Posts tagged httpool

Има ли решенија за кризата на медиумите?

Минатата недела имав пригодна можност да се сретнам и поразговарам со некои од членовите и новинари на АКТИВ. Се работи за мошне интересен проект и веб платформа која има цел да поттикне оформување на дигитална заедница на активисти, да охрабри и овозможи здрава дебата во општеството, размена на информации и мислења и да понуди решенија за актуелните проблеми преку квалитетен и стручен увид во нив. Секој, како што самите членови наведуваат: „ненасилен и инклузивен граѓански активизам, базиран на граѓанските потреби и права“, навистина треба да биде подржан и охрабрен.

Во разговорот со Тамара Чаусидис, еден од најреспектираните медиумски работници во својата фела, се навративме на состојбите во македонските медиуми, проблемите, предизвиците, можните решенија, неизбежната политика, медиумската култура и неколку блиски и поврзани теми.

Генерално земено, се обидов да ги нагласам нездравите услови во кои функционираат нашите медиуми, а тоа се полудивиот пазар на медиуми, селективната примена на законите, политичкиот интервенционизам, финансиската неодржливост на повеќето медиуми кои нужно резултираат во медиумски клиентелизам, непочитување на професионалните и етичките стандарди, низок квалитет на медиумскиот производ и, секако, сериозно губење на довербата во медиумите. Во комбинација со промените кои ги наметнува новата дигитална реалност која ги изместува старите работни навики и бизнис модели, може да се каже дека кризата на домашните медиуми е толку сериозна што може да се постави прашањето дали тие воопшто ја исполнуваат својата улога во едно општество кое сака да биде демократско?

 Имаме борба на спротивставени општествени чинители во којашто граѓанинот и неговите интереси се целосно изгубени. Тоа е примарниот негативен ефект. Второ, имаме незастапеност на различни групи од интерес. Ако партиите ја преземаат улогата да претставуваат цели етникуми (на ангро), тогаш сите други видови колективи, здружувања и граѓански групи остануваат целосно отфрлени и не можат да дојдат до израз и глас… Граѓаните остануваат маргинализирани во општеството, исфрлени од демократскиот процес, нивниот глас не може да се чуе, ако излезат на протести ќе бидат етикетирани дека се од некоја партија или етикетирана група. Ним практично им се негира правото да излезат и да искажат став по некое прашање кое ги засега.

Ако медиумите се крајно политички поларизирани, јавниот сервис не функционира врз принципите на јавниот интерес, пропагандата царува, новинарските стандарди никој не ги почитува (дури на основа на елементарна лектура на текстови, да не зборуваме за повисоките нивоа на проверка на факти, извори и слично), тогаш клучното прашање е како тогаш граѓаните можат да ја преземат и исполнат својата демократска  улога, т.е да ги одберат своите претставници во институциите, да ги повикаат на одговорност, и конечно, како тие компетентно да влијаат врз општествените процеси кои најмногу ги засегаат?

Сето тоа е доведено под голем знак прашалник кога во врзаниот синџир на процеси и фактори, медиумите се поттиснати на ниво на прости еднонасочни канали за проп-агитирање, наспроти тоа да бидат субјекти кои ќе внесуваат некоја општополезна разумност, и ќе го сопрат суровото пропагирање на интересите и тесните гледишта на мали групи луѓе заседнати во политичките и економските фотелји на моќта.

 Зборуваме за корелација на див пазарен систем со непостоење на здрав, јавен информативен сервис. Тие два столба не функционираат што води кон речиси целосно нарушување на јавниот комуникациски систем. Значи ние немаме систем на информирање кој би бил здрав во смисла на балансирано и неутрално информирање на граѓаните.

Дискутираните решенија се едноставни во теорија, многу сложени и болни во пракса: целосна примена на позитивните закони и уредби, целосно повлекување на политичкото менаџирање и притисоците, овозможување на слободна пазарна конкуренција која ќе поттикнува квалитет vis-а-vis интересите на граѓаните, а не клиентелизам кон партиите, и така натаму.

 …Повеќе пати се уверувме како медиумите со своето небалансирано, стихијно и непрофесионално известување создаваат атмосфера на нетрпеливост, попуштање на моралните и цивилизациски стеги кај поединците и ги охрабруваат вербалното насилство да го преточат во реално насилство. Медиумите се многу важни ако не и клучни во тензични ситуации во смисла да не се влошуваат состојбите, туку да поттикнат јавно мислење кое е толерантно и неагресивно…Во таа смисла е важно тоа професионално малцинство да расте затоа што тие се фактор на стабилизација и развој и важно е да ги охрабриме, а јавноста во нив да препознае модел кој треба да стане доминантен.

Со благодарност до АКТИВ за можноста да размениме гледишта на овие важни теми, се надевам дека умерениот оптимист ќе го надвладее реалистот за кој зборувавме во самиот текст.

Македонските весници најотпорни на кризата

Насловот на постов е преземен од сторијата на Нова Македонија: Македонските весници најотпорни на кризата. Да побрзам со мојот став во врска со него ќе треба да го цитирам твитот на Сеад од вчера:

У ствари македонската економија не е во рецесија затоа што нема македонска економија, она што не постои не може да е у рецесија.

По некаква груба аналогија може да се рече нешто слично и за насловов. Но ајде со ред со мрчењево. Веќе вчера на твитер најавив дека ќе пишам пост со многу прашања поттикнати од изјавите на претставницте на фелата во текстот на НМ.Прашањата не се директно насочени кон тој што ја дал изјавата, туку генерално кон сите нас.

Фотографија: Роберт Атанасовски
Фотографија: Роберт Атанасовски

Да пресечам на кратко, текстот е генерално добар, има доста аспекти но од авион се гледа дека секој соговорник си збори за она што го мачи.

Падот на тиражите на дневните весници кај нас не е поголем од 10 отсто…

Сепак, се смета дека падот на тиражот на сите дневни весници во просек е од 5 до 10 отсто… – Стратеџик Маркетинг

Прашање: Во споредба со кој период? Кризата на весниците не е нова работа, и не се случува преку ноќ? Дали 10% е намалена продажбата, да речеме во последниве две години?

Тиражите опаѓаат последниве години кај нас. Сите весници веќе имаат и свои интернет-изданија, но проблемот е во тоа што тие изданија се бесплатни. -Роберто Беличанец

Прашање: А зошто не се обидат да ги направат со платно? Па да видат тек тогаш што ќе ги снајде.

Падот на тиражот е очигледен кај сите весници, но јас сметам дека тоа е пред сè поради сиромаштијата, а не поради онлајн-изданијата – Жане Ванкова

Случајно да не има малку врска ова со сиромаштиајта на информации кои се понудени? Не приметив дека луѓето штедат на информаци, нели стануваме информациско (не информатичко) општество. Насекаде околу гледам дека сите се повеќе зависат од информации, ама види мајката тука не влегуваат информациите кои се поместени во весниците.

Што се однесува до онлајн-изданијата, проблемот е што самите огласувачи сè уште не се расположени за таму да огласуваат. Сите весници имаат онлајн-издание, но го нудат бесплатно. – Ерол Ризаов

Види комнтар погоре. Прашање: А дали вие како издавачи сте спремни и расположени да понудете огласување онлајн? Каде ви се понудите? Колку се подготвени вашите изданија за рекалми и колку се подготвени вашите маркетинг сектори за истото?

Нашите интернет-изданија се исти како печатените, за разлика од западните весници, каде што содржината во двете изданија се разликува. Главните уредници не можат да наплатуваат за интернет-изданијата, затоа што нема механизми за наплата, а и ќе губат читатели. Ерол Ризаов

Прашање: Зошто се исти? Што сака да каже Ерол со вторава реченица??? Како се разликуват механизмите за наплата принт – онлајн? Како тоа уредниците наплаќаат?

Ај доста е мрчење, се надевам ќе се отворат прашањава далеку повеќе во иднина, иако не сум нешто голем оптимист пред се заради некои комплексни локални ситуации кои фино ги дефинира Ерол:

Сите весници работат со загуба и на нерегуларен пазар. Тие нема да згаснат бидејќи сопствениците не ги формирале за профит, туку за други цели.

Јас би сакал да видам некој настан организран на оваа тема, локално со локални актери, ама со актери кои се спремни да слушаат и да споделат и да си отидат дома (или на работа) спремни да променат некои работи. Толку од мене, ако имаш некое прашање плус, пиши, ако имаш одговор обавезно пиши 🙂

Macedonia online: По стапките на Естонија? Не баш…

Nicolas Kayser-Bril направи подолга турнеја низ поширокиов регион која ја започнал со цел да се запознае малку повеќе со локалните прилики и неприлики на тема онлајн медиуми, еве што забележа во Македонија

Continue reading

Редефинирање на дневните весници

Немам а и не горам од желба да имам информации како се движат тиражите на нашите дневни весници, а и да имам кој знае колку се точни. Но во моментов би сакал да знам дали за локалните тиражи важи новиот светски тенд кој предизвикува сериозни промени во издаваштвото.

Веќе некое време дневните весници по светов бележат падови на тиражите и брoјот на реклами во текот на работните денови, а на сметка на тоа викенд изданијата скоро па да цветаат.Може ова и да не е глобалниот тренд но останува фактот дека некои денови од неделата оди подобро од други, и тоа континуирано.

И нормално кога во некои денови не иде, а нема пари, рецесија, едно друго, мора да се преземе нешто.

Фино си смислиле некои весници, ќе излегуваат само оние денови кога им се исплати:

This week, three Ohio newspapers—The Troy Daily News, Piqua Daily Call and Sidney Daily News—have announced that effective Feb. 10, they will eliminate their Tuesday editions.

The 100-year-old Troy Daily News will now publish six days a week, including the Miami Valley Sunday News on Sundays. The Piqua and Sidney newspapers, which do not have Sunday editions, will print five days each week.Monday’s news will be published in expanded Wednesday editions and will be available online Tuesday on the newspapers’ Web sites: troydailynews.com, dailycall.com and sidneydailynews.com

In the UK, the Liverpool Daily Post, has cancelled its weekend edition, now publishing only Monday through Friday. This is a part of a structural reorganization of the newsroom.

Малку повеќе детали за одлуките има кај Dr. Mario R. Garcia: Never on Monday—-or Tuesday, or Wednesday: how newspapers redefine “daily”

За воља на вистината и јас кога купувам весник најчесто купувам за викенд, ама ич не сум подразмислил како би функционирало тоа да се скокаат денови?

Веројатно еден од основните предуслови за да се донесе некоја ваква одлука, локално, ќе мора да биде малку поголема инвестиција и посериозен третман на интернет изданијата. Факт е, од сегашна гледан точка тие чинат помалку отколку пешатење и дистрибуција на стандардно издание.

Видео на хартија – корисни совети

Весниците се префлија/префрлаат онлајн, ама пусто турско името не сакаат да си го сменат, им прилега ова изгледа. Во, новиов, онлајн свет тие станаа multi-media information engines, информациски центри, мултимедијални издавачи и уште многу други работи. Еден дел од овие приказни е и креирање на видео за на сајт

Continue reading

Click Magazine .mk

Пред повеќе од една година, пишав за ребрендирањето на ClubFootball во eSport и бев возбуден бидејќи бев дел од тимот кој ја правеше промената.

Овој пат, повторно бев дел од еден тим, и повторно станува збор за истата издавачка куќа, Global Media, но сега новиот магазин е на тема која природно ми е поблиску.

И повторно со возбуда најавувам нов магазин во Македонија. CLICK нов магазин за компјутери, т.е. се што е врзано со нив или е во нивна близина, се што е гаџет, или интернет иуште еден куп други работи. Мислам дека е јасно, нели 😉

Подготовката на пилот бројот, разглобувањето на многуте детали и дилеми беше предизвикувачки процес, но на крај мислам дека резултираше со сосема задоволителен приоизвод. Од една страна јасно е дека не може се да биде перфектно во првиот број, но од друга страна заради факторот љубопитност бројот на купувачи на првиот број е голем и првиот впечаток е доста важен. Да се има сето тоа предвид не е лесно. Исходот од публиакта го чекаме во теков на седниве недели.
Покрај развојот на магазинот во првиов број помогнав и со неколку текстови. Се разбира, не ги напуштив темите поврзани со онлајн светот.

Патем, официјална најава е планирана за утре, но некои (Goodbytes, It.com.mk) веќе „продреа” предвреме и го најавија магазинов (што излезе уште подобро) откако улетале на неговата официјална веб страна: clickmag.mk, за која се подготвува друго сценарио. Во меѓувреме таму може да се погледне во дел од содржината на првиот број.

Пораст на тиражите во земјите во развој

И сега каде сме ние? Дека сме развиени нешто слабо забележувам. Ниту се селат реклaмите онлајн ниту се отпуштаат новинари. Дека сме во развој. Па некако се надевав. Ама изгледа и тоа не сме.

Continue reading

Излезе новата Нова Македонија

Не знам дали има потрба да се преповторува што Нова Македонија значи за нашава држава и сл. Ќе треба да утупам со комунистичка пропаганда де :), затоа без помпезна најава еве колку да не остане неодбележано.

Денес, со цена од 10 денеари на македонските трафики се појави најновата реинкарнација на Нова Македонија. Со колор страни, со променет формат и со нова постава. Нека им е со среќа на креаторите.

Мала дискусија има на блогот Бележник, а би додал дека не e баш благодарно да се мрчи одма на првиот број, нели уште не е легнат, иако по правило него го читаат/купуваат/разгелдуваат/коментираат најмногу луѓе па токму затоа треба убаво да се подготви.

Од утре натаму ќе видиме што и како ќе се менува, ако воопшто нешто има тенденција да се менува на македонскиот медиумски пазар.

Во весникот внатре пишува и вакво нешто:

Деновиве ќе профункционира и порталот www.novamakedonija.com.mk, на кој, покрај текстовите од редовното издание на весникот, ќе има и постојан прилив на најнови вести, информации, фотографии и други содржини од светот на забавата, културата, политиката и економијата.

Епа ај ќе видиме 🙂

Реклама на цела насловна

Јули 2006 во еден пост пишав:

Мене едноставно ми се допаѓа идеата за реклама на цела насловна страна 🙂 баш би сакал да видам како тоа би изгледало кај нас 🙂 …70,000 $ казна за насловна страница

И ете, се случило и тоа, а јас не сум го ни забелеежал. Ама затоа има тука и други блогери кои не пропуштаат:

Ги видовте ли денешните насловни страници на Шпиц, Време и Коха? Видовте ли кој е газда на насловните страници денеска, особено ако се земе предвид дека денеска излегоа само весниците на Велија Рамковски?

Колку и да му изгледа некому контраверзна, ми се допаѓа идејата насловните страници да се нудат на продажба во целост, па кој сака – бујрум, нека си ја купи и нека си објави реклама. …Бележник

News interactivity

Преглед на степенот на итерактивност на еврпоските news сајтови. Вклучени се и неколку локлани.

Интересно е да се стават рамо до рамо локалниве онлајн изданија но и да се види колку може да се мерат со останатите европски извори на вести, се разбира кога станува збор за избраните интерактивни соджини.

Continue reading