Comments Off on 168 #ПрегледВоПеток – IBM дискриминатори, Adidas tits, Twitter bot label, Joe Rogan, Baby Shark do do do do do do….#ПрегледВоПеток
Новиот #ПрегледВоПеток зборува малку за маркетинг, ама всушност мноооогу за маркетинг….
IBM дискриминира вработен по возраст?
Една жешка тешка тема се појави низ линковите за денешниов #ПрегледВоПеток и јас како неследач на ваквите наслови останав со подзината уста. IBM е тужен за возрасна дискриминација од вдовица на отпуштен вработен на возраст од 57 години, кој се самоубил непосредно откако бил отпуштен. Според судските документи, IBM се соочува со посебна тужба за дискриминација поради колективна акција за протерување на стотици постари вработени, нарекувајќи ги и „динобебиња“ кои треба да бидат „изумрен вид“ во корист на помладите „дигитални домородци“.
Толку многу црвени знамиња ми покрена насловов што едвај го дочитав целиот текст до крај. Вистната е веројатно некаде на средина, ама пак фактите повторно зборуваат дека каде што има чад има и оган.
Има толку многу начни да ги интегрираш, дообразуваш и задржиш постарите вработени и воедно да имаш незаменлива корист од нив. Би рекла дека IBM си бараат да им се случи типичен „cancel“ ама знам во кој свет живееме.
Сензацоналистички клик бејт на Adidas или брилијантен потег?
We believe women’s breasts in all shapes and sizes deserve support and comfort. Which is why our new sports bra range contains 43 styles, so everyone can find the right fit for them.
Каква ви беше првата реакција кога го видовте твитов? Ако отворите риплајс има од крајност до крајност, од луѓе кои се воодушевуваат, до луѓе кои се згрозени. Светот дискутира дали Adidas мораше да оди „толку далеку“ за да промовира производ! Дали направи класична злоупотреба со клик бејт потег? Можеби! Дали ако објавеше грид со спортски градници ќе го постигнеше истиот енгејџмент? Ни одблиску! Дали кампањата е ефективна? Дефинитивно!
Е сега дали ние како општество сме подготвени за вакви кампањи е друго прашање. Во секоја од дискусиите има по малку вистина, по малку претерување, и по малку заостанатост. Јас апсолутно се согласувам со следниве изјави:
Adidas posting a grid of tits in social media is interesting. But it was also done for attention. Let’s not pretend this was an entirely selfless act.
Amy Charlotte Kean, author and cultures editor at Shots (among other things)
Aside from all of this, right or wrong, I love that this image is being shared worldwide. There are young people who are struggling, feeling like their bodies look ‘different’ and ‘wrong’, who will see this image – even out of context – and be reminded that their difference is their beauty.
Twitter ќе ги означува бот профилите со автоматски твитови
Twitter ќе почне да користи бот ознаки кои програмерте ќе можат доброволно да ги прикачуваат на нивните бот профили, како средство за да се помогне да се потенцираат „Добри ботови“, наспроти профилите на ботовите што се користат за негативни цели. Сега, бот профилите ќе бидат прикажани со нова икона за робот до името на профилот и маркер што означува дека нивните твитови се автоматизирани.
Тоа „доброволно“ не верувам дека ќе донесе некаква посебна промена кај состојбата со штетното влијание на „негативните“ бот профили, барем не засега. Но можеби новите бот-ознаки се добра работа за општа транспарентност и ќе им помагнат на корисниците да избегнат потенцијални манипулации.
Joe Rogan одби договор од 100 милиони долари за да го напушти Spotify за Rumble
Wow, just wow. Не знам од кај да почнам да го дискутирам потегов. Не сум воодушевена, напротив. Во ситуација во која работите се апсолутно правилни и погрешни, да поддржуваш погрешно, или имаш крајно распани цели и задни намери или си крајно глупав. Ама сега не дискутираме лични мислења. Како и да е, понудата е одбиена и Joe останува со Spotfy, а и Spotify останува со него што е исто така уште една долга и широка тема на правилно или погрешно!
Baby Shark do do do do do, долгометражен филм!!!
Ако бар еднаш не ти поминал денот со песнава во потсвест ти си среќна личност! Очигледно некој проценил дека малку ни е, па ќе ни даде уште многу. Најгледаното видео во историјата на YouTube, Baby Shark ќе си добие и долгометражен филм, во 2023, потврдено од Paramount.
Оригиналното видео „Baby Shark“ стана првото видео на YouTube што ја надмина границата од 10 милијарди прегледи минатиот месец, а веќе доби и спиноф на ТВ-шоу (Големо шоу на Baby Shark), покрај новонајавениот филм.
Еве да не случајно ја пропуштам шансата да ви ја заглавам песнава негде низ мозочните ќелии, цел петок!
Стигнавме до 100 #ПрегледВоПеток. Кој примети, примети. Кој не, срам да му е. Ја скокнавме минатата недела затоа што не успеавме да се организираме за јубилејов. Затоа сега сме тука и нема скокање петоци.
Овој преглед го започнавме пред 3 години. Поради редовната пракса да следиме новитети и споделуваме линкови, плус инспирирани од некои други слични вакви прегледи, решивме повторно организирано да споделуваме и ние. За нас ова е одржување на кондиција, дисциплина и секако приказ на тоа што читаме и како размислуваме во @NewMediaMK. Јас како иницијатор на целата приказна денес сум особено горд што прегледот си тече, им значи на луѓето во нашата агенција и најважно од сè, си има своја посветена публика, баш како што блогов си има и си имаше во времето кога беше поактивен.
Торта има денес, не гарантираме дека ќе трае до понеделник. Ако сакате да го вкусите прегледот, бујрум!
Да не мислевте нема линкови да споделиме денес? Таман работа… Ајде.
TikTok, пак!
И додека чекаме да се одлучи Трамп кој ќе биде финалниот датум за конечната разрешница за иднината на TikTok во Америка, ByteDance се трудат максимално да ги освојат симпатиите на медиумите и законодавците затоа што корисниците веќе одамна ги освојуваат со рекордна брзина. Изминативе денови тие креираа виртуелен центар за транспарентност и поканија група новинари на кои им ги објаснија начините на кои функционира ForYou секцијата на нивната исклучително „заразна” апликација.
Eventually the transparency center will be a physical location that invited guests can visit, likely both in Los Angeles and in Washington, DC. The tour will include some novel hands-on activities, such as using the company’s moderation software, called Task Crowdsourcing System, to evaluate dummy posts. Some visitors will also be able to examine the app’s source code directly, TikTok says.
LA28
Интересен пристап избра организаторот на летните олимписки игри во 2028 година, градот Лос Ангелес. Тие решија како дел од дизајнерскиот тим задолжен за логото да вклучат спортисти и познати личности од LA кои воопшто не се дизајнери. Секој од нив, вклучувајќи го и рекордерот Michael Jonson и пејачката Billie Eilish и многу други. Секој од нив го дизајнирал своето A во LA, секој со своја приказна, лична и LA поврзана. Мене ми се допадна концептот, не толку многу дизајните 😀
LinkedIn со нови функции за компаниските страници
Ако сте фанови на LinkedIn и ако се фрустрирате што присуството во име на компанија не е толку корисно таму, еве добра вест. Сервисот додава три нови функции кои треба да ја олеснат и зголемат употребата на компаниските страници. Сега ќе може да ги видите сите кои кликнале да ја следат вашата компанија, да се дружите повеќе со вашите колеги и да „закачите” настани.
Интернет страниците се успоруваат
По којзнае кој пат, сега уште еднаш поддржано со емпириски податоци, се отвора дискусијата дали и покрај значително поголемите интернет брзини, вчитувањето на веб странците денес е поспоро. Еве ги деталите: Is the web getting slower? А еве го и заклучокот.
Websites today run more code and are multiple times larger than websites 10 years ago. Still, I don’t think the mobile web – as experienced by users – has become slower overall.
Најважната регионална „digital” награда SoMo Borac оваа година нема да се одвива во рамките на Weekend Media Festival во Ровињ како што тоа се случуваше изминативе години, туку ќе биде организиран како онлајн настан. Пријавите се отворени, датумите прилагодени и цените намалени. Спремете ги пријавите и докажете се!
Пандемијата со сигурност го промени начинот на пазарање и веројатноста дека онлајн купувањето ќе остане како навика и откако сѐ ќе заврши е многу голема.
Па кога веќе ги гледате најновите колекции и промоции на Facebook или пак чекате локалниот бутик да ви врати на прашањето за “цена“ во порака, зошто би излегувале од комфорноста на стариот добар Facebook за да направите нарачка?
Продавниците ќе бидат со целосен каталог, бои и насловни фотографии, а купувачите ќе имаат можност да листаат низ производите, да зачувуваат и на крај да купат. Главната идеја зад овој потег е да се поддржат малите бизниси.
Дечките од Facebook и Instagram се здружиле со куп e-commerce платформи и изгледа дека знаат што прават.
Денес, разговор на месинџер во кој ниедна страна нема испратено ниту еден гиф, се случува или кога си лут/а или кога се брзаш па немаш време (тука добро би легнал гифот со трчањето на Форест Гамп).
Визуелниот разговор е неизоставен дел од секојдневната комуникација. Дури половина од сообраќајот на Giphy до сега доаѓал од Facebook.
Ова довело до мулти милионска зделка помеѓу Faebook и Giphy а вторите се пофалиле со веста дека се супер возбудени да работат заедно со тимот на Instagram.
Rogan вели дека Spotify го купиле само правото за пренос и дека нема да имаат никаков удел во креирањето на содржината и дека таа секако ќе остане бесплатна.
Зошто оваа соработка го здрма светот е фактот што Spotify со овој договор го вреднува Rogan многу повеќе отколку било кој светски музичар низ историјата.
Потребни би биле 23 билиони стримови на еден музичар за да ја достигне сумата платена на комичарот за правата над подкастот.
“Joe Rogan just got paid the equivalent value of over 26 billion streams for a podcast licence.”
Tom Gray
Иако ѕвездата на зделката најави дека подкастот ќе биде бесплатен, Spotify се надева дека ваквиот новитет ќе повлече поголем сообраќај и претплати. А, да заради овој потег Spotify сега мора да развие воведе и видео плеер 😉
Во средата, Twitter излезе со оваа вест, информирајќи дека ова е само пробна фаза и дека не се знае дали истата ќе остане перманентно.
Се работи за можност да избереш кој има дозвола да коментира на твој твит. Можеш да избереш помеѓу: сите, луѓе што ги следиш или само луѓето што се спомнати во твитот. Постовите ќе бидат видливи за сите и покрај ваквите опции и ќе може да се ретвитаат, но не и да се коментира.
Twitter до сега важеше за најотворена платформа во споредба со своите роднини Facebook и Instagram. Слободата да се коментира секому за сѐ и сешто не секогаш беше во полза на објавувачот. Па така, не ретко разговори воделе и до насилна и заканувачка ситуација.
Ваквата опција е еден од начините да се даде поголема контрола на испраќачот, без притоа да се наруши транспарентноста на објавите.
Квизирај се со BuzzFeed
Дознај си го карактерот според твоето омилено овошје или кое е твоето алтер его од листата на негативци од Дизни цртаните…
Не се чудете, после 7 што планиравте да правите а?
BuzzFeed со нов начин на анимирање во време на пандемија. И тоа со супер cheezy квизови кои можат само да ти предизвикаат неконтролирано смеење. Добро квизови на BuzzFeed не се новина, ама овие се за играње во група! Карантин, група, забавен квиз…
Пробајте и пишете ни како поминавте 🙂
Адаптацијата на алкохолната индустрија
Алкохолната индустрија со сигурност претрпе еден од поголемите удари како резултат на пандемијата. Затворени барови, откажани концерти и фестивали, прекинати рекламни активации поради елементот на социјална дистанца…
И додека Corona пивото упорно се трудеше да отфрли секаква поврзаност со коронавирусот и изгуби милиони поради ова, останатите алкохолни компании мораа да се снаоѓаат некако…
Голем е бројот на алкохолни компании што ваквиот предизвик си го сфатија многу сериозно и испорачаа врвни ремек дела. Релевантни за ситуацијата, позитивни и паметно осмислени на начин што првиот пат кога ќе седнеш во бар по карантин, ќе знаеш што да нарачаш.
Ќе ги издвојам Carlsberg со иницијативата ##AdoptAKeg. Овие генијалци се обратија директно до своите љубители на пиво со видео во кое буре за пиво седи само во локален бар на шанк “исплашено“ и збунето зошто одеднаш нема луѓе. Брендот ги повикува фановите да “посвојат“ буренце за пиво за да не биде осамено. Ќе го направат ова со тоа што ќе скенираат лименки дома и со тоа ќе го полнат своето виртуелно буре со пиво.
Вчера на работа се зазборевме за повторното отворање на кафаните и како нема да биде тоа-тоа само по двајца на маса.. Слатко си се присетивме на добрите стари времиња кога бевме по 10+ души на маса и до крајот на вечерта не знаевме кај сме 🥴 (не до толку, пиеме одговорно!)
Го завршивме муабетот, седнувам на лаптоп и гледам @darko156 пратил нов линк во четот што ни е за прегледов. Каква случајност, линкот беше за “Мамурлак!” – виртуелна игра на карти со пиење. Да, пак не е тоа-тоа, ама не те лимитира на двајца играчи како во кафана. Вртиме од Пијопол на Мамурлак и се гледаме на Zoom вечерва откако ќе биде фајронт надвор 😂 (остави мејл во коментари да ти пратиме линкче до „состанокот”)
Facebook со нов темплејт и нови совети за креирање ефективен календар за објави
Facebook вели дека трите најглавни работи кои се составен дел од секој ефективен календар за објави се:
Време на објава
Тип на објава
Канал на објава
Прилично очигледно нели. Сепак, ефективниот календар на објави бара конзистентност. Со мапирање на твојата стратегија ќе се осигураш дека си доследен со објавите, а транспарентноста на целиот процес ќе ти послужи ако имаш потреба да ја доделиш работата некому.
Нешто што се прашувам секој пат кога ќе ја уклучам апликацијата.. Имам јас мое мислење ама ќе ви го кажам во некоја следна прилика. Ајде да видиме што вели Later за тоа како функционира алгоритмот на TikTok.
Later вели дека има 6 многу важни фактори врзани за алгоритмот:
#1 Хаштагови
#2 Опис/копи
#3 Песни и звуци што се популарни во моментот
#4 Времето кога таргет публиката е најактивна
#5 Снимање видеа и пост-продукција
#6 Локација
Секако (ваљда) влијаат и други фактори како конзистентност на објави, дуети, користење на нови алатки во самата апликација и времетраење на видеата.
Facebook и Instagram се многу транспарентни во однос на тоа како функционира нивниот алгоритам. Дали во блиска иднина можеме да го очекуваме истото и од TikTok? We shall wait and see.
Овие трансакции креираа комплексен екосистем на продавање податоци. Главни „мастермајндс“ зад ова се доста компании за процесирање кредитни картички, вклучувајќи ги Visa, American Express и Mastercard. Последниве направија $4.1 милијарда во 2019 само од продавање на податоци од трансакции на сервиси за маркетинг аналитика, програми за лојалност и детектирање измами.
И сето ова се случува во тајност. Компаниите за кредитни картички може да признаат дека зимаат пари од анализирање трансакции но сепак не е јасно какви податоци всушност тие споделуваат. GG EZ*
Штеди време и пари на ниво на експертите за огласување со Capt’n
Последната вест за овој преглед во петок ни доаѓа од Хрватска. Capt’n е алатка која со помош на вештачка интелегенција следи кампањи на неколку платформи и согласно нивниот успех корегира буџети. На опис звучи супер, а ако сакаш повеќе детали околу идејата и функционалноста на алатката, Netokracija направи супер интервју со креаторите на Capt’n, Davor Runije од Airta и Mario Frančešević од SeekandHita. Ако судиме по реномето кое го имаат основачите, јасно ви е зошто е во прегледов овој линк 😉
Coca-Cola стави сè на пауза поради недостаток на ROI
Пак вест поврзана за Коронавирусот, ама за Coca-Cola е… Кога дојде време Coca-Cola да паузира секакво маркетинг присуство поради исклучително намалена потрошувачка на нивните производи, тогаш знаете дека sh*t just got real (pardon my french).
CEO на The Coca-Cola Company James Quincey, најави дека корона кризата не го поштеди ниту најголемиот бренд во FMCG секторот. Но, додека другите производители во оваа индустрија го зголемуваат присуството на пазарот, Coca-Cola го прави спротивното.
Сепак, за разлика од падот на продажбата на пијалокот во традиционалната продажна мрежа (ресторани, барови, кино сали…), Coca-Cola забележува речиси дупло поголем раст во e-commerce трговијата. Компанијата се води по стратегија поделена на 3 фази и верува дека ќе ја помине и оваа криза како и многу други предизвици во своето 128 годишно постоење.
“We’ve been through challenging times before as a company, and we believe we’re well-positioned to manage through and emerge stronger.”
CEO James Quincey
Каде е Coca-Cola магијата за љубов и сплотеност кога најмногу ти треба? :/
Како да (не) комуницирате со корисниците за време на Ковид
Facebook веќе објави “прирачник“ за тоа како брендовите да се поврзат со својата публика во време на коронавирусот…од 64 страници…
Instagram со помош за угостителските објекти преку стикер
Едни од најпогодените индустрии во корона кризата се секако угостителските објекти. Instagram во ова име воведува стикер кој можат да го користат рестораните и сервисите за храна. Преку него може да нарачате достава, да купите gift card и да ја споделите на свој личен профил за поголема видливост. Кај нас се уште не е достапен, но полека…има време…
Шампионски social distancing кампањи
Content marketing во време на корона не посто……
Да, има и такви умови кои целата оваа ситуација ја користат на најдобар можен начин – да се поврзат со својата публика на ниво на кое можат да бидат прифатени како едни од нив.
Одлични, иновативни и креативни кампањи за социјално дистанцирање кои со сигурност ќе ве инспирираат. И ако мислевте дека тоалетната хартија ја надмина својата популарност со предизвиците на TikTok, погледнете што направија Goodby, Silverstein & Partners.
И Google ќе кажува кој ги плаќа рекламите
По зголемувањето на транспарентноста во рамките на Facebook универзумот, на ред беше чекор да преземе и Google. Тие официјално потврдија дека праксата која до сега важеше само за политичките кампањи сега започнува да важи за сите. Имено, со новата промена, наскоро ќе можеме со клик на „Why this ad” делот кој го има на ќошот на секоја реклама прикажана преку системот на Google Ads да дознаеме кој и од која земја платил за рекламата.
Постоечките огласувачи ќе имаат 30 дена рок откако ќе ја добијат оваа нотификација да ги верификуваат своите сметки. Нормално верификувањето ќе оди во фази и ќе почне од Америка. Со други зборови, спремајте се, ова лето ќе треба да бидете потранспарентни.
Француската влада ќе ги скенира социјалните мрежи за даночни измами
Царината и УЈП во Франција добија дозвола да ги прегледуваат профилите на корисници на социјалните мрежи, нивните објави и слики во обид да најдат докази поврзани со непријавени приходи.
Во својата одлука судот посочи дека се свесни на можни повреди на слободата на изразување и нарушување на приватноста на корисниците, но сепак најавија дека содржината која е заштитена со лозинка нема да биде прегледана, само она што е јавно објавено.
TikTok го објави првиот извештај за транспарентност на платформата
Соочени со константен надзор поради цензура и безбедносни причини, TikTok пробува да ја врати назад довербата од корисниците во САД. Со таа цел го објави својот прв извештај за транспарентност, откривајќи дека добиле 298 правни барања за податоци од корисници и 26 барања од владите за деактивирање профили, во првата половина од 2019.
Извештајот за транспарентност покажува дека платформата не ги добила тие барања од Кина (каде што не е достапна), туку онаму каде што им се главните канцеларии.
Тоа не се само момчиња туку и е-девојчиња кои се многу популарни на TikTok и Instagram бидејќи прават вирална содржина и изгледаат многу хип (трифтаат хипстерска облека). Затоа си лапаат зделки во модната и забавната индустрија.
DuckDuckGo е default пребарувач за корисници на Android во Европа
Практиката на Google да се „мести” самиот како default пребарувач на својот оперативен систем беше прогласена за нелегална од страна на ЕU antitrust правилата. Како резултат на тоа, Google доби парична глоба од $5 милијарди.
Сега Google ќе мора да направи промени и да им овозможи на корисниците сами да изберат default пребарувач. Кога корисници на Android во рамките на Европската Унија ќе регистрираат нов уред, ќе им бидат прикажани три алтернативни пребарувачи. DuckDuckGo ќе биде прв на листата во сите држави.
Ќе биде интересно да видиме какво влијание ќе има ова врз пребарувањето во Европа, ако воопшто го има. Секако, корисниците ќе можат да си го изберат Google, ако го преферираат.
Алатката е многу едноставна. Прво внесуваш URL од Facebook пејџот што сакаш да го следиш. Откако ќе го најде пејџот, можеш да ја видиш цела историја на реклами и опцијата ‘Alert Me’ за да бидеш во тек со кампањите. Внесуваш име и мејл адреса и работата е завршена. Интересна алатка.
YouTube креаторите се бунат, сакаат поголема транспарентност во однос на правилата на платформата
YouTubers Union беше формирана лани како резултат на тензиите помеѓу платформата и контент креаторите. Како таква имаше многу мала моќ сама по себе, но сега се здружи со IG Metall, германска унија на работници која опфаќа неколку индустрии вклучувајќи електрично инженерство, ИТ и текстил.
Со поддршката од IG Metall, оваа кампања има за цел да ја истражи законитоста на политиките на YouTube во Европската Унија. Тие сакаат да се истражи дали контент креаторите треба да се сметаат за вработени во YouTube и да го искористат GDPR да ги притиснат за поголема транспарентност во однос на личните податоци. Групата тврди дека ќе бидат превземени правни мерки ако платформата не реагира до 23 август.
AI софтвер кој пишува подобро копи од човек
Американската банка Chase изјави дека потпиша договор на пет години со Persado, компанија од New York што користи вештачка интелегенција за изведување маркетинг активности. Chase вели дека рекламите креирани од Persado донеле подобри резултати отколку оние од вработените (луѓето). Chase ќе продолжи да го користи Persado за креирање текстови за дисплеј реклами, Facebook реклами и директни мејлови.
Apple Card, достапна во август
Apple Card, кредитната картичка која Apple најави дека е во изработка оваа пролет, ќе започне со примање апликации во август. Картичката ќе биде достапна дигитално и физички во форма на картичка од титаниум. Нема да го користи традиционалниот 16-цифрен број, CVV код, или датум на истекување. Наместо тоа, тие бројки ќе се генерираат рандом со секоја трансакција со цел купувањата да бидат безбедни.
Apple исто така ќе нуди и 2% cashback за купувања со Apple Pay или 3% во сите Apple продавници. Овој cashback не е ништо посебно во однос на останати картички, но е погодност ако веќе користиш iPhone и планираш да купиш останати производи од Apple.
Минатата недела се оддржи уште еден многу голем настан во САД, Google I/O 2019. Од 2008 година оваа конференција традиционално се оддржува во Калифорнија, во организација на Google. Генерално, конференцијата е фокусирана на новите уреди во производство на Google, но оваа година видовме многу вести во однос на приватноста кои ќе влијаат врз нас маркетерите. Затоа решивме овој #ПрегледВоПеток да го посветиме на подобро разбирање на промените кои ни доаѓаат.
Останатите новости од дигиталниот свет те чекаат кај бонус линковите.
Промени кај Google Chrome кои ќе влијаат на дигиталното огласување
Наредните верзии на Google Chrome ќе ни донесат нешто што ќе ги интересира сопствениците на сајтови и огласувачите. Овие промени ќе влијаат позитивно на искуството на корисникот, но како ќе влијаат на огласувањето?
Native lazy loading за слики, видеа и огласи
Lady loading е процес при кој се вчитуваат само оние ресурси кои во даден момент корисникот може да ги види. Останатите ресурси не се вчитуваат сè додека корисникот не скролне до нив. Ова има голема улога во брзината на вчитување на веб страната.
Chrome е најпопуларниот браузер и за десктоп и за мобилен, така што оваа промена ќе има значајно влијание на сопствениците и администраторите на сајтови, како и на огласувачите. Брзината на вчитување веќе одамна е директен SEO фактор за рангирање на веб страните на Google. Сајтовите што брзо се вчитуваат се најчесто на врвот.
Зошто lazy loading и не е толку супер?
Има нешто што нема да се вчита додека корисникот не скролне до него: рекламите. Особено оние кои се под првиот дел што се вчитува на сајтот (т.н. below the fold content). За сопствениците и администраторите на сајтови кои својот приход го остваруваат од продажба на рекламен простор, ова може да претставува сериозен проблем.
Ако огласот не се вчита, нема да се калкулира како импресија. Помалку импресии значи помала заработка. Проблемот ќе биде уште поголем на мобилен. Google напомена дека Chrome ќе форисра lazy loading и на страни кои го немаат тој атрибут, доколку data saver опцијата е активирана на уредот.
Да бидеме реални за маркетерите ова е добра вест, нема да плаќаат/плаќаме за неефектвини импресии 😉
Промени во начинот на прифаќање колачиња
Користењето колачиња (cookies) со години веќе се практикува како метод за идентификација на корисникот на интернет. Колачињата помагаат во персонализација на корисничкото искуство. Но сведоци сме на многу проблеми со приватноста и начинот на кој се чуваат податоци, па затоа Chrome ќе воведе промени во начинот на кој се прифаќаат колачиња.
Што ќе бидат новите промени кај колачињата?
Со новите промени, Chrome ќе прифаќа исклучиво колачиња од прв ред (first-party cookies). Сите останати ќе бидат игнорирани. За да се обезбеди транспарентност во процесот на поставување колачиња, Chrome ќе бара од девелоперите експлицитно да ги маркираат своите колачиња за да се добијат third-party привилегии и видливост.
Точно ќе се знае кој тип на колачиња користи одредена страница со што ќе се подобри безбедноста и приватноста на корисникот. Chrome ќе прифати колачиња од трет ред само ако се спроведуваат преку сигурни конекции, односно преку HTTPS врска.
Се укинува следење на корисникот преку неговиот дигитален отисок
Дали знаеш дека Chrome-от што го користиш има твој специфичен и уникатен дигитален отисок? Chrome има екстензии и додатоци кои си ги инсталирал ти. Се наоѓа на еден и единствен уред, уред кој има свој оперативен систем. Екранот има одредена резолуција, имаш подесено јазик на користење, временска зона и многу други податоци. Сето тоа е доволно да се направи дигитален отисок по кој може да те идентификуваат. Не по име и презиме, по уред и браузер.
Така огласувачите те пратат и ретаргетираат. Не им се потребни колачиња, лични податоци, мејл, само дигитален отисок.
Освен за потребите за огласување, анализата на дигиталниот отисок помага и во детектирање на лажен сообраќај, ботови и скрипти кои прават ad-fraud и click-fraud. Сепак, Google смета дека ова ја нарушува приватноста на корисникот на два начина; 1. дава права на други лица да те профилираат и следат, и 2. дава права на процесирање податоци за твоето онлајн однесување.
Chrome vs. Digital fingerprinting
Злоупотребувањето на дигиталниот отисок не е во согласност со принципите на Google. На конференцијата беше најавено дека Chrome потполно ќе блокира и оневозможи digital fingerprinting. Оваа промена ќе настапи во наредните неколку месеци. Останува да видиме како огласувачите ќе реагираат.
Стигнавме до крајот и на овој преглед во петок. Се надевам дека ти се допадна идејата за краток recap на она што за нас е важно да го знаеме од Google I/O 2019. Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.
Ќе видиме и нова опција за закажување на мејлови. Ова е одлично за оние кои работат во различни временски зони со работодавачот или пак ако не сакаш да пречиш некому за време на одмор. Ова се само мали надоградби, но може да имаат големо влијание и да помогнат во побрзо одговарање на мејлови, одговарање на поавтентичен начин и планирање на мејловите да бидат пратени во вистинското време.
2. Најдени се податоци за 540 милиони Facebook корисници на јавни сервери
Facebook баш и не ја почна најдобро годинава, а се чини како да им оди полошо и полошо секоја недела. Истражувачи од UpGuard изјавија дека нашле податоци за стотици милиони Facebook корисници на јавни сервери за складирање податоци.
Најдени се 2 сета од кои поголемиот доаѓа од фирма во Мексико под името Cultura Colectiva. Складирани се 146GB на податоци за активност на корисниците, имиња на корисничките сметки и лични податоци на 540 милиони Facebook корисници. Сличен сет на податоци бил најден и за апликација наречена “At the Pool”. Иако овој сет е помал, во него имало многу лични податоци, вклучувајќи и 22,000 лозинки наводно користени за апликацијата.
Не се знае колку долго податоците биле достапни за јавноста или кој сè имал пристап до нив. Двата сета биле најдени на сервери на Amazon cloud и истите биле избришани откако Facebook бил контактиран. Сè уште стои прашањето – каде патуваат податоците за корисниците откако ќе бидат прибрани од Facebook апликации?
3. Зошто го гледам овој пост?
Пред 4 дена Facebook најави дека ќе додаде нова опција на News Feed наречена “Why am I seeing this post?”, слично со “Why am I seeing this ad?”. Новата алатка има drop-down мени со информации за тоа зошто објавата е во фидот на корисникот. Оваа алатка е наменета да им пружи на корисниците поголема транспарентност во однос на тоа како алгоритмот за News Feed работи. Но дали е тоа доволно да ги задржи своите корисници и да привлече нови, особено покрај сите други настани?
4. Econsultancy ги тестираше новите Responsive Search Ads на Google
Првиот тест бил базиран на 939 илјади импресии. Податоците покажале дека скоро секогаш Google ќе прикажува реклами што не се пинувани (ако ја има таа опција) иако пинувањето било сугерирано во најавата на бета верзијата. Бројката на RSAs кампањи што донеле подобри резултати била многу мала во однос на Expanded Text Ads (ETAs).
Вториот тест бил базиран на 1.33 милиони импресии. Ова мало зголемување на бројот на импресии резултирало во значително подобри резултати за RSAs во однос на CTR и CVR. Главната разлика кај вториот тест бил фактот што ја искористиле опцијата за пинување на првиот наслов за сите реклами што ги тестирале. Google вели дека сите наслови треба да бидат кроени според тоа што пребаруваат корисниците, така што нема потреба за пинување на насловите.
Оваа опција е се уште во бета верзија и ќе следуваат измени во истата со цел подобри резултати. Google исто така изјави дека RSAs треба да се гледаат како додаток на ETAs, а не како реклами што носат подобри резултати.
5. Пет пати прашај, пет пати одговори
“5 Whys” е метод кој се користи за продлабочување во “cause-and-effect” на некој проблем. Функционира на тој начин што постојано го поставуваш прашањето “зошто?” додека не дојдеш до изворот на проблемот. Оваа техника се користи и за подобро разбирање на некоја одлука поврзана со дизајн… или за излудување на луѓето.
6. Дали респонзивниот дизајн е мртов?
Дали и ти се нервираш кога некој ќе ти рече дека направил респонзивен дизајн, а всушност нема ни р од респонзивен? Океј, технички Е респонзивен, но ја има најмрзеливата форма на респонзивност. Можеш да го видиш сајтот на мобилен, ама дали функционира како што треба? Најверојатно не. Ова е резултат на стариот менталитет “desktop-first” каде што сајтовите се дизајнирани за големи екрани и после скалирани за помали. Тука се и оние со менталитетот “mobile-first”. Тие до некаде ги разбирам, но и тоа не е решение за секој проект. Респонзивниот дизајн треба да биде многу повеќе!
Тука го завршуваме и 30-тиот преглед во петок. Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.
Денес е 29ти март, одличен ден за 29тиот преглед во петок!
1. Нови рестрикции во таргетирањето на Facebook реклами
Facebook изјави дека ќе отстрани дел од параметрите за таргетирање, како што се возраст, пол и поштенски број, за реклами за домување, вработување и кредити. Мерките кои ги презема Facebook беа поттикнати од тужбата на повеќе организации во САД. National Fair Housing Alliance, the Communications Workers of America, и други, тврдат дека биле прекршени повеќе закони и акти. Facebook е под притисок околку ваквите реклами уште од 2016та, кога во извештај од ProPublica се дозна дека Facebook им дозволува на маркетерите да “исклучат” одредени групи на корисници врз основа на нивната етничка припадност. Иако не е точно со зборовите “етничка припадност”, Facebook има критериум наречен “ethnic affinity”. По објавување на извештајот, Facebook изјави дека ја остранува оваа опција. Пред помалку од две недели, Facebook постигна договор со организациите. Ќе бидат елиминирани дополнителните опции за таргетирање што им овозможуваат на маркетерите да објавуваат дискриминирачки реклами.
2. Сега сите ќе знаеме колку троши Trump на Facebook реклами
Вчера Facebook ја пушти во јавност новата “библиотека на реклами” (Ad Library) како одговор на ветувањето дека ќе ја зголеми транспарентноста откако голем број Facebook реклами беа искористени со цел да влијаат врз претседателските избори во САД во 2016та. Со опцијата за пребарување во оваа транспарентна библиотека, можеме да видиме колку пари трошат политичарите на рекламирање. Можеш да видиш колку пари потрошил Trump на реклами во последната година, кои пејџови пуштаат реклами во кои се зборува за имиграција или пак кои се претходните имиња на некој пејџ. За реклами кои не се поврзани со политика, опциите за таргетирање, буџет и трошење пари не се достапни. Подобрената транспарентност се очекува да игра голема улога во брзо и навремено спречување на дезинформации, дискриминирачки пораки, поларизација. Она што е најинтересно е дека можеш да имаш пристап до библиотеката и извештаите дури и ако немаш Facebook акаунт.
3. Веб страна ли е, Gmail ли е
Google најави голема надоградба на Gmail што ќе ни овозможи да имаме интеракција со мејловите директно во инбокс. Исто како да сме на некоја веб страна, ќе можеме да пребаруваме, да пополнуваме форми, да разгледуваме хотели. Ова може да значи поголема ефикасност во работата со мејл. На пример, би можел да одговориш на коментар напишан во Google Doc без воопшто да ја отвориш апликацијата. Би можел да означиш кои работни обврски се завршени или да ги делегираш на колега директно од нотификацијата на мејл. Ова се одлични вести и за нас маркетерите бидејќи сега ќе можеме да ги персонализираме пораките уште повеќе. Ако испратиш каталог со производи, пораката може да вклучува и carousel од производите со информации за оние кои се достапни во моментот или кога се на попуст. Ќе биде интересно да видиме дали ова ќе стане глобален стандард за сите компании кои нудат мејл услуги.
4. Луѓето преферираат да споделуваат содржина на “dark social”
Повеќе од 3000 возрасни интернет корисници во САД и Велика Британија беа анкетирани од GlobalWebIndex и We Are Social во истражување за зголемениот интерес на “dark” апликациите за четување. Дури 63% од испитаниците преферираат да користат вакви канали за споделување на содржина и препораки. Ова поместување во однесувањето на потрошувачите ни кажува дека голем дел од маркетингот доаѓа од социјалните мрежи, специфично од dark social. Маркетерите ќе треба да ја оптимизираат содржината така што ќе биде лесна за споделување. Популарноста на приватните канали станува сè поголема затоа што корисниците се сметаат послободни (неосудувани) кога ќе споделат нешто приватно, отколку кога ќе споделат нешто со јавноста.
5. Twitter лансираше уште подаркерски “Dark Mode”
Твитерџиите добија уште потемен “Dark Mode” откако голем број корисници се пожалија дека првичниот мод не беше доволно темен и дека беше тежок на очи на слаба светлина. Twitter исто најави дека експанзијата на dark mode опциите ќе ја отвори вратата кон градење на попристапни палети на бои и алатки во иднина. Ова е интересна вест, особено ако си запознаен со најновата “измама” на Twitter. Ако не си, ќе ти раскажам на кратко. Неколку корисници ширеа дезинформации дека ако ја смениш годината на раѓање во 2007ма, ќе добиеш нова палета на бои за твојот профил. Plot twist, наместо палета на бои, ќе бидеш заклучен од твојот акаунт затоа што си под 13 години (лимит на возраст за користење на Twitter).
Со ова го завршуваме денешниот преглед во петок. Ако имаш линк (или стрип) што сакаш да го споделиме во следниот преглед слободно пиши ни порака на Фејсбук.
Дечки, верувале или не, и овој петок сме редовни со преглед!
Пред да почнеме со новостите од изминатава недела, имаме анкета за тебе. Со цел создавање на подобра слика за ИТ индустријата, it.mk направи кратка анонимна анкета преку која ќе добиеме детални информации за платформите и алатките кои се користат во ИТ, клучните критериуми при избирање на работното место и сл. Иако ДЗС нуди просечна плата во ИТ индустријата, сепак доста информации недостасуваат кои можат лесно да се добијат преку оваа анкета. Одвој некоја минутка и сподели со колегите! 🙂
Ајде сега да читнеме што се случи последниве 7 дена во дигиталниот свет.
Анализа на содржината. Може да се каже дека content marketing е најзначајната стратегија и техника на промовирање на производ/услуга. Со тоа на ум, се поставува прашањето како можеме да ја измериме ефективноста на креирање и промовирање содржина со цел да дознаеме дали таа содржина ја остварила својата намена. Нашиот драг пријател и говорник на сцената на AllWeb, Dragan Varagić, ќе ви раскаже како со комбинација на пратење на сегментите за мерење на релевантност на содржината (Exp, Eng, Loy) на едноставен и брз начин ќе дојдеш до потребните информации за квалитетот на содржата во контекст на бизнис и маркетинг целите на твојот бренд.
Embed Social – Instagram & Facebook mention feeds. „Нашиот” EmbedFeed, деновиве додаде уште еден производ во својата понуда. Сега можеш да следиш кој сè те спомнува и тагнува на социјалните мрежи со опција сето тоа да го споделиш на твојот вебсајт. Прикажувањето на mention feeds ја зголемува довербата на потрошувачите, обезбедува транспарентност и го подобрува изгледот на брендот кај потенцијални потрошувачи. Ова е одлична можност брендовите да ја зајакнат нивната UGC (user-generated content) стратегија, но исто така значи дека сите ќе треба да поработат на UGC во 2019та.
Chrome hacker alert. Голем број интернет корисници се жртви на секојдневно хакирање профили и злоупотреба на нивните лични податоци. Со цел да се намали овој број, Google креираше екстензија за Chrome која ќе известува своите корисници доколку нивната лозинка е хакирана, односно дали се наоѓа во датабазата на некој од хакерите. Ова значи дека Google ќе мора да ја зачува твојата лозинка во нивниот систем, што од друга страна исто така може да биде потенцијален ризик. Од двете зла, помалото.
Self-checkout not amusing. Dalhousie University во Канада направи истражување за шопингот на намирници во кое биле анкетирани 1,053 луѓе. 2/3 од таа бројка ја имаат пробано опцијата за self-checkout во маркетите, но само 11% од нив изјавиле дека ја користат редовно. Како се развиваат навиките на корисниците е едно, за нас поинтересно е дека во Канaда се појавиле групи на граѓани кои организиарано повикуваат на бојкот на овој начин на пазарење придвижени со мотото: “never use a self checkout” because they “kill jobs”.
Young minds and screen time. Доколку имаш деца и се прашуваш дали постојаното дремење на мобилен има некаков ефект на нивниот мозок, можеби и ќе добиеш одговор. Федералната влада на САД, преку Националниот институт за здравје, го прави најголемото истражување за развивањето на адолесцентниот мозок во историјата. На 21 истражувачко место низ САД, домашните научници почнаа да интервјуираат деца на девет и десет годишна возраст и да ги скенираат нивните мозоци. Истражувањето ќе трае цела декада и ќе истражува преку 11,000 деца, а ќе чини 300 милиони долари.
The famous egg and its creator. Се сеќавате на изненадувањето од преглед #20? Епа пред неколку дена интернетот го дозна идентитетот на јајцето, односно на креаторот позади јајцето. Кога Chris Godfrey видел дека рекордот за најлајкувана Инстаграм објава е онаа на Kylie Jenner, си направил предизвик да го сруши тој рекод. И тоа со јајце! Патем, јајцето се вика Eugene. Како продолжение на приказната за јајцето, Godfrey и двајцата другари што му помогнаа со акаунтот го презентираа и вториот акт – реклама раскажана преку гласот на јајцето во која зборува како виралноста влијае врз неговото здравје. Креаторите велат дека менталното здравје е една од темите позади кои стои јајцето, а ќе има и други во иднина.
Can’t Unsee. Дали можеш да ги видиш разликите во UI/UX? Can’t Unsee е интересна платформа каде што можеш да се тестираш и да видиш дали ќе ги приметиш разликите помеѓу два дизајни. Ако некои дизајни ги видиш неколку пати, знај дека секој пат има нешто различно. И нешто многу кул – можеш да собираш поени! 🙂
Толку за овој петок. Ако имаш линк (или стрип) што сакаш да го споделиме во следниот #ПрегледВоПеток слободно пиши ни порака на Фејсбук.
Имаме нова дефиниција за “парадокс”. А тоа е дека ја почнуваме неделата понеделнички расположени за преглед во петок. Ако претходната реченица ве стави малку во мисла, ајде да се вратиме во колосек со збирката четива кои ги издвоивме за вас. Се потрудивме да опфатиме од сè по нешто, секој да може да си најде интересно четиво.
Заштитинички настроен куче-чувар. Транспарентноста е темел на довербата, а токму тоа и го бара Агенцијата за заштита на податоци во Обединетото Кралство. Сигурно сте добро запознаени со сите политички скандали поврзани со лажните вести и злоупотреба на податоците на интернет. Агенцијата во Британија се стреми кон зголемување на транспарентноста во тоа како личните податоци се движат помеѓу дигиталните платформи за да им укаже на луѓето кои се во таргет групата за политички реклами зошто токму тие се таргетот и на кој начин.
Кај и да си, со Гугл да си.Локација он ор оф, сеедно е. Таа пак си работи, пак си собира податоци кои ги испраќа назад до чичко Гугл. Од почетокот на 2017. андроид телефоните прибираат податоци од адреси од базни станици во негова близина. Истражувањето на Quartz открива дека причината поради која Гугл го прави ова без наша согласност е за подобрување на пристигнувањето и испраќањето на пораки. А како адресите од базни станици имаат улога во сето тоа е малку нејасно. Иако Гугл вели дека овие информации не ги користи, сепак има простор за маркетерите да ги таргетираат потрошувачите според локација обезбедена на овој начин.
На младите им е преку глава од социјалните мрежи. Повеќето од нас си мислат “Леле децава се опседнати со нивните телефони и социјалните мрежи.”, а уствари тоа и да не ти било така. Спомнавме нешто и во претходниот преглед, па ова ќе му дојде како надополнување. eMarketer повторно со истражување во кое укажуваат дека младите се оттргнуваат од социјалните мрежи.
Контент маркетинг не е само маркетинг! Ако сè уште мислите дека контент маркетинг е само уште еден начин да си ги продадете производите/услугите на потрошувачите, тогаш грешите. Сосема спротивно од продажба, тоа е едукација на вашите фанови. Градење на доверба, нудење дополнителна вредност и издвојување од конкуренцијата. Да не заборавиме дека на долг рок е и поевтина алатка од традиционалниот маркетинг. Користете ја!
Со 360°ка до зголемена продажба. Новите истражувања спроведени од Magna и IPG Media Lab во соработка со YuMe откриваат интересни бројки за видео форматот 360°. Видео рекламите што ја користат 360° степенитехнологијата уживаат 7% зголемување на намерата за купување преку смартфон и 12% раст во верувањето дека брендот има “уникатна приказна да раскаже” во споредба со традиционалните видео реклами. Процентите и не се многу големи, но сепак од нив можеме да видиме како публиката ги перцепира видео рекламите.
Од грешките учиме.А ние ќе ти помогнеме да ги елиминираш. Секој што се занимава со онлајн реклами и Аналитикс знае дека менаџирањето на реклами не е лесна работа. Големи се шансите дека не секогаш ги добивате посакуваните резултати, па затоа погледнете ги овие 5 грешки кои ја саботираат вашата рекламна кампања.
Кратко и слатко, толку беше од овој преглед во петок во понеделник. Ако имате некоја интересна тема што би сакале да ја споделиме пишете ни во порака на ФБ.
Здраво пријатели на маркетингот, новите технологии и дигиталната транспарентност. Еве сме пак после две недели со тазе линкчиња за Прегледот бр. 9.
Новото истражување на Hub Research покажа дека 52% од ТВ публиката во САД претпочита гледање на омилените серии преку дигитален извор, како што е Нетфликс. Ова е прв пат дигиталните извори да доминираат над телевизијата во живо и video-on-demand.
Од ден на ден сме сведоци на нови начини на употреба на чет-ботовите. Последна новост е нивното користење за купони и слични промотивни понуди. Се очекува преку чет-ботови во 2018 да бидат поделени околу 60 милиони купони. Дали може да очекуваме некое ботче од Групер наскоро, со оглед дека секогаш ги следат најновите трендови во маркетингот?
Се ближи крајот на годината, а со него и листите со трендови на кои ќе треба да внимаваме во 2018. Ќе има многу утки се разбира, но не е лошо да се читне, чисто да се потсетиме на кои аспекти од нашето работење им треба подмачкување.
А еден од трендовите секако ќе биде новиот лајв на Инстаграм, поточно можноста да се вклучите во нечиј лајв стрим на негово или ваше барање. Ова е нешто што ќе понуди интересни опции за креаторите на содржини – вклучување на лица од публиката, одговарање на прашања и слично.
Еден од најпопуларните сервиси за мејл маркетинг MailChimp додаде нова функционалност, мошне логична за типот на услуги што ги нуди – креирање на лендинг (целни) страници. На овој начин целата кампања ќе може да ја планирате и спроведете преку нивниот интерфејс.
За крај нешто практично – слушнавте сигурно дека излезе новиот Firefox Quantum кој беше претставен како побрз и помалку „RAM consuming“ од конкуренцијата. Ако решите да го пробате, еве упатство како најлесно да се префрлите топтан во новиот браузер.
Читајте, споделувајте и праќајте ни ги интересните линкови на кои ќе наидете. Поздрав.
Темата на лажните вести и концептот „пост-вистина“ се актуелизираа во текот на политичките турбуленции и превирања во последните неколку години, а станаа особено жешка тема во контекст на случувањата од глобално значење, какви што беа „Brexit“ и американските претседателски избори во 2016 година.
Пост-вистината како концепт отсекогаш била предмет на политички и филозофски интерес. Да наброиме неколку: „Транспарентната нечесност“ е кованица која ја споменува Ерик Алтерман (Eric Alterman), економистот и социолог Емил Ледерер пишува во есеј од 1937 за „одговорноста на оние на кои барањето на вистината им е вокација“ (Emil Lederer). Речиси осум децении подоцна оваа порака не изгубила на својата важност. Макс Вертхајмер објавува есеј „За вистината“ во 1934 година со следната порака: „Вистината и лажноста не се нешто чисто интелектуално и одвоено од чувствата и ставовите. Низ многу примери најважното нешто не е самата изјава, туку целиот став, човековиот однос кон себе си. Во целосноста на однесувањето на човекот, а не неговите изјави, се кријат вистинитоста или лажноста, и секако многу повеќе во тоа што прави човекот, во неговите вистински реакции кон другите луѓе и предмети“ (Max Wertheimer, “On Truth”, 1934).
Дали пост-вистината е нешто ново и поинакво? Дали релевантноста на овој термин денес сигнализира тектонска промена, некаков растечки тренд, исклучок од правилата или рециклирање на она што историјата и порано го посведочила?
Во сегашната ера на информации проблемите и искривоколчувањата во информирањето се покажуваат како клучни теми од јавен интерес поради своето влијание врз тоа како се креираат претставите за реалноста и какви одлуки се носат како резултат на така оформените сфаќања.
Во неодамнешна студија на универзитетот Стенфорд од САД беше утврдено дека студентите кои учествувале во истражувањето имале проблеми со разликувањето на лажни содржини, рекламни содржини објавени во форма на новинарски текстови и вистинити вести. Многумина проценувале за кредибилноста на информациите врз основа на тоа колку детали содржеле написите или дали имало голема фотографија во објавата, наместо да обрнат внимание на изворот на информациите. Заклучоците од оваа студија и конфузијата околу правилното разбирање и употреба на информациите, се потврдуваат во општествената реалност на многу земји и култури, не само во САД.
Да се осврнеме малку на моментната состојба со информативните медиуми: релативно помал број објавувачи се натпреваруваат во собирање и објавување информации до голем број читатели, гледачи и корисници. Во текот на тој процес тие се проголтани од поголемиот медиумски бизнис кој е составен од стотици илјадници, милиони, речиси идентични, медиуми за пласирање на информациите. Овие медиуми меѓусебно се натпреваруваат за вниманието на публиката при што главната функција не е ширење на информациите, туку оформување на идентитети. Со цел тоа да биде поефикасно и поуспешно, медимите се трудат да креираат и оддржуваат публика која е површна, игнорантна и изолирана од мислења различни од нејзиното. Медиумите нè лажат, нè манипулираат и ја користат својата привилегирана позиција на авторитет да нè наведат во верување во лажна реалност, т.е. во пропагандата. Ова се покажува како клучен проблем со информациско-комуникациската технологија која требаше да нè поврзе, а всушност нè изолираше во т.н. „ехо-комори“ и нè оддалечи едни од други.
Во комуниколошката терминологија, „ехо-комора“ е состојба во која информациите или идеите циркулираат во затворен систем во кој поинаквите идеи се цензурирани или се отфрлени. Со тоа се постигнува ефект на повторување и засилување на гласовите, ставовите и идеите кои циркулираат во таквиот систем. Со други зборови, „ехо-комори“ се термин за онлајн медиуми како виртуелен комуникациски простор каде информациите и верувањата се засилуваат со репетитивно пренесување во рамки на затворен виртуелен комуникациски систем. Овој поим ни појаснува како опстојуваат онлајн групи, особено на Фејзбук, кои веруваат во информации кои се прилично бесмислени за останатите.
Премин кон политика во која чувствата ги газат фактите
Ако се навратиме на поимот „пост-вистина“, тој во 2016 беше прогласен за збор на годината од составувачите на Оксфордскиот речник, а се дефинира како термин и придавка која означува состојба кога објективните факти се помалку важни и влијателни во оформувањето на јавното мислење отколку пораките кои целат на емотивноста и чувствата на публиката. Пост-вистина тесно се поврзува и со синтагмата „политики на пост-вистината“.
Според Оксфордскиот речник терминот за прв пат бил употребен во 1992 година, а интересно е што многумина го поврзуваат и со блогерот Дејвид Робертс кој го (ре)актуелизирал во негов блог-пост од 2010 година. Како и да е, употребата на овој термин се зголемила за 2,000% во 2016 споредено со претходната година. Според составувачите на Оксфордскиот речник:
Поради растечкото значење на социјалните медиуми како извор на вести и зголемената недоверба во информациите понудени од владејачките елити, терминот „пост-вистина“ го пронаоѓа своето место во јазикот и комуникацијата веќе подолго време. Забележавме и дека терминот зачестено се користи во јуни 2016 година во текот на референдумот за Brexit, и потоа во јули (истата година) кога Доналд Трамп ја обезбеди републиканската номинација за претседателски кандидат на САД. Како што употребата на терминот не забавува, нема да се изненадиме ако пост-вистина стане еден од зборовите кои ќе го обележат нашето време.
Може да се каже дека во САД и во други места се случува премин кон политика во која чувствата ги газат фактите далеку полесно и со помал отпор отколку што тоа било случај порано.
Господинот Трамп се чини дека воопшто не води грижа дали неговите изјави имаат каква било врска со реалноста сè додека тие успеваат да ги подгреат емоциите на гласачите. PolitiFact, веб страница за проверка на факти, има рангирано со највисока оценка за лажност голем број од неговите изјави, далеку побројни во споредба со кој било друг кандидат, како на пример таа дека „криминалот во градските средини достигнува рекордно високо ниво“, (Economist, 2016).
Политиките на пост-вистина се шират во многу делови од светот. Во Европа најдобар пример е полската ултра-националистичката владејачка партија, Закон и Правда (PiS). Покрај други бројни чудни приказни, тие шират и теории на заговори како пост-комунистичките лидери заговараат „заедничко владеење на земјата под комунистички режим“. Во Турција протестите во Гези паркот во 2013 година и обидот за пуч во 2016 предизвикаа секакви теории на заговор, од кои некои директно се креирани од функционери на власта. Во Македонија скандалот со прислушувањето од 2015 сè уште им се припишува на „странски служби“ и странски тајни агенти. Тука, секако, треба да се спомене и Русија, земја која покрај Северна Кореја, веројатно најмногу има напреднато во процесот на користење политики на пост-вистина, како во внатрешната, така и во надворешната политика. Украинската криза изобилуваше со голем број примери каде државно контролираните медиуми прикажуваа лажни интервјуа со сведоци на наводни злосторства, како на пример прилози за дете кое било според нив распнато од украинските трупи. Владимир Путин не се двоумеше пред камерите да повторува дека во Украина нема руски војници, иако доказите за спротивното беа многубројни.
Петар Померанцев, новинар чии мемоари за Путин се насловени како „Ништо не е вистинито, сè е можно“, во својата книга цитира политички консултант на претседателот кој вели:
Во советско време ако лажеа за нешто, тие ќе се погрижеа да докажат дека тоа што го прават е вистина. Сега, пак, никој не се ни обидува да ја докажува „вистината“. Можеш да кажеш што било. Сам си креираш реалности.
Даниел Кенеман (Daniel Kahneman), психолог, добитник на Нобелова награда и автор на хит-книгата „Мислење, брзо и бавно“, зборува за процес на т.н. „когнитивно олеснување“:
Луѓето инстинктивно ги прифаќаат информациите на кои се изложени и мораат да се потрудат и ангажираат дополнително да оддолеат во верување на фабрикуваните приказни. Тие имаат тенденција да веруваат во информации кои се блиски до нивните сфаќања и селективно да бираат податоци кои ги поддржуваат нивните погледи на светот. Во некои случаи соочувањето на ваквите луѓе со фактите има обратен ефект, односно ги засилува нивните уверувања во сопствените сфаќања.
На прашањето како воопшто се оформуваат сфаќањата за тоа што е вистина, треба да се напомене дека тие пред сè произлегуваат од институциите во кои постои одреден консензус што е вистина и како таа се проверува и оформува, а некои од нив се: образовните институции, науката, правно-судскиот систем и медиумите. Тие се дел од своевидна инфраструктура за создавање на сфаќањето што е вистинито. Тие никогаш не се совршени, но се референтен систем и инструменти за одредување на вистинитоста. За жал поради континуирана злоупотреба на оние кои ги имаат привилегиите да ги водат овие институции, се стигнува до состојба каде она што постапно и макотрпно се гради, бргу се уништува. Новиот свет на политиките на пост-вистината е овозможен преку две закани за јавната сфера: првин, губење на довербата во институциите кои ја подржуваат гореопишаната инфраструктура, и второ, длабински промени на тоа како знаењето за светот стига до јавноста. Губењето на довербата во институциите има многу корени. Во некои области од живеењето, стручњаците се длабоко поделени и се на драстично различни позиции кои ја збунуваат или поларизираат јавноста. Властите, пак, прават многу, често драамтични и спектакуларни грешки, како на пример инвазијата на Ирак, аномалиите на светскиот финансиски систем и многу други настани од глобално значење. Во некои средини довербата во институциите е систематски и континуирано поткопувана. Особено важен фактор за политиките на пост-вистината се интернетот и услугите кои тој ги овозможува. Речиси 2/3 од возрасните жители на САД ги примаат вестите преку социјалните медиуми, според скорешно истражување на Pew Research Centre.
На пример, на Facebook, Reddit, Twitter или WhatsApp, секој може да биде објавувач на содржини. Содржините повеќе не се објавуваат во фиксни формати и утврдени термини, како што се написи во весници кои овозможуваат одредена предвидливост и очекувања. Сега содржините се далеку понепредвидливи, можат да добијат различни форми, видео, табела, анимација и да бидат објавени во кое било време. Една идеја, или „меме“ може да се шири и репродуцира соголено од каков било контекст, како ДНК во експериментална епрувета. Податоците за раширеноста на некое меме стануваат многу поважни од тоа дали истото е базирано на факти.
Ехо-коморите на интернетот го потхрануваат нашиот апетит за лаги
Механизмите на функционирање на новите медиуми допрват стануваат појасни за разбирање. Еден од клучните процеси е т.н. „хомофилно сортирање“, односно креирање на групи или кластери на поединци кои слично размислуваат. Подемот на сателитските и кабелските тв-канали во 80-те и 90-те години од минатиот век овозможија креирање вести до специфични целни групи и подгрупи. Интернетот тоа сега го прави многу полесно. Јохаи Бенклер (Yochai Benkler) од универзитетот Харвард во својата книга „Богаството на мрежите“ (2006) анаведува дека поединците со споделени интереси многу почесто се пронаоѓаат меѓусебно онлајн и се групираат околу одреден извор на информации, отколку што е тоа случај во комуникацијата надвор од интернетот. Социјалните мрежи им овозможуваат на членовите на ваквите групи да ги зацврстат своите мислења и сфаќања, како и да преземаат групни активности. Системскиот детерминизам на интернетот кон овие процеси ги вклучува персонализираните резултати од пребарувањата на Google. Ели Паризер (Eli Pariser) ова го нарекува „filter bubble“ (филтер-балон), односно систем во кој поради филтрираните и персонализираните резултати на пребарувањето на Google корисниците се оневозможени да се соочат со спротивставени погледи и ставови. Иако сопственикот на Фејзбук, Марк Цукерберг, инсистира дека социјалните медиуми не ги заробуваат своите корисници во нивните лични светови, сепак алгоритмите на социјалните мрежи се дизјанирани да ги полнат фидовите на своите корисници со содржини кои се слични на оние кои тие претходно ги „лајкале“.
Некои вообичаено маргинални верувања, засилени на ваков начин во онлајн заедниците, можат да се прошират и опстојат, иако се смета дека се јавно „раскринкани“. Само споредете ги теориите на заговор дека властите ги запрашуваат урбаните средини со т.н. „кемтрејлс“ (chemtrails, бели траги од штетни хемикалии исфрлени од летало). Ваквиот начин на размислување е многу близок за Доналд Трамп. Пред неколку години Трамп беше прилично ангажиран во докажување на теоријата дека Барак Обама не е роден во САД.
Сепак, ако алгоритмите на Фејзбук и останатите социјални мрежи ефикасно ги филтрираат содржините во однос на тоа дали ни се допаѓаат или не, тие се во исто време и лоши филтери во одредувањето што е вистинито. Ако Фејзбук не внимава на тоа кои вести се вистинити, тогаш и пазарот на информации исто така не го прави тоа. Онлајн публикациите како „National Report“, „Huzlers“ и „World News Daily Report“ пронашле профитабилен начин да ги циркулираат своите вести кон одредени целни групи и кои содржат лажни вести базирани на гласини, со цел тие да станат вирални и да агрегираат голем број кликови. Вестите со нови сведоштва за чудата на Исус, познат бренд на леден чај кој бил позитивен на тест на урина, транс-родова жена која фотографирала малолетно дете во бања, сè тоа поминува како интересно и популарно во овој паралелен свет на информациите.
Ехо-коморите на интернетот го потхрануваат нашиот апетит за лаги кои ни угодуваат и ги зацврстуваат лажните уверувања. Ова станува клучен предизвик на 21-от век (The Guardian, 2016).
Интернетот ни отвори свет кој навистина беше револуционерен, но сега кога сите сме онлајн, а перцепцијата за интернетот како прогресивен технолошки новитет полека бледнее, интернетот постапно ја гуши својата револуционерност и прогресивност. Сега доминантно комуницираме само со оние кои се согласуваат со нас. Ако ги користите Фејзбук и Твитер како примарни извори на вести, како што тоа го прават многумина, можете со внимателно менаџирање на својот „news feed“, или „timeline“, да исклучите секого со кој не се согласувате (во Македонија ова е познато и како „Правило Ванковска“).
Комплетната стратегија за успех во што било, без разлика дали се работи за победа на избори, продажба на некој производ или привлекување на посетители на вашата веб-страница, денес се врти околу тоа како што погласно да го привлечете вниманието на оние кои се на ваша страна и отсликување на оние кои се против вас во најлоша можна форма, во нивно демонизирање и дехуманизирање.
Интернетот како дигитална комуникациска платформа израсна лошо затоа што дозволивме да расте хаотично и без доволна грижа, односно без заштита од загадување на неговата инфосфера. Скоро инстантното ширење на дигиталните информации значи дека некои штети од дезинформирањето се многу тешки за поправање, особено кога со тоа се поткопани довербата и верувањето на јавноста и корисниците. Индустријата за висока технологија мора да направи поголеми напори да ги реализира своите можности во поддршката и оддржливоста на јавните добра. Потребна ни е етичка инфосфера да се спаси и светот и ние самите од себе си, а за обновувањето на инфосферата потребни се огромни напори. Мора да ја воозбновиме довербата преку кредибилност, транспарентност и одговорност, како и преку висок степен на трпение, координација и одлучност.
Конечно, стратегијата на „пост-вистинитост“ функционира затоа што им дозволува на луѓето да го прескокнат критичкото размислување додека ги засилуваат своите емоции и афекти за светот со помош на видео материјали и звучни парчиња кои само делуваат вистинито. Алтернативно решение за ова е да им се одземе моќта на корисниците и да се возобноват „чуварите на портите“ (gatekeepers) од претходната медиумска ера, но дали тоа е вистинското решение сега? Во меѓувреме, медиумите и социјалните мрежи ќе ги држат своите корисници во состојба на игнорантност и изолирани од различни мислења. Тие нè лажат, нè манипулираат и ја злоупотребуваат својата позиција на авторитет да нè наведат да веруваме во лажната реалност, односно во пропагандата. Ова е клучниот проблем со технологијата која требаше да нè зближи, а всушност нè изолираше во ехо-комори и нè раздели едни од други. Добивањето информации само од своите пријатели е комуникациска аномалија, треба да ги познаваш своите непријатели и да сфатиш дека тие, најчесто, не се многу различни од тебе.
ПС: И како што привршуваше пишувањето на овој блог пост, дознававме за нови случувања на оваа тема, како на пример за текот на првата прес-конференција на тимот за односи со јавноста на Доналд Трамп кога беше срочен нов, ала-Орвел, еуфемизам: шефицата на изборниот штаб на Трамп, Келиен Конвеј, се обиде да прикрие лаги од кампањата тврдејќи дека не се работи за лаги, туку за „алтернативни факти“. Реакцијата на овој обид за еуфемизација на лагите на властите беше брилијантно дочекана од твитерџиите кои преку хаштагот #AlternativeFacts ја држеа ова тема како најпопуларна на Твитер во текот на целиот ден на прес-конференцијата:
@Kris_Sacrebleu: „Партијата ти кажа да ги отфрлиш сите докази пред твоите очи и уши. Тоа беше нивната последна и најсуштинска заповед (Орвел)“.
@OhmShukla: „Пробав да напишам алтернативни факти на мојата даночна пријава и сега лежам 15 години до доживотно затвор“.
За Македонија и локалниот пазар да се прават предвидувања, ми се чини е за нијанса полесно затоа што како и за ред други работи не се очекува ни во полето за дигитален маркетинг да измислиме „топла вода”, туку да прифатиме и адаптираме нешто што светот веќе го прави.
Comments Off on Внимавајте кому му ги доверувате сметките на социјалните медиумиSocial Media
Fаcebook e одлична алатка за слушање, но таа е далеку од доволна. Интернет е далеку поголем од Facebook. За вашиот бренд или компанија се зборува и на други места. Раководењето на вашите сметки на социјалните медиуми мора да им го доверите на искусни луѓе.
Новите медиуми го менуваат новинарството на длабински начин. Тие промени се сé уште во тек и во голема мера се недовршени. Новинарството се обидува да се прилагоди и на новите медиуми, но и на новата „публика“ која повеќе и не е публика. Станува збор за една трансформирана и дисперзирана категорија. Станува јасно дека нема повеќе јавност и масовна публика во класична смисла, туку има НОВ ТИП ЗАЕДНИЦИ кои бараат „заедништво со медиумите“ во процеси на прилагодена интеракција, активна партиципација и двонасочна комуникација. Публиката се дисперзира на КОРИСНИЦИ, а медиумите мораат забрзано да се прилагодат на таа тектонска социолошка промена.
Во ваков „транзиционен“ медиумски контекст интересно е да се преиспитаат некои класични мотоа на новинарството до кои медиумите се држат слепо, не заради сигурност дека мораат, туку повеќе од несигурност кои се алтернативите. Токму во овој правец извонредно интересен е прилогот на socialmedia.biz под наслов „Преосмислување на новинарството во ерата на социјалните медиуми“ и неколку класични новинарски принципи кои авторот предложува да бидат преиспитани. Да ги разгледаме низ адаптирана верзија за нашите услови на овој план:
1. Објективноста е светост
Авторот вели дека моментно се случува сериозен пресврт во кој корисниците не се повеќе толку заинтересирани за објективноста на медиумот, колку што за нив е важна ТРАНСПАРЕНТНОСТА. Уредувачката политика и блискоста на медиумите со одредени општествени моќници не може да се сокрие во денешниот супер поврзан и хипер информиран свет. Она што им останува на медиумите не е да глумат дека се „објективни“ и дека „живеат и работат само за публиката“, туку на транспарентен начин да ги пласираат и презентираат информациите и содржината. Класичарското идеализирање на одамна неприсутната објективност и дволично додворување на корисниците е надминат модел.
2. Содржината е најважна
Неспорно е дека корисниците ги конзумираат медиумите примарно заради нивните содржини, но останува фактот дека тие се приврзуваат кон нив и остануваат на нив само заради КОНВЕРЗАЦИЈА. Ако медиумот им го овозможи тоа, тогаш може да се каже дека тој одговорил на предизвикот на новото време и изградил здрав однос со корисниците.
3. Мобилните медиуми се ограничени
Потребно е што поскоро да се надмине оваа заблуда, а медиумите да се прилагодат на новиот корисник кој сé повеќе ќе ги користи медиумите во движење. Потребно е не само техничко прилагодување на содржините за користење преку мобилни уреди, туку и употреба на редица новоразвиени средства кои ги разработуваат новите технологии.
4. Медиумите треба да ги поттикнуваат граѓаните на преземање акции
(тие треба само да инфомираат, а публиката сама да донесе свои ставови)- Се чини дека „неангажирачкиот приод на медиумите“ vis-a-vis корисниците е надминат модел на дејствување. Медиумите често им се обраќаат на институциите, центрите на моќ и на јавните функционери со цел да преземат некоја акција, решат некој проблем и слично. Поттикнувањето на ангажманот на корисниците главно се сведува на пренесување на препораките за чување од жешки температури, пиење течности и слични тракатанции. Тоа мора да се промени, поттикнување на ангажираноста на корисниците е во склад со останатите начела кои интензивно се развиваат (конверзацијата, партиципацијата и контрибуцијата) и мора да се засновува на врвните општоприфатени етички принципи од типот на јавен интерес, владеење на правото и правдата, хуманоста и слично.
5. Новинарите никогаш не промовираат – Зошто да не?
Промовирањето и препорачувањето се дел од новиот супер-поврзан интернет. Споделувањето е еден од најважните принципи кои ги градат заедниците и мрежите на корисници. Споделување содржини, постови, фотографии, видеа и сé што ја поттикнува конверзацијата е повеќе од добродојдено.
6. Бројките се важни но не баш многу
Иако скептицизмот кон бројките и статистиката кај нас е сé уште силно присутен, сепак нивното влијаание е неспорно, особено кога се тие приложени на транспарентен, сеопфатен и неманипулативен начин. Ова особено се однесува на транспарентноста во однос на број на посети, кликови, коментари и други придружни содржини кои се елемент во прилог на градење доверба и заедница од корисници. Статистиките не треба да се кријат како што е тоа случај со тиражите и гледаноста на домашните медиуми и да бидат некаков супер таен, сокриен документ кој им се презентира исклучиво на огласувачите (и политичарите?).
7. Медиумите треба да привлекуваат публика
Грешка во старт. Единствен спас на медиумите денес е во постапно и трпеливо градење на ЗАЕДНИЦА на корисници кои знаат што ќе добијат од вас. Таргетирање и бихејвиористичко дразнење и манипулирање (особено со тривијални, ниски скокотливи содржини) се помалку ќе бидат ефектни. Светот се менува, тоа е најприродното нешто, а (само) со „ефтини“ мамки не можете да сметате дека некој ќе развие почит или приврзаност кон вас.
8. Медиумите мора сами и контролирано да ги дистрибуираат содржините
Споделувањето не смее да биде подредено на контрола. Медиумите мора да му дадат простор на процесот на слободно споделување и препорачување, не само преку техничко овозможување, туку и со надградба на процесот и промовирање на одредени носители (external content champions/ditributors) во форма на истакнати поединци, агрегатори, персонализирани канали и слично.
Текстот оригинално е објавен во септемврискиот број на додатокот Претприемач.мк издаден како додаток во дневниот весник Нова Македонија подготвен од ПСМ Фондација.
Минатата недела бев дел од организацијата на третата по ред Глокал конференција. Ама мислам дека нема потреба да спомнувам повеќе зошто секој колку-толку редовен читател на блогов тоа го знае веќе одмана :). Ако не е така, трк на Glocal Conference и види ги деталите, па врати се назад за да ти има контекст останатиов дел од постов.
Еве што според мене треба да се планира, знае и обезбеди за да се добие успешно организиран web 2.0 настан.
1. Планирајте долго и детално. Деталите од организациски аспект не се планираат една недела однапред. Мора да се размислува многу порано, дури и на најмалите ситници. Кабли, луѓе, комуникација, мрежи, вода, знаменца, звук и уште милион други работи. Верувај, кога има толку многу работи кои треба да бидат на место, детали има 3 пати повеќе. Секако најдобро е да си ги запишувате некаде овие зошто ситни детали има премногу а доволно е за еден да немате предвидено реакција и да се создаде негативен впечаток.
2. Испланирајте и подгответе ги сите ресурси на време, особено човечките Доброто покривање во живо на Glocal: Inside Social Media во најголема мера се должеше на луѓето задолжени за тоа. Мора да се има на ум да се обезбеди соодветна технолшка подлога, да се обучат (доколку е потребно) луѓето и да се оди секогаш на проверена варијанта, т.е. да се задолжат луѓе со искуство и рутина. Зошто кога ќе тргне настанот, простор за маневрирање и адаптација има, ама малку е и ако не сте доволно спремни може да настане само поголем хаос.
3. Обезбедете Интернет. ОВА Е НАЈВАЖНО Денес голем дел од сите нас се зависни од континуирано проверување на меил, facebook, twitter и сл. Ако не го правиме тоа онолку често колку што сме навикнати трпението се намалува и доволен е мал пад на мотивацијата за следење на настанот за да се откаже публиката од следење на преостанатиот дел. Ако сесијата или презентерот не му е интересна на некој посетител тој секогаш ќе може да ја отсурфа и да се вклучи подоцна.
Обебзбедете два различни извора на Интернет. Да. Тешко е, ама за подолги настани никогаш не знаеш кога може да откаже едниот. Раздвојте ги конекциите, онаа за организација и онаа за посетители.
4. Управувајте со настанот континуирано, дури и кога сте на сцена На Glocal: Inside Social Media се уверив колку е корисно да се има компјутер со себе кога седите и на главната маса. Едноставно, перспективата на гледање на работите малку се менува, па добро е да се биде во ситуација да се комуницира со луѓето од организација. И додека седите горе може да се случуваат герешки и да се потребни ситни интервениции. Требаат кабли, се адаптираат детали во програмата, се пренесуват онлајн дискусии, се бара доближување на микрофонт, потребни се корекции во кодот на сајтот и слично. Сето тоа се решава со следење на twitter и со чет. Лесно и скоро неприметливо. И уште нешто, обидете се да обезбедите сите модератори на сесиите да имаат со себе на сцена компјутер.
5. Бидете транспарентни цело време За која било тема, дали станува збор за стримот, за паузите, за кафето, за сендивичите, за откажувањата и промените. Интернет публиката е публика која сака транспарентност. И онака целиот настан се одвива пред нивните очи, сеедно дали се на самото место или дома пред екран. Ако падне стримот, бидете први кои ќе го објават тоа и кажете дека работите за да го вратите. Ако некој дел од сајтот не работи побарајте помош за брзо решение.
И да наведам вака на крај што се случуваше во позадина на Glocal: Inside Social Media
Имавме два проектора, еден за официјалните презентации еден одбројуваше време преостанато за презентација. Иако на многумина оваа идеја им беше нова, морам да признаам дека јас ја имам видено на настани органзирани од Метаморфозис. Имавме две камери. Една за стрим (за неа беше задолжена Тијана) и една од позади го снимаше одвоено целиот настан. Мите ги надгледуваше камерите, сликаше, твиташе, фејсбукаше и ги качување на flickr фотографиите. Три девојки ги пишуваа кусите прегледи за презентациите и ги дополнуваат линковите кон другите написи: Славица, Ана и Илина. Имавме две безжични мрежи. На едниот рутер имавме врзано компјутер со загарантиран проток кој стримаше. Двете мрежи беа отворени но сепак онаа без стримот беше примарна. Имавме сајт на кој се прикажуваше стримот и се агрегираше содржина. Борис чепкаше во позадина на сајтот а јас правев од се по малку, сликав, твитав, чепкав по сетинзи и најмногу од се издавав наредби :).
Што постигнавме? Настан за социјални медиуми кој максимално ги искористи социјалните медиуми ВО ЖИВО. Нема да бидам скромен. Ќе пишам. Многу бевме добри.
Благодарност, уште еднаш до сите кои помогнаа, дојдоа, гледаа и активно учествуваа на било кој начин во годинашната Глокал конференција.
Не дека уживам да критикувам ама ете, морам :). Во првиот обид кога коментиравме за техниките на објавување на онлине вести на сајтот на А1, Стеван реагираше позитивно. Стеван веќе не е таму, ама ајде да видиме дали сега ќе реагираат пак.
– Информацијата е објавена во 13:54. Фино. Брзо реагирале и објавиле. Јас преку линк на Twitter (патем и овој од таму го кликнав) видов дека и Макфакс имаат објавено ама според нивните детали некоја минута подоцна во 14:09. Одиме понатаму.
– Почнувам да читам. Изјави од скопјанка, видео прилог, изјава од Сеизмолошката опсерваторија. Слики од тие машините што мерат. Мапа. Браво. Браво. За 50 минути новинаров се си стокмил. Алал нека му е.
– Па и стендап си направил новинарот во прилог кој наликува како да е правен за некоја хипер локална телевизија (Скопје и скопјани се во центарот на сторијава) а не национална телевизија. Патем нели епицентарот бил блиску до Гостивар
– Продлжувам понатаму, 79 коментари (до сега 🙂 првиот од нив објавен во 13:29, па 13:30 и така се до 20тиот коментар, се видовити. Сите тие објавиле коментар пред и да биде објавена сторијава. Алал нека му е на народов. Брз, информиран и поише од новинариве, знае народов дека А1 ќе објави па да си стаат они кометар на време 🙂
– Налет друго, од коментарите добив чувство дека сторијава не била баш таа кога тие почнале да коментираат. Ко да собирале информаци заедно со новинарот, паралелно, ко да барале на интернет и ко да споделувале и тие. А нив, читателите, активните читатели на А1.com.mk никаде ги нема во прилогот. Поглед во коментарите открива каде и колку се осетил земјотресов, и тоа е вредна информација а?
Да резимирам или јасни ми се поентиве?
Објавување на интернет си има свои принципи, етички и уредувачки правила. Тоа што на интернет може да се дополни/промени содржина лесно не значи дека треба да се изгуби доследност транспарентност и сл. Изгледа професорот мој по печатени медиуми имаше право кога ми викaше: „Од кај да знам јас дека не сменилe нешто. Вака на харија е можам за збор да го фатам”.
Се обидував да му објаснам дека не оди тоа баш така, ама по се изгледа тој пореално ги гледал локалниве практики. Може бидејќи ги учел нашиве новинари, затоа. А јас само се надевам дека некој медиум ќе се обиде да гради доверба. На овој начин дефинитивно не се гради тоа знам сигурно.
Патем, јас не го осетив земјотресов, ми кажаат подоцна на чет, а првите информации ги добив Twitter. Ова беа моите пораки на Twitter:
