Posts tagged web

Сурфање на мобилен – солидна опција за вашиот блог

Минатата година додека бев на одмор, во Охрид, прв пат имав прилика, сериозно да испробам и користам интернет преку мобилен. Немам некој скап и современ мобилен, не е тоа за мене, користам Nokia 6030. Но лани ја открив одличната верзија на прелистувачот Opera, OperaMini.

Сепак, колку и да е добра оваа прилагодена верзија голем дел од сајтовите не се направени да се сурфаат на екран кој е премал. Решението, од технички аспект не е лесно. И најчесто си го дозволуваат само поголемите, побогатии и попосетувани сајтови. Тие прават нови адаптирани верзии од своите сајтови и ги промовираат новите адреси кои треба да се втипкаат на мобилен, или пак вградуваат систем за автоматско препознавање и автоматски пренасочуваат до верзијата пилагодена за гледање на мобилен телефон.

Е арно де, ама што да прават помалите, понеписмени обезбедувачи на содржини?

MoFuse: Create a Mobile Website Mobile Site BuilderВечерва, во еден tweet на Владо видов дека си направил верзија за мобилен за својот блог на сервисот MoFuse. Појдов таму, направив и јас за овој блог.

Го зедов мобилниот за да видам како изгледа таму блогов. Ми се допадна, бидејќи навистина убаво го преработува блогов и го прави лесен за прелистување и читаење.

komunikacii_mobileСледно: направив подомен на адресата на блогов: m.komunikacii.net и на него ставив пренасочување до оригиналното место каде MoFuse ја стави верзијата за мобилен од мојот блог: http://komunikacii.mofuse.mobi/.

Резултат: ако сурфте од мобилен, блогов посетете го на M.KOMUNIKACII.NET.

descalimer1: не сум експерт за тоа техничкиот дел со веб страни за мобилни затоа аконешто сум утнал кажете.
descalimer2: муабетов не држи во денешно време кога iPhone и неговиот Safari го изменија сурфањето на мобилен од корен.

Update1: MoFuse има башка верзија за iPhone. Добра е :), погледнете го овој блог на iPhone

Upadte2: Изгледа во исто време сме пишувале пост за иста работа и јас и Paul Bradshaw. Ама тој не се затрчал одма да објави па го рагледал подетално MoFuse. Еве уште некои работи кои ги може сервисов.

  • детекција на посета од мобилен и автоматска редирекција (потребно е да се вгради код во блогот кој го обезбедува сервисов) – што значи мојот поддомен е непотребен 🙂
  • Обезбедува статистика за посетите, реферинг линкови и сл.
  • Може да се променат боите и доменот

Тој дополнително посочува како може да се користи сервисов од новинарска гледан точка. Детали на неговиот пост: Create a mobile version of your site in seconds

Сервиси за веб статистика – споредба

Во многу различни погледи сопствениците на блогови и сајтови се чувствуваат среќни дека користат некој сервис за шпиунирање т.е. за броење на посетите де.

Кога еднаш ќе се искусат благодетите на некој ваков сервис, незамисливо е да се продолжи без него. Како на нитуеден друг медиум, на интернет најефтино, најдиректно и релативно прецизно може да си ја запознае човек своајта публика.

GoogleAnalytics го раздрма пазарот пред некое време, и сеуште трча напред пред конкуренцијата, но тој не е единствениот кој собира голем број на податоци кои ги оставаат посетителите на еден сајт. Јас лично од порано го користам StatCounter и сум сосема задоволен, иако знам дека GoogleAnalytics има некои подобро спакувани опции.

Откривањето на бројот на редовни посетители, времето на задржување, земјата или сајтот од каде доаѓаат посетителите на еден сајт како и ред други податоци може да помогнат многу во оптимизацијата, избор на содржината, уредувачката политика и сл. на еден сајт.

Пред некој ден налетав на една табела во која рамо до рамо се поставени неколку од најпопуларните вакви сервиси. Табелава ја најдов како промоција на сервисот PerformancingMetrics кој го нуди компанијата Performancing. Баш затоа мора да се разгледува со претпазливост бидејќи таа вели дека нивниот производ е најдобар, но не гарантира дека се скриени некои од можностите на другите сервиси.

Во секој случај, добар преглед кој може да помогне во избор на сервис кој ќе ги шпиунира посетителите на твојот блог или веб сајт 🙂

Кликни на табелата за поголема

Web_Metrics_comparison

 Кој сервис го користиш ти и зошто баш него?