Posts tagged ??????

Mобинг

Името на Ивана Делиќ Јанковиќ, новинарка од Јагодина, Србија, би требало да се запомни. Се работи за новинарка која храбро се одлучила да не трпи малтретирање и психолошко тормозење на работното место, во весникот „Нови пут“, и издејствувала судска пресуда против малтретирање на работно место (мобинг), веројатно прва од таков вид во регионот, на работно место во медиум:

 U Srbiji doneta prva presuda zbog mobinga. Milovanović, v.d. glavnog i odgovornog urednika nedeljnika “Novi put”, je osuđen zbog toga što je maltretirao novinarku tog lista Ivanu Delić Janković, koja je u julu prošle godine prijavila ceo slučaj policiji. Suđenje je trajalo gotovo pola godine. Ivani Delić Janković, koja u Javnom-informativnom preduzeću “Novi put” radi kao novinarka i urednica sedam godina, Milovanović je govorio da je “glupa, da kupi prnje i tornja se”, te da mu smetaju njen miris, glas, smeh i prisustvo.

Мобинг е термин кој ретко ќе го сретнете низ медиумите во Македонија, а уште поретко во експертските расправи кај нас, како да не постои овој феномен кај нас. Законот за мобинг е една од препораките на ЕУ и е мошне важен како комплементарна регулатива за слободата на медиумите, и средство за заштита од внатрешна цензура во медиумите и автоцензурата кај самите новинари.

Вордлaње на нашите медиуми

Откако Баждарчијата го истестира, Дарко го пренесе пред тоа, а Јетон го приопшти во нашата Блогосфера, си реков време е и јас да се испробам на овој одличен сервис: wordle.net. Wordle e сервис за генерирање на таг-облачиња (tag clouds)

Мене ми беше интереснода го тестнам на нашите медиуми. Неколку процедурални реплики: (1) сајтовите кои имаат RSS feed, се внесуваат преку RSS, но ги дава само оние последни фидови кои се наоѓаат на РСС-листата на последни вести (во просек 15-20 кај разгледаните медиуми); (2) Кај оние што немаат RSS морав рачно да ги внесувам копипејстно текст по текст, но само ударните вести, т.е. оние кои се дадени како главни вести на почетната страница на веб изданијата на нашите медиуми.

Еве ги резултатите (напомена: податоците се илустративни, делумни т.е. се однесуваат само на ударните вести и се механички генерирани од самиот сервис):

utrinski.JPG

Кај Утрински весник доминираат економски теми (дефицит, увоз, долари, и.т.н.).

makfax.JPG

Кај Макфакс провејуваат повеќеинтернационални вести.

vecer-naslovna.JPG

За Вечер идеална вест би бил некаков mеnage-a-trois помеѓу БЦ, Зајче и Парис Хилтон 🙂

a1.JPG

Кај А1 доминираат внатрешно политички лексеми/теми (Црвенковски, Зоран, градоначалник, ВМРО-ДПМНЕ, и т.н.).

За некое поопсежно истражување Wordle e навистина добар инстражувачки инструмент (ако се примени како што е предвидено), иако внимателниот аналитичар секогаш ќе ги спореди истите податоци на различни инструменти, а вакви генератори има прилично.

На оние на кои не им се допаѓа нешто нека си се жалат на Вордле 🙂