Posts tagged humor

Стилски информативни вежби

Не знам дали сте ја читале книгата на Рејмон Кено (Raymond Queneau) „Стилски вежби“? Извонредно книжуле кое на мошне живописен начин раскажува за еден едноставен настан виден од едно деведесттина различни агли.

Токму на ова книга се потсетив кога денес низ комуникацијата со Дарјан размислував за известувањето на локалните медиуми околу немилиот настан во кој еден романски ракометар беше убиен, а двајца други, едниот Хрват, другиот Србин (или еден Србин и еден Хрват), повредени. Да видиме за што вусшност станува збор:

А1ТВ го пренесува настанот со следната сторија: „Убиен ракометар на унгарски Веспрем“. Во содржинскиот дел по новинарската методика на информативен триаголник (од најважното кон комплементарните информации, сѐ до деталите) коректно се наредени информациите:

Романскиот ракометен репрезентативец Маријан Козма е убиен, хрватскиот репрезентативен голман Иван Пешиќ остана без бубрег, а Србинот Жарко Шешум е полесно повреден, откако синоќа биле нападнати во ноќен клуб во Веспрем, западна Унгарија, соопшти унгарската полиција.

Подолу следат останатите детали. Запазете ги сега девијациите од оваа едноставна и базична новинарска професионална норма. Нетпрес оди со насловот „Српски ракометар претепан во Унгарија, уапсени 2 осомничени“:

Група хулигани вчера во кафуле го нападнале српски(от) ракометар Жарко Шешум  и  му нанеле тешки повреди на очната коска. Романскиот играч Маријан Козма е убиен а Хрватот Пешиќ останал без бубрег…

Со други вака описни зборови „еден Србин претепан,  а некој таму романски лузер убиен, плус еден Хрват загубил бубрег“. Очигледно Нетпрес внесува национално приоретизиран критериум во правење наслови и пласирање информации. Но, чекајте, тоа не е крај, да видиме што има „Вечер“ да каже и какви факти има прв да ни открие: „Шешум и Пешиќ – претепани, Козма убиен заради девојка“.

Српските ракометари Жарко Шешум и Иван Пешиќ, кои со својата репрезентација го освоија осмото место на неодамна завршеното Светско првенство во Хрватска, тешко се повредени во тепачка која се случила во една од дискотеките во унгарскиот МКБ Веспрем. Трагедијата е поголема бидејќи тепачката однесе и една жртва. Се работи за нивниот соиграч Романецот Маријан Козма, додека двајцата српски ракометари се сместени во болница и моментално се наоѓаат на интензивна нега, соопшти унгарската полиција.

„Вечер“ како и обично оди чекор понатаму во мешањето на селективно наредени информации и предумислено пласирани коментари, па во овој настан го прави следното: (а) хрватскиот ракометар го посрпчува, па кажува најважното дека (б) српската репрезентација го освоила 8-то место на првенството кое неодамна заврши, (в) во која дискотека ова се случило (се работи за име на клуб наведен како место (?) и (г) конечно кажува дека, ете му, некој Романец и загинал.

И да го цитирам Дарјан од нашата денешна преписка: „Ако не си Србин, џабе е и да те утепат, пак може да те нема во насловот“. Enough said, enough said.

Редефинирање на дневните весници

Немам а и не горам од желба да имам информации како се движат тиражите на нашите дневни весници, а и да имам кој знае колку се точни. Но во моментов би сакал да знам дали за локалните тиражи важи новиот светски тенд кој предизвикува сериозни промени во издаваштвото.

Веќе некое време дневните весници по светов бележат падови на тиражите и брoјот на реклами во текот на работните денови, а на сметка на тоа викенд изданијата скоро па да цветаат.Може ова и да не е глобалниот тренд но останува фактот дека некои денови од неделата оди подобро од други, и тоа континуирано.

И нормално кога во некои денови не иде, а нема пари, рецесија, едно друго, мора да се преземе нешто.

Фино си смислиле некои весници, ќе излегуваат само оние денови кога им се исплати:

This week, three Ohio newspapers—The Troy Daily News, Piqua Daily Call and Sidney Daily News—have announced that effective Feb. 10, they will eliminate their Tuesday editions.

The 100-year-old Troy Daily News will now publish six days a week, including the Miami Valley Sunday News on Sundays. The Piqua and Sidney newspapers, which do not have Sunday editions, will print five days each week.Monday’s news will be published in expanded Wednesday editions and will be available online Tuesday on the newspapers’ Web sites: troydailynews.com, dailycall.com and sidneydailynews.com

In the UK, the Liverpool Daily Post, has cancelled its weekend edition, now publishing only Monday through Friday. This is a part of a structural reorganization of the newsroom.

Малку повеќе детали за одлуките има кај Dr. Mario R. Garcia: Never on Monday—-or Tuesday, or Wednesday: how newspapers redefine “daily”

За воља на вистината и јас кога купувам весник најчесто купувам за викенд, ама ич не сум подразмислил како би функционирало тоа да се скокаат денови?

Веројатно еден од основните предуслови за да се донесе некоја ваква одлука, локално, ќе мора да биде малку поголема инвестиција и посериозен третман на интернет изданијата. Факт е, од сегашна гледан точка тие чинат помалку отколку пешатење и дистрибуција на стандардно издание.

Alexa му дала на Вечер

Темава (на Вечер им бил најголем, агејн) е репете, елаборирана од Дарко порано, прилично аргументисано. Да не се лажеме, со Алекса има финта, и не се веродостојни, воопшто. За што се работи? Инсталираш тулбар Алекса, ставаш рифреш на 10 минути, и Алекса ти брои дека за два саати 12 корисници ја посетиле страната на која ти е прелистувачот?!? И сега „рачунајте“ за месец дена колку такви „лажни“ посетители можете да изсимулирате :) Ова е само еден начин, иако постојат редица други на слична основа.

The Alexa toolbar is regarded by many vendors as spyware. Symantec classifies the toolbar as Trackware.[17] McAfee Site Advisor rates the Alexa website as yellow with a warning, “In our tests, we found downloads on this site that some people consider adware, spyware or other potentially unwanted programs,” and the site has 67 user ratings of “Adware, spyware, or viruses”, as of July 2, 2008. The toolbar is detected by McAfee as Adware-Alexa, a “Potentially Unwanted Program”.[18][19] Many other security vendors also detect and remove Alexa software.

Актуелната листа на Алекса на најпосетувани сајтови во МК е следнава (Top Sites Macedonia), која секако не е целосно ирелевантна, напротив, но останува забелешката дека е прилично подложна на „Rating Enlargement“ методи. Се разбира не е работава дали некој го сака или не Вечер, или кој било друг весник, туку е повик на усул и почит на интелигенцијата на јавноста пред да се прогласите себеси за најчитан весник :)