Posts by Симона Пеовска

69 #ПрегледВоПеток

И касно во петок навечер се чита #ПрегледВоПеток 😉

Француската влада ќе ги скенира социјалните мрежи за даночни измами

Царината и УЈП во Франција добија дозвола да ги прегледуваат профилите на корисници на социјалните мрежи, нивните објави и слики во обид да најдат докази поврзани со непријавени приходи.

Во својата одлука судот посочи дека се свесни на можни повреди на слободата на изразување и нарушување на приватноста на корисниците, но сепак најавија дека содржината која е заштитена со лозинка нема да биде прегледана, само она што е јавно објавено.

TikTok го објави првиот извештај за транспарентност на платформата

Соочени со константен надзор поради цензура и безбедносни причини, TikTok пробува да ја врати назад довербата од корисниците во САД. Со таа цел го објави својот прв извештај за транспарентност, откривајќи дека добиле 298 правни барања за податоци од корисници и 26 барања од владите за деактивирање профили, во првата половина од 2019.

Извештајот за транспарентност покажува дека платформата не ги добила тие барања од Кина (каде што не е достапна), туку онаму каде што им се главните канцеларии.

Кога сме на тема TikTok и вертикална содржина, новиот Sero TV на Samsung се ротира вертикално за да можеш да гледаш TikTok видеа и Instagram сториња. Да го цитирам @darko156, “Единствениот производ од Samsung кој би размислил дали да го купам”.

Е-момчињата прават дебели пари

Новите симпатии на тинејџерите не пеат и не глумат. Тие се е-момчиња (xaxa, e-boys) и многу брзо стануваат дел од забавната индустрија со потенцијал да прават многу пари.

Тоа не се само момчиња туку и е-девојчиња кои се многу популарни на TikTok и Instagram бидејќи прават вирална содржина и изгледаат многу хип (трифтаат хипстерска облека). Затоа си лапаат зделки во модната и забавната индустрија.

DuckDuckGo е default пребарувач за корисници на Android во Европа

Практиката на Google да се „мести” самиот како default пребарувач на својот оперативен систем беше прогласена за нелегална од страна на ЕU antitrust правилата. Како резултат на тоа, Google доби парична глоба од $5 милијарди.

Сега Google ќе мора да направи промени и да им овозможи на корисниците сами да изберат default пребарувач. Кога корисници на Android во рамките на Европската Унија ќе регистрираат нов уред, ќе им бидат прикажани три алтернативни пребарувачи. DuckDuckGo ќе биде прв на листата во сите држави.

Ќе биде интересно да видиме какво влијание ќе има ова врз пребарувањето во Европа, ако воопшто го има. Секако, корисниците ќе можат да си го изберат Google, ако го преферираат.

Бонус линкови

Толку за денешниот преглед во петок. Ако имаш линк што сакаш да го споделиме слободно пиши ни порака на Фејсбук.

Marketoonist on Instagram

Се читаме во следниот преглед во петок. 🙂

68 #ПрегледВоПеток

Среќна Нова и сè по ред. Се враќаме во програма со првиот #ПрегледВоПеток за 2020. 🤩

Facebook и политика

Trump беше избран со наша помош

Извршен директор од Facebook кој ја поддржа претседателската кампања на Hillary Clinton во 2016 изјави дека е можно платформата да е одговорна за изгласувањето на Trump за претседател.

Станува збор за Facebook VP Andrew Bosworth кој во интерна порака напиша дека маркетинг алатките (огласувањето) од Facebook кои се користеле во кампањата на Trump се одговорни за неговата победа во 2016. Исто така напиша и дека големи се шансите истото да се случи и оваа година. Секако не станува зор за злоупотреба туку за неверојатната стратегија на одговорниот човек зад кампањата: Brad Parscale.

Пораката беше споделена во вторникот од The New York Times. Истиот ден Bosworth ја објави и на неговиот јавен Facebook профил, откако посочи дека не била наменета за јавноста поради недостаток на контекст.

Џабе бан на deepfakes

Во ноември Twitter најави дека креира нова политика за deepfakes на платформата и побара фидбек од јавноста. Во понеделникот, Facebook најави дека ќе банира одредени манипулирани фотографии и видеа.

Новата политика (или deepfakes ban) ќе се однесува и на реклами и на обични објави. Но демократите во САД не се нешто многу загрижени затоа што постојат неколку очигледни начини на заобиколување на банот.

Google Discover и Search реклами

Што е Google Discover и како да се појавиш во него

Google Discover e алатка која произлезе од желбата нa Google нивните корисници да добиваат содржина која ги интересира пред воопшто да впишат (пребараат) клучен збор или фраза.

Ова е всушност реинкарнација на Google Feed, што претставуваше персонализиран и оптимизиран (за мобилен) фид кој им овозможуваше на корисниците да бидат во тек со новостите.

Google Discover има потенцијал и може да биде оптимизиран да носи дополнителни посети. Econsultancy направија супер статија во која објаснуваат како да се појавиш на Google Discover и кои се придобивките.

Нови екстензии на фотографиите во Search рекламите

Во последно време Google работи на креирање нови екстензии на фотографии што би им овозможило на огласувачите да прикажуваат релевантни фотографии заедно со нивните search реклами.

Сè уште нема официјални информации за новите екстензии, но достапни се за некои огласувачи. Како што ќе стануваат достапни за сите, не заборавај да ги додадеш во твојот Google Ads акаунт и да следиш како се одразуваат врз нови посетители на твојот вебсајт.

Нова инфлуенсер економија

Продажбата преку социјалните мрежи ги трансформира платформите во шопинг центри. Instagram веќе има опција сопствениците на брендови да продаваат производи директно преку апликацијата, а инфлуенсерите гледаат како тоа да го искористат за нив.

Instagram веќе тестира “Shopping from Creators” со група на инфлуенсери кои имаат пристап до нивната “checkout” опција за да можат полесно да прават трансакции и да заштедат на време.

Инфлуенсерите исто така бараат начин како да продадат пристап до самите нив, односно нивната содржина и креативно размислување. Некои инфлуенсери им наплаќаат на луѓе да ги додадат во “close friends” на Instagram.

Бакшиш и подароци се уште една прилика за монетизација, во главно кај инфлуенсерите активни на платформите како Twitch и TikTok. Како што инфлуенсерите заработуваат преку станување продавачи и креаторите преку бакшиш и подароци (или месечна претплата), останува прашањето: каде се брендовите во оваа приказна?

Инфлуенсер економијата се менува, а брендовите ќе мора да најдат нов начин да ги привлечат инфлуенсерите. Маркетинг метриките ќе мора да соодветствуваат на најновите стратегии за монетизација. Најмногу ќе профитираат оние што ја разбираат и одговараат на промената на динамиката на пазарот.

Бонус линкови

Тука е крајот на првиот преглед во петок за 2020. Ако имаш линк што сакаш да го споделиме слободно пиши ни порака на Фејсбук.

Marketoonist on Instagram

Се читаме во следниот преглед во петок. 🙂

67 #ПрегледВоПеток

Последен #ПрегледВоПеток за 2019 година. Затвараме со супер четива за изминатата декада и предвидувања за 2020. Идеме јако!

И ние вака 😂

Што ги одбележа 2010-тите

Изминативе 10 години се случија многу работи. Од touchscreen смарт телефони до duck face, од Facebook-Cambridge Analytica data скандалот до Trump изгласан за претседател на САД, еве неколку линкови со работи кои ги одбележаа 2010-тите.

Маркетери на годината 2019

Procter & Gamble, Target и Disney се само дел од гигантите кои сè уште успеваат да останат релевантни и да ја зголемат продажбата, во време кога стартапите се во фокус. Кликни на линкот подолу и види зошто овие брендови (и уште 7 други) се најдоа на листата “Маркетери на годината 2019” на Ad Age.

Трендови и предвидувања за 2020

И тука почнуваме со трендовите и предвидувањата за 2020 година. Како за почеток избравме супер вебсајт од соседна Србија. Тука можеш да ги најдеш сите трендови пред трендовите за сите работи диџитал.

Дигитален маркетинг

Нешто што нас најмногу не интересира како маркетери, што да очекуваме во дигиталниот маркетинг за 2020 година? Ова се must-read статии, едната од колегите од Netokracija, а другата на Econcultancy.

Оптимизација на пребарувачи (SEO)

SEO и SERP се два термини кои мене лично ми ја одбележаа годината. Сè уште релевантни и сè уште во главна улога за зголемување на посетеност и рангирање на Google, издвоивме два линка со предвидувања за 2020.

Контент маркетинг

Content is king. Тука нема збор. Постојано се појавуваат нови платформи за промовирање содржина, затоа е важно да бидеме во тек со она што е актуелно (и носи добри резултати). На линкот подолу ќе најдеш дури 90 предвидување на оваа тема за 2020.

Маркетинг на социјалните медиуми

Секојдневието на речиси секој social media manager. Изминативе 10 години се појавија толку многу социјални мрежи и апликации што не можеш да стигнеш да ги испробаш сите. На пример, Македонија се уште не е монетизиран пазар на TikTok, но се надевам ќе биде во 2020.

Првиот линк е краток overview за повеќето социјални мрежи, а подолу имаш и за некои од нашите омилени.

Facebook

Instagram

TikTok

Инфлуенсер маркетинг

Ми се чини дека ова е супер пример за термин што ја одбележа 2019 кај нас, толку многу што имавме Influencer Marketing panel discussion на AllWeb 2019.

Influencer Marketing panel discussion @AllWebMK 2019

Ајде да видиме што ќе нè чека во 2020.

Вештачка интелегенција (AI)

Можеби нема да владее со светот (барем не во скоро време), но AI се развива со брзина на светлината. Ако не ми веруваш, отвори го линкот.

Дојдовме до крајот на последниот преглед во петок за 2019. Како и секој пат, ако имаш линк што сакаш да го споделиме слободно пиши ни порака на Фејсбук.

Убав последен викенд и нека не ви е понеделникот ваков!

View this post on Instagram

Mhm sve je hitno kako da ne 😂

A post shared by KLIJENT JE UVEK U PRAVU (@klijentjeuvekupravu) on

Особено за празниците

Се читаме во следниот преглед во петок, 2020 година! 😉

66 #ПрегледВоПеток

Не е преглед во петок 13-ти, ама исто како да е… Се надевам кафаната вечерва ќе ги поништи сите клетви фрлени на мене. 🧙‍♀️🙅‍♀️

Шала на страна, време е за нов #ПрегледВоПеток 😉

Пред да почнеме со прегледот ја користам оваа прилика да те известам дека неделава имавме уште еден #комкаст 🙂 Дарко и Мите (еден од луѓето зад ВидиВака) разговараа за враќањето на популарноста на подкастите. Пиши ни како ти се допаѓа и subscribe на YouTube 😉

Најпребарувани работи на Google за 2019

Не се пребаруваат само големи работи. Google’s Year in Search ни покажува дека најпребаруваните работи за 2019 се како резултат на социјалните мрежи. Во неколку земји прашањата ‘What is Area 51?’, ‘What is a VSCO girl?’ и ‘What is momo?’ биле најпоставувани. Дел од најпребаруваните фрази на светско ниво ги вклучуваат ‘Baby Yoda’, ‘Baby Shark’, ‘Old Town Road’ и ‘Eboy outfit’. Сите овие ја претставуваат колективната светст на корисниците (и) на социјалните мрежи.

Во знак на празниците, Facebook додаде нови опции и алатки на Messenger

Facebook најави нови опции и алатки за Messenger кои ќе ти помогнат да ги зачуваш спомените од новогодишните и божиќни празници. Најпрво, имаме нови опции за едитирање слики (филтри и стикери) што се споделуваат директно преку камерата од Messenger. Второ, имаме нови анимации за реакции на Stories што се појавуваат низ целиот екран (слично како кога стигаат реакции за време на видео во живо). И последно, Facebook додаде нова Messenger Stories архива во која ќе можеш да видиш сè што си објавил.

Instagram воведе нови рестрикции за возраст за бизнис и креатор акаунти

Бизнис и креатор акаунтите ќе можат да подесат рестрикции за возраста на својата публика за различни земји. Ова доаѓа откако Instagram додаде проверка на возраст за нови корисници при креирање на сметка. На овој начин Instagram се оградува од прикажување непристојна содржина на млада публика. Овој апдејт е само уште една најава за тоа дека Instagram ќе направи повеќе потези од овој тип во 2020.

Twitter ќе прави децентрализирана верзија од платформата

Twitter ќе одвои буџет за мал тим истражувачи кои ќе работат на градење “open and decentralized standard for social media”, а Twitter ќе биде нивниот “клиент”. Проектот се вика Bluesky и ако ова успее, ќе бидат потребни години да поминат за да се види ефектот. Одлуката за ова е малку необична, но ајде да видиме што ќе произлезе од истата.

Apple, Amazon и Google станаа партнери

Светските гиганти за технологија – Apple, Amazon и Google – здружија сили да креираат заеднички стандард за технологија. Новиот стандард е насочен кон смарт производи за домот како Amazon’s Echo, Apple’s HomePod и Google’s Home. Под називот “Project Connected Home Over IP” овие 3 компании ќе креираат нов, бесплатен стандард за конекција со цел да ја зголемат компатибилноста на горенаведените производи.

Во превод, сакаат да направат потрошувачите да се чувствуваат сигурни во фактот дека уредот ќе работи во нивниот дом и дека ќе може да го инсталираат и контролираат со систем по избор. Дали ова ќе успее останува да видиме, а првите имплементации ќе ги видиме најверојатно кон крајот на 2020.

Yubo собра $12.3 милиони за својата социјална мрежа за тинејџери

Францускиот стартап Yubo собра $12.3 милиони за финансирање на својата социјална мрежа за млади под 25 години. Оваа апликација има еден фокус – да им помогне на тинејџерите да запознаат нови луѓе и да градат пријателства. За разлика од останатите од овој тип, Yubo не се фокусира на лајкови и следбеници.

Со собраните пари Yubo сака да се прошири во Јапонија и Бразил и да вработи 35 нови луѓе. Дел од парите ќе одат и за подобрување на безбедноста при користење на апликацијата.

Бонус линкови

Тука го завршуваме денешниот преглед во петок. Ако имаш линк што сакаш да го споделиме слободно пиши ни порака на Фејсбук.

Marketoonist on Instagram

Се читаме во следниот, специјален, последен за ова година преглед во петок. 😊

65 #ПрегледВоПеток

Ексклузивно, вториот преглед во петок 13-ти за оваа сезона!

Легенда.

Пред да почнеме со прегледот имам една супер вест. Оваа недела го вративме #комкаст 🎉 Во првата епизода од трета сезона Дарко и Сеад зборуваа на тема лажни вести, дезинформации и пост вистина.

Пиши ни како ти се допаѓа комкастот, а ако имаш предлог тема на разговор уште поубаво. И секако, subscribe на YouTube за да бидеш во тек со најновите видеа. 😉

Полесно пренесување на податоци на Google Cloud

Вчера Google Cloud најави нов сервис за компании кои сакаат да пренесат податоци од нивните системи директно на Cloud. Сервисот е наменет за пренесување голем број податоци, некој си милијарда фајлови и повеќе.

Transfer Service сам ја проверува точноста на податоците и нивниот интегритет додека тие се пренесуваат на Cloud. Автоматски се справува со грешки што може да настанат при пренесувањето и користи што е можно повеќе bandwidth за да намали на време. Како и со останатите нови производи од Google Cloud, фокусот е ставен на големите потрошувачи – корпорациите.

Нова опција на Instagram за споделување сториња во група

Слично вакво нешто постои на Facebook веќе една година, а сега еве и на Instagram. Новата “Group Stories” опција им овозможува на корисниците и нивните пријатели да креираат сториња во група. Опцијата е поврзана со групниот чет што значи имаме уште еден начин на интеракција со членовите во дадена група.

Instagram се надева дека ќе креира повеќе алатки од овој тип и со тоа да го зголеми интересот за користење на групни четови. Не се знае точно кога опцијата ќе биде пуштена за сите корисници, но секако ќе биде во скоро време.

UK General Election 2019: Како политичките партии се однесуваат на социјалните мрежи и како младите го користат TikTok во контекст на изборите

Политичките партии на социјалните мрежи

Не знам дали знаеш ама моментално во Велика Британија се одвиваат партиски избори. We Are Social напишаа многу интересна статија пред два дена за тоа како се однесуваат политичките партии на социјалните мрежи само неколку часа пред почетокот на гласањето. Од тоа што прочитав во нивната статија и тоа што сега гледам во резултатите од изборите е многу spot-on. Топло препорачувам прво да прочиташ, а после да ги видиш резултатите.

Младите на TikTok за време на изборите

Младите во Велика Британија максимално го искористија TikTok за време на изборите за да ја споделат својата порака, да ги предизвикаат кандидатите да го исполнат она што го ветиле и да ги дадат своите мислења. Еве уште една доста интересна статија, овој пат од Dazed, која исто така ти препорачувам да ја прочиташ.

Бонус линкови

Толку од денешниот преглед во петок. Ако имаш линк што сакаш да го споделиме слободно пиши ни порака на Фејсбук.

Marketoonist on Instagram

Се читаме следниот преглед, во петок. 🙂

64 #ПрегледВоПеток

Стигна декември, месецот на празнични кампањи. Во овој #ПрегледВоПеток се посветивме малку повеќе на маркетингот — огласување, митови и предвидувања — што се надевам ќе ти се допадне. Дополнително ќе следи и посебен блог пост (или серија постови) на тема маркетинг во 2020, без грижи. 😉

Дигиталното огласување во 2020

Врз база на глобално истражување направено со 900 лидери за огласување од светот, salesforce направија извештај кој вклучува нови приоритети, стратегии и тактики како предвесници на една нова ера во огласувањето. (PDF)

Бројот на пораки и на канали преку кои потрошувачите добиваат пораки е најголем до сега. За да се издвојат од толпата, огласувачите треба да креираат хиперперсонализирани пораки што ќе допрат до потрошувачот.

Огласувањето е во фаза на трансформација — најголемата еволуција откако дигиталните реклами беа лансирани во 1990-тите — предводена од податоци. За ефективно да допрат до публиката, огласувачите треба да поврзат голем број извори на податоци и притоа да извлечат некаква информација која ќе биде од корист.

И доминантните канали и буџетите се менуваат. Бројот на огласувачи што се потпираат на платформите под сопственост на Google и Facebook за пренесување на нивните реклами е сè поголем. Но успешноста не се мери само преку кликови и импресии. Се мери и преку вредноста на потрошувачот.

3 маркетингшки митови што Google Marketing ги разби годинава

Некои индустриски митови се толку многу познати што сите ние колективно мислиме дека се вистина. Тоа отсекогаш било така и ќе остане така. Но Google реши да ги тестира овие маркетингшки митови. Дел од нив се вистина, а останатиот дел навистина се митови што откако ќе се разбијат ни овозможуваат да го дигнеме маркетингот на повисоко ниво.

  • Маркетингшки мит бр. 1 — За да се произведе видео содржина потребни се многу време и многу пари
  • Маркетингшки мит бр. 2 — Колку повеќе податоци имаш, толку подобро
  • Маркетингшки мит бр. 3 — Машините ќе ги заменат луѓето

12 предвидувања за 2020 од експертите за дигитален маркетинг

Дали твојата маркетинг стратегија е подготвена за промените што следат? Social Media Examiner објавија одличен блог пост во кој 12 маркетинг експерти ги споделуваат своите предвидувања за 2020. Од предвидувањата може да видиме дека маркетерите ќе се фокусираат повеќе на креирање видео содржина, дека Stories се клучни за постигнување досег и дека LinkedIn и Pinterest ќе продолжат да растат.

Нова дефиниција за односи со јавноста

“Која сум јас?” се запраша индустријата за односи со јавноста и за да не потоне подлабоко во кризата на идентитет, International Public Relations Association (IRPA) објави нова дефиниција за тоа што се односи со јавноста.

Lider media направија супер статија-интервју со неколку вработени во ПР агенции од Балканот кои го дадоа своите коментари во однос на новата дефиниција и како таа ќе влијае врз работата.

“Односи со јавноста е практика за донесување на менаџерски одлуки која има за задача да гради врски и интереси помеѓу организации и нивните публики, врз база на информации пренесени преку веродостојни и етички методи на комуникација.” — новата дефиниција според IRPA

Избрани најдобрите македонски инфлуенсери

Од линковите за неделава, не смееме да испуштиме и една локална вест. После месеци спремања, избор и најави, во понеделникот се одржаа првите “UiZ Influencer Awards 2019”. Наградите беа доделени во повеќе категории, а најдобрите од најдобрите ги избра жири комсија составена од веќе истакнати домашни инфлуенсери и претставници од маркетинг агенции. Коментари не пишуваме. 🙂

Бонус линкови

Тука е крајот на денешниот преглед во петок. Ако имаш линк што сакаш да го споделиме слободно пиши ни порака на Фејсбук.

Marketoonist on Instagram

До следниот преглед во петок. 😉

63 #ПрегледВоПеток

Завршува ноември, доаѓа веројатно најхаотичниот декември. Соберете сила, читајте кликајте и спремете се за кафани, слави, прослави и сл. Време е за нов #ПрегледВоПеток. 🙂

COPPA законот vs. YouTube креаторите

Во минатиот преглед во петок спомнавме за новите промени во содржината за деца на YouTube и за тоа дека сите креатори ќе мора да обележат дали нивната содржина е соодветна за деца или не. Зошто е ова битно? Ако не го направат тоа, алгоритмот на YouTube ќе го направи наместо нив и големи се шансите алгоритмот да направи грешка.

Сите сме свесни дека децата гледаат YouTube видеа преку дозвола од родителите (parental controls), но Google нема начин како да контролира кој е пред екранот – родител или дете. Затоа FTC бараше од YouTube целата содржина за деца да биде или остранета од платформата или соодветно обележана. Многу нормално YouTube го избра второто и сега бара од сите креатори да ја обележат својата содржина со made for kids или not made for kids.

Во секој случај, предложеното решение е страшно лошо. Пред се, COPPA законот е наменет да ја заштити приватноста на децата на интернет и не ми е јасно како креаторите кои прават содржина за деца го прекршуваат овој закон. Уште еднаш се покажа дека креаторите за YouTube се само потрошна роба, дека им е многу побитно да си ја заштитат компанијата отколку да најдат соодветно решение за ситуацијата.

Снема Facebook и Instagram ама има апликација за креирање мемиња

Се извинуваме за привремениот прекин

Сигурно примети вчера дека некаде од пладне па до вечерта Facebook и Instagram се мачеа со вчитување и објавување на содржина. Дали американците ги преплавија мрежите со објави за Thanksgiving или што, во централна Европа беше најлошо. Хаштагот #InstagramDown беше најпопуларен во Велика Британија.

Whale, апликацијата на Facebook за креирање мемиња

NPE тимот на Facebook направи уште една апликација, Whale – за креирање мемиња. Whale им овозможува на корисниците да “декорираат” слики со текст и стикери со цел да креираат мемиња што потоа можат да ги споделат или да им ги испратат на пријателите. Апликацијата е бесплатна и моментално достапна само за корисниците во Канада.

Сè што треба да знаеш за Keyword Research

Истражувањето на клучни зборови е критичен дел од секоја SEO стратегија. Клучните зборови се врската помеѓу веб страната и пребарувачот. Тие се тие што му помагаат на пребарувачот да идентификува какви информации има на твојата веб страна и колку е релеватна кога еден корисник пребарува одреден збор или фраза.

Шансите да се појавиш на SERP се поголеми ако ја оптимизираш веб страната за правите клучни зборови. Но има стотици опции кога станува збор за кои клучни зборови да ги земеш во предвид. И како да знаеш за кои да оптимизираш? Keyword research.

Webdesigner Depot направија супер статија во која објаснуваат што се клучни зборови и зошто е потребно да ги истражиш. Топло ти препорачувам да го ѕирнеш линкот. 🙂

Комплексните резултати од пребарувањето прават Pinball Pattern

Деновите кога Google прикажуваше едноставна листа од 10 сини линкови запакувани со URL и текст, се далеку зад нас. Денес резултатите од пребарувањето (SERP) се многу покомплексни.

Изгледот на SERP постојано се менува, а тоа влијае врз начинот на кој луѓето пребаруваат на интернет. Денес вниманието на луѓето е дистрибуирано на самата страна и резултатите ги процесираат понелиенарно од порано. Имаме толку многу отскокнувања од еден елемент до друг на една страна што може да се постави нов шаблон за процесирање на SERP – the pinball patern.

Кај овој шаблон корисникот ги скенира резултатите од пребарувањето на нелинеарен начин и отскокнува од еден до друг резултат. Тоа е така затоа што денес резултатите не вклучуваат само линкови, туку и слики, видеа, па дури и интерактивни функции. Затоа, ако има смисла за твојата содржина, размисли за вметнување на некој од нетрадиционалните SERP функции.

Што е податочна писменост и зошто организациите инвестираат во неа

Податочна писменост е способност за читање, пишување и комуницирање податоци во даден контекст, вклучувајќи и разбирање на податочни извори, аналитички методи и користени техники – и способноста да се опише нивната примена и вредност.

Дефиниција според Гартнер

И покрај тоа што голем дел организации го признаваат значењето на податочната писменост, се уште постојат бариери за отклучување на оваа способност – вештините (или немањето вештини) како една од најголемите. Според извештајот Skills of the Modern Marketer на Econsultancy, 13% или помалку од испитаниците се гледаат себе си како експерти за стратегија, податоци и мерење резултати.

The Data Literacy Index исто така покажува дека предизвиците со управувањето на податоци постојат поради начинот на кој организациите ја перцепираат важноста на податочната писменост и нејзината примена.

Econsultancy напишаа одличен пост во кои зборуваат за што е податочна писменост, колку е важна во работата и кој сè инвестира во неа.

Во потрага по едноставноста

Секој ја перцепира едноставноста различно и ја гледа од различна перспектива. Ако комплексноста бара ред преку додавање работи, едноставноста бара ред преку одземање работи.

За некои луѓе комплексноста е едноставност, а за други е обратно. За да направиш добар дизајн треба да знаеш која е твојата таргет публика за да направиш баланс. Дизајнот треба да биде доволно едноставен за корисниците да можат да извршат акција и брзо да добијат информација за возврат.

OK boomer

Сигурно си го видел мемето “OK boomer”, а ако не, тогаш мора да си бумер. Станува збор за меме кое е приказ на разговорот помеѓу младите и старите. Нешто од типот “во мое време” само што сега тоа време е 50 години во минатото и многу работи се сменети. Помладите се осудувани од постарите за нивните постапки, но немаат енергија за расправање и разговорот завршува со OK boomer.

Мемето доби на популарност изминативе недели благодарение на TikTok, но фразата “OK boomer” може да се види уште во 2015 на 4chan каде анонимни корисници ја користеле кон други кои се однесувале како да се “out of touch”. Многу бумери мислат дека мемето е за остарување и дека на младите им се дозволува премногу. Но всушност е за падот на економијата, еколошките катастрофи и општо, дека луѓето не сакаат промени.

На крајот, дебатата за “OK boomer” е само уште една бесконечна парада од идеологични дебати на интернетот во кои двете страни не се ни слушаат.

Бонус линкови

Толку за денешниот преглед во петок. Ако имаш линк што сакаш да го споделиме слободно пиши ни порака на Фејсбук.

Marketoonist on Instagram

Се читаме во следниот преглед во петок. 😉

62 #ПрегледВоПеток

Оправдано отсуствуваме минатата недела, AllWeb беше во петокот.

pregled-vo-petok-62-allwebmk-2019-skopje-macedonian-philharmonics
AllWebMK 2019

А сега се враќаме посилни од кога било со нов преглед во петок!

Ако имаш iPhone и скролаш на Facebook, задната камера снима

Ако имаш iPhone, големи се шансите камерата да ти работи додека скролаш на Facebook. Овој проблем излезе на виделина кога еден корисник на Twitter објави видео во кое се гледа дека задната камера снима додека тој скрола.

Проблемот се јавува во случај кога на Facebook му е овозможено користење на камерата. Кога нема дозвола, Facebook апликацијата пробува да ја уклучи, но iOS го блокира. Facebook изјави дека станува збор за bug и работи на случајот. Што приватност и безбедност? 🙂

WT Social – новиот ривал на Facebook

Смачено ти е од Facebook? WT Social е нова социјална мрежа која ветува дека нема да те спама со реклами или да ги продаде твоите кориснички податоци, креирана од основачот на Wikipedia.

Новата платформа има newsfeed налик на Facebook, но содржината е приоретизирана според она што е најново, наместо интеракции. “Рекламирањето дозволи лошата содржина да доминира на Facebook, а тоа нема да се случи со WT Social.”, изјави Jimmy Wales.

Од лансирањето во октомври до сега преку 160,000 луѓе направиле корисничка сметка на WT Social. Платформата е бесплатна, но нови корисници мора да почекаат за пристап. WT Social ќе функционира само од донации.

Ова звучи како многу добра и поздрава алтернатива, особено од Facebook. Сепак, големи се шансите дека троловите и политичарите ќе изнајдат начин да ја упропастат платформата доколку стане успешна.

Instagram тестира криење лајкови на глобално ниво и го копира TikTok

Тестот со криење лајкови се спроведува на глобално ниво

Тестот продолжува, а активен е и за дел од корисниците кај нас. Корисниците ќе можат да видат кој се им лајкува и колку лајкови имаат вкупно. На туѓи објави корисниците ќе гледаат неколку имиња од листата на заеднички пријатели. Можат да кликнат да видат кој сè лајкнал, но ќе треба рачно да ги бројат сите лајкови.

Грижата дека тестот ќе влијае негативно врз инфлуенсерите и креаторите е сè поголема откако HypeAuditor направи истражување во кое се гледа дека многумина од нив имаат помалку лајкови за 3% до 15% во земјите каде Instagram не го прикажува бројот на лајкови.

Без бројот на лајкови, агенциите нема да можат да верификуваат дали објавата има доволно интеракции за да извршат исплата на инфлуенсерот. Instagram ќе треба да најде начин ова да се реши, пример со приватен URL.

Ова е можеби финалниот чекор од тестирањето пред Instagram официјално да го лансира апдејтот во кој нема да гледаме број на лајкови. Интересно ќе биде да се види какво влијание има тестот врз менталното здравје, но исто така и како влијание има врз користеноста на апликацијата.

‘Reels’ mode, новата Instagram алатка за Story е копија од TikTok

Се сеќаваш пред неколку прегледи пишував за тоа дека Instagram ќе се претвори во TikTok? Епа ајде да се надоврзам на муабетот со Reels. Оваа алатка ќе им озвоможи на корисниците да креираат кратки видеа кои ќе можат да ги споделат и да направат ремикс, исто како TikTok. Ќе може да се стави и музика, а има и избор на креативни опции за едитување на самото видео.

Новата алатка ќе биде достапна само за корисници во Бразил на почетокот.

TikTok тестира линкови во био

Со повеќе од билион корисници на платформата, TikTok бара начин како да воведе монетизација. Затоа почна да тестира нова функција која им овозможува на корисниците да стават линк во био и на постовите. Овие линкови ги носат гледачите до производи кои ќе можат да ги купат директно од видеото.

Тоа што TikTok се реши да се монетизира е значаен сигнал за амбициите на платформата, барем во САД, каде тестот се спроведува. Замисли многу лесно да се прават пари на TikTok. Можеме да очекуваме дека голем број креатори ќе се префрлат.

Опцијата за криење на коментари на твитови е достапна за сите

После месеци тестирање, корисниците на Twitter ширум светот имаат пристап до опцијата да скријат коментар на свој твит. Значи нема бришење на твитови, а останатите корисници ќе може да ги видат коментарите на твојот твит со кликање на сивата икона што се појавува откако ќе биде скриен коментарот.

Нови промени во содржината за деца на YouTube

YouTube се најде во фокусот на голем скандал во февруари годинава токако блогерот Matt Watson објави 20-минутно видео во кое тврдеше дека YouTube “промовира педофилија”. После месеци работење на случајот и голем број блокирани канали, YouTube изјави дека ќе имплементира нови промени во нивната политика со цел да ја заштитат содржината во која има деца од педофили.

Секој YouTube канал ќе мора да биде во согласност со Children’s Online Privacy Protection Act (COPPA). Сите ќе мора да покажат дали нивната содржина е соодветна за деца или не. За да го направат ова, YouTube Studio ќе има нови подесувања за публика. Сите детали околку промените можеш да ги видиш во постот на YouTube Help.

Дали ќе биде подобро ако имаме само еден пребарувач?

Отсекогаш постоела битка помеѓу пребарувачите, битка за најдобриот и најбрзиот пребарувач. Како корисници, пребарувачите ни даваат клучни навигациони елементи кои ни помагаат да се движиме низ интернетот: копчето за дома, лентата за веб адреса, копчињата за напред и назад, зачувувани линкови, итн.

Но за дизајнерите и девелоперите е јасно дека пребарувачите играат многу поголема улога во корисничкото искуство отколку само она што корисникот го гледа на површата на неговиот екран. Постојат многу системи за рендерирање на содржина и прикажување на истата, па така гледаме различни резултати од пребарувач до пребарувач. Како резултат на тоа го имаме прашањето: Дали би било подобро ако имаме само еден пребарувач?

Бонус линкови

Тоа е сè од денешната дупла доза преглед во петок. Ако имаш линк што сакаш да го споделиме слободно пиши ни порака на Фејсбук.

Marketoonist on Instagram

До следниот преглед во петок. 😉

61 #ПрегледВоПеток

Скролај, кликај и читај, собравме доста интересни четива и апдејти за овој преглед во петок.

Новости од дигиталниот свет за 3, 2, 1… #ПрегледВоПеток

Facebook се ребрендираше во FACEBOOK

Покрај сите скандали, далавери и општо лошата репутација, Facebook во понеделникот најави дека ќе се ребрендира. Во следните недели ќе се појави ново, шарено лого со големи букви.

Зошто FACEBOOK? Новото лого ја докажува вредноста на компанијата. Дизајнирано е со “бистрина и искреност” на ум, со хармонизирани големи букви. Но тоа не е сè! FACEBOOK користи “динамични” бои што го трансформира логото во боите на неговата средина.

Со други зборови, Facebook се дистанцира од платформата која сам си ја направи да биде најомразената платформа на светот. Па така, кога странски сили ќе измешаат прсти во изборите во 2020, Марки ќе му каже на Конгресот: да, Facebook има проблеми. Но FACEBOOK си работи супер.

Нов систем за додавање атрибути на содржина

Adobe, Twitter и The New York Times Company најавија нов систем за додавање атрибути на слики и друга содржина. Ова значи дека ќе има алатка што ќе снима и зачувува информации за уметникот што создал парче содржина и дали таа содржина била изменета од страна не некој друг. Потоа други луѓе и платформи ќе ги проверуваат тие податоци.

Adobe прикажа прототип во Photoshop, но системот е сè уште во изработка и не знаеме кога точно ќе биде достапен. Проектот е дел од Content Authenticity Initiative, а партиципантите ќе одржат самит за системот во следните неколку месеци.

Врз основа на она што го најави Adobe, алатката за додавање атрибути е дел од метадата што може да се прикачи за фајл. Не беше објаснето како тагот ќе се зачува, односно како ќе бидеме сигурно дека е од оригиналниот автор, а не од некој што ја копира содржината.

Останува почекаме да помине самитот па да се разотркријат дел од деталите.

Брз пристап до апликации и сервиси со .new на Google

Кој не сака кратенки? Пред една година, G Suite ги креираше кратенките: docs.newsheets.new, и slides.new. Овие кратенки овозможуваат многу побрзо и полесно да отвориш нов документ, нова табела или пресентација.

Сега Google излезе со екстензија на .new доменот која ќе им овозможи на корисниците да извршуваат онлајн постапки со само еден чекор. Она што е многу добро, е фактот што секоја компанија или организација ќе може да си регистрирај свој .new домен.

Повеќе инфо за сите кратенки.

Можеш ли да преживееш како компанија на Reddit?

Reddit е еден од најмоќните сили кој има влијание врз целиот интернет на начин на кој ниту една друга платформа може да влијае. За разлика од другите социјални мрежи, Reddit е релативно недопрен од медиумите и рекламните агенции. Ова значи препрека за сите брендови кои сакаат да ја наметнат својата моќ и да го искористат влијанието што оваа заедница го има врз остатокот од интернетот.

Со цел да им помогнат да брендовите и маркетерите да се запознаат со оваа уникатна – и строго чувана – социјална мрежа, We Are Social направија Reddit кампања од која извадија доста интересни заклучоци.

Бонус линкови

Толку за денешниот преглед во петок. Ако имаш линк што сакаш да го споделиме слободно пиши ни порака на Фејсбук.

Scared of Marki!

Се читаме во следниот преглед во петок. 😉

60 #ПрегледВоПеток

Стигнавме до 60-тиот преглед во петок!

Facebook најави промени кај метриките за реклами

Најпрво, Facebook најави дека ќе ги отстрани метриките за 10-second video view што вклучуваат ’10-Second Video Views’, ‘Cost per 10-Second Video View’ и ‘Unique 10-Second Video Views’. Дополнително, единаесет од метриките за прегледи на видео ќе бидат преименувани.

Facebook тврди дека овие промени ги прави со цел имињата да бидат појасни и усогласени. Со оглед на тоа дека ова нема да има никакво влијание врз самите реклами, промените не би требало да предизвикаат проблем. Како и секогаш, тоа зависи од начинот на кои ги користиш метриките за видеата, кои аспекти ти се од важност, итн.

Twitter ќе банира политички реклами на платформата

Во средата, во твит на Jack Dorsey, Twitter најави дека новата политика ќе влезе во ефект на 22 ноември и ќе важи на глобално ниво за сите реклами за избори и општо реклами од политички карактер.

Најавата доаѓа во време кога Facebook е под голем притисок за сознанието дека ги иззема рекламите од политичари од ‘third-party fact-checking’. Во превод, откако се дозна дека Facebook си ги штити моќните политичари.

Тајмингот на овој бан значи дека ќе биде активен за предвремените избори во Велика Британија.

Google го пушти Incognito mode за Maps за корисниците на Android

Опцијата ‘Incognito mode’ за Google Maps за прв пат беше дискутирана на Google I/O конференцијата во мај. Исто како на браузер, оваа опција ти овозможува да пребаруваш и следиш рути без автоматски да бидат поврзани со историјата на твојот акаунт.

После нешто повеќе од 5 месеци, Google почна лека полека да ја пушта опцијата на корисниците на Android. Ако сè уште не ја гледаш, без грижи. Чичко Google рече дека ‘Incognito mode’ ќе биде достапен за сите Android корисници во текот на наредните неколку денови.

#TeamTrees – Најголемата соработка помеѓу Youtubers во историјата

#TeamTrees е проект предводен од јутуберите Mr. Beast и Mark Rober чија крајна цел е да се засадат 20 милиони дрва до 1 јануари, 2020. Во соработка со Arbor Day Foundation и повеќе од 600 други јутубери – меѓу кои PewDiePie, Jacksepticeye, Shane Dawson, Jeffree Star, Joey Graceffa и Rhett & Link од Good Mythical Morning – до сега се засадени преку 11 милиони дрва.

За помалку од 48 часа откако беше објавено првото видео за #TeamTrees од Mr. Beast, се собраа доволно пари за засадување на 4 милиони дрва. Кон проектот се приклучија и Elon Musk со донација од 1,000,000 дрва, Susan Wojcicki со 250,000 дрва и Jack Dorsey со 150,000 дрва. CEO-то на Shopify, Tobi Lutke, донираше 1,000,001 дрво само за да го помине Elon Musk во знак на слатко ривалство.

Со секој дониран долар, фондацијата ќе засади дрво во шумите каде што е најмногу потребно. Дрвата ќе бидат распространите низ сите континенти што не се Антарктикот.

Ова е најголемата соработка во историјата на јутубери за подигање на свеста за климатските промени и тоа многу ме радува!

А сега трк на www.teamtrees.org 🌳🌲

Бонус линкови

Толку од денешниот преглед во петок. Ако имаш линк што сакаш да го споделиме слободно пиши ни порака на Фејсбук.

Marketoonist on Instagram

До следниот преглед во петок. 😉

59 #ПрегледВоПеток

Ја завршуваме работната недела со уште еден преглед во петок. 🙂

Google ги подобрува резултатите од пребарувањето

Google направи промени во алгоритмот за пребарување што ќе влијае врз резултатите. Во суштина, ќе добиваме подобри (порелевантни) резултати бидејќи Google сега има подобро разбирање за тоа како зборовите се поврзани едни со други во дадена реченица (контекст).

Google вели дека промената во алгоритмот е веќе пуштена од пред два дена и ќе влијае врз околу 10% од резултатите од пребарувањата на англиски јазик направени во САД. Останатите јазици и земји ќе бидат адресирани постепено.

Facebook тестира реклами во делот Groups tab

Facebook тестира пуштање реклами во Groups tab каде корисникот гледа содржина од сите групи во кои што е член. Ова е уште еден пример за тоа како Марки ја користи секоја можна прилика да го зголеми капацитетот на реклами. И со фокусот на групите оваа година, големи се шансите дека рекламите што ги тестираат во табот за групите ќе бидат видени.

Instagram тестира нов “Invites” стикер за настани на Story

Продолжуваме со уште тестови. Новиот стикер ти овозможува да креираш настан – вклучувајќи назив, датум и локација – што потоа го објавуваш на Instagram Story како “Invites” стикер. Гледачите можат директно да RSVP од стикерите, нудејќи уште еден начин за поттикнување интерес и споделување ексклузивни настани.

LinkedIn Еvents: Нова алатка за планирање настани

LinkedIn Events е алатка што им овозможува на корисниците да креираат и да бидат дел од професионални настани, да ги поканат своите конекции, да менаџираат настани, да се поврзат со други кои ќе присуствуваат, и да одржуваат комуникација по завршетокот на настанот.

Во моментов Events е бесплатна алатка за користење и е достапна за сите корисници ширум светот.

Adidas признава, инвестирале многу повеќе одошто треба во digital и performance marketing

Adidas сака да направи промена од маркетинг ефикасност во маркетинг ефективност и признава дека фокусот на ROI придонел за поголема (одошто треба) инвестиција во digital и performance marketing, на сметка на градење на брендот. Многу добра презентација на Simon Peel (Adidas Global Media Director) за време на EffWeek 2019.

Бонус линкови

Тоа е сè за денешниот преглед во петок. Ако имаш линк што сакаш да го споделиме слободно пиши ни порака на Фејсбук.

Marketoonist on Instagram

Се читаме во следниот преглед во петок! 😉

58 #ПрегледВоПеток

Задоцнивме малку, ама оправдано. Минатата недела бевме на AllWeb Albania и си поминавме супер! Сакавме да стасаме на време со прегледот…

Но имавме неуспешен обид за влог верзија од #ПрегледВоПеток 😬

Преглед во петок ВЛОГ

И така после дојде викендот, време да се прибереме по домите. Па дојде понеделникот, доста работен. И еве сме. Вторнички преглед во петок.

Facebook тестира dark mode и нов интерфејс за десктоп

Уште во мај Facebook најави дека ќе го редизајнира вебсајтот и ќе овозможи dark mode на десктоп и на мобилен. Во август почнаа да тестираат dark mode за Android мобилната апликација, а сега пуштија и бета верзија на новиот интерфејс за десктоп.

Интерфејсот во бета верзија изгледа многу како оној на Twitter. Конечната верзија може ќе се смени, но сепак останува “прекидачот” што ти овозможува да си ја вратиш старата класична верзија на вебсајтот.

Instagram објави низа совети за маркетерите

Оваа недела Instagram објави совети кои ќе им помогнат на маркетерите во креирање подобра содржина и градење заедница на платформата. Еве дел од нив.

Најпрво, Instagram пушти совети за креирање слики и видеа во кои има едноставни, но вредни, забелешки за тоа како да го максимизираш твоето визуелно присуство на платформата. Ќе ти помогнат во креирање содржина што ќе биде различна, уникатна, и влијателна.

Во меѓувреме, Instagram пушти и совети за планирање празнични кампањи, вклучувајќи и content calendar template кој ќе ти помогне да го означиш пристапот кон кампањата (можеш да го симнеш тука).

И како за крај, Instagram објави и совети за продавање производи на платформата, повеќе со фокус на лансирање нови производи. Има доста добри точки кои ќе ти помогнат да испланираш подобар пристап со цел да го максимизираш твоето присуство на платформата.

Snapchat пушти нова “Dynamic Ads” опција

Супер вести за маркетерите кои користат Snapchat. Новата “Dynamic Ads” опција ќе ги креира твоите Snap ads наместо тебе, а врз база на твојот производен каталог. Системот ќе ги прикажува производите на таргет публиката според тоа што нив ги интересира.

Динамичните реклами ќе користат вградени темплејти за креирање различни реклами во вертикален формат. Маркетерите ќе можат да изберат од многубројни темплејти, што всушност ќе служат како водич за Snap кога ќе ги креира релевантните реклами. Од таму селектираш нова публика или веќе постоечка и му даваш дозвола на системот да ги прикажува твоите реклами real-time.

Со ова ќе се поедностави процесот на пуштање реклами на Snap. Нема да има потреба да “губиш време” на креативниот процес, но и на ажурирање на податоците. Ако сакаш кампањите да тераат цело време затоа што носат добри резултати, само ќе го “оддржуваш” протокот на податоци на Snap а системот сам ќе си ги пушта рекламите со најновите и најрелевантните информации.

Родителската контрола на Apple е гола вода за децата

Apple’s Screen Timе има за цел да им овозможи на потрошувачите начин да ги контролираат уредите на нивните деца. Сепак, дел од младите тинејери откриле доста багови и начини како тоа да го заобиколат.

На Reddit и на YouTube децата споделуваат совети и трикови како да се ослободат од Screen Time. Симнуваат специјален софтвер што им овозможува да го исклучат Screen Time или да ги дознаат лозинките на нивните родители. Тие бараат багови кои го прават користењето на мобилниот телефон полесно, без нивните родители да знаат за тоа, како менување на времето или користење iMessage за гледање видеа на YouTube.

Бонус линкови

Толку за денешниот (задоцнет) преглед во петок. Ако имаш линк што сакаш да го споделиме слободно пиши ни порака на Фејсбук.

Marketoonist on Instagram

Се читаме во следниот преглед, во петок! 🙂

57 #ПрегледВоПеток

Се вратив од одмор и празник или не, ако е петок тоа значи дека ќе пишувам #ПрегледВоПеток 🙂

Нови бизнис алатки од Facebook и Instagram

Facebook со нови Stories templates за бизниси

Неделава Facebook пушти две нови алатки дизајнирани да им помогнат на бизнисите. И тоа во право време, со оглед на тоа дека голем дел од американците пазаруваат за Божиќ уште од сега. Првата алатка е нов сет на темплејти за стори.

Темплејтите се едноставни, визуелно ефективни опции кои може да се едитуваат а ќе им помогнат на брендовите да ги прикажат своите производи и сервиси. Истите се достапни преку Facebook Ads Manager и Facebook направи step-by-step прирачник за користење.

Нови опции за Instagram Direct

Facebook додаде нови опции за Instagram Direct кои ќе им овозможат на бизнисите да:

  • Додадат ознаки на контакти, како “VIP” или “New Customer”
  • Пребаруваат контакти за да најдат тоа што го бараат поефикасно
  • Зачуваат повратни пораки во Direct за почести прашања
  • Подесат instant replies и away messages
  • Организираат Direct пораки во фолдери

Facebook посочи дека алатките ќе ги пушта постепено што значи дека кај нас ќе бидат достапни малку подоцна.

Повеќето американци читаат вести на социјалните мрежи

Иако повеќето американци читаат вести на социјалните мрежи, тие исто така велат дека големите платформи имаат премногу контрола врз истите. Според една студија од Pew Research Center која излезе во средата, испитаниците велат дека социјалните мрежи ги прават вестите “полоши” отколку што се.

И Democrats и Republicans се загрижени за моќта на социјалните мрежи врз вестите. Republicans се малку повеќе скептични, што и не е изненадување затоа што политичарите, вклучувајќи го и Donald Trump, тврдат дека платформите системски цензурираат конзервативни вести. И покрај сè, бројот на американци што користат социјални мрежи за читање вести се зголемува. Facebook го зема првото место со 52%,

Влегуваме во the Era of Big Podcasting

Многу се има случено во кратката историја на подкастите до сега. Трендот е сè поголем а исто и шансите дека подкастите ќе станат дел од забавната индустрија. Приказната како ќе дојдеме до таму е поделена во два дела. Првиот е сè што се случи пред и по 2014. Вториот е што се случува сега. Многу интересна статија на Vulture која топло ти ја препорачувам.

74% од американските економисти очекуваат рецесија до крајот на 2021

Голем дел од економистите во САД се загрижени за ризиците од економската политика на Donald Trump. Во студија од National Association for Business Economics чии резултати излегоа во понеделникот, 74% од економистите очекуваат рецесија во САД до крајот на 2021.

Trump ги негираше овие грижи за рецесија.

I don’t think we’re having a recession. We’re doing tremendously well. Our consumers are rich. I gave a tremendous tax cut and they’re loaded up with money.

Изјава на Donald Trump

Економистите се загрижени за генералниот пристап на администрацијата на Trump во однос на економијата.

Бонус линкови

Толку од мене за денешниот преглед во петок. Ако имаш линк што сакаш да го споделиме слободно пиши ни порака на Фејсбук.

Marketoonist on Instagram

Се читаме во следниот преглед во петок. 😉

55 #ПрегледВоПеток

Идеме јако со 55-иот преглед во петок!

55 woo hoo

Facebook тестира криење на лајкови во Австралија

Денес Facebook официјално почна да тестира криење број на лајкови во Австралија. Авторот на постот ќе може да го види бројот на лајкови, а сите останати ќе гледаат “Name + others”. Тестирањето ќе се одвива паралелно со она на Instagram.

Facebook Pages што имаат голем број следбеници и најчесто повеќе лајкови на објави отколку обичниот корисник би пропуштиле екстра интеракции и досег. Неколку инфлуенсери од Канада се пожалија дека имаат намален досег откако тестот за криење лајкови почна на Инстаграм. Ќе видиме како ќе се одрази на пејџовите.

Instagram стави рестрикции на реклами за диети и козметички операции

По консултација со неколкумина експерти за ментално здравје, Instagram изјави дека ќе имплементира нови рестрикции на објави што промовираат диети и козметички операции. Покрај рестрикциите, објавите што промовираат диети и производи за слабеење со “чудесни” ефекти ќе бидат отстранети од платформата.

Промените може да бидат “катастрофални” за лајфстајл гуруата и инфлуенсери кои објавуваат за најразлични напитоци и суплементи за слабеење и што ти не. Сепак, позитивните работи ги надминуваат негативните. Ова е добар потег за Instagram, останува само да се надеваме дека и другите платформи ќе го направат истото во иднина.

Samuel L. Jackson ќе го позајми гласот за Amazon Alexa

Интеракциите со Alexa ќе станат позабавни и вулгарни, откако актерот Samuel L. Jackson потпиша договор да го позајми неговиот глас за уредот. Опцијата Samuel L. Alexa (неофицијално име) ќе биде достапна за корисниците до крајот на годината.

Amazon вети дека ќе ја земе слободата на изразување на Jackson, а корисниците ќе имаат опција да го овозможат или оневозможат вулгарниот јазик. Оваа опција беше само една од бројните промени кај Alexa што беа најавени на компаниската изложба во средата.

Uber најави многу (позитивни) промени кај своите производи

Uber ги спојува апликациите за превоз и достава на храна, додава нови опции за безбедност, ја зголемува свеста за користење велосипеди, електрични скутери и јавен превоз и се вклучува во “виртуелни ресторани”, заедно со уште еден куп други најави.

Дознај повеќе во интервјуто на The Verge со Uber CEO Dara Khosrowshahi.

Припадници на Gen Z во Србија откриваат што за нив е добра работа

Нашите пријатели од Netokracija седнаа со неколкумина припадници на Generation Z. Збореа за тоа што за нив значи работа од соништата и колку би ризикувале да дојдат до неа. Интересна статија која топло ви ја препорачувам да ја прочитате. Времето на Gen Z допрва доаѓа!

Бонус линкови

Толку за денешниот преглед во петок. Ако имаш линк што сакаш да го споделиме слободно пиши ни порака на Фејсбук.

Marketoonist on Instagram

До следниот преглед во петок! 🙂

54 #ПрегледВоПеток

Ме смени Дарко минатиот преглед во петок но за денешниот се враќам во програма. Интересни четива се собраа неделава. Не се многу, но во последните две навлегов малку подетално бидејќи ептен ме интересираа. Се надевам и тебе исто! 🙂

Подобро менаџирање со табовите во Google Chrome

Ако си некој што го користи Chrome со 50+ табови отворени во секое време, *кхм* Дарко, го користам овој преглед да ти кажам дека менаџирањето со табовите ќе ти биде олеснето. Google најави дека ќе има нов привју што со “hover over” ќе ти овозможи побрзо да го најдеш табот што го бараш.

Покрај овие промени, Google планира и дотерување на делот за URL. Ќе добиваш инстант одговори за пребарувања од типот на временска прогноза, превод, спортски настани, и друго. Исто така ќе има и нова алатка со која ќе можеш да ја смениш бојата на целиот пребарувач и пејџот за нов таб, без воопшто да симнуваш теми од Chrome web store.

Instagram ќе се претвори во TikTok

Исто како TikTok, “Clips” ќе им овозможи на корисниците на Инстаграм да снимат сегменти од видеа и да ги објават како едно видео на Story. Корисниците ќе можат да стават музика на видеата и да ја подесат брзината и тајмингот на секој клип.

Копирање на други апликација изгледа како дискутабилна постапка, но доминацијата на Facebook продолжува да се шири. Во моментов нема официјална изјава од Instagram за новата опција.

Како Jala Brat изгази со новиот албум

Не е важно каква музика слушаш, какви се твоите лични ставови и останато, зборуваме за маркетинг. Босанскиот рапер, Jala Brat, за само 24 часа по објавување на новиот албум успеа да собере по милион+ прегледи на сите 6 песни.

Создавање hype со инфлуенсери

Неколку недели пред да го објави албумот, преку своите профили на социјалните мрежи, Jala ја заинтригира публиката и го прикажуваше процесот на креирање на албумот. Ништо ново, нели. Но во креирање на хајпот се вклучија и негови колеги кои го поставија каверот од албумот како нивна профилна слика.

Референци од популарната култура

Тука е битно да се поврзе брендот со други успешни и познати брендови кои се моментално популарни затоа што така се прави позитивна асоцијација кај таргет публиката. Бидејќи Jala знае што сака неговата публика, тој во сите 6 песни споменува 20 различни брендови кои се светски познати. И не само брендови, и личности.

Лансирање на производот кога е 100% завршен

Jala одеднаш ги пушти спотовите за сите песни на албумот, што е реткост за музичарите на Балканот. Доста пари се потрошени на продукција, но и многу добар дел од парите ги врати уште во првите 24 часа од прегледите на YouTube.

Играње со тајмингот и платформите

Албумот не беше истовремено објавен на сите музички платформи. Amazon, iTunes и Google Play беа први бидејќи се премиум платформи и не може бесплатно да се слуша музика. Најнетрпеливите фанови си го купија албумот за $5 до $7 и први ги слушнаа песните. Наредниот ден песните беа објавени и на YouTube, секоја во растојание од 1 час. Понаредниот ден, песните беа објавени и на Deezer и Spotify. На овој начин Jala ги оптимизираше своите шанси за профит уште во самиот старт.

Ширење на брендот = поголема заработка

Секогаш може уште! Пред три години Jala и екипата направија свој бренд за облека. Специјално за новиот албум дечките направија брендирана кутија полна со работи, нешто што до сега не е направено на Балканот. Во кутијата го има албумот, маичка, привезок, постер и стикери.

Настан во чест на промоција на албумот

На денот кога официјално излезе албумот, Jala направи мини промоција во центарот на Sarajevo. Со еден мал настан, тој доби покриеност од скоро сите медиуми.

Целата промоција на албумот #99 ја одиграа многу паметно и мудро го вклопија стариот добар 4P маркетинг микс.

Ни треба MESH едукација

STEM едукацијата е витална во решавање на многу општествени проблеми. Но без да посветиме еднакво внимание и на едукација за меѓучовечките односи, државата, економијата и медиумите – техничкото образование би било залудно.

Tim Wise зборува за фокусирање на MESH едукација, што значи Media Literacy, Ethics, Sociology and History. Бидејќи овие науки не се доволно во фокус, тој вели дека на крајот остануваме со квалификуван кадар по техничко образование кој не знае за демократско државјанство.

Треба да се образуваме за медиумите за да научиме како да филтрираме пропаганда и политички наддавања. Сведоци сме на многу лажни вести што се споделуваат на социјалните мрежи. Етички дилеми има насекаде околу нас. Социологија е предмет кој не сите го учат или многу малку се изучува, а нуди многу битни информации кои помагаат во разбирање на општеството и како тоа работи. Секој граѓанин треба да биде запознаен со историјата на држвата во која е роден.

Wise вели дека иднината на нацијата и на светот зависи од луѓето кои се ангажираат да направат нешто, се точно информирани и размислуваат критички. Тоа значи дека ни треба повеќе од STEM. Ни треба MESH едукација.

Бонус линкови

Тоа е сè од денешниот преглед во петок. Ако имаш линк што сакаш да го споделиме слободно пиши ни порака на Фејсбук.

Marketoonist on Instagram

Се читаме во следниот преглед во петок! 🙂

52 #ПрегледВоПеток

Здраво, како е?

Оваа недела се собраа доста интересни четива за преглед во петок, па да си го фатиме редот.

И Facebook размислува за криење на лајковите

Facebook можно е набрзо да почне да ги крие лајковите на објави во News Feed со цел да ги заштити своите корисници од хејт и љубомора. Идејата е корисниците да престанат да се споредуваат со други и да не се чуствуваат лошо ако нивните објави не добиваат многу лајкови. Ова може да го спречи корисникот да избрише објава ако мисли дека нема доволно лајкови или да не ја објави воопшто.

П.С. Facebook бара македонец за позицијата Market Specialist за Western Balkans. Ќе си ја пробаш среќата? 😀

Twitter оневозможи испраќање твитови преку СМС откако го хакираа Jack Dorsey

Тwitter “привремено” оневозможи испраќање твитови преку СМС, неколку дена откако опцијата беше злоупотребена од хакери за споделување расистички пораки, закани за бомба, и ред други пораки, од акаунтот на Jack Dorsey, кој е CEO на Twitter.

https://twitter.com/Hooray/status/1167525255600058371?ref_src=twsrc%5Etfw%7Ctwcamp%5Etweetembed%7Ctwterm%5E1167525255600058371&ref_url=https%3A%2F%2Fwww.theverge.com%2F2019%2F8%2F30%2F20841288%2Fjack-dorsey-ceo-twitter-account-hacked-chuckle-gang-shane-dawson-james-charles
Tweet about the hack from @Hooray

Twitter изјави дека вината е кај мобилниот оператор, но сепак работи на подобра безбедност за своите корисници. Опцијата е овозможена на неколку локации, таму каде корисниците зависат од неа за да твитуваат. За останатиот дел од светот, нема испраќање твитови преку СМС.

YouTube отстрани 17,000 канали што ширеа омраза на платформата

Оваа недела YouTube изјави дека има апдејт во врска со отстранување на канали што шират омраза на платформата. Според изјавата, отстранети се преку 100,000 видеа и 17,000 канали што ширеле омраза.

Политиката за ширење омраза се смени во јуни годинава и YouTube “категорично забранува видеа во кои се пренесува пораката дека една група е супериорна со цел да се оправда дискриминацијa или сеграгација врз база на возраст, пол, раса, класа, религија, сексулна ориентација или статус на ветеран.” Исто така додаде дека ќе ги отстрани видеата во кои се величи идеологија на нацистите.

LinkedIn овозможи автоматско генерирање alt-text тагови на слики

На почетокот на годинава LinkedIn овозможни рачно додавање на alt-text тагови на слики со цел да ја подобри функционалноста на платформата за корисниците со оштетен вид. Со оглед на тоа дека фокусот на LinkedIn е сè повеќе на визуелниот дел, овозможувањето автоматско генерирање на alt-text тагови на слики е сосема на место.

Колку се точни автоматските назнаки и како точно LinkedIn ќе ги искористи тие податоци, претставуваат значајни фактори. Има смисла да ги користат назнаките во делот за пребарување, онаму каде што е возможно. Ако имаш објава за кола и LinkedIn може да идентификува кола на сликата, тогаш таа објава ќе им излезе на тие што се интересираат за коли.

Бројот на корисници на Bridgefy се зголеми за 3658%, благодарение на демонстрантите во Hong Kong

Како слободно да комуницираш кога владата ја прати секоја твоја порака? Ќе користиш апликација за четување што работи со и без интернет конекција. Bridgefy e токму една од тие апликации. Демонстрантите во Hong Kong ја користат за да комуницираат едни со други бидејќи за разлика од традиционалните СМС пораки, мејлови и WeChat, владата нема пристап до Bridgefy.

Во последните 60 дена, бројот на симнувања на апликацијата е зголемен за скоро 4,000%. Апликацијата ги поврзува корисниците преку стандардна Bluetooth конекција низ цел град, благодарение на mesh мрежата. Четувањето е брзо со луѓе кои се во близина од 100 метри едни од други, но можеш да се поврзеш и со корисници кои се подалеку. Пораките “скокаат” од еден до друг телефон на Bridgefy корисниците, сè додека не го најдат примачот.

3 важни трендови во дизајнот од септември 2019

Овој месец трендовите во дизајнот се насочени кон Gen Y и Gen Z.

Дизајн кој ја привлекува младината

Дизајнот се истакнува по боите, сликите и жаргонот кој се користи во текстовите. Не се користат пастелни бои, туку јаки бои кои ќе ти го зграпчат вниманието. За сликите се користат анимации, видеа или форми и елементи во движење. Тематиката е дека дизајнот е динамичен, лесен и активен.

Дизајн со TikTok естетика

Оваа естетика вклучува кратки видеа, најчесто со филтри или глич ефект. Дизајнот не е совршен и некои работи што можеби изгледаат како да се грешка, се всушност дел од тематиката. Овој дизајн е далеку од она на што сме навикнати да гледаме.

Дизајн со футуристички изглед

Овој тип на дизајн вклучува светли бои, анимација, сајбер слики, многу малку слики и теми што изгледаат како код. Можеш да наидеш и на елементи што избледуваат во хоризонтот или пак елементи што се чини дека немаат крај.

Бонус линкови

Толку од овој преглед во петок, се надевам добро ти дојдоа четивата. Ако имаш линк што сакаш да го споделиме слободно пиши ни порака на Фејсбук.

Marketoonist on Instagram

До следниот преглед во петок. 🙂

51 #ПрегледВоПеток

Доцна навечер, го означуваме крајот на работната недела со ново издание на #ПрегледВоПеток. Седни, или легни… опушти се и дознај што сè се случи изминатава недела.

НБРСМ овозможи отворање сметки на финансиски сервиси во странство

На вчерашната седница на НБРСМ беше донесена Одлука за изменување на Одлуката за начинот и условите под кои резидентите кои што не се овластени банки, можат да отвораат и да имаат сметки во странство. Со измените им се овозможува на граѓаните и компаниите да отворат сметки кај сите странски електронски сервиси за платежни трансакции. Сметките ќе може да се користат исклучиво за комерцијални цели, а дали и кога ќе можат граѓаните и компаниите да отворат сметка кај одреден електронски сервис и какви услуги ќе можат да користат, одлучува секој од сервисите.

Како и да е, клучниот дел во оваа одлична, иако малку подзакаснета новина е следниот: Дали и кога граѓаните и компаниите ќе можат да отворат сметка кај одреден електронски сервис и какви услуги ќе можат да користат (дали само за плаќање или и за наплата), одлучува секој од сервисите, при што деловната одлука ја носи врз основа на сопствени анализи и оцени.

Facebook со нови бизнис алатки за Messenger и нови Page Badges за поттикнување интеракции

Нови бизнис алатки за Messenger

Facebook излезе со нов сет бизнис алатки за Messenger, вклучувајќи закажување термини и lead generation кои што беа најавени оваа година на F8 конференцијата. Во склоп на промените, Facebook вели дека ќе го тргне “Discover” табот на Messenger во наредните неколку месеци со цел да се посвети на тоа корисниците да се во директна интеракција со бизнисите на други начини.

Алатката за lead generation ќе биде во форма на темплејт за Messenger и ќе може да се најде во Facebook Ads Manager. Закажувањето термини исто така беше најавено на F8 но дури сега почнува со бета тестирање. Оваа алатка ќе биде достапна на глобално ниво до крајот на годината, додека пак алатката за lead generation во текот на оваа недела.

Нови Page Badges за поттикнување интеракции

Сигурно имаш приметено дека Facebook пополека додава беџови на пејџови со цел да поттикне интеракции. Покрај “Follower” и “Top Fan”, сега има и “Anniversary Follower” и “Milestone Follower”. Исто така можно е еден корисник да има два беџови симултано, што е прикажано како “+1” до првиот беџ.

Со новите беџови админите може да бидат поттикнати да им дадат до значење на, пример, “Anniversary Followers” и да им се заблагодарат, или пак да воспостават нова форма на прославување. Може да биде дури и доделување на симболични подароци за тие што имаат одреден беџ.

Instagram тестира прикажување две реклами една по друга на Story

Повеќе од една недела Instagram тестира прикажување на две реклами една по друга на Story на мал процент корисници. Целта е да се види дали две реклами една по друга од различни брендови ќе придонесе за подобро корисничко искуство. А тоа дека Instagram зима еден куп пари од огласувачи и нема кога да ги прикаже сите реклами воопшто не игра никаква улога во овој тест. Кхм. Ај да видиме што ќе кажат резултатите.

Google откри големи безбедносни пропусти кај iPhone, хакирани телефоните на голем број корисници

Истражувачите кои работат во Project Zero тимот во Google открија веб страници кои ги користеле безбедносните пропусти на iPhone телефоните за да ги хакираат корисниците кои ќе ги посетат. Ако корисник ја посетел страницата, сите лични податоци, пораки и локацијата во реално време би можеле сериозно да бидат загрозени.

Софтверските верзии iOS 10 до 12 сите подложеле на безбедносните пропусти по што истражувачите велат дека напаѓачите пробувале да ги хакираа корисниците во период од најмалку две години. Apple биле известени за пропустите во февруари и за само седум дена бил пуштен patch со кои се решиле проблемите.

Апокалипсата во продажниот сектор не е завршена

Според последните статистики за вработеност, апокалипсата во продажниот сектор и понатаму тлее врз целата индустрија. По испитување на статистиките за бројот на нови работни места помеѓу 2018 и 2019, има 146,400 илјади помалку работни позиции во индустријата отколку претходно. Поради промените некои бизниси паднаа жртва на апокалипсата по што беа отпуштени многу работници. Најпогодени држави во САД се West Virginia, Vermont, Rhode Island, Ohio, Connecticut и Maryland.

Bond 25: Шпионот се враќа со убиствено типографско лого

Пред скоро две недели конечно беше најавен следниот James Bond филм, насловен No Time To Die. Агентот 007 ќе го игра Daniel Craig за петти и последен пат во април 2020. Покрај официјалниот наслов на филмот, беше објавено и ново црно-бело лого. Логото е толку класично и ретро што совршено со вклопува.

Логото беше креирано од Tom Brooks, човекот кој е исто така задолжен за убавото Spectre лого. Анимацијата, креирана од Empire Design, почнува со Bond како во профил полека влага во кадар. Наместо да се сврти кон камерата со пиштол, ја врти само главата и полека го снемува во позадината на дизајнот на логото, како шпион во сенките. Целото лого влага во кадар, а добропознатото 007 лого се појавува во преубава златна боја за совршен финиш на дизајнот.

Bond 25: No Time To Die

Бонус линкови

Тука го завршуваме овој преглед во петок. Ако имаш линк што сакаш да го споделиме слободно пиши ни порака на Фејсбук.

View this post on Instagram

🍎✖️💳 (Volume Up! 🔊)

A post shared by jeffstaple (@jeffstaple) on

Се читаме во следниот преглед во петок. 😉

50 #ПрегледВоПеток

Стигнавме и до јубилејниот 50ти преглед во петок!

Јухууу

Нова алатка на Facebook која ќе им отежни на вебсајтовите да те следат

Во вторникот Facebook изјави дека ќе им овозможи на корисниците да имаат увид во тоа кои вебсајтови ја следат нивната активност и да одлучат дали сакаат собраните податоци да бидат искористени за таргетирање со реклами или не. Мала, но моќна промена што дефинитивно ќе има негативно влијание врз алатките за рекламирање, додека од друга страна позитивно за корисниците.

Off-Facebook Activity ќе им прикажува на корисниците збир на сите информации што други апликации и вебсајтови ги испратиле до Facebook. Корисниците ќе можат тие информации да ги избришат, а ќе можат и да превентираат таргетирање со реклами. Ова не значи дека Facebook ќе прекине да собира податоци, туку дека ќе бидат анонимизирани. Новата алатка ќе се појави во наредните неколку месеци, почнувајќи во Ирска, Ј. Кореа и Шпанија.

Опцијата за детално таргетирање е она што ги прави Facebook рекламите атрактивни за огласувачите. Останува да видиме како алатката ќе влијае на истите.

YouTube ќе ја тргне опцијата за приватно допишување

Во 2017 YouTube воведе нова опција што ќе им овозможи на корисниците да споделуваат видеа и да се допишуваат. За помалку од месец дена, YouTube Messages опцијата ќе биде отстранета, а YouTube баш и не објасни зошто. Најверојатно поради тоа што опцијата не се користи нешто многу многу, односно не стана мејнстрим. Повеќете од нас си користиме апликации како Messenger, WhatsApp, Viber и други.

Врз база на повеќе од 700 коментари од вознемирени корисници на објавата од Google за отстранување на опцијата, се чини дека YouTube Messages е многу популарна кај младите корисници. Сакам да кажам, деца. Тие велат дека YouTube е единственото место каде што може да се допишуваат со другарите затоа што немаат телефон или не им е дозволено да го даваат нивниот телефонски број.

Се чини дека голем број деца го користат YouTube Messages без нивните родители да се знаат за тоа. Ова не изгледа воопшто добро за YouTube, со оглед на проблемите со детска порнографија, експлоатација на деца, предатори и многу други.

Twitter тестира нов филтер за спам во ДМ

Twitter тестира нов начин на филтрирање непосакувани пораки во Direct Messages. Сите непосакувани пораки, вклучувајќи спам и навреди, ќе бидат прикажани во друг таб. Message Request делот се наоѓа над првата порака. Корисниците ќе треба да кликнат на “Show” за да ги прочитаат пораките.

Во случај Twitter да детектира содржина што може да биде навредувачка, во привјуто ќе пишува дека порака е скриена бидејќи може да содржи навреди. На тој начин корисниците ќе одлучат дали сакаат да ја отворат или да ја избришат.

Оваа промена има потенцијал да го направи Direct Messages покорисна алатка за оние кои сакаат да имаат отворен инбокс, како на пример репортерите.

Instagram јавно ќе ги објави сите наши избришани слики и пораки

Во вторникот на Instagram масовно се објавуваа слики на кои пишуваше за стапување во сила на некое си ново Instagram правило. Правило кое му дозволува на Instagram јавно да ги објави сите наши избришани слики и пораки и да ги искористи истите против нас на суд, освен ако не ја споделиме истата слика и на нашиот профил.

Нормално дека ова беше тешка измама, но сепак изгледаше доволно реално за да го објават и некои од најголемите славни личности, како Rob Lowe, Usher, Pink и Julia Roberts.

Бонус линкови

Овде е крајот на 50тиот преглед во петок. Ако имаш линк што сакаш да го споделиме слободно пиши ни порака на Фејсбук. Наместо marketoonist, за денес решивме да споделиме корисно инфо за четирите најкористени формати на слики за веб.

jpg vs png vs gif vs svg
JPG vs PNG vs GIF vs SVG

До следниот преглед во петок. 🙂

49 #ПрегледВоПеток

Вечерта е убава за читање преглед во петок, зарем не? 🙂

Кактус – make room for a new bloom

Ја отвараме есенската сезона на настани, конференции и сл. Секако пред нас се 3 месеци набиена агенда на настани и награди, а ние овој преглед го започнуваме со фестивалот за интегрирани комуникации Кактус, кој по петти пат на крајот на октомври ќе се одржи во Белград, Србија. Овој, релативно нов, фестивал почнува полека но сигурно да си ја градисвојата традиција во соседна Србија а за сериозноста на организаторот зборува и широкото домашно но и регионално жири.

Слоганот под кој се одржуваа ова (мини) јубилејно издание е „MAKE ROOM FOR A NEW BLOOM“. а со тоа и самиот акцент се става на младите таленти и на иновациите.

Во склоп на Кактус покрај наградите за најдобри дела во полето на маркетингот и комуникациите традиционално се организира и едукативен дел за кој уште од сам старт организаторите најавија атрактивни предавачи. А дополнително има предвино и менторски и едукативни сесии за стартапите од региониот каде е вклучена и Македонија.

Сите детали, како за самиот настан така и за наградите секако ги има на https://kaktus.rs/.

Ние (комуникации.нет), ќе бидеме официјални блогери на Кактус а Дарко оваа година е дел од регионалното жири. Сега за сега толку, како за прва најава, очекувајте во блиска иднина уште детали за овој и други настани.

Facebook ни ја нарушува приватноста на Messenger

Во вторникот Bloomberg излезе со статија во која се зборува дека Facebook колектира гласовни пораки од четовите на корисниците и плаќа истите да бидат запишани. Facebook изјави дека го прави тоа само со корисниците кои дале согласност. Меѓутоа во политиката за користење на податоци никаде не се спомнува дека Марки собира аудио или дека податоците ги испраќа надвор од Facebook, вели Bloomberg.

Facebook веќе подолго време е под “надзор” кога станува збор за политиката на приватност, а сега скоро се согласи да плати глоба од $5 билиони на владата на САД поради нарушување на приватноста на своите корисници.

Facebook ќе тестира продавање на претплата за премиум видеа

Кога сме веќе кај Facebook, еве уште една новост. Facebook ќе тестира продавање на претплата за премиум видеа директно на своите корисници. Претплатите ќе бидат достапни на четири сервиси: BBC и ITVS BritBox, CollegeHumor’s Dropout, MotorTrend App и Tastemade Plus. Тестот ќе се одвива само за корисниците во САД и ќе започне во наредните неколку недели. Ова е само уште една дополнителна компликација на иоанка веќе замрсениот OTT пазар на кој сега за сега доминираат Netflix и Amazon, ама многу наскоро сериозно ќе се замешаат и големите играчи од Холивуд.

Во чест на 50 години Effie Awards, Mark Ritson сними десет case study видеа

Освен на кенгури, пајаци и Vegemite, Австралија е дом и на една многу позната личност кога станува збор за маркетингот. Професорот Mark Ritson е експерт за маркетинг. Тој е автор на некои од најдобрите колумни за Marketing Week, има онлајн мини MBA курс и многу други работи.

Во чест на 50 години доделување на Effie Awards, Ritson сними 10 видеа од по 10 минути во кои презентира студии поврзани со маркетинг ефективноста. Ги прегледува и анализира некои од најефикасните кампањи од базата со податоци на Effie, зборува за факторите за успех и дава лекции кои лесно можат да се применат. Одлично парче содржина кое верувам дека ќе ти се допадне.

HarmonyOS, оперативниот систем на Huawei

После целата ситуација со американската влада и заканата за губење на лиценцата за Android, Huawei реши да си направи сопствен оперативен систем. Richard Yu, Huawei CEO, го најави новиот оперативен систем за време на Huawei Developers’ Conference во Dongguan, China. Тој на конференцијата изјави дека HarmonyOS е “помоќен и побезбеден од Android”.

И покрај оваа најава, Huawei велат дека ќе продолжат да го користат Android оперативниот систем за своите паметни телефони а HarmonyOS ќе служи како резерва во итни случаеви. “Ќе го приоритизираме Android за смарт телефоните, но доколку не можеме да го користиме Android, ќе можеме брзо да го инсталираме HarmonyOS”, изјави Yu.

Оригиналниот Kindle изгледал лудо!

Толку многу се има сменето кај Kindle низ текот на годините. Но Kindle уредите денес сè уште ја имаат истата визија како и оригиналниот уред на Amazon. Оригиналниот Kindle изгледал како цигла и многу непривлечно за користење. Иако идејата била на право место, уредот да изгледа како книга, сето тоа било лошо изведено.

Заедно со накосените копчиња на тастатурата, магичниот скрол и начинот на симнување книги, целиот дизајн на оригиналниот Kindle изгледа лудо. Во времето кога компаниите се натпреварувале да направат телефони, дечките од Amazon направиле нешто иновативно. Да, дизајнот бил лошо изведен, но бил смел.

Бонус линкови

Тука го завршуваме и денешниот преглед во петок. Ако имаш линк што сакаш да го споделиме слободно пиши ни порака на Фејсбук.

Marketoonist on Instagram

Се читаме во следниот преглед во петок. 🙂

48 #ПрегледВоПеток

Добровечер и добар ви преглед во петок. Петок вечер е, сигурно се спремаш за џускање, затоа ќе бидам кратка.

Идеме јако!!!

Нова slideshow опција на Facebook Stories

Во последниот обид да го зголеми користењето на Facebook Stories, дечките извадија опција која им овозможува на корисниците да постават slideshow. Новата опција нуди поедноставен начин за прикачување повеќе слики одеднаш. Ова може да ги заинтересира постарите корисници или оние кои не се запознаени со форматот на Facebook Stories.

Конечно може да се закажуваат објави на Instagram преку Creator Studio

Го дочекавме и тој ден, после многу фрустрирачки обиди со разно разни алатки, да можеме да закажуваме објави на Instagram преку Creator Studio. Новата опција работи на сличен начин како и закажувањето на објави на Facebook.

Во делот за Instagram од левата страна има “Create Post”. Можеш да прикачиш слика и да пишеш копи, да ставиш емоџиња, локација, хаштагови, итн. Уште една важна работа е што може да се прикачат повеќе слики одеднаш, нешто што најголемиот дел од third-party алатките не го нудат. За да ја закажеш објавата, кликаш на drop-down стрелката до “Publish” и си бираш датум и време.

Нема веќе мемиња на Instagram! 🙁

Последнава недела Instagram бескрупулозно избриша 142 акаунти што објавувале мемиња, вклучувајќи и дел од најголемите на платформата. Профилите биле избришани без предупредување или објаснување од Instagram.

Instagram вели дека акаунтите биле избришани бидејќи ги нарушувале правилата на плаформата. Не се знае точно за кои правила станува збор, но се шпекулира дека се избришани поради лажно претставување, продавање и купување кориснички имиња, крадење и репостирање мемиња без согласност од оригиналниот креатор, итн.

Поради големата реакција, Instagram планира да вработи “meme liaison” officer. Позицијата опфаќа стратешко менаџирање на соработки, односно работа со акаунтите со мемиња и дигиталните издавачи. Кандидатот треба течно да го зборува јазикот на мемињата. Може да се пријавам со мемето од погоре?

Google ги апдејтираше алатките за тестирање со новиот Googlebot

Оваа година, на Google I/O конференцијата, имаше најава за нов Googlebot. Во суштина, апдејтот е промена од Chrome 41 во најновиот и стабилен Chromium за рендерирање веб страници. Промени има и кај алатките што овозможуваат да видиме што Googlebot гледа (вчитува). Алатките Search Console’s URL inspection tool, Mobile-friendly test, Rich results test, и AMP test, исто така ќе работат со новиот Googlebot. Сега за сега, новиот Googlebot го користи истиот Google crawler како и пред апдејтот.

Бонус линкови

Дојдовме до крајот на денешниот преглед во петок. Ако имаш линк што сакаш да го споделиме слободно пиши ни порака на Фејсбук.

Marketoonist on Instagram

До следниот преглед во петок. 🙂

47 #ПрегледВоПеток

Продолжен викенд? Нема проблем. Повеќе време за читање, повеќе време за пишување #ПрегледВоПеток.

Новости кај Facebook видео рекламите на мобилен

Од 19 август објавите на пејџовите и рекламите на мобилен ќе го пратат истиот дизајн со кој се запознавме пред неколку месеци. Еве кои се новостите кај Facebook видео рекламите на мобилен.

  • Помалку редови текст на news feed. Ќе се прикажуваат само 3 редови текст со опцијата ‘See More’ доколку текстот е подолг.
  • Висината на сликите и видеата ќе се намали на 4:5. Највисоката пропорција за слики без линк и видеа сега ќе биде 4:5. Моментално е 2:3.

Новите промени се дизајнирани да го поедностават форматот на објавите и да ја подобрат доследноста во однос на корисничкото искуство на мобилен.

Нова алатка која преку мејл ќе те известува секој пат кога твојот конкурент ќе пушти рекламна кампања на Facebook

Новата алатка од PixelMe, AdInboxMe, ја користи библиотеката на реклами на Facebook (Ad Library) за да ти прати известување секој пат кога твојот конкурент ќе пушти реклама.

Алатката е многу едноставна. Прво внесуваш URL од Facebook пејџот што сакаш да го следиш. Откако ќе го најде пејџот, можеш да ја видиш цела историја на реклами и опцијата ‘Alert Me’ за да бидеш во тек со кампањите. Внесуваш име и мејл адреса и работата е завршена. Интересна алатка.

YouTube креаторите се бунат, сакаат поголема транспарентност во однос на правилата на платформата

YouTubers Union беше формирана лани како резултат на тензиите помеѓу платформата и контент креаторите. Како таква имаше многу мала моќ сама по себе, но сега се здружи со IG Metall, германска унија на работници која опфаќа неколку индустрии вклучувајќи електрично инженерство, ИТ и текстил.

Новата заедничка иницијатива, FairTube, сака да го притисне YouTube да биде потранспарентен во однос на правилата и одлуките кои се донесуваат, особено кога се работи за монетизација или демонетизација на видеа.

Со поддршката од IG Metall, оваа кампања има за цел да ја истражи законитоста на политиките на YouTube во Европската Унија. Тие сакаат да се истражи дали контент креаторите треба да се сметаат за вработени во YouTube и да го искористат GDPR да ги притиснат за поголема транспарентност во однос на личните податоци. Групата тврди дека ќе бидат превземени правни мерки ако платформата не реагира до 23 август.

AI софтвер кој пишува подобро копи од човек

Американската банка Chase изјави дека потпиша договор на пет години со Persado, компанија од New York што користи вештачка интелегенција за изведување маркетинг активности. Chase вели дека рекламите креирани од Persado донеле подобри резултати отколку оние од вработените (луѓето). Chase ќе продолжи да го користи Persado за креирање текстови за дисплеј реклами, Facebook реклами и директни мејлови.

Apple Card, достапна во август

Apple Card, кредитната картичка која Apple најави дека е во изработка оваа пролет, ќе започне со примање апликации во август. Картичката ќе биде достапна дигитално и физички во форма на картичка од титаниум. Нема да го користи традиционалниот 16-цифрен број, CVV код, или датум на истекување. Наместо тоа, тие бројки ќе се генерираат рандом со секоја трансакција со цел купувањата да бидат безбедни.

Apple исто така ќе нуди и 2% cashback за купувања со Apple Pay или 3% во сите Apple продавници. Овој cashback не е ништо посебно во однос на останати картички, но е погодност ако веќе користиш iPhone и планираш да купиш останати производи од Apple.

Бонус линкови

Тука завршуваме со денешниот преглед во петок. Ако имаш линк што сакаш да го споделиме слободно пиши ни порака на Фејсбук.

Marketoonist on Instagram

Се читаме во следниот прeглед во петок. 🙂