00 – Black Friday и display рекламирање
28:35 – За растот и развојот на пазарот
35:32 – Live streaming
44:00 – Сличности со другите пазари

#комкаст 88 – За UX и UI, со Јане Наумоски – Mufix

Веќе некое време тема во која со големо задоволство се задлабочувам е UX, поточно корисничко искуство, уште поточно… бихевиорални промени на однесување. Или ако до крај веќе одиме со кратенкиве тргнуваме од UX преку UI за да ја видиме големата слика или CX 😉

И покрај тоа што UX најчесто тесно се поврзува со (графички) дизајн, сметам дека темата е далеку повеќе од тоа, и заслужува да дискутираме повторно и повеќе. Ама, од некаде мора да се почне, па затоа во оваа епизода по површината на темата почнавме да гребеме со Јане Наумоски, инаку стар пријател на #комкаст.

Разговараме за основите на UX, што е UX а што IU, што е потребно да знаеш и да учиш за да можеш свесно да размислуваш на темава и како да напредуваш. Неколку интересни линкови на темата споделувам најдолу…

Слушајте ја новата епизода претплатете се или заследете не на некој од следниве аудио стриминг сервиси:

iTunes: https://apple.co/31TUeXw
Spotify: https://spoti.fi/3oHztZ4
Google Podcasts: https://bit.ly/3kEqkxK
Anchor.fm: https://anchor.fm/komkast

Слушнете го аудиото тука:

Или погледнете го видео записот:

Се разбира може да се „сабскрајбнете” на YouTube каналот: https://bit.ly/3oGjbQ7

UX – user experience – корисничко искуство
UI – user interface – кориснички интерфејс
CX – customer experience – (вкупно) искуство на купувач/клиент?!?

Корисни линкови:

#комкаст 87 – За YouTube, ама сериозно, со Иван Ајнштајн

Во оваа епизода, и покрај сите технички проблеми кои ни се случија, успеавме да уживаме во муабетот, со Иван разговаравме за YouTube.

Дискутираме за локалната YouTube сцена, за заработката на јутјуберите, за квалитетот на содржината, за глобалните трендови и за уметноста наречена YouTube „едитирање”.

Слушајте ја новата епизода и претплатете се или заследете не на некој од следниве аудио стриминг сервиси:

iTunes: https://apple.co/31TUeXw
Spotify: https://spoti.fi/3oHztZ4
Google Podcasts: https://bit.ly/3kEqkxK
Anchor.fm: https://anchor.fm/komkast

Слушнете го аудиото тука:

Или погледнете го видео записот:

Се разбира може да се „сабскрајбнете” на YouTube каналот: https://bit.ly/3oGjbQ7

#комкаст 86 – Како да направите поткаст!

Оваа недела решивме малку да експериментираме. Снимивме малку поразличен #комкаст. Ако ви се допадна и ако сакате да има ваков тип на епизоди почесто, пишете ни некаде… да знаеме и да си планираме 🙂

Затоа што и во првата епизода од овој камбек и особено во втората се фокусиравме на аудио формата и ја фавороизравме неа, оваа епизода продолжуваме онаму каде можеби застанавме со Мите. Ова епизода јас зборувам: Како да напрaвите поткаст.

Слушајте ја новата епизода и претплатете се или заследете не на некој од следниве аудио стриминг сервиси:

iTunes: https://apple.co/31TUeXw
Spotify: https://spoti.fi/3oHztZ4
Google Podcasts: https://bit.ly/3kEqkxK
Anchor.fm: https://anchor.fm/komkast

Слушнете го аудиото тука

Или погледнете го видео записот:

Се разбира може да се „сабскрајбенете” на YouTube каналот: https://bit.ly/3oGjbQ7

Корисни линкови за секој од деловите во епизодата:

1. Планирање на поткаст

How to Start a Podcast – thepodcasthost.com
Starting Your Podcast: A Guide For Students – NPR
How To Start A Podcast – podcastinsights.com

2. Снимање и едитирање на поткаст

Audacity – Free, open source, cross-platform audio software
Rode smartLav+ – Lavalier microphone for smartphones
Dual Lavalier Microphone – performwireless.com
Razer Seiren X Streaming – Anhoch.com
Anchor App – iTunes, Google Play

3. Објава и дистрибуција на поткаст

Anchor.fm – The easiest way to make a podcast
PowerPress WordPress Plugin -blubrry.com
31 Best Podcast Hosting Sites – podcastinsights.com

108 #ПрегледВоПеток

Редот со #ПрегледВоПеток си го имаме одамна и горди сме на него, ама сега го фаќаме и редот со #комкаст, па по епизодата со Сеад во која зборуваме за The Social Dilemma, оваа недела се враќаме назад со Мите да го до заокружиме муабетот за подкасти кој го започнавме минатата година. Сега со истражување пред себе ги демистифицираме навиките на локалната публика кога станува збор за овој медиумски формат.

А сега, да се фрлиме на прегледот…

Apple прави пребарувач

Само насловот да се прочита и одма се развива бујна фантазија за свет во кој Google Search не доминира како што сега доминира… не звучи лошо… Борбите и напорите да се одржи доминантна позоција на пазарот секогаш се паралелно проследени со борби со законите за докажување на не-монополската позиција.

И покрај тоа што Apple инкасира огромна сума од Google за неговиот пребарувач да биде „дифолтен” на iOS, сепак под закана за сузбивање на таквата доминација и трговија, има индикатори дека Apple се подготвува да реагира соодветно кога тој ден ќе дојде и ќе треба му ја смени позицијата на Google Seaarch на своите телефони. Apple има добри карти во рака за да го изигра овој потег, ќе видиме како ќе ги изигра.

Која е тајната на TikTok?

Среќа гласовите од изборите во Америка уште се пребројуваат па може малку на раат да читаме зошто TikTok го постигнува успехот кој го сведочиме со месеци и како неговиот пристап е различен од се што сме виделе до сега. Тајната е во инстантниот пристап до голема, масовна публика. Сега ќе мора со Мите и Сеад да снимиме продолжеток на оваа легендарна епизода на нашиот #комкаст: #комкаст 42 – Facebook е новата телевизија

TikTok represents a departure from older social media platforms that were designed to distribute content more narrowly, to a limited group based on community, geography, or shared interests. And, while entirely different in tone and structure, TikTok is not unlike traditional broadcast media outlets that are also made to widely distribute content to compete for the largest possible audience

How TikTok’s unique mix of social and broadcast media techniques sets it apart

Instagram сака да ни го подзачисти сандачето

Добро, знаеме дека Instagram е сега коњот за трки на Facebook па логично е да очекуваме и најмногу тестови и промени таму… еве уште една. Имено, се тестира опција со која реакциите кои сега ги добиваме на story нема да влегуваат во приватните пораки туку ќе се прикажуваат на самата објава… Малку го крати его трипот ама ОК, можам да ги замислам појаките акаунти колку се затрупани од вакви реакции, па нив веројатно супер ќе им дојде нешто вакви.

Третата конференција за е-трговија 

На почетокот на ова недела најавено беше и третото издание на годишната конференција посветена на е-трговија организирана од страна на Асоцијацијата за е-трговија во Македонија -АЕТМ.

Според организаторите, таа има за цел да го разоткрие и пренесе потенцијалот на е-трговијата, особено во време на глобална пандемија. Знаејќи дека промените се тешки, но неизбежни за раст и развој, со насловот „E-трговија & COVID-19: Предизвиците и можностите!“ ќе ги опфати најактуелните теми како: адаптацијата кон е-трговијата за време на ковид-19, искуството на е-купувачите, нивната безбедност и можностите кои ги пружа меѓуграничната е-трговија. Овие теми ќе бидат разработени заедно со над 20 домашни и меѓународни говорници и експерти во своите полиња.

Настанот, секако ќе се одвива онлајн, а јас лично, ќе видат модератор на првиот панелот на првиот ден. Настанот ќе се случува на 25 и 26 ноември.

Не заборавајте да ги кликнете бонус линковите, иако не ги издвојуваме нив со текст горе, вредат. Верувајте ми.

Бонус линкови

Се читаме следната недела… убав викенд!

#комкаст 85 – Истражување: Поткасти со Мите Кузевски

Скоро една година подоцна, повторно дискутираме со Мите за поткастите како медиумски формат. Овој пат Мите дојде со истражување спроведено на нашиот пазар.

Во епизодата ги дискутираме резултатите од истражувањето, анализираме можности и простор за напредок на поткаст културата во Македонија. 

Дел од (клучните) наоди на истражувањето кои ги дискутираме со Мите се на крајот на оваа објава.

Слушајте ја новата епизода и претплатете се или заследете не на некој од следниве аудио стриминг сервиси:

iTunes: https://apple.co/31TUeXw
Spotify: https://spoti.fi/3oHztZ4
Google Podcasts: https://bit.ly/3kEqkxK
Anchor.fm: https://anchor.fm/komkast

Слушнете го аудиото тука

Или погледнете го видео записот тука:

И се разбира може да се „сабскрајбенете” на нашиот
YouTube канал: https://bit.ly/3oGjbQ7

Ако имаш поткаст или знаеш некој за кој ние не сме свесни, па макар бил и само YouTube или FB видео, сподели го веднаш. 

Истражување на тема Поткаст на корисници на јавен градски превоз

  • 25% од испитаниците одговориле дека се запознаени со терминот Поткаст. Високи 75% одговориле негативно.
  • 66% од испитаниците што се запознаени со терминот одговориле дека слушаат поткаст.
  • Информирањето е главна причина за слушање поткаст, а само 18% од испитаниците слушаат македонски поткасти.
  • Повеќе од половина испитаници (65%) најчесто слушаат поткаст додека се дома.
  • Најголем процент од испитаниците (71%) одговориле дека епизодите најчесто ги слушаат до самиот крај.

– Спроведено во месец мај, 2020 година во Скопје од страна на Агенција Рејтинг

#комкаст 84 – The Social Dilemma со Сеад Џигал

Крајно време беше да се вратиме во некој соодветен ритам со нашиот #комкаст. Стартуваме нова серија која веќе нема да ја именуваме како сезона 2, 3, 4 или сл. Едноставно ги преброивме сите до сега објави, почнувајќи од првата во далечната 2011 година и продолжуваме со засилено темпо.

Се враќаме повторно со видео но сега и покрај тоа што имаме видео, ќе се обидеме да ве натераме повеќе да нè слушате аудио, не затоа што не сме многу убави… а не сме многу… туку затоа што е попрактично, подобро и посоодветно за ваков тип содржина.

Па така сега може да нè слушате на некој од следниве сервиси:

iTunes: https://apple.co/31TUeXw
Spotify: https://spoti.fi/3oHztZ4
Google Podcasts: https://bit.ly/3kEqkxK
Anchor.fm: https://anchor.fm/komkast
RSS Audio Feed: https://bit.ly/3eanQVx

И се разбира може да се „сабскрајбенете” на нашиот
YouTube канал: https://bit.ly/3oGjbQ7

Толку вовед. Време е за супер муабет. А со кого да се отвори муабет на тешка тема ако не со Сеад. Во новава епизода дискутираме за дилемите и дискусиите кои ги отвори документарниот филм The Social Dilemma оригинално објавен на Netflix. Тема на дискусија е самиот документарен филм, критиките кои иницијално ги доби и секако критиките на критиките. Нормално не издржавме и се обидовме да извлечеме на крај и наши пораки и препораки и заклучоци.

Ако си за слушање, еве аудио…

Ако си за гледање, еве и видео…

104 #ПрегледВоПеток

Еве не стигнавме до уште еден петок, еден од последните кој ни доаѓа пред викенд во кој може да се направи ајвар. Ако не си ја завршил таа работа, прочитај го прегледов и веднаш на правење ајвар, да не биде доцна после. 🙂

Tesla го укина PR одделот

Првиот линк за денес е за Tesla, да, онаа на Elon Mask. Не сум сигурен дали до сега сме ги спомнале во изминатите прегледи, но сега навистина има интересна причина.

Имено, без многу големо кревање галама Tesla одлучиле дека, пред се во Америка, нема да имаат вработени одговорни за комуникација со медиуми. Со други зборови немаат PR тим. Еден по еден вработените од овој оддел или си заминувале или добивале нови позиции и пред кратко време оваа одлука ја објави и потврди Electrek.co.

Tesla традиционално не беше милениче на медиумите, и до некаде може да се разбере овој нивни потег, но каков резултат ќе даде, ќе треба да следиме и да видиме.

Instagram слави 10 години

Еееее како да беше вчера кога апликацијата ја имаа само избраните, корисниците на iPhone. Кога ќе размисли човек 10 години не се воопшто малку во овој дигитален свет, ама па и кога ќе размислиме дека и Instagram доживеа доста промени и надградувања… некако се си е на место.

Се сеќавам на првиот #instameet во Зоолошката градина во Скопје, и најавата на #letogram на ONE Telecom следниот ден. Тоа беше само една недела по лансирањето на Instagram за Android телефоните. Па #instawalk низ чаршија… па #ФотоНаНеделата и #Инстаграмџии. Убави времиња беа тоа, не дека сега не се убави… сега си имаме инфлуенсери кои доминираат и милион опции за нарачка во DM 😉

Мојата носталгија на страна, Social Media Today имаат убав инфографик каде хронолошки ги одбележуваат важните делови од историјата на оваа апликација. Вреди да се потсети човек.

Бот одговарал на прашања на Reddit без да биде откриен

О не, не мислам на оние човечките ботови, кои се лепат на зададени теми и може да ти го уништат денот. Не мислам ни на пасионираните вљубеници во Reddit. Тука станува збор за вистински бот, придвижен од GPT-3 јазичниот модел за кој пред неколку месеци MIT се изјасниле дека е изненадувачки добар. На страна техничкото мамбо-џамбо, деталите од оваа ситуација се навистина интересни: GPT-3 Bot Posed as a Human on AskReddit for a Week

Telepath – нова „добра” социјална мрежа

Уф колку грдо ми звучи она социјална мрежа горе, ама ете заради општа препознатливост на терминот ќе го искористам. Веста е дека имаме уште еден обид да се направи нов сервис за вмрежување, се вика Telepath, каде фокусот ќе биде на само добра содржина. Деталите се тука: A new social-media platform wants to enforce “kindness.” Can that ever work?

Она што мене ми се виде интересно е фактот дека модерацијата во западниот свет стана толку нормална работа што еве сега имаме и цел нов сервис кој се базира токму на модерација (да не речам цензура) како најсилна страна. Како да беше до вчера кога ги осудуваа општествата каде се вршеше строга контрола на содржините… Хмм. Секако, Telepath доаѓа од Америка, инаку немаше да привлече внимание.

Бонус линкови

Marketoonist on Instagram

Не заборавајте да ни пишете дали ви се погоди ајварот 😉

100 #ПрегледВоПеток

Стигнавме до 100 #ПрегледВоПеток. Кој примети, примети. Кој не, срам да му е. Ја скокнавме минатата недела затоа што не успеавме да се организираме за јубилејов. Затоа сега сме тука и нема скокање петоци.

Овој преглед го започнавме пред 3 години. Поради редовната пракса да следиме новитети и споделуваме линкови, плус инспирирани од некои други слични вакви прегледи, решивме повторно организирано да споделуваме и ние. За нас ова е одржување на кондиција, дисциплина и секако приказ на тоа што читаме и како размислуваме во @NewMediaMK. Јас како иницијатор на целата приказна денес сум особено горд што прегледот си тече, им значи на луѓето во нашата агенција и најважно од сè, си има своја посветена публика, баш како што блогов си има и си имаше во времето кога беше поактивен.

Торта има денес, не гарантираме дека ќе трае до понеделник. Ако сакате да го вкусите прегледот, бујрум!

Да не мислевте нема линкови да споделиме денес? Таман работа… Ајде.

TikTok, пак!

И додека чекаме да се одлучи Трамп кој ќе биде финалниот датум за конечната разрешница за иднината на TikTok во Америка, ByteDance се трудат максимално да ги освојат симпатиите на медиумите и законодавците затоа што корисниците веќе одамна ги освојуваат со рекордна брзина. Изминативе денови тие креираа виртуелен центар за транспарентност и поканија група новинари на кои им ги објаснија начините на кои функционира ForYou секцијата на нивната исклучително „заразна” апликација.

Нема да прераскажувам, клик: Inside TikTok’s killer algorithm

Eventually the transparency center will be a physical location that invited guests can visit, likely both in Los Angeles and in Washington, DC. The tour will include some novel hands-on activities, such as using the company’s moderation software, called Task Crowdsourcing System, to evaluate dummy posts. Some visitors will also be able to examine the app’s source code directly, TikTok says.

LA28

Интересен пристап избра организаторот на летните олимписки игри во 2028 година, градот Лос Ангелес. Тие решија како дел од дизајнерскиот тим задолжен за логото да вклучат спортисти и познати личности од LA кои воопшто не се дизајнери. Секој од нив, вклучувајќи го и рекордерот Michael Jonson и пејачката Billie Eilish и многу други. Секој од нив го дизајнирал своето A во LA, секој со своја приказна, лична и LA поврзана. Мене ми се допадна концептот, не толку многу дизајните 😀

LinkedIn со нови функции за компаниските страници

Ако сте фанови на LinkedIn и ако се фрустрирате што присуството во име на компанија не е толку корисно таму, еве добра вест. Сервисот додава три нови функции кои треба да ја олеснат и зголемат употребата на компаниските страници. Сега ќе може да ги видите сите кои кликнале да ја следат вашата компанија, да се дружите повеќе со вашите колеги и да „закачите” настани.

Интернет страниците се успоруваат

По којзнае кој пат, сега уште еднаш поддржано со емпириски податоци, се отвора дискусијата дали и покрај значително поголемите интернет брзини, вчитувањето на веб странците денес е поспоро. Еве ги деталите: Is the web getting slower? А еве го и заклучокот.

Websites today run more code and are multiple times larger than websites 10 years ago. Still, I don’t think the mobile web – as experienced by users – has become slower overall.

At the same time, a lot more people now experience the mobile web. This will drag down the overall experience people have with web performance.

SoMo Borac – online edition

Најважната регионална „digital” награда SoMo Borac оваа година нема да се одвива во рамките на Weekend Media Festival во Ровињ како што тоа се случуваше изминативе години, туку ќе биде организиран како онлајн настан. Пријавите се отворени, датумите прилагодени и цените намалени. Спремете ги пријавите и докажете се!

Бонус линкови

View this post on Instagram

“Rise of the Customer Service Bots” – new cartoon and post about the importance of the human factor in customer experience https://marketoonist.com/2020/08/customer-service-bots.html #marketing #cx #cartoon #marketoon This cartoon is dedicated to Comcast, the most recent company to show me how far we have to go before we reach conversational AI that can come close to a human voice. The only thing worse than the Comcast customer service bot that greeted me when trying to resolve a technical issue was having to have identical conversations with the same bot each additional time I had to call back. The human operators I finally reached (who were all incredibly helpful) eventually coached me on the quickest way to get past the bot the next time. It struck me that all the lip service around Customer Experience often overlooks the human factor. Customer service is every bit a part of marketing as any other tactic. And yet, it’s often measured more by operational efficiency than by creating customer value. “By 2025, AI will power 95% of all customer interaction, including live telephone and online conversations that will leave customers unable to ‘spot the bot,’” a CX technology company named Servion said in a typical industry prediction recently. McKinsey found that 57% of customer-care execs consider call reduction their “number-one priority” for the next five years, investing in technology to prevent the need to talk to a human through websites, chat bots, apps, and AI robots that can simulate human conversations. And yet McKinsey cautioned businesses not to let customer service take a back seat to technology. They wrote that “the human factor in the call center remained vital … underscoring the importance of choosing the right balance of human interaction and automation and the need for continued focus on core call-center operations.” In the stampede toward digital transformation, don’t forget the power of human interaction.

A post shared by Tom Fishburne (@marketoonist) on

Marketoonist on Instagram

Се гледаме на торта!

95 #ПрегледВоПеток

Горештини, класика за периодов од годинава, ама не се откажуваме. Петок си е за #ПрегледВоПеток 🙂

Работа од дома – Dell

Да си се пофалиме малку, во име на клиент. Ретко го правиме ова, ама верувам нема да ни замерите сега.

Како што светот сè уште се бори со Ковид-19 пандемијата, така компаниите се принудени да им овозможат на своите вработени да работат од дома, што директно влијае врз континуитетот во работата на компанијата. Затоа со Макпетрол Центар Dell подготвивме е-книга со совети како ефективно да работите од дома.

Треба да пополните мала анкета за вашата компанија и да си ја добиете книгата. Резултатите од анкетата ќе бидат јавно споделени на крај, секако.

Ново нормално? Ново Што?

Поминаа прв, втор, трет… колку сакате броите бранови откако започна глобалната пандемија. Се уплашивме, па се опуштивме, па се менуваме, па сеедно ни е… Се и сешто се случи и се случува. Па нормално е и да се демистифицира и т.н. ново нормaлно.

Минататa недела, конечно, го најдов (бесплатно достапен) текстот на Mark Ritson: The ‘new normal’ is just another bullshit line marketers have swallowed каде преку одличниот пример за The dunk in the dark твитот на Oreo појаснува дека The New Normal е само уште еден обид на маркетерите да преувеличат нешто…

Ако ова не ви доволно за да ја занишате теоријата за новото нормално, Scott Boom Morrison има малку помотивирачки пристап за да каже: There is no ‘new normal’

Facebook + проверка на факти

Facebook подолго време отвори можност за соработка со локални организации и институции низ целиот свет кои се занимаваат со проверка на факти. Тие бараа партнери на локално ниво кои ќе им помогнат во справувањето со лажни вести кои се споделуваат на нивниот сајт. И по педесетина организации низ целиот свет, сега имаат и партнер во Македонија. Метаморфозис, организацијатa која стои за проектите Проверка на факти и Вистиномер сега е официјален партнер за нашата држава.

Кога проверувачот на факти ја рангира веста како лажна, Фејсбук ја прикажува подолу во „Новости (News Feed)“, со што значително се намалува нејзиното понатамошно ширење. 

Колку ефективно ќе функционира ова, и дали ќе се измеша, како и секогаш, политика во него, останува да видиме.

Facebook тестира нов изглед на страниците

Со сите хаварии кои му се случуваат деновиве, не ни заслужува да биде толку често спомнуван ама ете… Facebook во дел од веста наведува дека новиот дизајн ќе бил полесен за администраторите и ќе го тргнел бројот на фанови на страниците. Па можеби поради ова вреди да се спомне. Ќе видиме.

Pinterest – Make a Statement Mask challenge

Да се надеваме дека конечно „гивавеј” ќе отиде во историјата и дека „челинџ” ќе биде новата ултра мега гига… популарна активност. Не дека е невидена и дека не е користена, ама ете се враќа назад под влијание на TikTok, претпоставувам. Во последната интересна „итерација” Pinterest се обидува да ги натера американците да носта маски:

Pinterest teamed up with some of the top creators on its platform on the Make a Statement Mask challenge, in collaboration with 72andSunny, aimed at encouraging Pinners to wear face masks during the coronavirus pandemic by turning those masks into vehicles of self-expression.

Јас тука само можам да ги препорачам и банданите на нашиот драг Dreadpen.

TikTok – понуда за брендови и борба за Америка

TikTok ова недела малку беше засенет од големата четворка која беше на сослушување пред сенатот во Америка, но тоа не значи дека не е активен. Една фина вест е дека во понудата за брендови додадоа: Gamified Brand Effect, но вистинската интересна вест е понудата да вработат 10.000 американци и да дадат пристап до алгоритамот по кој се прикажуваат содржините на нивната апликација. Вакво нешто се обидуваа законодавните власти во Америка да им наметнат на голем број од сервисите кои ги користиме секој ден, но прв сега TikTok сам вели дека е подготвен да го направи тоа. Јасно е дека борбата е тешка, а американскиот пазар ако го немаш, џабе везеш.

Бонус линкови

Убав продолжен, празничен викенд се читаме следниот петок 😉

92 #ПрегледВоПеток

Требаше да пишувам преглед минатата недела, ама некако непланирано го заборавив, па Симона улета да ме спаси. Ама нема бегање оваа недела. И се разбира кога јас пишувам преглед (знам дека нема име горе на авторот и мора да скролнеш долу, ама работиме не редизајн на блогот, ќе гледаме да ја смениме и таа неправда 😉 значи, јас кога пишувам темите малку повеќе натежнуваат на страната на медиумите на сметка на маркетинг.

Ајде, читај и кликај.

Instagram на пат да го помине Twitter како извор за вести

Според податоците до кои дошле Reuters Digital News Report трендот на користење на Instagram за информирање на дневно ниво со години расте. И ако се погледне убаво графиконот наскоро може да очекуваме да го претекне Twiiter. Младите корисници до 26 години се клучот за овој тренд. Тие го напуштаат Facebook а во исто време си ја носта културата за повеќе консумирање на визуелна комуникација. Па затоа Instagram е решението. Со оглед на фактот дека на Insta не се клика на линк за да појдеш на инфорамативен сајт, овој тренд може да донесе интересни промени и во тој сегмент. Ќе видиме.

Америка размислува за блокирање на TikTok

Индија веќе го направи тоа, и заедно со TikTok блокираше и еден куп други апликации кои доаѓаат од Кина. Лесно е, само ќе изградиш наратив дека апликациите собираат податоци за корисниците кои потоа ги ставаат на располагање на кинеската влада и одма е полесно да блокираш, или не?

TikTok има директор Американец, тврди дека сите податоци за американските корисници се чуваат на сервери во Америка и дека ги исполнува сите пропишани норми за управување со истите, дополнително тврди дека нема да и ги дава на кинеската влада.

И на малите пилиња на гранка им е јасно дека во тек е специјална војна меѓу Кина и Америка, ама не верувам дека Америка може со кинески методи да ја победи Кина. Како и да е, забавно е да се гледаат демократиите како смислуваат начини да се борат со современите глобални компании, ама сега од другата страна на рингот.

Tinder растура во време на пандемија

По споделување на оваа вест во четот со колегите, следеше скриншот од приватен муабет со роднина од Германија каде се потврдува токму оваа вест. Во време кога, според мене, комплетно погрешно се форсира социјално место физичко дистанцирање, очигледно е дека луѓето си имаат потреби.

Според статистиката на Sensor Tower, компанија која ја следи економијата на апликациите за паметни уреди, изминатиов период Tinder се нашол на трето место, веднаш по TikTok и YouTube а пред Netflix и Disney+. Ок доста е за оваа вест, клик на линкот, за да не забегам јас подлабоко во моите теории зошто е тоа така 😀

Бразил доби закон за лажни вести, експертите се бунат

Во својата четврта верзија закон во Бразил сега и официјално го регулира намерното производство и дистрибуција на лажни вести и клеветничка содржина. Законот меѓу другото им наложува на интернет сервисите да чуваат некои содржини подолго време и да ги направат истите достапни на судот ако има потреба и дополнително бараат сервисите да бараат фото идентификација за да може корисниците да пристапат на своите акаунти.

Експертската заедница и сервисите за проверка на факти истакнуваат дека законот ќе биде контрапродуктивен и дека ќе има повеќе штета од корист.

Не сите медиумски бизнис модели трпат загуби во време на пандемија

Иако периодов е особено тежок за некои индустрии, изгледа дека на прва мисла никогаш не помислуваме на медиумите и новинарите. Тие исто така се под притисок на намалените приходи а секако во исто време се и под притисок за квалитетот на работата која треба секојдневно да ја испорачаат.

The Conversation, австралиски медиум кој комбинира академски истражувачи и новинари во производството на својата содржина, покажува дека нивниот бизнис модел е постабилен од другите во вакви времиња. Имено, тие имаат за цел да ги пренесат научните истражувања до пошироката публика и тоа се докажува како паметен пристап. Интересен модел во секој случај, особено кога локално гледаме како и оние медиуми кои беа повеќе насочени кон професионалност а помалку кон сензационализам, ги менуваат своите уреднички политики. Ама можеби и не е до медиумите, можеби е до донаторите?

Facebook дозволува да се креира публика врз основа на е-commerce активности

Да не мислеше дека овој преглед ќе остане без Facebook? Think again. Еве затоа на кратко, на крај, на англиски: in your Custom Audience options through Facebook Ads Manager, there’s a new option to create a listing based on ‘Shopping’.

The available options are:

  • People who viewed products
  • People who added any products to their basket
  • People who purchased any products

Ecommerce 4 ALL – бесплатна и едукативна веб платформа за е-трговија

Пред некој ден во јавност беше пуштена новата веб платформа, која им овозможува на сите потенцијални и постоечки е-трговци на едно место да стигнат до потребните информации за започнување и правилно водење на една е-продавница, вклучувајќи ги клучните аспекти во синџирот на е-трговијата како што се: регулатива, испорака и е-плаќање.

Дополнително, „E-commerce4All“ директно ќе промовира и успешни приказни од областа на е-трговијата, ќе помогне во справување со сивата економија во е-трговијата и транспарентно ќе ги прикаже сите сертифицирани е-трговци кои ги исполнуваат сите услови според регулативата во нашата земја.

Сега е активен првиот од петте модули на веб платформата, кој се однесува на регулативата, а во наредниот период соодветно ќе се објавуваат и останатите модули. 

Не заборавај да кликнеш и на

Бонус линкови

Место Marketoonist денес ќе ставиме видео вест за YouTube, прикладно нели 🙂

Се читаме во следниот #ПрегледВоПеток 🙂

87 #ПрегледВоПеток

Не само неработен, не само продолжен, туку и карантински… ама како беше онаа старана… и да врне и да вее, #ПрегледВоПеток мора да има.

Сакале или не сакале, оваа недела во глобалните теми на дискусија доминираат протестите низ Америка и низ повеќе други земји. Па соодветно на тоа и нашите линкови ги започнуваме од таму.

Blackout Tuesday

Во вторникот се случи т.н. Blackout Tueday, и голем број компании и корисници на социјални медиуми побрзаа да споделат црна слика на своите профили како знак за поддршка на оние кои протестираат ширум Америка во борба за надминување на расните неправди, кои сѐ уште се многу активни во таа држава.

Третата светска војна ќе се води со помош на… инфлуенсер маркетинг

Иван, на Нетокрација има одличен осврт за случувањата во Америка, но од сосема друг агол. Тој забележал дека најголемиот дел од случувањата таму ги следи преку влогерите и инфлуенсерите кои редовно ги следи. Па напишал супер коментар кој всушност ги става во централна позиција инфлуенсерите на социјалните медиуми како важни пренесувачи на пораките и ситуацијата во новото воено жариште во светот. И тука се отвара прашањето, колку може да им се верува? Колку може ние да ги примиме овие инфорамaции како релевантни? Колку може лесно или тешко да се манипулира со јавното мислење и перцепција за ситуацијата преку инфлунесерите? Интересен осврт, вреди да се читне!

Дали брендовите можат да кажат нешто за расизмот?

Секако, не се само инфлуенсерите кои сакаат да земат “piece of the action”, односно внимание, тука, сега веќе традиционално се и брендовите. Поучени од минатото и брoјните истражувања, кои велат дека мора да ги следат дискусиите кои нивните корисници ги водат на социјалните мрежи, брендовите мораа да најдат пораки со кои ќе бидат дел од целата ситуација. Ќе бидат дел, ама нема да бидат дел. Ќе зафатат страна, ама нема да зафатат страна. Ќе кажат нешто, ама нема да направат баш многу… Одличен текст на The Atlantic: Brands Have Nothing Real to Say About Racism

Google доби тужба за private browsing

Уште една во серијата тужби кои секојдневно го добива Google. Некако се навикнавме секој преглед да има по некоја. Овој пат во Америка компанијата доби тужба за следење на приватните податоци дури и кога корисниците го користат т.н. private browsing дел на прелистувачот Google Chrome. Сите знаеме дека не е баш приватно ова сурфање, ама… ете некој се охрабрил да покрене постапка, веројатно во очекување дека ќе направи „мрсна” спогодба.

Бонус линкови

Се читаме следниот преглед во петок, се надеваме без карантин и помалку лудории.

83 #ПрегледВоПеток

Некако полека се враќаме во нормала, понеделникот ни изгледаше како понеделник, фреквенција во канцеларија… и во едно такво повеќе накај нормално сценарио, нормално е јас да заборавам дека требаше да пишувам преглед. Среќа ми текна, скоро на време, па еве го денешниот летечки #ПрегледВоПеток

Онлајн достапноста никогаш поважна

Нека дигнат рака оние кои изминативе месеци не се обидувале на своите родители или баба и дедо да им објаснат како можат да си ги платат сметките на интернет. ЕВН, Водовод, БЕГ, Телеком, А1, Телекабел… градинка, влез… и така натаму… Секој од овие сервиси со свои предности а богами и со недостатоци, верувајте ми искусив во повеќе ситуации на своја кожа 🙂

Зошто овој муабет, затоа што сега, повеќе од кога било потребно ни е д се фокусираме на достапноста и употребливоста на нашите онлајн решенија. Знам дека поголем дел од компаниите импровизираат периодов и го бараат најбрзото и за нив наједноставно решение за да ги направат своите услуги достапни онлајн, и тоа е сосема во ред, но за момент ставете се во чевлите на вашите корисници и погледнете го нивното искуство. Од тоа искуство зависи дали после пандемијава тие со задоволство ќе се вратат на своите стари навики или ќе продолжат да си ги користат онлајн услугите затоа што ќе им бидат „трауми”.

Twitter расте, но дали е тоа доволно?

Периодов Twitter го забележа својот најголем YoY раст, се разбира под влијание на глобалната пандемија. Но и покрај овие добри вести, компанијата, како и серија други, бележи пад во огласувањето. Односно, заработката е значително помала во споредба со истиот период лани. И за Twitter е истиот муабет, останува да видиме дали ќе го задржат трендот на активни корисници по пандемијата, и дали парите од реклами ќе им се вратат брзо.

Светот под контрола

Веќе пишувавме во претходните прегледи за напорите на различните влади низ целиот свет да се намали ширењето на коронавирусот со помош на апликации на мобилните телефони кои ќе го следат нашето движење. И во вчерашната прес конференција нашиот министер за здравство повторно истакна дека ова може да биде важен сегмент за успешно справување. Google и Apple веќе ги пуштија своите први верзии на заедничката платформа на која може за се „закачат” другите апликации, па во таа насока еве уште еден преглед на состојбата низ светот, овој пат преку текст на Bloomberg – The World Embraces Contact-Tracing Technology to Fight Covid-19

Маика – зборува македонски

„Денес сакам да го објавам нашиот најнов производ „МАИКА“, кој ми е посебно при срце поради вредноста која ја носи за нашата земја. Софтверот „МАИКА“ е бесплатна алатка којашто претвора текст на македонски јазик во говор. „МАИКА“ е следниот логичен исчекор што ќе придонесе кон збогатување на алатките и инфраструктурата на македонскиот јазик. – истакна Марјан Николовски во својата објава на Facebook кога вчера како дел од активностите на неговиот Emit Knowledge го најави нивното ново „чедо”.

Не заборавај, за кликање се и бонус линковите. Ако немаат свој одвоен блок во постот, секогаш носат одлични работи за читање или гледање 😉

Бонус линкови

Marketoonist on Instagram

Се читаме следниот преглед во петок. 🙂

79 #ПрегледВоПеток

Коронавирус преглед број 34345… т.е. 791, не, грешка… 7-ми преглед од првото спомнување на вирусот во него. Ги изгубивме деновите, што да се прави. Ама, петок не се заборава и #ПрегледВоПеток мора да има. Одиме!

Кризата не е време маркетинг агенциите да бидат оддалечени од своите клиенти

Кризата ни покажа колку потешко ќе ја пребродувавме изолацијата без интернет, па намалувањето на буџетот за онлајн активности и не е така паметна одлука.

Од почетокот на кризата, многу брендови ги стопираа маркетинг активностите, меѓу кои е и големата Кока Кола. Во време кога не знаеме што ни носи иднината, тоа е повеќе од разбирливо. Сепак, сега е време маркетинг агенциите да им покажат на клиентите дека се со нив, бидејќи тоа ќе биде првата работа на која ќе се сетат клиентите откако работите ќе почнат да се враќаат во нормала.

DotMetrics (сервис за следење на посетеност на вебсајтови) ни потврди дека во моментов има зголемена побарувачка на интернет содржина (регионалните портали имаат 50% повеќе посетеност во однос на минатата година), што само ни покажува дека има доволно простор за да ја пренесеме нашата порака. Се разбира дека тие не треба да бидат од проджен карактер, туку пораки кои ќе покажат дека сте со нив.

YouTube подготвува конкуренција на TikTok

YouTube сака директно да се натпреварува со апликацијата за кратки содржини, креирани од корисник, објавувајќи своја верзија наречена Shorts.  Shorts ќе им овозможи на корисниците да прават кратки видеа, слично како TikTok, користејќи ја лиценцираната музика што ја има YouTube Music во својот каталог.

Доколку погледнете извештај за Mobile usage ќе ви биде јасно зошто YouTube сака дел од колачот. TikTok забележа раст од над 125 проценти во последните две години. Апликацијата има стотици милиони корисници и во моментов е дефинитивно најактуелна. Во последната година TikTok има приближно 842 милиони преземања по првт пат од продавниците за апликации на Apple и Google, што е зголемување од 15 проценти за една година.

Ова не е прв пат YouTube да развие своја верзија на популарна опција на друга социјална платформа (Instagram Stories). Со оглед на неговата огромна корисничка база (повеќе од 2 милијарди месечни активни корисници), правењето верзија на TikTok не е за изненадување.

И музичката индустрија во криза

По којзнае кој пат музичката индустрија изминативе декада-две повторно не е баш во поволна позиција. Овој пат, се разбира, погодена од глобалната пандемија. Ако само го земеме предвид фактот дека најголемиот дел од заработката ова индустрија ја прави преку концерти и настапи во живо, тогаш нема никакво изненадување од овој податок.

Згора на ова статистиките кои покажуваат дека и бројот на слушања на подкасти периодов откако поголемиот дел од светот си седи дома бележи пад. Што кога ќе размисли човек не е и тоа некое изненадување ако знаеме дека подкаситите се слушаат доминантно при т.н. commute односно транспорт на дневна основа. 

Славните фаци во криза

Уште една криза исплива на површина благодарејќи на оваа криза. Коронавирусот толку многу простор зазема во нашето секојдневие што не остави ни малку простор за славните фаци и нивните тотално излишни дневни глупирања. Па нормално кога немаш доволно внимание на себе, а тоа е нешто на што ти се базира постоењето… имаш проблем и влегуваш во криза и: The coronavirus crisis has exposed the ugly truth about celebrity culture and capitalism

Instagram и Netflix во обидат да го зачуваат менталното здравје на младите

Најава на ново партнерство, интересно, неочекувано, би рекол. Темата е важна, потребна, особено периодов. Серијалот ќе се вика: Wanna Talk About It и ќе ги вклучи дел од најпопуларните ѕвезди кај таргетираната популација. Партнерството има логика ако се земе предвид 65% од корисниците на Instagram се млади под 35 години а Netflix е најпопуларен видео канал помеѓу тинејџерите, дури подобар и од YouTube, според една скорешна студија.

Google News во Франција ќе им плаќа на медиумите

Битката на Google News со оригиналните креатори на вестите се одвива од самиот почеток на овој сервис. Со некои позначајни победи и порази Goolge успева да се одржи во поволна позиција. Но по се изгледа после овој „пораз” во Франција за очекување е негативен тренд.

Бонус линкови

Толку. Ако имаш линк што сакаш да го споделиме слободно пиши ни порака на Фејсбук.

78 #ПрегледВоПеток

Ај здраво-живо, ете не со уште еден преглед во време на пандемија. Затворени дома, веќе малку презаситени од се што може да се консумира низ дома, и тука не мислам само на јадење и пиење туку пред се на медиумска содржина, соочени сме да пишеме уште еден преглед. Да се разбереме, не е дека нема што да сподели или што паметно да се чита, напротив, туку сè се врти околу коронавирусов па на моменти се подзамислува човек, дали ние претеруваме, или навистина ништо друго не се случува.

А како и би се случувало. Светов застана. Ние немаме намера да му се предадеме. Па затоа доста емпaтија и плачење, одиме со препораки за читање, и мислење 🙂

Facebook забрани deepfake видеа

Започнувам, намерно, со веста која има најмалку допирни точки со пандемијата 🙂

Освен ако не живееш без интернет, не верувам дека до сега не си разбрал што е deepfake видео. Оваа технологија на манипулација на видео е опасност за сите нас, за доброто на општествата во кои живееме. И добро е што интернет гигантите во прилично рана фаза се обидуваат да го сопрат ова.

Facebook во блог пост на својата платформа најави дека воведува политики преку која ќе ги отстранува сите видеа кои се манипулирани со помош на компјутерски технологии кои не укажуваат на тоа дека видеото не е вистинско и имаат за цел да ги измамат своите гледачи. Видеата кој имаат за цел да не насмеат нема да бидат отстранети.

Кој сака да гледа досадни видеа?

Но, ако го сопреме развојот на видеата, барем во насоката спомната погоре, кој би сакал секој ден да гледа досадни видеа од луѓе како си поминуваат дома во изолација? Па, според едно неодамнешно пишување на дел од тимот за истражување на Google, всушност сите ние сакаме да гледаме досадни видеа. Добро, да преформулирам, не се викаат баш досадни видеа, на англиски ги викаат „with me”, звучи подобро 😉

Лани Google, да не речам YouTube, извади дел од своите бази на податоци дека токму овие „with me” видеа забележуваат нагорен тренд низ целиот свет и тоа кај повеќе различни генерациски групи. Ако само ги разгледаме своите постапки деновиве, сето ова ќе ни има повеќе логика. Овие видеа покажуваат и дека навистина се ефективни кога станува збор за влијание врз нашите однесувања. Па затоа по нивна препорака купуваме, вежбаме, готвиме, учиме и…

Кој има ќар од лажните вести за коронавирусот?

Доста е со други теми, ајде назад на нашата не баш драга пандемија.

За велешаните кои правеа лажни вести ни беше ептен јасно кој и зошто го прави тоа, профит. Русите и другите ги прават за влијание на политичко ниво, но кој би имал интерес од лажни вести за коронаворусот?

Едно од најтешките прашања во процесот на намалување на влијанието на лажните вести е токму ова. Кој и зошто ги произоведува овие дезинформации? Понекогаш, колку и да се чини тежок, одговор има. Се што треба е добро истражување и анализа. Иако далеку полесно е да се каже кој нема е во зијан од овие вести, сепак во кризни времиња има и доста и ситни но и крупни профитери кои посегнуваат по дезинформации.

Нови навики

Дека ги менуваме своите навики под влијание на изолацијата и ред други не баш така добро промени, на сите ни е јасно. Но еве два линка каде работите може да станат за нијанса појасни.

COVID-19 Consumer Impact Tracker, не прашувајте како се нашло на врв на листата укулелето. Озбилно, не прашувајте!

Comscore редовно ги надополнува статистики за користење на различни типови на сервиси и сајтови, ова е само еден од нивните извештаи, ако сакате редовно да ги добивате следните, претплатете им се.

Технологијата, решение за ширење на вирусот

За жал, кризните мерки во земјите низ целиот свет им отворија врата на голем број влади да го намалат владеењето на демократијата. Не, нема да го коментирам црството на Орбан, туку ќе пуштам два линка кои анализираат кои влади и како се обидуваат да употребат технологија за следење на локацијата на своите граѓани се со цел да го намалат ширењето на вирусот.

Темава е ептен жешка и секој ден има голем број на корисни информации кои излегуваат на површина. Како почеток на твоето понатамошно копање, еве само три места од каде може да се почне:

Palantir in Talks With Germany, France for Virus-Fighting Tool – Bloomberg
How Russia is using authoritarian tech to curb coronavirus – CNN
Следење преку мобилните телефони во време на корона – DW

ДОПОЛНУВАЊЕ: COVID-19 Community Mobility Reports – Google + извештајот за МК (pdf)

А мене интересен ми беше и овој список на чудни мерки – 360°

Бонус линкови

Толку. Ако имаш линк што сакаш да го споделиме слободно пиши ни порака на Фејсбук.

За крај наместо стрип, еве уште еднаш препорака за последната епизода на #комкаст со мене, Сеад и Мите

Се читаме во следниот преглед во петок. 🙂

#комкаст 83 – Медиумите и covid-19

Откако со Дарјан ја издискутиравме темата за маркетинг и КОВИД-19 не смеевме да оставиме да не продискутираме за улогата на медиумите и предизвиците со кои се соочуваат.

А со кого друг да се разговара на овие теми ако не со членови на оригиналната постава на овој блог. Заедно со Сеад и Мите повеќе од еден час, вчера вечер, дискутиравме за теми кои во фокус ги ставаат медиумите, ние како консументи на медиумски содржини и секако посебен дел си имаа и социјалните медиуми.

Структурата на епизодата се движи некако вака:

  • Како и зошто така лесно се шират дезинформациите
  • Политизација на лажните вести
  • Како процесираме и управуваме со информации во време
  • Бројки и статистики и како најлесно се манипулира со нив
  • Реакциите на „tech” гигантите

Во продлжение видеото а под него и аудио. Добедојдени се сите кои сакаат да се претплатат на нашиот YouTube канал 😉

73 #ПрегледВоПеток

Кај вчера објавив нов #комкаст, со Виктор од АЕТМ зборувавме за е-трговија, уште па и денес ме наместија да пишувам и #ПрегледВоПеток. Морам, минатата недела го заборавив, затоа сега има екстра линковииии, одиме…

Shitposting > Fikfoks

Како да не е доволно што кршиме јазик за да кажеме ТикТок и тиктокс, сега треба да учиме и нова, изведена терминологија како фикфокс, на пример. Fikfoks aka fake tiktoks. Мора да ги научиме и нив затоа што инфлуенсерите на TikTok веќе масовно ги употребуваат. Но, да биде изненадувањето поголемо, ова не се лажни содржини или акаунти… напротив, ова да ти биле паралелни акаунти на ѕвездиве на кои објавуваат повеќе лична и приватна содржина и, и… shitposting! Го „украле” трендов од Instagram, ама не е скроз исто. Хм…

Додека сме кај TikTok уште една брза вест. Ако не сте ставиле временско ограничување на телефонот на вашето дете, немате таква опција или не ви текнало… TikTok сега дава можност да се направи тоа внатре во самата апликација. Свесни се колкава зараза се, па решиле со време да реагираат. Умно.

Справување со дезинформации

Нема преглед а да не споделиме некој линк во кој големиве се борат со лажни вести. Добро не се тие еднакво добри како нашата влада во оваа борба ;), ама барем се обидуваат. Во последниве неколку недели Twitter објави план за справување (не борба) со неточните информации поврзани со излезноста на гласачите по повод изборите во Америка, а Instagram пробува да им прикаже точни информации на сите кои кликаат на хаштагот #Coronavirus.

Bloomberg’s Sponcon Memelords

И додека лажните вести тесно се поврзуваат со сè и сешто, секако на чело со политика, политичарите во Америка уште еднаш докажуваат дека се најдобри маркетери и може слободно да учиме од нив. Блумберг најде начин како да ги заобиколи политиките за проверка и одобрување на реклами за изборите во САД. За тоа ангажирaше стотици инфлуенсери кои на социјалните мрежи објавуваат поддршка за него, вклучувајќи и мемиња. Facebook вика: ние немаме намера да се расправаме и со тоа… нека си тера.

Preloader Design Tips and Inspirations

Кој сака да чека да му се вчита вебсајт? Па најверојатно никој, ама и покрај сите препораки дека брзината е клучна, сепак за комплетно искуство некогаш е потребно време за да се вчита содржината на вашата веб страна. Се случува да треба да почекате… а додека чекате, може и да уживате. Еве неколку совети и идеи за малите анимации кои ни го одвлекуваат вниманието додека да се вчита содржината. Ќе ти се најдат, за следниот пат кога ќе сакаш на твојата веб дестинација да обезбедиш комплетно уникатно искуство, а и помалку да ги нервираш посетителите.

Hacked Website Threat Report – 2019

Безбедноста на сајтовите е исто така многу важна, ама ова се подразбира. Она што е интересно е годишниот извештај на Sucuri, компанија која се грижи за безбедноста на сајтовите. Во него тие наведуваат кои се најчестите причини и начини за напади односно „заразување” на сајтовите. Вреди да се види, за да знаеме од што да се штитиме но и да разбереме што ги мотивира „хакерите” да ни ги напаѓаат сајтовите.

YouTube Gaming

Веќе пишувавме во претходните прегледи дека YouTube се обидува да му земе дел од колачот на Twitch, секако со стратегија за повеќе гејминг содржини на својот сервис. Но податоците велат нешто друго. Имено, најголем дел од најпопуларните гејминг канали на YouTube воопшто немаат содржина каква што всушност има на Twitch. Овие првиве, на YouTube, се полни со сомнителни содржини кои прикажуваат хакови, читови и сл.

Социјални мрежи за посреќен и подолг живот

Последна вест во денешниот преглед во петок. На повидок е нов тренд на апликации кои имаат за цел да нè поврзат со нашите пријатели (и други) ама за разлика од досегашниве кои негативно делуваат на нашата добросостојба, овие новиве соработуваат со стручни лица и сакаат да предизвикаат добри чувства додека ги користиме. Еден таков обид е апликацијата Ikaria создадена од еден од креаторите на Secret. Се сеќава некој на тој сервис? Не заврши баш славно :(. Како и да е, трендов треба да се следи, на толку масовни исклучувања од фејсбуците и сл. може оваа приказна ќе фати залет. 

Бонус линкови

Тоa e сè денешниот преглед во петок. Ако имаш линк што сакаш да го споделиме слободно пиши ни порака на Фејсбук.

За крај уживајте во новата реклама на Burger King 😉

До следниот преглед во петок. 🙂

Нашите (дигитал) маркетинг желби за 2020 година

Текстот оригинално е објавен во новогодишното издание на месечникот Економија и Бизнис. Им благодариме за дозволата да го реобјавиме.

Измешавме предвидувања, трендови, желби и искуства. Еве што може да очекувате или уште подобро да работите да се случи во следната 2020 година во полето на дигиталниот маркетинг.

Ете нѐ повторно на преминување од стара во нова, ете нѐ повторно пред предизвик да кажеме што можеме да очекуваме во следнава година. Нова година не е само време на предвидувања, туку е време на посакување и на исполнување желби. Токму затоа се обидов да ги откријам желбите, пред сѐ на професионален план на дел од моите колеги од NewMediaMK, дигиталната маркетинг-агенција која ја раководам речиси 10 години.

Еве кои се нивните желби, секако поврзани со трендовите кои ги гледаат и ги очекуваат.

Микроинфлуенсери – иднината или пропаста на маркетингот

Пишува: Наталија Стефановска (@natalija)

Изминатава година Македонија доби инфлуенсерски наплив. Она што ми се допадна е дека се „родија“ многу микроинфлуенсери. Mикроинфлуенсерите во повеќето од кампањите многу поефективно ја постигнаа целта на брендот од „големите“ селебрити инфлуенсери. Луѓето се повеќе подготвени да веруваат во мислењата на луѓето кои ги знаат и ги бараат; оние за кои чувствуваат дека ќе дадат искрено мислење, а не платена промоција. Овие инфлуенсери со „помали“ профили се поврзуваат подлабоко со својата публика и создаваат поголем ефект. 

Има многу придобивки за брендот од работата со микроинфлуенсерите, тие генерално се подостапни, пофокусирани и поефективни. Но, работата со микроинфлуенсерите исто така има и неколку недостатоци, во исто време тие се и помалку искусни во работа со брендови, помалку одговорни и почесто може да направат погрешна проценка за очекуваниот ефект.

Земајќи ги предвид искуствата од годината која измина со сите придобивки и недостатоци, мои предвидувања се дека микроинфлуенсерите се тука за да останат, за да растат и да стануваат уште побројни и побарани од страна на брендовите во 2020 година. Мојата желба за 2020 година како посредник меѓу брендовите и инфлуенсерите е двете страни да покажат поголема лојалност кон соработката и од соработката. Што значи тоа? Микроинфлуенсерите „да научат“ како изгледа професионална и одговорна соработка и да не ја изневеруваат довербата дадена од страна на брендот. Од друга страна, посакувам брендовите да покажат поголема почит кон ангажманот на инфлуенсерот, значи ако одреден бренд е голем и силен тоа не значи автоматски дека секој инфлуенсер сака и нетрпеливо чека да работи со тој бренд и дека ќе прифати соработка под кои било услови.

Брзина + квалитет. Приватност + едукација

Пишува: Давид Ристевски (@dreadpen)

Знаете ли дека 25 % од корисниците кои посетуваат веб-страници нив ги напуштаат ако не се вчитаат во рок од 4 секунди? Овој фактор ни кажува дека со намалување на времето на вчитување на страницата автоматски расте бројот на конверзии.

Бидејќи процентуално поголемиот број на посети денес доаѓа од мобилен и ако земеме предвид дека распонот на внимание ни е краток, многу е важен факторот страницата да се вчитува брзо. Секако, како приоритет треба да се и останатите параметри кај еден сајт, безбедност и приватност, квалитетна содржина, добра оптимизација за пребарувачи (SEO) и, секако, убав и практичен дизајн.

Она што последниве години е важен фактор во маркетинг-делот е безбедноста и сигурноста на податоците кои се оставаат на веб-страниците и социјалните медиуми. Знаеме што се случи со Марк Закерберк и како прашањето за приватност и заштита на личните податоци покрена низа морално-општествени прашања. Кога е во прашање маркетингот, односно дигиталниот маркетинг, многу пред нас е приод во кој пресудно ќе биде стекнувањето доверба кај корисниците, а заштитата на приватноста и сигурноста без дискусија е најјакиот адут за зголемена доверба. Секако, важна е и едукацијата кај корисниците за тоа како и зошто да ги оставаат своите податоци за да имаме помалку „Го сакам Кам во моето сандаче“ искуства.

Слободно би кажал дека од 2020 година многу посериозно ќе биде користењето на податоците за маркетинг-цели, а она што би сакал да видам кај нас во иднина е сериозно зголемен број на добро оптимизирани сајтови и квалитетни содржини.

Настрана сето ова. Видеото ќе биде крал во 2020 година. Нема поента да кажуваме дека е тренд и дека ќе расте.

Сакам македонски брендови на TikTok

Пишува: Симона Пеовска (@simona.peovska)

Во 2020 година сакам да ги видам македонските брендови активни на Тик Ток (TikTok) како дел од нивната креативна стратегија. Очекувам помалите бизниси да почнат да го користат за зголемување на видливоста, а големите да бидат храбри и да воведат нов, досега невиден, креативен начин на спроведување големи кампањи кој ќе служи за пример во практиките за дигиталниот маркетинг.

Патем, Тик Ток (TikTok) е социјална мрежа за креирање и споделување кратки видеа, која за само две и пол години откако беше лансирана надвор од Кина стана една од апликациите со најголем тренд на растење. Во 2019 година доби повеќе од 500 милиони нови корисници и вкупно има речиси 1,5 милијарди корисници.

Тик Ток (TikTok) го менува начинот на кој функционираат социјалните мрежи, дури и ако го избегнуваш. Тик Ток (TikTok) е различна од другите апликации во начинот на кој работи. Ја симнуваш, ја пушташ и веднаш добиваш 15-секундни видеа без воопшто да креираш профил. Станува збор за бескрајно персонализиран алгоритам кој ти прикажува избрана супер забавна видео содржина.

Месинџер-маркетинг (Messenger marketing) за подобро поврзување со корисниците

Пишува: Наташа Атанасова (@natasaatanasova)

Повеќе од 60 % од брендовите како предизвик во работата го именуваат генерирањето на лидови и носење квалитетен сообраќај до нивните веб-сајтови. Моментално постојат повеќе активни корисници на чет (messenger) апликациите отколку на која било друга социјална мрежа. Тогаш зошто не ги бараме нашите идеални и потенцијални корисници онаму каде што тие поминуваат најголем дел од времето – на чет?

Помалку од 1 % од бизнисите ги користат месинџер (messenger) ботовите како начин да се поврзат со своите корисници. Ова го прави месинџер-маркетингот најдобро чувана тајна во дигиталниот свет која чека да ги покаже своите предности во бизнис-сферата.

Неколку причини што би ги издвоила зошто би требале да размислувате за ваквиот начин на маркетинг се: 50–80 % од луѓето кои во својата месинџер апликација биле изложени на содржина од брендови ја отвориле пораката, повеќе од 20 % направиле интеракција со содржината и дошле на сајтот, комуникацијата е персонализирана и ги допира само оние кои имаат интерес за вашата содржина, чет ботовите ја зголемуваат вашата листа на корисници затоа што е потребна само една интеракција со ботот за вие да ги добиете информациите што ви се потребни и како шлаг на тортата – трошоците се значително пониски. Како заклучок на сето ова, во 2020 година би сакала да видам повеќе брендови и организации што го користат овој начин на комуникација со корисниците – да дознаат што бараат корисниците од нив, на кое ниво на поврзаност со брендот би сакале да се и како да ги искористат сите собрани информации за нив во најдобра можна примена. 

Има поважни работи од „брзиот“ развој на технологијата

Пишува: Дарко Булдиоски (@darko156)

На последното издание на AllWeb говорникот кој ја отвори конференцијата, Мат Десмиер (Matt Desmier), јасно и гласно истакна дека не е реално да очекуваме големи ненадејни промени во нашите општества. Не може да се случи тоа на полето на технологијата, на полето на комуникацијата, на полето на маркетингот, на кое било поле. Не може затоа што секој ден има мали промени кои сами по себе не се доволни за големо внимание, но ако се свртиме наназад и ја погледнеме поголемата слика, тогаш може да констатираме посериозни промени. Па така е и со трендовите и со очекувањата, ниеден новитет не може да дојде преку ноќ, ниту може да биде календарски хит, и да очекуваме дека ќе донесе вистинска голема промена. Трендовите треба да ги знаеме, да ги следиме и да ги земаме предвид во секој случај. Но, она што е во центарот на секоја промена се луѓето и всушност нивната грижа за: поврзаност/припадност, здравје и добросостојба, вредносни системи, себенадградување и безбедност.

Среќна и успешна 2020 година од целиот тим на NewMediaMK!