Posts by Симона Пеовска

37 #ПрегледВоПеток

Неработен ден? Што е тоа? Нема запирање за нашиот #ПрегледВоПеток! Полека но сигурно се ближиме до 40ка. Време е за нов преглед.

GDPR, една година подоцна

Помина нешто повеќе од година дена откако за прв пат зборевме за GDPR во #ПрегледВоПеток. На 25ти мај лани GDPR (регулацијата за заштита на генералните податоци) стапи во сила, после 4 години подготовки и дебатирања. Последнава година дена потрошувачите и маркетерите се адаптираа на една нова ситуација. Post-GDPR средината резултираше во зголемен број на нотификации од мобилни апликации и селективно споделување на локација. Податоците за кои пишуваме доаѓаат од истражување на Airship.

36 нотификации во просек месечно

Бројот на корисници на мобилни апликации се зголеми за 17% во споредба со лани кога GDPR стапи во сила. Маркетерите испраќаат повеќе нотификации на глобално ниво, во просек 36 месечно. Чисто како информација во истражувањето биле вклучени повеќе од 700 милиони корисници.

Намалено споделувањето на локација

Последнава година резултираше во намалено споделување на локација. Северна и Западна Европа имаат најмали opt-in rates (4.4% и 2.1% соодветно). Ова се значајно намалени бројки за разлика од лани.

Податоците од истражувањето исто така покажуваат и интересни разлики помеѓу корисници на iOS и Android. Корисниците кои сè уште немаат Android Q многу почесто блокираат локација отколку iOS корисници кои имаат опција да споделат локација само ако апликацијата е отворена. Android Q работи на овој начин.

Што значи сето ова?

Корисниците стануваат сè повнимателни во однос на споделување на локација. Девелоперите и маркетерите ќе треба да најдат нов пристап преку кои ќе ги “натераат” да споделат локација. Во секој случај, ова масовно истражување покажува дека мобилните нотификации продолжуваат да бидат моќен маркетинг канал на глобално ниво бидејќи first-party податоците и алатките се од многу поголема важност во овој post-GDPR свет.

Google search доби редизајн

Google доби нов изглед за резултатите од пребарување на мобилен. Апдејтот вклучува и нов начин на прикажување на текстуални реклами и органски резултати.

Што се новостите?

Црната “Ad” ознака што Google ја тестираше со месеци како замена на зелената, е вклучена во новиот апдејт. Ознаката се појавува најгоре на рекламата заедно со прикажаното URL, кое исто така е со црн текст.

Органските резултати ќе добијат favicon. Името на сајтот е со црн текст веднаш до favicon-от и се наоѓа над називот на линкот, слично како кај рекламите. Пред овој апдејт, тој дел од резултатите беше испишан со зелено под називот. Google исто така ја отстрани сивата линија под називот кај органски резултати и кај главниот назив на реклами.

Што значи ова за Google?

Овој апдејт му овозможува на Google да продолжи во развивање на содржината што ја прикажува во резултатите од пребарувањето, вклучувајќи видео резултати, hi-res слики, 3D објекти, и видовите на акции што можеш да ги преземеш од резултатите.

Новиот дизајн дава поструктуриран изглед на резултатите од пребарувањето. Останува да видиме какво ќе одрази ова на traffic-от односно кликањето на корисниците.

Дезинформациите имаат поголем engagement на Facebook

Социјалните мрежи се дитрибутери на лажни вести. Содржината која се споделува на Facebook има преголемо влијание врз животот на луѓето. Со оглед на опасностите кои можат да произлезат од споделувањето на лажни вести, Oxford University излезе со ново истражување со цел да потенцира колку е ова важно да се спречи.

Дали има решение за овој проблем? Твојата перспектива, иронично, ќе се сведе на она во што ТИ избираш да веруваш.

Медиумите мора да го сменат бизнис моделот

Ова би била на кратко пораката која ја пренесува српската верзија на Netokracija во интервјуто со Дејан Николиќ, еден од креаторите на Content Insighst и Njuz.net. Секогаш е вредно и корисно да се чита/слуша Дејан, затоа што човекот има огрмно искуство а сега и пристап до огромен број податоци кои се однесуваат на медиумската индустрија, секако тесно поврзана со маркетинг и она што се нарекува native рекламирање. Без двоумење: Publika jednom mediju ne sme da bude inventar koji prodaje oglašivačima

Случајот против Huawei

Вчера ARM изјави дека ја прекинува соработката со Huawei поради новите регулации на владата на САД. Експертите за безбедност предупредуваа за Huawei повеќе од година дена, но никој не излезе со конкретна изјава зошто владата на САД верува дека Huawei е закана. Сфаќам дека тоа е така во интерес на националната безбедност, но треба да знаеме од каде доаѓаат тие грижи. 👇

The case against Huawei, explained

Во меѓувреме и Google излезе со одлука дека нема да дозволи во иднина кинескиот производител да ги користи неговите услуги поврзани со Аndroid оперативниот систем. Вест која почна да ги загрижува огромен број сопственци на Huawei паметни телефони низ целиот свет. Сепак ако гледаме оптимистички на ова може да биде и вака: How Huawei Could End Up Challenging Google’s Dominance

Бонус линкови

Го завршивме и овој преглед . Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.

Marketoonist on Instagram

До следниот преглед во петок. 😉

36 #ПрегледВоПеток

Еве не во програма со уште еден преглед во петок.

Hi 🙂

Минатата недела се оддржи уште еден многу голем настан во САД, Google I/O 2019. Од 2008 година оваа конференција традиционално се оддржува во Калифорнија, во организација на Google. Генерално, конференцијата е фокусирана на новите уреди во производство на Google, но оваа година видовме многу вести во однос на приватноста кои ќе влијаат врз нас маркетерите. Затоа решивме овој #ПрегледВоПеток да го посветиме на подобро разбирање на промените кои ни доаѓаат.

Останатите новости од дигиталниот свет те чекаат кај бонус линковите.

Промени кај Google Chrome кои ќе влијаат на дигиталното огласување

Наредните верзии на Google Chrome ќе ни донесат нешто што ќе ги интересира сопствениците на сајтови и огласувачите. Овие промени ќе влијаат позитивно на искуството на корисникот, но како ќе влијаат на огласувањето?

Native lazy loading за слики, видеа и огласи

Lady loading е процес при кој се вчитуваат само оние ресурси кои во даден момент корисникот може да ги види. Останатите ресурси не се вчитуваат сè додека корисникот не скролне до нив. Ова има голема улога во брзината на вчитување на веб страната.

Chrome е најпопуларниот браузер и за десктоп и за мобилен, така што оваа промена ќе има значајно влијание на сопствениците и администраторите на сајтови, како и на огласувачите. Брзината на вчитување веќе одамна е директен SEO фактор за рангирање на веб страните на Google. Сајтовите што брзо се вчитуваат се најчесто на врвот.

Зошто lazy loading и не е толку супер?

Има нешто што нема да се вчита додека корисникот не скролне до него: рекламите. Особено оние кои се под првиот дел што се вчитува на сајтот (т.н. below the fold content). За сопствениците и администраторите на сајтови кои својот приход го остваруваат од продажба на рекламен простор, ова може да претставува сериозен проблем.

Ако огласот не се вчита, нема да се калкулира како импресија. Помалку импресии значи помала заработка. Проблемот ќе биде уште поголем на мобилен. Google напомена дека Chrome ќе форисра lazy loading и на страни кои го немаат тој атрибут, доколку data saver опцијата е активирана на уредот.

Да бидеме реални за маркетерите ова е добра вест, нема да плаќаат/плаќаме за неефектвини импресии 😉

Промени во начинот на прифаќање колачиња

Користењето колачиња (cookies) со години веќе се практикува како метод за идентификација на корисникот на интернет. Колачињата помагаат во персонализација на корисничкото искуство. Но сведоци сме на многу проблеми со приватноста и начинот на кој се чуваат податоци, па затоа Chrome ќе воведе промени во начинот на кој се прифаќаат колачиња.

Што ќе бидат новите промени кај колачињата?

Со новите промени, Chrome ќе прифаќа исклучиво колачиња од прв ред (first-party cookies). Сите останати ќе бидат игнорирани. За да се обезбеди транспарентност во процесот на поставување колачиња, Chrome ќе бара од девелоперите експлицитно да ги маркираат своите колачиња за да се добијат third-party привилегии и видливост.

Точно ќе се знае кој тип на колачиња користи одредена страница со што ќе се подобри безбедноста и приватноста на корисникот. Chrome ќе прифати колачиња од трет ред само ако се спроведуваат преку сигурни конекции, односно преку HTTPS врска.

Се укинува следење на корисникот преку неговиот дигитален отисок

Дали знаеш дека Chrome-от што го користиш има твој специфичен и уникатен дигитален отисок? Chrome има екстензии и додатоци кои си ги инсталирал ти. Се наоѓа на еден и единствен уред, уред кој има свој оперативен систем. Екранот има одредена резолуција, имаш подесено јазик на користење, временска зона и многу други податоци. Сето тоа е доволно да се направи дигитален отисок по кој може да те идентификуваат. Не по име и презиме, по уред и браузер.

Така огласувачите те пратат и ретаргетираат. Не им се потребни колачиња, лични податоци, мејл, само дигитален отисок.

Освен за потребите за огласување, анализата на дигиталниот отисок помага и во детектирање на лажен сообраќај, ботови и скрипти кои прават ad-fraud и click-fraud. Сепак, Google смета дека ова ја нарушува приватноста на корисникот на два начина; 1. дава права на други лица да те профилираат и следат, и 2. дава права на процесирање податоци за твоето онлајн однесување.

Chrome vs. Digital fingerprinting

Злоупотребувањето на дигиталниот отисок не е во согласност со принципите на Google. На конференцијата беше најавено дека Chrome потполно ќе блокира и оневозможи digital fingerprinting. Оваа промена ќе настапи во наредните неколку месеци. Останува да видиме како огласувачите ќе реагираат.

Бонус линкови

Стигнавме до крајот и на овој преглед во петок. Се надевам дека ти се допадна идејата за краток recap на она што за нас е важно да го знаеме од Google I/O 2019. Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.

Marketoonist on Instagram

Се читаме во следниот преглед во петок. 😉

35 #ПрегледВоПеток

Заврши со работа? Стигна дома? Океј, топ. Раскомоти се и скролај за најновите вести од дигиталниот свет, во форма на #ПрегледВоПеток.

Пред да започнеме, следната недела има 2 многу добри конференции кои вредат да се посетат. Во среда (15.05) во Загреб, по четврти пат ќе се оддржи HitIt Digital, конференција на која се зборува за Google Adwords и Google Analytics. Овој пат има најмногу гости од „надвор” а организаторите велат дека ќе била најдобра до сега. Искрено, искустовото вели дека треба да им се верува. Веќе следниот ден, четврток и петок (16-17.05) се резервирани за Digital Day во Белград. Настанот традиционално организиран од IAB Србија, оваа година ќе се фокусира на доверба кон брендовите и медиуми и за предизвиците кои произлегуваат од улогата на брендовите, содржината и медиумите во животот на луѓето. Ако си заинтересиран за било која од овие конференции, побрзај и обезбеди си место!

А сега, прегледот…

Повеќе оригинални видеа на Facebook

Facebook пред некој ден најави низа промени во начинот на рангирање на видеата на платформата што ќе влијаат врз нивната популарност. Според новите насоки, Facebook ќе им даде предност на видеата што се фокусираат на оригинална содржина, што го задржуваат вниманието на корисниците.

Исто така Facebook изјави дека видеата на пејџови што се дел од т.н. Sharing Schemes ќе бидат рангирани многу ниско. Додека пак видеата кои привлекуваат лојална фан база ќе бидат “наградени”. Идејата позади овие промени е да се промовираат видеа што луѓето ги ценат, помагајќи им на видео креаторите да досегнат повеќе луѓе преку подобрена дистрибуција на видеа.

Со изјавата на YouTube дека нивната оригинална содржина ќе биде бесплатна до крајот на годинава, Facebook мора да работи на подобрување на својата. Тоа може да го направи само ако промовира видеа што се квалитетни, со оригинална содржина и кои фановите ги гледаат одново и одново и одново…

Проблемите на YouTube креаторите: Copyright claims & Trending section

Susan Wojcicki, CEO на YouTube, неодамна објави блог пост во кој пишуваше за проблемите и фрустрациите со кои се соочуваат креаторите. Прв, може и најголем, проблем се авторските права поради кои се отстрануваат рекламите од нивните видеа. Поплаки има и за “Trending” пејџот. Ништо ново, но блог постот на Wojcicki е прв во историјата некој со висока позиција во компанијата да ги адресира тие фрустрации во детали.

YouTube исто така планира да вклучи подетални насоки во однос на каков тип на содржина е “погоден” за огласувачите. Има многу комплексни правила што ги прави моментални насоки тешки за следење/почитување. Во последната точка од постот Wojcicki зборува за одлуката за отстранување на коментари од видеа во кои има деца. Откако се случи што се случи, голем дел од креаторите се жалат дека алгоритмот им брише коментари, но Wojcicki верува дека одлуката беше на место.

Google тестира линкови за директно купување под YouTube видеа

Под видеата на YouTube, Google тестира линкови за директно купување. Линкот пренасочува на Google Express за комплетирање на нарачката. Бројот на трговци на Express се зголемува и Google тоа го користи за тестирање на повеќе формати на shoppable ads. YouTube имаше слични иницијативи за продажба во минатото. Минатата година им овозможи на креаторите да линкуваат директно до нивните производи, па можеби тоа беше предвесник за овој потег на Google.

TikTok го менува начинот на кој ја конзумираме дигиталната содржина

TikTok за кратко време стана првата станица на пат кон иднината на социјалните мрежи. Она што ја прави TikTok различна од другите е начинот на кој работи. Ја симнуваш, ја пушташ и одма ти излегуваат 15-секундни видеа. Не треба да креираш профил, не треба да се поврзеш со Facebook, само отвори, скролај и гледај видеа. Бескрајно персонализиран алгоритам кој ти прикажува избрана видео содржина.

Начин на дистрибуција на содржината и креаторите на TikTok користи фундаментално различен пристап од она што го гледаме на интернет. Во апликацијата корисникот може да кликне на било кој дел и да добие увид во безброј видео клипови. Има и алгоритми кои прикажуваат препорачани трендови за следење. Во една реченица, TikTok совршено ја прати логиката на “free use of Internet”.

Живееме во време во кое нашата потреба се сведува само на конзумирање на содржина. Алгоритмот знае каква содржина ќе ни го задржи најдолго вниманието и тоа и ни го прикажува.

Alibaba Sans – фонт дизајниран за стандардизирање на UX на платформите на Alibaba

За да постигне стандардизација во дизајнот на многуте мали бизниси, Alibaba има свој фонт – Alibaba Sans, што ќе се користи за сè. Фонтот има 11 различни стилови, работи на 172 различни јазици и има 116,895 илјади кинески карактери. Alibaba Sans е наменет за сите мали бизниси кои немаат инвестирано или не можат да си дозволат да инвестираат во брендинг. Ова е одличен потег на компанијата за стандардизација на визуелното искуство на купувачите, а истовремено и начин за издигнување на дизајнот на сајтот во целост.

Бонус линкови

Тоа а сè за денешниот преглед во петок. Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.

Наместо со Marketoonist, денес ќе се обидеме да се поврземе со дизајнерите.

До следниот преглед во петок! 😉

34 #ПрегледВоПеток

Си стојам на зборот, идеме со нов преглед во петок.

I’m ready.

Изминатава недела се оддржа најважниот настан во текот на годината за Facebook, F8. Се дискутираше за иднината на … пааа воглавно Facebook, ама со тоа и за многу други работи… На дводневниот настан присуствуваа повеќе од 5,000 девелопери, креатори и претприемачи. Главната тема беше градење на платформа што ќе се фокусира на приватноста.

Бидејќи се најавија многу нови работи за време на F8, решивме овој преглед да го посветиме на оние вести што се најбитни за нас маркетерите.

Facebook ќе има редизајн со фокус на групи и настани

Facebook неодамна најави дека полека ќе го трга фокусот од News Feed, а после конференцијата добивме претстава што тоа значи. Во апдејтот кој Марки го нарекува “FB5”, Facebook ќе им даде посебно значење на групите и на настаните. Со ова ќе им обезбеди персонализиран фид на своите корисници од групите кои ги следат, наместо од нивните пријатели.

Редизајнот исто така е предвиден да им помогне на корисниците да го прошират својот круг на пријатели. Ќе видиме и нова опција наречена “Meet New Friends”, која ќе им помогне на корисниците со слични интереси да се поврзат. Ќе биде и полесно да видиме што настани се случуваат во наша близина. Мобилната апликација на Android и iOS веќе има апдејт, а десктоп верзиајта ќе биде апдејтирана во текот на следните месеци.

Instagram има нови филтри за камера и помалку видливи лајкови

Instagram има репутација како еднa од “најдружељубивите” платформи на интернетот, но исто така и најкомпетитивна. Затоа Facebook нуди повеќе начини на интеракција со следбениците, додека од друга страна го трга фокусот од статистиките кои можеби ги доведуваат корисниците под стрес. Ќе има апдејт на интерфејсот на камерата и ќе видиме нова опција “Create Mode”, која ќе служи за полесно споделување на содржина што не е слика или видео, како квизовите. Instagram работи и на опција што дозволува купување преку самата апликација. Покрај компаниите, опцијата ќе може да ја користат и уметници, спортистите и други креатори кои имаат свој бизнис.

Во меѓувреме, Instagram тестира систем што нема да ги покажува лајковите на прва. Ова е со цел корисниците да се “фокусираат на содржината што ја споделуваш, а не колку лајкови ќе собереш”. Опцијата се тестира во Канада, а ако се покаже доволно популарна, ќе ја видиме и во други држави.

Facebook Messenger ќе се фокусира на “Close Friends”

Facebook исто така ќе го редизајнира и Messenger како дел од промените за подобра поврзаност со пријателите. Ќе може да напишеш статус или да споделиш слики со најблиските, со можност за полесно организирање на дружби надвор од интернет.

Messenger всушност ќе добие еден голем рефреш. На iOS апликацијата ќе биде оптимизирана да зафаќа помалку простор на телефонот. Новата верзија ќе биде помалку од 30MB, што е околу 20% од моменталната верзија. А ако користиш Messenger на десктоп, Facebook за подоцна годинава најави и десктоп апликации за Mac и PC.

Промени има и во позадинските делови кај пристапот кој го добиваат четботовите. Почнува да го стега ременот и тука Facebook, се разбира со цел, да отвори повеќе простор за заработка, односно за спонзорирани пораки.

Facebook ќе ти помогне да се смуваш со симпатијата

На ланската F8 конференција Facebook најави дејтинг платформа. На овогодинешната конференција најави дека Facebook Dating ќе биде достапна во уште 14 други земји. Ииии, ќе видиме нова опција “Secret Crush”, што ќе прави тоа што го очекуваш. Ќе можеш да направиш тајна листа на Facebook пријатели што ти се допаѓаат, без разлика дали имаат дејтинг профил или не. Ако и твојата симпатија користи Secret Crush и те стави во нивната листа, Facebook ќе ве извести и двајцата дека се мечнавте.

Марки призна дека многу луѓе не му веруваат на Facebook и дека Facebook им дал многу добри причини за тоа. Но исто така ги потенцираше сите начини на кои Facebook, Instagram и WhatsApp ќе помогнат да се поврзеш со оние кои ги сакаш.

Facebook F8 Supercut

Бонус линкови

Тука го завршуваме денешниот преглед во петок. Се надевам дека ти се допадна идејата за краток recap на F8. Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.

Се читаме во следниот преглед во петок. 😉

33 #ПрегледВоПеток

Еве сме со празничен преглед во петок, во сабота.

1. Facebook додаде “Cost Cap Bidding”

Отсега ќе имаме поедноставена навигација, “почист” дизајн и подобар UX во менаџирањето на кампањи во Ads Manager. Во новата верзија исто така има и нова опција за “cost cap bidding”, дизајнирана да ги подобри ефикасноста и резултатите од кампањи. Ова значи дека ќе можеме да поставиме максимум CPA (cost per action) кој потоа системот на Facebook ќе го оптимизира, што може да придонесе за подобри резултати. Овие промени се дел од серијата подобрувања на Facebook алатките кои ги користиме секој ден.

2. Полесно лајкување на твитови во новата “twttr” прототип апликација

Во последната верија на twttr корисниците можат да свајпаат од десно кон лево на било кој твит за да го лајкнат. Претходно овој гест функционираше само на твитови во конверзација, каде копчињата за интеракција беа скриени. Со новата промена можеш да свајпаш во табот со нотификации, на твојот профил, дури и кај резултатите од пребарување. Копчето за лајк е доста ценето од корисниците на Твитер така што се очекува френкфенцијата на лајкување да се зголеми со овој гест. Колку е поразличен процесот на развој кога се работи за она што сакат Twitter корисниците, а не CEO-то.

3. Маркетерите го преценуваат влијанието на микроинфлуенсерите

Според истражување спроведено од Econsultancy, 55% од маркетерите веруваат дека микроинфлуенсерите имаат подобра поврзаност со нивните следбеници, а 61% од потрошувачите рекле дека овој тип на инфлуенсери објавуваат содржина со која лесно можат да се поврзат.

Но дали микроинфлуенсерите можат колективно да донесат поефективни резултати отколку големите имиња? Според резултатите од едно истражување кое ги опфаќа најкомпетитивните брендови во индустријата на производи за убавина, одговорот е не. Брендовите дошле до заклучок дека микроинфлуенсерите не успеваат да воспостават значителен досег, дури и како група. Брендовите кои биле опфатени во истражувањето – L’Oréal Paris, Estée Lauder, Glossier and Pulp Riot – генерирале само 10% досег од микроинфлуенсери. Податоците покажуваат дека микроинфлуенсерите придонеле за 67% до 82% повеќе social mentions за брендовите. Но тоа не е исто што и досег и интеракции.

Со други зборови, микроинфлуенсерите не се замена за мегаинфлуенсерите, но ако се користат стратешки, имаат потенцијална вредност која може да се искористи.

4. Дигитална поделба помеѓу луѓе кои се дел од алгоритми и луѓе кои не се

Голем дел од луѓето повеќе им веруваат на платформи и алгоритми отколку на сопствената влада и општество. Според едно истражување луѓето толку многу ги “ценат” алгоритмите што веруваат на совети од алгоритми отколку од човек. Во минатото, експертите за технологија беа загрижени за “дигитална поделба” помеѓу оние кои знаат да користат компјутер и интернет и оние кои не знаат. Но како што дигиталните уреди прогресираат во технологијата, поделбата не е повеќе за кој има пристап.

Како се справуваат луѓето со толку многу информации и алгоритми кои го диктираат секој аспект од нивниот живот? Итрите корисници се држат настрана и се свесни за влијанието на алгоритмите врз нивниот живот. Во меѓувреме, потрошувачите кои имаат помалку информации се потпираат на алгоритми да им помогнат во донесувањето одлуки. Главната причина за оваа дигитална поделба е дека многу мал дел од луѓето разбираат како алгоритмите функционираат.

Дали треба да останеш конектиран – или да се исклучиш?

Новата “дигитална писменост” не значи користење на компјутер или интернет туку разбирање и проценување на последиците од животниот стил во кој си постојано онлајн. Да не си дел од нечиј алгоритам е луксуз, а еден ден може да биде и симбол на богатство достапно само за неколкумина. Прашањето тогаш ќе биде што со оние кои ќе се најдат на погрешната страна од дигиталната поделба.

Бонус линкови

Тоа е сè од овој петочки преглед во сабота. Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.

Се читаме во следниот преглед во петок. Петок, не сабота. 😉

32 #ПрегледВоПеток

Со сигурност можам да ти кажам да си ги заокружиш петоците во календарот затоа што не отстапуваме од неделната доза новости во дигиталниот свет. Еве што издвоивме за овој преглед во петок.

1. Facebook новости, 3во1

Враќање на четовите во главната Facebook апликација

Facebook прави тест во кој четовите од месенџер не се отвораат во Messenger туку остануваат во главната апликација. Т.н. “Chat” опција ги нема сите функционалности како Messenger, но ќе им овозможи на корисниците да се допишуваат без да ја напуштат Facebook апликацијата. Сигурно се сеќаваш дека на почетокот четовите беа интегрирани во главната платформа. Во 2014та ги пренасочија во Messenger, принудувајќи ги корисниците да ја преземат апликацијата за да се допишуваат со нивните пријатели. Тоа за Facebook значеше нова, мулти-милионска (сега веќе билионска) платформа на корисници, но исто така беше (и сè уште е) и мета на критики и лоши ривјуа. Со новите промени во однос на приватното допишување и интегрирање на платформите за четување, Facebook се враќа на старите добри практики. Уште нема официјални информации за кога и дали воопшто би се случил овој апдејт. Штом дознаеме, ќе пишеме тука во некој следен #ПрегледВоПеток.

Facebook тестира “swipeable” News Feed

Тимот на Facebook тестира нов дизајн на News Feed во кои корисниците ќе може да свајпаат објави на нивниот фид, исто како на Stories. Facebook потврди дека експериментира со овој хибриден News Feed/Stories пристап, но е во рана фаза на развој. Facebook Stories не се нешто многу популарни. Само 300 милиони корисници ги користат дневно, што не е ни 10% од вкупната база корисници на Facebook. Ако само 300 милиони корисници користат Facebook Stories, тогаш што значи тоа за интеракциите на News Feed? Бројката опаѓа, а ако има 1.5 билиони активни корисници на дневно ниво и интеракциите на Stories растат најбрзо, без разлика што Stories користат само мал дел од корисници, тогаш тоа кажува дека проблеми се во News Feed. Корисниците губат интерес во главниот фид и бараат други опции. Вакви слични тестови правеше и Instagram ама сега за сега не видовмефинална имплементација.

Нови опции за објавување 3D слики на Facebook

Facebook најави три нови опции за 3D слики.
Прво, корисниците ќе можат да ги споделуваат 3D слики и на Facebook Stories. Исто како кога ги споделуваш на News Feed, ќе можеш да видиш кој ја видел сликата, кој реагирал и кој ти пишал. Единствената разлика е што Stories се достапни само 24 часа.
Второ, Facebook ќе овозможи опција за споделување на 3D слики од десктоп компјутер. Ова е комплициран технички процес, но за оние кои сакаат да ја користат оваа опција ќе значи сосема нов вид на визуелна комуникација.
Трето и последно, Facebook ќе додаде и поддршка за креирање 3D слики за Android. Функцијата ќе биде лимитирана поради потребата за подобри сетапи за мобилна камера, но како што корисниците ќе се префрлуваат кон понови модели на мобилни телефони, така ќе гледаме повеќе 3D објави на Facebook.
3D објавите се уште еден чекор кон следната генерација на споделување на социјалните мрежи.

2. Instagram размислува за криење на бројот на лајкови на објавите

Instagram сака твоите следбеници да се фокусираат на тоа што го споделуваш, а не колку лајкови имаш на објавите. Само тој што ја споделил објавата ќе може да види колку лајкови има. Instagram ја нема тестирано оваа опција, но истражува начини како да го намали притисокот на Instagram а криење на бројот на лајкови е еден од начините. Ако ова се случи тоа ќе биде оооогромна промена за Instagram. Не знам некој што не е на Инстаграм заради лајковите…

3. LinkedIn додаде опција за “реагирање” на објави

LinkedIn додаде четири нови реакции што корисниците можат да ги користат за интеракција со објавите на нивниот тајмлајн.

Не е тајна дека LinkedIn никогаш не реагира брзо на новите трендови. Но ова покажува дека се свесни дека треба да им понудат на своите корисници нешто што ќе ја направи платформата динамична и што ќе предизвика интеракции (повеќе споделување на објави). За LinkedIn да ги задржи постоечките корисници и да продолжи да ја зголемува базата на корисници, дури и најмалите додатоци како оваа опција може да направи разлика.

4. Што не е во ред со лендинг (целни) страниците

Лендинг страниците постојат затоа што раскажуваат приказна. Дали таа приказна е успешно раскажана зависи од многу фактори. Традиционално, највредните делови се насловот, едноставните слики, набројувањата, CTAs, илустрациите и тонот на брендот. Сите овие фактори се сметаат како рецепт за ефективна лендинг страница. Но, нема формални правила за правење на успешна лендинг страница. Па каде е проблемот, што не е во ред со лендинг страниците кога не конвертираат?

Бонус линкови

Го завршивме и овој преглед во петок. Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.

До следниот преглед во петок. 🙂

31 #ПрегледВоПеток

Убаво е чувството кога ќе си фатиш рутина. Се враќаме во програма со уште еден преглед во петок.

1. Нови мерки на Facebook за спречување на штетна содржина

Пред два дена Facebook најави дека ќе воведе нови правила и алатки дизајнирани со цел да спречат ширење дезинформации и штетна содржина на платформата. Јасно е дека нема во целост да можат да го спречат ширењето на злонамерна содржина на Facebook. Но овие чекори се значајни, можеби и најзначајните за Facebook до сега.

Пенали за Facebook групи што шират дезинформации

Facebook постојано детектира најразлични типови на штетна содржина, а се објавува во групи, уште пред некој да ја пријави, без разлика дали станува збор за објава во јавна, затворена или тајна група. Како додаток на ова, со новите регулации Facebook ќе имплементира пенали за групи што шират дезинформации, дури и во случај да не ги нарушува стандардите.

Нов фактор “Click-Gap” во News Feed

Со цел подобро одредување на содржината што се споделува на платформата, Facebook најави нов фактор во News Feed наречен Click-Gap. Click-Gap ќе ги лови сите извори на информации што навидум личат на веродостојни, а не потекнуваат од такви. Ова можат да бидат лоши вести за fringe сајтови што ја оптимизираат својата содржина да стане вирална на Facebook. Имплементацијата на Click-Gap може да има значајно влијание, особено затоа што е вграден во самиот алгоритам.

Верификување факти, досег на Instagram и верификација на Messenger

За верификување на факти Марки побара помош од Владата на САД. Facebook не треба да биде единствениот арбитер за тоа што е факт, а што не. Во однос на Instagram, Facebook почна да воведува рестрикција во досегот на потенцијално штетна содржина со цел поголема контрола врз она што се споделува таму. И во однос на Messenger, Facebook ќе воведе нови verification badges со цел да се спречи креирање лажни профили.

Останува да видиме како ќе се одразат сите овие промени на Facebook.

2. YouTube работи на Choose-Your-Own-Adventure програми

YouTube работи на нов storytelling формат што би можело да резултира во зголемен број на гледачи и продажба на реклами. Susanne Daniels, која е главна на одделот за оригинално програмирање на YouTube, вели дека имаат нови алатки и можности за креирање и раскажување на интерактивни приказни. YouTube веќе има експериментирано со интерактивни реклами. Но интерактивно прокрамирање – со повеќе опции за одвивање на една приказна – бара многу поголема инвестиција. Како дел од новата стратегија, YouTube го реструктурира целиот оддел за програмирање.

3. Нов дизајн на Firefox Mobile за леваци

Мобилната верзија на Firefox е првиот браузер што имплементираше опција за сурфање за леваци. Оваа опција се наоѓа во листата на преференци и им овозможува на корисниците да го подесат браузерот така што елементите на десно доаѓаат на лево и обратно. Текстот останува порамнет и сликите не се менуваат. Со репозиционирање на елементите деловите што можат да се кликнат стануваат полесно достапни. Се тоа супер, ама најголемите грижи се јавуваат во однос на тоа како останатите браузери ќе изберат да го интерпретираат она што е препорачано – а нема формална препорака или guidelines, па така можеме да очекуваме многу различни интерпретации. Дизајнерите и девелоперите треба да работат заедно за да се осигураат дека се подготвени за оваа промена.

4. DeviantArt доби нов дизајн

DeviantArt, дом на најголемата заедница за уметност на светот, полека почна да ја воведува Eclipse платформата во бета тест. Оваа недела платформата беше пуштена на поголема група на корисници. DeviantArt постои скоро 20 години, а Eclipse апдејтот има за цел да му даде модерен и естетски мејковер. Нема веќе нијанзи на маслинесто зелена што го карактеризираа сајтот со години. Наместо тоа, сега DeviantArt има темен и sleek дизајн. Како дел од оваа заедница повеќе од 10 години можам да кажам дека редизајнот беше долго очекуван и изгледа бонбона.

5. KFC креираше “виртуелен инфлуенсер” Colonel Sanders

Сите знаеме дека инфлуенсерите можат да бидат проблематични. Да, имаат голема база на фанови и знаат да направат јака фотка за Instagram, ама исто така знаат и да прават грешки кои ги загрижуваат нивните спонзори. Токму поради тоа некои компании размислуваат за виртуелни инфлуенсери бидејќи така ќе бидат сигурни дека брендот кој го застапуваат ќе биде заштитен. KFC реши да се вклучи во акцијата со креирање на фиктивен фешниста со духот на единствениот Coloner Sanders. Тој го презема Instagram профилот на KFC и го покажа својот стил на живеење, кажа многу инспиративни работи и едноставно уживаше во придобивките на виртуелен инфлуенсер. Дури има и медиа кит. Какви креативни легенди.

Бонус линкови

Завршивме и со денешниот преглед во петок. Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.

Се читаме во следниот преглед во петок. 😉

30 #ПрегледВоПеток

Го почнуваме месец април со 30-тиот преглед во петок!

1. Google полни 15 години

Дали можеш да поверуваш дека Google полни 15 години? Во таа чест, Google најави уште 2 нови надоградби за Gmail, како надополнување на онаа за интеракција со мејловите директно во инбокс од минатата недела. Прво ќе видиме надоградба на опцијата “Smart Compose”, алатката која многу ни помогна во комуникацијата преку мејл, особено кога си во движење. Со новиот апдејт оваа опција ќе нуди уште поперсонализирани сугестии.

Ќе видиме и нова опција за закажување на мејлови. Ова е одлично за оние кои работат во различни временски зони со работодавачот или пак ако не сакаш да пречиш некому за време на одмор. Ова се само мали надоградби, но може да имаат големо влијание и да помогнат во побрзо одговарање на мејлови, одговарање на поавтентичен начин и планирање на мејловите да бидат пратени во вистинското време.

2. Најдени се податоци за 540 милиони Facebook корисници на јавни сервери

Facebook баш и не ја почна најдобро годинава, а се чини како да им оди полошо и полошо секоја недела. Истражувачи од UpGuard изјавија дека нашле податоци за стотици милиони Facebook корисници на јавни сервери за складирање податоци.

Најдени се 2 сета од кои поголемиот доаѓа од фирма во Мексико под името Cultura Colectiva. Складирани се 146GB на податоци за активност на корисниците, имиња на корисничките сметки и лични податоци на 540 милиони Facebook корисници. Сличен сет на податоци бил најден и за апликација наречена “At the Pool”. Иако овој сет е помал, во него имало многу лични податоци, вклучувајќи и 22,000 лозинки наводно користени за апликацијата.

Не се знае колку долго податоците биле достапни за јавноста или кој сè имал пристап до нив. Двата сета биле најдени на сервери на Amazon cloud и истите биле избришани откако Facebook бил контактиран. Сè уште стои прашањето – каде патуваат податоците за корисниците откако ќе бидат прибрани од Facebook апликации?

3. Зошто го гледам овој пост?

Пред 4 дена Facebook најави дека ќе додаде нова опција на News Feed наречена “Why am I seeing this post?”, слично со “Why am I seeing this ad?”. Новата алатка има drop-down мени со информации за тоа зошто објавата е во фидот на корисникот. Оваа алатка е наменета да им пружи на корисниците поголема транспарентност во однос на тоа како алгоритмот за News Feed работи. Но дали е тоа доволно да ги задржи своите корисници и да привлече нови, особено покрај сите други настани?

4. Econsultancy ги тестираше новите Responsive Search Ads на Google

Најактуелната промена кај Google Ads е најавата за Responsive Search Ads (RSAs). За да се увериш дали се вистинскиот избор за твојот бренд или клиент, треба да ги тестираш. Econsultancy направи ригорозни тестови на овој тип на Responsive Search Ads и дојде до многу интересни откритија.

Првиот тест бил базиран на 939 илјади импресии. Податоците покажале дека скоро секогаш Google ќе прикажува реклами што не се пинувани (ако ја има таа опција) иако пинувањето било сугерирано во најавата на бета верзијата. Бројката на RSAs кампањи што донеле подобри резултати била многу мала во однос на Expanded Text Ads (ETAs).

Вториот тест бил базиран на 1.33 милиони импресии. Ова мало зголемување на бројот на импресии резултирало во значително подобри резултати за RSAs во однос на CTR и CVR. Главната разлика кај вториот тест бил фактот што ја искористиле опцијата за пинување на првиот наслов за сите реклами што ги тестирале. Google вели дека сите наслови треба да бидат кроени според тоа што пребаруваат корисниците, така што нема потреба за пинување на насловите.

Оваа опција е се уште во бета верзија и ќе следуваат измени во истата со цел подобри резултати. Google исто така изјави дека RSAs треба да се гледаат како додаток на ETAs, а не како реклами што носат подобри резултати.

5. Пет пати прашај, пет пати одговори

“5 Whys” е метод кој се користи за продлабочување во “cause-and-effect” на некој проблем. Функционира на тој начин што постојано го поставуваш прашањето “зошто?” додека не дојдеш до изворот на проблемот. Оваа техника се користи и за подобро разбирање на некоја одлука поврзана со дизајн… или за излудување на луѓето.

6. Дали респонзивниот дизајн е мртов?

Дали и ти се нервираш кога некој ќе ти рече дека направил респонзивен дизајн, а всушност нема ни р од респонзивен? Океј, технички Е респонзивен, но ја има најмрзеливата форма на респонзивност. Можеш да го видиш сајтот на мобилен, ама дали функционира како што треба? Најверојатно не. Ова е резултат на стариот менталитет “desktop-first” каде што сајтовите се дизајнирани за големи екрани и после скалирани за помали. Тука се и оние со менталитетот “mobile-first”. Тие до некаде ги разбирам, но и тоа не е решение за секој проект. Респонзивниот дизајн треба да биде многу повеќе!

Бонус линкови

Тука го завршуваме и 30-тиот преглед во петок. Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.

До следниот преглед во петок. 🙂

29 #ПрегледВоПеток

Денес е 29ти март, одличен ден за 29тиот преглед во петок!

1. Нови рестрикции во таргетирањето на Facebook реклами

Facebook изјави дека ќе отстрани дел од параметрите за таргетирање, како што се возраст, пол и поштенски број, за реклами за домување, вработување и кредити. Мерките кои ги презема Facebook беа поттикнати од тужбата на повеќе организации во САД. National Fair Housing Alliance, the Communications Workers of America, и други, тврдат дека биле прекршени повеќе закони и акти. Facebook е под притисок околку ваквите реклами уште од 2016та, кога во извештај од ProPublica се дозна дека Facebook им дозволува на маркетерите да “исклучат” одредени групи на корисници врз основа на нивната етничка припадност. Иако не е точно со зборовите “етничка припадност”, Facebook има критериум наречен “ethnic affinity”. По објавување на извештајот, Facebook изјави дека ја остранува оваа опција. Пред помалку од две недели, Facebook постигна договор со организациите. Ќе бидат елиминирани дополнителните опции за таргетирање што им овозможуваат на маркетерите да објавуваат дискриминирачки реклами.

2. Сега сите ќе знаеме колку троши Trump на Facebook реклами

Вчера Facebook ја пушти во јавност новата “библиотека на реклами” (Ad Library) како одговор на ветувањето дека ќе ја зголеми транспарентноста откако голем број Facebook реклами беа искористени со цел да влијаат врз претседателските избори во САД во 2016та. Со опцијата за пребарување во оваа транспарентна библиотека, можеме да видиме колку пари трошат политичарите на рекламирање. Можеш да видиш колку пари потрошил Trump на реклами во последната година, кои пејџови пуштаат реклами во кои се зборува за имиграција или пак кои се претходните имиња на некој пејџ. За реклами кои не се поврзани со политика, опциите за таргетирање, буџет и трошење пари не се достапни. Подобрената транспарентност се очекува да игра голема улога во брзо и навремено спречување на дезинформации, дискриминирачки пораки, поларизација. Она што е најинтересно е дека можеш да имаш пристап до библиотеката и извештаите дури и ако немаш Facebook акаунт.

3. Веб страна ли е, Gmail ли е

Google најави голема надоградба на Gmail што ќе ни овозможи да имаме интеракција со мејловите директно во инбокс. Исто како да сме на некоја веб страна, ќе можеме да пребаруваме, да пополнуваме форми, да разгледуваме хотели. Ова може да значи поголема ефикасност во работата со мејл. На пример, би можел да одговориш на коментар напишан во Google Doc без воопшто да ја отвориш апликацијата. Би можел да означиш кои работни обврски се завршени или да ги делегираш на колега директно од нотификацијата на мејл. Ова се одлични вести и за нас маркетерите бидејќи сега ќе можеме да ги персонализираме пораките уште повеќе. Ако испратиш каталог со производи, пораката може да вклучува и carousel од производите со информации за оние кои се достапни во моментот или кога се на попуст. Ќе биде интересно да видиме дали ова ќе стане глобален стандард за сите компании кои нудат мејл услуги.

4. Луѓето преферираат да споделуваат содржина на “dark social”

Повеќе од 3000 возрасни интернет корисници во САД и Велика Британија беа анкетирани од GlobalWebIndex и We Are Social во истражување за зголемениот интерес на “dark” апликациите за четување. Дури 63% од испитаниците преферираат да користат вакви канали за споделување на содржина и препораки. Ова поместување во однесувањето на потрошувачите ни кажува дека голем дел од маркетингот доаѓа од социјалните мрежи, специфично од dark social. Маркетерите ќе треба да ја оптимизираат содржината така што ќе биде лесна за споделување. Популарноста на приватните канали станува сè поголема затоа што корисниците се сметаат послободни (неосудувани) кога ќе споделат нешто приватно, отколку кога ќе споделат нешто со јавноста.

5. Twitter лансираше уште подаркерски “Dark Mode”

Твитерџиите добија уште потемен “Dark Mode” откако голем број корисници се пожалија дека првичниот мод не беше доволно темен и дека беше тежок на очи на слаба светлина. Twitter исто најави дека експанзијата на dark mode опциите ќе ја отвори вратата кон градење на попристапни палети на бои и алатки во иднина. Ова е интересна вест, особено ако си запознаен со најновата “измама” на Twitter. Ако не си, ќе ти раскажам на кратко. Неколку корисници ширеа дезинформации дека ако ја смениш годината на раѓање во 2007ма, ќе добиеш нова палета на бои за твојот профил. Plot twist, наместо палета на бои, ќе бидеш заклучен од твојот акаунт затоа што си под 13 години (лимит на возраст за користење на Twitter).

Бонус линкови

Со ова го завршуваме денешниот преглед во петок. Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.

Се читаме и во следниот преглед во петок, исто време, исто место. 😉

28 #ПрегледВоПеток

Уште една работна недела позади нас, уште еден преглед во петок во нашата збирка!

1. Неадекватно чување на милиони лозинки на Facebook

“Како дел од рутинската постапка за испитување на безбедноста, направена во Јануари годинава, приметивме дека лозинките на дел од корисниците се зачувани во читлив формат во нашиот систем за зачувување податоци.”, изјави Facebook вчера. Тој “читлив” формат е всушност обичен текст. Системите за најава се дизајнирани да ги “маскираат” лозинките, но сите знаеме колку лесно лозинките може да се најдат на листите на хакерите, особено после ваков пропуст на Facebook. За среќа проблемот е решен, а корисниците чија лозинка била зачувана на овој начин ќе бидат известени. Facebook се изјасни дека лозинките не биле споделени надвор од мрежата и дека не се најдени докази за злоупотреба на истите од страна на вработените. Се чини дека кај Марки е многу забавно, со оглед дека секоја недела читаме за нешто “неисправно” со Facebook.

2. Купувај директно преку Instagram

Корисниците на Instagram кои кликаат на таговите за производи на објави поврзани со шопинг, сега ќе можат да ги купат тие производи без воопшто да ја напуштат апликацијата. “Checkout with Instagram” го имаше своето деби во САД пред 3 дена со повеќе од 20 светски брендови, меѓу кои Adidas, Nike, H&M и Zara. Instagram изјави дека планира да воведе провизија за продавачите, чија што висина сè уште не е позната. Сега за сега, опцијата за купување ќе биде достапна само на органски објави, не и на реклами. Овој потег ветува зголемен профит за Instagram поради малиот број на чекори пред самото купување на производот. Тоа е доволно да ги убеди брендовите дека ќе уживаат во подобар ROI со Instagram. По првото внесување на податоците за плаќање, истите ќе бидат зачувани во систем и корисниците ќе можат да пазарат без потребата за повторно најавување или внесување на податоци за наплата.

3. Instagram – бр. 1 платформа за инфлуенсери

Според новото истражување на Rakuten Marketing, Instagram го надмина YouTube и стана број 1 платформа за инфлуенсери. Компанијата анкетираше 3500 корисници и 700 маркетери на глобално ниво, 65% од кои изјавиле дека Instagram е социјалната мрежа каде што следат најголем број на инфлуенсери. YouTube и Facebook се блиску, со 62%. Истражувањето исто така опфати како инфлуенсерите помогнале во движење на корисниците кон купување производ. Дури 4 од 5 потрошувачи изјавиле дека купиле производ откако бил препорачан од инфлуенсер. Порано, маркетерите сметаа дека инфлуенсерите имаа влијание само на ниво на рекламирање на брендот, но ништо повеќе од тоа. Купувачите сега велат дека ќе кликнат на промотивниот материјал објавен од инфлуенсерот и ќе го купат производот ако им одговара.

4. Нападот во Нов Зеланд и темната страна на социјалните мрежи

Минатиот викенд Нов Зеланд претрпе голема трагедија кога вооружениот напад на само еден човек резултираше во повеќе од 100 жртви, меѓу кои 50 загинати. За самиот напад нема да дискутираме, но една работа го обележи нападот и укажа на тоа како нашата зависност од социјалните мрежи може да биде искористена за ужасни работи. Верувам дека напаѓачот било добро запознаен со тоа како функционира интернетот бидејќи секој аспект од овој напад е скроен со цел нападот да се шири на социјалните мрежи. Самиот напад беше пренесен во живо на Facebook и YouTube, а некој од медиумите подоцна го споделија и на нивните фан страни. Facebook вели дека тргнал повеќе од милион различни верзии на видеото, но корисниците повторно го објавуваат. Ова е многу бизарно бидејќи се чини како да е направена SEO оптимизација на нападот.

5. Еволуцијата на визуелниот дизајн

Се сеќаваш на времето кога дизајните беа шарени, смели, различни? Со тек на време таквите дизајни излегоа од мода. Дизајнерите почнаа да се фокусираат на рамни (flat) и минималистички дизајни. Термините “рамен” дизајн и “минимализам” често се користат заедно. Минимализмот е дел од рамниот дизајн и се фокусира на отстранува сè што е нерелевантно во композицијата. Но зошто се движиме кон рамен дизајн? Нашите навики на апсорбирање на содржината се менуваат и се зголемува бројот на уреди со различна големина на дисплеј. Рамниот дизајн решава многу проблеми кои постоеа кај дизајните во минатото, најголемиот од нив неразбирливоста на дизајнот. Иако рамниот дизајн почнува да станува малку генерички, се прават адаптации во однос на тековните трендови, што значи дека најверојатно ќе видиме некои измени во овој стил.

6. Како до едноставен дизајн?

Компаниите постојано пробуваат да направат што поедноставни производи што се лесни за користење. Повеќе опции, нови технологии, а сепак во формат што е лесен и едноставен за употреба. Понекогаш да се направи нешто да биде едноставно е најтешката работа. Сакаш да дознаеш како да ги примениш принципите на едноставниот дизајн за твојот производ? Тука сме за тебе со листа на 20+ илустрирани примери кои ќе ти помогнат за поедноставување на твојот дизајн.

Бонус линкови

Тука ставаме крај на денешниот преглед во петок. Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.

Сега веќе се чувствувам самоуверено да ти ветам дека се читаме во следниот преглед во петок! 😉

27 #ПрегледВоПеток

Време е за преглед во петок!

1. Facebook ќе се фокусира на приватноста

Изминатата недела, Марки објави текст во кој зборува за нова визија за социјалните мрежи која ќе се фокусира на приватноста. Што ќе значи ова за брендовите и платформата? Веќе подолго време го чувствуваме “падот” на социјалните мрежи. Иако големите брендови ќе останат релевантни, помалите бизниси се во постојана потрага по други начини за поврзување со публиката. Без податоците кои Facebook сега ги користи за таргетирање, како ќе има монетизација на платформата? Модел на претплата е еден начин, но не верувам дека ова ќе се случи. Можеме да очекуваме контролиран пристап на брендовите, а фактот што брендовите сега може да се вклучат во приватни Facebook групи (кога ќе им биде одобрен пристап) е само првиот чекор. Брендовите, маркетерите и агенциите ќе треба да смислат нова стратегија која ќе се фокусира на поврзување со публиката во “private social environments”.

2. Моделот на Google Ads се менува од second во first-price auction

Google прави промени во дел од својот систем што најверојатно ќе резултира во повисоки цени за рекламирање. “Со поедноставување на наддавањето во Ad Manager, корисниците ќе добијат подобри резултати во рекламирањето.”, изјави Google во блог пост изминатата недела. Ова е голем и ризичен потег со оглед на тоа дека Google со години работи на second-price auction моделот. Бидејќи промената ќе бара да се направат промени во стратегијата и од двете страни (купувачите и продавачите), Google ќе премине во first-price auction моделот за неколку месеци со цел да имаме време да се подготвиме и прилагодиме за тоа што следи. Оваа промена нема да има влијание на рекламите на Google Search, AdSense for Search и YouTubе. За почеток ќе се тестира само преку нивната DoubleClick платформа.

3. Алгоритмите (ќе) го управуваат светот!

Постојано сме опкружени со алгоритми, во сѐ што правиме, од сурфање на интернет до донесување на финансиски одлуки. Многу истражувачи веруваат дека со тек на време улогите на информатичката технологија и луѓето се имаат сменето. Dionysios Dementis, професор на Hull University во Англија, го пишува следново. “Во минатото, ние луѓето ја користевме технологијата како алатка. Сега, технологијата е толку напредна што нè користи и контролира нас.“. Demetis вели дека алгоритмите и машините имаат големо влијание врз нас и нивното однесување може да биде непредвидливо. Изборот да им се препушти носењето на одлуки на машините може да доведе до доминација на машините, според Demetis. Треба да одлучиме што значи ова за нас како индивидуалци и како општество. Додека сè уште можеме.

4. Nutella тестира voice commerce

Nutella е една од првите компании во САД што ја користи апликацијата “send me a sample”. Оваа апликација доставува бесплатна тегличка Nutella крем на луѓето кои ја имаат инсталирано на нивните Amazon или Google voice assistants. Кога некој ќе каже “send me a sample” од нешто (името на брендот), апликацијата прави нарачка и зема информации за достава од Amazon или Google корисничката сметка што е поврзана. Гласовното пребарување, и општо користење на апликации со помош на твојот глас, станува многу популарно и многумина веруваат дека за кратко време ќе има големо влијание врз купувачите.

5. Кажи НЕ за малите фонтови!

Многу луѓе забораваат дека фонтот не се адаптира на големината на екранот на телефонот кога ќе ги објават нивните зборови како слика. Ова е најголемото злодело на сите ресторани и нивните менија. Зошто да одам на веб страната на некој ресторан ако на крајот завршам на PDF фајл од менито кое има фонт со големина на атом? Не мора да биде вака. Не треба да биде вака.

Бонус линкови

Овде завршува денешното издание на преглед во петок. Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.

До следниот преглед во петок! 🙂

26 #ПрегледВоПеток

Денес е убав ден за убав повод. До сите дами што нè читаат, среќен 8ми март! И оваа недела не отстапуваме со неделниот преглед во петок. Да почнеме. 🙂

Што нè чека денес

1. Напредна опција за пребарување на WhatsApp

Верувам дека до сега си добро запознаен/а дека Марки планира интеграција на чет сервисите на WhatsApp, Instagram и Facebook. Во овој контекст, платформите ќе добијат неколку апдејти со цел подобар UX. WhatsApp конкретно ќе добие алатка за пребарување преку која корисниците многу брзо и лесно ќе најдат тоа што го бараат. Оваа опција постои и сега и може да се пребарува само врз основа на зборови кои ги има во четот. Со новиот апдејт, пребарувањето ќе биде понапредно и поделено во неколку категории. Ова ќе биде многу полезно ако, на пример, бараш видео а не знаеш кое. Ќе може да се пребаруваат фотки, гифови, видеа, документи и аудио пораки. Исто така ќе има и пребарување на веб линкови што ќе биде од голема корист ако не се сеќаваш кој што испратил или ако сакаш детална слика од што сè било испратено во четот.

2. Twitter опција за криење на коментари на твитови

Пред неколку дена Twitter најави дека работи на опција за криење на твитови обајвени како коментар на твој твит. Оваа опција драстично ќе го промени начинот на кој корисниците ќе добијат контрола врз дискусиите кои ги креираат на платформата. Нема бришење туѓи твитови, но коментарите кои ќе бидат скриени ќе биде тешко да се најдат во случај оној кој ја започнал дискусијата да сака да ја заштити истата од недолични или негативни твитови. На овој начин Twitter ќе балансира PE (product experience) помеѓу оригиналниот твитерџија и публиката. Опцијата за криење на твитови е еден начин на испраќање порака до твоите следбеници дека дискусијата станала токсична или надвор од темата. Останува да видиме како твитерџиите ќе реагираат на овој апдејт.

3. Данок за користење социјални мрежи и плаќање преку мобилен

Повеќе од милион луѓе во Уганда прекинаа да ги користат социјалните мрежи откако се воведе данок за користење на истите и за трансакции направени преку мобилен. За користење на социјалните мрежи, како Facebook, WhatsApp или Twitter, од луѓето во Уганда се очекува да платат данок од 200 шилинзи (2,94 денари) на ден. За само три месеци, бројот на интернет корисници падна за повеќе од 2.5 милиони. Оваа бројка створи страв за влијанието врз економијата во Уганда. Има помалку од две години до следните претседателски избори, а до тогаш може да очекуваме уште поголеми рестрикции врз протокот на слободни информации за јавноста.

4. Нема приватност за корисниците на Facebook за Android

Дури и кога не си логиран или пак немаш Facebook акаунт, голем дел од апликациите за Android испраќаат податоци директно до Facebook. Дел од овие апликации ги вклучуваат Duolingo и Yelp кои испраќаат податоци што подоцна ќе бидат искористени да те таргетираат со реклами веднаш по отворањето на Facebook апликацијата. Ова е гооолем проблем во поглед на приватноста. Со години веќе Facebook за Android собира податоци со цел прикажување на релевантни реклами и понуди за пријателство. И со години голем број корисници се жалат за нарушување на приватноста и фактот дека Facebook знае премногу за нашите лични животи. Facebook тврди дека голем дел од тие чувствителни податоци што ги собира всушност и не ги користи, но сè уште не знаеме зошто тие податоци воопшто се собираат. Марки, одговор до кога ќе чекаме???

5. YouTube блокираше коментари на видеа со деца и малолетници

Блокирањето на коментари на повеќе од милион видеа со деца и малолетници е една од најригорозните мерки на YouTube досега. Да не беше видеото на Matt Watson, оваа мерка може и немаше да се спроведе. И покрај адпокалипсата која произлезе од ова, YouTube овој пат беше проактивен, одлучен и темелен во чистењето. Искористувњето на деца и малолетници е најголемата причина за целава ситуација, но треба да бидеме свесни дека во позадина има уште многу други проблеми со YouTube. Од алгоритмот кој дозволува ширење на ваквата содржина, до видеото на Logan Paul со безживотното тело во шумата, до демонетизација на содржината и конечно, YouTube Adpocalypse. А да не збориме за стотиците креатори кои имаат сериозна, едукативна и примерна содржина а сепак се наоѓаат во истата приказна на демонетизација како и оние кои ги кршат правилата на YouTube…

6. Amazon знае што купуваш и гради бизнис од тоа

Amazon знае што купуваш, а тоа се одлични вести за маркетерите и нивните реклами. Како и сите други сајтови, Amazon користи “колачиња” и собира податоци за тебе. Ти прави профил со сè она што го сакаш, што не го сакаш, кога најчесто купуваш, за кого купуваш работи, каде живееш, итн. Сервисот за рекламирање на Amazon вреди $125 билиони, тоа е повеќе од Nike или IBM. Компанијата полека но сигурно го шири бизнисот на продавање видеа и дисплеј реклами и се приближува на лидерите во индустријата, Google и Facebook. Amazon не прикажува реклами само на таргет публика. Автоматски прикажува различни реклами на различни корисници базирани на нивното однесување при купувањето (shopping behavior). Никој не може ни приближно да го прави тоа што Amazon го прави најдобро – градење бизнис од реклами.

Бонус линкови

Тука е крајот на денешниот преглед во петок. Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.

Се читаме во следниот преглед во петок! 🙂

25 #ПрегледВоПеток

Еве сме на почетокот од месец март со уште еден, редовен, #ПрегледВоПеток.

Еве што избравме за денес

1. The liberal answer

Montesquieu, центрист од 18ти век, има многу да нè научи за регулирање на дигиталните медиуми. Toj е француски политички филозоф познат по “поделба на власта“. За Montesquieu слободата е став формиран врз основа на факти. За граѓаните да можат да ја бранат нивната слобода од злоупотреба, тие треба да имаат пристап до веродостојни информации за да ги идентификуваат можните закани. Според него, денешните tech giants треба да бидат подготвени го “жртвуваат” нивниот UX, а оние што ги пишуваат политиките треба да дозволат “помалите интереси да преминат во поголеми” за да ја заштитат демократијата од злоупотреба.

2. 3,5 Degrees of separation

Ти текнува на теоријата која вели дека цел свет е поврзан преку максимално 6 конекции (луѓе)? Калкулирањето на степени на одвојување во мрежи со стотици билиони корисници ја олеснува оваа задача. Досегот на луѓе расте многу брзо со степенот на одвојување. За калкулирање на степените, Facebook се потпира на статистички алгоритми креирани од Kang за да ги пресмета далечините со голема прецизност. Со користење на bitwise OR operation, процесот може постојано да се повторува за да се одреди бројот на unique friends-of-friends, а потоа и friends-of-friends-of-friends. Со користење на Flajolet-Martin’s math се добива бројот на unique friends за секој степен на одвојување. Како и да пресметуваат, едно е јасно, поповрзани сме сега, и степените се намалени од 6 на „само” 3,5. Понекогаш ни се чини дека и ова е многу…

3. Facebook’s migrating all ad campaigns

Пред некоја недела Facebook изјави дека, почнувајќи од септември, сите Facebook кампањи ќе бидат мигрирани во автоматизираниот систем за алокација на буџетот на кампањи, вметнат во самата платформа. Целта на овој систем е maximizing ad performance преку алокација на повеќе пари на ад сетови што носат подобри резултати. Претпоставките се дека промените ќе бидат мали, за огласувачите. Но она што се менува е нивото на доверба кое Facebook ќе мора да го добие од истите… Досега ваквите автоматизации (пред сè кај Google) се покажале исплатливи, но ќе видиме како ќе се одрази оваа промена.

4. Quit Facebook, be less politically polarized

Има многу причини зошто некој би прекинал да користи Фејсбук, а меѓу најпопуларните од безбедносни причини или поради политичка манипулација. Новото истражување на Stanford University ни открива дека со отстапување од Фејсбук мрежата ќе ги зголемиме нашите офлајн активности, односно социјализирање со други луѓи. Учесниците во истражувањето кои го деактивирале акаунтот изјавиле дека не се во тек со новостите од политички карактер и дека е поверојатно да не одговорат точно доколку би им биле поставени прашања за новините во светот. Истражувањето е спроведено во Америка, иако може да се претпостави дека слични би биле резултатите и да не е само таму.

5. Parallax scrolling needs to die

Се сеќаваш пред 5 години кога хит беше сајтовите да имаат flashy layers што се скролаат со различна брзина, креирајќи вештачки 3D ефект? Епа parallax scrolling е сè уште присутен на голем број сајтови. Најголемиот UX проблем кај parallax е дека едвај го постигнуваат посакувачкиот ефект на задржување на вниманието. Тоа е така затоа што со тек на време почнавме да ги занемаруваме. Ги занемаруваме затоа што голем број на реклами го прават токму истото. И покрај тоа, навиките на лош дизајн не умираат тешко. Parallax motion нема комплетно да го снема во скоро време. Но да се надеваме дека ќе го видиме во многу пофункционален сетинг.

Бонус линкови

Тоа беше сè од денешниот преглед во петок, се надевам дека ја задоволивме твојата дневна доза новости. Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.

До следниот преглед во петок! (super ultra confident smile)

24 #ПрегледВоПеток

Се враќаме поредовни од било кога (пу пу да не се урочиме) со 24тиот преглед во петок. За денес имаме новости од доста апликации што ги користиме во секојдневниот живот. А на крајот од четивата имаме и едно слатко камелеонче. Стартуваме.

Денешните теми

1. Improved location settings on Facebook’s Android app.

Пред два дена Facebook изјави дека ќе додаде нова опција за контролирање на приватноста за андроид апликацијата. Оваа опција ќе им овозможи на корисниците да ја блокираат Facebook апликацијата од прибирање и чување на информации за нивната локација.

2. YouTube’s latest ad safety controversy.

Прошлиот викенд блогерот Matt Watson објави 20-минутно видео во кое тврди дека YouTube “промовира педофилија” и дека се споделуваат линкови од детска порнографија на “безопасни” видеа од деца кои вежбаат гимнастика и други активности. Приказната веднаш се прошири и YouTube беше принуден да ги адресира грижите на своите клиенти и нивните агенциски партнери. Ова не е прв пат Јутуб да има проблеми со безбедноста на брендовите што се рекламираат на оваа платформа.

3. Viber’s controversial new strategy.

Почнувајќи од 1ви април годинава Viber ќе почне да им наплаќа на компании што имаат чет ботови на оваа платформа. Со плаќање на $4,500 месечно, компаниите ќе може да пратат до 500,000 пораки на корисници. А за $6,500 месечно ќе можат да пратат до 1 милион пораки. Ризичен потег за Viber.

4. Twitter launches a public test for its redesigned replies.

Уште во октомври минатата година Twitter изјави дека ќе ги редизајнира дискусиите на платформата со цел “подружељубиви” и полезни дискусии. Сега Twitter го тестира редизајнот на конверзациите заедно со голема група на корисници. Ако сакаш да бидеш дел од тестот, можеш да се пријавиш на twitterfeedback.com.

5. LinkedIn’s live-streaming option – LinkedIn Live.

Со новата алатка за видео во живо LinkedIn Live, LinkedIn ќе обезбеди уште една опција за видео содржина на платформата. Можноста за директно стримање на растечка публика на професионалци e многу привлечен момент за B2B содржина во живо. Моментално алатката LinkedIn Live ќе биде достапна само во САД.

6. Meet the chameleon menu.

Бразилската компанија guavasowftware има многу интересно мени кое го викаат chameleon menu. Ова динамично мени што ја менува позадинаската боја во однос на делот од страната во кој се наоѓаш е доста уникатен избор во дизајнот.

Бонус линкови

Толку од денешниот преглед во петок, се надевам дека четивата ти беа интересни. Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.

До следниот преглед во петок! (ultra confident smile)

23 #ПрегледВоПеток

Еве не на крајот на уште една работна недела во најкраткиот месец од годината. За денес содржината е кратка и слатка, и најмалку еднакво интересна како останатите прегледи. Кликајте…

Денешните теми

  1. Брзо и ефикасно одговарање на Инстаграм пораки. Фејсбук најави дека ја тестира опцијата за примање и одговорање на пораки од Инстаграм преку инбоксот на твојот Фејсбук пејџ. Опцијата би требало да биде достапна во наредните неколку дена, веднаш под полето “Messenger”. Унифицираниот инбокс ќе биде достапен и на мобилен преку апликацијата Pages Manager.
  2. Да се преживее и доживее Superweek. Superweek e 5-дневен настан за дигиталните аналитичари, кој се организира сeкоја година во Унгарија. Нашиот драг пријател и говорник на сцената на AllWeb, Robert Petković, го сподели неговото искуство и мислење за конференцијата во еден вид на извештај. “Biti pet dana s vrhunskim stručnjacima u svom poslu, koje možeš pitati bilo što i s kojima se možeš usporediti, neponovljivo je iskustvo.”, вели Petković.
  3. A што со читливоста? Дали читливоста е битна за рангирање? Пишувањето на едноставен и разбирлив јазик носи повеќе посетители на твојот веб сајт. Никој не сака да се губи во тоа што го пишуваш, затоа обрни внимание на твоето “copy”. И не заборавај дека пребарувачите го имитираат човековото однесување. Помина времето кога колку повеќе клучни зборови значеа повисоко место на ранг листата на Google. Сега пребарувачите се способни да скенираат и разбираат текстови исто како и човекот.
  4. Dieter Rams’ 10 Principles of Design. Секој дизајнер има слушнато за принципите за дизајн на легендарниот дизајнер Dieter Rams. Но никогаш не биле презентирани така добро визуелно како во документарецот Rams, на Gary Hustwit. Документарецот беше пуштен во неколку кина, а Hutswit скоро објави кратко видео онлајн. Фасцинантно, 4-минутно видео за тоа како Rams ја изразува и пренесува својата филозофија за дизајн преку креирање производи.

Бонус линкови

Кратки сме со денешниот преглед во петок. Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.

До следниот преглед во петок! (confident smile)

22 #ПрегледВоПеток

Дечки, верувале или не, и овој петок сме редовни со преглед!

Пред да почнеме со новостите од изминатава недела, имаме анкета за тебе. Со цел создавање на подобра слика за ИТ индустријата, it.mk направи кратка анонимна анкета преку која ќе добиеме детални информации за платформите и алатките кои се користат во ИТ, клучните критериуми при избирање на работното место и сл. Иако ДЗС нуди просечна плата во ИТ индустријата, сепак доста информации недостасуваат кои можат лесно да се добијат преку оваа анкета. Одвој некоја минутка и сподели со колегите! 🙂

Ајде сега да читнеме што се случи последниве 7 дена во дигиталниот свет.

  1. Анализа на содржината. Може да се каже дека content marketing е најзначајната стратегија и техника на промовирање на производ/услуга. Со тоа на ум, се поставува прашањето како можеме да ја измериме ефективноста на креирање и промовирање содржина со цел да дознаеме дали таа содржина ја остварила својата намена. Нашиот драг пријател и говорник на сцената на AllWeb, Dragan Varagić, ќе ви раскаже како со комбинација на пратење на сегментите за мерење на релевантност на содржината (Exp, Eng, Loy) на едноставен и брз начин ќе дојдеш до потребните информации за квалитетот на содржата во контекст на бизнис и маркетинг целите на твојот бренд.
  2. Embed Social – Instagram & Facebook mention feeds. „Нашиот” EmbedFeed, деновиве додаде уште еден производ во својата понуда. Сега можеш да следиш кој сè те спомнува и тагнува на социјалните мрежи со опција сето тоа да го споделиш на твојот вебсајт.
    Прикажувањето на mention feeds ја зголемува довербата на потрошувачите, обезбедува транспарентност и го подобрува изгледот на брендот кај потенцијални потрошувачи. Ова е одлична можност брендовите да ја зајакнат нивната UGC (user-generated content) стратегија, но исто така значи дека сите ќе треба да поработат на UGC во 2019та.
  3. Chrome hacker alert. Голем број интернет корисници се жртви на секојдневно хакирање профили и злоупотреба на нивните лични податоци. Со цел да се намали овој број, Google креираше екстензија за Chrome која ќе известува своите корисници доколку нивната лозинка е хакирана, односно дали се наоѓа во датабазата на некој од хакерите. Ова значи дека Google ќе мора да ја зачува твојата лозинка во нивниот систем, што од друга страна исто така може да биде потенцијален ризик. Од двете зла, помалото.
  4. Self-checkout not amusing. Dalhousie University во Канада направи истражување за шопингот на намирници во кое биле анкетирани 1,053 луѓе. 2/3 од таа бројка ја имаат пробано опцијата за self-checkout во маркетите, но само 11% од нив изјавиле дека ја користат редовно. Како се развиваат навиките на корисниците е едно, за нас поинтересно е дека во Канaда се појавиле групи на граѓани кои организиарано повикуваат на бојкот на овој начин на пазарење придвижени со мотото: “never use a self checkout” because they “kill jobs”.
  5. Young minds and screen time. Доколку имаш деца и се прашуваш дали постојаното дремење на мобилен има некаков ефект на нивниот мозок, можеби и ќе добиеш одговор. Федералната влада на САД, преку Националниот институт за здравје, го прави најголемото истражување за развивањето на адолесцентниот мозок во историјата. На 21 истражувачко место низ САД, домашните научници почнаа да интервјуираат деца на девет и десет годишна возраст и да ги скенираат нивните мозоци. Истражувањето ќе трае цела декада и ќе истражува преку 11,000 деца, а ќе чини 300 милиони долари.
  6. The famous egg and its creator. Се сеќавате на изненадувањето од преглед #20? Епа пред неколку дена интернетот го дозна идентитетот на јајцето, односно на креаторот позади јајцето. Кога Chris Godfrey видел дека рекордот за најлајкувана Инстаграм објава е онаа на Kylie Jenner, си направил предизвик да го сруши тој рекод. И тоа со јајце! Патем, јајцето се вика Eugene. Како продолжение на приказната за јајцето, Godfrey и двајцата другари што му помогнаа со акаунтот го презентираа и вториот акт – реклама раскажана преку гласот на јајцето во која зборува како виралноста влијае врз неговото здравје. Креаторите велат дека менталното здравје е една од темите позади кои стои јајцето, а ќе има и други во иднина.
  7. Can’t Unsee. Дали можеш да ги видиш разликите во UI/UX? Can’t Unsee е интересна платформа каде што можеш да се тестираш и да видиш дали ќе ги приметиш разликите помеѓу два дизајни. Ако некои дизајни ги видиш неколку пати, знај дека секој пат има нешто различно. И нешто многу кул – можеш да собираш поени! 🙂

Толку за овој петок. Ако имаш линк (или стрип) што сакаш да го споделиме во следниот #ПрегледВоПеток слободно пиши ни порака на Фејсбук.

View this post on Instagram

“5 Stages of Data Privacy Grief” – new cartoon

A post shared by Tom Fishburne (@marketoonist) on

Се читаме следен петок! (smiles)

21 #ПрегледВоПеток

Еј, стави го на разглас, да чујат сите!
вади виртуелен мегафон
ПЕТООООК! ПРЕГЛЕД ВО ПЕТООООК!

Идеме јако и оваа недела со линкови на кои заглавивме изминативе 7 дена. За денес најдовме златна средина и во содржина и во должина на содржината. Одиме како што е редот.

  1. Integrated social messaging. Марки Марк планира интеграција на чет сервисите на WhatsApp, Instagram и Facebook. Апликациите ќе продолжат да си работат засебно, но нивната техничка инфраструктура ќе биде унифицирана. Овој потег ќе се реализира до крајот на годинава или најрано 2020та и ќе го редифинира начинот на кој билиони корисници се поврзуваат со други корисници. Facebook изјави дека го сака само најдоброто за своите корисници – брзо, едноставно, веродостојно и приватно допишување. Ова ќе отвори доста нови можности за унифицирање на ботови и сл. Ќе видиме како ќе се развие.
  2. Advertising is in crisis. Зборуваме за комплексна област каде што ефикасноста и ефективноста се во слаба корелација. Маркетингот и рекламирањето се во криза, но не затоа што не функционираат туку затоа што се идеолошки антипатични во повисоките ешалони на бизнисот. Компаниите не го гледаат маркетингот како извор на додадена вредност туку како трошок кој треба да се минимизира. Rory Sutherlend вели дека овој проблем ќе се реши само ако се вратиме на почетокот: во чудната бизнис култура каде луѓето преферираат да грешат ефикасно отколку да направат нешто како што треба, макар и да е “несмасно” направено.
  3. Crazy smartphone designs. Не знам дали сте приметиле ама дизајнот на смартфоните во последната декада скоро и да нема измени. Да, телефоните стануваат се поголеми и потенки, но ја задржаа истата правоаголна форма што Steve Jobs ја популаризираше пред повеќе од 10 години. Иднината вели дека ќе видиме телефони без копчиња и портови, телефони со екран и на задниот дел, телефони што ќе се превиткуваат, и многу други. Смартфоните служат како платформа за иновација во дизајнот и експериментирање, а до каде ќе оди сето тоа останува да видиме.
  4. Zara’s new logo. Контроверзниот редизајн на логото на Zara ни го фати окото на сите нас, особено на твитерџиите. Како и претходното лого, ова ги содржи четирите букви, но не и растојанието помеѓу истите. Толку многу е сè збиено што изгледа како буквите да пробуваат да се ослободат едни од други. Новиот фонт вклучува и заоблување на буквите “Z” и “R” што само го прави уште толку конфузно. Но и покрај Твитер дискусиите, логото на Zara освои публицитет, било позитивен било негативен.
  5. The Burger King Troll. McDonald’s неодамна го изгуби трејдмаркот на “Big Mac” во ЕУ, а Burger King веднаш презеде мерки. Се прашувате што направија? Па го сменија менито во “The Not Big Macs” и иронично си поигра со препознатливиот “Big Mac”. Видоа можност, ја искористија, истролаа, и тоа не им е прв пат!

Бонус линкчиња:

Од денес решивме да вклучиме по еден од стриповите на marketoonist на крајот од секој преглед. Ако имаш линк (или стрип) што сакаш да го споделиме во следниот #ПрегледВоПеток слободно пиши ни порака на Фејсбук.

До следен петок. (not so nervous smile)

20 #ПрегледВоПеток

Спремни за читање на “вториот” ПО РЕД #ПрегледВоПеток? (smiling excitedly)

Оваа недела се насобраа доста линкови, така што имаме од сè по нешто и за секого. Те чекаат многу новости, а на крајот од постов ти подготвивме и едно изненадување. 😉

  1. More transparent Facebook pagesОд вчера сите менаџери на пејџови би требало да можат да видат нов таб наречен “Page Quality”. Тука можеш да видиш дали пејџот што го менаџираш е во согласност со правилата на Фејсбук, а можеш да видиш и дали дел од содржината што ја објавуваш е означена како “False,” “Mixture” или “False Headline” од страна на корисниците. Дали ова ќе помогне во битката против злоупотреба на пејџови?
  2. Google’s Jigsaw vs. Election meddling. Ако учествуваш во политички избори во Европа, прво регистрирај се бесплатно за Jigsaw, технологијата за отстранување на злонамерна содржина на сајтови. Дизајнирана специјално за да ги заштити политичките кампањи од distributed denial-of-service (DDoS) напади, Jigsaw ја апсорбира “опасната” содржина која ја оставаат посетителите и им овозможува на сајтовите да функционираат непрекинато.
  3. Microsoft Edge built-in fake news detector. Отсега со Microsoft Edge апликацијата на Android и iOS која доаѓа со вградениот Newsguard можеш да сурфаш безбедно, односно без да налеташ на лажни вести. Моментално детекторот работи за сајтови во САД, а вклучени се и голем број светски сајтови. Иако Microsoft Edge не е популарен браузер, сепак се вклучи во борбата против лажните вести.
  4. The one and only, Original Tweeter. Твитер моментално тестира нова ознака (label) преку која лесно ќе дознаеме кој твитерџија прв започнал дискусија. Со оваа ознака, во теорија, ќе може полесно да се распознаваат лажните акаунти кои шират дезинформации, а корисниците нема да мора да го читаат секој карактер од корисничкото име за да познаат дали читаат оригинална содржина.
  5. Креативна агенција > Дигитална агенција. Што го одбележа дигиталниот маркетинг во Србија во 2018та и што може да се очекува во 2019та? Нашиот драг пријател Горан од Žiška ќе ви одговори на прашањето во интервју за MarketingMreza.
  6. Master Card ќе бара овластување за старт на наплата. За да се елиминира грешката која ја правиме со отпочнување на бесплатен пробен период за некој производ или услуга и после забораваме да го откажеме пред да ни се наплати, Master Card објави нова политика во која ќе им бара на компаниите твое овластување пред наплата на трошокот. Компанијата исто така ќе мора да ти приложи и месечни сметки со кои ќе ја покажува месечната цена.
  7. 10 Year Challenge: Website Edition. Десет години се долго време за интернетот. Да сумираме на кратко што ја одбележа 2009та: 90 трилиони испратени мејлови, 234 милиони сајтови, 1.73 билиони интернет корисници, 126 милиони блогови и 350 милиони Фејсбук корисници. А како прогресираше дизајнот на сајтовите од 2009та до сега? Се стави фокус на корисничкото искуство (UX), на структурата и изгледот на самиот сајт. Не е веќе сè натрупано на едно место!
  8. Прво прочитај на кратко. Ако се каниш да прочиташ некоја од најдобрите 101 бизнис книги и не знаеш која, прво прочитај си кратко резиме за секоја. Пакетот на You Exec содржи одлични наслови меѓу кои The Lean Startup (Eric Ries), Freakonomics (Steven D. Levitt), Blue Ocean Strategy (W. Chan Kim and Renée Mauborgne) и многу други.

И како за крај, одлични линкчиња за дизајн и креативност.

World Record Egg

Се надевам дека верно остана до самиот крај со нас и дека позитивно те изненадивме. 😉 Ако имаш линк што сакаш да го споделиме во следниот #ПрегледВоПеток слободно пиши ни порака на Фејсбук.

До следен петок. (nervous smile)

19 #ПрегледВоПеток

Yo Yo! 🙂
First things first. Од кога се немаме читано? Среќна Нова 2019 година! Идеме со нова сезона на #ПрегледВоПеток и многу нови четива. Да видиме што нè чека.

  1. Up and down, Facebook’s becoming a ghost town. На самиот старт на годинава, eМarketer објавија извештај за трендовите кои нè чекаат во дигиталниот маркетинг во 2019та. Прво лошите вести. Сè повеќе и повеќе се намалува бројот на интеракции на Фејсбук, а со тоа и времето поминато на оваа социјална мрежа. Бегаат младите од старите. Но, и покрај ова, добрите вести се што Фејсбук сè уште доминира на пазарот на дигитални реклами и во 2019та приходот од рекламите (на светско ниво) се очекува да достигне 67.25 билиони долари.
  2. #10YearChallenge meme. Сигурно си во тек со најновиот тренд на социјалните мрежи, но дали си во тек со способностите на алгоритамот за facial recognition? Голем дел од сликите што се објавуваат во склоп на предизвикот се веќе достапни во јавноста (интернетот), но начинот на кој се поставени не дозволува за прецизно собирање податоци. Затоа многу е полесно кога на алгоритамот ќе му помогнеш со чист, едноставен и точно означен сет на “then-and-now” слики. Благодарение на #10YearChallenge, сега постои огромна база на слики од луѓе од пред 10 години, која може да се најде или во добри или во лоши раце.
  3. Fake news. Овoј Facebook news. Фејсбук сè уште има големи проблеми со лажни вести кои произлегуваат од руски акаунти. До сега се отстранети 471 Фејсбук акаунти и 41 Инстаграм акаунти чија цел била ширење пропаганда во региони каде режимот на Путин има силни геополитички интереси. Оваа година политички избори имаат и многу други земји, а какви дополнителни мерки ќе преземе Фејсбук за справување со лажните вести останува да видиме.
  4. Нова година, нова математика. Главниот акцент во маркетингот отсекогаш бил ставен во инката, односно линеарното патување на потрошувачот од запознавање со твојот бизнис до носење одлука да купи нешто од тебе. Овој модел денес веќе не се применува. Повеќе од 6 месеци наназад, Google ги истражува податоците од clickstream-от на илјадници корисници. И резултатите воопшто не одликуваат типично однесување на потрошувачот како во marketing funnel-от. Сега треба да бидеме насочени кон предвидување на намерите на луѓето затоа што тоа е клучниот дел во равенката за раст на еден бизнис.
  5. Здрав разум при работа. Во светот на Google Analytics, многу често се среќаваме со алатки за анализа на податоците и нивно презентирање. Но за да дојдеме до таа анализа, потребно е прво да собереме што е можно попрецизни податоци, а најголемата помош за тоа ја добиваме од Google Tag Manager. Оставаме на Miroslav Varga да ви каже како да ги најдете вистинските податоци, што со нив и како да ги презентирате.
  6. Design 2k19. Технологија без дизајн е ништо за крајниот корисник. Дизајнот е тој што го прави пристапот до технологија едноставен и лесен. Како тема, дизајнот е доста сложен. Постојат многу правци, многу различни лични вкусови и не секогаш е лесно да се дебатира за дизајнот и неговите очекувања. Што нè очекува на тема трендови во графички и веб дизајн за оваа година? Свежина, уникатност, минимализам… се само дел.

Бонус линкови:

Толку за денес. Доколку имаш нешто интересно што сакаш да го прочиташ во #ПрегледВоПеток слободно пиши ни порака на Фејсбук.

Се читаме следен петок. (nervous chuckle)

18 #ПрегледВоПеток

Петочки спремивме, после подолга пауза, нов преглед во петок, ама додека да го објавиме фати сабота. Но тоа и онака до сега не не спречувало да објавуваме кога не е петок, па нема ни сега, ајде на читање.

  1. New Gmail design. Да почнеме од најтазе новостите, вчерашни. Уште во месец април Google најави дека планира да воведе нов дизајн на Gmail. Епа новиот дизајн е тука и изобилува со голем број на опции за полесно менаџирање со твоето електронско сандаче. Истиот дизајн беше адаптиран и на Google Drive и ќе може да го видиме во текот на наредните денови. Ако претходно користевте Inbox ќе ги препознаете дел од решенијата. Нас ни се виде многу бел, ама ќе му се навикнеме. Што мислите вие?
  2. Subscribe with Google. Големите, но и помалите, информативни сајтови изминативе година-две комплетно се насочија кон градење на свој незавизен екосистем. Развиваат стратегии да ги примамат своите читатели да се претплатат и да доаѓаат директно кај нив на сајт, а не преку социјални медиуми или google. Секако ова ги става еден по еден нив во поволна позиција, но Google не сака да остане на страна и се вклучи со својот сервис Subscribe with Google. Линкот кој следи е еден од оние за читање преку викенд, подолг, потпрете се, кликнете и читајте, важно е.  – Google’s news chief Richard Gingras: “We need to rethink journalism at every dimension”
  3. The attribution problem. Како маркетери треба да знаеме кои маркетиншки залагања ни успеале, а кои не. Процесот на идентификување кои реклами и канали за комуникација носат ROI (процес наречен “attribution”) е од голема важност. Digiday направија извештај на оваа тематика со учество на 197 брендови и агенции, и 44 издавачки куќи за да можат да ни доловат како варираат очекувањата кога станува збор за attribution кај различни компании.
  4. GDPR vs marketing. Зборевме за регулативата во некој од претходните прегледи и знаеме дека овој месец, поточно на 25ти мај, стапува во сила. Иако ја разбираме, истата ќе биде тешка за имплементирање во работата. GDPR ќе ги смени маркетинг процесите и квалитетот на податоци, со што маркетинг агенциите ќе бидат ограничени во однос на податоците кои ќе можат да се користат. Добро за поединците, не толку добро за маркетинг компаниите.
  5. Influencer marketing in sports. Се повеќе брендови ангажираат инфлуенсери за промовирање на нивниот контент. Но, исто така, се повеќе инфлуенсери работат како двојни агенти, а тоа придонесува за содржина која нема автентичност. Gareth Leeding (creative director at We Are Social Sport) го даде своето мислење на тема инфлуенсери. Во кратки зборови, секој спортски бренд кој сака да воведе инфлуенсери во својот маркетинг, не треба да се води според традиционалните “ѕвезди на социјалните мрежи”. Спортските брендовите треба да размислуваат како да градат влијание (influence), а не да го купат. А за тоа има најразлични начини.
  6. Conversion Rate Optimization for WooCommerce. WordPress заедно со WooCommerce плагинот, се често решение за поголем дел од компаниите. Креаотрите на плагинот решија да состават една листа на рабои што треба да ги знаете за поодбра конверзија на вашиот сајт, односно – Conversion Rate Optimization (CRO). Како изгледа CRO на WooCommerce; колку чини; дали ќе ми даде позитивни промени во работењето? Сите одговори на овие прашања можете да ги најдете во прирачникот кој го направија WooCommerce. Pretty handy.

Се надеваме дека ве погодивме со четивата за денес. Ако имате предлог тема (или теми) за дискусија, пишете ни порака на фб.

Убав викенд 😊

17 #ПрегледВоПеток

Ексклузивно! Оваа недела преглед во сабота, веднаш по петок 🙂 Денес читаме што има ново кај некои од социјалните мрежи и апликации. Нема да пуштаме линкови за најжешката тема – Facebook – Cambridge Analytica затоа што спремаме #комкаст на таа тема.  Заинтересирани? Да почнеме.

  1. Instagram шопинг лудило. Во не толку далечната 2016-та Инстаграм воведе ‘shopping’ опција што им овозможи на брендовите и бизнисите во САД да тагираат до максимум 5 производи во органски објави на кои фановите можат да кликнат за да дознаат повеќе и да си купат она што ги бендисува. Гледајќи го потенцијалот во оваа опција, Инстаграм реши да ја направи достапна на бизниси во уште 8 други земји во светот (меѓу кои не и нашата). Наше предвидување е дека и ние ќе имаме можност да ја користиме, а кога точно не би знаеле да ви кажеме. 🙂
  2. Snap the Explorer. Вчера Снепчет најави воведување на нова опција наречена ‘Map Explore’ што ќе испраќа нотификации и апдејти на своите корисници за тоа што се случува на нивната Снеп мапа. Опцијата ќе прикажува и апдејти во однос на актуелни новости и евенти од целиот свет. Уште еден плус за маркетерите и полесно таргетирање преку Снепчет. Map Explore ќе биде достапна за сите корисници во текот на следните неколку недели.
  3. YouTube и огнено оружје. Јутуб прави промени во политиката на содржина што вклучува оружје. Веќе од наредниот месец ќе биде забрането било какво појавување на оружје во содржината што се прикачува на оваа платформа. Ова вклучува и видеа што линкаат до сајтови што рекламираат и продаваат оружје. Јутуб има строги политика кон ваквата содржина веќе некое време, а оваа промена е поттикната од масовната престрелка во Флорида во февруари годинава.
  4. A virtual bank teller by Google. Гугл вчера најави нова опција на Google Assistant. Отсега корисниците ќе имаат можност да си играат со своите пари користејќи ги гласните жици и апликацијата Google Pay. Опцијата ќе биде достапна и за андроид и за ајфон, се додека Google Assistant е инсталиран на вашиот уред. Во иднина Гугл изјави дека опцијата ќе биде достапна и за смарт звучниците.
  5. Work hard, pay hard – Medium style. Пред една година Медиум воведе нов бизнис модел во кој читателите ќе платат месечен надомест, а за возврат ќе добијат пристап до ексклузивен контент. На парнерите кои пишуваат статии Медиум им понуди дел од профитот чија висина се пресметува врз база на метрики како време поминато во читање на статијата и “claps” – верзија на лајк. Сега избраните партнери ќе добиваат директни кеш бонуси кои почнуваат од $100, а ќе растат во иднина. Кои ќе бидат среќните добитници на бонус? Медиум ќе ги чита сите објавени статии и ќе ги селектира тие што смета дека се со висок квалитет во соодветната тема од значење.
  6. SXSW®. Помина уште еден South by Southwest Conference & Festivals во Америка, некако неприметно, барем за нас. Не дека не се случувале таму важни работи, ама ете изгледа имаше други побитни.. Како и да е, овде може да ги видите најважните работи кои посетителите од (нам омилената) WeAreSocial агенција ги регистрираат како трендови кои треба да се следат – What stood out at SXSW

Убав викенд 🙂