Настанот е овој:

„A New Model for News“, Studying the Deep Structure of young adult News

Consumption – A Research Report from the Associated Press.

Одгласот е следен: „Младите луѓе се уморни од вести“ (туф! 🙂

Заклучоците, и по некое коментарче, се ови(ј)е 🙂

• Вестите се конзуми„с“аат во четири типа пакувања: 1. факти, 2. ажурирање на фактите (од број 1), 3. бекграунд на фактите, 4. најави.
• Испитаниците се пренатрупани со факти и апдејти на фактите и не стигнуваат до третата фаза (контекстуализација, смисла, разбирање…) на вестите, фактите, т.е. постои нерамнотежа помеѓу информации и контекстот на информациите. Со други зборови, информациите се третираат како и брзата храна, „земи, носи“.
• Информациите се конузмираат пасивно (т.е. не се бара контекстот и смислата на понудените информации).
• модерниот начин на живеење влијае на начинот на следење (конзумирање) на вестите (значи седнување после работа и гледање вести од 4 до полноќ, за некое време ќе стане само дел од историјата). Корисниците, поднаучени од интернет навиките, сакаат да имаат контрола врз инфрмациите (да ги следат кога сакаат, колку сакаат, да ги препраќаат, коментираат и реконструираат пред се на онлајн платформи).
• Што повеќе вести и информации на пазарот на информации ја намалува нивната вредност, па затоа исите мораат да се прилагодат и да бидат брзи и директни. Повеќе вести води кон замор од истите. Кон тоа придонесуваат и жаргонизмите и незаокруженоста на сториите.
• Гледачите/читателите сакаат поаналитички информации, но не ги добиваат [брзите медиуми едноставно не им ги сервираат, а сувите интервјуа (високодирани 🙂 со општествените актери повеќе не се доживуваат како аналитичка содржина заради транспарентноста на пристрасноста на актерите].
• Вестите мораат да разберат дека информациите се примаат во „мулти-таскинг сесии“, односно седење и гледање само вести е надмината работа.