Comments Off on 185 #ПрегледВоПеток – SomoBorac, Feedlink, Apple#ПрегледВоПеток
Уште еден #ПрегледВоПеток за скроз петочко расположение.
SomoBorac додава 3 нови категории
Јубилејното 10-то издание на регионалната награда за дигитални дела SoMo Borac, ги “отвори вратите“ за пријавување. За прв пат кандидатите ќе можат да ги достават своите пријави во три нови категории – SoMo Growth, Somo Global и DA – Digital Activation. Годинава настанот за прв пат ќе се одржи во Загреб, каде ќе се соберат најголемите регионални експерти од областа на дигиталниот маркетинг.
Osluškujući kretanja tržišta i nove tržišne trendove, svake se godine prilagođavamo i donosimo novitete. Sretna sam što ćemo s tri nove kategorije dati dodatni prostor za prepoznavanje vrhunskih radova kojih u digitalu nikad ne manjka. Pozivam ovim putem sve da prijave svoje radove u jednoj od deset kategorija, prepuste se u ruke stručnjacima te pokažu klijentima zašto su upravo oni bili najbolji izbor.
Ružica Vrdoljak Ličina
Feedlink – нова алатка за креатори
Дечките од EmbedSocial решиле да работат оваа година 🙂
Ни помалку ни повеќе лансира нова алатка наменета за мали бизниси и креатори, која ќе помогне полесно да креираат уникатно веб присуство со свој .link домен.
Аналитичарот на Apple – Ming-Chi Kuo, веќе изјави дека ова е
“најкомплицираниот“ производ што Apple некогаш го произведел и дека неговото лансирање ќе допринесе до брз развој во оваа насока од индустријата.
Бројни предвидувања во текот на годините се обидоа да појаснат како всушност слушалките на Apple ќе функционираат. Наводно, ќе работат како самостоен уред и нема да има потреба да се поврзани со компјутер, а можно е да има дури 14 камери за да го следи движењето. Се претпоставува дека ќе има процесор со слична моќност како M1 чиповите користени во Mac производите, иако кога станува збор за напојување, не е јасно дали батеријата ќе биде вградена во самите слушалки или ќе биде екстерна.
Comments Off on 182 #ПрегледВоПеток – Twitter, Pepsi, TikTok#ПрегледВоПеток
Иако со времево надвор имаш чувство дека секој ден ти е петок, денес стварно е, затоа што денес имаме #ПрегледВоПеток
Елон Маск во проблем со новите другари од Twitter
Веста дека Елон Маск го убеди Twitter да се продаде, беше несомнено една од поважните случки во годината. Драмата околу целиот процес не изоставуваше и од самиот старт приказната доби уште поголемо внимание баш поради однесувањето на Маск. Откако во јавност излезе идејата дека тој пуштил понуда за купување на компанијата, се раширија разни (не)проверени факти околу тоа колку навистина вреди Twitter. Во еден момент од компанијата имаа реакција дека понудените $54,20 по акција се далеку под пазарната вредност на платформата, а веќе во друг $44 билиони беа и повеќе од добредојдени за Twitter да се смести во империјата на Маск.
Кога настана вистинската драма? За време на целиот процес, преговори и комуникација со јавноста, Маск постојано твиташе за тоа дали оваа опција за купување на Twitter е дефинитивна и конечна. Натегањата од двете страни беа ставени на послужавник за јавноста затоа што Маск не ја пропушташе можноста да ја пренесе секоја негова недоумица за купувањето на компанијата јавно.
Она што следуваше како резултат беше – паѓање на акциите на Twitter на берзата. Сега акциите на платформата се намалени дури на $40. И нормално, ова ги прави дечките од Twitter мнооогу бесни.
Група стејкхолдери му подготвија тужба на технолошкиот гуру затоа што тие сметаат дека тој со неговото однесување намерно ја спуштил вредноста на акциите на Twitter со цел да добие подобра понуда од веќе договорената во Април или да има оправдана причина за повлекување.
Со моменталната вредност на акциите на Twitter, Маск и ќе ги претплати со своите $44 билиони. Развивањето на драмата сигурно ќе го прочитате во следниот преглед.
Pepsi се повлекува од Super Bowl
Паузата во финалето на Super Bowl со години е најгледаниот TV музички спектакл во САД. Како генерални спонзори на овој настан, Pepsi поддржа 26 музички настапи на музичари добитници на повеќе од 160 греми награди и потпишуваат илјадници хитови.
Но, од компанијата изјавија дека повеќе не веруваат во тоа дека музички настап помеѓу спортски натпревар пренесен преку телевизија има смисла ниту иднина. Токму затоа, Pepsi се повлекува од главното место на шоуто на Super Bowl и наместо тоа ќе го промени правецот на својата стратегија. Наместо да троши вртоглави суми на пари на неколку минутно шоу, компанијата се одлучи дека ќе биде онаму каде што се нејзините купувачи – на интернет а не пред телевизор.
NFL изјавија дека нивното шоу сѐ уште е едно од најголемите телевизиски спектакли што привлекува милиони гледачи пред малите екрани и дека значителен број на компании веќе се борат да го заменат местото на Pepsi.
TikTok со нов производ наречен Branded Mission
ТикТок минатата недела објави дека лансира нов производ наречен „Branded Mission“ кој ќе им овозможи на креаторите на содржина да се поврзат со брендовите и евентуално да добиваат награди за видеата. Целта на овој производ е да се искористи максимално потенцијалот на платформата со заедничка корист како за креаторите, така и за брендовите.
Од прилика вака некако би функционирало: Огласувачите/брендовите можат да лансираат брендирани кампањи и да ги охрабруваат креаторите да учествуваат во нив. Брендовите можат да развијат краток бриф и да го испорачаат до заедницата на креатори, охрабрувајќи ги да учествуваат во таканаречените branded missions.
Креаторите потоа можат да одлучат во кои брендирани мисии сакаат да учествуваат. Право на учество би имале креаторите кои имаат најмалку 18 години и бројат најмалку 1.000 следбеници. TikTok вели дека избраните креатори чии видеа се избрани од брендовите „ќе имаат финансиска корист но и зголемен сообраќај на нивните акаунти“. На секоја страница за брендирана мисија, креаторите ќе можат да видат колку пари имаат потенцијал да заработат доколку се избере нивното видео.
За сега овој производ е сѐ уште во бета верзија и е најавен дека ќе биде достапен за широкиот пазар подоцна годинава.
This new form of two-way engagement between brands and creators allows the TikTok community to have a creative hand in the ads that are part of a brand campaign.
Comments Off on 179 #ПрегледВоПеток – Krash, Facebook, Amazon#ПрегледВоПеток
Петок било денес а? Бурнава недела ја завршуваме како што е ред со #ПрегледВоПеток.
Сите зборуваат за Домачица
Несомнено дека тема на неделата е новиот подвиг на Краш со новата кампања за својот производ Домачица, што повлече и нова амбалжа. На големо се зборува и кај нас моментот што производот што со децении го носи зборот што асоцира на класична жена од 50-тите, го поврзаа со она што за нив претставува модерна жена. Жена професионалец која има своја кариера како правник, менаџер, програмер итн.
Како што официјално објаснија од компанијата, позадината на кампањата и пораката што сакаат да ја искомуницираат е кревање на свеста дека во (балканските) семејства постои оној дисбаланс на поделба на домашните обврски. И сѐ е ова океј ако наместо Домачица и Програмерица стоеше на пример Домачица и Домачин (саааамо како пример).
Интернетот не би бил тоа што е ако луѓето не си го кажат мислењето моментално, па очекувани беа и реакциите од типот дека се откажуваат од брендот, дека сето ова звучи премногу сексистички и дека како општество не сме мрднале од нула.
Кое е вашето мислење?
Facebook во нова мешаница
Пред повеќе од една година, Facebook и Google одбија да им даваат дел од приходот на контент креаторите во Австралија како што се информативните портали. Поради ова, тие на територијата на Австралија ја забранија сета дистрибуција од информативните портали на својата платформа.
Аааааамаааа, изгледа малку претерале со алгоритмот и не само што ги банирале сите вести и информативни содржини, туку ја прекинале дистрибуцијата и на сета содржина од непрофитни организации, здравствени и противпожарни институции како и центри за помош на жртви од семејно насилство. WSJ откриваат дека Facebook има блокирано повеќе од 17 000 страници што немаат никаква врска со забраната.
The documents in question clearly show that we intended to exempt Australian government Pages from restrictions in an effort to minimize the impact of this misguided and harmful legislation. When we were unable to do so as intended due to a technical error, we apologized and worked to correct it. Any suggestion to the contrary is categorically and obviously false.
Facebook spokesperson Gina Murphy
Amazon и IMDB со решение за нерешетилните филмомани
Колку пати ви се има случено да заспиете додека скролате на Netflix? Или да пуштите серија што ви е веќе изгледана 375969 пати наместо да побарате некоја нова содржина за гледање?
Amazon се охрабрија да го гејмифицираат овој процес и тоа во соработка со IMDB. За подобрување на корисничкото искуство на корисниците на Fire TV, Amazon смислија игри што одлучуваат “наместо тебе“ што е она што ќе го гледаш.
Моментално се лансирани само 3 игри во кои едната ти се делат “карти“ и добиваш избор од 3 предлог содржини за гледање од кои треба да избереш. Во друга собираш печати со тоа што ќе оценуваш филмови на IMDB а во третата пак станува збор за класичен Buzzfeed квиз. Платформата ти поставува прашања поврзани со тоа какви преференци имаш за жанр, дејствие, актерска екипа и слично и врз основа на одговорите ги дава своите резултати.
Не дека не можеш и на ова да заглавиш и да ги повторуваш игрите одново и одново, но барем ќе се случува нешто 🙂
Од Јануари, Бетменот од наше време, полека акумулираше акции и месецов ја заврши неговата како што тој сака да ја нарече прва фаза од процесот со 9.2% удел, што го направи најголемиот инвеститор индивидуалец во компланијата.
Но, Елон излезе со финална понуда до Twitter и се понуди да го купи за 43 билиони долари и се “закани“ дека ако бордот не ја прифати неговата понуда, целосно ќе се повлече од компанијата.
Аналитичарите на пазарот велат дека понудата на Маск е мала, со оглед на тоа што акциите на Twitter неодамна достигнаа 70 долари, а тој сака да ги купи по цена од 54,2 долари. Но, сепак сето ова изгледа примамливо и во најмала рака треба да се сфати сериозно како легитимна понуда .
Ако понудата се прифати, Твитер најверојатно ќе претрпи значителни промени. Маск е голем говорник за слободата на говор и на големо гo хејташе Twitter кога го банираа Трамп од својата мрежа. Но, освен ова, тој најавил дека доколку ја преземе компанијата, сака да почне од нула, односно секој што моментално работи таму ќе биде заменет со некој друг.
Интернетот збесна за оваа информација и по многуте мемиња и замисли за тоа дали Twitter ќе се прекрсти во “Tesla Social”, направи и анализа за тоа што друго може Маск да купи за 43 билиони долари и одговорот е: БУКВАЛНО БИЛО ШТО ДРУГО!
Еве некои од најкреативните:
Да се врати на месечината со својата вселенска програма
Да помогне во решавање на гладта во светот
Да изгради буквални мостови и инфраструктура
Да плати за PR тим на Tesla Company (ова ми е омилено)
Соработката ќе го означи лансирањето на новата Pinterest апликација во рамки на WooCommerce. Преку неа ќе бидат овозможени различни нови опции за Pinterest шопинг можноста како што се организирањето на тагови и поврзувањето на каталогот со производи. Главната цел на колаборацијата е можноста производите од онлајн продавницата автоматизирано да се прикажуваат како производи достапни за купување на Pinterest.
At Pinterest, we’re building a home for taste-driven shopping, and investing in new ways for shoppers to browse, discover and engage with brands.
Pinterest
Ogilvy UK со силна акција во инфлуенсер маркетингот
Особено задоволство ми причинува оваа вест и оние што работат/работеле со мене го знаат мојот став за инфлуенсерите (особено домашните). Британија со последните одлуки и предлог закони за овој дел од интернет светот, некако стана кул детето што ич не му е гајле што другите мислат за него, или мене така ми се чини?
По иницијативата за закон, што моментално е во второстепена постапка (или како и да се вика ова) дека секој инфлуенсер што ќе користи апликации, филтри или било какви корекции на своите фотографии треба, јавно да го објави тоа, акција презема една од најголемите маркетинг агенции.
We have a duty of care as marketers, as agencies and brands to the next generation of people so they don’t grow up with the same stuff we are seeing now,
Rahul Titus, Head of influence
Од агенцијата велат дека направиле доста истражувања. работеле со експерти но и со инфлуенсери и оваа одлука за нив е гласноговорник на нивните ставови за тоа каква треба да биде иднината во онлајн комуникацијата на брендовите.
Од агенцијата се свесни дека тие се само медијатор во индустријата и дека промената на барањата и ставот првично треба да дојде од страна на клиентите. Задолжителна е едукација на клиентите за тоа какво ниво на слобода треба да им се даде на инфлуенсерите во соработката и какви очекувања за резултатот треба да имаат. Затоа што ако оваа иницијатива е еднострана и агенциите бараат реален изглед додека клиентите бараат совршеност, за жал нема да има никаков ефект.
За среќа, еден од клиентите на Ogilvy е брендот за козметика Dove кој со години работи на подобрување на сликата на жената каква што е, без ретуширања, корекции и филтри. Тие јавно ја подржаа нивната матична агенција и остануваат како поддршка за нив и нивната кауза.
Како решение за овој “проблем“ тие воведуваат доплата за член плус во планот. Ова започнува во јужноамериканските земји и не е ништо ново, затоа што веќе неколку години Netflix има желба да ги прекрати ваквите “позајмици“.
Така што, користете ги акаунтите на бившите додека можете, затоа што промената доаѓа. 🙂
Од сега feed-от ќе има 2 опции: favorites и following. Во favorits ќе биде излистана сета содржина од оние акаунти што корисникот ги обележал како омилени. Во favorites корисникот има опција да вклучи до 50 акаунта. Во following ќе биде излистана содржината од сите акаунти што се следат. Она што е најважно е дека содржината и во двата дела ќе биде прикажувана како што се објавува без вмешување на алгоритам.
И покрај одлуката за враќање на Instagram feed-от во стариот сјај, тимот на апликацијата сепак си стои на ставот дека имањето и имплементирањето на алгоритам го подобрува корисничкото искуство. Луѓето поминуваат време на платформата изразувајќи го својот став секојдневно, давајќи позитивен или негативен фидбек на содржината што им е пласирана, зошто тогаш не би сакале да го гледаат токму она што им се допаѓа и за што покажале интерес?
When we first launched in 2010, Instagram was a single stream of photos in chronological order. But as more people joined and more was shared, it became impossible for most people to see everything, let alone all the posts they cared about. By 2016, people were missing 70% of all their posts in Feed, including almost half of posts from their close connections. So we developed and introduced a Feed that ranked posts based on what you care about most.
Instagram
Тоа е што е, ќе видиме како ова ќе се одрази и на бизнисите присутни на Instagram.
Дали TikTok и Oracle ќе стават крај на драмата во САД?
Пред неколку години пишувавме на големо за чекорот на Доналд Трамп и банирањето на Тик Ток во САД. Делот со складирањето на податоци од американски државјани на кинески сервис е голем deal breaker за САД па решението доаѓа во форма на договор со Oracle.
Според договорот, Oracle ќе ги складира податоците на TikTok за американските корисници, ќе се погрижи податоците да не се пренесуваат на ByteDance и ќе биде одговорен за заштита на податоците на корисниците од закани. Бидејќи оваа чувствителна задача ќе ја извршува американска компанија со блиски врски со владата, TikTok конечно треба да биде мирен дека неговите операции во САД претставуваат сериозна закана за американската безбедност.
YouTube нуди бесплатно гледање на повеќе од 4000 епизоди од ТВ серии
Со овој чекор видео гигантот влегува опасно пред својата конкурнција затоа што како сервис тој сѐ уште е бр.1 дестинација каде луѓето минуваат најмногу време гледајќи содржина.
Comments Off on 170 #ПрегледВоПеток – The Internet VS Russia, Meta,TikTok…#ПрегледВоПеток
Добредојде на новиот #ПрегледВоПеток, започнуваме…
Како интернетот ја хендла кризата со Украина?
Преплавени сме со (дез)информации со сѐ што се случува во Украина, па не е ни чудо зошто овој преглед го започнувам токму со моментот како целиот интернет ја хендла оваа ситуација.
Facebook, Twitter и Google ги блокираа рекламите во Русија и Украина
Како што се зголемува тензијата и притисокот врз ситуацијата што ја погоди Украина, Facebook и Google ги блокираа сите платени реклами што доаѓаат од руските медиуми, додека пак Twitter го суспендираше целосното рекламирање и во двете земји.
Одговорното лице за безбедност при комуникација во Facebook изјави дека не дозволуваат руските медиумски куќи да монетизираат акции на нивната платформа.
YouTube исто така суспендира неколку руски државни медиумски канали, како што е RT, да заработуваат пари од реклами. Покрај тоа, онлајн видео платформата ги ограничува и препораките на тие канали и целосно ги блокира во Украина на барање на украинската влада.
Meta создаде специјален центар за следење на конфликтот во Украина што е надлежен за отстранување на содржината што ги крши нејзините правила. Twitter вели дека „проактивно ги прегледува“ твитовите за да открие манипулација, да идентификува лажни вести и информации и да ги заштити профилите на новинарите, активистите и владините претставници и агенции. Двете компании исто така објавија совети како корисниците да ги заштитат своите акаунти од хакирање и да ја обезбедат нивната приватност.
YouTube соопшти дека во последните денови отстранил стотици канали и илјадници видеа поради кршење на неговите политики.
Силиконската долина под огромен притисок
Компаниите од Силиконската долина, исто така се соочуваат со притисокот да го ограничат ширењето на лажни информации и пропаганда за конфликтот.
Писма од државните органи беа испратени до Meta, Twitter, TikTok, Alphabet, Reddit и Telegram со насоки да ги заштитат своите платформи од ширење на руско влијание.
TikTok во “војна“ со креаторите на содржина
Ситуацијата со Украина покрена лавина од лажна содржина на TikTok. На платформата се појавуваат видеа што прикажуваат стари конфликти, сцени од филмови, дури и битки со видео игри со комуникација дека токму тие случки се она што во моментот се случува во Украина.
За само неколку дена видеата со хаштаг #RussianInvasion генерираа повеќе од 32 милиони прегледи а #RussiaUkraine повеќе од 132 милиони.
„And the volume of misleading videos does seem new to me. Some people are doing it because they want attention, some people want to monetize it, others are doing it potentially as misinformation and disinformation.„
Sam Gregory, Program director of Witness
Airbnb понуди бесплатно сместување за 100,000 Украинци
Престојот ќе биде финансиран од Airbnb.org фондот за бегалци, а од компанијата изјавија дека веќе се испратени понуди за соработка со владите на соседните земји на Украина со цел навремено да одговорат на ситуацијата обезбедувајќи сместување за бегалците.
Некои Украинци на кои им треба сместување можеби во моментов немаат пристап до мобилни телефони или интернет што им се потребни за резервација, па Airbnb изјави дека ќе работи со непрофитни организации на терен, кои ќе бидат одговорни за резервирање и координирање на престојот за гостите бегалци, без оглед на националноста, расата, етничката припадност или како тие се идентификуваат.
Meta ги патентираше 3D разговорите
Дали тоа Meta ја најавува иднината на холограмите? И тоа со ни повеќе ни помалку, патент на 3D разговорите. И иако многу патенти никогаш не дочекуваат да станат вистински производ, патентот навестува како Мета ја замислува иднината на комуникацијата.
Поточно, апликацијата прикажува канал за снимање и пренос на 3D приказ на учесниците во комуникацијата со реалистичен лице в лице ефект.
Патентот е поднесен уште во 2020 и она што е важно е моментот дека ја опфаќа било која 3D трансмисија на телото без разлика дали се гледа преку AR очила, телефон или некоја нова идна технологија.
TikTok воведува10 минутни видеа
Растот на корисници на TikTok само ни покажа дека кратките видеа се овде и ќе ги има уште догледно време. Но, навиките и очекувањата на публиката се менуваат, а со тоа и нивните барања за содржина.
„We’re always thinking about new ways to bring value to our community and enrich the TikTok experience. Last year, we introduced longer videos, giving our community more time to create and be entertained on TikTok. Today, we’re excited to start rolling out the ability to upload videos that are up to 10 minutes, which we hope would unleash even more creative possibilities for our creators around the world.„
TikTok
Првично, временското ограничување на TikTok по видео беше 15 секунди, пред да се продолжи на 60 секунди, а потоа на 3 минути. Сега, корисниците ќе можат да поставуваат многу подолги видеа, што всушност би можело да има големо влијание врз тоа како луѓето ја консумираат содржината.
Comments Off on 167 #ПрегледВоПеток – Meta, Microsoft, Netflix, 2021 Review, Chrome…#ПрегледВоПеток
Со денови на пролет во Февруари доаѓа и новиот #ПрегледВоПеток. Добро утро, започнуваме…
Европа ќе остане без Facebook и Instagram?
По Google Analytics и драмата помеѓу САД и Европската Унија, на ред доаѓа и Мета (очекувано). Европа сака да ги заштити податоците на своите жители и според своите легислативи, овие податоци не смеат да бидат во ниту една корелација и сообраќај со американски сервис. Тука доаѓа пак Мета што има своја филозофија на работите и не може да ја исклучи датата што доаѓа од корисниците во унијата за непречено работење на своите платформи.
Од овде се повлекува прашањето, дали доколку основната работа на Мета не е возможна на овие територии, треба воопшто и да функционира овде?
”If we are unable to transfer data between and among countries and regions in which we operate, or if we are restricted from sharing data among our products and services, it could affect our ability to provide our services, the manner in which we provide our services or our ability to target ads.”
Meta
Мета појаснува дека мисли дека ќе може да се постигнат нови договори во 2022 година, но ако не се случи тоа, веројатно нема да можат да понудат голем број од нивните најзначајни производи и услуги, вклучувајќи ги Facebook и Instagram, во Европа.
Американците се љубоморни на ваквата ситуација. Што мислите вие?
Digital culture review 2021
2021 ја започнавме со надеж дека работите ќе се сменат драааастично после фаталната 2020 и нормално нели се разочаравме во сѐ што постои. И додека радост ни донесоа само вакцините и тоа што имавме можност да видиме море минатото лето, доста работи ескалираа во дигиталната култура. We are social направија фантастична ретроспектива на изминатата година, осврнувајќи се на сѐ она што беше важно во нашиот свет. Metaverse, NFT, blockchain…Frances Haugen стана најпозната жена за 2021 со откривањето на сѐ она за што сите бевме свесни но се трудевме да не го приметуваме и му стапна на Марк на нерви. Twitter го доби најлајкуваниот твит за 2021 кога им посака добредојде на буквално сите кога платформите на Мета одморија во Октомври.
Од она што го видовме во 2021, што е она што можеме да го очекуваме за 2022?
Стикерите што се достапни во чет апликациите, отсега може да се адаптираат и да се закачат на десктоп а опцијата за криење на таскбарот додека се користи таблет може автоматски да се активира кога се користи таков уред. Новата опција за одржливост пак се однесува на подесувањето на енергетска одржливост и рециклирање на уредите.
Фраерот од “Tinder Swindler” баниран од повеќе dating апликации
На 02.02 беше лансиран новиот Netflix документарец под наслов “Tinder Swindler”. Документарецот ги следи сведочењата на 3 различни жени што во периодот од 2018-2019 биле вклучени во финансиска измама што започнала на Tinder. Главниот “херој“ во приказната е Shimon Hayut кој успеал да извлече дури 10 милиони долари од жртвите претставувајќи се лажно.
Типот по лансирањето на документарецот е баниран од повеќе dating апликации а неговите жртви дури покренале и GoFundMe кампања преку која собираат донации за да можат да ги исчистат своите долгови (ова ме натера да се посомневам во тоа и колку Netflix им има платено за ова но ок).
И без спојлери, остатокот оставам да го дознаете сами.
Chrome со ново лого по 8 години
Chrome го измени своето лого за првпат по 2014 и ако се загледате многу многу многу добро, можеби и ќе ја приметите разликата помеѓу старото и новото.
Сенките на елементите со боја се исфрлени и наместо тоа боите се едноставни а кругот во средина е за нијанса поголем. Креатор е дизајнерот Елвин Ху што работи за Google Chrome.
Comments Off on 164 #ПрегледВоПеток – Google, Instagram, Twitter…#ПрегледВоПеток
Првиот официјален #ПрегледВоПеток во 2022 дами и господа…
Google Analytics нелегален во Европа?
Дали Google Analytics за американските онлајн сервиси ќе стане незаконски за функционирање во Европа? Кога законот за заштита на приватноста беше поништен во 2020 година, сериозно се одрази на американските онлајн сервиси што работат во Европа. Пренесувањето на податоци од европски граѓани во САД повеќе не им беше дозволено, бидејќи ова значеше дека податоците од европските граѓани ќе станат подложни на американските надзори што е јасно прекршување на европскиот GDPR.
Силиконската долина и понатаму продолжува да ги игнорира правилата изјавувајќи:
“While this (=invalidation of Privacy Shield) sent shock waves through the tech industry, US providers and EU data exporters have largely ignored the case. Just like Microsoft, Facebook or Amazon, Google has relied on so-called “Standard Contract Clauses” to continue data transfers and calm its European business partners.”
NOYB
Сега, австриското тело за заштита на податоците го враќа ударот со прогласување на Privacy Shield за неважечки: Одлуката е дека употребата на Google Analytics ја прекршува Општата регулатива за заштита на податоци (GDPR). „Google“ е „предмет на надзор од американските разузнавачки служби и може да му се наложи да им ги открие податоците oд европските граѓани“. Затоа, податоците на европските граѓани не смеат да се пренесуваат преку Атлантикот.
.Драмааа…
Twitter со NFT хексагон профилни фотографии
First things fisrt…Што е NFT?
NFT ви дозволува да купувате и продавате сопственост на уникатни дигитални производи и да следите кој ги поседува користејќи го блокчејнот. NFT или “non-fungible token“ технички може да содржи што било дигитално, како што се цртежи, GIF, песни или ставки во видео игрите. NFT може да биде нешто единствено, како уметничка слика или една копија од многуте, како тргување картички. но блокчејнот води евиденција за тоа кој има сопственост на производот.
Твитер гo интегрира NFT со додавање на специјален облик на шестоаголник околу илустрацијата на (засега достапните) аватари на профилната фотографија.
При лансирањето, Твитер поддржува неколку крипто-паричници што корисниците можат да ги поврзат со нивните профили и да потврдат дека нивните токени се NFT.
Instagram со нова опција за монетизација за креаторите на содржина
Only Fans или Instagram Fan Subscription?
И нема некоја многу голема разлика. Instagram ја тестира новата опција преку која креаторите на содржина ќе имаат можност да ја монетизираат својата комуникација со најголемите фанови преку различни опции што ќе бидат достапни само за нив.
Екслузивна содржина видлива само за оние што се спремни да платат е стратегијата со која Instagram ќе ги задржува креаторите на оваа платформа наместо да ги изгуби во битката со TikTok и YouTube. Ова е начин плус и да ги мотивира да објавуваат што повеќе содржина.
Сега за сега е во тест фаза и од опциите што се достапни за цени од $0.99 – $99.99 се: Live вклучувања само за претплатените, сториња само за претплатените и значки за претплатените.
Comments Off on 160 #ПрегледВоПеток – Комкаст, WARC наградени, Instagram, TikTok…#ПрегледВоПеток
Утро, полека ги читкаме и последните Прегледи во петок за 2021 па here we go…
Нова #Комкаст епизода со Мартина Наумовска
А како инаку да ти започне петокот ако не со добра содржина што ќе ти го расони мозокот за работа. Новата епизода на Комкаст е овде и овој пат како гостинка ја има Мартина Наумовска – првата жена Data Scientist која влегла во претприемачките води во Македонија, еден од основачите на Data Masters и Data Masters академијата.
Дарко и Мартина зборуваат за улогата на податоците во рамки на самата трансформација на работењето на една организација и сигурна сум дека ќе ви биде таман видео за гледање додека го пиете кафето во канцеларија.
Објавени најдобрите и најнаградуваните кампањи и брендови за 2020
World Advertising Research Center (WARC) традиционално ја објави листата на најдобри и најнаградувани маркетинг кампањи и брендови за 2020. Листата секогаш се објавува во првиот квартал од актуелната година, но поради пандемијата оваа година задоцни.
WARC ги собира сите значајни и релевантни награди што се доделуваат во текот на целата година во индустријата и аплицира специјална методологија за да ги добие финалните резултати. Можете да претпоставите кои се брендовите што се најдоа на оваа листа а тоа се: Ikea, Coca-Cola, Volvo и Nike.
Doja Cat со првиот музички спот со кодирање
Doja Cat е првиот музички артист што пласираше интерактивен музички спот. Во соработка со Girls Who Code, спотот крие опции, ефекти и детали што може да се “отклучат“ со помош на код. Спотот е презентиран преку микросајт што ги запознава сите оние што немаат слушнато за CSS, Javascript и Python и им дава увид во тоа што може да биде нивна кариера. Со оглед на тоа што нејзината публика се млади фанови, тимот од од Girls Who Code се задоволни со досегашниот интерес.
We know first-hand that girls and young women are some of today’s most powerful creators and change-makers. However, too few know that they can have a career in computer science, and that it can open up an entire future of possibility to nurturing their passions. Learning to code enables you to change the world around you.
Tarika Barret, chief executive officer of Girls Who Code
Што има ново на Instagram?
Знаеме каква револуција донесе линк стикерот во стори на Instagram. Од компанијата најавуваат новина во овој дел со персонализиран текст на самиот стикер што ќе води до саканата дестинација. Од сега ќе можеме да пишуваме наши CTA пораки како и да избираме боја на самото копче.
На малку посериозната страна пак, Instagram се реши да го промени својот лошо критикуван feed алгоритам. Откако го лансираа во 2016 како алгортитам што ќе го персонализира фидот на секој корисник според неговите преференции и однесување на апликацијата, Intagram добија страшно негативни коментари што сѐ уште траат. Многу од корисниците го сакаат времето кога објавената содржина од своите пријатели беше видлива пред објави од профили за готвење само затоа што еднаш си побарал рецепти овде.
Но, по сите обвинувања, истражувања и дискусии поврзани со безбедноста на апликацијата за тинејџерите, компанијата се одлучи да го врати хронолошкиот алгоритам назад.
Колку оваа промена ќе влијае врз ефектот што апликацијата го има врз своите најбројни корисници останува да видиме.
TikTok ги објави најпопуларните креатори, песни, трендови и ефекти за 2021
На прво место како креатор се издвојува типот со смешното играње и снимање со дрон што кружи околу него – @totouchanemu. Не само што клипот собра 313,9 милиони прегледи и 43,9 милиони лајкови, туку стана вирален хит што не ги заобиколи и славните што правеа своја верзија на истиот.
Во извештајот се најдоа и топ продуктите што добиле најмногу внимание од TikTok корисниците: GAP дуксер, чанта во форма на срце од Kate Spade, Clinique кармин, Ikea платнена торба и уште неколку други што преку вирални видеа станале топ селери. Овие податоци одат во прилог на шопинг опциите што платформата ги најавува.
Овој #ПрегледВоПеток го препорачувам “14 Peaks: Nothing Is Impossible” на Netflix. Мотивирачки документарец што сум сигурна дека ви е потребен за кревање на моралот и енергијата периодов.
Comments Off on 157 #ПрегледВоПеток – TikTok, Instagram, Snapchat, Spotify…#ПрегледВоПеток
Океј, пак редот за куцкање е мој, па знаете што се прави додека се чита #ПрегледВоПеток со Наташа….СЕ ПИЕ КАФЕЕЕЕ! Да започнеме…
TikTok – Безбеден или не?
Се чини дека лошиот глас што започна да го бие TikTok поради сѐ побројните опасни предизвици што нагло стануваат популарни, стигна и до важните уши во компанијата. Тие направија истражување со цел да го подобрат нивото на безбедност на своите корисници што секојдневно се изложени на секаков вид на содржина. По многу случаи низ целиот свет каде практикувањето на предизвици од оваа социјална мрежа довеле до смртни последици, резултатот беа рестрикции за користење на TikTok од страна на малолетници во многу земји.
Затоа, компанијата најми независна агенција да го спроведе истражувањето. Побарано е мислење и направени се интервјуа со повеќе од 10 000 учесници, меѓу кои тинејџери, родители и учители од различни националности.
Истражувањето покажало дека поголемиот број од тинејџерите испитаници, не биле ни свесни дека некоја содржина е опасна. Она што е загрижувачки е дека TikTok не секогаш може да препознае одреден предизвик како штетен, особено ако истиот е во почетна фаза. Хаштазите што што ги носат познатите предизвици не носат секогаш заканувачки збор во себе, па ова е една од работите на кои треба многу да се работи. Овде се вклучува и содржината што може да претставува закана и опасност по самоповредување па дури и самоубиство.
TikTok работи на што поголемо и порелевантно алармирање на корисниците за секаква опасна содржина. Тие соработуваат со експерти за ментално здравје кај адолесцентите и го подобруваат корисничкото искуство за сите оние што им е потребна помош околу справување со вакви проблеми.
Snapchat е за частење
Snapchat одсекогаш ми бил најкул од цело друштво. Можеби затоа што сѐ секогаш започнува од него, и со што и да се занимава, очите се свртени таму. Затоа и не ме зачуди што направија договор со Sony Music Entertainment. Музиката игра голема улога во новото користење на технологијата и социјалните мрежи па Snapchat и овој пат се во тек. Она што е супер интересно е нивниот договор со NBCUniversal. Ова значи гоооооолем избор на користење на реплики и фрази од еден тон серии и филмови во продукција на NBCUniversal.
И додека Facebook измислува 101 начин како да продаде AR иднина, дечкиве отидоа до таму што секој може да биде ѕвезда на својот музички спот со новите Sound Lences.
“The Lens transforms pictures of anyone to appear as if they are singing a song, while Cameo Sound Lenses will apply visual effects to put you and a friend as the stars of your own animated music video.”
Snapchat
А за оние како мене, што секогаш сакаат нешто екстра специфично јадење направено дома а сѐ што имаат во фрижидер се јајца и кромид, Snapchat влегуваат со своjот Food Scan. Едноставно, ги скенираш достапните намирници со новата опција за скенирање и тадааам добиваш предлози од Allrecipes за што сѐ можеш да зготвиш со твојата (не)скромна кошничка. Секако дека не можеш да зготвиш ексклузивно јадење само со јајца и кромид, но ќе добиеш инспирација за супер рецепти, факти за храната и намирниците од Weekipedia и свашта.
Огладнев…
Кои FMCG производи се најпопуларни кај македонците?
Генерално, нема значајни промени на позициите кај најпознатите брендови во соодветните категории. Битолско млеко и Битолски јогурт учествуваат со 51% односно 41% во категоријата Млеко и Јогурт. Најпознато турско кафе е Grand кафе кое ја унапредува својата позиција од 22% на 32% за разлика од 2020 година.
Во категоријата Природни Сокови, Вива ја држи лидерската позиција како најпопуларен бренд кај секој трет потрошувач.
Како шампиони се издвојуваат и Витаминка, Виталија, Тиквеш, Здравје Радово и Скопска Пивара.
Работиме на две од овие компании што покажуваат дека се лидери во својата индустрија па….good for us! 🙂
Марк влегува во малопродажба?
По сите скандали и целата галама што се креваше околу Facebook (никогаш Мета), Марк решава да излезе од виртуелниот свет и да стапне во оној реалниот носејќи нешто од виртуелниот! Се разбравме? Ајде од почеток.
Се слушаат гласини дека Facebook ќе ги отвора своите први физички малопродажни локации каде секој ќе може да купи производ излезен од Reality Labs секторот на компанијата. Тој има идеја да им го овозможи на луѓето она чувство и возбуда на влегување во еден поинаков футуристички свет каде виртуелната и аугментираната реалност се спојуваат. Но, колку е публиката спремна за вакво нешто?
Ова е дел во кој уживаат само броен дел на луѓе, кои можат да си дозволат да бидат љубопитни за сите опции достапни. Компанијата минатата година ги лансираше своите нискобуџетни очила кои добија и не толку сјајни критики.
Сепак, директорот е мотивиран за промена и ја најавува новата голема технолошка ера по смартфоните.
Не сакам да звучам лошо но идејата за физичка продавница доаѓа во период кога се отвори Skopje East Gate….Хммм….
Spotify со опција за текст за сите претплатници
Во соработка со Musixmatch, Spotify ја лансираше својата опција за прикажување на текст на песните за сите претплатници на сите платформи. Од Musixmatch велат дека обезбедуваат текстови на повеќе од 8 милиони песни, така што не би требало да имате проблем во наоѓање на онаа што ја слушнавте во кафана минатиот викенд (аха да).
Instagram со нови опции
Најмногу ги сакам овие мали опции што реално не дека многу им значат на регуларните корисници, но на маркетерите – И ТЕ КАКО!
Другата новина е уште покул и баш заради тоа сакам да завршам со неа а тоа е дека одсега ако апликацијата поради било која причина закочи или престане да работи, само потреси го телефонот (nudge опција за постарата генерација) и ќе добиеш прозорче со прашање Што не е во ред и простор за текст каде можеш да го впишеш проблемот.
Comments Off on 154 #ПрегледВоПеток – Meta, Instagram со линкови, Squid Game…#ПрегледВоПеток
Искористи линк во стори на Instagram? 🙂 Хајлајт на неделата е ова а сѐ останато во продолжение на овој последен октомвриски #ПрегледВоПеток ….
Достапни линкови во story за сите Instagram бизнис акаунти
Опцијата на ставање линкови како стикер наместо со swipe up на story, беше промовирана од Instagram во Август и конечно стана достапна за сите од 27.10.2021. За брендовите, ова со сигурност значи дека фокусот за комуникација со корисниците и фановите ќе биде дефинитивно на содржината креирана за story.
Па ако сѐ уште не си ја искористил оваа опција за твојот бизнис акаунт или за акаунтот на некој клиент – 3, 2, 1 GO!
Facebook Inc. станува Meta
Веќе беше најавено и се очекуваше, ама во јавноста беше пуштена шпекулација дека Facebook ќе го менува своето име во Metaverse, сепак тука некаде е. Холдинг компaнијата која стои зад Facebook, Instagram, Oculus VR и серија други сервиси и уреди отсега ќе се вика Meta. Не, како што пишавме и претходниот преглед, апликацијата/сервисот Facebook нема да го смени своето име… а за да не разберете погрешно изутринава веројатно ве пречека и такво известување во самата апликација, така?
Она што е далеку поважно, од самата манифестација за промена на фокусот кој Марк сака да ја направиме се сите други новитетите кои вчера беа претставени на Facebook Connect виртуелниот настан.
Марк најави нова социјална виртуелна реалност со Horizon Home, која ќе го користи Oculus Quest 2 VR сетот а целта е да ги поврзе и забавува корисниците во виртуелниот свет. Згора на ова ќе може да правите и VR повици преку месинџер а на настанот беше пуштен и мал тизер за нови AR наочари (Azeray) како и нов high-end VR сет (Project Cambria).
Facebook ќе се фокусира на помладата публика
Не знам за вас, но во последните неколку години Facebook мене лично ми служи само како информативна платформа и ништо повеќе. Чат-пат ќе прсне смеење од некоj заборавен memory пост или коментар на тетка што сама си прави муабет во коментари под рандом објава од некој портал.
Иако ова за Facebook значи дека бројката на корисници ќе расте сѐ побавно, Марк смета дека ова е правилниот чекор.
Кога станува збор за Instagram, тој е свесен дека TikTok е најсериозниот конкурент што досега влегол во игра, па токму поради тоа Reels и видео содржината ќе биде примарна цел за придобивање и задржување на младите тинејџери и адолесценти.
Ваквите промени ќе траат со години, но сепак целта е таа.
Каде влегуваме ние 30 и кусур годишните во овој свет уште не ми е јасно, но ОК и така имаме криза на идентитет од 2020 па наваму (шмрк).
Squid Game го присвојува Halloween 2021
Очекувано…годинешните костими за Halloween ќе бидат во зелено-бела боја со реден број од лева страна.
Најгледаната серија на Netflix ќе прогласи победа и врз овогодинешниот празник. Тренерките што ги носат играчите во популарната серија ќе ги преплават баровите и улиците насекаде каде Halloween е настан број 1 оваа есен. Амазон веќе со полна пареа ги продава овие костими и тоа најмногу со бројот на главниот карактер 067. Освен тренерките, голем хит се и црвено-црните костими на чуварите како и целосниот аутфит на куклата од првата игра (онаа со крипи песничката).
Што ново има на Twitter, Linkedin, Clubhouse и Pinterest
Twitter ги објави своите Q3 перформанс резултати и се чини дека бројките растат како во корисници така и во профит. Дали ова е доволно за да ги оправда посакуваните проекции и поставените цели за инвестиции, сѐ уште не е јасно. Но, бројот на корисници е поголем за 13% од претходната година, од кои повеќето се надвор од САД, што и не е толку лошо. Но, кога се зборува за пари, тие се главно од САД и тоа нови 94 милиони долари за ова Q3.
Linkedin го олеснува конектирањето на фриленсерите со брендовите преку својот Service Marketplace. Бета тестот беше лансиран уште во Февруари и од тогаш па наваму генерираше повеќе од 2 милиони корисници. Новите филтри за пребарување и напредни опции ќе ги приближат квалификуваните работници со вистинските работодавачи многу полесно и поедноставно. Има мноогу кул и практични опции, па доколку си во потрага на работа, ѕирни, можеби ќе начекаш нешто што ќе ти се допадне.
We suspect that people will use Pinned Links in all sorts of fun ways — like playing games, running polls, and sharing links to YouTube videos. Just as importantly, we’re excited to see Pinned Links help room creators drive people to subscribe to their Substack, download their podcast, read their book, go see them at The Laugh Factory, discover their new single, buy their product, and support their Patreon or GoFundMe page..
Clubhouse
Pinterest оди чекор напред во служба на маркетерите со својата MRC акредитација. Ова значи дека метриката на Pinterest ги исполнува стандардите на MRC за обезбедување квалитет и точност. Со други зборови, маркетерите сега можат да се чувствуваат посигурни дека податоците што ги добиваат од Pinterest ги одразуваат вистинските луѓе кои влегуваат во интеракција со нивните реклами за „Pins“ и „Pin“, што може да помогне во поттикнување за повеќе трошење.
Од овој преглед па во секој нареден што ќе го пишувам, ќе споделувам предлог серија/филм/документарец. За крајот на овој #ПрегледВоПеток ја издвојувам “The Bilion Dolar Code” на Netflix! Ѕирни ја за викенд па пиши ни мислење. 🙂
Comments Off on 151 #ПрегледВоПеток – Facebook, Facebook, Facebook…#ПрегледВоПеток
Во недела каде 3 од најголемите социјални платформи направија пауза од работа, и те како има за што да зборуваме….
Што се случи со Facebook, Instagram и WhatsApp?
Неделата ни започна ептен драматично со прекинот на Facebook, Instagram и WhatsApp во период од 6 часа. 6 часа ниту еден уред во светот не можеше да се поврзе со било која од овие 3 апликации. Facebook, Instagram и WhatsApp беа отсечени од интернетот и не можеа да се поврзат со другата страна. Ова можеби претставуваше мал проблем и непријатност за дел од корисниците, но за големите и мали бизниси што секојдневно функционираат на овие две социјални мрежи и те како не им беше сеедно. Во текот на овие 6 часа биле пријавени 10.6 милиони проблеми – најголема бројка забележана.
Аналитичарите забележуваат дека овој проблем се должи на начинот на кој Facebook како компанија функционира. Можеби се поефикасни во работата, но ако едно нешто отиде во погрешен правец, предизвикува каскаден ефект што лесно може да излезе од контрола.
Како Facebook реагираше?
Малку и непријатен беше моментот кога Facebook се обрати на јавноста преку Twitter. Ова покрена лавина реакции кај јавноста што го искористија моментот да ја покажат својата креативност во мемиња и смешни твитови – но за ова друг пат.
Колку ова го чинеше Facebook?
Можеби најголемиот удар што компанијата мораше да го издржи е финансискиот. Некои штетата од 6 часовниот прекин ја заокружуваат на дури 6 билиони долари, додека пак акциите паднаа за речиси 5%.
И ова дојде во многу тежок момент за Facebook.
Facebook мета на хајка и обвинувања
Поранешна вработена во Facebook сподели документи од внатрешното работење на компанијата со The Wall Street Journal и беше дел од 60 minutes. Францис Хауген јавно зборуваше за тоа колку компанијата е ориентирана кон продажба по цена да создаде алгоритми што го поддржуваат говорот на омраза. Таа го напуштила Facebook во 2021 со образложение дека повеќе не верувала во целата приказна.
There was conflict… between what was good for the public and what was good for Facebook, and Facebook chose over and over again to optimize for its own interests — like making more money.
Frances Haugen
Таа приложила документи што јасно укажуваат на фактот дека Facebook знае колку говорот на омраза, политичките пораки и лажните информации штетат на општеството. Во друго истражување пак потенцира дека целиот проблем доаѓа од алгоритмот на Facebook што е моделиран на тој начин да форсира соодржина што предизвикува гнев и лутина кај корисниците, со цел да се добијат поголеми бројки на интеракција.
Марк Цукерберг во одбрана
По сите обвинувања од страна на Францис, Цукерберг излезе во одбрана на компанијата и вработените. Неговиот став за тоа дека Facebook форсира негативна содржина со цел да добие поголема интеракција е бесмислено. Тие продаваат простор за рекламирање и ниту една компанија и бренд што плаќа за тие реклами не сака да биде излистана помеѓу негативна содржина. Цукерберг во своето писмено обраќање не ја спомнува Францис директно. Тој и понатаму се труди да не остави слика во јавноста дека ова толку многу го засега, но освен Facebook на мета е и Instagram со последните истражувања дека е штетен за тинејџерите.
Колку секојдневната оператива нѐ прави непродуктивни
Свесни сме дека последните две години, оперативните задачи во секојдневната работа се натрупуваат се повеќе и повеќе. Повеќе мејлови затоа што нема состаноци во живо, повеќе виртуелни состаноци поради тоа што не можеш да разговараш лице во лице, повеќе телефонски повици, затоа што не можеш да се свртиш и да го повикаш колегата од соседното биро. Сѐ ова нѐ прави да удриме во ѕид, да се блокираме ментално и креативно и на крај целиот процес да биде неефикасен и непродуктивен.
Harvard Business Review со одлично одлично четиво за тоа колку и дали секојдневните мали операции можат да ја доведат здравата работна средина во пропаст.
Instagram се ослободува од Igtv?
По лансирањето во 2018, Igtv и не ги исполни очекувањата како што сите се надевавме. Беше осмислено како дел од апликацијата наменета за споделување на фотографии, каде можеше да се погледнат подолги видеа. Но, 3 години подоцна, Instagram признава дека овој “проект“ баш и не им тргна од рака. Затоа ќе го ребрендираат во Instagram TV и видеата ќе можат да траат и до 60 минути. Со Reels во подем и форсирањето на кратка видео содржина, баш би сакала да знам колку ова всушност и вреди да сотане како опција.
Comments Off on 147 #ПрегледВоПеток – Facebook, LG, TikTok, Matrix…#ПрегледВоПеток
Петочки и полуесенски го започнувам овој #ПрегледВоПеток Знаете како, кафето во рака и 3, 2, 1….
Лансирани паметните очила на Facebook и RayBan
Веќе некое време јавноста со нетрпение очекуваше што ќе излезе од најавуваната соработка помеѓу Facebook и Ray Ban во изработката на нивниот заеднички производ – паметните очила. И иако фотографии од самиот производ протекоа на интернет и пред лансирањето на производот, сепак деталите околу него беа зачувани за крај.
Не знам за вас, но јас очекував некои сериозни Бетмен sh** од нив и по малку се разочарав кога прочитав дека всушност и немаат достапни екранчиња за AR. Ова всушност е уште еден чекор во следење на потезите на Snapchat кои ја поминаа целата оваа гужва со нивните Snapchat’s Spectacles.
Нејсе, да не им го ругаме трудот на Facebook и RayBan, еве какви опции ќе имате со паметните очила наречени Stories. Ќе можете да слушате подкасти, ќе можете да сликате и снимате со помош на двете мали камери сместени на самите очила, микрофон и гласовен асистент што ќе ви помага да управувате со очилата и без раце.
Воодушевени?
LG иноватор на новиот модуларен екран
Оние што ја започнавте новата сезона на Gossip Girl (и по малку се разочаравте признајте), сигурно го приметивте Samsung телефонот на Џулиен. Светот побудале по овој тренд на телефон на преклопување што го носи стариот добар сјај и момент на драматично спуштање на слушалка, но и целосниот изглед и изум што стои позади ова.
LG вели дека има отидено чекори напред во оваа технологија каде ќе се обиде да го направи овој тренд револуционерен и во повеќе категории како што се таблети, лаптопи и телефони. Не само што екранот ќе може да се свитка навнатре туку ќе може и да се адаптира нанадвор.
Замисли држиш телефон во рака и за одредено видео ти треба поголем екран и само почнуваш да ги влечеш краевите на екранот нанадвор за да го направиш поголем….🤯
TikTok во соработка со MTV VMA’ Award
Ако нешто ги обележа овие две години на интернет, тоа дефинитивно е TikTok. Со раснењето на платформата ден по ден, растеше и популарноста на многу музички ѕвезди и тоа благодарение на некои ликови што до тогаш немале скоро никаква трага на интернет. Тиктокерите – оние светски популарните, придонесоа на милионски купувања на албуми, враќање на многу ѕвезди заборавени од минатото како и бустање на прегледите и преслушувањата на доста музички хитови.
И токму поради ова, MTV смета дека тие се релевантен фактор во избирањето на годишните победници на VMA’ Awards.
Тиктокерите имаат можност да гласаат за музички категории, преку посебна опција додадена од апликацијата а официјалниот канал на МТВ ќе стрима и целосен настан од објавувањето на овие категории денес.
The Matrix Resurrections доаѓа во декември
Да бидам искрена можеби сум меѓу ретките што го нема погледнато Matrix, но знам кој е Киану Ривс, па доволно е 🙂
Па, да ви скратам време, еве што се случува во трејлерот: Нео седи во када со гумена патка на глава и зборува со Барни од How I Met Your Mother, се појавуваат неизбежните ликови од претходните делови, Нео е многу блиску до Џон Вик, има многу експлозии…и да повторно е во фокус изборот на црвена или сина верзија на…Што да ви раскажувам клик и гледајте го…
Comments Off on 142 #ПрегледВоПеток – AllWeb, Coca-Cola, Google, Pokemon Go…#ПрегледВоПеток
И неделава покриваме она што е најважно во #ПрегледВоПеток а тие што сте веќе на плажа, еве ви материјал за читкање за со кафе.
Подготвени за AllWeb 2021?
Започнувам со најубавата вест прво – AllWeb се враќа годинава на голема врата со заеднички настан што ги спојува AllWeb Macedonia и AllWeb Albania. Но, годинава има уште едно изненадување со покривање на уште една земја од регионот. Да така е, подготвуваме 1 настан за 3 земји и многу многу поинакво искуство од сите досегашни изданија. По 9 успешни настани во Македонија и 4 во Албанија, AllWeb со постпандемиски настап ќе ја врати онаа добро позната еуфорија што сите нѐ држеше секоја есен. Врвни спикери, споделување на идеи, искуства, контакти и еден тон WOW моменти….аххх колку само ми фалеше ова 🙂
Сега за сега, доволна ви е само помислата дека полека се враќаме на нормалниот (адаптиран) живот, а детали пристигнуваат наскоро. Вие заокружете си ги 20-21 октомври на календар а останатото оставете ни го нам.
Coca-Cola ја утна работата со Pride Week
Во еден #ПрегледВоПеток имам пишувано за ставот дека големите светски брендови не треба јавно да се поврзуваат со било какво општествено движење, без разлика на каузата. И зад ова стојам и сега кога пишувам за она што ѝ се случи на Coca-Cola во врска со нивната активност за поддршка на Pride Week.
И сѐ е ова супер и кул, сѐ додека не добиеш сенс за нивната база на “недозволени и навредливи“ фрази. Така, зборови како што се “Palestine“ или “Black lives matter” не поминуваат затоа што ги кршат нивните правила, додека пак за “White lives matters” нема никаков проблем.
Ова (очекувано) ја разгневи онлајн публиката која не штедеше време и енергија за да го пренесе своето мислење на интернет.
Coca-Cola, не ти иде летово, земи си одмор!
Инфлуенсерите во Норвешка ќе пробаат искреност!
Јавноста во Норвешка преку своето Министерство за деца и семејство како и многу организации и групи што се борат за кревање на јавната свест околу менталното здравје и перцепцијата за физичкиот изглед, донесе амандман за почит. Секоја содржина објавена од компании, брендови и инфлуенсери која е спонзорирана, а е обработена со помош на филтри и алатки за едитирање, мора јавно да го соопшти овој факт.
Ова значи дека доколку некој/а инфлуенсер/ка на своите канали објавува содржина од своето фотошопирано тело и/или лице, ќе мора транспарентно да го истакне ова. Во спротивно ќе плати казна.
Ќе паѓаат хонорари или така ми се чини? 🙂
Google Meet со нови филтри, ефекти и AI маски
Google Meet воведува нови филтри, ефекти и AI маски за персоналните корисници на IOS и Android. Достапни се преку иконката во долниот лев агол, што по кликањето отвара низа на разнобојни позадини и колекција на интересни маски. Ваквиот избор сега за сега е достапен само за персоналните корисници додека за бизнис корисниците работите остануваат малку поформални.
Ова е последниот обид на Google да ја таргетира пошироката публика на Meet а не само бизнис корисниците, откако беше лансиран претходната година.
Pockemon Go не беше погоден од пандемијата
Верувале или не, но поминаа цели 5 години откако беше лансирана Pockemon Go. Се сеќавам дека скоро секој втор човек што се движеше на улица во тоа време ловеше покемони или пак зборуваше за тоа колку многу јако е целокупното искуство. Но, што се случи со играта што беше дизајнирана да ги мотивира луѓето на движење надвор во време кога целиот свет се затвори дома? Апсолутно ништо!
Играта ја преживеа и 2020та и тоа со никакви поместувања во профитот во поглед на претходните години. Ова се должи на одредени адаптации што креаторите мораше да ги направат. Овој месец за петгодишнината на играта се планирани настани за прослава во неколку градови. Неодамна Pokemon Go беше извикана и од Нинтендо легендата Shigeru Miyamoto кој не криеше дека е “закачен“ на неа заедно со целата своја фамилија.
Comments Off on 137 #ПрегледВоПеток – Google updates, Android, Netflix…#ПрегледВоПеток
Листаме најважни настани од неделата заедно со уште еден #ПрегледВоПеток 🙂
Google ќе го отежни следењето на корисниците од Android апликациите
По потегот на Apple за таргетирање на корисници согласно новите промени што Google ги воведува кон крајот на годината, дојде ред и на Android корисниците. Ако до сега беше лесно да се таргетира публиката врз основа на она што го имаат преземено од Play Store, по опцијата за откажување, ова повеќе нема да биде возможно. Таканаречените Advertising IDs ќе подлегнат на ажурирања како што веќе им е најавено и на девелоперите а сето ова е со цел корисниците да имаат поголема контрола врз своите податоци и поголема безбедност и приватност. Корисниците на Android веќе некое време ја имаат опцијата за откажување на спонзорираната содржина, меѓутоа ова не ги спречува девелоперите да имаат пристап до нивните Advertising IDs.
Прогнозата за сите маркетерите и огласувачи…нервозно со повремени пцовки.
Netflix ја организира првата Geeked Week
Ова важи за сите гикови и негикови, за сите што плаќаат акаунт на Netflix и оние што се шлепаат, за сите што не веруваа во Lucifer додека за прв пат не го погледнаа Tom Ellis без кошула и за оние што на памет ја знаат “Toss a coin to your Witcher”…. Netflix ја организира првата Geeked Week што ќе трае од 7.06-11.06! Цела недела посветена на филмови и серии од најразлични жанрови: anime, sci-fi, comic books, gaming, fantasy и сл. Се најавува и ексклузивна содржина како BTS сцени, интервјуа, игри со познатите, читање сценарио и еден тон други активности. За сега се најавени The Witcher, Lucifer, Sandman, Arcane, The Cuphead show. Не можеш да го промашиш затоа што ќе биде достапно буквално секаде на интернет.
Така што, ако имаш уште од стариот одмор а не ти се даваат пари за PCR тест да одиш на море – еве ти идеја 🙂
Колку цената за достава влијае на онлајн купувањето?
Очекувано е дека овде ќе го споменам балканскиот синдром на купување од AliExpress и фактот дека поголем број купувачи се подготвени да платат поскап производ сѐ додека испораката за истиот е бесплатна, отколку да изберат поевтин производ на сметка на доплата за испорака.
Дали Европа е толку различна од нас?
Заедно со истражувачката агенција YouGov, Seven Senders направија анкета на 8.602 онлајн купувачи во Германија, Франција, Велика Британија, Холандија, Белгија, Италија, Шпанија, Австрија и Швајцарија за нивните очекувања од е-трговците. Резултатите варираат, па еве некои од нив:
Шпанците и французите преферираат бесплатна достава
За ретки и вредни производи британците би платиле трошоци за достава
1 од 3 холанѓани очекуваат бесплатна достава за нарачка над 20 евра
Испораката до дома е сѐ уште најкористен метод
Google со прв од два апдејти на алгоритамот
На 02.06 Google го апдејтираше својот core algorithm како прв од двата големи ажурирања. Вториот иако требаше да биде дел од овој што го внесоа пред два дена, е презакажан за во јули.
Колку овие промени ќе влијаат врз веб страниците?
Според тимот на Google, не би требало да има драстични поместувања, но за ова останува да видиме.
Што ги прави овие промени поразлични од останатите ажурирања?
Неколку пати во годината Google ажурира делови што влијаат на една категорија. Ова ажурирање е посветено генерално на Google Search па така промените се очекуваат да се приметат кај целокупниот процес на рангирање. Ако приметите позитивни промени во вашиот рејтинг по ажурирањето, не радувајте се предвреме затоа што ваквиот резултат може да биде поништен со следниот update, а ако негативно сте погодени, ова не е поради нешто што вие сте го направиле туку едноставно работите се променети.
Comments Off on 132 #ПрегледВоПеток – Apple, GenZ, Coca Cola…#ПрегледВоПеток
Празнично честа ми се падна на мене па време е за Велигденско издание на #ПрегледВоПеток 🙂
Apple профитира од iPhone со овозможена 5G мрежа
Додека кај нас се организираа протести со теории на заговор дека додека владее полициски час и карантин, владата ја поставува својата 5G мрежа, Apple растураше со бројки и продажби.
Во првото тромесечие од годинава, компанијата бележи двоцифрен раст во продажба отколку истиот период минатата година. iPhone телефоните со овозможена 5G мрежа се продаваат како луди во Америка и Азија како најголеми пазари, остварувајќи приходи до 89.6 билиони.
Tim Cook изјави дека Apple е во иновациски бум и корисниците го препознаваат ова.
Навидум невозможна мисија која во себе носи низа непредвидени моменти и сопки, мнооогу Ugh моменти и неистестирани пристапи. Оваа неистражена територија не ја спречи Кристина Илич – дел од тимот на хрватски Degordian. Целта е едноставна – да се пласира новиот производ на Jamnica наменет за чудовиштата од новото време (бев колку што можев блага) – GenZ.
Ништо во правењето на оваа стратегија не е од книга ниту по шаблон и Кристина на крајот на приказната по многу истражувања и впивање информации има неколку клучни точки за споделување што би ви биле од корист.
Нема на што 🙂
Новости во пакувањето на Coca-Cola
Имам чувство дека во секој втор преглед споделуваме по некоја новина околу промената на Coca-Cola амбалажите и искрено ветувам дека ова е последен пат јас да пишувам за ова.
До тогаш…..неформалниот сопственик на #F40009 црвената боја, реши да го промени изгледот на лименките. Сѐ уште се немаат изјаснето дали ваквиот дизајн ќе продолжи и на шишињата за кои имаше најава дека ќе одат во еко верзија. Дизајнот е на дизајнер кој работи in-house во централата во Атланта. Целиот изглед е минималистички користејќи ги само боите и логото, без познатото бранче под називот. “Гужвата” од елементи се наоѓа во горниот дел од пакувањето за да асоцира на кревање нагоре и uplifting чувство.
Дизајните се различни за Coca-Cola Original, Coca-Cola Diet и Coca-Cola Zero, со цел купувачите да можат веднаш да го препознаат саканиот производ по визуелниот изглед.
Летачки QR код во Шангај
Сигурно налетавте на оваа вест деновиве низ социјалните мрежи, затоа што беше доста споделувана сензација. Но ако погледнавте слика но не вложивте интерес или труд да прочитате за што всушност се работи, тука сме ние да ја изџвакаме информацијата за вас. (широка насмевка :)).
Не е новост дека е-трговијата во Кина цвета и е дом на најголемите е-платформи во светот. Секојдневно, милијарди кинези користат QR кодови во мал милион ситуации: шопинг, плаќање сметки, плаќање во ресторан и слично. Па не е изненадување што компанијата за видео стриминг Bilibili креираше џиновски QR код (што може да се скенира) со помош на дронови за годишнината од лансирањето на видео играта Princess Connect! Re:Dive.
Минатата година истата компанија направи герила акција со QR кодови, излепени на улици, метроа па и проектирани на облакодери.
Ете, тоа било 🙂
Кои земји се со најголем број на е-трансакции кај нас
Минатата година, благодарение на пандемијата, во Македонија се отворија 439 нови електронски продавници. Ова значително влијаеше на раст на е-трговијата, но освен домашниот промет, 10.8 милиони евра биле остварени од трансакции од странство.
САД, Обединетото Кралство, Швајцарија, Германија и Бугарија се првите 5 земји од оваа листа. Трансакциите се правени најмногу со картичките од брендот “Payoneer” и “Revolut” од САД и Обединето Кралство. Ова се должи на големиот број на фриленсери што работат од дома за странски компании.
Од аспект на просечната вредност на трансакциите, имателите на платежни картички во САД во просек плаќале производи и услуги на износ од 2.451,00 денар, имателите на картички од Обединето Кралство плаќале просечно по 2.382,00 денари додека картички од Швајцарија просечно трошеле онлајн во Македонија 2.528,00 денари.
Comments Off on 127 #ПрегледВоПеток – Pinduoduo, BookTok, Section 203…#ПрегледВоПеток
Hello, good morning, ако ти треба нешто за расонување и транзиција во работниот ден, #ПрегледВоПеток е тука 🙂
Умовите на Facebook, Twitter и Google на ново сослушување околу Секцијата 203
Еволуцијата на модерниот интернет сѐ уште стои заглавена околу фамозната Секција 203, односно дел од законот што се однесува на слободата на говор онлајн. Последниве неколку години целото внимание на јавноста па и на правните органи е свртено кон тоа колку големите интернет компании имаат влијание врз однесувањето на своите корисници, врз содржината на која се тие изложени и колку всушност тие самите прават за контрола на сето ова. Реформата што беше започната од Трамп, продолжува да биде тема на сослушувањето на претставниците од Facebook, Twitter и Google.
Главната грижа се секако лажните вести како и штетните информации што секојдневно кружат на интернет. Но, колку цензурата на слободно изразување онлајн ќе доприносе до новиот и сега нормален начин на комуникација? Марк Цукерберг веќе изјави дека ваквото ограничување на говорот е скоро невозможно кога во прашање се повеќе билиони постови на ден што јавно се споделуваат на Facebook. Наместо ова, предлогот е фокусот да се стави на правните легислативи, односно секој оној што би бил одговорен за ширење на лажни вести или штетна содржина онлајн да одговара за тоа пред законот.
Stay tunned…
Дали местото бр.1 на Alibaba започнува да се загрозува?
2020 за Alibaba Group Holding Ltd. заврши со 779 милиони корисници што направиле нарачка во последните 12 месеци. И ова нема да нè чуди затоа што со години Alibaba го држи местото бр.1 помеѓу е-трговците во Кина.
Но, пред нешто повеќе од 5 години се роди Pinduoduo Inc. кој со ниски цени, забавен начин на шопинг и паметни маркетинг стратегии, успеа да оствари дури 788.4 милиони активни корисници во 2020 година. Ова ги прави и официјално најголемата е-платформа во Кина.
Сепак, во поглед на приход, не можат ни да се мерат со Alibaba. Минатата година досегашниот првак оствари 72 билиони наспроти новото дете со и не толку потценувачки 9.1 билиони долари.
Па, што е она што ја направи оваа компанија шампион во најголемата економија во светот?
Иновативноста!
Pinduoduo Inc. всушност работи на следниот принцип: Наоѓаш производ што ти се допаѓа и ги споделуваш неговите информации преку месенџер платформи како што се WeChat или QQ со твоите пријатели. Колку повеќе заинтересирани пријатели собереш, толку поголем попуст добиваш. Генијално!
Асортиманот на производи е различен, од намирници за во кујна до електроника. Производите ги добиваш испорачани директно од произведувачот што штеди за логистика а им дава предност и на помалите компании што со своите привлечни основни цени на овој начин се изложени до поголема публика. Попустите одат до дури 90% па така едни од најпродаваните производи во група им се 4.8 милиони продадени чадори по цена од 1.51 долари и 6.4 милиони пакети хартиени шамивчиња по цена од 1.90 долари.
Делот што е фасцинантен е што компанијата ја користи моќта на своите корисници. Тие самите ја шират и зголемуваат релевантната публика што доаѓа на платформата. Ако си ставен во група од пријатели со кои заедно би намалиле цената на одреден производ, тоа значи дека сигурно и ти си заинтересиран за производот, се вклопуваш во финансиската рамка на профилираниот купувач и сигурно ќе завршиш со купување.
По ова, заслужуваат да се први, нели? 🙂
Солзите на TikTok продаваат книги!
For all the milenials out there, you can start rolling your eyes!
Колку и да ни е тешко да признаеме, нешто добро може да излезе и од ТикТок 🙂
Станува збор за две сестри тинејџерки од Англија кои одлучиле да направат свој канал на TikTok наречен BookTok каде споделуваат свое мислење за книги, читаат делови од некои и ги анимираат своите фанови со театрални интерпретации.
Солзи, врескање и глума додека читаат редови од најразлични книги, е она што носи купувачи низ книжарниците во земјата. И тоа, од тинејџери…
Најгледаното видео моментално брои повеќе од 5 милиони прегледи а содржината на овој канал ја прават и фанови што радо споделуваат свои читања од книги.
Zynga има нов директор за аквизиција на корисници
Постарите колеги ми рекоа во овој преглед мора да го има Eniac! И точка! Eniac т.е. Небо, по најново, е драг пријател на комуникации.нет и легенда на една голема регионална екипа на луѓе кои на некои начин беа основоположници на маркетингот на социјалните медими во регионов. Е сега веста…
Небојша Радович својата кариера ја има посветено на брзорастечката гејминг индустрија а моментално е назначен како директор за аквизиција на корисници во Zynga. До неодамна работеше како Growth Lead директор во N3TWORK – старт ап кој по 4 години работење се разви во компанија вредна повеќе од 100 милиони долари. Работењето во огромна компанија што брои повеќе од 3500 вработени на три континента во светот, го објаснува како предизвикувачко. Местото за напредок и учење во компанија што во своето портфолио има повеќе производи е исто толку едукативно колку што е и предизвик.
Гејминг индустријата во светот а конкретно во САД процвета последнава година а ова се должи и на промената во тоа како корисниците ја примаат и доживуваат играта. Поранешното неколку часовно играње игра што беше достапна само во десктоп верзија е променето во апликација која е адаптибилна за повеќе платформи. Она што е интересно е феноменот, како игрите ги менуваат производите што не се тесно поврзани со гејмификација. Многу игри го променија начинот на кој порано учевме нов јазик, користевме одреден производ или пак ја користиме истата инфраструктура од игрите за нови и поинакви начини, вели Радович во своето интервју за Netocracija.rs
Comments Off on 122 #ПрегледВоПеток – Super Bowl, Google vs News, Ананас…#ПрегледВоПеток
Добро утро, позади нас оставаме снежна недела и неколку интересни настани што заслужија да се најдат во овој #ПрегледВоПеток
Кафе и неколку минути исклучување од реалниот свет а вклучување во дигиталниот, знаете како треба 😉
Super Bowl во 2021
Знам дека не е од неделава, но некако сум среќна што по игра на случајност мене ми се погоди да го пишувам краткиот преглед за настанот на годината. Па, ајде накратко да резимираме што се случуваше овој Super Bowl кога станува збор за најинтересниот сегмент од овој настан – рекламирањето (што е до мене може да играат и одбојка).
За жал сѐ уште не можеме да излеземе од сенка на случувањата во 2020 и тоа се покажа со отсуството на некои од постојаните огласувачи на Super Bowl настаните. Coca-Cola, Budweiser, Pepsi и Ford го пропуштија овогодишното издание најмногу поради големите промени во маркетинг стратегијата на глобално ниво.
Но, и покрај фактот што поголем дел од светските организации и компании своите маркетинг средства и планови ги насочуваат кон едуцирање на јавноста за вакцинацијата, сепак годинава цената за пласирање на реклама на Super Bowl финалето ја надмина цената од минатата година. 5 милиони долари за 30 секунди рекламен простор за времетраење на натпреварот ги чинеа светските компании како m&m’s, Doritos, Logitech, Pringles, Tide и многу други.
Со оглед на тоа што годинава и те како беше тешка за работа и организизација, можеме да замислиме колку било напорно да се дојде до вакви крајни решенија. Паметна, иновативна и незаборавна содржина. Super Bowl и оваа година не нѐ разочара.
News Corp со историски договор со Google
Со години News Corp ги обвинуваше Google и Facebook за дуопол врз онлајн рекламирањето. Со потпишување на тригодишен договор, дигиталниот гигант се обврза да им исплаќа дел од сумата генерирана од рекламите на нивните содржини. А за ова и беше креирана посебна програма.
Google News Showcase е лиценцирана програма што е лансирана за плаќање на издавачите за нивната оригинална содржина. Како дел од оваа програма е вклучена и едукација од YouTube што ќе им покаже на издавачите како до подобро видео новинарство.
Како дел од News Corp, во договорот влегуваат американските The Wall Street Journal, Barron’s, MarketWatch и New York Post, британските The Times, The Sunday Times и The Sun и неколку куќи од Австралија.
Како матична земја на News Corp, Австралија е во голема борба со Google и Facebook поврзана со огласувањето на новинарска содржина. На 17. Јануари, Google го потпиша договорот, обврзувајќи се да им исплаќа дел на издавачите за нивната содржина, велејќи дека ваквата борба може само да им донесе лош резултат и финансиско исцрпување. За разлика од нив, Facebook сѐ уште си држи на своето започнувајќи со забрана за споделување содржина од Австралијски новински агенции низ светот.
Дали АНАНАС ќе биде регионалниот Амазон?
Српскиот Delta Holding по 30 години искуство во бизнис индустријата, влегува во е-трговијата. Кон крајот на минатиот месец, компанијата го најави лансирањето на АНАНАС онлајн сервисот за кој се резервирани 100 милиони евра за инвестиции во следните 5 години.
И иако се најавуваат како голема револуција што ќе го задрма регионот, колку компанијата навистина е подготвена за сите предизвици што ѝ стојат на патот?
Конкуренција има, особено последнава година кога онлајн платформите како Shopster.rs, Gigatron.rs и Tehnomanija.rs меѓу останатите, релативно добро се позиционираа како go to сервиси кај онлајн корисниците.
Ако асортиманот, сопствената достава или ценовната разлика не е она што би го издвоило АНАНАС да се разликува од конкурентите, тогаш дефинитивно треба да размислат за развој на стратегија каде главно место би го имало корисничкото искуство.
Едно е сигурно, АНАНАС започнува со работа собирајќи група професионалци што веќе започнаа на градење на приказната,
Среќно!
Coca-Cola со револуционерна промена
Една од најпознатите форми во историјата на човештвото, Coca-Cola – шишето, оди во пензија. Оваа одлука не е крајна и процесот на промена допрва започнува, но одлуката за промена на амбалажата е донесена.
Компанијата со години е обвинувана дека е причина за еколошки загадувања од огромни размери низ целиот свет поради своите пластични амбалажи. Шишето датира нешто пред 1899 година кога е поднесено барање за заштитување на правата за амбалажата.
Но, после 2020 и сите бесмислени рецепти на пица што излегоа, дојде ред и за Coca-Cola во хартиена амбалажа. Пилот серијата од 2000 шишиња со нова амбалажа ќе бидат пласирани во Унгарија преку онлајн сервисот Kifli.hu.
Засега не е познато конечното решение за амбалажата, но се знае дека ќе биде направено од комбинација на хартија/картон и биоразградлива пластика.
Ако пиењето Coca-Cola од стакло или лименка ви беше подобро од онаа во пластика, замислете каков би бил вкусот на пијалокот во вакво пакување…
Facebook и Twitter со нови инспирации од дигиталниот свет
По многубројните адаптации на новините и иновациите што никнуваат во дигиталниот свет, големците како Facebook и Twitter повторно најавија нови опции и апликации со кои сакаат да ги задржат своите корисници онлајн.
Facebook ја најави Super апликацијата која е своевидна обработка на Cameo. Апликацијата ќе биде базирана на пласирање видео содржина. Корисниците на апликацијата ќе можат да се претплатат на онлајн настаните, следејќи ги во реално време. Она што е интересно е можноста за плаќање одредена сума за дружење со креаторите/славните личности или испраќање на дигитални подароци. Директната најава на апликацијата со Facebook акаунт сѐ уште не е достапна, така што останува да го видиме понатамошното развивање на оваа платформа.
Додека Facebook се “фрли“ на видео, Twitter пак побрза да го развие конкурентот на Clubhouse со својата Spaces – аудио новина. Основата е иста како онаа на Clubhouse или во најмала рака слична – аудио содржина како нов начин на комуникација.
Говорници и слушатели ги прават Space “групите“ место каде можеш да бидеш пасивен слушач на содржината таму или пак да се вклучиш активно во некоја од дебатите. Колку ваквата опција ќе го најде своето место под сонцето зависи од вклученоста на познати личности што ќе ја користат и промовираат на својата публика. Знаеме за “портпаролите“ на Clubhouse и што тие ѝ донесоа на апликацијата па ќе видиме колку Spaces ќе имаат среќа со ова.
Сѐ уште работат на детали околу интерфејс и опции, така што hold still….
Петочки со полурастопен прв снег во 2021 и најновото #ПрегледВоПеток издание…
Започнуваме со чешлање на настаните од изминатата недела!
WhatsApp игра валкано
Мислам дека не постои човек што ги чита Terms and Conditions на секоја апликација што ја користи а тек пак нивните ажурирања.
Но, ако сте едни од оние што веруваа во завери од типот на “се согласуваш да ти го продадат бубрегот со кликање на “I accept”, check this out…
WhatsApp во новата верзија на своите Terms and Conditions што треба да биде во функција веќе од следниот месец, им наложува на своите 2 билиони+ корисници дека треба да споделат листа на податоци со Facebook. Овде спаѓаат телефонскиот број, контакт листата па дури и нивото на батерија, IP адресата, временската зона, информации од пребарувачот што се користи и мобилната мрежа.
И, ако решите дека не сакате да му ги дадете овие информации на Facebook, едноставно нема да можете да продолжите да ја користите WhatsApp апликацијата.
Од другата страна на драмава се наоѓа моментално најбогатиот човек во светот – Елон Маск. Тој отворено го критикува Facebook во повеќе наврати а последно е обвинувањето дека социјалната мрежа има вина во организирањето на бунтот што се случи во Capitol Hill.
И се случи твитот “Use Signal”! Без спомнување на Facebook или WhatsApp. Сепак ова беше доволно да го преплави системот за верификација на апликацијата и истата да има потешкотии со регистрирањето на сите нови корисници.
Signal апликација сега е Бр.1 на на App Store.
Telegram се наоѓа на второто место по симнати апликации и бележи нови 25 милиони корисници во последните 72 часа.
Елон Маск – инфлуенсере…
Главните канали на социјалните мрежи повеќе нема да го имаат главниот збор
Според нив, дигиталните гиганти немаат право да лишат било кој од правото на јавно изразување и сметаат дека ваквата моќ не треба да ја имаат приватни компании туку демократски правни институции.
Слободата пред сѐ!
Social Cooling?
Колкумина од вас ги избришаа своите акаунти на социјалните мрежи по The Social Dilemma или во најмала рака внимаваат на што сѐ кликаат?
Како што на времето бевме слепи за климатските промени и аерозагадувањето, сега сме слепи за “загадувањето“ од социјалните мрежи. И знам дека ова е крајно контрадикторно со она што го работам и проповедам но…ова е тоа што го работам и проповедам….
Во кратки црти ова е начин на измамување на алгоритамот и избегнување од “канџите“ на социјалната платформа.
Менување на своето однесување онлајн и те како може да го збуни Facebook и останатите мрежи. Но колку е ова изводливо?
Instagram тестира нов layout за сториња
Не знам колку од вас користат десктоп верзија на Instagram и скролаат сториња на екран од компјутер, ама ако на пауза од работа знаете да здивнете минута две на овој начин, еве новина.
Instagram го менува приказот на сторињата на својата десктоп верзија. Сторињата ќе бидат прикажани во вертикален скрол на цел екран. Сега за сега се работи само за тест верзија па останува да видиме како ќе биде прифатена.
Го пишувам овој прв преглед во декември и сфаќам дека до крајот на годината преостанува уште неполн месец. Па почнуваат да ми недостасуваат оние Best Top 10 на радио од најдобрите хитови во изминатата година што се вртат на секој час од 1ви до 31ви. (сигурно ги има и сега ама не слушам радио). Затоа ја кревам еуфоријата за одбројување на најдобрите реклами од годинава, новогодишните маркетинг планови на компаниите и предвидување на трендовите за следната година.
Buckle up 🙂
Најдоброто за крај на најлошата 2020
Веќе ти е украсена елката признај 🙂 И можеби стави и празничен венец на врата и го преплави домот со мали декорации и секако направи место за божиќното цвеќе….Не си единствен/а верувај!
Годинава повеќе од кога било е потребна празнична магија. Целиот свет се соочи со година која како да беше режирана од некој второкласен режисер во кој се случија мал милион кризи за да те убедат дека ептен ама ептен е крај на човештвото какво што го знаеме. Ова е моментот кога брендовите настапуваат на сцена со своите емотивни и срцепарателни реклами што веднаш те претвораат во добро, љубезно, среќно и спокојно човечко суштество…Ummm ok…
Она што ги прави различни овогодишните празнични кампањи од останатите години е фактот дека сите се фокусираат на лошите искуства во годината, на сите промени што нѐ снајдоа и на сите компромиси што требаше да се направат. За на крај да се појави баш она чоколадо, пијалок или модел на Playstation и светот да се спаси. Сега всушност и ми е малку криво за fail-от на Кајли Џенер и Пепси.
Се чини дека крајот го краси делото а за ова зборуваат и бројките:
Twitter бележи 59% повеќе импресии за твитови поврзани со празниците отколку во 2019
Се предвидува дека онлајн корисниците во САД ќе потрошат повеќе од $190B на празничен шопинг што е за 35.8% повеќе отколку во 2019
Годинешните Black Friday и Cyber Monday бележат 39.6% поголем шопинг на празнични подароци отколку минатата година
Останува прашањето “Од каде ви пари бе?„
А сега дозволете ми да престанам со хејтот и да ве почастам со убава среќна празнична реклама за 2020.
25 social media трендови што се предвидуваат за 2020
Крајот на годината значи и ревидирање на сопствените постапки. Што си направил добро а што погрешно и што е она што треба да го поправиш. Но една лекција што мислам дека нѐ научи сите вклучувајќи ги и брендовите е: АДАПТИРАЈ СЕ!
Некои од социјалните платформи го увидоа ова на време и пробаа да ги сретнат потребите на своите корисници со промени и развој на нови идеи што ќе ги држи вклучени и интерактивни. Ова беше особено важно за нив затоа што социјалните канали станаа единствен допир со остатокот од светот.
Facebook – Најголемиот дел од времето, Facebook ќе го посвети на развивање на делот со е-трговијата. Новиот начин на шопинг е мноогу полесен како за корисниците така и за брендовите. Па ова е нивен фокус во 2020. Покрај ова, ги спомнуваме и спојувањата на месенџер каналите со Instagram, промената на алгоритамот и лансирањето на AR наочарите.
Twitter – Ништо посебно не се случува кај стариот шмеќер Twitter но, ајде да му дадеме шанса. За следната година се предвидуваат неколку минимални промени и ништо екстравагантно. Од доцно лансирање на Fleets и специјални ефекти во овој формат, до нови “правила“ за ботовите. Една од промените што може да се очекува овде се и новите категории на верификација.
Instagram – Шопинг инскуството некако како да почнува да ја засенува првичната идеја позади Instagram – фотографијата. Facebook вложува многу во развивање на алатки што ќе го подобрат овој дел, ставајќи го во фокус за следниот период. Варијаблилниот feed е она што се очекува како голема промена во 2020. Она што ќе се случува е дека корисниците ќе се поделат во групи според нивните преференци (шопинг, feed, story, Reels). Првичниот интерфејс ќе биде во фокус на она што најмногу го интересира корисникот со можна опција за враќање на првичниот изглед. Предвидувањата за Reels баш и не се сјајни ама нека го има…само без надежи дека ќе го собори TikTok.
Snapchat –И овде e-commerce плановите не изоставуваат. Но да не се повторуваме со нив, она што ќе го издвоиме се новините за AR каде е вклучен скенер на баркодови на производи со супер можности. Исто и не треба да го изоставиме делот за можно партнерство со Apple кое вклучува AR очила.
TikTok –Она што можеме да го очекуваме од TikTok следната година е поголемо и подобро развивање на можностите околу е-трговијата и поврзаноста на оваа платформа со музичката индустрија.
Snapchat ќе подели 1M на корисниците со најдобра содржина
Додека Facebook се мисли како да го стигне TikTok со Reels на Instagram, Snapchat ја носи играта на сосема друго ниво. Имено, Snapchat со новата Spotlight опција, ги бодри и поддржува сите креатори на оригинална содржина да ги споделуваат своите видеа. Најдобрите од нив што во Spotlight ќе добијат околу 100,000 прегледи на ден, ќе го добијат својот дел од 1милион долари што компанијата ги одвојува за најдобрите секој ден.
Со ваквиот пристап Snapchat им дава шанса на сите а не само на познатите да бидат дел од милионското семејство. Содржината мора да биде оригинална, во согласност со прописите на компанијата а профилот на корисниците мора да биде отворен (ахаммм…).
Цареви се нема што…
Salesforce го купи Slack за $27.7B
Како стартап компанија основана во 2009 година и почнувајќи како алтернатива за e-mail што беше добредојдена во новите компании, Slack се “омажи“ богато. Денес брои повеќе од 12 милиони активни корисници дневно а пазарната вредност се пресметува на повеќе од $25B.
Salesfront со сигурност знае кога да купи и што да купи. Slack се предвидува да стане најразвиена платформа за remote working, нешто што дефинитивно ќе стане дел од нормалното деловно функционирање во светот. За ова шопинг задоволство тие издвоија вкупна сума од $27.7B што ја прави нивна најголема инвестиција до сега.
100 најдобри TikTok видеа за 2020
За крај ги прелистуваме 100-те најдобри видеа споделени на TikTok за изминатата година, најдобрите креатори на содржина, песни и хаштази. Изминатата година дефинитивно беше подобра поради сета оригинална содржина споделена овде од повеќе од 100 милиони дневни активни корисници.
А за оние што се верни пак на тимот Youtube, нивната листа на најдобри беше објавена изминатата недела.
Повторно е мој ред за чешлање на настаните од неделата во #ПрегледВоПеток и за моја среќа има тооолку многу што да се каже.
Од каде да почнам…Hallowеen, достапна музика на Instagram Stories, ажурирањето на Messenger апликацијата, новото издание на #комкаст или изненадувањата што ни ги спреми Pinterest?
Петок е па јас би на shuffle 🙂
#комкаст is back
Ни помалку ни повеќе, ќе започнам со фалење за нешто наше и не за џабе го ставив прво на листата од неделниов преглед во петок.
Дарко и Сеад решија дека доста им беше пауза од поткастирање и одлучија да се вратат на сцена со свое видување на бумот наречен The Social Dilemma. Овој пат се со аудио верзија достапна онаму каде што тебе ти одговара (до толку се непосредни) па топло го препорачувам и на оние што преку документарецот што е тема на муабет, за првпат сфатија што всушност работат нивните блиски вработени во полето на дигиталниот маркетинг (како татко ми).
Промени околу начинот на комуникација дефинитивно имаше и за ова сме пишувале во повеќе наврати изминативе неколку месеци.
Но, како една платформа како што е Snapchat чија главна цел е подобро поврзување на младите луѓе ширум светот, ширејќи позитива и забава се снајде со промената наречена Covid-19.
Според истражувањата, поголем процент од испитаниците не мислат дека нивната врска со пријателите била значително погодена од пандемијата. Но овде се и оние 33% кои рекле дека почувствувале разлика во комуникацијата а дури 47% од нив забележале дека односот со друштвото им се подобрил.
Во име на ова, Snapchat им пркоси на случувањата и не дозволува ситуацијата со вирусот да влијае на дружењето и забавата што традиционално е резервирана за Halloween. Со 3D AR филтри кои се “аплицираат“ на целото тело, корисниците на апликацијата можат да изберат целосен костим за најстрашната ноќ во годината. Филтерот го следи и движењето на телото правејќи го супер забавен начин да не се пропушти овогодинешното маскирање.
Очигледно си ја знаат работата, а тоа го посведочува и зголемениот приход во Q3
Капа долу Snapchat 🙂
Извештај од Facebook
Facebook на истава тема, извади извештај од 23 страници каде се зборува за промената на комуникацијата меѓу корисниците, нивниот однос со брендовите за време на пандемијата и што ова би значело во иднина.
За многу од луѓето, надворешниот свет е сѐ уште непредвидлив и страшен. Затоа целосно се потпираат на виртуелниот. Ова значи минување време во видео игри, онлајн состаноци, онлајн едукација и забава.
Најзначајни промени се приметени во брзата адаптација на корисниците и префрлување на реалните доживувања во онлајн искуства. Овде спаѓаат онлајн концертите, стримови на видео игри и бројни онлајн настани. Вклученоста на Facebook корисниците во содржина споделена на платформата е значително зголемена а не треба да се заборави и револуцијата во е-трговијата.
Имајќи го ова во предвид, треба да се подготвиме во иднина каде новото нормално значи нова онлајн култура.
Facebook на комшиска база
Ахх Facebook, Facebook…
И како да не беа малку сите контроверзии што го следат изминативе години, Facebook продолжува да “воодушевува“ со своите идеи што како да дошле на еден не толку расонет утрински координативен состанок.
Имено, дечкиве затоа што се заложуваат за многу поперсонализиран пристап каде најважни се луѓето и нивната потреба да се поврзат со пријателите, го тестираат Facebook Neighborhoods.
Со споделување на “минимални“ информации за тебе и дозвола за користење на твојата геолокација (ништо страшно само мали измени во Terms&Conditions што слепо ќе ги прифатиш – повторно!), ти можеш да влезеш во зона каде ќе бидеш изложен на содржина релевантна за твојата околина.
Мислааам…овде лежи добар потенцијал за рекламирање, но колку е ова безбедно и во согласност со сите етички и морални кодекси.
Веќе има остри критики и реакции од јавноста и експертите, па мислам дека The Social Dilemma за брзо време ќе добие продолжение.
Marketers, say hello to the gaming community
Гејмерите не се повеќе 30 и кусур годишни луѓе, што живеат со своите родители и немаат никаков сенс за социјализација. Само направете споредба на филмовите од 90тите со оние денес. Пред 30тина години, ликот што во филмот глумеше computer guy во 99% од случаевите беше geek, заклучен во некој подрум со блед тен и 0 пријатели. Истиот карактер во денешните филмови е поприлично секси, успешен и дел од огромна заедница на луѓе од целиот свет.
Ако нешто научивме од 2020, е дека правилата се менуваат и единствено што ни преостанува е да се адаптираме на промените.
Сега повеќе од кога било, сѐ повеќе луѓе се “закачени“ на некоја видео игра. Истите тие луѓе ова не го гледаат само како “убивање“ на неколку часа во денот, туку како начин на поврзување со своите истомисленици од целиот свет. Играта не е ни приоритет во целиот процес, туку комуникацијата.
3.5 билиони интернет корисници од целиот свет се дел од гејминг заедницата. Ова е пазар што вреди да биде во фокус на многу брендови и маркетерите треба да ја запознаат оваа култура многу подлабински.
Но не е сѐ така лесно. Ваквите заедници се многу потешки отколку останатите. Гејмерите често имаат свој кодекс и правила и не така едноставно ќе отстапат простор за пласирање на содржина. Овде не станува збор за пласирање на производи “на суво“, туку целосни долгорочни креативни кампањи.
Но, со добра комуникација и стратегија, позиционирањето на бренд во овој виртуелен свет може да биде нов предизвик.
Pinterest со новости за подигнување на продажбата пред крајот на годината
Празници се ближат, а тоа значи само едно – поминување време со семејството…аммм не – ШОПИИИИНГ!
Pinterest реши да си ги засука ракавите уште сега со нови опции што ќе им помогнат на брендовите со поголема видливост на нивните производи, подобра поврзаност со нивните онлајн шопови и секако подобри формати за рекламирање.
Отсега брендовите ќе можат да направат целосно функционален приказ на своите производи преку разни категории, препорачани продукти и листа на пазарење. Доста новости се подготвуваат и во делот за поддршка на бизнисите во однос на рекламирањето што вклучува тагирање на производи, видео колекции и слично.
