Интересни работи се случуваа изминатава недела.. Ајде заедно да видиме што точно во денешниот #ПрегледВоПеток 🙂

Amazon Sidewalk паметни соседства

Amazon работи на паметни домови уште откако Alexa излезе, но сега нивната идеја прерасна во нешто поголемо – паметни соседства. Најавени уште во 2019та, проектот т.н. Amazon Sidewalk користи бежични Bluetooth и радио сигнали за пренесување на податоци помеѓу компатибилни уреди на далечини на кои Wi-Fi не може да достигне.

Интересно е што Amazon Sidewalk не бара никаков нов хардвер, барем не за поврзување на уреди. Наместо тоа, Echo спикерите и Ring уредите добија бесплатен софтверски апдејт. На скала од 1 до 10 за интересно, му давам 6/10.

Apple email vs. newsletters

Apple најави доста работи на Светската конференција за девелопери (Worldwide Developer Conference) но една од нив може да претставува закана за новинарството кое растура на мејл. Во понеделникот, Apple најави Mail Privacy Protection што ќе го лимитира бројот на податоци што луѓето кои ти праќаат мејлови ќе можат да ги соберат за тебе.

In the Mail app, Mail Privacy Protection stops senders from using invisible pixels to collect information about the user. The new feature helps users prevent senders from knowing when they open an email, and masks their IP address so it can’t be linked to other online activity or used to determine their location.

Ако те интересира темава повеќе, го препорачувам следниов текст: Will Apple Mail threaten the newsletter boom? 8/10 на скалата за интересно.

Фидбек од потрошувачи за само неколку секунди

Дечките од EmbedSocial направија сервис за градење на фидбек форма која значително го подобрува собирањето на податоци преку онлајн формите.

Сега ние маркетерите, сопствениците на мали бизниси и истражувачите ќе можеме да:

• креираме фидбек форми без лимит,
• собираме различни видови на податоци,
• добиеме нотификација на мејл секој пат кога некој ќе ја пополни формата,
• ги следиме одговорите на начин кој е прегледен, и
• да ги ескпортираме податоците во Excel, Google Sheets или CSV формат за понатамошна анализа.

Браво! Како маркетер мене ова ептен ми се допаѓа и едвај чекам да го пробам. 9/10 на скалата за интересно.

Прва IGTV серија кај нас – Нека остане меѓу нас

Не можам да бидам објективна за ова ама морам да ви го пренесам (упс 🤫). Вчера во 20ч на IGTV каналот на Вива (да, Вива соковите) се појави првата епизода од серијата насловена “Нека остане меѓу нас”. Она што може да се види до сега е дека станува збор за дејствие помеѓу три тинејџери, кои се главни ликови, и нивниот свет кој вклучува тајни и драма. Започнува со летниот распуст и славење на роденден, со мал твист.

Мислам дека има потенцијал да биде не само првата IGTV серија кај нас туку и првиот успешен обид на бренд да се доближи до младите тинејџери кои многу тешко се придобиваат. Реков, не можам да бидам објективна – 10/10 на скалата за интересно.

View this post on Instagram

A post shared by Tom Fishburne (@marketoonist)

Бонус линкови

• ОПШТЕСТВЕНОТО ПОВРЗУВАЊЕ И ВКЛУЧЕНОСТА ВО СПРАВУВАЊЕТО СО ГОВОРОТ НА ОМРАЗА
• Websites begin to work again after major breakage
• Logan Paul v Floyd Mayweather ends in boos as each fighter makes millions
• JBS says it paid $11 million ransom after cyberattack

Уживајте во викендот и се читаме во следниот преглед во петок 🙂

Ко за ден помалку во неделава, нешто предолга ми изгледа.. Ама еве каде е викендот и еве каде е новиот #ПрегледВоПеток 🙂

Нови функционалности во четовите на Instagram

Facebook најави нови функционалности во допишувањето на Messenger, Instagram Direct и Messenger Kids кои вклучуваат тематски стикери и позадини, визуелни одговори и read receipts на Instagram, подобрени алатки за снимање на аудио и нова функционалност за архивирање на разговори.

Ова со темите супер, а можноста да видиш кога некој ти ја отворил пораката може да биде анкциозно искуство за некои. Зависи од тоа што очекуваш за одговор и како тоа ќе влијае на твоето психичко здравје.

Како и да е, ова не се кој знае какви промени но секоја од овие нови функционалности ќе си има посебна вредност за одредени корисници. Темите може ќе прераснат во нешто што брендовите ќе можат да го искористат во иднина.

WhatsApp е жив и океј

Се сеќавате, на почетокот на годинава, на ‘страшната’ нотификација за планираното ажурирање на политиката за користење на WhatsApp? И како таа ги вознемири стотици илјади од корисниците и сите почнаа да симнуваат Telegram и Signal?

Епа јас сум тука да ви кажам дека WhatsApp е жив и океј. Најголемиот дел од корисниците ја прифатија нотификацијата и не само што се океј туку и расте бројот на корисници! Заклучно 31ви март годинава, WhatsApp има 3.45 милијарди активни корисници на месечно ниво, за разлика од 3.3 милијарди на 31ви декември.

Twitter тестира Tip Jar за праќање пари на твоите омилени акаунти

Уште една прилика за правење пари на Twitter. Тегличката за бакшиш поддржува различни методи на плаќање и Twitter не зема процент од овие пари. Но не секој може да ја активира тегличката на нивниот профил. Сега за сега, можноста ја имаат само одредена група на креатори, новинари, експерти и непрофитни организации.

Twitter вели дека ќе открие повеќе за ова во блиска иднина па ај да видиме како ќе се развие сето ова.

Плаќање со криптовалути на Ebay

Кога сме кај парите, Jamie Ianonne (President & CEO на Ebay) во интервју со CNBC изјави дека Ebay разгледува начини за воведување на криптовалути како опција за плаќање на платформата.

We are always looking at the most relevant forms of payment and will continue to assess that going forward. We have no immediate plans, but it (cryptocurrency) is something we are keeping an eye on.

Jamie Ianonne (Ebay President & CEO)

Pepsi доставува храна во САД

Pepsi во Сад отвори ресторан т.н. Pep’s Place но само за онлајн нарачки и чиј фокус е пијалокот. За разлика од другите ресторани, Pep’s Place на своите потрошувачи прво им нуди избор на Pepsi пијалок. Кога ќе го изберат пијалокот, платформата советува кое јадење најдобро би одело со изборот на Pepsi.

Famous Dave’s ќе ја обезбеди целата храна, а на менито има чизбургер, сендвич со пилешко, сендвич со свинско, ребра, крилца и цезар салата како главно јадење, 4 видови на мезе со главното јадење и 1 десерт. Ми се пријаде!

View this post on Instagram

A post shared by Tom Fishburne (@marketoonist)

Бонус линкови

• #TheSelfieTalk – Dove i Lizzo Unite u snažnoj kampanji protiv nerealnih selfija
• How to Build Brand Awareness Using Customer Support
• A Playbook for Thriving in the Post-Cookie World
• Microsoft is retiring its default font, and it wants your help choosing a new one

До следниот преглед во петок 🙂

Сончевото утро ветува убав ден, а овој #ПрегледВоПеток најактуелните новости од изминатава недела. 🙂

Volkswagen се преименува во “Voltswagen”

Германскиот производител на автомобили Volkswagen ја ребрендираше својата подружница во Северна Америка во името “Voltswagen” во знак на иднината на електричните автомобили. Компанијата несакајќи ја сподели веста во понеделникот и многумина мислеа дека станува збор за лошо изведена првоаприлска шега.

We might be changing out our K for a T, but what we aren’t changing is this brand’s commitment to making best-in-class vehicles for drivers and people everywhere.

Scott Keogh, president and CEO of Voltswagen of America

Како беше песната? – Априлилили, газот ти свири за четири сливи… хихихи

Сепак во средата се дозна дека објавата за промената на името беше во духот на првоаприлските шеги. Да не речам маркетиншки трик за промоција на новото електрично возилo ID.4 SUV. Компанијата изјави дека брендот “Voltswagen” ќе го има на сите идни електрични автомобили но подружницата останува со истото име како и до сега – Volkswagen of America.

Пазарот, особено американскиот каде овој бренд веќе го имаше комплетно нарушено својот имиџ, не реагираше баш позитивно на оваа шега…

За танго се потребни двајца

Во објава за The Atlantic, Adrienne LaFrance го споредува Facebook со машина која ќе го предизвика крајот на светот. Машина чија единствена цел е да го уништи човечката раса. Во Netflix документарецот The Social Dilemma, претставена е дигитална контролна соба каде инженери притискаат копчиња кои им овозможуваат да манипулираат тинејџер преку неговиот смартфон. Социјалниот психолог Shoshana Zuboff раскажува за свет во кој е присутен масивен систем на надзор. Со овој систем се манипулаат однесувањата, ставовите и желбите на луѓето.

Во секоја од овие дистописки слики луѓето се прикажани како немоќни жртви. Тие се играчка за манипулативните алгоритми. Но дали е ова вистината? Nick Clegg (Vice President of Global Affairs, Facebook) вчера објави супер текст во кој зборува за врската помеѓу тебе и алгоритмот.

LinkedIn со нови функционалности

LinkedIn лансираше неколку нови функционалности за сите индивидуалци што ја користат платформата а кои ќе им помогнат да ја споделат нивната лична приказна и да го зголемат нивното присуство.

Најпрво, сега на кавер можеш да прикачиш и видео. Ова видео ќе им биде достапно за гледање на сите што ќе го посетат твојот профил. Дополнително, можеш да ја додадеш и твојата лична заменка веднаш до името. На овој начин корисниците ќе можат слободно да го изразат својот идентитет. И последно, LinkedIn лансира ‘Creator Mode’ за профили. Ова ќе им овозможи на корисниците да го прикажат нивното присуство и нивните интеркации на платформата на еден сосема друг начин.

YouTube ескпериментира со криење на бројот на dislikes

YouTube најави дека експериментира со криење на бројот на dislikes со цел да ги демотивира сите оние кои намерно стискаат на ова копче на сите видеа, без воопшто да ги видат. Креаторите ќе можат да ја гледаат оваа бројка но нема да биде прикажана јавно.

Веб сериите се новата форма на забава

Сите оние кои немаат шанса да ги пробијат ѕидовите на традиционалната телевиција, сега имаат нова шанса – нова индустрија која ги пренесува фикциите од кино екраните и далечинскиот управувач до стриминг сервисите.

Grgić: Web serije su postale centar novog oblika zabave – супер текст на Velimir Grgić, познат хрватски новинар, писател и сценарист, во кој зборува за историјата на веб сериите, борбата да стане признаена индустрија и сегашноста.

Разговор.мк доби инвестиција од балтичкиот акселератор Startup Wise Guys

Домашниот стартап Разговор.мк е единствениот од регионот кој доби инвестиција од 55.000 евра од балтичкиот акселератор Startup Wise Guys. Станува збор за платформа која на своите корисници им помага да го негуваат своето ментално здравје преку брз, едноставен и анонимен пристап до психолози и советувачи. Апликацијата е достапна за корисниците на Android и iOS.

Ако сакаш да дознаеш нешто повеќе, IT.mk направија интервју со Георги Михаилов, основачот на Разговор.мк.

View this post on Instagram

A post shared by Tom Fishburne (@marketoonist)

Бонус линкови

• PayPal воведе плаќање со крипто валути
• Bad News Bias
• What short-video marketers should know about UGC
• China attacks foreign clothing, shoe brands over Xinjiang

До следниот преглед во петок 🙂

Што убаво сонце надвор и што убава прилика да уживаш во првото утринско кафе со денешниот #ПрегледВоПеток 🙂

Здраво, Facebook! Како си, што има ново?

Јас мислам дека во преглед во петок треба да воведеме секција “Facebook social media domination” и таму да ги споделуваме сите новости на Facebook како одговор на она што конкурентите го прават.

Како значајни, до сега ја имаме копијата на TikTok наречена Instagram Reels, пуштање на newsletters откако Twitter ги зема Revue ииии некаква копија алатка/апликација како одговор на Clubhouse и растот на аудио социјалните мрежи.

Нова апликација т.н. Super

Она што е актуелно изминативе недела-две е дека Facebook има пуштено тест за новата т.н. ‘Super’ апликација што е копија на Cameo – апликација преку која можеш да платиш да се дружиш на видео со славни личности.

Super е сè уште во фаза на развој така што не се знае како апликацијата ќе функционира во целост. Во секој случај, Cameo пази се, доаѓа Facebook по тебе!

Алатки за испраќање newsletters

Facebook планира на новинарите и писателите да им понуди алатки за испраќање на newsletters. Алатките ќе вклучуваат функционалности кои ќе им помогнат на авторите да изградат база на следбеници на социјалната мрежа, да прават мејлинг листи и да менаџираат со нивните претплати. И ова е уште еден проект кој е во фаза на развој но се очекува алатките да бидат достапни веќе ова лето.

Зошто сега? Затоа што business is booming, baby! Со пандемијата голем број новинари соопштија дека ќе лансираат свои, самостојни брендови кои ќе ги комуницираат преку newsletters. Substack има преку 250,000 креатори на својот сервис а Twitter го купи Revue. Ова е повеќе од доволно за Facebook да зготви некое свое решение како одговор на одлуката на овие новинари.

Времињата се менуваат, колачињата исчезнуваат

Нема повеќе колачиња од трети страни на Google Chrome

Google Chrome ги отстранува колачињата од трети страни ЗАСЕКОГАШ! Ова значи дека ќе биде многу потешко да се следи активноста на билиони луѓе кои користат прелистувачи. Иако ова е голема победа кога станува збор за приватноста, ова само уште толку ќе ја зајакне контролата на Google врз индустријата за огласување и интернетот како целина.

Да, промената е потребна и неизбежна.. но овој потег ќе биде особено тежок за помалите компании за огласување и сајтовите кои прават пари од ова. Ваквите промени значат дека повеќе пари ќе се трошат на Facebook, YouTube, TikTok итн. каде таргетирањето во затворен екосистем ќе биде многу полесно.

Целосна заштита против колачиња со Firefox 86

Истото што и погоре го прави и Firefox но не во целост. Total Cookie Protection превентира компаниите да користат колачиња за да ја следат твојата активност на пребарување.

Новата опција работи така што одржува посебна “тегла” за колачиња за секој сајт што ќе го посетиш. Секој пат кога сајтот или содржината на сајтот од трети страни ќе ти фрли колаче, тоа оди во теглата и се задржува само на тој сајт, односно Firefox не дозволува да биде споделено со други сајтови.

Наплаќање за твитови со Super Follow

Twitter најави две големи новини: можност корнисиците да им наплаќаат на следбениците за пристап до дополнителна содржина и можност за креирање и влегување во групи базирани на интереси.

Функцијата со плаќање т.н. Super Follows ќе им овозможи на Twitter корисниците да заработуваат пари за екстра содржина. Ова може да значи бонус твитови, пристап до групи, преплати на newsletter или беџови. Сè уште не се знае кога овие фунцкии ќе бидат достапни.

Индија со строги регулации за социјалните мрежи

Индија најави нови регулации за гигантите како Facebook и Twitter. Тие бараат компаниите да воведат механизам за адресирање на поплаки од корисници, вклучувајќи официјални “grievance officers” кои ќе одговараат на поплаките во рок од 24 часа а ќе ги решат во рок од 15 дена. Дополнително, бараат сервисите да отстранат голотија и сексуално експлицитна содржина во рок од 24 часа откако корисник ќе ја пријави за таква.

Бесплатни конференции и вебинари за дигитален маркетинг за 2021

Еве една супер корисна LinkedIn објава за конференциите и вебинарите кои следат. Можеш да видиш кога се одржуваат, кои се спикерите, зошто да присуствуваш и како! Топло препорачувам. 🙂

View this post on Instagram

A post shared by Tom Fishburne (@marketoonist)

Бонус линкови

• If an influencer’s what you want, find a 90-year-old with bad WiFi
• What’s New in Ecommerce, February 2021
• Syringes and a flaming heart: iPhone reveals more than 200 new emojis
• Reddit Breaks Out Its Redesign Brush

До следниот преглед во петок со мене 🙂

Лелеее.. па мислам дека фразата “идеме јако” ја немам искористено во #ПрегледВоПеток од 2019-та.. сТрамота!

Спремни?

ИДЕМЕ ЈАКО и овој петок со новостите од изминативе 7 дена!

TikTok со нови рестрикции за своите малолетни корисници

Со цел да ги заштити младите корисници од интернет предаторите, TikTok воведува нови рестрикции за сите оние под 18-годишна возраст.

Корисниците под 16 год. нема да може да добиваат коментари од профили кои не ги следат, нивните видеа нема да можат да се користат во дуети ниту пак да се преземаат. Нивните профили ќе бидат приватни и видеата ќе можат да им ги гледаат само пријателите.

На видеата на 16 и 17 годишните корисници дуети ќе можат да прават само нивните пријатели. Нивните видеа исто така нема да можат да се преземаат од платформата.

“The groundbreaking changes announced today mark the next step in our mission to ensure TikTok is a safe platform for all our users.

Alexandra Evans, TikTok’s European head of child safety

TikTok го помина Facebook во време поминато на платформата по корисник

Времето кое корисниците во Велика Британија го поминуваат на TikTok скоро па дупло се зголеми во 2020. Еден корисник поминал просечно 19.6 часа месечно на TikTok, наспроти 16.6 часа на Facebook, според истражување на компанијата App Annie. Податоците покажуваат слични бројки и во останатите земји.

Parler се врати со поддршка од руска компанија за технологија

Откако платформата Parler ја снема од интернетот поради нејзината улога во бунтот против Capitol Hill, тие делумно се враќаат во живот неделава со поддршка од руска компанија за технологија.

Во понеделникот веб страната беше повторно достапна но со порака од John Matze (Parler CEO) дека работат на враќање на функционалноста на платформата. IP адресата што ја користат во моментов е во сопственост на DDos-Guard, компанија на двајца руси кои нудат сервиси за заштита од дистрибуиран напад на негирање на услуга.

Ако веб страната се врати во комплетна функционалност, корисниците на Parler ќе можат повторно да ја користат платформата во својот интернет пребарувач додека пак апликацијата е сè уште банирана на App Store и Play Store.

Идеална структура на Google Ads кампања

Сите кои работите со Google Ads знаете дека старите SKAG-SILOS структури на кампањи не можат да се споредат со стратегиите на Smart Bidding кои бараат промена во структурата.

Во последните неколку години се случи една мала револуција во структурирањето на кампањите бидејќи Google во целост го промени начинот на кој клучните зборови работат и воведе свои ML (machine learning) и AI (artificial intelligence) опции за распределба на буџетот.

Не грижи се, тука е Miroslav Varga да го сподели своето искуство со тебе за тоа како треба да изгледа идеалната структура на една Google Ads кампања.

Whopper to the future

Царевите на маркетингот, Burger King, се враќаат во новата година со уште една супер кул кампања. Тие воведоа нова опција на нивната апликација што ти дозволува да закажеш испорака. Ништо иновативно, нели?

Иновативен е начинот на кој тоа го измаркетираа. Генијално. Направија видео насловено “Whopper To The Future” и го позиционираа како “time travel”. Клик на линкчето.

Бонус линкови

• Shutterstock Outlines Emerging Visual Trends for 2021 [Infographic]
• Google Maps just got a big upgrade — what you need to know
• The World’s Smartest Mask – Project Hazel

Се читаме во следниот преглед во петок 😉

Не сакам петок кога се празничните гужви затоа што се чини дека викендот е месец дена далеку.. некој истомисленик? 🙂

Амааа.. сакам #ПрегледВоПеток затоа што си ги имам сите новости од дигиталниот свет на едно место!

Купувај на Instagram Reels

Го копираа TikTok од глава до пети. Отсега брендовите и креаторите ќе можат да тагираат производи во своите видеа на Reels. Тагот т.н. “Branded Content” ќе им овозможи на креаторите на Instagram да бидат транспарентни кога промовираат спонзорирани брендови.

Хрониките на Facebook Policies

Секој што работи маркетинг на социјалните мрежи треба да си ги прочита сите политики на Facebook. Иако се чини дека им нема крај, важно е да читаш меѓу редови. Затоа што кога ќе пуштиш реклама и Facebook ќе ти ја одбие, треба да знаеш зошто.

Еве еден супер пост за најчестите причини поради кои Facebook одбива реклами.

Не секогаш е добро да си монопол на пазарот

Google ја испраќа 2020та со тужба од 35 американски држави кои тврдат дека компанијата практикува нелегално, антиконкурентско однесување со цел да создаде монопол во search огласувањето. Кхм..

Google’s anticompetitive actions have protected its general search monopolies and excluded rivals, depriving consumers of the benefits of competitive choices, forestalling innovation, and undermining new entry or expansion. This lawsuit seeks to restore competition.

Colorado Attorney General Phil Weiser

Среќни празници, Google! 🙂

Зголемен одзивот на 6-секундни видео реклами

MAGNA Global заедно со IPG Media Lab и Snap Inc. направија истражување на повеќе од 7,700 испитаници и голем број видео кампањи со цел да видат како потрошувачите реагираат на 6-секундни видео реклами.

Како што начинот на кој гледаме видеа се менува, така се менуваат и мислењата, навиките за шопинг и фаворизирањето на брендовите кај потрошувачите. Откако TikTok и Reels влегоа во игра, голем дел од интернет корисниците (особено младите кои впрочем креираат содржина за овие канали) ги сменија своите “видео навики” и сега повеќе уживаат гледајќи 30-секундни видеа отколку YouTube видеа што траат 20 минути.

Од тука може да се заклучи дека 6-секундните видео реклами ќе имаат зголемен (ова не значи поголем) ефект кај таргет публиката наспроти оние што траат 30 секунди или минута. Кога за првпат се појавија кратките видео реклами, тие првично беа ефективни за подигање на свеста кај потрошувачите но не и за будење на потреба за купување на одреден производ. Сега може да се каже дека е обратно.

Да не должам многу, доста интересен извештај.

Бонус линкови

• 2020 Tools Survey Results – Uxtools.co
• Hyundai takes control of Boston Dynamics in $1.1B deal
• What We’re Reading—Week Of December 7th – Еве како изгледа преглед во петок во форма на видео

До следниот преглед во петок 😉

Некако многу новости неделава ама морам да кажам дека главна (кај нас) е дека Македонија се квалификуваше за ЕП вчера!

А за денешниов #ПрегледВоПеток имам само да ти предложам да си направиш едно кафе пред да почнеш да читаш.

Како да ги видиш сите клучни зборови кои на твојот сајт ти носат посети од Google

Од 2011та Google престана да ги прикажува клучните зборови кои носат посети од резултатите од пребарувањата. Таа година, сите органски клучни зборови станаа (not provided) и (not set).

За среќа, податоците продолжија да се појавуваат во Search Console и Nenad Pantelić ќе ви покаже како да ги видите и преземете сите органски клучни зборови.

Се почесто изворот на лажна вест не е Facebook или Twitter

Во интервју за “Утрински брифинг” на “Слободна ТВ”, @darko156 има да ви каже збор-два за лажните вести и како тие всушност доаѓаат од највисоките политички институции.

п.с. Блокирај го Twitter профилот на Трамп 😉

Facebook експериментира со опција за гласање на коментари

Помина некое време откако Facebook тестираше опција за гласање на коментари од корисници. Сведоци сме на повеќе наврати на опцијата, а сега Facebook се враќа повторно со фокус на групите и прашањето: “Is this comment valuable to members of the group?“.

Дали опцијата ќе биде користена онака како што Facebook очекува или корисниците ќе ја користат во стил на тоа дека се согласуваат или не со коментарот како што се навикнати на Reddit?

Instagram го редизајнираше својот почетен екран за првпат после години

Instagram денес изјави дека ќе ги додаде Reels и Shop табовите на својот почетен екран. Reels ќе ги води корисниците до платформата за кратки видеа слична на TikTok додека Shop ќе им нуди на корисниците персонализирани препораки, edtiors’ picks, видеа преку кои со клик можат да купуваат и нови колекции на производи.

Ајде да видиме како сето ова ќе изгледа. 🙂

TikTok склучи договор со Sony Music

Корисниците на TikTok сега ќе можат да го користат каталогот на песни на Sony Music – тековни хитови, нови песни, најслушани, класици, итн.

Без да навлезе во детали, TikTok исто така изјави дека ќе соработува со Sony со цел зголемување на персонализацијата и креативноста на корисниците и дека ќе разгледуваат нови можности за интеракции на фановите.

Ова може да значи дека компаниите можеби ќе работат на маркетиншки кампањи кои не вклучуваат само музика туку и нешто како хаштаг кампања или брендирана содржина за полесно наоѓање на музика и спојување на фановите.

Spotify размислува за претплата за користење на сервис за поткасти

Spotify се чини дека е заинтересиран за воведување на сервис за поткасти. Сервисот беше опишан во прашалник испратен преку Spotify апликацијата. Во прашалникот беа прикажани четири планови за претплата – од $3 до $8 месечно.

Најевтината претплата ќе вклучува пристап до ексклузивни интервјуа и епизоди но исто така и реклами. Најскапата претплата ќе вклучува пристап до оригинална содржина со висок квалитет, ран пристап до одредени епизоди и нема да има реклами. Но ниту еден од овие планови за претплата ќе го вклучува пристапот до премиум музика.

А ако случајно те интересира како да направиш поткаст, ќе го оставам линков за тебе – #комкаст 86 – Како да направите поткаст!

Apple ќе бара “нутритивни ознаки” за приватност

Apple најави дека ќе бара од девелоперите да вметнат нови детали за приватност за корисниците на App Store, почнувајќи од 8ми декември. Овие “nutrition labels” за приватност за првпат беа најавени на конференцијата за девелопери летово а причината е тоа дека Apple сака подобро да ги информира своите купувачи за практиките за приватност на индивидуални апликации.

A transparent overview of an app’s privacy practices is key to building trust with potential users. Developers now have the opportunity to detail their app’s privacy practices right in the App Store for users to review, including the types of data the apps might collect, whether that data is shared with third parties, and the option for users to opt out.

App privacy questions available in App Store Connect – Apple Developer

Бонус линкови

• Facebook Announces Start-Ups Set to Take Part in its New Accelerator Program to Expand Connectivity
• Gmail’s new logo is a mess. This amateur designer fixed it
• Netflix tests a programmed linear TV and movie channel in France
• Singles Day: Alibaba sales blitz rakes in $75 billion as Chinese shake off Covid-19
• Chapter 5: Publishing – Web History by Jay Hoffmann
• HOW BUNNY THE DOG IS PUSHING SCIENTISTS’ BUTTONS

Толку за денес од мене, се читаме во следниот преглед во петок 🙂

Убави вести за нас маркетерите (и општо корисниците на интернет) во денешниот #ПрегледВоПеток 🙂

Cross-platform допишување на Instagram и Messenger

Facebook ги интегрира своите платформи за допишување, дозволувајќи им на корисниците на Messenger и Instagram да праќаат пораки на двете мрежи истовремено.

Дополнително, Instagram доби нови алатки преземени од Messenger. Овие алатки вклучуваат селфи стикери, персонализирани емоџиња, бои на четови, нови начини за блокирање пораки. Достапна ќе биде и Watch Together опцијата која дозволува да гледаш видеа со пријателите додека сте на видео повик.

Опцијата за cross-platform допишување не е достапна за сите а корисниците ќе можат самите да одлучат дали ќе сакаат да ја користат или не.

Facebook ќе ги унифицира најавата и информациите за плаќање

Новиот Account Center на Facebook ќе им овозможи на корисниците да објавуваат содржина на Facebook, Instagram и Messenger истовремено. Исто така ќе ги запамтува информациите за плаќање за нарачки направи на Facebook и на Instagram.

Корисниците ќе можат да изберат да ги синхронизираат деталите на својот профил, како нивното име и слика. Ова значи дека ако се променат информациите на Facebook, автоматски ќе се променат и на Instagram.

Оваа одлука ќе биде од големо значење за брендови и инфлуенсери кои сакаат да ја споделат истата содржина на своите профили. Запамтувањето на информациите за плаќање ќе им го олесни шопингот на корисниците.

Големи tech компании ќе бидат банирани за фаворизирање на сопствените сервиси

Европската Унија планира нови регулации кои ќе резултираат во бан за сите tech фирми кои ги фаворизираат сопствените сервиси во резултатите од пребарувања или со пре-инсталација на сопствените апликации на уреди.

Иницијативата е покрената бидејќи големите гиганти Apple и Google овозможуваат сервиси низ голем број сектори и како конкуренти сè повеќе и повеќе се потпираат на своите платформи за нудење на сопствените сервиси.

Генерацијата што работи на обновување на општеството

Во второто годишно издание на Culture Next, Spotify нè запознава со Gen Z. Во овој извештај Spotify разговараше со припадници на Gen Z од целиот свет – претприемачи, активисти, уметници, млади семејства и многу други.

Извадија нови податоци, меѓу кои:

• 62% од припадниците велат дека нивната генерација е подготвена целосно да го обнови општеството и
• 65% велат дека планираат да бидат или веќе се ‘сам свој шеф’.

GG подкастот се враќа во октомври

Како и секоја година така и оваа, првата епизода од GG подкастот доаѓа првиот понеделник во октомври, а тоа овој пат се паѓа на 5-ти. IT.mk во интервју со Гораст Цветковски зборуваат за тоа што може да се очекува во новата сезона, колкав е интересот за гејминг индустријата кај нас, излегување на нови игри и многу повеќе.

Бонус линкови

• 4 Trends Changing the Marketing Landscape in 2020 & Beyond – Infographic
• HOTorNOT: The forgotten website that shaped the internet
• Google Pixel 5 Event in 6 minutes

До следниот преглед во петок 😉

Одбројуваме ситно до 100-тиот #ПрегледВоПеток 🙂 До тогаш, тука сме со тазе доза новости.

WordPress vs. Apple

Откако во минатиот преглед во петок ја споделивме веста дека Apple ја банираше Fortnite од App Store и со тоа се најде во спор со Epic Games, очекувано беше дека и други компании ќе се дигнат против Apple заради иста или слична причина.

Недела дена подоцна, основачот на WordPress изјави дека Apple стави стоп на сите ажурирања на нивната бесплатна апликација доколку WordPress не стави in-app purchases бидејќи сака 30% од профитот.

Apple потсети дека купувања во самата апликација се задолжителни доколку апликацијата им дозволува на корисниците пристап до содржина, претплати или алатки добиени преку други платформи или веб страната. Но WordPress апликацијата не продава ништо. Она што си го купил преку WordPress.com не може да се користи во апликацијата.

Два дена подоцна, Apple објави извинување и изјави дека нема да има потреба WordPress да внесе опција за купување во самата апликација.

We believe the issue with the WordPress app has been resolved. Since the developer removed the display of their service payment options from the app, it is now a free stand-alone app and does not have to offer in-app purchases. We have informed the developer and apologize for any confusion that we have caused.

Целосната изјава на Apple

Дали ќе излезе уште некоја новост на темава? Останува да видиме.

TikTok ќе ја тужи американската влада за банот од Trump

Мислам дека не е преглед во петок ако не ги спомнеме TikTok и Trump.

TikTok во понеделникот на својот компаниски блог изјави дека ќе ја тужи американсата влада поради банот на Trump. Компанијата тврди дека администрацијата на Trump ги игнорирала многубројните напори на TikTok за соочување со грижите. Наместо цивилен разговор, Trump ја прогласи апликацијата за национална закана поради поврзаноста со кинеската влада.

We strongly disagree with the Administration’s position that TikTok is a national security threat and we have articulated these objections previously.

Извадок од блог постот

Во тужбата е посочено дека американската влада била запознаена со работата на TikTok. CFIUS (the Committee on Foreign Investment in the United States) направиле проверка на апликацијата кога ByteDance го купи Musical.ly во 2017, преименувајќи го во TikTok. Како дел од таа проверка, владата ги истражила практиките за безбедност на TikTok. Владата дошла до заклучок дека зделката може да продолжи.

TikTok може и нема да има потреба да го победи спорот за да продолжи со работа во САД. Ако Trump изгуби на изборите во ноември, новата администрација можеби ќе има различна тактика за справување со целава ситуација. Тоа може да значи и повлекување на банот.

И Facebook почна да го копира TikTok

Неделава Facebook лансираше нов тест што вклучува фид со кратки видеа на својата апликација, есклузивно на индијскиот пазар каде TikTok е моментално баниран.

Но Facebook не е единствениот што сака да го замени TikTok во Индија. YouTube им дава на индијските корисници пристап до нивната ‘Shorts’ опција.

Дали TikTok ќе успее да ја добие назад својата индијска публика?

Нема веќе “finger lickin'” за KFC

Да не ме сфатиш погрешно дека нема веќе KFC. Има KFC, само го нема слоганот. Тие сметаат дека овој слоган е несоодветен во време на глобална пандемија, кога хигиената е на прво место.

Кампањата започна во понеделникот со видео во кое се прикажани различни кадри од KFC со делот “finger lickin'” од слоганот пикселиран. Завршува со: “That thing we always say? Ignore it. For now.” Како дел од кампањата, на KFC кофите ќе има дисклејмер што гласи “Lick fingers at own risk”.

Овој слоган KFC го користи повеќе од 64 години и еден од најпознатите во светот. Но оваа година, како и сите останати брендови, KFC зазема став дека можеби нивниот слоган и не е баш соодветен во време на глобална пандемија.

Бонус линкови

• Facebook marketing chief Antonio Lucio is leaving
• Twitter Adds More Detail on DMs from Users You Don’t Follow
• The 16 best logo design tutorials on the web in 2020

Се читаме во следниот, стотти, преглед во петок 😉

Не е петок ако не започне со #ПрегледВоПеток 🙂 Се ближиме полека до 100ка, што ли ќе правиме?

Дигиталните вести остваруваат поголеми приходи

Во период од 3 месеци, месеци доминирани од коронавирусот и пад во огласувањето, The New York Times за првпат забележа поголем приход на својата дигитална платформа отколку печатениот весник.

Приходот остварен од дигитални претплати и реклами изнесува $185.5 милиони, додека за принт $175.4 милиони. Компанијата во овој период доби 669 илјади нови претплати што придонесе до 6.5 милиони вкупно, доведувајќи ги The New York Times поблиску до остварување на една од нивните цели – 10 милиони претплати до 2025 година.

А key milestone in the transformation of The New York Times.

Mark Thompson, Chief Executive

Паметни апликации за пазарување

Коронавирусот го спомнувам за втор и последен пат во овој преглед во петок. За време на пандемијата луѓето симнаа апликации за купување намирници десетици милиони пати. Ова значи повеќе од 100% зголемен раст за големите брендови во САД, како што се Instacart, Shipt и Walmart. Но исто така значи и воведување на нови опции и креирање на корисничко искуство што ќе го направи пазарувањето полесно и побрзо.

Горенаведените апликации и многу други се залагаат токму за тоа во последниве 5 месеци. И успеваат. Некои работат на непрекинато ажурирање на своите апликации а некои имаат план да воведат сосема нови апликации.

The improvements we made to the app over the last few months, like our enhanced availability predictions, along with our new cart maximum functionality, help us set expectations appropriately, and create a seamless experience for customers, shoppers and retailers.

Mark Schaaf, Chief Technology Officer of Instacart

За повеќе детали околу што овие опции вклучуваат кај различни брендови, топло ти препорачувам да го прочиташ текстот. Можеби ќе наидеш на идеја која можеш да ја имплементираш во твојот бизнис. 😉

Децата во Велика Британија нема да гледаат реклами за брза храна

Google ќе ги банира рекламите за брза храна за лица под 18 на своите платформи, вклучувајќи го и YouTube. Банот ќе стапи во сила во октомври и ќе важи за државите во Европа и Велика Британија.

Веста доаѓа неколку дена откако Boris Johnson ја најави кампањата за справување со прекумерна тежина во Велика Британија. Како дел од кампањата тие ќе ги банираат и сите ТВ реклами кои прикажуваат брза храна.

Младата популација нема да може да ги гледа рекламите што промовираат производи со високи масти, сол или шеќер (NFSS). Компаниите што ќе сакаат да се рекламираат преку Google ќе мора да потврдат дали нивните производи имаат високи NFSS.

Instagram го лансираше Reels

Поминаа 42 прегледи во петок откако за првпат пишувавме за Instagram Reels (првично Clips). Завчера Instagram ја лансираше Reels апликацијата во повеќе од 50 земји, достапна за iOS и Android.

Ајде да видиме дали на Instagram ќе им успее планот Reels да стане новиот TikTok. 🙂

Како изгледаа политичките кампањи кај нас на Twitter

Prizma.mk вчера објави статија во која Јане Димески пишува за Twitter кампањите на нашите политички партии за време на изборите. Статијата е прилично детална, убаво објаснета и интересна за читање од аспект на дигитален маркетинг така што нема што повеќе да пишувам тука. Доколку те интересира, знаеш каде е линкот. 😉

Бонус линкови

• TikTok: The story of a social media giant
• Twitter adds labels for government officials and state-controlled media
• YouTube Updates Video Analytics, Adds Quick Stories Insights in the App

До следниот преглед во петок 🙂

Ми дојде редот порано од очекуваното ама не се жалам. Утрово ми започна некако стресно ама пишувајќи го овој #ПрегледВоПеток така убаво си се рекласирав, за мерак.

Почнуваме со домашна вест.

Time.mk со три нови верзии

Најпосетуваниот вебсајт за вести кај нас пушти три нови верзии како дополнување на стандардната со цел посетителите да бидат максимално информирани.

Промените што овие верзии ги носат е во рангирањето на вестите. Па така, во првата верзија лидер е најновата вест. Во втората и третата вестите се креирани користејќи агрегирани персонализирани подесувања на 17.000+ корисници поделени во две групи.

А кога сме веќе кај домашни вести, еве уште една не баш домашна ама што се однесува за нашата земја. DataReportal е сајт што нуди бесплатни извештаи за активноста на интернет корисниците. Во февруари годинава направиле извештај #Digital2020 за Северна Македонија. Бројките од истражувањето покажуваат колку интернет корисници имаме, колкумина од нив ги користат социјалните мрежи, колкав е бројот на мобилни интернет врски, итн. Интересен извештај.

Coca-Cola се вклучи во бојкотот против Facebook

Годинава не почна најдобро за Coca-Cola кога во април ставијa сè на пауза поради недостаток на ROI. Таман кога светот полека почна да се враќа во нормала, компанијата најави дека ќе ги стопира сите реклами на социјалните мрежи како дел од кампањата против Facebook наречена “Stop Hate For Profit”.

Coca-Cola оди еден чекор понапред за разлика од другите компании и ќе ги прекине сите реклами на сите социјални мрежи.

Starting on July 1, The Coca-Cola Company will pause paid advertising on all social media platforms globally for at least 30 days.

CEO JAMES QUINCEY

Дополнително, Quincey изјави дека ќе ги евалуираат своите стандарди и политики за рекламирање за да видат дали има потреба од внатрешни промени и што друго ќе можат да очекуваат од нивните партнери (социјалните мрежи) за да се отстранат платформите за омраза, насилство и непристојна содржина.

TikTok For Business за маркетери

Компанијата официјално ја лансираше својата нова платформа наречена “TikTok for Business”. Платформата ќе служи како дом на сите досегашни и идни маркетинг решенија за брендови. Сајтот ќе вклучува пристап до видовите на реклами како TopView што е всушност рекламата што прва се појавува кога ја пушташ апликацијата. Дел од останатите производи на оваа платформа се и Brand Takeovers, In-Feed Videos, Hashtag Challenges и Branded Effects.

Новиот ефект со вештачка интелегенција, “Branded Scan”, ќе биде исто така достапен. Digiday ги следи плановите на TikTok за вештачка интелегенција и очекува да бидат директен конкурент на Sponsored Lens и Word Lenses форматите на Snapchat.

Дополнително, TikTok ќе лансира и нов центар за електронска едукација. Во овој центар маркетерите ќе можат да дознаат повеќе за платформата и како да се рекламираат на истата. И последно, TikTok тестира уште една нова платформа наречена “Creator Marketplace” што беше најавена минатата година. Оваа платформа им овозможува на брендовите да најдат креатори со кои ќе соработуваат на кампањи (нешто слично на YouTube FameBit).

И Ikea експериментира со вештачка интелегенција

Ikea и нивната надворешна лабораторија за истражување, SPACE10, направија 18 различни дигитални искуства за корисниците како дел од новата платформа наречена Everyday Experiments. Секое искуство користи технологија за да им овозможи на луѓето да го гледаат просторот дома на малку поинаков начин.

Ikea беше еден од првите брендови што лансираше апликација со вештачка интелегенција заедно со Apple во 2017та. Корисниците на апликацијата можеа да си стават виртуелна софа и фотелја во дневната соба. Сега за сега, сите овие експерименти се само прототип и не би знаеле со сигурност дали и кога би биле пуштени за јавноста.

Заборави на едноставноста, новата ера на персонализиран дизајн е тука

Apple полека се оддалечува од идејата на Steve Jobs дека технологијата треба да е што е можно поедноставна за да достигне што поголем број на корисници. Во своето долгогодишно постоење и распространетост на секој дел од земјината топка, Apple сфати дека она што функционира за еден не значи дека функционира за сите останати.

Па така Apple им нуди на своите корисници можност самите да си го дизајнираат својот интерфејс. Наместо да го искорсти моментот да го унифицира дизајнот на своите уреди, Apple ја предава одговорноста на секој корисник поединечно. Ова и не е баш најидеално бидејќи повеќето од нас не можат да дизајнираат ни приближно добро како Apple.

Има доста проблем кои можат да настанат од оваа одлука ама да не зборам пред време. Да видиме како ќе се одвива почетокот па после може да направиме повторно муабет.

А кога сме кај дизајн, Spotify објави статија во два дела во која зборува за редизајнот на платформата. Доста интересен текст.

Бонус линкови

• AR Copy Paste
• Axios Media Trends
• Apple, Big Sur, and the rise of Neumorphism
• With Edge, Microsoft’s forced Windows updates just sank to a new low

Се читаме во следниот преглед во петок 🙂

Денешниот #ПрегледВоПеток изобилува со линкови за сечиј вкус. Верувам дека ќе најдеш нешто те интересира затоа скролај и читај.

Facebook со ознаки за медуми потпомогнати од државни пари

Facebook најави дека ќе додаде ознаки за објави на медиуми во сопственост на или контролирани од државата. Со ова ќе им даде до знаење на своите корисници за изворот на информациите што ги гледаат. На ваквите пејџови ќе им биде забрането да се рекламираат почнувајќи од летово.

Она што посочи Facebook е дека оваа ознака нема да ја имаат постови или пејџови што пишуваат статии на тема ‘state-controlled media’. Ниту пак постовите ќе бидат подлежни на надзор или проверка на факти.

Дозвола за вметнување слики од Instagram

Newsweek e сајт за вести кој е моментално во спор со корисник на Instagram поради нарушување на авторски права. И покрај тоа што искористената слика била вметната (embedded), компанијата не побарала дозвола за користење од креаторот.

Како резултат на целава ситуација, сопствениците на сајтови можеби ќе треба да бараат дозвола од корисниците на Instagram за користење на нивните слики за веб. Си имаме ние дел во преглед во петок каде споделуваме пост од Marketoonist. Дали можеби ќе треба да бараме дозвола од Tom Fishburne?

TikTok вети дека ќе ги промовира афроамериканските креатори

Во понеделник TikTok објави серија мерки што планира да ги преземе откако беа обвинети дека нивниот алгоритам не прикажува доволно афроамерикански креатори.

Дел од мерките вклучува и креирање “creator diversity council” со цел “recognizing and uplifting the voices driving culture, creativity, and important conversations on the platform”. TikTok исто така вели дека ќе ги преиспита стратегиите за модерација, ќе направи нов “user-friendly” процес за жалби и дека ќе направи нов портал за креатори што ќе ги прошири комуникацијата и можностите за пошироката заедница на креатори.

Twitter во обид да ги спречи луѓето да споделуваат статии што ги немаат прочитано

Twitter тестира нова опција на Android апликацијата која при ретвитнување на линк отвора прозорче што те прашува дали навистина сакаш да ретвитнеш линк што воопшто не си го ни кликнал да го отвориш.

Ова решение не е банирање на ваквите ретвитови. Напротив, дизајнирано да го стави корисникот во мислење за тоа што споделува на платформата. Дали би функционирало ова? Останува да видиме.

Велика Британија ќе прави свој 5G Club за да му пркоси на Huawei

Британската влада пробува да ги натера САД да формираат клуб од 10 држави – G7 нациите плус Австралија, Северна Кореа и Индиа – со цел да направат своја 5G технологија за да не зависат од Huawei.

Премиерот Boris Johnson изработил план за исфрлање на Huawei од мрежните оператори до 2023. Во меѓувреме кинеската компанија има дозвола да гради до 35% од мрежната инфраструктура.

Бонус линкови

• Facebook Tests Email Marketing Tools for Business Pages
• LinkedIn introduces new retargeting tools
• Selena Gomez Is Giving Her Instagram Page To Black Activists For The Next Few Days “So That They Can Speak Directly To All Of Us”
• L’Oreal Paris to donate to LGBT+ causes after Black Lives Matter backlash

До следниот преглед во петок 😉

Го започнувам денешниот #ПрегледВоПеток со кратка приказна.

Вчера на работа се зазборевме за повторното отворање на кафаните и како нема да биде тоа-тоа само по двајца на маса.. Слатко си се присетивме на добрите стари времиња кога бевме по 10+ души на маса и до крајот на вечерта не знаевме кај сме 🥴 (не до толку, пиеме одговорно!)

Го завршивме муабетот, седнувам на лаптоп и гледам @darko156 пратил нов линк во четот што ни е за прегледов. Каква случајност, линкот беше за “Мамурлак!” – виртуелна игра на карти со пиење. Да, пак не е тоа-тоа, ама не те лимитира на двајца играчи како во кафана. Вртиме од Пијопол на Мамурлак и се гледаме на Zoom вечерва откако ќе биде фајронт надвор 😂 (остави мејл во коментари да ти пратиме линкче до „состанокот”)

Facebook со нов темплејт и нови совети за креирање ефективен календар за објави

Facebook вели дека трите најглавни работи кои се составен дел од секој ефективен календар за објави се:

• Време на објава
• Тип на објава
• Канал на објава

Прилично очигледно нели. Сепак, ефективниот календар на објави бара конзистентност. Со мапирање на твојата стратегија ќе се осигураш дека си доследен со објавите, а транспарентноста на целиот процес ќе ти послужи ако имаш потреба да ја доделиш работата некому.

Овој темплејт е всушност дел од Facebook Blueprint курсот за креирање ефективен календар за објави на кој можеш да се пријавиш доколку сакаш подлабоко да навлезеш во темата.

Како функционира алгоритмот на TikTok

Нешто што се прашувам секој пат кога ќе ја уклучам апликацијата.. Имам јас мое мислење ама ќе ви го кажам во некоја следна прилика. Ајде да видиме што вели Later за тоа како функционира алгоритмот на TikTok.

Later вели дека има 6 многу важни фактори врзани за алгоритмот:

• #1 Хаштагови
• #2 Опис/копи
• #3 Песни и звуци што се популарни во моментот
• #4 Времето кога таргет публиката е најактивна
• #5 Снимање видеа и пост-продукција
• #6 Локација

Секако (ваљда) влијаат и други фактори како конзистентност на објави, дуети, користење на нови алатки во самата апликација и времетраење на видеата.

Facebook и Instagram се многу транспарентни во однос на тоа како функционира нивниот алгоритам. Дали во блиска иднина можеме да го очекуваме истото и од TikTok? We shall wait and see.

Не очекувај приватност ако купуваш со картичка

Во текот на изминативе 10 години, податоците за трансакции направени со картичка станаа едни од најбараните со цел откривање на тоа што луѓето купуваат, колкав е нивниот буџет и кои се нивните планови во поглед на финансии.

Овие трансакции креираа комплексен екосистем на продавање податоци. Главни „мастермајндс“ зад ова се доста компании за процесирање кредитни картички, вклучувајќи ги Visa, American Express и Mastercard. Последниве направија $4.1 милијарда во 2019 само од продавање на податоци од трансакции на сервиси за маркетинг аналитика, програми за лојалност и детектирање измами.

И сето ова се случува во тајност. Компаниите за кредитни картички може да признаат дека зимаат пари од анализирање трансакции но сепак не е јасно какви податоци всушност тие споделуваат. GG EZ*

Штеди време и пари на ниво на експертите за огласување со Capt’n

Последната вест за овој преглед во петок ни доаѓа од Хрватска. Capt’n е алатка која со помош на вештачка интелегенција следи кампањи на неколку платформи и согласно нивниот успех корегира буџети. На опис звучи супер, а ако сакаш повеќе детали околу идејата и функционалноста на алатката, Netokracija направи супер интервју со креаторите на Capt’n, Davor Runije од Airta и Mario Frančešević од SeekandHita. Ако судиме по реномето кое го имаат основачите, јасно ви е зошто е во прегледов овој линк 😉

Бонус линкови

• Analiza online medija u doba korone: Vrtoglavi rast broja čitalaca ‘ubio’ angažman publike
• Google Adds New Option to Group and Color-Code Tabs in Chrome
• Folding iPhone concept is jaw-droppingly good

Се читаме во следниот преглед во петок 😉

Работен ден или неработен, сè додека е петок ИДЕМЕ ЈАКО СО #ПрегледВоПеток

После вакво загревање, го почнуваме денешниот преглед во петок.

Новости поврзани со коронавирусот

Зарем некој во оваа ситуација би се гордеел доколку профитира?

Го започнуваме денешниот преглед во петок со домашно интервју на Душан Марковиќ, маркетинг директор на “Гемак”, за IN Store. На кратко, тој вели дека сега е вистинскиот момент за висока општествена колективна свест и емпатија – не само индивидуална, туку и корпоративна. А на подолго, ѕирни го целото интервју.

Социјалните медиуми и коронавирус

Ако можеме нешто добро да извадиме од целава ситуација, тоа е дека луѓето сакаат да помогнат колку и како што можат. Истото се случува и со брендовите. Но не со сите. На некои им е тешко да се вклопат во целава ситуација.

We Are Social направија листа на најдобри практики за брендовите присутни на социјалните мрежи. Направија доста истражувања за тоа како различни заедници се однесуваат и, што е најважно, како помагаат.

Facebook ќе ги известува корисниците кои прочитале дезинформации за коронавирусот

Вчера Facebook најави уште една новост во битката против дезинформациите за коронавирусот. Тоа е порака која ќе ги таргетира корисниците кои коментирале, ставиле реакција или споделиле лажна содржина за вирусот. Пораката ќе биде од WHO и ќе има опција корисниците да ја споделат кај нив на профил.

Apple и Google здружија сили против коронавирусот

Тимот од инженери на Apple и Google здружија сили за да направат алатка за следење која ќе им овозможи на корисниците да видат дали биле во контакт со некој заболен од коронавирусот. Ова е супер и за јавните здравствени институции кои ќе можат да следат како се шири заразата и да ги информираат луѓето кои биле во контакт со заболен да се тестираат. Во меѓувреме се појави и локална апликација, и се отворија голем број дискусии на темава. Ја следиме, ќе пишеме повеќе во следна прилика.

Капетанот Tom Moore собра £16 милиони за NHS

99-годинишниот воен ветеран направи 100 круга во својата градина и собра £16 милиони за NHS. Кога го заврши предизвикот тој само рече: “Јас сум добар, се надевам и вие дека сте добри.” ЛЕ – ГЕН – ДА

Новости НЕповрзани со коронавирусот

Facebook со апликација за допишување за парови

Во време кога сите држиме растојание едни од други, време кога сите парови се во врска на далечина (освен оние кои живеат заедно), Facebook излезе со нова апликација за парови наречена Tuned.

Tuned е “приватно место за парови” каде партнерите ќе можат да ги поврзат своите акаунти на Spotify, да подесат расположение, да испраќаат слики, аудио и да си играат со стикери и реакции.

Instagram го редизајнираше IGTV и даде фокус на креаторите

Instagram направи некои промени на IGTV со надеж дека повеќе луѓе ќе ја користат оваа алатка за споделување подолги видеа. Homepage-oт е целосно редизајниран да прикажува креатори, персонализиран врз база на интересите на самиот корисник. Апликацијата исто така доби и Discover дел каде ќе им прикажува на своите корисници нова и релевантна содржина.

Брзо, лесно и бесплатно креирање видеа со YouTube Video Builder

За бизниси кои немаат ресурси да креираат видеа од нула, овој Video Builder e бесплатна алатка (сè уште во бета) што анимира статични елементи како слики, текст и логоа, со музика од самата библиотека на YouTube. Исто така корисниците ќе можат да изберат од многубројни темплејти, зависно од нивната порака и цел. Очигледно наменет за креирање на реклами за на YouTube, пред се зарди гоотвите форамти од 6 и 15 секунди. Уште една алатка копирана од Facebook, вака на прв поглед изгледа интересно, побаравме пристап, ќе чекаме да ни го одобрат.

Microsoft Edge vs. Mozilla Firefox

Имав еден период во животот кога користев исклучиво Mozilla, пред некои 10 години. После се префрлив на Chrome и тоа беше тоа. Once you go Chrome, you never go back. Нема рима, ама се разбираме.

Беше прашање на време, кога Edge ќе биде покористен пребарувач од Mozilla. Податоци од NetMarketShare откриваат дека тоа се случило минатиот месец, откако Edge се префрли на Chromium. Значи сега, Edge е вториот најкористен пребарувач со 7.59% наспроти Firefox со 7.19%.

‘Zoombombing’ е нов, застрашувачки тренд

Оваа вест иде директно од FBI. ‘Zoombombing’ е вид на сајбер напад на платформата за конференциски состаноци, Zoom. Како сè повеќе почна да се користи Zoom, така сè повеќе корисници почнаа да се жалат дека во нивните состаноци влегувале непознати корисници.

Овие корисници цртале навредувачки работи на нивниот екран, споделувале порнографија, споделувале информации за останатите корисници присутни на состанокот и се заканувале.

Од Zoom изјавија дека работат на случајот и дека почнале активно да ги едуцираат корисниците како да ги заштитат своите состаноци и да превенираат вакви ‘zoombombers’. Вие со јогата, пазете се.

А во меѓувреме за да си ги направите состаноците на zoom помалку досадни се појави опцијата да си ангажирате да си донесете коза на состанок.

Бонус линкови

• Mood Remote
• How COVID-19 Has Impacted Media Consumption, by Generation [Infographic]
• Twitter Publishes New Research on What Consumers Want to See from Brands During COVID-19
• YouTube is rolling out video chapters to help you skip to the parts that matter
• In a self-isolated world, developers are learning to make games from home
• Busch promises year of beer to 250 couples who change wedding plans
• Mark Ritson’s Covid-19 spring cleaning list

До следниот преглед во петок. 🙂

Сигурно примети дека веќе не пишуваме само јас и Дарко и дека во тимот на komunikacii.net и посебно #ПрегледВоПеток ни се придружија и Наташа и Александра. Еве и од мене едно добредојде за нив.

Овој преглед во петок, за твоја среќа или несреќа, си заглавен со мене, Симона. Ииии со уште новости поврзани со коронавирусот. Но на крајот имаме и некои интересни линкови поврзани со дизајн. Затоа скролај и читај.

Моќта на социјалните мрежи за време на кризата со коронавирусот

Коронавирусот е најголемата катастрофа за нашата генерација. Нè доведе до економски колапс и криза во јавното здравство. Додека сите советуваат да седиме дома и да не се собираме во големи групи, се наметнува прашањето, како да делуваме како заедница и ги практуваме културните вредности што нè држат заедно?

Дезинформациите за коронавирусот станаа инфодемија сами по себе и луѓето и понатаму сметаат дека социјалните мрежи се виновни за нивно проширување. И тоа е сосема точно.

Но има уште една страна на приказната – страна која ја прикажува вистинската поддршка што социјалните мрежи ја пружаат. Не само што се покажаа како вредна алатка за добивање важни информации, социјалните мрежи се и од големо значење за поврзување на заедниците ширум светот. Особено кога не сме во можност тоа да го направиме во вистински живот.

Социјалните мрежи ни помогнаа да го задржиме и заштитиме духот на заедницата во време кога секој од секого се оддалечува. Токму ова може да ни помогне да бидеме инспирација и поддршка едни на други и да шириме позитива и добрина – вредности што нè држат заедно.

Кој можеше да претпостави дека tech индустријата е подложна на коронавирусот?

Како што коронавирусот почна да го преобликува американскиот живот така големите tech компании несвојствено брзо реагираа. Озлогласените Facebook и Twitter наеднаш почнаа да промовираат линкови до веродостојни информации од CDC и WHO.

Последниве недели можеме да видиме дека сè повеќе tech компании ги пренасочуваат своите ресурси кон правење добри дела во битката против коронавирусот. Во екот на оваа драматична промена, вестите за овие компании станаа светла точка. Новинарите се запрашуваат дали нивните пишувања, кои последните три ипол години се фокусираа на еден вид осудување за нивната работа, го достигнаа крајот.

Сега за сега едно е точно, а тоа е дека гигантите во tech индустријата го променија мислењето на јавноста. Следниот пат кога ќе има анкета во САД може ќе видиме дека довербата на американците во овие компании се зголемила. Сепак едно останува да видиме – дали оваа промена ќе влијае врз многуте активни истраги во врска со приватноста и други работи.

Ryan Reynolds ќе донира 30% од профитот од неговиот џин за шанкери кои се без работа

Еве уште една позитивна вест во битката против коронавирусот. Во вторникот актерот Ryan Reynolds на својот Твитер профил најави дека тој и неговата компанија Aviation Gin ќе донираат 30% од нивниот профит на заедницата на шанкери на САД (United States Bartender’s Guild) како дел од нивната програма “Tip Your Bartenders”.

Да, знаеме, секој ден има по неколку вакви вести но ова е Ryan и брендот кој ги има некои од најдобрите кампањи изминативе месеци. Моравме да го спомнеме.

Многу новости во светот на дизајнот како резултат од коронавирусот

Сето ова време поминато дома, не е ни чудо што креативноста низ цел свет цвета. Исто така не изненадува фактот и дека многу од новите проекти кои ги гледаме се поврзани со коронавирусот. Без разлика што поминуваме низ тешко време, уметниците и дизајнерите праќаат силни пораки за надеж и единство.

Еден таков проект е редизајнот на познати логоа од графичкиот дизајнер Jure Tovrljan кои играјќи со празни места, слики и имиња на брендови создаде многу итри и провокативни дизајни.

Изгледа од него се инспирираа и Kappa.

Запознај го новиот dribbble.com

Последнава деценија интерфејсот на Dribbble беше таков што го ставаше портфолиото на дизајнерите на прво место: минимален интерфејс што не бркаше трендови туку само ги прикажуваше како што доаѓаа и си одеа.

Но последниве години тимот на Dribbble сфати дека им недостасува малку естетичност. Затоа новиот дизајн на Dribbble е направен да ја прикажува креативноста на уметниците на прво место а сепак платформата да е визуелно убава на око (visual harmony).

И Slack се редизајнираше

Slack исто така го редизајнираше својот интерфејс и додаде нови опции со цел да ја направи платформата поедноставна и поорганизирана за своите корисници. Редизајнот вклучува и нова навигација, фолдери за организирање разговори, итн.

Бонус линкови

• In Lockdown: A world without sport – We Are Social UK
• Resources for Instagram Marketers in Time of Coronavirus Crisis
• Pinterest Provides Tips on How Brands Can Communicate Amid the COVID-19 Pandemic [Infographic]
• Zoom is 2020’s hottest yoga studio

Толку од денешниот преглед во петок. Ако имаш линк што сакаш да го споделиме слободно пиши ни порака на Фејсбук.

Се читаме во следниот преглед во петок. 🙂

Скокнавме уште еден #ПрегледВоПеток ама еве сме со тазе, дупла доза новости.

Квалитетот секогаш во преден план

Го започнуваме овој преглед во петок со домашна вест, односно интервју. Во интервју за E-commerce, Искра Тикваровска Казанџиевска, која е oдговорна за маркетинг во ЕВН Македонија, зборува за тоа дека квалитетот секогаш треба да е во преден план но и дека услугите мора да бидат на високо ниво. Интересно интервју кое ја пресликува работата на ЕВН низ годините а кое е мошне корисно за сите вас кои работите со услуги и корисничка поддршка.

Лајковите на Facebook “можат да бидат нелегални”

Швајцарскиот суд донесе одлука дека лајковите и шеровите на Facebook можат да бидат земени предвид како нелегално клеветење. Луѓето можат да бидат казнени за споделување или лајкнување на објава дури и ако не ја креирале самите тие. Тука ќе застанам..

Google Crawl and Indexing Update March 1, 2020

Кон крајот на 2019 Google најави дводелен апдејт за тоа како се справува со „nofollows”. Првиот дел што влијае врз SERP е веќе излезен и активен. Вториот апдејт што ќе влијае врз тоа како Google пребарува нови веб страни за да ги индексира излезе изминатава недела.

For crawling and indexing purposes, nofollow will become a hint as of March 1, 2020.

Google’s announcement 

Она што е најбитно за овој апдејт е да бидеш во тек со тоа што се случува бидејќи можно е рангирањето и бројот на посети да претрпат промени. Второ, провери си ја политиката за „nofollow”. Провери каде користиш „nofollow” и види дали ќе треба да го отстраниш или да се префрлиш на meta robots noindex.

Како e-commerce маркетингот ги менува пребарувањето, пазарот и социјалните мрежи

Во интервју за Search Engine Land маркетинг директорите на Procter & Gamble и Under Armour зборуваат за SEO, корисничко искуство и влијанието на D2C. Топло ти препорачувам да го прочиташ, а во продолжение еве за што точно зборуваат.

• Онлајн трговците не пружаат “возвишено” корисничко искуство.
• Колку е лесно да влезеш во e-commerce.
• Дизајнирање персонализирани искуства.
• D2C како стратегија за истражување на пазарот.
• Omnichannel: Поврзување на онлајн со офлајн.
• Структурирани податоци и фидови.

Како коронавирусот влијае врз компаниите

Големите tech компании и социјални мрежи постојано се обидуваат да ги пренасочат луѓето кон навремени и точни информации за вирусот. Дел од работите што ги прават ги прават проактивно.

Пример, Facebook воведе дел во news feed што ги носи корисниците директно на страната на Center for Disease Control каде може да дознаат повеќе за COVID-19. Исто така Марки изјави дека ќе им овозможат на World Health Organization да пуштаат реклами без пари за да промовираат точни информации за кризата.

Може да го истакнеме и Twitter кој кога пребаруваш за коронавирусот ќе те одведе на страна со последните новости од организации за јавно здравје и кредибилни извори на вести. Google им овозможи бесплатен пристап до напредни алатки за стримање на оние кои работат и студираат од дома а се корисници на G Suite.

Значи можело, кога се сака а!

Вирален TikTok танц за превенција на коронавирусот

Кога сме кај коронавирусот, еве уште една вест. Виетнамискиот танчер Quang Dang креираше танц со кој ги потсетува луѓето да мијат раце, да не го фаќаат лицето и да стојат настрана од гужви. Многу нормално дека танцот стана вирален и други корисници почнаа да се снимаат и да го објавуваат со #ghencovychallenge за да ги информираат корисниците како да се заштитат.

Adobe најави голем апдејт на Photoshop

Изминатиот месец Photoshop го прослави својот 30-ти роденден и во таа чест Adobe излезе со голем апдејт на Photoshop за декстоп и за iPad. Во продолжение на кратко што е ново.

• Content Aware Fill Improvements
• Lens Blur Improvements
• Dark Mode Support
• Performance Improvements
• Object Selection Tool
• Type Setting

Логоа креирани од AI

Не се плаши, твојата работа како дизајнер не е под закана од AI. Автоматизираните системи се уште имаат многу за учење кога станува збор за креативност. Чекај, да појаснам.

Пред некоја недела излезе нова алатка за креирање логоа со чија помош можеш да направиш “професионално лого во само неколку кликови”. Fact Company ја тестираа оваа алатка за креирање на алтернативни логоа за некои од најголемите брендови како Apple, Google, McDonald’s и Uber. И погоди што? Резултатите се многу генерички.

Е а кога сме кај логоа Durex се ребрендираше, BMW направи радикални промени во логото иии…иии.. конечно имаме колекција на стари логоа од Југославија.

Бонус линкови

• The rise of the Instagram Curator
• Twitter acquires Stories template maker Chroma Labs
• Goodbye Public Accounts, Hello Communities
• KFC takes finger lickin to the next level in new ad
• The Case for Thriller as a Music Discovery App | Pitchfork

Толку од денешниот преглед во петок. Ако имаш линк што сакаш да го споделиме слободно пиши ни порака на Фејсбук.

До следниот преглед во петок. 🙂

Ладно е денес. Седи си дома, читај си преглед во петок и дознај што е ново во дигиталниот свет.

Пред да започнеме со четивата од денешниот #ПрегледВоПеток, имам една супер вест. Од март Дарко (@darko156) се враќа во Brainster како предавач на Академијата за дигитален маркетинг. Во интервју за добредојде тој зборува за современиот дигитален маркетинг, предизвиците со кои се соочуваат маркетерите денес и вештините потребни за совладување на истите. Дарко ќе предава за градење на дигитална стратегија, генерирање лидови и оптимизација на целни (landing) страници.

LinkedIn е Instagram-от на нашата (лажна) работна кариера

Инспириран од #DollyPartonChallenge мемето, нашиот драг пријател Иван Бркан напиша одлична статија за Нетокрација во која зборува за тоа како во последно време LinkedIn станува сличен на Instagram.

LinkedIn je očito društvena mreža gdje su ljudi koje smo upoznali tijekom karijere, a koji se svi lažno smještaju i druškaju kao na najgorem korporativnom božićnom tulumu.

Netokracija.com

Тој пишува за тоа како луѓето на LinkedIn се премногу позитивни и објавуваат идеализирани, досадни и предвидливи постови во кои се чини дека се на врвот во својата кариера. До кога? Барем да сме опуштени кога веќе не можеме да сме искрени на LinkedIn.

YouTube во обид да стане бр. 1 платформа за стримање видео игри

Twitch, Mixer и YouTube водат војна кој ќе ги фати најголемите гејминг стримери. YouTube најави дека 3 различни е-спорт организации (Call of Duty League, Overwatch League и competitive Hearthstone) ќе стримаат натпревари ексклузивно на нивната платформа.

YouTube сака да стане бр. 1 платформа за стримање видео игри, титула која со години припаѓа на Twitch. Но стримање е-спорт е различно од креирање заедница за фанови. YouTube ги нема истите елементи за интеракција со фанови како на Twitch. Јас лично се сомневам дека YouTube ќе го постигне замисленото, но останува да видиме.

Од TikTok чекале 3 саати пред да пријават смрт на корисник во полиција

19-годишен TikTok корисник од Бразил се самоубил додека стримал во живо на платформата. Ова се случило пред скоро година дена а тек сега се откри оваа информација во извештај од The Intercept.

Муабетот е што од TikTok чекале 3 саати пред да го пријават инцидентот во полиција. Прво смислувале ПР стратегија со цел да не се прошири веста па потоа пријавиле. Оттогаш TikTok вели дека го промениле начинот на однесување во криза, но не дава детали што промени направиле. Можеби, бр. 1 – Ако некој се самоубие на платформата, прво пријавуваме во полиција.

And now, something completely different…

Јас сум во зрели години, со огромно работно искуство, рационален и со емпатија. Кај мене зборот омраза не постои, а ниту такво чувство сум почувствувавл некогаш. Сосема спротивно – за мене животниот императив е љубовта.

Трифун Костовски

Извадок од статијата насловена “Социјалните мрежи и нивното место во јавната сфера”, напишана од Трифун Костовски.

Бонус линкови

• W95 Theme Demo
• Super Bowl 2020: The Best Ads & Commercials This Year
• 2020’s new emoji include the transgender flag and more gender-inclusive options

Толку од денешниот преглед во петок. Ако имаш линк што сакаш да го споделиме слободно пиши ни порака на Фејсбук.

До следниот преглед во петок. 🙂

Некој нарача експресен (за читање) #ПрегледВоПеток?

Facebook, Instagram и Тwitter во обид да ги спречат дезинформациите за коронавирусот

Facebook изјави дека ќе ги отстрани лажните вести и теории на заговор за коронавирусот доколку им штетат на луѓето кои им веруваат. Политиката важи и за Instagram и вклучува дезинформации за лажни лекови и методи на превенција. Хаштаговите на Instagram кои се користат за ширење на дезинформации ќе бидат блокирани.

Twitter изјави дека има повеќе од 15 милиони твитови за коронавирусот до сега и таа бројка постојано расте. Twitter тврди дека нема видено “планирани обиди за ширење дезинформации”. Но сепак ќе алоцира ресурси за да ги осигура своите корисниците дека трендовите и пребарувањата се заштитени од ова.

Google ја ажурираше документацијата за mobile-first indexing

Документот е дизајниран да им помогне на сопствениците на веб страни да им го пружат најдоброто корисничко искуство на своите посетители, без разлика дали ја гледаат страната од мобилен или десктоп компјутер.

Покрај новите информации за индексирање на веб страни на мобилен, документацијата содржи и нови информации за користење слики и видеа, m-dot URLs и troubleshooting.

Запознајте ја новата генерација Omega

Jordan Hall е писател на Medium кој уште во 2014 напишал една многу интересна статија за генерацијата Omega. Тој вели дека тоа се луѓе кои не се сеќаваат на ништо пред 11 септември, 2001. Луѓето од оваа генерација се израснати во доста интерактивна средина (YouTube и Minecraft) и очекуваат да имаат големо влијание во нивниот свет.

Hall има навлезено во многу детали кои се мошне интересни за читање, па така топло ти препорачувам да тркнеш на линкот погоре.

Бонус линкови

• Instagram Addresses Questions on Algorithm, Comment Pods and Verification [Infographic]
• Neumorphism in user interfaces – UX Collective

Тука е крајот на денешниот преглед во петок. Ако имаш линк што сакаш да го споделиме слободно пиши ни порака на Фејсбук.

Се читаме во следниот преглед во петок. 🙂

Го стартуваме овој #ПрегледВоПеток со одлична домашна вест!

Испазари и плати веднаш со скенирање на QR код

Откако соседна Србија најави дека ќе им овозможи на своите граѓани да плаќаат производи скенирајќи го QR кодот на пакувањето, Народна банка изјави дека може да се очекува и кај нас воведување на ваква технологија.

Воведување на нови услуги за е-плаќање, како оваа, го намалува количеството на готовина во оптек и го забрзува процесот на префрлање на парите на сметката на продавачот.

Сепак, ова е само најава и ветување, избори се ближат, мора да бидеме претпазливи колку ќе им поверуваме на ваквите најави.

Интервју со Sundar Pichai, CEO на Google и Alphabet

Sundar Pichai, 47-годишниот CEO на Google, исто така стана CEO и на мајката компанија, Alphabet. Larry Page и Sergey Brin, ко-основачите на Alphabet, на 3ти декември најавија дека ќе се повлечат од секојдневните работни обврски.

Fortune направија интервју со Pichai, првото долго интервју откако стана CEO на Alphabet, а новинарот Lahinsky го прашуваше за многу од работите кои може да се очекуваат од новинар во неговата позиција. Но одговорите на Pichai оддаваа многу малку информации.

До некаде, е разбирлив потегот на Pichai. Но новинарите имаат обврски во вистинско време да посочат кога некој избегнува да одговори нешто. Решението, како и секогаш, е во практикување на најстариот новинарски принцип: зборување со луѓе кои ги знаат работите што сакаш да ги дознаеш. А тоа започнува кога ќе се соочиш со фактот дека CEO не држи монопол кога станува збор за знаењето, а и да знае нешто корисно, најверојатно нема да го каже.

Зошто најдобрите девелопери ги ставаат потрошувачите први

Пред многу години како резултат на сè поголемата конкуренција од Apple и Google, Microsoft направија она што мислеа дека е ‘the next big thing’: Windows 8. И покрај сите новитети и напори овој производ да успее, луѓето си стоеа зад тоа дека оперативниот систем е непотребно збунувачки и тежок за користење. Се согласувам.

Windows 8 е класична студија на случај за бренд кој не размислува за потребите на своите потрошувачи. Инженерите беа уверени дека знаат што потрошувачите сакаат, па затоа многу малку луѓе надвор од инженерскиот тим на Windows биле вклучени во развојот.

Но ова не е несекојдневна приказна во светот на технологијата. Под притисокот постојано и брзо да се лансираат нови и иновативни производи, многу компании го практикуваат inside-out пристапот, каде идните производи ги прават инженери во вакуум.

Тука се поставува прашањето: како tech компаниите ги дефинираат нивниот бренд и нивната стратегија однадвор кон внатре? Harvard Business Review зборуваа за три фундаментални чекори кои лидерите треба да ги направат. Интересна статија која топло ти препорачуваме да ја прочиташ.

Потенцијални промени на .org доменот

Последниве два месеци доста прашина се дига околу потенцијалите промени на сопственоста на .org доменот. The Public Interest Registry, невладината организација што оперира со овој домен уште од 2003, во ноември најави дека приватна компанија под името Ethos Capital сака да ја купи за $1.135 милијарди.

Што би значело ова? Покрај иронијата приватна компанија да менаџира со систем дизајниран да им помага на невладини организации, не е баш јасно. Фирмава очигледно ќе сака да прави профит што во превод значи деќа ќе им ја отежни работата на организициите во одржување на нивните веб страни.

Исто така постои можноста Ethos да прави договори со корпорации што сакаат да затворат сајтови поради прекршување на авторски права. И секако, влади кои сакаат да ги цезурираат невладините организации што ја критикуваат нивната работа.

Што значи 5G за веб дизајнерите?

Последна вест овој преглед во петок е хајпот за 5G.

Влеговме во 2020 и сите почнаа да зборуваат за 5G, најновата генерација на мобилна мрежа. Но 5G нема да има влијание само на сурфање на мобилен. Промените во мобилната мрежа ќе имаат влијание и врз веб дизајнот.

Како веб дизајнер останува на тебе да воочиш како 5G ќе влијае врз начинот на кои корисниците пребаруваат на веб. Webdesigner Depot објавија супер статија со совети како да се подготвиш за петтата генерација на пребарување на мобилен.

Бонус линкови

• Brand New: New Logo and Identity for GoDaddy done In-house
• Instagram Officially Begins Testing of DMs in its Desktop Version
• Old Spice returns to roots for 10th anniversary of ‘Smell Like a Man, Man” campaign

Тука го завршуваме денешниот преглед во петок. Ако имаш линк што сакаш да го споделиме слободно пиши ни порака на Фејсбук.

До следниот преглед во петок. 😉

И касно во петок навечер се чита #ПрегледВоПеток 😉

Француската влада ќе ги скенира социјалните мрежи за даночни измами

Царината и УЈП во Франција добија дозвола да ги прегледуваат профилите на корисници на социјалните мрежи, нивните објави и слики во обид да најдат докази поврзани со непријавени приходи.

Во својата одлука судот посочи дека се свесни на можни повреди на слободата на изразување и нарушување на приватноста на корисниците, но сепак најавија дека содржината која е заштитена со лозинка нема да биде прегледана, само она што е јавно објавено.

TikTok го објави првиот извештај за транспарентност на платформата

Соочени со константен надзор поради цензура и безбедносни причини, TikTok пробува да ја врати назад довербата од корисниците во САД. Со таа цел го објави својот прв извештај за транспарентност, откривајќи дека добиле 298 правни барања за податоци од корисници и 26 барања од владите за деактивирање профили, во првата половина од 2019.

Извештајот за транспарентност покажува дека платформата не ги добила тие барања од Кина (каде што не е достапна), туку онаму каде што им се главните канцеларии.

Кога сме на тема TikTok и вертикална содржина, новиот Sero TV на Samsung се ротира вертикално за да можеш да гледаш TikTok видеа и Instagram сториња. Да го цитирам @darko156, “Единствениот производ од Samsung кој би размислил дали да го купам”.

Е-момчињата прават дебели пари

Новите симпатии на тинејџерите не пеат и не глумат. Тие се е-момчиња (xaxa, e-boys) и многу брзо стануваат дел од забавната индустрија со потенцијал да прават многу пари.

Тоа не се само момчиња туку и е-девојчиња кои се многу популарни на TikTok и Instagram бидејќи прават вирална содржина и изгледаат многу хип (трифтаат хипстерска облека). Затоа си лапаат зделки во модната и забавната индустрија.

DuckDuckGo е default пребарувач за корисници на Android во Европа

Практиката на Google да се „мести” самиот како default пребарувач на својот оперативен систем беше прогласена за нелегална од страна на ЕU antitrust правилата. Како резултат на тоа, Google доби парична глоба од $5 милијарди.

Сега Google ќе мора да направи промени и да им овозможи на корисниците сами да изберат default пребарувач. Кога корисници на Android во рамките на Европската Унија ќе регистрираат нов уред, ќе им бидат прикажани три алтернативни пребарувачи. DuckDuckGo ќе биде прв на листата во сите држави.

Ќе биде интересно да видиме какво влијание ќе има ова врз пребарувањето во Европа, ако воопшто го има. Секако, корисниците ќе можат да си го изберат Google, ако го преферираат.

Бонус линкови

• Google’s Hogging Half Your Traffic: How to Get It Back
• L’Oréal’s latest gadget mixes lipstick based on what your favorite influencers wear
• DOUBLICAT | Face swap in GIFs

Толку за денешниот преглед во петок. Ако имаш линк што сакаш да го споделиме слободно пиши ни порака на Фејсбук.

Се читаме во следниот преглед во петок. 🙂