Откако Баждарчијата го истестира, Дарко го пренесе пред тоа, а Јетон го приопшти во нашата Блогосфера, си реков време е и јас да се испробам на овој одличен сервис: wordle.net. Wordle e сервис за генерирање на таг-облачиња (tag clouds)

Мене ми беше интереснода го тестнам на нашите медиуми. Неколку процедурални реплики: (1) сајтовите кои имаат RSS feed, се внесуваат преку RSS, но ги дава само оние последни фидови кои се наоѓаат на РСС-листата на последни вести (во просек 15-20 кај разгледаните медиуми); (2) Кај оние што немаат RSS морав рачно да ги внесувам копипејстно текст по текст, но само ударните вести, т.е. оние кои се дадени како главни вести на почетната страница на веб изданијата на нашите медиуми.

Еве ги резултатите (напомена: податоците се илустративни, делумни т.е. се однесуваат само на ударните вести и се механички генерирани од самиот сервис):

Кај Утрински весник доминираат економски теми (дефицит, увоз, долари, и.т.н.).

Кај Макфакс провејуваат повеќеинтернационални вести.

За Вечер идеална вест би бил некаков mеnage-a-trois помеѓу БЦ, Зајче и Парис Хилтон 🙂

Кај А1 доминираат внатрешно политички лексеми/теми (Црвенковски, Зоран, градоначалник, ВМРО-ДПМНЕ, и т.н.).

За некое поопсежно истражување Wordle e навистина добар инстражувачки инструмент (ако се примени како што е предвидено), иако внимателниот аналитичар секогаш ќе ги спореди истите податоци на различни инструменти, а вакви генератори има прилично.

На оние на кои не им се допаѓа нешто нека си се жалат на Вордле 🙂