Posts tagged skopje newmediamk

Медиумската етика падна, бројот на жртвите засега непознат

Неколку белешки со цел малку да се рационализира бранот негативни реакции по „испадот“ на  програмата на Канал 5 во кој тизер-реклама за нова серија на оваа национална телевизија предизвика вознемиреност кај голем број граѓани:

Канал 5 телевизија, по емитувањето на централниот дневник, објави вонредна вест според која ‘веднаш по полетувањето се урнал авион, а дополнителни информации ќе следуваат наскоро’. Граѓаните во паника, веднаш почнале да се јавуваат на скопскиот аеродром и во МВР за да проверат за што се работи со оглед на тоа што имале блиски кои токму вечерва патуваат преку скопскиот аеродром „Александар Велики”.  Според коментарите на социјалните мрежи, најверојатно се работи за реклама на телевизијата за нова серија, во која има слична тематика, односно авионска несреќа.

(Кирилица, 20.06.12).

Во жанровски формат на телевизиски вести емитувана е реклама за нова серија, што како техника не е непознато. Еден од најпознатите примери на преосмислување на жанрот на вестите за повпечатливо да се пренесе некоја порака секако е емитувањето на радио драмата „Војна на световите“ во САД во 1938 година. На „слична“ идејна линија е и овој случај со тоа што овде не сме сигурни дека тој ќе остане запишан како пример за паметење во позитивна смисла. Напротив.

Почитувани гледачи ја прекинуваме програмата за веста која штотуку ја добивме. Се случи авионска несреќа. Веднаш по полетувањето авионот падна. Повторувам, се случи авионска несреќа. Засега не е познат бројот на жртвите. Очекуваме вести од местото на настанот. Ќе се јавиме повторно“.

Идејата низ „реалистичниот код на вестите“ да се пренесе возбудлива порака за серијата која треба да се емитува прилично се самозакопа и предизвика реакции заради кои телевизијата мораше да се извинува, а предизвика и контра-монтажи.

Што всушност се случи?

-Суштински гледано се работи за манипулативен рекламен сензационализам во коj средството за манипулација беше форматот на телевизиските вести како „мамка“ не само за привлекување внимание, туку и предизвикување силни реакции. Ризикот од пречекорување на чувствителната граница помеѓу медиумската и вистинската реалност најчесто е пресметан, што веројатно било случај и овде. Сепак, кога ваков тип на „тизер“ се користи во други средини обично се работи за средина каде угледот на медиумите е (далеку) поголем а медиумската писменост исто така поразвиена, па менаџирањето на реакциите е далеку попредвидливо и поконтролирано. За несреќа „досетката“ на Канал 5 не можеше да смета ниту на едното, ниту на другото. Угледот и довербата во медиумите кај нас се крајно урнисани, па по дознавањето дека се работи за „рекламна досетка“ (која се користела и во Турција?) реакциите очекувано беа крајно негативни.

– Дополнителен фактор за колапсот на тизерот е општествениот контекст кој изобилува со тензични моменти и елементи, а јавноста е навикната од вестите да слуша само негативни стории и информации, кои ретко ги преиспитува доволно критички. Доволен е мал „тригер“ за да предизвика сериозна вознемиреност и лавина реакции, особено ако тие се вклопуваат во веќе утврдени негативни општествени стереотипи. Наклонетоста на локалниот менталитет кон катастрофични сценарија и скептичноста беа силен фактор во нижењето на настаните и реакциите. Така се случи тизерот да не биде прочитан како тоа можеби некој сакал.

– Сепак, вака или онака, јавноста дозна за серијата која се рекламира, иако беше со право згрозена од начинот на кој тоа беше изведено, а телевизијата го злоупотреби нивелирањето на добар и лош публицитетот во полу-хаотични ситуации за да си ја протне својата комерцијална порака. Во таа смисла етичката одговорнсот е неспорна и мора да резултира со соодветни санкции (само да не биде писмена опомена?). Неводењето сметка за можните последици и реакции во средината каде се емитува самата „рекламна“ содржина е сериозен сигнал дека одговорноста на медимите оддамна е помножена со нула, и засега, нема фактор во Македонија кој пројавува намера да го сопре овој процес (особено кај заштитените и осилени на пазарот провладини медиумски прирастоци).

Да не одиме подалеку во смисла на светски норми и стандарди во разгледување какви пенали направи Канал 5, ќе се задржиме само на неколку ставки од Законот за радиодифузна дејност и Кодексот на ЗНМ (меѓу многуте други) со кои си поиграа и буквално го избришаа патосот со оваа себична и манипулативна постапка:

-Повредено начелото за радиодифузна дејност  за вистинито информирање (член 8).

-Рекламирањето и телешопингот треба да бидат вистинити и чесни, да не ја заве­ду­ваат јавноста…(член 87).

-Рекламирање и телешоп не треба да прикажуваат, визуелно или тонски, лица кои редовно презентираат вести и актуелни информативни емисии (член 105).

Во делот на поигрување со следните етички ставки на медиумско-новинарската дејност заради тесни комерцијални побуди треба да се споменат:

Основна задача на новинарите е да ја почитуваат вистината и правото на јавноста да биде информирана….новинарите ќе бидат чесни, објективни и точни. Право и должност на новинарите е да го спречат искривувањето на вестите. – Новинарот треба да објавува точни, проверени информации и нема да прикрива суштински податоци и да фалсификува документи.

Веројатно целосно наведување на сите ставки и норми кои беа прекршени секако ќе одземеа премногу простор, но можете да ги додадете во коментарите.

За жал реалноста во Македоније е дека некои сериозни и многу важни вредности на демократијата и плурализмот мора да ги учиме по пат на „грешки и санкции“ (како што беше лекцијата за приватност на докторките од скопскиот Ургентен центар), така што во овој случај делот со последици и санкции мора да биде особено подвлечен. Одговорноста на медиумите во нашата средина е болна точка, и покрај поставувањето (по кој знае кој пат) на добро познатата дијагноза, крајно време е за ефективна терапија.

Обновено (17:30, 21.6.2012):

 СРД: Советот за радиодифузија на ТВ Канал 5 денеска ѝ изрече мерка „три дена забрана за рекламирање и телешопинг“, поради емитување на промотивен рекламен спот на 20 и 21 јуни, со кој беше прекршен Законот за радиодифузната дејност. Анализата на емитуваниот промотивен спот, којшто имал првична цел да најави нова серија, покажа дека ТВ Канал 5 ги има прекршено членот 87 од Законот за радиодифузната дејност, односно овој радиодифузер емитувал рекламен спот за самопромотивни цели, кој е невистинит (лажна авионска несреќа) и ја заведува јавноста (емитување промотивен спот во форма на вонредни вести). СРД констатираше и прекршување на законот со тоа што ТВ Канал 5 во реклама за самопромотивни цели користи лице кое редовно презентира вести со што е прекршен членот 105 од законот.
Итната седница на СРД беше одржана поради големиот број претставки од граѓаните, коишто се почувствуваа вознемирени од промотивните рекламни спотови.
ЗНМ: Канал 5 го стави економскиот интерес пред јавниот
Советот на честа денеска ја осуди постапката на Телевизија Канал 5, која во своите вести објави информација за наводна авионска несреќа, без да соопшти други детали. Подоцна се извини признавајќи дека направиле „несмасна“ реклама. Советот на честа смета дека станува збор за злоупотреба и груба дезинформација со која својот економски интерес Канал 5 го става над јавниот интерес. На овој начин Телевизијата предизвика страв и заблуда кај граѓаните и тоа свесно, за да изрекламира своја емисија (Утрински весник, 21.6.2012).

Медиуми ли се медиуми?

ДЕФИНИЦИЈА:

Медиум – Средство за масовна комуникација кое служи за информирање на јавноста.

Ако ја земеме оваа дефиниција (една од многуте) како образец да видиме што тоа кај нас се нарекува медиум, испаѓа дека многу од нив и не се баш медиуми. На повеќето не им е гајле за јавноста и нејзините интереси, а уште помалку за тоа професионално да ги информираат, а овие да имаат некој аир од тоа. Некои се далеку од масовни, а некои наместо информации пласираат зафрканции или трошки од информации забиберени со еден тон бизарности или тривијалности.

Како-и-да-е, низ локални искуства може да предложиме една структурна класификација која е далеку поверодостојна во однос на она што овие јавни колективи прават кај нас, сега и овде. Кој каде спаѓа и припаѓа одредете сами (а некои и ќе се препознаат, безбели :)

Вечер фатен во кражба, пак…

Продолжува лошата локална пракса, на трудот и на објавените содржини на локалните блогери да не им се оддава признание и заслуга за цитирање и преземање. Во центарот на контроверзите повторно е „Вечер“ за жал, а еве го и последниот случај:

На 11 март, 11:29ч., на блогот, „Аргументиран Блог“ објавен е постот под наслов „Политичка неинвентивност“ околу билбордот на кандидатот за градоначалник на Карпош, Стевче Јакимовски (треба да се става г-н пред кандидативе?). Истражувачкиот труд на блогерот си е фино изнапишан, баш во духот на името на блогот:

Но, понекогаш или не работи креативноста, или кандидатот воопшто нема поддржувачи, или едноставно неговиот тим за кампања го мрзи да најде и нареди автентични фацки во позадина на кандидатот. Еве еден класичен пример.

Како и да е, „Вечер“ правејќи типично хипер хипо-кризично салто мортале, го „презема“ текстот и сите информации, без да наведе извори и го објавува во своето издание од 13 март 2009, и уште го обвинува кандидатот на опозицијата за истото она што самите го праваткражба:

Срамно е за една маркетинг агенција, која себеси се прогласува за една од водечките во земјата, да краде за избори плакати од некоја реклама во Данска. Срамно е и за Стевчо кој очигледно гледал само што поевтино да помине за изборите, па човекот сега се смешка од чист плагијат пано.

Додека за неинвентивноста на маркетинг агенцијата навистина може да се полемизира, барем групна фотографија и врз неа малку шминка не е проблем во денешни услови, за кражба сепак не станува збор. Самата агенција (ИДЕА ПЛУС) го прави она што и често се прави во маркетинг светот, си купува т.н. „stock“ фотка, која си ја плаќаш за да ја користиш, по сопствена употребна заинтересираност, но која пак е „royalty free“  фото-содржина за која немаш ексклузивни права. Еве го и изворот (Crestock.com), па ако ептен ви се бендиса може и вие да си ја кандисате за „шаку долара“.

Она што овде е вистински проблем е леснотијата и паушалноста со која новинарите („новинарите“) и уредниците („уредниците“) се расфрлаат со политички мотивирани пораки, и неаргументитани обвинувања (среде избори) и тоа на начин навредлив за интелигенцијата на јавноста (народот). Срамно е тоа, а и смешно, што авторите на блоговите кај нас имаат поголема одговорност и степен на аргументираност од оние кои треба да се професионалци во јавниот комуникациски систем и кои живеат од тоа.

Ре-објавување: Заработка преку блог!

Да се стартува блог е бесрамно ефтино и едноставно, постојат огромен број бесплатни сервиси каде за пoмаку од две минути може да се направи пристоен блог. Од друга страна пак да се заработува со блогот е вистински предизвик.

Continue reading

ADLog назад меѓу живите

Некаде на почетокот на оваа година се појави првата фракција на блогов, ја нарековме ADLog и и поставивме цел да собира локална и регионална креатива, рекламна се разбира, со цел промоција и подигнување на нивото.

Некаде кон крајот на август, некој куршлуш од непознати видови го умртви блгот, т.е. го направи недостапен. Вчера успеав да го лоцирам и елиминирам, и сега блогот е назад во живот.

Но, ADLog од вчера има уште една новина. Има уште еден автор. Марјан Забрчанец. Тој е автор на блогот Големата Слика и дел од креативната индустрија. На мој предлог, вчера, за неколку секунди реши да стане дел од овој блог.

Епа доста е читање, ајде трк да на блогот и не заборавај да го ставиш и него во твојот омилен фид ридер. Ние ветуваме нема да го полниме вашето сандаче многу често :)

Уф, колку сме далеку

Без некој посебен концепт, еве само неколку линкови кои убаво посочуваат колку нашите онлајн медиуми (или општо медиуми) се далеку од нешто што се вика онлајн (мултимедијално) новинатство.

Continue reading

Дали вашата компанија е подготвена за блог?

Пред да се донесе одлука за корпоративен блог мора да се земат предвид неколку основни работи, се со цел да не се помине низ негативно искуство, затоа што сите кои поминале малку време во некоја блогосфера знаат дека може човек и да се изгори.

Continue reading

Авторот е уредник на блогот…

Пред некој ден, листајќи, да не речам читајќи Нова Македонија налетав на еден текст во секцијата со ставови, колумни, писма и сл. потпишан име и презиме горе лево, а на дното пишуваше Авторот е уредник на блогот…

Не можев да сфатам. Што уредува тој автор? Блогот е http://capitalism.blog.com.mk/ и колку што можам да видам има еден автор, не дека ако има повеќе би можел да видам бидејќи blog.com.mk не овозможува повеќе автори на еден блог. Значи може да претпоставам дека се уредува сам себе т.е. своите постови, а во сајдбарот видов дека има вкупно 17 написи од кои 15 се колумните објавени во дневнит весник Нова Македонија каде и јас го најдов.

Може кревам прашина без потреба ама мислам дека не е многу да се очекува ако некој се наканил да користи блог како форма за објавување на содржина на интернет претходно да се запознае со природата на медиумот. Не верувам дека иститот тој уредник би испратил видео за да му го испечатат во весник.

Линкот до Нова Македонија не е од најновата колумна, бидејќи не можев да ја најдам архивата на сајтот па го ставив првиот кој ми се појави на пребарување на Google. Дополнително на сајтот не го видов ни името на авторот, па затоа и не го наведов, (го најдов на блогот го пишувало: Виктор Трифуновски) жалам весникот не ми е при рака.

Нова Македонија со нов сајт

Претпоставувам дека не е уште легната топката, како што обично кај нас бива, па затоа нема да коментирам на прва. Ќе почекам некое време да се стабилзираат, да фатат ритам и што се вика малку да го осетат (новинарите) новиот концепт на интернет изданиево.

Continue reading

Beyond Blogging: Macedonia: Exploring new media

Под овој наслов деновиве локалниот тинк-танк Аналитика го објави својот последен од серијата информатори кој излегуваат редовно повеќе од една година.

Newsletter_JULY_2008_AnalyticaИстиот е целосно на англиски, не е многу голем и е наменет за поширока публика, па току затоа и не навлегува многу во детали. Пдф верзија може да се преземе од сајтот на Аналитика или директно:  Beyond Blogging:Macedonia: Exploring new media (pdf).

Изминaтиов период забележувам мал подем на тинк танк oрганизациите во МК, а осoбенo ме радува што дел од нив почнуваат по малку да се занимаваат и со медиумите, поточно новите медиуми и технологии и нивната општествена поврзаност.

Локални интернет новитети

Во последниве неколку месеци има најави за големи промени во локалниот медиумски свет. Се разбира во предн план се телевизиите, но на моја радост, има некои новини и за онлајн светот. Епа со ред, да споделам она што го знам, ако некој има дополнителни информации, коментарите се отворени :)

Continue reading

T-Home MK сo реклама на Facebook

Ми требаат 20 клика за да ја добијам книгата :) Јован одлично забележал и изанализирал за рекламирањето на Т-Home на Facebook.

Но денес бев изненаден не само од огласот на македонскиот Телеком на Фејсбук туку и од констатацијата дека и покрај генералните трендови кои се против рекламирање на овакви сајтови, Т-Хоме всушност може да има поголем бенефит отколку просекот, па и да добиеме успешен случај / приказна. Еве на кратко зошто го мислам тоа:

  • Рекламирањето на социјалните мрежи се прави најмногу за брендинг. Телеком континуирано има буџет за овој вид на кампањи.
  • Телеком најверојатно има доставено опсези на ИП адреси (како на нивните така и на конкурентите) и претпоставувам дека кампањата е таргетирана на национално ниво. Со тоа не се губат пари вон границите на пазарот.
  • Посетителите на фејсбук се млади, претежно учени луѓе кои интензивно користат интернет и останати комуникациски услуги.

Пред извесно време читав за порастот на рекалми на Facebook и во Cрбија. Драган имаше наведено неколку едноставни причини (делумно важат и за МК) за зголемениот број реклами:

Razlozi za to su jednostavni:

  • Facebook.com je jedan od najposećenijih sajtova u Srbiji.
  • Kada korisnik koji ima šta da oglašava vidi na Facebook neku domaću reklamu, proverava na koji način da to i sam uradi.
  • Oglašavati se preko ovog servisa je veoma jednostavno, i nije skupo, ako se oglašava po principu plaćanja po kliku. Ovaj sistem oglašavanja je poznat onima koji se oglašavaju preko Google-a, E-target-a i ostalih sistema kontekstualnog oglašavanja.

Рекламирањето на Facbook засега е најефтино по клик, но таргетот тешко се гаѓа. Од скромнотo искуство кое го имам во моментов за во Македонија би препорачал Adwords. Убаво е што и таму може да се одбере локален таргет и да се одберат добри клучни зборови кои кога ќе се ограничат само на посетители од МК, воопшто не чинат многу.

Е сега, тука се јавуава и друг проблем. Каде има вакви реками? Зборувам за сајтови со локална содржина. Колку и да се појавува вашата реклама на сајтови од ахглиско или друго говорно подрачје, сепак голема е веројатноста дека ќе огласувачот ќе посака да се појавуа, по истиот систем на клучни зборови, и на релевантни локални сајтови.

Убаво е што работите се движат напред, и што адвертазинг колачот добива дел за онлајн рекалми, бидејќи токмо тоа беше посочено вчера како важен фактор во развојот на локалните информативни сајтови.

п.с. Ми требаат 20 клика на линкот зад сликат со книгата, за да ја добијам. Ќе ја споделам. Кликај.

Веродостојноста на локалните медиуми

Во вчерашен Вест има два вакви наслови

Странци ни ја кројат историјата-филмови, па мастурбирал пред децата

Милошоски се надева на датум за преговориаа со метли

Continue reading

Балканските блогови на Pods and Blogs на BBC 5 радио

Pods and blogs is an hour of radio dedicated to covering the news as it’s seen by bloggers, podcasters and the citizen media. It’s our attempt to report the news members of the public are creating, discussing and sharing across the world thanks to the internet. (source)

Во последанта епизода, од 26. мај, последниот прилог е посветен на балканската блог сцена. Се разбира благодарение на Robin Hamman кој направи неколку интервјуа за време на Glocal 2.0

Pods: Futurology, Nomnomnom and Blogs in the Balkans, 26 May 08
Travel to dangerous places, a futurologist compares 1998 and 2008, Nomnomnom and blogs in the Balkans (source)

Сега за сега mp3 од епизодата има на сајтот на BBC, но наскоро ќе ставам уште еден линк затоа што мислам дека таму се достапни една недела: Pods: Futurology, Nomnomnom and Blogs in the Balkans (mp3 12MB)

Во прилогот покрај мене, нели ;) учествуваат и Драган Варагич (Србија), Ведран Обучина (Хрватска) и Зоран Ричлиев (Македонија).