#ПрегледВоПеток се крчка на најјако на 37 степени во сенка.

Европска регулатива за крипто валутите

ЕУ за прв пат ги става крипто валутите во регулаторна рамка. Оваа регулаторна рамка ќе ги заштити инвеститорите и ќе ја зачува финансиската стабилност, А истовремено ќе дозволи иновации кои ќе ја зголемат атрактивноста на крипто валутите. Некои земји членки на ЕУ веќе имаат национално законодавство за крипто валутите, но досега немаше специфична регулаторна рамка на ниво на ЕУ.

Неодамнешните случувања во овој сектор што брзо се развива ја потврдија итната потреба од регулатива ширум ЕУ. Оваа законодавна рамка подобро ќе ги заштити Европејците кои инвестирале во овие средства и ќе ја спречи злоупотребата на крипто валутите, а истовремено ќе биде пријателски настроена кон иновациите за да ја одржи атрактивноста на ЕУ. Оваа значајна регулатива ќе стави крај на крипто сивата зона и ќе ја потврди улогата на ЕУ како креатор на стандардите за крипто светот.

Bruno Le Maire – француски министер за економија, финансии и индустриски и дигитален суверенитет

Мета го отвори API-то на Instagram Reels за програмерите

Од 28 јуни околу 25% од корисниците на Инстаграм имаат пристап до API-то на Reels. API-то постепено ќе се отвара и за 100% од корисниците до 6 јули.

Програмерите ќе можат да го користат API-то за да закажуваат Reels и да добиваат статистики за интеракциите на истите, исто така можат да ги објавуваат на бизнис профилите на Инстаграм користејќи го новото API. API-то исто така ќе им овозможи да одговараат на коментари, да ги бришат коментарите, да ги кријат/откријат коментарите и да ги оневозможат/овозможат коментарите на Reels. Дополнително, програмерите ќе можат да најдат јавни Reels кои се означени со хаштагови или тагирани со одреден кориснички профил.

Уште еднаш се потврдуваат сите предвидувања дека Reels стануваат топ приоритет за Инстаграм и дека сѐ повеќе ќе бидат формирани водеа з сметка на фотографиите на кои сме навикнати на Инстаграм.

Може ли апликациите за следење на месечниот циклус навистина да се користат против жените

Сите знаеме каква трагедија се случува во САД со забрана на абортусот. Набргу по ваквата одлука, по Twitter, TikTok, Instagram брзо се прошири повик за акција да се избришат сите апликации за следење на циклусот.

Активистите и експертите за приватност на податоците се загрижени за тоа како овие податоци би можеле да се искористат за да се докаже дека некој можеби имал абортус или размислувал да абортира при криминален случај. Апликациите генерално соработувале со криминални истраги во минатото и клучно е луѓето во тие држави да разберат дека мобилниот уред во суштина е уред за следење. Луѓето кои живеат во држава каде што овие податоци се изложени на ризик, но сакаат да продолжат да ги користат овие апликации, треба да бараат апликации со локално складирање податоци и одбивање да се дозволи следење од трета страна. Сепак, очигледно не можеме да предвидиме како идното законодавство ќе влијае на ваквите случаи, така што експертите за безбедност ги советуваат жените дека најбезбедно е да се запре користењето на било каква апликација и дигиталното следење.

Јас имам да додадам само следново (да се прочита цела нишка:

Dreadpen со NFT колекција за фановите на баскет

За крај да си го пофалам и нашиот. Сите NFT фрикови и баскет фанови наскоро ќе имаат нова омилена локација за нова колекција. Зачувајте си го линков подолу и за брзо ќе може да си изберете ново NFT милениче, да ја споделите својата љубов за баскет или да си нарачате си нова маичка

ballclubnft.com

Бонус линкови

• Meta Launches New NFT Display Options on Facebook
• Instagram’s Testing AR Elements Within Stories and its New NFT Display Features
• TikTok tests a dedicated Shop feed that highlights products you can buy now

Се читаме во следен преглед августовски ко ќе се вратам од одмор.

Во ек на скопски горештини уште во јуни, стига и новиот #ПрегледВоПеток под клима уште во 10 саат сабајле.

YouTubeShorts со Google реклами

Google почна да прикажува реклами во Shorts, очекувано по целогодишното тестирање. Огласувачите ќе можат да ги поврзат производите со нивните кампањи и да ги направат своите видео реклами на YouTube Shorts попогодни за купување. Сепак од компанијата велат дека во моментов рекламите нема да имаат директен удел на приходите, напротив.

„Наместо тоа, ќе продолжиме да наградуваме илјадници креатори месечно преку YouTube Shorts Fund додека развиваме долгорочен модел за монетизација од Shorts“, рекоа од Google. „Ние активно работиме на решение за монетизација за креаторите на Shorts и ќе ги користиме информациите од оваа акција за да го имплементација на монетизацијата.“

TikTok го слави месецот на гордоста

TikTok најави низа нови активности за да го прослави Месецот на гордоста, вклучувајќи настани кои се пренесуваат во живо, ексклузивна содржина од Парадата и фестивалот на гордоста во ЛА, како и изложба на бизниси во сопственост на LGBTQIA+.

Овој јуни, ја оживуваме нашата прослава на гордоста заедно со возбудлива постава на #ForYourPride содржини во апликација, TikTok LIVE и објавување на нашите LGBTQIA+ Trailblazers за 2022 година. И за прв пат досега, го преземаме TikTok каналот на LA Pride како официјален спонзор на Парадата и фестивалот на гордоста во ЛА.

TikTok во неколку наврати покажа дека е посветен да обезбеди безбеден и инклузивен простор за LGBTQIA+ заедницата да ги споделува своите приказни, да се поврзува, да слуша и да учи еден од друг. Во чест на месецот на гордоста со активностте кои ги презема покажува дека ја препознава колективната видливост и моќ на LGBTQIA+ заедница.

Што е Instagram Sans

Instagram создаде свој фонт, наречен Instagram Sans, кој планира да го користи активно и за маркетинг и во самата апликација.

Instagram Sans е инспириран од логото на Instagram, и го отсликуваат обликот на глифот и нашата посветеност на едноставноста и умешноста“. Во голем дел е инспириран од комбинацијата на квадрати и кругови, и е мешавина од совршени пиксели со неколку рачно изработени детали.

Instagram соопшти дека соработувал со лингвисти за да се погрижи фонтот да биде употреблив на што е можно повеќе јазици. Фонтот дава многу поизразен идентитет и компанијата се надева дека корисниците масовно ќе го употребуваат на најкреатовните содржини како Stories и Reels.

Светските креативци сметаат дека фонтов е стварно откачен. Што мислите вие? Малку премногу откачен?

Што се случува откако песните на TikTok ќе станат вирални

По седум месеци прибирање и анализа на табели со еден куп бројки, податоци и интервјуа, Vox Media ги структуираше бројките за да следи што се случува со уметниците откако ќе станат вирални – и како музичката индустрија се смени со TikTok. Заклучокот е дека апликацијата целосно го револуционизира начинот на работа на издавачките куќи и им дава на уметниците поголема моќ од кога било.

Бонус линкови

• Кога AI ќе згреши: Алгоритам наштети на стотици семејства во Холандија
• DuckDuckGo faces widespread backlash over tracking deal with Microsoft
• Meta Announces New Updates for Reels, Including Interactive Stickers, Sound Sync and Longer Clips
• Instagram puts Amber Alerts in your feed to help find abducted children

Викендов се случува мојата омилена конференција во регионов Spark.me. Дарко во следниот преглед ќе ви каже колку било јако.

Поштедете ме од слики од плажа викендов, плис!

Овој ќе биде најбрзинскиот #ПрегледВоПеток, зошто мора да искористиме денов за повторување ора, спремање и тресење свадбарки за на Џаџе свадбата. Ич не ни мислев да ви пишувам, ама па како ќе се пофалам дека вечер имаме свадба голема, а? Во очекување на зете мили зете, черешна се од корен корнеше и слично да шкртнам за настаните изминатава недела.

Прва македонска NFT изложба

Измнатиов период и нашите македонски уметници беа вредни на тема NFT и креираа свои дела. Нешто од нив ѕрнавме на социјалните медиуми, а комплетните колекции беа претставени на изложба во организација на Филип Морис ТКП како дел од промоцијата на нивниот нов електронски уред, IQOS 3 Duo. Македонската публика имаше можност да се запознае со новата дигитална уметност на македонските NFT уметници Darko R, Ива Станковска, Female Punx, Сара Станоеска, и да ја обележи и Македонија на мапата на NFT трендот кој со забрзано темпо го освојува светот.

Последната Google I/O презентација is all about hardware

Во поголемиот дел од своето постоење, Google се препознава како софтвер компанија. Но, во последната Google I/O може да се препознае дека Google навистина сака да да биде позната и како хардверска компанија. За волја на вистината, Google со години го гради своето хардверско портфолио, но уредите кои до сега се претставени се производи на кои се сеќаваме (или не) оставени во минатото.

Потоа, го објави Pixel 6 и го откри својот внатрешен процесор, Google Tensor, од тука можеше да се сфати посерозно. На последната Google I/O објави дури шест нови уреди. Прочитајте си за сите посебно на Pixel Watch, Pixel Buds Pro, and more: All the hardware announced at Google I/O

Нов Creative Cloud Express на Adobe

Adobe воведува нови функции во Creative Cloud Express за планирање и објавување постови на социјалните мрежи, за да се олесни планирањето, закажувањето, прегледувањето и објавувањето на содржината на социјалните медиуми низ платформите. Компанијата го лансира и „Content Scheduler“ во Adobe Express premium, сo кој корисниците можат да објавуваат неограничен број објави преку еден календар.

Скоро сите функции кои ви паднале на ум и ви затребале Adobe велат дека ги имплементрале во новиот Creatve Cloud Express, па треба да се проба и да се искуси колку им врши работа на маркетерите.

Најновиот вирален AR ефект на Snapchat

Ќе ви го оставам само ова тука

Ужасно многу се смеам, ама Snapchat може да ми се врати у дневна рутина само заради ваквите ефекти. Овој ефект, наречен едноставно „Плачење“, ве прави плачковци, без разлика како се обидувате да го искривите лицето за да го избегнете.

Веројатно веќе сте виделе видеа објавени со ефектот насекаде од Snap на TikTok, Instagram, Twitter… Всушност, од лансирањето минатата недела, ефектот е искористен од повеќе од 180 милиони Snapchat корусници вкупно, неверојатни 1,3 милијарди пати.

Искрено, кога последен пат која било апликација освен Snapchat направи AR ефект кој стана вирален?

Јок, не збориме денес за Евровизија, на свадбарско сум пуштена на најјако.

Бонус линкови

• Google’s ’20% rule’ shows exactly how much time you should spend learning new skills—and why it works
• Google’s latest Roboto variant is a font customizable to its core
• Broadway theater installs IR camera system to catch audience members trying to record nude scenes
• Key Twitter executives depart following Elon Musk ownership deal

Ајде и еден празничен #ПрегледВоПеток, одамна сме немале. Може не ви се чита баш денес нешто посебно ама интересно е, ветувам….

Дали му паѓа круната на Netflix?

Во првиот квартал од годинава Netflix пријави загуба од 200.000 претплатници, а очекува дека уште 2 милиони корисници ќе го напуштат стриминг сервисот. Неколку фактор се одговорни за оваа загуба. Повеќе конкуренти, помалку содржина и делење на лозинки помеѓу корисниците.

Бројот на конкурентите и не претставуваат толку голем проблем, бидејќи сè уште го има најголемот удел на пазарот барем во САД. Поголем проблем е што конкурентите кои во минатото немаа проблем со Netflix да ги емитува нивните стари продукциски шоуа и филмови, сега си ги повлекоа да се емитуваат само на нивните стриминг сервиси, што ја осиромашува понудата на Netflix. Исто така корснците дебатираат дека една од причините за загубата на корисници е што Nteflix ја зголеми цената во два наврати за помалку од една година.

Дополнителен проблем со загуба на корсници од корисничка гледна точка е што планира да воведе планови кои вклучуваат реклами, иако до сега од фирмата строго се противеа на оваа можност и велеа дека немаат потреба од ваков потег. Според најавата овие планови ќе чнат помалку од сегашните без реклами и од таму веруваат дека ќе им донесат нови корисници кои не се толку сензитивни на реклами и сакаат да платат помалку. Уште ако планира и да го ограничи споделувањето на лозинки помеѓу кориснците, може да речеме дека ќе гледаме уште многу загуби на корисници во блиска иднина.

Дали Edit на Twitter конечно ќе пристигне?

Ви текнува на ова?

Изгледа дека не му било само една од неговите игри на Twitter и многу веројатно дека ќе види бел ден наскоро. Twitter потврди дека навистина работи на edit копче за твитови.

Ќе биде интересно да се гледа што ќе се случи на Twitter кога ќе започне тестот. Има доста спротистваени мислења помеѓу корисниците. Некои од повлијателните корисници на Твитер со години бараат вакво копче, додека кај други постојат сериозни сомневања дека на овој начин ќе бидат уште потешко да се справуваме со дезинформациите и вознемирувањето.

Јас мислам дека edit копче не е за нашава Twitter заедница. Кај нас едиснтвено треба да се воведе правото на корстење на Twitter да им се одземе на некои (или повеќето) корисници доживотно, а не да им се даде оружје во рака со кое ќе може да манипулираат за некои ставови кои без размислување ги пласирале на мрежава :).

Дали хаштаг на Instagram навистина го зголемува досегот на постот?

Во едно од неговите неодамнешни сториња на Instagram, Adam Mosseri, Instagram CEO одговори на прашање од корисник за тоа дали хаштаговите помагаат за прегледи.

Неговиот одговор беше „Не баш“.

Аргументот зад неговиот одговор беше дека хаштаговите на Инстаграм им помагаат на корисниците да разберат за што е објавата, но тоа не е нужно стратегија за поголем досег. Вистинскиот фокус е на категоризација на содржината за подобро поврзување на корисниците со она што го бараат.

Оваа нова информација, особено кога доаѓа од шефот на Instagram, ја менува целата сцена на социјалните мрежи, бидејќи експертите за социјалните медиуми сакаат да знаат како функционира платформата и како можат да допрат до повеќе луѓе.

Тимот на Socialinsider неодамна анализираше над 75 милиони објави на Instagram објавени помеѓу март 2021 и март 2022 година, за да види што велат податоците за врската помеѓу хаштаговите на Инстаграм и прегледите на постовите. Главните заклучоци од анализата се следниве:

• Хаштаговите на Инстаграм не помагаат при досегот на постови.

• Големите профили треба да користат три до четири хаштагови за да добијат повеќе импресии на постот.

• Профилите со средна големина добиваат повеќе импресии ако користат повеќе од пет хаштагови.

Целосната анализа покажува дека бројот на хаштагови што ги користите на Instagram не влијае на досегот на постовите, но сепак користењето хаштагови како дел од вашата стратегија на Instagram е сè уште важно, бидејќи тие помагаат за полесно пронаоѓање на вашите постови од корисници кои не ве следат.

View this post on Instagram

A post shared by KLIJENT JE UVEK U PRAVU (@klijentjeuvekupravu)

Бонус линкови

• Instagram Will Enable All Users to Tag Products in Feed Posts
• Spotify continues testing a TikTok-like discovery feed
• Obama says social media is ‘well designed’ to destroy democracies
• Instagram under fire over sexualised child images
• Google Analytics 4 FAQs: Stay Calm & Keep Tracking 

Јас отидов да купам бои за јајца затоа што немам ниедна слика со јајца ко права домаќинка. А вие уживајте во празниците.

Ова е нашиот последен #ПрегледВоПеток! Одлучивме дека предолго се дружиме и треба да се посветиме на некои поважни работи! Па како за последен пат уживајте во неделните новости!

Wendy’s во метаверзумот

Колку повеќе се развива толку полудо станува (под лудо мислам на генијално налудничаво). Дочекавме ресторани во метаверзумот. Таканаречениот „Wendyverse“ ќе биде достапен за Американците и Канаѓаните кои поседуваат Meta’s Oculus Quest 2, почнувајќи од 2 април. Покрај репликата на ресторанот, метаверс локацијата ќе има и парк со фанта фонтана, џиновска статуа на маскотата на компанијата и кошаркарско игралиште во чест на „March Madness“. Светското кошаркарско игралиште, наречено Buck BiscuitDome, ќе биде поврзано со реална промоција која на сите клиенти во продавниците на Wendy ќе им понуди крекери со колбаси, јајца и сирење по цена од еден долар во текот на месец април.

Целта на кампањата е да се воспостави нова форма на онлајн заедница меѓу клиентите на синџирот. Ова е промовирано како „прва фаза“, што сугерира дека можеби е дел од поголем проект за брендот во метаверзумот.

Шамарот на Will Smith си „рока“ по бренд стратегиите

Ако не ви беше доста 24/7 4 дена по ред да бидете бомбардирани од оваа вест, еве уште малку.

Иако Will Smith отспа и сфати дека треба да се извини за својата постапка, „Шамарот“ си стапи на сцена и стана сензација на социјалните мрежи придружена со стрипови, мемиња, реакции на познатите личности, осуди, како и маркетинг кампањи. Ок, сме виделе многу моментални трендови искористени од страна на брендовите да ги истуркаат своите пораки. АМА, дали баш шамар е соодветен тренд на кој треба да се закачат брендовите? Видовме мемња кои беа хумористични (иако и тоа е дискутабилно колку е соодветно), но видовме. Брендови со цели маркетинг кампањи околу шамарот. За мене, тотално несоодветно и неморално. Да искористиш шамар во функција на промовирање попуст, производ сл. е тотално промашена проценка од страна на брендовите.

Сепак помеѓу сите овие несоодветни брендовски кампањи и мемиња, имаше и такви кои го искористија моментот за да кренат свест кон кауза. Многу невладини организации го искористија моментот за да создадат свест околу алопеција, додека други за долгогодишната борба за заштита на правата на Афроамериканките. Има и такви кои гласно говореа за нападите и насилството.

Twitter со нови интерактивни реклами

Три нови формати на реклами стигаат на Twitter. За огласувачите, изгледаат многу импресивно, но за корисниците фидот станува покомерцијален, што може да наиде на одбивност. Твитер вели дека новите формати ќе донесат повеже придобивки за брендовите и за потрошувачите, но за твтерџиите е дискутабилно.

Ако зборуваме за нашиве твитерџии, тие нема да бидат воодушевени од потегов, во најмала рака ќе ги игнорираат рекламите. Но, како и со сите други платформи така и со оваа ќе си легнеме на брашното и ќе се навикнеме, па може да биде мотив за македонските брендови да се вратат на Twitter на голема врата.

Инстаграм со нов фид на цел екран

Истражувачот на апликации, Алесандо Палуци, ликна дека експерименталниот фид на Инстаграм би вклучувал постови, сториња и рилс на цел екран во едно привју.

Сторињата ќе бидат претставени со рамки на дното на екранот, што покажува дека можете да свајпнете налево за да ги видите другите рамки, додека видеата ќе имаат прогрес бар.

Тоа е поинтуитивен и пологичен начин да се претстави содржината на Инстаграм, што исто така ќе се усогласи со трендовите на користење предводени од TikTok. Новиот фид исто така ќе овозможи алгоритамски подобрувања врз основа на вашата реакција на секоја објава, за разлика од тековниот формат кој ги прикажува работите на различни начини и често прикажува повеќе од една објава на екранот истовремено.

Бонус линкови

• Adidas creates paid affiliate program for more than 50K student-athletes
• Internal bug promoted problematic content on Facebook
• How Social Platforms Are Responding to the Crisis in Ukraine

И како за крај да ве потестам дека е 1 Април и дека нема шанси да завршиме наскоро со преглед во петок. Така што ова е првиот преглед од следните минимум 200 + 🙂

Малку се шокирав утрово кога ја видов бројкава напред, ама да, еве стигнавме до 171 #ПрегледВоПеток. Во овој преглед можев субјективно да ставам само еден линк и тоа да е доста, ама објективно многу интересни работи се случија изминатава недела. Па да почнеме со ред.

#SparkMe се враќа на сцена

Искрено ова е најубавата вест што ја слушнав во изминатиов подолг период. #SparkMe е нашата втора омилена конференција (после AllWeb нормално) и ептен многу се израдував кога после 2 години ми стигна омилената нотификација неделава.

Ако не сте биле свесни до сега колку многу ја сакаме #SparkMe, имаме куп емоции исфрлено по постови низ годините па можете да си прочитате какво искуство да очекувате од овој настан.

Новиот iPhone SE, iPad Air 5 і Mac Studio во новиот Apple евент

Apple, која целосно го напушти рускиот пазар, одржа нов евент, каде презентираше голем број свежи производи и решенија, а предводник на шоуто беше презентацијата на новиот iPhone SE. Смартфонот ќе биде вклучен во линијата на буџетски модели, а претпродажбата започнува на 18 март. Втората важна новина на презентацијата беше iPad Air 5 со сопствен M1 процесор. Според Apple, таблетот е двојно побрз од кој било Windows лаптоп во истиот опсег на цени. Пред-нарачките за iPad Air 5 ќе се отворат исто на 18 март, со почеток од 599 долари.

Што друго беше прикажано на презентацијата на Apple:
– iPadOS 15 – нова верзија на оперативниот систем со неколку интересни карактеристики.
– Чипот M1 Ultra – заснован на архитектурата Ultra Fusion со пропусен опсег од 2,5 TB / s. Позициониран е како најмоќен на пазарот и е со висока енергетска ефикасност.
– Десктоп компјутер Mac Studio со чипови M1 Max и M1 Ultra. Моделите ќе добијат 64 и 128 GB внатрешна меморија, соодветно. Apple гарантира повисоки перформанси во споредба со Mac Pro. Чипот M1 Ultra го прави Mac Studio 80% побрз од најмоќниот Mac Pro.

Ако сакате повеќе нформации тогаш топло ви го препорачувам 11 минутниот Apple „Peek Performace“.

Колку се безбедни вашите деца на TikTok

ВидиВака со уште една истражувачка приказна што вреди. Овој пат многу популарна тема кај родителите и нивните тинејџери. Колку ТикТок е опасен за вашите деца? Примарната функција на социјалната мрежа ТикТок е забавна, но младите честопати се изложени на опасни содржини. Ниту родителите, ниту пак образовниот кадар се чини дека имаат контрола врз тоа како ТикТок влијае врз психичкиот и физичкиот развој на тинејџерите.

Сè уште се кршат копја колку се безбедни или опасни социјалните мрежи за развојот на децата. Сепак балансот, внимателна и дозирана контрола како и внимание посветено на воспитувањето, културата и психо-физичката состојба на вашите деца се клучни во поставување здрав темели на размислување и проценка од нивна страна на кој начин безбедно да ги користат социјалните мрежи.

NFT е дефинитивно ѕвездата на неделата

Ако во листата на читање не ти е секој втор линк со NFT, негде нешто ја имаш згрешено работата (или можеби јас имам згрешено). Секој преглед имаме барем по една новост поврзана со метаверзумот, NFT, крипто светот, а за овој петок издвоивме три.

1. Запознајте ги Argetties! Првата НФТ колекција на Аргета, составена од 21 уникатни гифови. Аргета ги дели на своите фанови како гивавеј на Инстаграм. Сега за сега тие претставуваат само престиж да ги добиеш, но компанијата не ја склучува можноста дека во днна ќе носат посебни врендости за нивните добитници.
2. Battle for Giostone е првата македонска видеоигра која ќе користи NFT. Ако NFT токените Најчесто се користат како доказ за поседување на некое онлајн средство/посед, или некој дел од опрема како оружје или оклоп во видеоигрите, тимот кој работи на видеоиграта Battle For Giostone има малку поинаква идеја. Во нивниот случај и хероите со кои ќе играме се NFT токени. Прочитајте ги сите детали во интервјуто на IT.mk со Миле Граматиков, основач и директор на M-Tech Entertainment. (P.S. Поздрав Љуш)
3. Ако не знае што е LimeWire, мал/а е за тебе :). Ве фати носталгија кога го прочитавте нели? LimeWire повторно се враќа…како NFT пазар! LimeWire нема да биде алтернатива за стриминг платформите, туку дополнителен канал за уметниците да продаваат ексклузивна музика и уметност директно на колекционери.Сајтот ќе стартува во мај, а моментално има листа на чекање која ќе биде известена за стартот. Продажбата ќе се одвива во САД, без предуслов за криптопаричник – така што во суштина, колекционерските предмети може да се купат директно со кредитна картичка, банкарски трансфер и сл.

Бонус линкови

• GIRL GAMERS HAVE RISEN, BRANDS NEED TO LISTEN
• Twitter Shares New Insights into Rising Topics of Discussion, Based on Analysis of Billions of Tweets
• Online Sleuths Are Using Face Recognition to ID Russian Soldiers
• Google’s CTO of Android tablets sees tablet sales passing laptops ‘in the not too distant future’
• Instagram Launches Updated Creator Tags to Provide More Credit for Content Contributors

Новиот #ПрегледВоПеток зборува малку за маркетинг, ама всушност мноооогу за маркетинг….

IBM дискриминира вработен по возраст?

Една жешка тешка тема се појави низ линковите за денешниов #ПрегледВоПеток и јас како неследач на ваквите наслови останав со подзината уста. IBM е тужен за возрасна дискриминација од вдовица на отпуштен вработен на возраст од 57 години, кој се самоубил непосредно откако бил отпуштен. Според судските документи, IBM се соочува со посебна тужба за дискриминација поради колективна акција за протерување на стотици постари вработени, нарекувајќи ги и „динобебиња“ кои треба да бидат „изумрен вид“ во корист на помладите „дигитални домородци“.

Толку многу црвени знамиња ми покрена насловов што едвај го дочитав целиот текст до крај. Вистната е веројатно некаде на средина, ама пак фактите повторно зборуваат дека каде што има чад има и оган.

Има толку многу начни да ги интегрираш, дообразуваш и задржиш постарите вработени и воедно да имаш незаменлива корист од нив. Би рекла дека IBM си бараат да им се случи типичен „cancel“ ама знам во кој свет живееме.

Сензацоналистички клик бејт на Adidas или брилијантен потег?

Каква ви беше првата реакција кога го видовте твитов? Ако отворите риплајс има од крајност до крајност, од луѓе кои се воодушевуваат, до луѓе кои се згрозени. Светот дискутира дали Adidas мораше да оди „толку далеку“ за да промовира производ! Дали направи класична злоупотреба со клик бејт потег? Можеби! Дали ако објавеше грид со спортски градници ќе го постигнеше истиот енгејџмент? Ни одблиску! Дали кампањата е ефективна? Дефинитивно!

Е сега дали ние како општество сме подготвени за вакви кампањи е друго прашање. Во секоја од дискусиите има по малку вистина, по малку претерување, и по малку заостанатост. Јас апсолутно се согласувам со следниве изјави:

Adidas posting a grid of tits in social media is interesting. But it was also done for attention. Let’s not pretend this was an entirely selfless act.

Amy Charlotte Kean, author and cultures editor at Shots (among other things)

Aside from all of this, right or wrong, I love that this image is being shared worldwide. There are young people who are struggling, feeling like their bodies look ‘different’ and ‘wrong’, who will see this image – even out of context – and be reminded that their difference is their beauty.

Nathalie Gordon, creative director at The Or and savior of the vagina museum

Twitter ќе ги означува бот профилите со автоматски твитови

Twitter ќе почне да користи бот ознаки кои програмерте ќе можат доброволно да ги прикачуваат на нивните бот профили, како средство за да се помогне да се потенцираат „Добри ботови“, наспроти профилите на ботовите што се користат за негативни цели. Сега, бот профилите ќе бидат прикажани со нова икона за робот до името на профилот и маркер што означува дека нивните твитови се автоматизирани.

Тоа „доброволно“ не верувам дека ќе донесе некаква посебна промена кај состојбата со штетното влијание на „негативните“ бот профили, барем не засега. Но можеби новите бот-ознаки се добра работа за општа транспарентност и ќе им помагнат на корисниците да избегнат потенцијални манипулации.

Joe Rogan одби договор од 100 милиони долари за да го напушти Spotify за Rumble

Сте добиле некогаш понуда од милиони на Twitter и зошто не? Можеби затоа што не сте најозборуваната личност во последнот месец во светот. И тоа по лошо! Ама озборувањата не ги спречија Rumble јавно да му понудат на Joe Rogan, јавно, 100 млиони долари за неговиот подкаст.

Baby Shark do do do do do, долгометражен филм!!!

Ако бар еднаш не ти поминал денот со песнава во потсвест ти си среќна личност! Очигледно некој проценил дека малку ни е, па ќе ни даде уште многу. Најгледаното видео во историјата на YouTube, Baby Shark ќе си добие и долгометражен филм, во 2023, потврдено од Paramount.

Оригиналното видео „Baby Shark“ стана првото видео на YouTube што ја надмина границата од 10 милијарди прегледи минатиот месец, а веќе доби и спиноф на ТВ-шоу (Големо шоу на Baby Shark), покрај новонајавениот филм.

Еве да не случајно ја пропуштам шансата да ви ја заглавам песнава негде низ мозочните ќелии, цел петок!

Бонус линкови

• Online eCommerce Affiliate konferencija
• LinkedIn’s users are tired of politics, so it’s creating a new feature in response
• Texas sues Meta over Facebook’s past facial recognition practices
• Google Ads Disapproving & Suspending Accounts In Masses?

Имав огромна желба да направам меме колекција од Твитер логоата за МКЦ 50 години, ама ај да бидеме сериозни. Не бидете плагијатори!

Време е за нова тура линкови во #ПрегледВоПеток. Како за најдолгиот месец годинава, па и не е баш нешто забавен. Како и да е имаме што да ви споделиме …

Инстаграм со нови ремикси и подобар лајв

Ако некогаш сте сакале да гледате лајв видео на некој од инстаграмџиите и сте го пропуштиле, Инстаграм сега го подобрува тоа искуство. Секој инстаграмџија може да закачи беџ на својот профил и да ги извести своите следбеници кога планира лајв, а тие што сакаат д го гледаат може да се сабскрајбнат и да добијат нотификација кога лајвот ќе почнува. Така има многу мали шанси да пропуштите нешто што сакате да проследите.

Дополнително, ако ви беше интересно да правите ремикси на туѓи реелс, сега може да го правите тоа на секое објавено видео. Инстаграм ќе има уште позабавна содржна, но ми се чини дека ова оди во насока на одалечување од оригинални, уникатни фотографии и видеа. Како и да е, вече одамна многу е променето во начинот на користење на мрежата, па не ме изненадува и оваа насока во која Мета го носи Истаграм.

Крипто во светот на фудбалот

Хрватската фудбалска репрезантација си доби свој крипто токен и нормално дека ќе се вика ВАТРЕНИ. Со токенот им се нуди подобро корисничко искуство на навивачите на репрезентацијата, кое досега не го искусиле. Ако поседуваат „Ватрени“, навивачите ќе може да купат ексклузивни влезници, да гласаат за репрезентативниот дрес, да купат дресови кои нема да бидат во продажба, како и други ВИП искуства.

Ватрени токенот не е исто што и Bitcoin, Ethereum или Ripple. Тој нема да се „копа”, туку неговата намена е исклучиво за промоција и поттикнување лојалност во рамките на посебна апликација наменета за обожавателите.

„Ватрени“ не се единствените кои користат крипто-токен. Бројот на клубови кои веќе имаат или најавиле дека ќе ги користат овие токени не е мал: Париз Сен Жермен, Арсенал, Астон Вила, Манчестер Сити, Барселона, Интер Милан. Досега, над 350 милиони долари се потрошени на овие фудбалски токени. Уште една играчка за фудбалските зависници 🙂

E-commerce awards – Првите МК награди за е-трговија

На почетокот на месецов АЕТМ ги најави првите награди за македонските е-трговци, со кои сакаат да ги вреднуваат најдобрите во македонската е-трговија. Најдобрите е-трговци ќе се одбираат од страна на јавноста и од стручна жири комисија во 18 категории поделени во три секции: Шампиони во е-трговија, Најдобри е-трговци во одбрани аспекти на онлајн продавање и Најдобри е-продавници по сектори.

Гласањето е веќе започнато, а мене ми е ептен ќејф да ве известам дека нашиот „Decal” е номиниран во 3 категории. Ако вас ви е ќејф да гласате за Decal, или си имате свои фаворити тоа може да го сторите на https://ecommerceawards.mk/glasaj/.

Lamborghini го објави својот прв NFT

Lamborghini објави дека ќе стави на аукција серија NFT што ги произведе во соработка со швајцарскиот уметник Fabian Oefner.

Секоја аукција за петте NFT ќе се одржи на nft.lamborghini.com и ќе трае 75 часа и 50 минути, „точно време кое му требаше на Аполо 11 да ја напушти Земјата и да влезе во орбитата на Месечината“, објави компанијата.

„NFT е прилично млада заедница ориентирана кон иновации“, изјави Стефан Винкелман, извршен директор на Lamborghini. „Тие имаат слични вредности и интереси на Lamborghini како компанија, па влегувањето во NFT светот беше логичен потег за нас“.

135 Јутубери влегоа во 2022 Black Voices Fund

Втора година по ред YouTube продолжува да го одржува Black Voices Fund и да ги поддржува јутуберите од оваа заедница како креатори на платформата, бидејќи смета дека тие одиграа важна улога во обликувањето на културата на YouTube. #YouTubeBlack Voices фондот им обезбедува едногодишна финансиска поддршка, која вклучува основно финансирање за нивните канали, развојни програми, работилници и можности за вмрежување. Освен за индивидуални креатори, фондот е искористен и за поддршка на поголеми продукции, како документарни серии и хуманитарни настани. YouTube месецов објави дека ќе престане да ги финансира повеќето оригинални програми,но сепак ќе продолжи да инвестира во програми во фондот Black Voices и YouTube Kids Fund.

Бонус линкови

• The man who oversaw YouTube Gaming’s huge streamer deals is leaving for crypto
• Snapchat Adds ‘Catalog-Powered Shopping Lenses’ to Simplify AR Product Displays
• Meta Begins Testing Instagram Subscriptions
• TikTok Launches ‘Instant Pages’ Ad Display Option to Improve Load Times and Response for Promotions

На крај на овој #ПрегледВоПеток сакам да се пожалам дека Nastya e на 6то место на листата на најбогатите Јутубери на светот, а кај мене дома е борба да не постои на YouTube плејлистата.

Секој со своите маки.

Уште еден #ПрегледВоПеток и мојот последен за 2021, па ќе се читаме нови и освежени во 2022, се надевам corona free и со нормален тек на бизнис и живот. Да видиме што ја одбележа изминатава недела.

Нова #Комкаст епизода со Иван Скендер

Уште една епизода од новата сезона на #комкаст посветена на дигитална трансформација, а овој пат на гости го имаме човекот директно одговорен за спроведување на дигиталната трансформација во А1 Македонија и А1 Хрватска, Иван Скендер. Слушнете од прва рака за искуствата, препреките со кои се соочуваат но и за методите и пристапот во трансфорамцијата, епизодава вреди злато.

Еве го видеото подолу а аудио може да слушате на:

Spotify: https://spoti.fi/3oHztZ4
iTunes: https://apple.co/31TUeXw
Google Podcasts: https://bit.ly/3kEqkxK
Deezer: http://bit.ly/3qZZX87
Anchor.fm: https://anchor.fm/komkast

TikTok е најпосетуваниот сајт за 2021

Не е дека не очекував ама некако бев убедена дека не може така лесно да се сруши гигант како Google, прва рака на посетители од сите возрасти. Ама можело, и тоа лесно ако се работи за пасиите на деца и тинејџери. Тоа значи дека TikTok e и најпосетувана социјална мрежа во светот, што го прави фактот уште поневеројатен. Facebook, чао! И третиот неверојатен факт е дека Американците немаат ништо со тоа (TikTok е на 33то место во САД), а ни Индија нема вмешано прсти тука (платформата е целосно забранета).

Ова значи само едно нешто: сериозна прераспределба на маркетинг буџетите за рекламирање во 2022, на пазарите надвор од САД. Иако цената по клик е далеку поголема, сепак ова е шанса која мора да се истражи и да не се пропушта. Доколку TikTok направи сериозни напори во контрола на токсичната и опасна содржина која не е прилагодена за најголемиот дел од нивната публика, може да очекуваме сериозни поместувања во таканаречениот Meta монопол. Па за помалку од два месеци да се искачиш цели 7 места нагоре (во 2020 TikTok е на 7мо место, а во февруари 2021 веќе на 1во) е подвиг вреден да се екпериментира со маркетинг стратегиите на брендовите.

OneID – прва македонска дигитална идентификација

Оваа недела имаме уште една многу значајна услуга креирана и промовирана на македонски пазара. КИБС во партнерство со Некстсенс, ја лансираше првата македонска услуга за електронска идентификација – OneID, со која граѓаните ќе можат да се идентификуваат преку својот мобилен насекаде, во банки, осигурителни компании, телеком оператори и државни институции, и е изработена согласно одредбите од Законот за електронски документи, електронска идентификација и доверливи услуги. 

OneID идентификацијата може да ја користите секаде каде од вас се бара да го докажете вашиот идентитет. Со неа добивате пристап до најразлични услуги кои се строго регулирани и сите услуги и трансaкции ќе ви бидат достапни преку вашиот мобилен уред 24/7, а вашите податоци со OneID се сосема безбедни. 

Одиме чекор напред во дигиталното услужување на граѓаните и да се надеваме дека голем број од давателите на електронски услуги, институциите и организациите коишто ќе ја имплементираат оваа нова македонска услуга па за нас граѓањите чекањето по шалтери да си остане закопано во минатото.

Предвидувања за 2022

Почнавте да гледате “предвидувања” за било што во секој втор наслов? Мислам дека бар месец дена само тоа ќе читаме. Како за последен преглед годинава некако задолжително е да ставиме и тука некои предвидувања, иако мислам дека во 2022 ќе има многу неочекувани изненадувања.

Јас решив да споделам некои од предвидувањата на Guardian, па да почнам од првото: Twitter може пак да стане важна мрежа за брендовите. Ова го прочитав и во неколку други предвидувања, па може да видиме пресврт после години политика, булинг и жестоки пресметки меѓу кориснициве на мрежава. Кога јас почнував да се бавам со маркетинг, Twitter беше hot af, и непроценливо богатство за брендови. Дали ќе се врати тоа време останува да видиме, секако малку подоцна кај нас (имаме многу ѓубре да расчистиме пред да ги вратиме брендовите на Twitter).

Следни предвидувања кои ги наведува Guardian се дека NFT ќе остане возбудливо за следење додека не пропадне. Кај нас толку малку луѓе знаат за NFT (секоја чест за македонските NFT орки), а светот веќе се подотвува за нивен заборав. Секако мислам дека има уште некоја година каде бидно ќе ги следиме промените и ќе бидеме возбудени за новостите што ќе ги донесат.

Во меѓувреме развојот на метаверзумот некако крчка дека VR ќе се врати на голема врата. Корисниците генерално ја избегнуваа виртуелната реалност заради тешките уреди, вртоглавиците, лошата содржина на VR. Но, со метаверзумот, извонредниот интернет за кој нè уверуваат дека овојпат ќе работи како што е очекувано, како нова технолошка фиксација, очекувајте многу наскоро да видите нов наплив на VR возбуда.

Следново е многу важно за нас, посебно за Дарко и ќе му биде омилено. Хајпот за подкаст нема изгори.
Ако сте си планирале подкаст или си го имате веќе таман сте и да си продолжите така. Поткастите ќе си продолжат да си го обезбедуваат заслуженото место и да си останат популарни и релевантни. Поткастите се успешна приказна и ќе останат така.

На крајот јас би додала и некои мои субјективни предвидувања за нашиов пазар. Прво предвидувам (се надевам) дека ќе има некоја голема драма и промени во инфлуенсерскиот свет, посебно Инстаграм, затоа што мислам дека сме доведени до работ и тој меур мора да пукне и да се преструктуира. Има инфлуенсери за почит, ама и тие ќе прегорат ако не се случат некои значајни промени, (пак се надевам) поттикнати и иницирани од страна на брендовите кои ги ангажираат. За сметка на овие промени искрено посакувам да се врати на цена (и тоа висока) вредна содржина и квалитетни приказни раскажани од страна на брендовите (видео, блог, поткасти па и инфлуенсери). TikTok ќе си гази (со желба за помалку идиотски и опасни по живот предизвици), а Reels ќе станат норматив на Инстаграм содржината. Facebook ќе остане на бумерите ама ќе остане и најголем дел од маркетинг буџетите за реклами на брендовите, бар уште следнава година. И за крајот ставам еден голем извичник да се следи крипто пазарот, ама нема да си дозволам на широко да се праам паметна кога сум прилично неписмена на темава.

На крајот на овој преглед ви споделувам неколку екстра линковите подолу и еден фин инфографик. А честитките за Нова година ќе ги оставам за некој ден подоцна во еден друг планиран формат 🙂

Бонус линкови

• 22 predictions for the consumer internet in 2022
• Movies Are Worse Now Because Their Corporate Funders Are Risk-Averse
• The biggest tech fails of 2021

Уште една нова епизода на #комкаст и тука може слободно да го завршиме прегледот, ама не, ќе споделам уште неколку интересни работи…

#комкаст со Борче Ѓорѓиевски – раководител на контакт центарот на А1 Македонија

Излезе и втората епизода од новата сезона на #комкаст, во партнерство со А1 Македонија и прв гостин како што е редот ни е Борче, инаку наш долгогодишен соработник и пријател! Борче е еден од ликовите кои ги имаат искусено сите фази и промени на комуникацијата со корисници, преку телефон, мејл, социјални мдиуми, па во последно време и вештачка интелигенција преку роботи, и има неверојатно искуство во овој сектор. Долго ќе го паметам како одличен професионалец и човек со кого ти е мерак да работиш. Во новата епизода на #комкаст на долго и широко со Дарко зборуваат за искуствата со новите начини и технологии за грижа на корисници. Уживајте!

Првиот влез на Adidas во метаверзумот најверојатно ќе вклучува NFT

Зошто да следиш еден тренд, кога ти се може да следиш и два? Adidas во соработка со Bored Ape Yacht Club, збирка на Bored Ape NFT на блокчејнот Ethereum, влегува во метаверзумот со „бунтовниот оптимист“ мајмун Индиго Херц (прикажан на насловната форографија).

Adidas не ни открива многу за претстојните активности, но велат дека ова е „хинт за она што следува“, истакнувајќи дека NFT ќе им даде шанса на корисниците на метаверс да поседуваат дел од она што го направиле. Компанијата ги охрабрува корисниците да ја користат нејзината апликација за да откријат повеќе за она што следува. Во апликацијата исто така доделуваат токени на долгогодишните и лојални корисници кои ги охрабруваат да ги чуваат, повторно за она што следува.

Многу мистерија на едно место, но ваквиот потег на Adidas секако не е изненадувачки. Ќе си искористат два технолошки трендови одеднаш и, се разбира, ќе си уживаат во сиот публицитетот што следи. Сепак, значајно за брендот е што ќе ги прошири своите модни и уметнички амбиции и во дигиталната област. Ако метаверзумот на Adidas и Nike се покаже успешен, сигурна сум дека сите светски брендови нема да изостанат да го следат примерот, a веќе почна Balenciaga.

Spotify Wrapped 2021 доминира на социјалните медиуми

Ако не сте забележале ниедна споделена плејлиста, тогаш живеете во пештера. Сите, буквално сите корисници ги споделија своите најслушани песни и албуми насекаде. За Spotify, Warpped секоја година им е еден вид прослава цел месец затоа што буквално доминираат на социјалните медиуми.

Оваа година, Spotify посвети малку повеќе внимание на дизајнот на Wrapped и корисниците може да си изберат однапред како ќе ги споделат своите листи, и плус, за прв пат, овозможи директно сподлеување на TikTok. Се чини дека годинава конкурентите Apple и YouTube ја губат битката со year in review, па дури и самите корисници на Apple Music овој период од годината посакуваат да бидат Spotify корисници.

SEDC стипендии за девојки и жени од ранливи категории за подобрување на дигиталните вештини

Доколку имате до 29 години и не сте вработени, Сеавус Едукативниот и развоен центар Ви нуди можност да ги унапредите своите дигитални вештини и да ги подобрите вашите квалификации за вработување преку субвенционирана академија за дигитален маркетинг.

Сите девојки и жени кои спаѓаат во оваа категорија, а предност ќе имаат тие што живеат надвор од Скопје, ќе можат да аплицираат за четиримесечната онлајн академија. Сеавус Едукативен и Развоен Центар заедно со RECONOМY покриваат 80% од вкупната школарина. Остатокот од школарината во износ од 270 евра (во денарска противредност) учесничките ќе имаат можност да го исплатат на рати најдоцна до 1 декември 2022 година. Апликацијата за академијата е на следниот линк.

Meta со нова политика за реклами со криптовалути

На 1 декември, Meta (уште ми е чудно да не го викам Facebook) објави нова политика за рекламите со криптовалути, што на големо ја отвора вратата за повеќе крипто огласувачи на нејзините платформи.

We’re updating our eligibility criteria for running ads about cryptocurrency on our platform by expanding the number of regulatory licenses we accept from three to 27. We are also making the list of eligible licenses publicly available on our policy page.”

Meta

Со овој потег сега повеќе крипто компании можат да објавуваат реклами на нејзината платформа, што ќе обезбеди проширена можност за признати крипто провајдери да ги промовираат своите производи, а истовремено ќе ѝ овозможи на Мета да заработи повеќе пари од крипто рекламите. Дали е ова добар потег, останува да видиме. Крипто-пазарот созрева и сега има многу пошироко признавање на криптовалутите како легитимен начин на плаќање. Но, тие исто така не се поддржани од повеќето финансиски регулатори, што исто така носи ниво на ризик во таквиот процес.

Бонус линкови

• Jack Dorsey is no longer Twitter’s CEO — by choice, this time
• Zašto je CTR tako bitan ranking faktor za Google?
• YouTube Shares the Top Performing Videos and Creators of 2021
• Goodbye Oculus: Meta moves away from the brand name for their VR products

Се читаме следен петок…

Уште еден петок и додека чекате да заврши работниот ден и да почне викендот може да си читнете што имаше ново минатата недела. А #ПрегледВоПеток не може да помине без Instagram, Facebook, па YouTube па и нешто многу позначајно за нашево државиче, како македонските Орки. Ајде да почнам…

На кој му треба пауза од Инстаграм?

Скролаш, свајпаш и оп за 5 минути поминале 3 саати некако магично. Ти се случува ова? Инстаграм најде решение.

Ајде да мислиме дека намерите им се искрени и навистина се грижат за менталното здравје на луѓето, пред сè тинејџерите, или се најдоа во небрано по интензивната контрола на Мета (поранешен Фејсбук) која покажа дека Инстаграм може да има негативен ефект врз менталното здравје на младите луѓе, па сега глумат загрижени. Како и да е, пак останува на самосвеста бидејќи опцијата е активна само ако сами ја активирате.

Facebook ќе отстрани илјадници категории за таргетирање

„Почнувајќи од 19 јануари 2022 година, ќе ги отстраниме опциите за детално таргетирање што се однесуваат на теми што луѓето може да ги сметаат за чувствителни, како што се опции кои упатуваат на каузи, организации или јавни личности кои се однесуваат на здравје, раса или етничка припадност, политичка припадност, религија или сексуална ориентација. .“

Facebook

Со други зборови, нема да можете да ги таргетите вашите реклами на теми како „Светски ден на дијабетес“ или други здравствени причини, ниту пак да ги поврзете со сексуалната ориентација, политичките убедувања итн.

Отстранувањето на овие елементи за таргетирање може да ги промени работите. Може да има големо влијание врз маркетерите на каузи, политичките партии, брендовите за здравствена заштита, како и да ги натера бизнисите да го променат својот наратив кој до сега им носеше успех.

Останува да видиме како ќе се снајдеме во иднина кога ќе нема многу од овие опции за таргетирање. Дали ќе успееме да поставиме доволно успешни Engagement Custom Audiences и дали ќе ни бидат доволни да си ги постигнеме целите?

Македонските Орки го освојуваат NFT светот

Сте слушнале за The Orc Horde NFT? ако доцните со запознавањето на овој ремек-дело проект, време е да си ги обновие информациите за новости. Имено, македонските уметници тргнаа во поход на крипто светот со 10000 орки (10000 уникатни NFT портрети на орки, како оние од “Господарот на прстените”). Ако само успеете да ја увидите уникатноста на проектот, тогаш можеме лесно да проектираме дека нашите уметници можат да заработат милионски суми од своите NFT уметнички дела.

Она шот е уште поневеројатно е дека овој тим на брилијантни таленти е отворен за нови амбициозни уметници кои сакаат да зграбат од NFT колачот во крипто светот. Само треба да им пишете на следниот мејл theorchordenft@gmail.com или контактирајте ги преку официјалниот Твитер https://twitter.com/OrcHorde.

Прочитајте го цело интервју со Здравко Гиров, авторот на NFT проектот The Orc Horde.

YouTube ќе ги отстрани dislikes

Всушност нема вистински да ги отстрани, туку нема да бидат јавни. Промената доаѓа како резултат на организирани напади врз корисниците на платформата, каде што опцијата „не ми се допаѓа“ се користи за да наштети на популарноста и перформансите на видеото, најчесто само затоа што не им се допаѓа креаторот.

[СТУДИЈА] Facebook реклами наспроти Instagram реклами

Истражувањето на SocialInsider на 137 илјади спонзорирани постови на Facebook и Instagram ни носи инстересни заклучоци какви реклами на социјалните медиуми генерираат најдобри резултати. Не дека и сами не сме ги увиделе овие очигледни факти ама фино е вака црно на бело истражувачки потковано да си постојат:

• Instagram е навидум попопуларен, но Facebook има повеќе корисници
• Facebook рекламите во њузфид носат најмногу трафик
• Рекламите на Instagram Stories имаат највисок CTR
• Брендовите инвестирале 8,69% повеќе во реклами на Instagram во 2021 година во споредба со 2020 година
• и уште неколку факти во продолжение…

Бонус линкови

• Elon Musk starts selling billions worth of Tesla shares after Twitter poll
• TikTok Launches ‘Creative Exchange’ Platform to Connect Brands with Top Creators
• Instagram Adds New Text-to-Speech and Voice Effect Options in Reels
• Facebook Launches ‘Creative App Platform’ to Expand Stories Functionality

Па и не дека беше досадна неделава со новостиве. Доста работеле платформиве а и ние се изначитавме. Остануваме на читање до следниот #ПрегледВоПеток

Минатава недела си рокаше со супер новости. И ич не ѝ беше гајле што врне истура и сите паднавме у депресија. И ич нема врска што утрово 3 пати го згрешив пасвордот да се логирам.

Squid Game држи добри лекции за маркетинг

Нема шанси да сте ја избегнале еуфоријата наречена Squid Game. За некои продуцентско чудо, за други преценета. Како и да е, цел свет зборува за неа и не можеме никако да и ја потцениме популарноста и влијанието што го создаде. Има куп озборувања како ја постигнале популарноста, но кој колку сака нека кова теории на заговор, серијата си стана топ вирален наслов за 2021 година.

Enterpreneur ја анализирале детално и извлекле 3 лекции кои бизнисите можат да ги искористат за да си ја подобрат продажбата и органската популарност.

1. WOM секогаш ќе биде поуспешна маркетинг алатка од било која платена кампања
2. Кога на TikTok ќе има вирален тренд поврзан со твојот бренд, тогаш успехот ти е загарантиран
3. Никогаш не знаеш со сигурност што сакаат твоите клиенти додека тие не ти го покажат тоа.

Ако сакате и вие да си ги научите детално трите маркетинг лекции од Squid Game прочитајте го целиот пост на Еnterpreneur.

Кои се добитници на 9тиот SoMo Borac

Ако нѐ следите редовно знаете дека ова е еден од нашите омилени настани, а воедно можеби и најважен настан за маркетинг агенциите, и знаете дека наш Дарко е веќе домаќин во жирито за прогласување на надобрите кампањи од регионот за секоја година.

Иако и годинава се одржа само онлајн (јер корона), SoMo Borac имаше рекорден број на пријавени кампањи. Како и секогаш добрите кампањи не изостанаа и може да се добие куп инспирација за некоја следна кампања. Нашата драга Ружица Врдољак Личина од организацијата за награда „СоМо Борац вели:

Ова беше одлична година во однос на бројот на апликации и нивниот квалитет. Според резултатите, видовме дека многумина беа навистина блиску до финалето, така што беше навистина неизвесно до самиот крај на судењето. Она што секогаш нè радува е што и помалите и поголемите агенции се речиси подеднакво застапени.

Прегледајте ги сите финалисти и победници на SoMo Borac и споделете го вашиот фаворит.

НЛБ Банка прва на пазарот со користење на електронски идентитет

Велам драгичка и редно беше. НЛБ Банка, во соработка со Mastercard, е првата институција воопшто на македонскиот пазар која им овозможува на своите клиенти да вршат банкарски услуги на далечина со електронски идентитет. Ова во пракса значи дека НЛБ може да идентификува лице без физичко присуство во Банката, како и да проследи електронска документација на корисник идентификуван на ваков начин, и повратно да добие електронски потпишан документ. Ова е едно целосно ново, дигитално искуство при вршење на банкарски услуги за клиентите што ќе им овозможи целосна флексибилност во обавување на банкарските услуги.

Еве уште една лекција што треба да ја научат и применат другите македонски банки, како и сите институции на пазаров.

Twitter со Spaces ‘Spark’ програма

Се чини дека Twitter е прилично сериозен за своите Spaces аудио поткасти, па реши повторно да го следи Clubhouse, (и TikToк и Snapchat, и Pinterest) со своја Spark програма за финансиска, техничка и маркетинг поддршка на најактивните и најдобрите креатори на поткасти на Spaces.

Бараме нови креатори на содржина кои се страсни за форматот на аудио поткасти во живо и се заинтересирани редовно да снимаат поткасти преку Twitter Spaces.

Twitter

Twitter Spark програмата ќе им обезбеди на избраните поединци по 2500 долари месечно, заедно со кредити за реклами и посебно прилагоден Space за нив. Тие, исто така, ќе можат да се поврзат со тимот на Spaces dev и да добијат ран пристап до нови функции, додека Twitter исто така ќе ги промовира нивните поткасти преку своите брендови.

На нашиов Twitter забележувам некои пасионирани спејсџии, па може и ќе видиме некој од нив влезен во Spark програмата. :).

Бонус линкови

• Pinterest rolls out new shopping features for advertisers
• YouTube says its auto livestream captions are now available for all creators
• The Social Element: the all-female leadership team disrupting social media marketing

Да се надеваме дека следниот #ПрегледВоПеток ќе биде со сонце (макар и со заби) наместо потоп.

Кога после долго одмарање во петок во 7 ќе седнеш да пишуваш #ПрегледВоПеток, ќе го препрочиташ 3 пати и пак ќе има печатни грешки… Како и да е, еве ги новостите од изминативе денови

TikTok го надмина YouTube во…

Просечното време по корисник поминато на гледање на TikTok видеа е поголемо од она на YouTube. Ова се случи во јуни во 2020та во САД и В.Британија, и од тогаш наваму се нема променето. Но, како што извештајот на App Annie кажува, сепак вкупното време на YouTube видеата сè уште е во водство.

Вам што ви личи како подобра метрика? Ова има длабоко влијание на брендовските и инфлуенсерските кампањи, а сепак маркетерите тријат раце бидејќи имаат јасни метрики која кампања каде ќе треба да се пласира.

Ikea партнерство со SHM

Навикнавме на брилијатни проекти на Swedish House Mafia, но ваков искрено не очекувавме. Имено, музичките феномени SHM и лидерот во креативност за домашен мебел IKEA склучиле партнерство да работат на нов проект со која се надеваат дека ќе можат заедно да ја демократизираат креативноста и музичката продукција, така што луѓето ќе можат да ја разбудат својата музичка креативност и дома.

IKEA објаснуваат зошто се одлучиле на ваков проект:

Сè повеќе луѓе прават музика дома, и за многу љубители на музиката, домот честопати е местото каде што почнуваат да ја истражуваат својата креативност. Предизвикот е што домот често се гради и дизајнира да одговара на потполно различни потреби од оние што ги имате како музички фан или творец.

Оваа колекција ќе им овозможи на луѓето да создадат совршено домашно студио по прифатлива цена. колекцијата ја очекуваме во септември 2022, а јас се надевам дека ќе доаѓа со детално упатство за монтажа :).

CGI инфлуенсери

Корејскиот стартап SIDUS креираше CGI инфлуенсер кој веројатно има многу повеќе следбеници од други популарни инфлуенсери. Овој виртуелен хомосапиенс наречен Rozy дебитираше минатиот август, а веќе има соработка со повеќе од 100 бренда. Во изминатава година има перформанс од скоро милион долари заработка.

Виртуелните инфлуенсери имаат неколку предности на кои треба да се обрне внимание, велат од Sidus:

• тие не стареат и секогаш се актуелни
• немаат товар од минати скандали со брендови бидејќи се креирани да се совршени
• можат да бидат совршено автентични како и вистинските луѓе.

Rozy не е единствената CGI личност, постојат уште неколку проекти кои имитираат вистински личности за маркетинг цели. Виртуелните инфлуенсери веќе доминираат на корејскиот маркетинг пазар. Дали да очекуваме дека наскоро ова ќе стане светски тренд?

Google Museletter?

Google започна да екпериментира и во светот на њуслетерите, со новиот проект наречен Museletter, кој всушност ги претвора вашите Google Drive фајлови во пост или њузлетер формат. Со ова тие сакаат да се натпреваруваат со најпопуларните платформи во оваа област, како Substack, Ghost, Revue и други. Сепак од Area 120, R&D одделот на Google, немаат што да споделат за овој проект и велат дека е многу рано. Но, веб странцата креирана за Museletter дава прилично доволно информации за да разбереме за што се работи.

Ако некој ме познава долги години и следи што сум пишувала низ годните, знае дека Google ми е слабост in a good way и дека секој нов проект го дочекувам онака превозбудена. Да видиме што ќе ни донесе оваа новост!

View this post on Instagram

A post shared by Mad Over Marketing (M.O.M) (@madovermarketing_mom)

Бонус линкови

• Facebook knows Instagram harms teens. Now, its plan to open the app to kids looks worse than ever
• Gartner Survey Reveals Talent Shortages as Biggest Barrier to Emerging Technologies Adoptions a big question mark block
• Twitter’s New Experiments are Failing to Gain Traction, Which Could Lead to Major Changes at the App

Се читаме во следен преглед!

Убав викенд.

Свежо сервирани информации во новиот #ПрегледВоПеток за читање под клима и криење од топлотен бран.

Fleets ќе одат во историјата…

Се исплатеше што не отворив ниеден флит во животов. Не дека имаа некоја историја, ама си ја проба Твитер среќата, па виде дека не се користат како што си имаше замислено и дека не му носат нови бројки и реши дека е време да им каже збогум.

И сега ме копка што ќе се случи со Spaces во иднина 🙂

TikTok Resumes за Генерација Z

По безброј сомнителни, опасни и глупави предизвици кои ги видовме на TikTok покрај оние забавните и смешните, да се понадеваме дека ќе видиме и нешто корисно. Имајќи предвид дека оваа генерација масовно ја користи апликацијата, TikTok ја започна пилот програмата „TikTok Resumes“ во средата, со надеж дека ќе ги поврзе со отворените работни места во големи компании како Chipotle, Shopify, Target и Alo Yoga. Програмата прифаќа видео резимеа само во ограничен период, со апликации отворени до 31 јули.

Па и ние веруваме дека оваа генрација сака да си најде и друга работа освен снимање на TikTok видеа.

Ексклузивен договор на Clubhouse со TED

Откако стивна фамата околу Clubhouse, стигна ново инзненадување: Партнерство со TED за споделување ексклузивна содржина креирана од лидери и експерти на TED, што може да му помогне на Clubhouse да ги задржат и да ги врати корисниците во апликацијата.

„Почнувајќи од понеделникот, 12 јули, TED е домаќин на низа соби преку нивниот официјален клуб во апликацијата“. Програмата започна во собата Thank Your Ass Off, каде домаќини се бестселерот на Newуork Times и популарен говорник на TED, A.J. Jacobs и креативениот стратег и славниот креатор на Clubhouse, Mir Harris. “

Скоро четириесет години TED ни носи фасцинантни идеи, новини и светски случки од брилијатни луѓе пред бројна публика. Ова партнерство ќе ги соедини тие умови во дијалог со милиони креатори кои ја сочинуваат заедницата на Clubhouse. Можеби ова е чекорот што ќе врати Clubhouse во игра и ќе му донесе нов моментум кај публиката.

„Кико” за лицата со оштетен вид

Вчера беше промовирана првата дигиталната алатка која го користи системот на претворање ‘слика или текст во глас, аудиочитач симболично наречен „Кико“, креирана на иницијатива на Министерството за труд и социјална политика, Програмата за развој на Обединетите нации и во партнерство со Националниот сојуз на слепи лица.

Апликацијата е бесплатна и достапна преку мобилен и десктоп и им овозможува на лицата со оштетен вид и слепите лица самостојно да работат, читаат, да праќаат мејлови и слично.

До пликацијата може да пристапите преку преземање на RHVoice од Google Play Store Откако ќе се инсталира оваа апликација, потребно е да се одбере „македонски“ на листата со јазици, веднаш до називот „Кико“.

Македонски Sony Vlog contest

Ако ви фаќа око Sony ZV1BDI во комплет со GV2PT2 може да си го освоите во новиот конкурс организиран од страна на PIX+ кој што се вика #Кој, #што, #каде?

Потребно е да ги искористите трите збора и да раскажете своја приказна во видео формат во должина од 3 – 5 минути најдоцна до 20.07.2021. Сите останати услови и правила прочитајте ги на Sony Vlog Contest MK, па споделете ако некој од вас си ја лапне наградата.

View this post on Instagram

A post shared by Tom Fishburne (@marketoonist)

Бонус линкови

• A New Tool Shows How Google Results Vary Around the World
• Pixel­hunter — free AI image resizer for social media
• Authenticated brand logos in Gmail will roll out over the coming weeks

Слики од плажа – СТОП!!!

Не одете во длабокото.

Стигна лето, граници ни се отворија, продолжен викенд и така редоследот кој да пишува #ПрегледВоПеток малку ни се измести, ама сè со цел колегите патници кои беа на ред за пишување да имаат добар и опуштен провод на пат :). А сега, продолжуваме со новостите од претходнава недела.

Messenger со 3 нови функции

Малце поубав, полесен за користење и пофункционален Messenger имаме по новиот апдејт. Нови позадински теми, брз начин за одговор на медиа фајлови и нов начин на користење на Facebook Pay со QR кодови и линкови за плаќање при трансфер на пари (само за корисниците од САД).

Прочитај повеќе на: New Chat Themes and More, Now on Messenger

Google се интегрираше со WooCommerce

Ова значи дека сите 4,4 милиони трговци на WooCommerce имаат можност лесно да го интегрираат својот инвентар на производи низ Google со само неколку кликови, и тоа бесплатно.

Со над 1 милијарда шопинг сесии дневно низ Google, оваа интеграција ќе им помогне на трговците полесно да стигнат до купувачите кои се желни да откријат нови брендови.

Ако те интересира повеќе, обавезно прочитај го следниот текст: Google Launches New Integration with WooCommerce to Streamline eCommerce Listings

Amazon.com официјално достапен во БИХ

Босна и Херцеговина стана полноправен член на Amazon семејството, што значи интернет шопингхоличарите ќе можат легално да купуваат а оние кои на оваа можност гледаат од бизнис перспектива ќе можат легално да продаваат одредени производи на Amazon.com.

Нашиот драг пријател Недим Шабиќ, консултант за дигитален маркетинг со долгогодишно искуство во работа за најголемите светски компании, за ова вели:

Ова е одлична вест за секој пазар, бидејќи опсегот на Амазон е многу широк, па така конечно ќе станат достапни производи кои воопшто ги нема во БиХ. Појавата на Амазон секако ќе ги подигне стандардите за домашните веб-продавници, и во однос на квалитетот на стоките и цените, но веројатно најинтересната промена ќе биде кога Амазон ќе ја вклучи и својата испорака во понудата и ќе доставува производи за 24 часа. Сето ова заедно сигурно ќе ја зголеми свеста за интернет трговијата и ќе ја направи исклучително популарна, за што одамна беше време во БиХ.

Влегувањето на толку голема компанија на веб-пазарот во БиХ дефинитивно ќе предизвика вистинска дигитална револуција, а јас можам само да кажам ај па и на наша глава!

Спонзорите на EURO2020 во паника

Фудбалерите на Euro2020 изгледа како да се натпреваруваат кој повеќе штета ќе нанесе на спонзорите на овој настан. По потегот на Роналдо кога ги тргна шишињата Coca-Cola од масата на прес, сега Погба имаше нешто против Heineken и реши да го отстрани шишето од видик.

Иако изгледа како наивна промоција на здрав живот, сепак други игри се во позадина на ваквите потези.

Ако потегот на Роналдо ги чинеше Coca-Cola пад од 4 милијарди евра на светската берза, имате пргноза колку Погба ќе ги чини Heineken?

Едно е сигурно, еден потег на фудбалер на прес, или пак еден твит на Елон Маск, веќе имаат моќ да управуваат со стабилноста на берзите. Значи, само еднаш треба…

View this post on Instagram

A post shared by Tom Fishburne (@marketoonist)

Бонус линкови

• If You Thought Working From Home Was Messy, Here Comes Hybrid Work
• Amazon blames social media for struggle with fake reviews
• Facebook Adds a Range of New Group Admin Tools, Including an Updated Dashboard and ‘Conflict Alerts’
• Take a look at the original World Wide Web source code being auctioned off as an NFT

Поздрав до сите освен до оние што ќе уживаат на плажа викендов – јер љубоморна 🙂

На здравје кафе, време е за читање, прво вести од соседството и од кај нас, па потоа од светот.

Шпански Glovo го купува Donesi.com

Прво малку историја. Во далечната 2011 нашиот Дарко Булдиоски го донесе Donesi и во Македонија. Траеше кратко, ама слатко. Едноставно пазарот не беше доволно подготвен за ваков тип на сервис. Имаше ентузијасти и од страна на гладните и од страна на рестораните, но на крајот ентузијазмот остана само во нашите глави и решивме дека се уште нема простор да се вложува напор, пари и време во ваков тип на услуга во Македонија.

10 години подоцна на нашиот пазар си има сервиси кои растураат со истиот тип на услуга, а Donesi.com за цел тој период си растура во соседството. Сега дојде време шпанската компанија Glovo да си го зајакне своето влијание во Централна и Источна Европа, проширувајќи го своето работење на пазарите во Србија, Босна и Херцеговина, Бугарија, Хрватска, Црна Гора и Романија.

Како што Netokracija известува, Glovo ќе го преземе брендот Donesi во Србија, Црна Гора и Босна и Херцеговина, брендот foodpanda во Романија и Бугарија, како и брендот Pauza во Хрватска. Вкупната вредност на аквизициите е 170 милиони евра.

Драган Сакан доби улица во Белград

Драган Сакан е моќно име во светот на меркетингот и идол на многумина кои работат во оваа индустрија. На 10 годиншнината од смртта на пионерот на маркетингот на Балканот и основачот на креативно размислување во Србија и земјите од регионот, Белград одлучи во негова чест да именува улица на Сремски Венец.

Како што danas.rs пишува, именувањето улица по овој „маркетинг могул“ е исто така признание за целата комуникациска професија, бидејќи ова е прва улица именувана по човек од маркетинг професијата.

Ласко Џуровски со уште еден македонски фонт

Во понеделникот ни’ беше празник, некој конечно стигна во Грчка на море, некој реши да одмори, а неуморниот Ласко реши да не’ почести со уште еден македонски фонт кој е само дел од богатата збирка фонтови кои до сега ни ги има подарено.

Ќе добиеме ли “next generation of Windows”

„Наскоро ќе споделиме една од најзначајните надградби на Windows во изминатата деценија за да овозможиме поголема економска можност за девелоперите и креаторите. Јас бев лично вклучен во развивањето на надградбата во изминатите неколку месеци и неверојатно сум возбуден за следната генерација на Windows. Нашето ветување кон вас е: ќе создадеме повеќе можности за секој Windows девелопер денес и го му посакуваме добредојде на секој креатор кој ја бара најиновативната, нова, отворена платформа за развивање и дистрибуција и монетизација на апликациите. Со нетрпение очекуваме да споделиме многу повеќе наскоро “. – Satya Nadella, Microsoft CEO.

Повеќе на: https://www.theverge.com/2021/5/25/22453222/microsoft-windows-next-generation-announcement-sun-valley-build-2021-keynote

You Tube со нови Terms of Service

На 1 јуни 2021 година, стапуваат на сила новите условите за користење на YouTube со кои експлицитно се забранува собирање на какви било лични информации на корисниците без нивно одобрение. Дополнително новите услови ќе содржат и разјаснување на процесот на монетизација на содржината од страна на сервисот. Според новите услови, видео платформата работи на промена на условите за користење што им овозможува да го монетизираат од објавените содржини со вметнување реклами заедно со видеата. Целокупната содржина достапна на YouTube од каналите што не се заштитени од партнерската програма ќе се монетизира..

Повеќе на: https://www.youtube.com/t/terms

Бонус линкови

• KAKO SMO SA POZICIJA PREŠLI NA SLEŠEVE
• You can now disable like counts
• Pepsi Claims It Goes Better With Burgers Than Coca-Cola
• GCLIDS, GBRAIDS WBRAIDS – WHAT IS GOING ON?
• 30+ scrapers that will ease your B2B prospecting

Имајте убав “скоро” летен викенд 🙂

Петок 9:30, се знае што ново ве чека. Ајмо на читање нови линкови во #ПрегледВоПеток.

#ПрегледВоПеток 125 за Payoneer во Србија, TikTok со Совет за безбедност, Facebook со нова можност да заработиш и поубави Goolge Maps

Добар ден почитувани читачи. Настаните од неделата во новиот #ПрегледВоПеток, ви ги пренесува yours truly 😀

Па, да почнеме:

Стигна Clubhouse од Силиконска долина, ама само со покана

Clubhouse е аудио социјална мрежа која ви овозможува да слушате и да разговарате со други луѓе преку соби каде што можете да учествувате како говорник или само како слушател. Ја искористува популарноста на поткасти и аудио содржина, а по содржина е најблизу до Twitter или Facebook групите. Новата аудио социјална мрежа стана посебно интересна кога Elon Musk започнaл да дава совети за неа и почнал да го испрашува основачот на Robinhood во една од Clubhouse собите.

Нашиот драг пријател и основач на Нетокрација, Иван Брезак Бркан, лично и персонално направи сеопфатен осврт на Clubhouse кој вреди да го прочитате.

Tim Cook го нападна Facebook

„Не може да се дозволи социјалната дилема да стане социјална катастрофа.“ – рече извршниот директор на Apple, Tim Cook, во неодамнешниот говор во Брисел по повод Меѓународниот ден на приватноста на податоците.

Низ целиот говор апсолутно е јасно дека тргна во офанзива против Mark Zuckerberg и Facebook, кратко по неодамнешниот напад од Facebook, кои објавија реклами во неколку весници во кои се напаѓаат новите промени за приватноста на Apple.

Без воопшто да го спомене името на Facebook, Tim Cook во својот говор даде една тешка лекција за која треба да размислуваме:

„Крајниот резултат на сето ова е тоа што повеќе не сте корисник, Вие сте производот. Која филозофија сакате да ја следите? Сакате бизнис што им служи на корисниците или оној што ги искористува корисниците за да му служат на бизнисот?“

Instagram со една добра и една лоша новина за инстаграмџиите

Прво лошата или добрата вест? Еве прво да ве израдувам:

Instagram додава нов фолдер „Recently Deleted“ што ќе им овозможи на корисниците да ги вратат сите избришани објави 30 дена по бришењето. Ова ќе ги направи среќни сите оние на кои често им се случува по грешка да си избришат објава или пак оние кои биле жртва на хакери кои бришат содржина кога ќе добијат пристап до нечиј профил.

И пред да се возбудите премногу, морам да ви ја кажам и лошата вест.

Додека Instagram продолжува да додава сè повеќе и повеќе функции, тој исто така сега спроведува тест кој спречува некои корисници да споделуваат објави од News Feed во нивните Stories. Ако имате следачи како мене што можда еднаш месечно ќе им текне да прегледаат што сте објавиле во News Feed, а речиси секојдневно ги следат вашите сториња, ummm I think you’re f____d up. 🙁

Среќен роденден Facebook

На 4 февруари 2004 година беше лансирана социјалната мрежа TheFacebook за студенти на Харвард и други универзитети од т.н. лига на Ајви. Така почнува историјата на Facebook кој вчера наполни 17 години. Догодина ќе го частиме пиво 🙂

Настаните што влијаат на оваа социјална мрежа и на кои таа влијае секогаш се многубројни, а јас пак ќе ве испратам на Нетокрација да си ја прочитате Миа Биберовиќ со заклучоците за досегашната работа и иднината на Facebook.

#комкаст 96 – Како да снимите поткаст – втор дел

Дарко го продолжува муабетот за снимање поткаст со малку повеќе осврт на техничкиот дел и опремата потребна за снимање, и споделува што и каде е достапно од опрема на нашиот пазар. Преслушајте си го новиот #комкаст

Бонус линкови

• ICO u Srbiji – Izdavanje digitalne imovine po Zakonu o digitalnoj imovini
• Infografika: Gašenje interneta: Skup poduhvat u borbi za vlast
• The people wanted Lego bike lanes, and Lego is finally listening

Убав викенд, се читаме во 125ката.

Мене ми се падна последниот #ПрегледВоПеток годинава и не сум нешто фасцинарана за тоа, зошто ми изгледа како преодговорна обврска. Ама ајде да не се возбудуваме толку и да не го правиме многу голема работа, а? 🙂

Имаме супер линкови за неделава, не многу креативни ама сериозни и поучни! Да ја завршиме годинава конечно, и да не се повтори нели!

Oдговорот на Google на тужбата за Google Search

Во #ПрегледВоПеток 114 пишавме дека се здружија 35 држави да го тужат Google. Google уште истиот ден по тужбата за дизајнот на Google Search објави одговор и објаснување за истиот. Од компанијата велат дека тужбата сугерира да не се работи на подобрување на пребарувањето и тоа да биде помалку кориснo за оние што пребаруваат. Оваа тужба се обидува да го редизајнира „Google Search“ на начин на кој ќе ги лиши Американците од корисни информации и ќе им наштети на бизнисите да се поврзат директно со клиенти. И ако јас избирам од пред и потоа, ќе го изберам токму ова што Google го вели:

Нашето ригорозно тестирање ни кажува дека далеку ги претпочитате резултатите со богати информации кои вклучуваат мапи, линкови до производи и услуги што можете да ги купите директно, опции за летови и хотели и информации за локалните бизниси, како што се работно време, испорака и сл.

Трендови кои мора да исчезнат во 2021

Кога ќе прочитам ваков наслов знам дека на некој му дошло преку глава и мора да си ја испразни нервозата негде. Па исто како јас да сум го пишувала. На списокот што Уна Костадиновиќ го има срочено би додала обавезно и “Цена/Инбокс”, т.е. wanna-be Facebook продавници што сакаат да продаваат, а да не објавуваат цени, и уште еден цел список од 100тина работи, ама ајде доволно беше негативна годинава па да не ја продлабочувам.

Посебно ми се допадна овa што им го порачува на клиентите:

Niste tabloid. Napravite nešto što je jako dobro, platite plasiranje tog sadržaja i sačekajte da algoritam uradi svoju magiju.

2021 ќе биде златно доба за аудио реклами

New York Times е прилично амбициозен кога станува збор за аудио рекламирање. Нивниот информативен поткаст The Daily двојно ги зголеми преслушувањата оваа година, за сметка на 2019та. Рекламирањето во нивниот поткаст е доста популарно кај брендовите со директна продажба на своите клиенти, а благодарение на склучувањето договор за рекламирање и со луксузните брендови кои претходно се двоумеа дали да пробаат овој формат, 2021 ќе биде златно доба за New York Times и аудио рекламирањето. Оваа година, Times склучи договор за аудио кампањи со 226 брендови. Четири од нив – Beautycounter, Chanel, De Beers Jewellers, The RealReal – се во категоријата на луксузни брендови, а во тек се разговори уште со најмалку три бренда.

„За луксузните клиенти, аудио рекламирањето се однесува на публиката, ексклузивноста и новитетите“, Lisa Howard, SVP of media. „Луксузните брендови го сакаат контекстуалниот аспект“.

29.5 милиони долари за 9 годишниот јутубер Ryan Kaji

Колку од вас си подголтнаа само на насловот? 🙂

Ryan’s World трета година по ред е на врвот на листата јутубери кои што заработиле најмногу.

И ако си помисливте дека штом ова 9 годишно дете може, значи секој може, мнооогу се излажавте. Иако изгледа сѐ толку слатко и едноставно, позади видеата на Ryan се крие профи продукција и посветена маркетинг стратегија, што, ќе претпоставите, не е изведена од дете.

Сите кои сакаат да бидат успешни на YouTube можат да научат многу од каналите кои се на листата, во однос на презентација, употребата на тамбнејл, наслов и должина на видео и многу повеќе. Но, веројатно најголемата лекција што може да се земе од овие sвезди на YouTube е доследноста и конзистентноста.

Светот на Биби на гости во #комкаст

Ако имате деца (а и ако немате) нема шанси да не сте изгледале бар една епизода од Светот на Биби. И не само епизоди, толку многу македонска содржина и посветено креирање на една целосна приказна и маркетинг стратегија.

Цртани, претстави, играчки, сликовници, гостувања, интервјуа и што уште не. Кај мене дома се секојдневие. А еве сега Светот на Биби ни дојде на гости во #комкаст. Преслушајте го разговорот со Јована Аврамовиќ колку многу се работи и што сѐ ново се подготвува во Светот на Биби.

Бонус линкови

• TikTok Adds ‘Year in Review’ Option to Highlight the Clips That You Engaged with Throughout the Year
• Spotify’s plan to dominate audio ads
• 3 Takeaways From the IAB Disruption Summit to Bake Into 2021 Strategies
• Top UI/UX Design Works for Inspiration — #135
• Google’s year in Search

Нема да се поздравам во овој пост со годинава, и да ви поскувам желби и честитки. Ќе смислиме нешто поубаво за тој повод. До тогаш уживајте во читањето.

Убаво вака ми доаѓа ред да ги заокружувам прегледите, па еве ме после 105ката продолжувам со 110ка како мој втор #ПрегледВоПеток

Почнува период на гужви, период кога брендовите ги фаќа празнична “паника” за нови кампањи. Иако годинава ќе мора да го прифатиме новото нормално празнично расположение, сепак скоро и да сум убедена дека брендовите нема да изостават да направат многу кампањи, и кул и луди работи. Затоа почнувам со една што ме остави со подотворена уста.

Лади си го пивото и гејмај од истиот уред

Ама навистина не знам што да ви кажам за ова. Само ќе ви го пуштам видеово и ако некој некогаш стигне до уредов го чекам да ме викне на пиво.

Иако ваквиве уреди се прават за ограничена и привилигирана група на луѓе (во која секако не спаѓам) се надевам дека мноооогу брендови како Bud Light ќе прават вакви луди работи во иднина.

Плаќај пола провизија на Apple како девелопер

Една мнооогу важна веста: За девелоперите кои заработуваат помалку од 1 милион долари Apple ја намали својата провизија на 15%.

Околу 28 милиони девелопери, или 98% од сите регистрирани девелопери, од 1 јануари ќе си ги намалат своите трошоци кон Apple со преполовена провизија. Досега компанијата им наплаќаше 30%, а отсега секој што ќе заработи помалку од 1 милион долари ќе плаќа 15% провизија. Секој девелопер кој спаѓа во оваа група може да се пријави во новата App Store Small Business Program на Apple за намалена провизија, а доколку во текот на годината пак заработил повеќе од 1 милион долари автоматски ќе му биде наплатена провизија од 30%.

Small businesses are the backbone of our global economy and the beating heart of innovation and opportunity in communities around the world. We’re launching this program to help small business owners write the next chapter of creativity and prosperity on the App Store, and to build the kind of quality apps our customers love.

Tim Cook, Apple’s CEO

За компанијата ова е мала промена на која отпаѓа само 5% од заработката на App Store, но за девелоперите е значајна. Намалувањето се однесува на сите извори на приходи на App Store, од премиум апликации до плаќања во апликациите. 

На колку од вас им прелетаа пеперутки во стомак кога ја прочитаа веста? 🙂

Испраќај пораки што исчезнуваат на Messenger

Некако изгледа им недостасува Snapchat на луѓево, па Facebook решија да ја оживеат оваа функционалност и на Messenger. Новиот “Vanish Mode” ќе ви дозволи да испраќате пораки во редовниот чет прозорец без да мора да отворате скриена конверзација. Само со свајп ап може да ја активирате новата опција и да испраќате пораки кои ќе исчезнат а потоа повторно да се вратите во нормалниот чет.

Она што е важно да се напомене е дека само луѓето со кои сте поврзани можат да ја користат оваа опција со вас во чет. Дополнително, ако некој направи скриншот од четот додека сте во “Vanish Mode” ќе ви стигне нотификација. А ако некој едноставно ја премине границата и ви пишува пораки кои едноставно не сакате да ги добивате и прават да се чувтвувате небезбедно, може да го блокирате и да го пријавите.

Оваа опција е веќе достапна на WhatsApp, сега доаѓа и на Messenger, a Facebook најави дека ќе има и на Instagram, што е логично да се случи заради интеграцијата на сите платформи во една.

Не се сеќавам дали сум била во ситуација да морам да испраќам пораки што исчезнуваат, но верувам дека опцијата ќе си најде примена кај публиката, дали за испраќање на поинтимни пораки, или пак некакви доверливи информации. Ќе ве прашам, колку пораки што подоцна сте сакале да ги снема сте испратиле во животот?

Игнорирај го брифот од клиентот

Еден мудар човек, по име Paul Boag, еднаш рече дека можете и треба да додадете повеќе во некој проект отколку слепо да ги имплементирате идеите на другите луѓе.

Имено, еден од нашите омилени автори и консултанти во својот нов пост објаснува зошто мора да го земете брифот од клиентот со резерва.

Па безмалку секој пат кога ќе добиеме бриф од клиентот остануваме прво збунети, после со милион прашања “го напаѓаме” назад за да стигнеме до идејата која му е во глава и да пробаме да ја разбереме работата што нè чека.

За ваквиот тренд на “неразбирливи, глупави и сиромашни брифови” Paul наведува две причини:

• Најчесто го пишува некој што нема искуство колку вашето, па брифот излегува само список на функционалности кои клиентот би сакал да ги има, или пак воошто не му ни требаат.
• Клиентот често не успева да си го дијагностицира проблемот за да изготви бриф според кој ќе му се понуди најдоброто решение.

Во секој случај не секогаш сме во позиција комплетно да ги отфрлиме желбите на клиентот, па дури и кога тој упорно настојува да го следиме напишаниот бриф, можеби и треба да го направиме тоа. Она што се очекува од нас е да да бидеме подготвени да понудиме совет и да имаме мислење како брифот треба да се подобри, преработи или комплетно замени, со што всушност градиме репутација како експерти во полето. Најдобриот начин е да поставувате безброј прашања во врска со нивниот пристап и понудете алтернативи со кои всушност ќе ја достигнете целта на клиентот.

Колку често вие како есперти сте во позиција да се договарате, преговарате и да му негодувате на клиентот за испратениот бриф? Колку често ја добивате “војната” и излегува по ваше? 🙂

Слушни го Иван Ајнштајн во новиот #комкаст

Вчера Дарко го викна Иван Ајнштајн (еден од најпопуларните јутубери кај нас, ако не го знаеш, срам да ти е) да гостува во #комкаст. Уште не стигнав да ги ислушам, ама еве велат дека ептен сериозно муабетеле за YouTube.

Дискутираме за локалната YouTube сцена, за заработката на јутјуберите, за квалитетот на содржината, за глобалните трендови и за уметноста наречена YouTube „едитирање”.

Јас одам сега на слушање, вие може да ми се придружите или прво да си ги дочитате бонус линковите. Се читаме во следниот преглед во петок.

Бонус линкови:

• Instagram Expands ‘Guides’ Content Display Option to All Users
• Keyword search is coming to Instagram
• Teen social app Yubo raises €40m
• Instagram Shares New Guide to Combat Bullying and Negative Interactions on the Platform [Infographic]